وليه البدايه [الأرشيف]

rosha189

01-24-2005, 06:32 PM

وليه البدايه
مادام النهايه مرسومه
وليه اللقا
مادام الفراق محتوم
وبأي لون
وعلي طريق الهوي اترسمت
خطا رايحه
وخطا راجعه

آه يا قلبي
يااللي علي طريق الهوي مكانه
وخايف
كل خطوات اللقا
ترجع وداع
وكل ضحكات الهوي
تقلب ضياع
وكل حلم حلمته
يطلع سراب

انا ليه حبيت
وليه خطييت
وليه رضيت
يكون عمري
يدوب خطوه
لو لطريق اللقا يكون
ولو لطريق الوداع يصبح ..مافيش

وعلي شجره كتبت اسمك
في لحظه شوق
وهبت ريح
حضنت الشجره بضلوعي
وبكفوفي
وخبيتها
وقلت ياريح
خدي حتي عمري
وفوتيها
لاجل هي تعيش
لكن الريح ما سكتتشي
وعاندتني
بس.............
ضوافري دي مش مخلب
وضلوعي دي ما هياش حديد

حكاية حزينة

01-24-2005, 08:21 PM

جميل جدااااااااااااااااااااااا
برافو على فكره
انا كتبت عن الفكره دي:tu:

rosha189

01-25-2005, 06:46 PM

:wub: :wub: :wub: :wub: :wub: :wub: :wub: :wub: :wub: :wub: :wub: :wub: :wub: :wub: :wub: :wub: :wub: يوه بقى يوه بقى يوه بقى يوه بقى يوه بقى يوه بقى يوه بقى يوه بقى يوه بقى يوه بقى يوه بقى يوه بقى يوه بقى يوه بقى يوه بقى يوه بقى يوه بقى يوه بقى يوه بقى يوه بقى يوه بقى
i wanted to write an answer to u in arabic but i cant now as my computer has a problem in the language and i promse u to write when i can
what can i say that iam very happy to see ur answer on my words
i will miss u

موعوود

01-25-2005, 10:59 PM

مش بايدينا
نغير المكتوب علينا
مش بايدينا
نبدل الدمعه الحزينه
مش بايدينا
إنما
قدر يجيبنا ويودينا
مش بايدينا
روشه
اسلوبك جميل وبجد احنا قدام قلم متمكن
وصلتي المعني بكل ابداع
تحياتي وتقديري
وفي انتظار المزيد :flowers:

صفحات العمر

01-26-2005, 03:35 AM

rosha189] [/size]
وعلي شجره كتبت اسمك
في لحظه شوق
وهبت ريح
حضنت الشجره بضلوعي
وبكفوفي
وخبيتها
وقلت ياريح
خدي حتي عمري
وفوتيها
لاجل هي تعيش
لكن الريح ما سكتتشي
وعاندتني
بس.............
ضوافري دي مش مخلب
وضلوعي دي ما هياش حديد

لسه جوانا احتمال

للاحتمال

لسه بنحب الحقيقه

لسه عاشقين الجمال

لسه يا قلوبنا البريئه

صبرنا فوق المُحال

لسه يا دموعنا بنعرف للامل سكه وطريق

لسه جوانا البريق

اللى بيه الضلمه ترحل

حتى لو كانت ساعاتنا

لسه فيها شويه ضيق

تحياتى لهذه الفكره الجميله

انا مع الاصرار على الابقاء على الحلم والامل

والدفاع عنه من دون ياس حتى اخر نفس

اكرر تحياتى وتقديرى لهذا القلم الرائع

محمد

rosha189

02-11-2005, 04:36 AM

اخي موعود
اسعدني جدا مرورك بصفحتي تلك
وكالعاده اعجبتني كلماتك
:flowers: :flowers: :flowers:

rosha189

02-11-2005, 04:38 AM

اخي صفحات العمر
كلماتك جميله قوي قوي قوي
بس ساعات بيكون الاحتمال صعب صعب قوي
اتمني ان تكون كلماتي عجبتك
ووووووووووو خد الورده دي :flowers:

rosha189

02-11-2005, 04:41 AM

لكل اللي ردوا علي
انا مبسوطه جدا من ردكم
وكان نفسي ارد بكلمات اكتر
بس انا للاسف مش بعرف ارد ردود طويله في المنتدي
اسفه ان كانت ردودي بايخه
واسفه علي التاخير في الرد لاني والله لما بقدر ادخل علي النت وارد بدخل لكن انتوا عارفين ان مشاغل الحياه كتيره
رشا :wub: