أمـّـايـــــــا

[محمد فارس]

أمـّـايــــا"1"
000
حُروفك راكزة جُوّايـا
ويوم أعْيـا
طبيبى هىّ ودوَايَـا
كلامك لىّ فـ0 الاول ومن صُغرىِ
إمشىِ طريق يكون دُوغرىِ
تِصَلّىِ الفرض فى وقته بدون تأخير
ويوم تُصرف فى أموالك تكون فى الخير
وفى دروسك تكون شاطر
وبخروجك تكون فاطر
ويوم تِزعَل 00تفضفض لىّ ياضَنايا
دا لو يوم هَمْ يحصَلّك
وقبل كتير مايوصلّك 00بكون حسّاه
بكون شايفاه 00بقلبى جُوا فى مرايا
000

[محمد فارس]

أمـّـايــا "2"
000
أمّايا00
انا لفّيت فى دُنياتى
وشُفت كتير 00وبُكره كمان كتير آتىِ
ويوم أرجع وَشوف وِشّك
وأشمْ حنان هَوا عِشـّك
أحس ان انا عايش
ولى قيمة ومش طايش
واقول يادنيا إيه قيمتك وإيه قيمتى
" بعيد ع الام00
مفيش قيمة يادُنيا حتى لو دُمتىِ
بعيد ع الام 00أنا مُذنب
ولو أعلنت يوم توتبتىِ
بعيد ع الأم أنا فى حيرة
ولو يادُنيا لى طيبتىِ "
000

[محمد فارس]

أمّــايـا "3"
000
000
حنانك كان مغَرّقنى وَنَا صُغَيـّر
ولمـّـا كبرت 00حنانك لىّ مــ0 تغَيـّر
" نجوم الليل لو بتنام ، عيونك انتِ مَتنَـمْـشـىِ
نجوم الضُهر لو بتبان00دموعك انت مَتبَنْـشـى "
ولما تكونى تعبانة00على وَجهك اشوف بسمة فيها رسمة
بقلبى كنت اقراها
وقبل مَقولّك أمّـايا
أسمع أحلىَ ضحكاية
ومصدرها يكون قلبك كما العادة
ضحكة 00آه00تنسينى00ترسينى
"تِنَسّينى اللى كان مرسوم وَنَا شُفته
تِرَسّـينى اللى كان مقسوم ولا شُفته "
وبين لِتنين00أمانك كان يِطَوّقنى
حنانك كان يِفَوّقنى
ورود وزهور00
وبستان حُب من قلبك تِزَوّقنىِ
الاقيكى كما ضلّىِ
اشوفك ماشية قُدّامىِ
على يمينى
على شمالى
00000000 ووَرَايا
" أشوف نفسىِ عايش فيكى
اشوفك عايشة جُوّايا00
أمـّـايــا "
000
*********************

أمـّـايــا "4"
000
أنا فاكر ومش هَنْســىَ
كلامك لىّ بالهَمســَة
أنام وَصْحَــىَ وأنا بعيونىِ مِتْعَامْصَـة
ألاقيكى كما إنتِ 00عيون حارسة
عَند مخدتى جالســـة
أشوف ضَىِ القمر فيكىِ
نجوم الليل أناجيها
اقول ليها00
" نجوم الليل بناديكى
لياليكى00
لو محتاجة نور أكتر"
عيون أمّىِ تقيد ليكىِ00
تغَذيكىِ00
وقبل الفجر مايشقشق00الاقىِ الفجر فــ0 عنيكىِ
سنابل خير وطيور شادية بتزقزق
شموع للحب جُوّا قلوب بتتعَشّقْ
000

[حكاية حزينة]

مش جديد عليك الكلام الجميل ده
واضح انه من القلب
ربنا يخليهالك ويرجعك با السلامه ليها ولكل اللي بيحبوكيوه بقى ورردة






" بعيد ع الام00
مفيش قيمة يادُنيا حتى لو دُمتىِ
بعيد ع الام 00أنا مُذنب
ولو أعلنت يوم توتبتىِ
بعيد ع الأم أنا فى حيرة
ولو يادُنيا لى طيبتىِ "

[فلسفندي]

" نجوم الليل لو بتنام ، عيونك انتِ مَتنَـمْـشـىِ



نجوم الضُهر لو بتبان00دموعك انت مَتبَنْـشـى "
الكلام ده كبير يا زعيييييم:clap: :clap: :clap:
راجعلك على طول

بس بمضي حضور

راجع

كلام جامد والله .:huh:

جامد .........:hot:


قوي يعني .......


