2- مقدمة إلى الـAnimation

[هريدي يابووووي]

الإخوة الأعزاء..
و في موعدنا.. نستكمل معا رحلتنا مع عالم المايا..
المرة اللي فاتت كانت مقدمة عامة..
المرة دي هانشتغل في مشروع صغير بحيث ناخد منه فكرة عامة عن الأنيميشن في برنامج مايا..
المرة دي مافيش فيديو .. ملف PDF بس..
و تقدروا تنزلوه من هنا (http://www.mooga.com/haridy/maya/2/ch3.rar)

[T_KHA83]

السلام عليكم ورحمة الله وبركاته


جزاكم الله خيراً ياحاج هريدى , اسأل الله ان يجعل هذا فى ميزان حسناتك .

انا كان عندى سؤال صغيور

مدة الدرس دا هيبقى اسبوع زى ما كنا والا اسبوعين ؟ عشان اعرف بس انظم وقتى على أد المده

المشروع اللى هنعمله فى الاخر دا فى ملف pdf والا انت هتقول عليه بعدين؟ , اصلى لسه بنزل الملف ومش عارف .

وياريت ترد على رسالتى اللى بعتهالك على الخاص :maaaad: عشان محتاج اللى فيها ضرورى جداً , والا عايزنى ابعتلك فرقة الاغتيالات بناعت نقابة الطخان kalapezo team , برحتك يعنى :chr24: , الرجال قاعدين بقالهم 6 اشهر خليين شغل .


جزاكم الله خيراً , واسألك الدعاء

[هريدي يابووووي]

:sniff: التفاصيل جوة الملف يا طيخا

بالنسبة للمدة فهي هاتبقى درس واحد كل أسبوع ان شاء الله..:flowers:

[hook007]

ممكن تحطوا لينك لبرنامج Maya 6 ده علشان نطبق

يعني موقع ننزله من و نجبله كراك حتي يا ريت بسرعه




شكرا جدا يا استاذ هريدي و كان عندي طلب منك طليطه كتير لكن انتا مش بترد عليا


انا عايز اخير اسمي من hook007 الي smaRt Fox

[khnefar]

Salamu 3alikom ya gama3a
ya akh haridy lw sama7t momken t2oly enta gbt mneen el videos lw msh 3aiz tgeeb videos 3l2ahwa fe elmar7ala eltania la2ny ba3tmd 3aliha aktar mn el Pdf file
we lw momken tktb ellink bta3ha
wa shokran

[تقي الدين]

ممكن تحطوا لينك لبرنامج Maya 6 ده علشان نطبق

يعني موقع ننزله من و نجبله كراك حتي يا ريت بسرعه


جرى ايه يا جماعة :maaaad:

ماحنا كتبناه ميت مرة :أخخخ:

روح موضوع حد عاوز يتعلم 3d design and animation? (http://www.haridy.com/ib/showthread.php?t=40059)

وانت هاتلاقيه :viking:

شكرا جدا يا استاذ هريدي و كان عندي طلب منك طليطه كتير لكن انتا مش بترد عليا


انا عايز اخير اسمي من hook007 الي smaRt Fox
لو سمحت.....ماطلعناش من الموضوع :maaaad:

وابقى اقرا الشروط والقوانين كويس في الموضوع :closeeye:

[mohheader]

السلام عليكم
:)
مشكور استاذ هاريدي
هذه محاولتي :drop:
http://uploads.savefile.com/users/uploads/blast2_000.zip

[endless_30]

al salamo 3aliokom ya gama3a
sorry ia m so late to join that group and i am really so serios tolearn that programm ..
i have version 6 but i need teh serial or teh crack .. please any one have it send it to me .. also i will do my best 3alashan al7a2 rakb el kafela
ed3olly ya gama3a .. especially el derasa wa7'da kol wa2ty .. shokran awy leharidy 3alael fekra el momtaza we lekol el nas elly mosh beteb7'al be3elmaha ma3 7ad
salam :tu: :انجغة:

[endless_30]

:chr58: welnaby ya gama3a 7ad yerod 3alaya besor3a asly 3awez al7a2 :انجغة:

[هريدي يابووووي]

ممتاز يا mohheader :tu:
حدش قال كمان؟:knight:

[هريدي يابووووي]

بالمناسبة يا أخ mohheader .. ملف الفيديوفيه حاجة غريبة.. ممكن اعرف حضرتك طلعته ازاي؟

[abozeed]

والله يا هريدي انا شكاكك في محمد حيدر ده


لو هو اللي في دماغي يبقى اهلا وسهلا بيه بجد

وكان يقول

لان محدش يعرف في الاخوه كلهم شغلهم بالشكل ده

لانه لسه ماتقالش حتى!!!!!!!!!!!!!!


