وفـاكر حـرفِــنا مخـاصمُه ....!!

[رشا عبد الرازق]

يا مين زعلان
يقول زعلان ... !
وفاكر حرفنا مخاصمه ..!!!!
أكيد غلطان
عشان نسيان
بان الحرف بيقاسمه !!
متقدرشي
تغيب أكتر
وتنسى الحرف دا واسمُه..

رشا









مفيش حرف اتولد وحده

ولا يقدر يكون كلمه
وسطر ودندنه وغنوه
اذا اتعزف الكلام جواه وغاب صوت الصدى عنو
يروح كله
اذا راح الدفا منو
تموت روحه
ووسط الصفحه يلقى نفسو بتردو على الدمعايه وجروحه
يقف يستنى فوق سطرو
ولو طالت معاه الآه
مفيش حد بدوا يلقاه
ودندنتُو
تكون وترو اللي مش مسموع
وغنوايتو اللي مش عندو ...!!
ومين يقدر يكون لو مين
كيان جوا الكلام وحدو ...!

أنا قلبي اتملا بكتير
وخط الخطوة عدت بيه معاكم كل يوم مشاوير
يصح انسى ؟
يصح تصدقو اني في يوم هنسى ؟
كريم الأصل لو ينسى هيبقى ازي يا صحبي كبير...!
ومين يقدر بغير جناحين لفوق حد السحابه يطير ..!
ومين يقدر يشوف ورده
في غير ارض اتملت بالخير ...؟

يامين زعلان ..
سماح النوبه مدقش على زعل الزمان
ده زمان ......
لقينا الحلم بين كل الحروف ألوان
بقينا الفجر لو كل الوجود نعسان
بقينا الضحكه للحرف اللي كان منا بصحيح زعلان
وقولنالو .....
يا مين زعلان
وفاكر حرفنا مخاصمه
مفيش زي الوصال فرحه تقول للحلم مين رسمو ؟
ودا الحرف اللي هان مره
ولو تقدر صحيح خاصمُه ..!!

[فلسفندي]

:think3:
:think3:
أخت رشاااااا
:tu: :tu: :tu:
الحمد لله على سلامة الوصول إلى أرض القهوة
راجع تاني ..
لازم حارجع
ودي حاجة تنساب دي
بس بجد .... راااائعة
المخلص
........ فلسفندي ........

[موعوود]

اجمل ما في الدنيا صديق
ترمي عليه حملك لو تقل
يزرعلك فرج في الضيق
يولدلك من اليأس أمل
........................
يا رفاق عمر الكفاح
مع الكتاب ومع القلم
للصديق الحب سلاح
هو النشيد هو العلم
..............................

أميره الكلمه الرائعه \ رشا
سعيد من يبحر بين كلماتك
فهي مدرسه في فن الإبداع
دعيني أرسل لك تحيه خاصه جدا
علي موضوعك الرائع
ودعيني أفضفض لك بشيئا أعتقد أنه يمس صلب الموضوع
تعودت أنا واصدقائي أن نتحادث يوميا إن ونتزاور عندما تتاح الفرصه
ولكن أحيانا تكون المشغوليات أقوي من إرادتنا
فواجب الصديق علي صديقه أن يجد العذر ومن يجد وقتا يسأل عن المنشغل
هكذا هي الصداقه ليست مصلحه وانما عطاء وعطاء وعطاء
وانت اكثر من رائعه
تحياتي وتقديري

[صفحات العمر]

السلام عليكم ورحمة الله وبركاته

اميرتنا الرائعه

عود حميد الى بيتك الجميل التى تحبيه :clap: ورردة ورردة ورردة :clap:

وبعودتك يعود الينا من جديد الاستمتاع براوئع حقيقيه للشعر العامى

هذا ترحيب سريع اعلن به عن سعادتى بعودتك

ولى باذن الله عوده مره اخرى الى رحاب كلماتك

فى محاوله للتواصل مع الصديق الذى لا يمكن الاستغناء عنه وهو القلم

وما يخطه من احرف اعتبرها من وجهة نظرى هى صفحات العمر


تحياتى وتقديرى

محمد

[فلسفندي]

يا مين زعلان
يقول زعلان ... !
وفاكر حرفنا مخاصمه ..!!!!
أكيد غلطان
عشان نسيان
بان الحرف بيقاسمه !!
متقدرشي
تغيب أكتر
وتنسى الحرف دا واسمُه..