موش معايا يا خوانا ؟؟:sniff:


جامد جامد .....:tu:
.............. فلسفندي ................

[محمد فارس]

مش جديد عليك الكلام الجميل ده
واضح انه من القلب
ربنا يخليهالك ويرجعك با السلامه ليها ولكل اللي بيحبوكيوه بقى ورردة


اشكرك ياحكاية على المجاملة الرقيقة
اما الكلام فهو فعلا من القلب ومنذ فترة كتبت مطلع القصيدة وابت ان تكتمل الا وانا فى منزل العائلة بقنا0


تقديرى

[محمد فارس]

الكلام ده كبير يا زعيييييم:clap: :clap: :clap:
راجعلك على طول
.............. فلسفندي ................
وحشنى يابشمهندس والله
وشك حلو علىّ بجد
وانا فخور بتواجدك معنا
وفى انتظار عودتك ياريس

تقديرى

[موعوود]

عمي الكبير :clap:
روائع مسلسله ياعمنا
خد دي ع السريع وراجعلك تاني ياكبير

آهه

بأقولها من ألمي
وآهه
لأني وحداني
وآهاتي توديني
لدنيا الخوف
وبتجيبني هنا تاني
وأتلفت يمين وشمال
ألاقي نفسي وحداني
وأتألم ومين يسمع
صراخ القلب لو يدمع
واسترجع
زماني هناك
لأيام الهنا الحلوه
لغرفه صغيره
وبشباك
وانا من خلفه بااتفرج
علي الدنيا
وانا مسنود علي ايدك
وضحكه حلوه بتغني
وبتقولي انا سانداك
وماتخافشي
يا نور عيني من الدنيا
دا انا قلبي وعمري فداك
وارجع تاني لايامي وانا وحدي
مع ألمي
وقعت بس مش لاقي اللي عليه
بيسمي
وصار شوقي لأحضانك
يساوي آهة أوجاعي
نارين وبينهشوا لحمي
وانا وحدي في وسط الناس
ووحداني
طول ما انتي مش جنبي
يا فرحتي ودنيتي وقلبي
يا بهجة عمري
ياأمي

[جارة القمر]

يا غايب عن عيونى ومفارج نبض جلبى
يا ساجينى مر كاسى ولا مرة تحس تعبى
عاود يا ضنايا جنبى هتدوج طعم الهنا
وان مرة تفوت حشايا انسى النومة انا
والغربة يا جلبى واعرة ولايمحيها الرفيج
اصعب م المر صبرى يا شريد ضل الطريج
عاود يا صغيرى عاود واسمع رنة دموعى
على خد الجلب نازلة تحرج بطن النهار
وتصحى الشوج ليلاتى ولا اصعب واغلى تار
عاود يا ضنايا يلا وانسى طعم الفراج
هتلاجى العيشة تهنى والدار يصبح عمار
ايه الحلاوة دى يا فراس؟
بجد بجد الام دى نبع تانى
ربنا يديمها لك يا ولدى

[جمال النجار]

اخى العزيز محمد فارس

نقلتنى كلماتك الى حضن الام المصرية
وطيبتها وحنانها
نلقتنى الى حضن مصر الذى افتقده كثيرا رغم انى لم اغادر الوطن
نقلتنى الى الحب والحنان المجسد فى الام المصرية بكل طيبتها
ياه يا محمد
عشت فى كلماتك وغرقت فيها
انت مصرى صح
مصرى حتى النخاع
نفسى انقل روحك دى لسعين مليون مصرى بالاسم
نفسى الاقيهم كلهم محمد فارس
دمت لنا شاعرا عملاقا ونموذجتا يثبت ان مصر مازالت بخير
وانها كما انجبت الابنودى وامل دنقل مازالت تمتلك القدرة على انجاب المزيد من العباقرة الشعراء
جمال النجار

[بنت الماضي]

الله يا استانا
احكي وسمعنا
قول كمان
وعلى الصوت
خلي قلوبنا من النوم تفوق

الله يا استاذنا
امايا دي حكاية بحالها

[روميو_تريكس]