مش غريبه دي يا حيدر ولا ايه؟؟؟؟؟

[mohheader]

:) اهلا عزيزي ابو زيد
its me ان لم تكن تعرف محمد حيدر غيري
وتسلم على الترحيب ورردة

[abozeed]

يا سيدي اهلا وسهلا بيك

بس مش كنت تقول كنا حطينا الشاى على النار


ومعذره لحذف الطريقه بس علشان عدم التشتييت :)

[mohheader]

:) خذ راحتك ياعم
بس المهم هاريدي باشا ميفتكرش اننا طنشنا ولا حاجه

[شيما]

على فكرة انا نزلت الفيديوا بتاع الأخ حيدر بس ما اشتغلش
يا ريت أعرف ازاي يشتغل
تحياتي

[cobra]

معلش لانقطاعى عن الموضوع
المهم
هو اختلاف النسخ يعمل فرق فى الشغل؟
انا معايا مايا 5 انلمتيد
ومش عارف اشغله جربت الكراك والينس بتاعة برضة نفس المشكلة
يا ريت حد يقولى اعمل ايه



مستنى الرد

[mohheader]

السلام عليكم
الاخت شيما
الملف يحتاج الى divx codec
وده كوديك للافلام وهو منتشر قوي لصغر الافلام التي يكونها
عموما هذه النسخه بدون كوديك اصلا قبل الضغط 42 ميجا وبعد الضغط 600 كيلو تقريبا :tu:
http://uploads.savefile.com/users/uploads/blast12.zip

الاخ cobra
اختلاف النسخ الان لا يعمل فرق اطلاقا على ما اظن فالدورة حاليا في الاساسيات :)

[abozeed]

بالنسبه للاخت شيماء هو مضغوط بكوديك Divx فالكوديك اللي انا حاطه في الدرس اللي فات هيشغله ان شاء الله



اما الاخ كوبرا فكراك مايا خمسه عندي ابعتلي ايميل وانا ابعتهولك ان شاء الله
او دور في اى موقع كراكات


:)

ربنا معاكوا كلكوا جميعا ان شاء الله

[cobra]

طيب انا عايز اشغله ومش عارف اول مرة برنامج يقف فى وشى بالشكل دة
عايز اكتيفيشن كى ومش معايا اعمل ايه
جربت الكراك وحطيت الملف aw.dat زى ما قالو وبرضة مش فالح

[hook007]

يا تري في مكان تاني انزل منه مايا لان المكان ده


مش نافع سورس تاني يعني

[endless_30]

hi hook
feeh barnameg esmo Ares momken tenazelo men mawke3 download.com .. dah file sharing .. momken tegeeb meno maya 6 we el crack amro sahl 7ab2a ab3atholak lama tegeeb el source

[abozeed]

لو سمحتوا يا جماعه
الموضوع ده للدروس ومناقشات الدروس فقط


اللي عايز اى حاجه غير كده عنده الخاص يبعتلي عليه



بعد كده بجد انا هحذف المشاركات دي والردود عليها لان ده كده هيطول الموضوع اوي وهيشتت الناس :wub: :wub: :wub:



شاكر ليكوا جميعا

وشدوا حيلكوا عايزين نشوف الشغل

[doomaman]

thnx haridy and abozeed 4 ur efforts again, i wanted to tell u i looked 4 the book in the bookfair taking place these days but i couldn't find anythin about maya 6, it was all maya 5. Unfortunately, once the second term begins my exams begin, i'm already sittin 4 one next saturday (the first day of the semester). :o:chr58:

So, I won't b able 2 follow up, especially the upcoming lessons r ganna b tougher i expect, so can u help me with this situation? So sorry if this angers u but i'd prefer honesty than misleading u 2 understand i'm studying with the same rate of tutoring.

