يا بنت الماضي اشتقنالك [الأرشيف]

موعوود

01-28-2005, 03:23 AM

وحشتينا واشتقنالك
رحتي لفين ؟
وإيه اللي جرالك
لو وقتك مشغول
مش فاضي
بصي دقيقه
بس دقيقه
وبيها أنا راضي
ياللي مكانتك
جوه قلوبنا
وحشنا كلامك
أحلي كلام
كان بيدوبنا
صاحبه كان
إنسان مش عادي
واسمها إيه ؟؟؟؟
بنت الماضي
:flowers: :flowers: :flowers: :flowers:

صاحبة أجمل وأرق تعليقات ومداخلات \ بنت الماضي
إفتقدناكي بجد
نتمني أن يكون غيابك لسبب خير إن شاء الله
ونتمني عوده سريعه

عيون حائرة

01-28-2005, 03:31 AM

سلمت يداك موعود ...

حقا بنت الماضى جميعا اشتقنا اليك ... اتمنى من كل قلبى ان يكون المانع من تواجدك بيننا فى الوقت الحالى خيرا ...

عزيزتى فعلا من ارق المدخلات كان ما تسطريه

ودوما فى الصفحات بعبير عذب تشجعين الجميع ...

افتقدتك اختا احبها فى الله

فى انتظارك قريبا جدا

مورسـيس

01-28-2005, 03:41 AM

و انا بقول المنتدى مش كيوووت ليه :واه يابوي

احم احم :closeeye:

بنت الماضي و الدكتور بلال في رحله شتويه الى الكويت :sniff:

يمكن علشان كده مش موجودين الاتنين!!!

نأمل رجوعهم بسرعه!

و طبعا بدوري بشكر الاخ العزيز موعود على اللفته الروعه ده!

مع إن اللغه العربيه مرتااحه من غيرها الصرااحه :drop:

بقالي كتير مشوووفتش اخطااء يعني!!! :brb: :brb:

احم احم :closeeye:

تشكرااات!

أسامه علي ( محب )

01-28-2005, 05:26 AM

صاحبة أجمل وأرق تعليقات ومداخلات \ بنت الماضي
إفتقدناكي بجد
نتمني أن يكون غيابك لسبب خير إن شاء الله
ونتمني عوده سريعه

فيك الخير يا موعود ولفته كريمه منك تجاه إنسانه عزيزه على قلوبنا

وبقولها إرجعي يابنت الماضي متخافيش جبتي جيد جدا ولا كويس جدا

مش هنزعل منك ويا ستي محناش عايزين الحلاوة بس إرجعي

متقلقيناش عليكي احسن افكر حاجه حصلت مش كويسه حتى لو كنتي في اي وضع طللي طله طمنينا وارجعي تاني

اليك منا جميعا كل التحية والتقدير وجمايلك مغرقه الكل

حـــامل المسك

01-28-2005, 03:14 PM

وبقولها إرجعي يابنت الماضي متخافيش جبتي جيد جدا ولا كويس جدا

مش هنزعل منك ويا ستي محناش عايزين الحلاوة بس إرجعي

اطمن يا استاذ النتيجة مش قبل شهرين

هما زي ما قال الاخ مورسيس الاخت بنت الماضي والدكتور بلال اخوها في الكويت لقضاء اجازة نص العام مع اهلهم وافتكر قدامهم اسبوعين على الاكتر ويرجعوا لمصر المهروسة