قولي بقي انت وموعود

ازاي الواحد يقدر يرد عليكم

يا جماعة راعوا ان لسة في ناس مبتئة زينا

اية يا عم الكلام دة

اية يا سيدي كل دة

انا ما اقدرش علي كدة

حاولت اكتب رد زي موعود مالقيتش كلام بعد كلامك

بجد انت حاجة مش حصلت واتمني اننا نكون اصدقاء

لو ممكن يعني

اخوك روميو_تريكس

[منار منجد]

أستاذي
الرائع
اللي - والله - خلص الكلام عنده
أنا بحب أمي
لأ، مش بحبها
بعشقها..
ولولا الحرام
قلتلك بعبدها

كل أم، موجودة هنا
في قصيدتك
وكل أم أتحبت..
حتتحب أكتر
وكل أم،
يافرحتها
لو ابنها
بيحبها
قد نص اللي في قصيدتك

رائع يا سيدي الرائع

[محمد فارس]

عمي الكبير :clap:
روائع مسلسله ياعمنا
خد دي ع السريع وراجعلك تاني ياكبير



آهه


بأقولها من ألمي
وآهه
لأني وحداني
وآهاتي توديني
لدنيا الخوف
وبتجيبني هنا تاني
وأتلفت يمين وشمال
ألاقي نفسي وحداني
وأتألم ومين يسمع
صراخ القلب لو يدمع
واسترجع
زماني هناك
لأيام الهنا الحلوه
لغرفه صغيره
وبشباك
وانا من خلفه بااتفرج
علي الدنيا
وانا مسنود علي ايدك
وضحكه حلوه بتغني
وبتقولي انا سانداك
وماتخافشي
يا نور عيني من الدنيا
دا انا قلبي وعمري فداك
وارجع تاني لايامي وانا وحدي
مع ألمي
وقعت بس مش لاقي اللي عليه
بيسمي
وصار شوقي لأحضانك
يساوي آهة أوجاعي
نارين وبينهشوا لحمي
وانا وحدي في وسط الناس
ووحداني
طول ما انتي مش جنبي
يا فرحتي ودنيتي وقلبي
يا بهجة عمري
ياأمي

موعود ياموعود
عارف انك اخرت تعقيباتى على الزملا ء بسبب انى حاولت ارد عليك شعر وعجزت0
ماشاء الله عليك وعلى سرعة تفاعلك واجادتكك وتوهجك
ماشاء الله على كل حرف وكلمة ومعنى فيها
000
موعود
اللى كتبته عمل متكامل ومستقل ويستحق ان يجد طريقه كمشاركة منفصلة فلا تتركها هكذا وفى انتظار ذلك
---
اشكرك من قلبى على التشجيع الدائم والتواجد الجميل والتفاعل الاجمل
لك تحياتى وفى انتظار كل حرف منك يااستاذى

[العائد-أبوسهيله]

محمد الجميل كتبت ف أجدت وهيجت على القلب رياح أشواق الى من رحل فلك التحيه وخذ منى هذه الابيات هديه
أمايا
لما بخش غيطان الونس اللى مخبيها فـ أحضانك
الاقينى بخاف صفصاف الريح
كانس تباريح الوجد
معبى اللحظه فـ عب الليل المسطور
مشطور بين قلمى ووجدانى
أنا نصى الاول والتانى
مجزوء الكامل بتعامل وكأنى زحاف
العيش الحاف كسر المنصوب
فـيدوب
تلاقينى بقطر حزنى فـ عين الفجر الجاى
أماى الجرح وسيع
والكون بقى سقف ما لوش جدران
والسقف المايل
بقى أيل
للفعل المرفوض فـ قاموسى
قلمى
أشعارى
ودروسى
والصبح
الفرحه
التواشيح
السكه
السكن
الكون
مجرور
مصرور
فـ ملايه فـ أيد هلافيت
طالعين السلم بالعكس

[محمد فارس]

يا غايب عن عيونى ومفارج نبض جلبى

يا ساجينى مر كاسى ولا مرة تحس تعبى
عاود يا ضنايا جنبى هتدوج طعم الهنا
وان مرة تفوت حشايا انسى النومة انا
والغربة يا جلبى واعرة ولايمحيها الرفيج
اصعب م المر صبرى يا شريد ضل الطريج
عاود يا صغيرى عاود واسمع رنة دموعى
على خد الجلب نازلة تحرج بطن النهار
وتصحى الشوج ليلاتى ولا اصعب واغلى تار
عاود يا ضنايا يلا وانسى طعم الفراج
هتلاجى العيشة تهنى والدار يصبح عمار



اختنا الفاضلة وشاعرتنا المتألقة جارة القمر
ايه الروعة دى
لا وايه00لهجة صعيدية اخر حلاوة
مداخلة ولا اروع ولا اجمل 00
مداخلة اعتز بها لعدة اسباب :-
الاول انها جاءت فى قصيدة محببة لى كتبتها بإحساس صادق
الثانى انها اولى مداخلاتك هنا منذ فترة طويلة
الثالث00اتقانك الشديد للهجة الصعيدية
الرابع وهو الاهم 00الشعرية والحرفية التى بها

---
اشكرك
مع تقديرى واحترامى ولا حرمنا مداخلاتك ولا تواجدك الدائم
وفى انتظار قصيدة جديدة لك تنير سماء عامى

[abo hamza]

أخي الكريم فارس لم أجد إلا أن أصمت لأتعلم ... لإن الثناء لن يوافي كلماتك حقها ولن أقدر أن أصف متعتي لقراءة أعمالك . تقبل تحياتي وتقديري لقلم مداده الإبداع .

[محمد فارس]

اخى العزيز محمد فارس

نقلتنى كلماتك الى حضن الام المصرية
وطيبتها وحنانها
نلقتنى الى حضن مصر الذى افتقده كثيرا رغم انى لم اغادر الوطن
نقلتنى الى الحب والحنان المجسد فى الام المصرية بكل طيبتها
ياه يا محمد
عشت فى كلماتك وغرقت فيها
انت مصرى صح
مصرى حتى النخاع
نفسى انقل روحك دى لسعين مليون مصرى بالاسم
نفسى الاقيهم كلهم محمد فارس
دمت لنا شاعرا عملاقا ونموذجتا يثبت ان مصر مازالت بخير
وانها كما انجبت الابنودى وامل دنقل مازالت تمتلك القدرة على انجاب المزيد من العباقرة الشعراء
جمال النجاراستاذى واخى الفاضل جمال النجار
لقد اغرقتنى فى بحر كرمك الذى المسه فى كلماتك وعايشته بنفسى حين تشرفت باللقاء معك0
نعم الاخ انت ونعم الصديق
انسان تشع الوطنيه من بين مسام جلده
اخى جمال
اشكرك من قلبى على هذا الاطراء الذى ادعو الله ان اكون اهلا له


تقديرى واحترامى

[محمد فارس]

الله يا استانا
احكي وسمعنا
قول كمان
وعلى الصوت
خلي قلوبنا من النوم تفوق

الله يا استاذنا
امايا دي حكاية بحالهامين00رئيس التحرير
اهلا 00اهلا
اشكرك على التواجد الجميل
تحياتى

[محمد فارس]

قولي بقي انت وموعود

طيب احلف ولا اقول بدون حلفان
0000
حبيبى ياروميو 00اللى بنكتبه بيكتسب توهجه بتواجدكم وتشجيعكم انتم والزملاء0
-------
ربنا يوفقك
تقديرى واحترامى

[محمد فارس]

أستاذي
الرائع
اللي - والله - خلص الكلام عنده
أنا بحب أمي
لأ، مش بحبها
بعشقها..
ولولا الحرام
قلتلك بعبدها

كل أم، موجودة هنا
في قصيدتك
وكل أم أتحبت..
حتتحب أكتر
وكل أم،
يافرحتها
لو ابنها
بيحبها
قد نص اللي في قصيدتك

رائع يا سيدي الرائعشاعرتنا المتألقة فى سماء القهوة وعلى جنباتها00ام زد جرافكس
الدعاء الى الله ان يديم حبك وعشقك للوالدة وان يحفظكما جميعا0
ماكتبته 00كان انفعالا صادقا تولد لحظة تواجدى بغرفة والدتى (توفيت منذ سنتين) اثناء اجازتى الاخيرة وزيارتى لقريتى"المحروسة" فى قنـا 0
000000
اشكرك على الاطراء
0
تقديرى واحترامى