Plz reply, even if u decide 2 throw me out of the course!:sniff: Sorry again

[rahoma80]

Hi ya gama3a I want to Join U .. I'm sos seroious about it. Gazak Allah kol khir ya sa7eb elfekra.. I read the conditions of the joining to Maya learner teamwork but Actually I was late injoining since I lately knew about it. So would anyone help me in what already taken and what is required and how often should I check for new additives....etc.....
Wishing U all the best of luck
And Thanx in advance..
Reham
Roaina80@yahoo.com:chr43:

[abozeed]

Doomaman
please try to get a time every week to got the lesson and study it becuase Haridy will not agree that anyone be delayed :)


Rahoma80
Please read the perivous lesson carefully and If you needed anything in the perivous ask in Private message and all of Us will help you ISA



انا دلوقتي عايز افهم حاجه

فين الشغل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ولا واحد فيكوا خلص الدرس؟؟؟؟؟؟؟؟؟؟؟

[شيما]

انا رسمت المجموعه الشمسيه وعملت بلته الالوان بتاعت الكواكب ومش عرفه اجمعهم على بعض ووقفت لحد كده مشعرفه اكمل
:sniff: :sniff: :sniff:

[mohheader]

السلام عليكم
الاخت شيما هل المقصود تجميع اللون على الكوكب؟
اذا كان كذلك فان شاء الله بسيطه
1- يتم اختيار الكوكب
2- يتم الذهاب الى اللون وبالضغط بالزر الايسر عليه وباستمرار الضغط ( الضغط مرة واحدة وعدم الرفع ) ثم اختيار assign material to selction
بتكون فوق الفارة مباشرة بعد الضغط بالزر الايسر ( اذا كان في مكان )

وفي طريقة ثانيه بس يارب مكنش بذلك اخالف شرط عدم التشتيت !
وهي سحب الخامه ( اللون ) بالزر الاوسط للفارة ووضعه مباشرة على الكوكب

[شيما]

هو أنا ترجمتها بس ما فهمتهاش :drop:
لي ثؤال تاني بعد إذنك وأكون شاكرة جدا ليك :chr58:
ازاي أمسح keyframe انا عملته
وبالنسبة للحركة عملتها في ثلاثة كواكب بس :sniff:
وكانت النتيجة
الأول مظبوط
الثاني الحركة معكوسة
الثاني مرة يمين ومرة شمال :closeeye:
معلش بتعبكم معايا بس يا رب بفيدة أحسن أنا قربت أيأس :hot: :surrender

[abozeed]

الأخت شيما

هتيجي عند الـفريم اللي معمله set key في الـ Time Slider تحت اللي هو بيببقى بالشكل ده
http://www.geocities.com/abozeed83/shema.jpg

وتدوسي كليك يمين بالماوس وتفضلي داسيه وتختاري Delete

بس اى خدمه :)

في طرق تانيه هتعرفيها قدام ان شاء الله

[abozeed]

ان شاء الله يا جماعه للي عايز يحط الشغل اللي عمله يضغطه عن طريق برنامج

Winzip (http://download.winzip.com/nn/winzip90.exe)
Winrar (http://www.rarlabs.com/rar/wrar342.exe)

ويعمله باسوورد ويبعتهالي على الخاص

ويلا

المفروض بقى كلكوا تبعتوا على بكره الصبح ان شاء الله

الاسبوع خلص اهو

[شيما]

انا حركت الكوكب حولين الشمس ومعاه الاقمار بتعته البتلف حولين نفسها بس مش بتلف حولين الكوكب
وشكرا على تعبك يا ابوزيد

[abozeed]

يا اخت شيماء انا مش هقدر اقول اكتر من اقري الملف بتركيز هتلاقي فيه الاجابه على سؤالك
وخصوصا من صفحة 75 اللي هيا صفحة 9 على اليمين في الملف


ولو احتاجتي اى حاجه برده احنا موجودين :)

[noona]

salamo alykom,
i just finished the exercise, and i'd like to thank abozeed for all his help and putting up with my stupid questions,
here is my end result
http://s27.yousendit.com/d.aspx?id=0F9ZZXPUXMM822VFDTKJIP7HFK
thanks for all those who help out in that workshop
jazakom allah 7'airan

[شيما]

شكرا يا ابوزيد تعبتك والله بس الحمد لله وصلت لاجابه السؤال اخيرا كان فى غلط عندى فى الترجمه
حرفع الملف قبل ميخلص النهردة انشاء الله