رشا



لما تلقى صديق يدلك





وأما يبقى ليك كضلك

عمرها تتوه الحروف ؟؟؟

لما تتهادى المعاني

بين شجن وجنون وحاني

عمرها تتوه الحروف ؟؟؟

إوعى يا صديقي تتوه

وقتها يبقالي توه

والكلام يصبح مالوش

أي معنى غير إنه " خوف "

لو صديقك كل ناسك

وفي أساك زاد التباسك

روح بسرعة على الصديق

حتلاقيه بيقول " تماسك "

وقتها ما تلاقي ضيق

بس ...... هه
هوه ده كل اللي أنا قادر أقوله لحد دلوقتي
وراجع تاني
إيييييييييييييه الحلاوه دي :clap: :واه يابوي :clap::واه يابوي :clap: :واه يابوي :clap: :واه يابوي :clap:
جتكوم الـ........ سعادة الأبدية
بصراحة أختي العزيزة
رفع الله قدر من كان سبباً في تلك المعرفة
شكراً لأناملك
أدامك الله مخلصة لمن أحبوك
........ فلسفندي .......

[أسامه علي ( محب )]

إلى ألاخت العزيزه رشا إلى أميرة الكلمه بنوعيها عامي وفصحى بقولك نورتي عامي من تاني ومين يقدر يزعل منك دا اسمو كلام الناس بس بتتعشم في وجودك بينهم لترتوي بأشعارك وتستمتع





وتتعلم من إبداعك وإبهارك ولعودتك كتبت هذه الكلمات لعلي أكون قد وفقت في صياغتها فهي موجهة للأميرة




رجوعك زي نور الشمس

في طلعتها

بتمسح أي ركن ضلام

وتهدي نورها للأيام

ولو ميت غيم

ما يحجز عنا طلتها

تلاقي النور

كلام مسطور

في صفحتها

وأحلا كلام

تقول يا سلام

وقلب أبيض كعادتها

كلام الأمس

راجع لينا من تاني

بأحلا همس

يملا الدنيا بأغاني

نغنيها .. نرددها

وفرحتنا في فرحتها

يا مين زعلان

تعالى وقول

لأحلا أميره مين يقدر

ومهما الغيبه عنا تطول

تلاقي الكل مستنظر

لكن نزعل

دا مش معقول

وكلوا يزول في رجعتها

زرعتي الحب في قلوبنا

وأشعارك بتطربنا

بنقرالك

ساعات أشجان

وممكن تلقى فيه أحزان

وساعه البسمه منو تبان

لكن في كل أحوالك

مظنش حد فيه زعلان

وزرعك كان حصادو كمان

أميرة الكل حبتها

[صفحات العمر]

يا مين زعلان
يقول زعلان ... !
وفاكر حرفنا مخاصمه ..!!!!
أكيد غلطان
عشان نسيان
بان الحرف بيقاسمه !!
متقدرشي
تغيب أكتر
وتنسى الحرف دا واسمُه..

رشا









مفيش حرف اتولد وحده

ولا يقدر يكون كلمه
وسطر ودندنه وغنوه
اذا اتعزف الكلام جواه وغاب صوت الصدى عنو
يروح كله
اذا راح الدفا منو
تموت روحه
ووسط الصفحه يلقى نفسو بتردو على الدمعايه وجروحه
يقف يستنى فوق سطرو
ولو طالت معاه الآه
مفيش حد بدوا يلقاه
ودندنتُو
تكون وترو اللي مش مسموع
وغنوايتو اللي مش عندو ...!!
ومين يقدر يكون لو مين
كيان جوا الكلام وحدو ...!

أنا قلبي اتملا بكتير
وخط الخطوة عدت بيه معاكم كل يوم مشاوير
يصح انسى ؟
يصح تصدقو اني في يوم هنسى ؟
كريم الأصل لو ينسى هيبقى ازي يا صحبي كبير...!
ومين يقدر بغير جناحين لفوق حد السحابه يطير ..!
ومين يقدر يشوف ورده
في غير ارض اتملت بالخير ...؟

يامين زعلان ..
سماح النوبه مدقش على زعل الزمان
ده زمان ......
لقينا الحلم بين كل الحروف ألوان
بقينا الفجر لو كل الوجود نعسان
بقينا الضحكه للحرف اللي كان منا بصحيح زعلان
وقولنالو .....
يا مين زعلان
وفاكر حرفنا مخاصمه
مفيش زي الوصال فرحه تقول للحلم مين رسمو ؟
ودا الحرف اللي هان مره
ولو تقدر صحيح خاصمُه ..!!