[محمد فارس]

محمد الجميل كتبت ف أجدت وهيجت على القلب رياح أشواق الى من رحل فلك التحيه وخذ منى هذه الابيات هديه
000
أمايا
لما بخش غيطان الونس اللى مخبيها فـ أحضانك
الاقينى بخاف صفصاف الريح
كانس تباريح الوجد
معبى اللحظه فـ عب الليل المسطور
مشطور بين قلمى ووجدانى
أنا نصى الاول والتانى
مجزوء الكامل بتعامل وكأنى زحاف
العيش الحاف كسر المنصوب
فـيدوب
تلاقينى بقطر حزنى فـ عين الفجر الجاى
أماى الجرح وسيع
والكون بقى سقف ما لوش جدران
والسقف المايل
بقى أيل
للفعل المرفوض فـ قاموسى
قلمى
أشعارى
ودروسى
والصبح
الفرحه
التواشيح
السكه
السكن
الكون
مجرور
مصرور
فـ ملايه فـ أيد هلافيت
طالعين السلم بالعكس
اخى واستاذى وصديقى00العائد ابوسهيلة
اسعد حين ارى اسمك واسعد اكثر حين تتواجد فى موضوع لى
تغيب عنا كثير 00نشتاق اليك والى اشعارك الجميلة
ومع ذلك فأنا محظوظ00فقد نلت منك هذه المرة تواجدا ولا اجمل مثلما كان لك تواجد ولا اروع فى كثير من كتاباتى من قبل
اخى العائد
اشكرك من اعماق قلبى واتمنى ان نجدك بيننا على الدوام فنحن عطشى الى كتاباتك اخى الفاضل
تحياتى وتقديرى لكم ولأخوتى الافاضل طاووس زمانه وسفروت

[محمد فارس]

أخي الكريم فارس لم أجد إلا أن أصمت لأتعلم ... لإن الثناء لن يوافي كلماتك حقها ولن أقدر أن أصف متعتي لقراءة أعمالك . تقبل تحياتي وتقديري لقلم مداده الإبداع .شاعرنا الجميل
اخى ابوحمزة
سعيد انا جدا بتواجدك فى هذه الصفحة ، اشكر لك هذا التواجد الجميل من شاعر تكتسب اشعاره طعما خاصا ولونا متفردا

اباحمزة
لك متى التقدير والاحترام

[محمد فارس]

بسم الله الرحمن الرحيم
000

" وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا " (آية 24 الاسراء)
000

[العائد-أبوسهيله]

ياعم محمد فكرتنا بالغالين الذين رحلوا الى مقعد صدق عند مليك مقتدر
وكل عام وكل ام حنينه عطوفه بكل خير وسلامه وربنا يخلى لكل واحد منكم امه ويرحم من مات ادعو لامى بالرحمه والمغفره

( فى المدافن
رجلى خدتنى لتربه أمى
وكان الجو هدوء فدعيت
لمحت عينى خط قديم عـ الحيطه
14/9/1984
ياه قلت لنفسى
الايام بتعدى بسرعه
وقبل ما امشّى
حفرت بمفاتيح الشقه التورايخ
و.....
......
........... بكيت)

[محمد فارس]

ياعم محمد فكرتنا بالغالين الذين رحلوا الى مقعد صدق عند مليك مقتدر
وكل عام وكل ام حنينه عطوفه بكل خير وسلامه وربنا يخلى لكل واحد منكم امه ويرحم من مات ادعو لامى بالرحمه والمغفره

( فى المدافن
رجلى خدتنى لتربه أمى
وكان الجو هدوء فدعيت
لمحت عينى خط قديم عـ الحيطه
14/9/1984
ياه قلت لنفسى
الايام بتعدى بسرعه
وقبل ما امشّى
حفرت بمفاتيح الشقه التورايخ
و.....
......
........... بكيت)اخى الغالى / خالد عيد "ابوسهيلة"
لثانى مرة تشرفنى بمداخلة ولا اروع
اروق دوما لتواجدك سواء فى عمل لى او لأى زميل
--
بارك الله فيمن هن على قيد الحياة من امهاتنا ورحم منهن من فارق الحياة
000
تقديرى واحترامى