وشكرا للأخ موعود على هذه التذكرة الطيبة >>>> لسا في الدنيا خير

لكن اطمنو هترجع باذن الله

صلامي للجميع

صفحات العمر

01-28-2005, 08:34 PM

لا هتكلم ولا هقاضى

ولو تليفونى رن الان

هقوله استنى مش فاضى

عشان بكتب كلام م القلب

لاختى الغاليه بنت الماضى

لاجمل زهره وريحانه

لفكر جميل وانسانه

نضوج العقل ف كلامها

وخفة دم ورزانه

ولا هرضى بغير ديما

تكونى تملى ويانا

وهفضل اقولها وانادى

يا ريت طله

تطمنا كدا عليكى

خلاص يالا

عشان الكل مستنيكى

اقدم شكرى اولا لاخى الحبيب موعود على هذا الشعور الطيب الجميل

بتسطيره لهذه الصفحه الرائعه من صفحات الوفاء

واضم صوتى بقوه معه حتى نطمئن على اخت غاليه علينا جميعا

مع خالص تقديرى وتحياتى

محمد

محمد فارس

01-28-2005, 09:06 PM

اخى الحبيب موعود

صاحب اللمسات الجميلة
فيك الخير والله وبارك الله فيك
فعلا اختنا الفاضلة بنت الماضى لم تظهر منذ فترة 00لكن معلوماتى انها مسافرة الكويت وان شاء الله تعود بالسلامة ونقرأ لها اجمل تعليقات
شكرا لك موعود

تقديرى واحترامى للجميع

stubborn emmy

01-28-2005, 11:40 PM

:brb: :brb: :brb: :brb: :brb:
تعالي يا ايمي شوفي الجماهير العريضة دي
ايمي راحت الكويت تتفرج عالتلفزيون :surrender و تروح الملاهي و زمانها جاية هيا هتروح من صندلة فين :chr24:
لما أروح أكلمها بقى و أفرحها ... وربنا يستر لتسورق مني :brb:

مانا غبت يعني بالشهور عن القهوة محدش هان عليه يسأل عليا :maaaad:
صبركم عليا بس هخلع لكم سنانكم دي سنة سنة :maaaad:

بس خلاص :closeeye:

stubborn emmy

01-28-2005, 11:59 PM

انا مش قلتلكم البنت هتسورق مني :أخخخ:
آهي مصدقتش اهي وفضلت تصوت ف التليفون وتقول لأ لأ لأ لأ أنا مش مصدقه :huh:
كبدي يا بنتي جاتلها نوبة ضحك هستيرية
اتجننت اهي لا هتنفع ف علام ولا مطبخ بعد كدا :closeeye:

يلا

كنتي طيبة يا ايمي والله و بنت حلال :chr24:

روميو_تريكس

01-29-2005, 01:02 AM

يا بنت الماضي انا عن غيابك مش راضي
مين علينا يبص ويطل
مين اللي هيقول صباح الفل
انت فين واية اللي جرالك
بقالك فترة غايب وصالك
ارجعي تاني دة كلماتك وحشاني
والموضوع اللي هي
بتخلي الحياة بهية
يارب ترجعلنا بالسلامة
واحنا مش هنزود الملامة
بس هنقولك حمد للة علي السلامة

يارب تكوني بخير
وترجع لينا بافضل حال

حـــامل المسك

01-29-2005, 01:15 AM

يااااااااالهوي كل دول يا بنت الماضي

بجد انا بدات اقر عليكي:drop: :drop:

ربنا يزيدك تستاهلي والله واكتر كمان

معلش مش بعرفش اكتب شعر زي الاخوة
بس
ترجعي بالف سلامة

داكتورة السنان الفاضلة ممكن سوال

انتي كررتي كلمة ((تسورق)) مرتتين:drop: :drop: :think3:

ممكن اعرف معناها بالضبط

وعلى قولتك
بث خلاث ورردة ورردة

stubborn emmy

01-29-2005, 02:29 AM

انتي كررتي كلمة ((تسورق)) مرتتين

ممكن اعرف معناها بالضبط
يعني يغمن عليها
يعني تفقد وعيها
يعني تتهبل و تتحنن من كتر الفرحة
تمام زي الي حصل لها فعلا :closeeye:
بس خلاص

حـــامل المسك

01-29-2005, 01:50 PM

يعني يغمن عليها
يعني تفقد وعيها
يعني تتهبل و تتحنن من كتر الفرحة
تمام زي الي حصل لها فعلا :closeeye:
بس خلاص
يا عيني كل ده حصل لها مررررة واحدة
ربنا يكون في عونها

alsarem alhasem

01-29-2005, 08:31 PM

يا أخت ايمي لولا اني لم اكن اعرفك شخصيا كنت سألت عليكي

خاصة اني شفت لك مشاركات كتير قبل ما اشترك بالقهوة

كنت بقول فين المفك المفترس دي اللي بتفكرني بمن اعتبرها اختي الصغيرة :chr24:

فمتزعليش من الناس هنا ....يمكن قالوا يستريحوا شوية :twee:

ياللا مش مهم
:drop:

بنت الماضي

01-29-2005, 11:58 PM

مش عارفه اقولكم ايه يا جماعه :sniff: :knight: :sniff: :sniff: :sniff: :sniff:
والله والله فرحتوني وزي ما ايمي قالتلك مانا سورقت من الفرحه :واه يابوي
ولمن لا يعرف معنى سورقت زي اخونا الصيدلاني ههههه B)
يعني اخدت عقار هلوسه درجز يعني هههههههههه
بجد بجد ماسدقتش نفسي لما قالتلي وانا والله مش بدخل غير عشان النت هنا بطيييييييييييييييييييء :viking: :viking:
جدا جدا جدا اكتر مما تتخيلو انا بقالى اكتر من ساعه عشان اعرف اضيف الرد ده
فمعلش ردودي هتكون مختصره اوي بس والله غصبن عني
وزي ما قالو انا مسافره وكلها كام يوم وارجع
اول حاجه شكرا كبيره اوي لاخويا الكبير اوي في مقامه وفكره وعقله
وبلاش سنه احسن يضربني :)
استاذ موعود
ربنا يخليك للغلابه وتفضل كده جابر بخاطرهم شكرا ليك
استنو ردودي بس على مهلي :chr43:

بنت الماضي

01-30-2005, 12:54 AM

اول رد لاجمل قلب ورردة
استاذي الفاضل جدو موعود :drop:
بجد بجد ما تتصورش انا بكون سعيده وسطيكم قد ايه :wub:
لاني معاكم حسيت بنفسي وبقالي موقع وصوت مسموع وبفضل تشجيعكم ليا حسيت اني مهمه واني بكتب حلو رغم اني متأكده اني مش بكتب عشر اللي حضرتك بتكبته ولا حتى واحد على ميه
بس هو طيبه قلبك وتشجيعك المستمر ليا ولكل الكتاب الصغيرين بيحسسنا بنفسنا
فشكرا ليك رغم انها كلمه صغيره عليك يوه بقى
واسفه على التأخير الغير مقصود
والغياب اللي اتأثرت انا بيه قبل اي حد
بجد افتقدت مواضيعكم الثرية وردودكم الجميله
بس هي الظروف الواحد بقاله كتير ما قعدش مع اهله فما سدقت رجعتلهم نسيت الدنيا كلها اعذروني :)
استاذ موعود وعدك الله بالفرح في الدنيا والجنه في الاخره دا كل اللي اقدر اقوله حضرتك
شكرا ليك ورردة

بنت الماضي

01-30-2005, 12:55 AM

عيون :wub:
لم اتفاجأ بكلامك الرقيق لانه من انسانه رقيقه مثلك :chr43:
انا من يفتقد مداخلاتكم عزيزتي وانا من احبت كتاباتكم
اسعدني سؤالك عني وفرح قلبي حبك الرقيق لي وانا ايضا احبك في الله لا حرمنا الله من ذلك الحب الخالي من المنافع
عزيزتي شكرا لك كثيرا على سؤالك وسأعود إليكم فلا استطيع الابتعاد كثيرا B)
تحياتي ورردة