ومين قال ان انا نسيته


لانا هقدر ف يوم انسى جمال رسمه

ولا هقدر اجافى الحرف واخاصمه


وعمرى كله انا وياياه

صديق عمرى اللى حبيته

بيمسح دمعتى ويصرخ

دا لو شفنى بقول الآه

ولما الفرحه تلاقينى

بيكتب ع السطور الله

وحرفك يا اميرة الحرف دا حكايه

بيكتب والمداد م النبض

لاجمل معنى غنوايه

وينسج م الاسى والويل

لكل الخلق ضحكايه

يخبى الدمع ف سطوره

ومن نوره

باشوف الفكره وجمالها

وبغرق جوه احلامها

وصِدقه تملى بيخليه

بكل حنان بيمد ايديه

عشان ياخد بايد تاهت

ف وسط التيه

وتتلاقى

حروف النبض بمعانى

جميله رقيقه مشتاقه

لكلمه صافيه واغانى

ومعنى اصيل وانسانى

نعافر حبه ف الايام

ونسقى زرعة الاحلام

عشان تطرح شجر لبلاب

يفرع ع الوجود كله

وتحت عبيره وف ضله

لا هنجافى ولا نخاصم

ونتقاسم

ساعات الفرح والاحزان

***

[محمد فارس]

:brb: :brb: :brb:

والله انا خايف تضربونى00
كل ماادخل موضوع 00اقول راجع تانى
بقولكم ايه000انا راجع تانى

:brb: :brb: :brb:

[رشا عبد الرازق]

أخوتي الكرام

محمد حموده وجابر المصري

لكم خالص امتناني على مروركم الكريم :flowers: :flowers:

[(أم البنين)]

بارك الله فيك يا رشا :flowers:

[بنت الماضي]

اميرتنا ..........
يه الروقان دا
من القلا~ل اللي كنت خاييفه يكتبو حاجهو ما الحقش ارد عليهم وانا مش موجوده
بجد كلماتك بتحمل ديما طعم جميل ومحبب بتاخدنا معاها لاي مكان
واحساسك عالي ولا اروع
اميرتنا
كلامك .........كلام اميرة :chr43:
تحياتي لقلمك الرائع ورردة

[منار منجد]

يااااااااااااااااااااااا أمييييرة

بالراحة شوية علينا
افتتحتي بحكمة

مفيش حرف بيتولد وحده

يا رشا..
كده ما يصحش
تقتليني بكلمة
طيب بالي انشغل
أعمل إيه في باقي القصيدة
وأجيب طاقة منين
وأنا انهديت من جملة


كريم الأصل لو ينسى هيبقى ازي يا صحبي كبير...!
ومين يقدر بغير جناحين لفوق حد السحابه يطير ..!



يا أميرة رشا
مين له جرأة يطير
والكلام ده في السما
عامل سقف
وعصافير،
والحروف نسمة
أصحا عليها الصبح

..فكرتيني يا أميرة
لازم أنزل
أجيب قهوتي
كلامك
نساني قهوتي
وشغلي
واللي حواليا..

ونفسي أعمل أي حاجة
تعرفي فيها إني مش بجامل
وإني بكره المجاملة

صباحك قصيدة ورردة

[رشا عبد الرازق]

اجمل ما في الدنيا صديق
ترمي عليه حملك لو تقل
يزرعلك فرج في الضيق
يولدلك من اليأس أمل
........................
يا رفاق عمر الكفاح
مع الكتاب ومع القلم
للصديق الحب سلاح
هو النشيد هو العلم
..............................


أميره الكلمه الرائعه \ رشا
سعيد من يبحر بين كلماتك
فهي مدرسه في فن الإبداع
دعيني أرسل لك تحيه خاصه جدا
علي موضوعك الرائع
ودعيني أفضفض لك بشيئا أعتقد أنه يمس صلب الموضوع
تعودت أنا واصدقائي أن نتحادث يوميا إن ونتزاور عندما تتاح الفرصه
ولكن أحيانا تكون المشغوليات أقوي من إرادتنا
فواجب الصديق علي صديقه أن يجد العذر ومن يجد وقتا يسأل عن المنشغل
هكذا هي الصداقه ليست مصلحه وانما عطاء وعطاء وعطاء
وانت اكثر من رائعه
تحياتي وتقديري

