فرحى اليلادى

[lovelight]

بسم الله الرحمن الرحيم

ديه حاجة بيقولوها اتنين ولد وبنت

الولد بالاحمر والبنت بالخط الازرق


ويارب تعجبكم






فرحى اليلادى







الحيرة مالية عنيا *** والناس كلها حواليا




بتهنى وتبارك ليا *** ده فرحى اليلادى


سامعه ضحكة وفرحة *** شايفة فستان وطرحة


وانا فى حبيبى سارحة *** سامحنى ولا قاسى






وازاى اقدر اسامحك



بعد ما دقت جرحك

وانكوى قلبى بعذابك

قلبى لايمكن يسامحك



ازاى اشوف مكانى *** يروح لحد تانى

ومش قادر اتكلم


الدمعه فى عينى حابسها *** والحسرة فى قلبى شايلها

وازاى اتحمل












مش بخاطرى *** ده غصب عنى



والله قدرى *** كان اقوى منى

سابنى اتعذب *** وبعدك عنى


كان نفسى نعيش سوا

ننجرح نلقى الدوا

بس قدرنا حكم

ننحرم من اجمل هواى







يا قدرنا يا نصيبنا *** ما رضيتش ليه تسيبنا


ضاع حلمنا وياك *** وحكمك اهو عذبنا











ازاى حبى ليكى *** يضيع بالشكل ده



انا عشت بحلم بيكى *** تكون اخرتى كده


وعشان بحبك

وجرحنى قلبك

دلوقتى بقلك

ربنا يسعدك



امشى فوتينى

يلا انسينى

روحى سبينى

وقلبى بيعشقك








يا قدرنا يا نصيبنا *** ما رضيتش ليه تسيبنا

ضاع حلمنا وياك *** وحكمك اهو عذبنا


تحياتى ايمن سيد

[موعوود]

عمي أيمن
تعرف أنا باسمع أغنية إيه دلوقتي ؟
أغنيه قديمه وانا عاشق للقديم إسمها ( غريب الدار )
لمغني إسمه ( عبده السروجي )
بتقول كلماتها وللأسف مش عارف اسم المؤلف


غريب الدار عليا جار زماني
القاسي وظلمني
مشيت سواح مسا وصباح
أدور ع اللي راح مني
غريب الدار

انا اللي الدهر عاداني
وباعني واشتري فيا
وخد احبابي واداني
بدالهم فكر وأسيه
ومين شاف اللي انا شوفته
ومين قاسي اللي قاسيته
وفيت بالعهد وحفظته
وغيري خان وحبيته
سافرت بلاد
وفوت بلاد
ومين ع الشوق يصبرني

غريب الدار
ماكانشي الود ياحبايب
هايظلم حبكم حالي
وكان عشمي وانا غايب
تصونوا عهدنا الغالي
مليت بالدمع كاساتي
رويت منها زهور حبي
وغني الطير بآهاتي
وردد لحنها قلبي
سهرت الليل وشوفت الويل
ومين ياناس يطمني
غريب غريب الدار


فجت اغنيتي المفضله مع كلمات أغنيتك الجميله
وعيشوني في جو أكتر من رائع
تحياتي يارائع

[محمد فارس]

اخى ايمن سيد

كل عام وانتم بخير
بصراحة انت تبهرنى لسبب وجيه وهو انك تمشى فى كتاباتك فى خط بيانى متصاعد وفى كل مرة اراك تخطو الى الامام وتتطلع الى الافضل وهذا امر يُحسب لك

فرحى الليلادى00انشودة غنائية جميلة وكم كان الاخ موعود رائعا فى تذكيرنا بأغنية غريب الدار 00تلك الاغنية الخالدة

اخى ايمن
لا املك الا ان احييك على هذا العمل وعلى كل كتاباتك

تقديرى واحترامى

[صفحات العمر]

السلام عليكم ورحمة الله وبركاته

اخى ايمن

سلمت يمينك اخى العزيز:tu: :tu: :tu:

رؤيه جميله وكلمات بسيطه وسلسه

ننتظر منك المزيد والمزيد من الابداع والتالق

تمنياتى لك بكل التوفيق

محمد

[lovelight]

استاذى الرائع موعود


انا فين ياباشا وسط سطر واحد من الكلمات الجميلة ديه

مش قادر ازاى اشكرك لمساندتك ليا كل مرة وتشجيعك اللى مالوهش حدود


يشكرك من كل قلبى

وربنا يخليك ليا ديما يا رب



تحياتى
ايمن سيد

[lovelight]

الرائع محمد فارس

بشكر تواجدك بين كلماتى المتواضعة

ويارب ديما افضل عند حسن ظنك بيا

تحياتى

ايمن سيد

[lovelight]

صفحات العمر


استاذ محمد

شكرا لمجاملتك الرقيقة

وبتمنى متابعة جديدى

تحياتى ليك

ايمن سيد

[بنت الماضي]

آه يا نكد آه يا نكد آآآآه يا نكد
:brb: :brb:

اخ ايمن دويتو رائع
وعتاب ملوش لزمه
اصل خلاص
الطرحه اتلبست
والمعازيم اتلمت
والفرح في قلبه هو بس مات
------
سعات بيكون القدر اقوى من اننا نحقق احلام بسيطه

ابدعت كعادتك
كلماتك اكثر من انها متقنها......هي صادقه ده اللي ديما بحسه قبل ما اشوف إذا كانت حلوة ولا لأ

تحياتي ورردة

[فلسفندي]

الأخ الجميل :
أيمن سيد
كم هو قاسي هذا الشعور ... كم هو مرير
و لكن رغم مرارته هذه إلا أنه يجب وأن يحسب للزمان " المعلم الكبير "
أخي صدق كلماتك يجعلني دائماً سعيداً بها ، أتمنى دائماً لك التوفيق
ولكن لي كلمة ....
أنت إنسان راقي الإحساس .... وذلك واضح جداً بين تلك السطور
حافظ على ذلك يا أخي العزيز
أدامك الله مخلصاً لمن أحبوك
أخوك
.......... فلسفندي ............

[lovelight]

بنت الماضى

عاش من ةشافك


ايه اخبارك دلوقتى


يارب يكون المانع خير

بس شوفى الظروف انتى تغيبى ولما تيجى اغيب انا

معايا ظروف الايام ديه زى الفل ربنا يثعديها على خير


المهم

مرسيه على الكلام الفول اوبشن ده


وبلاش حكايت نكدى

شوفتى انا عملتلك الموضوع اللى فات مش فرايحى بس

ده انا خليته هابط عشان خاطرك


وياكش نعجب


تحياتى

ايمن سيد

[Cute_Girl]

:tu: :tu: :tu:

بصراحه جميله جداااااااااااااااا
دويتو رائع :wub:

اتمنى لك التوفيق دايما:flowers:

[lovelight]

سارة

مرسيه جدا لكلامك الرقيق


ويارب اكون ديما عند حسن ظنك



تحياتى

ايمن سيد