بنت الماضي

01-30-2005, 12:57 AM

اخ موس :closeeye:
اهلا وسهلا هو حضرتك شرفت :أخخخ:
وانا بقول الموضوع منور اوي :أخخخ:
ماله المنتدى يعني من غيري ؟؟؟ :maaaad:
فرحان اوي طبعا :viking:
بس ما تفرحش كتير انا راجعه B)
وردودي هتغرق القهوة عندك مانع؟؟ :viking:
هههههههههههههههه
اخ مورسيس شكرا جدا لسؤالك واحنا فعلا بنشتي في الكويت ال مش ورانا حاجه
ههههههههه
واللغه العربيه ي ايدي امينه وامينه رزق ماتت ههههههه
شكرا جدا لسؤالك :tu:
تحياتي ورردة

بنت الماضي

01-30-2005, 12:57 AM

استاذ اسامه
اهلا بيك يوه بقى
افتقد مداخلاتك والله
حضرتك عارف انا بفرح بيها قد ايه :wub:
والله لا باين فيها لا جيد جدا ولا حتى ماشي حالها جدا
بس ربنا يستر وما تبقاش ضعيف جدا هههههههههههههههههههههههه
هي بس مشاغل سفر وراجعه تاني وانا كويسه ما تخافوش عمر الشقي بقي
واكيد الحلاوه هتوصلكم
بس انا انجح :drop:
شكرا ليك جدا اوي خالص على اهتمامك
تحياتي ورردة

بنت الماضي

01-30-2005, 12:58 AM

استاذ صفحات العمر
اول حاجه شكرا جدا على الإطراء الكبير اوي اللي انا مش قده ايدا
وجودك اسسعدي جدا وحضرتك ديما بتشجعني وبتحسسني اني بعرف اكتب بجد من اول ما حضرتك انضميت لمنتدانا B)
وما سبتليش موضوع إلا ورفعت من معنوياتي شكرا جدا ليك
وشكرا لسؤالك
ربنا يعينك علينا :)
تحياتي ورردة

بنت الماضي

01-30-2005, 12:59 AM

استاذ هراس
حضرتك متابع اخباري اهه B)
ماشاء الله ديما متابع الجميع :chr58:
واكيد جدو موعود فيه الخير وديما بيسأل عن الجميع ربنا يجعلها في ميزان حسناته
شكرا ليك على سؤالك واهتمامك اسعدني وجودك
تحياتي ورردة

بنت الماضي

01-30-2005, 01:00 AM

ايمي
هههههههههههههههههههههه
ديما فضحاني في كل حته :maaaad:
لازم تقوللهم اني مش عندي تلفزيون واني رايحه اتفرج عليه هناك ههههه
ولازم تقوللهم اني محرومه وما سدقت حد سأل عليا وتقوللهم اني سورقت
اه يا جماعه سورق فيها حاجه يعني؟؟ :huh:
ولا هي الكحكه في ايد اليتيم عجبه؟؟؟ :brb:
ايمي ليها الفضل في دخولي لانها هي اللي كلمتنيو قالتلي ولولا كده مكنتش دخلت ولا استحملت النت الشلل ده عشان اقرا الموضوع ده
شكرا جدا يا ايمي على اتصالك :wub:
وشكرا انك عرفتيني قد ايه ليا اهل وناس بيسألو عليا هنا
وشيء طبيعي ان محدش يسأل عليكي هما ناقصين دوشه :chr24: :chr24:
ههههههههههههههه
وعقبال ما ترجعي لمصر بالسلامه
تحياتي يا عسل ورردة

بنت الماضي

01-30-2005, 01:00 AM

اخ روميو
شرقاوي اصيل B) ههههههههههههه
اول حاجه شكرا على المداخله التحفه دي
اسعدت قلبي ربنا يكرمك
وانا الحمد لله بخير هي مشاغل
وانا اللي مواضعكم وحشاني
وإن شاء الله راجعه
تحياتي ليك ورردة