[abozeed]

Gr8 work noona
:) :)

اوكي يا شيماء مستنين

[عروسه البحر]

اعلنت قناة هريدي الإخبارية عن انتهاء المشاغبات الثلاث:tu:
شيماء :twee:
سنابل:chr24:
عروسة البحر:chr58:



دقي يا مزيكة :coral:



معلش يا مثتر هريدي مشركة مش في الموضوع قوي :surrender



بس الفرحة بقى تقول إيه :hot:

[صغنونة]

http://s17.yousendit.com/d.aspx?id=1NFW3WFZ0E2VI3O3BH0JDVCP1O

[mohheader]

ايه ياجماعه بقينا يوم الاثنين ؟

الوم مين ؟
الاعضاء المتأخرين ؟
ولا المعلم هاريدي ؟

[GENEEN]

:sniff: :sniff: :sniff: :sniff: :sniff:
:sniff: :sniff: :sniff: :sniff: :sniff:
:sniff: :sniff: :sniff: :sniff: :sniff:
:sniff: :sniff: :sniff: :sniff: :sniff:
:sniff: :sniff: :sniff: :sniff: :sniff:




انا خلاص هاتطرد :hot:

[هريدي يابووووي]

الضرس الجديد أول حودة ع اليمين (http://www.haridy.com/ib/showthread.php?p=448815#post448815)

[shody20]

طيب أنا خلصت التمرين دة من الجمعة اللي فاتت بس للأسف ما قدرتش اقول ..
اطريت أمشي على طوول لحسن أتسجن..
المهم ...
عندي سؤال.. احنا دلوقتي عملنا المجموعة الشمسية و ربطنا الأقمار بالكواكب و خلينا الكل يلف حولين نفسه و كمان يلف حولين الكوكب بتاعه و كمان يلف حولين الشمس

اللي عايز اقوله .. هو مش ممكن نتحكم في سرعة كل كوكب؟؟
عشان تكون المحاكاة بجد... و بعدين كيفية عمل محاكاة للفضاء نفسه ... يعني نجوم و لون أزرق و كدة..
الحاجات لسة بدري عليها و لا ايه النظام؟؟؟
عموماً أنا بنزل الدرس الجديد و ربنا يسهل على يوم الجمعة يكون خلصان " آز يوجوال"
و ربنا يسهل

تحياتي للجميع و جعله الله في ميزان حسناتكم و أدعوا أن يصل الجميع لأحلامه

[mohheader]

السلام عليكم اخي
:)
اخي بخصوص سرعة الكواكب فيتم التحكم بها بعدد الدورات في الثانيه مثلا
يعني بدل ما تعمل 720 في ال rotate
استخدم رقم اقل للتسريع ورقم اعلى للتبطيء
:)

بخصوص النجوم والكلام ده كله فلسه بدري :)

[فرقاني]

السلام عليكم ورحمة الله وبركاته


سؤال سميييييييييييييييييييييك :brb: شوي


بس

يلي اجا هلاء يعني

بالمصري


جيه متاخر

يعمل ايه ؟

لانو جايه على بالي اتعلم هالبرنامج لاني بحب هالامور
ف ......


شو بعمل ؟


السلام عليكم

[abozeed]

راجع الموضوع ده بتأني:

http://www.haridy.com/ib/showthread.php?t=40059

[memoragaa]

السلام عليكم ورحمة الله وبركاته يا جماعة
اخويا العزيز هريدى واخويا الصغير التانى ابوزيد عاملين ايه طبعا هريدى ميعرفنيش بس انا عارفه من زممااااااااااااااااااان المهم انا كنت كلمت ابوزيد بتاع المايا على موضوع دروس فى الشبكات للناس بتوع القهوة وشكله طنشنى المهم انا بعرض عليك الموضوع وقلى رأيك ايه فى الموضوع ده


اخوكم محمد رجاء
مهندس على قده فى الشبكات
المنيا

[abozeed]

اخ memoragaa

هنا مش مكان للكلام ده

ممكن ترسلها على الخاص للريس هريدي
وهو يرد عليك

لكن هنا للتعليق على الدرس وفقط
مع التحية

اخوك احمد

[memoragaa]

السلام عليكم
انا بعتها بالفعل على الإيميل للريس هريدى لكن مردش عليا



اخوك memoragaa