بنت الماضي

01-30-2005, 01:02 AM

اخ محمد
اهلا بيك في صفحتي منور يا زميل B)
بس مش معقوله متعرفش يعني ايه تسورق :brb:
يعني تقول اعدلوني على القبله حاجه كده هههههههههههههههههههه
وبعدين هتبدأ قر ونق من اولها :أخخخ: :55:
دا دول بس اللي لحقو يردو قبل ما انا اجي بس انا لو كنت استنيت كنت هتشوف الردود وصلو الميه B) ههههههههههه
( اعيش نفسي شويه مش هيجرى حاجه :drop: )
شكرا ليك يا اخ محمد دا بس من طيب قلبهم بيجبرو بخاطري
ربنا ما يحرمني من مداخلاتكم الكريمه
شكرا للمرور
تحياتي ورردة

بنت الماضي

01-30-2005, 01:02 AM

اايمي شكرا للتوضيح
ابقي اشتغلي مترجمه بعد الظهر تطلعي اكلك ولبسك بدل ما انتي عاله على الممجتمع كده :chr24: :chr24: :chr24: ههههههههههههه

بنت الماضي

01-30-2005, 01:03 AM

اخي الصارم
رغم انك ما سألتش عني :أخخخ:
وكلمت ايمي بس
بس انا وايمي واحد :wub:
شكرا للمرور
تحياتي ورردة

حـــامل المسك

01-30-2005, 03:30 PM

اايمي شكرا للتوضيح
ابقي اشتغلي مترجمه بعد الظهر تطلعي اكلك ولبسك بدل ما انتي عاله على الممجتمع كده :chr24: :chr24: :chr24: ههههههههههههه
:brb: :brb: :brb: :brb: :brb: :brb: :brb: :brb: :brb: :brb:
جامدة اوي
في ال Face صراحة

معلش اخوكو بقى مش من مصر يعني كويس اني عارف اتكلم مصري اصلا

فمش تقفولي على الكلمة دي خلاص فيها ايه يعني :maaaad: :maaaad: :maaaad:
وحلوة عقار هلوسة درجز دي:brb: :brb:

على فكرة انا حلمت ان شايل خمس مواد مرة واحدة ازاي معرفش :drop: :drop:

تيجي بالف سلامة على فكرة انا نازل برضو يوم 10 زيك

بنت الماضي

01-30-2005, 06:01 PM

على فكرة انا حلمت ان شايل خمس مواد مرة واحدة ازاي معرفش

لااااااااااااااااا
مش في وشي والنبي
بلاش السيرة اللي تغم النفس دي :sniff: :sniff: :sniff: :sniff:
خمس مواد من السبعه؟؟؟
حرام عليك
:sniff: :sniff: :sniff: :sniff:

ربنا يستر
استمتع بالاجازه المهم

وتروح وتيجي بالسلامه يمكن نشوفك في المطار صدفه :brb: :brb: :brb:

حـــامل المسك

01-30-2005, 11:55 PM

خمس مواد من السبعه؟؟؟

سبعة منين يا اختي

مش هما ستة ولا انا بيستهيالي
عدي كويس شكلك عديتي على صابع واحد مرتين:brb: :brb: :brb: :brb:

بنت الماضي

01-31-2005, 12:00 AM

ههههههههههههههههههههههه
:drop: :drop: :drop: :drop:
والله انا اول مره اخد بالي انهم سته بس :brb:
انا كل ما حد يسألني بتاخدي كام ماده اقله سبعه :brb: :drop:

معلش حصل خير
المهم بس بلاش سيرة الشيل ده احسن انا ظهري بيوجعني من السيرة دي :brb:

:sniff: :sniff:

شاعر أفندى

01-31-2005, 05:24 PM

بنت الماضى وحشنى كلامك بجد
ومداخلاتك اللذيذة
على فكرة انا مشغول جدا ومابدخلش القهوة كتير
بس بجد بجد كنا مفتقدينك فعلا
ويارب النت يبقى سريع عندك

ماتحرميناش منك

خالص تحياتي،،،

روميو_تريكس

02-01-2005, 01:13 AM

حمد لله علي السلامه

رنـranimـيم

02-01-2005, 09:02 PM

بنت الماضى كانت غايبه ؟؟؟ كان نفسى ارد لها من زمان جميل المحضر اللى بعتت لى انذار على ايده مره ..كنت خايفه اموت قبل مارد جميلها
بنت الماضى لما تغيبى مين حينور القهوه ؟؟؟؟...يعنى الدنيا يبقى طعمها ايه من غير بنت الماضى ...البراءه والشقاوه الجميله المحببه لينا جميعا وخفة الدم والتلقائيه ...
انا المره دى بس مش حبعت عمو المحضر بس المره الجايه ماوعدكيش
موعود ....طيب نقول ايه تانى على قلبك الابيض وروحك الجميله وسؤالك دايما على الكل ...حقيقى انت انسان رائع

الغزال الشارد

02-02-2005, 02:02 AM

بنت الماضي............

حمد لله علي السلامه.........

نورتينا تاني وتالت ورابع........

تشييز تشييز تشييز تشييز تشييز

بنت الماضي

02-03-2005, 09:49 PM

شاعر باشا
احنا اللي وحشنا كلامك وكتاباتك الرائعه
يارب يفضيك شويه عشان نعرف نشوف مشاركاتك
والقهوة ونوره بصحابها
شكرا جدا للسؤال
تحياتي :flowers:

بنت الماضي

02-03-2005, 09:50 PM

اخ روميو الله يسلمك وبياركلك
:flowers:

بنت الماضي

02-03-2005, 09:51 PM

رنيم :wub:
مابلاش حكاة المحضرين دي انت لسه فاكره
هههههههههه
دا انتي اللي بتوحشينا والله وكلامك بجد اثر فيا اخجلتم تواضعنا يا فندم
ويارب نكون ديما بخير ومتجمعين في اكتب عامي واوعدكم ما يبعدنيش عنكم غير الشديد الاوي
شكرا جدا جدا على مجاملاتك الكبيرة اوي عليا دي ربنا يفرح قلبك ديما
ويجبر بخاطرك زي ما انتي جابره بخاطري كده
ورردة

بنت الماضي

02-03-2005, 09:53 PM

غزال
انتي اللي منورانا
رابع وخامس وسادس وسابع ومليون يا عسل
شكرا جدا على وجودك في صفحاتي
تحياتي :flowers:

موعوود

02-03-2005, 11:19 PM

الأخت العزيزه \ بنت الماضي
ثقي دائما أن من حبه ربه حبب الناس فيه
وآديكي شوفتي مقدار الحب اللي بيكنه ليكي كل أعضاء هريدي
حمدالله علي السلامه
وموفقه دائما
تحياتي

alsarem alhasem

02-04-2005, 08:18 PM

اخي الصارم
رغم انك ما سألتش عني :أخخخ:
وكلمت ايمي بس
بس انا وايمي واحد :wub:
شكرا للمرور
تحياتي ورردة

مالقتش حاجة اكتبها بعد كل اللي قالوه الأخوة هنا :drop:

وبعدين انا كل ما بأكلمك بتجري في شكلي ....فاكرة الموضوعين اللي فاتوا :viking:

تحياتي لك ولـــ د.بلال
:flowers: :flowers:

بنت الماضي

02-06-2005, 10:55 PM

جدو موعود دا بس من طيبه قلبهم
حضرتك بجد اسعدتني وربنا يخليك للغلابه اللي زيي :sniff:

شكرا جدا وربنا يقدرني واسعدك زي ما حضرتك اسعدتني بردودك دي

تحياتي ليك ورردة

بنت الماضي

02-06-2005, 10:56 PM

اخي الصارم
اسفه على التأخير
بس العتب على النظر :drop:
اسفه جدا
وكمان وجودك لوحده منور الموضوع
شكرا جدا للمرور وانا كنت بهزر بس مش اكتر
تحياتي