أخي موعود
وما ( فضفضت به ) هو فعلا أصل قصيدتي

لاني لا أستطيع ان أمضِ في دربي من دون ان اطمئن الى دفء قلوب اخوتي واصدقائي والعتب بين الأحبة صدق في الاخاء

ومن عتب :drop:

فله العتبى حتى يرضى :twee:

فان رضي .......... :tu:

فالحمد لله :clap:

تحياتي وشكرا لهذا المرور الذي نجح في اسعادي ورردة

[رشا عبد الرازق]

إلى ألاخت العزيزه رشا إلى أميرة الكلمه بنوعيها عامي وفصحى بقولك نورتي عامي من تاني ومين يقدر يزعل منك دا اسمو كلام الناس بس بتتعشم في وجودك بينهم لترتوي بأشعارك وتستمتع

صح وربنا :drop:

طيب ربنا يطمنك يا عمنا :tu:


:lolly: :lolly: :lolly: :lolly:




وتتعلم من إبداعك وإبهارك ولعودتك كتبت هذه الكلمات لعلي أكون قد وفقت في صياغتها فهي موجهة للأميرة

اهو ده اللي يخوف هنتزنق اهو :sniff:


رجوعك زي نور الشمس


في طلعتها


بتمسح أي ركن ضلام


وتهدي نورها للأيام


ولو ميت غيم


ما يحجز عنا طلتها


تلاقي النور


كلام مسطور


في صفحتها


وأحلا كلام


تقول يا سلام


وقلب أبيض كعادتها


كلام الأمس


راجع لينا من تاني


بأحلا همس


يملا الدنيا بأغاني


نغنيها .. نرددها


وفرحتنا في فرحتها


يا مين زعلان


تعالى وقول


لأحلا أميره مين يقدر


ومهما الغيبه عنا تطول


تلاقي الكل مستنظر


لكن نزعل


دا مش معقول


وكلوا يزول في رجعتها


زرعتي الحب في قلوبنا


وأشعارك بتطربنا


بنقرالك


ساعات أشجان


وممكن تلقى فيه أحزان


وساعه البسمه منو تبان


لكن في كل أحوالك


مظنش حد فيه زعلان


وزرعك كان حصادو كمان


أميرة الكل حبتها

شوف يا محب

مش هكدب عليك

لما نويت أرد كنت ناويه بجد أرد بشعر بس لما بصيت وتاملت وفكرت لقيت مينفعش

والله ما ينفع

مش هعرف ولا هقدر اصلا

يوه بقى

ربنا يخليك ويكرمك يا رب ويجزيك عني خير ويجعلني خيرا مما تظنون ويغفر لي يا محب

تسلم يا رب :flowers:

[رشا عبد الرازق]

:think3:
:think3:
أخت رشاااااا
:tu: :tu: :tu:
الحمد لله على سلامة الوصول إلى أرض القهوة
راجع تاني ..
لازم حارجع
ودي حاجة تنساب دي
بس بجد .... راااائعة
المخلص
........ فلسفندي ........

اول رد

وكلك ذوق


الله يسلمك ويكرمك يا فيلسوف القهوة الهمام :clap:


لما تلقى صديق يدلك



وأما يبقى ليك كضلك


عمرها تتوه الحروف ؟؟؟


لما تتهادى المعاني


بين شجن وجنون وحاني


عمرها تتوه الحروف ؟؟؟


إوعى يا صديقي تتوه


وقتها يبقالي توه


والكلام يصبح مالوش


أي معنى غير إنه " خوف "


لو صديقك كل ناسك


وفي أساك زاد التباسك


روح بسرعة على الصديق


حتلاقيه بيقول " تماسك "


وقتها ما تلاقي ضيق

هو انا قلتها من يوم ما قريتلك انت جاي عشان تنتضم لشلة المعقداتيه اللي هيجيبو أجلي :sniff:


بس عارف

عندك مقدرة على صياغة الحكم بشكل زجلي رائع :tu:
بس ...... هه
هوه ده كل اللي أنا قادر أقوله لحد دلوقتي
وراجع تاني
إيييييييييييييه الحلاوه دي
جتكوم الـ........ سعادة الأبدية
بصراحة أختي العزيزة
رفع الله قدر من كان سبباً في تلك المعرفة
شكراً لأناملك
أدامك الله مخلصة لمن أحبوك
........ فلسفندي .......

مفيش بعد كلامك كلام

ربنا يكرمه هراس ويكرمك يا رب


انت وفيت وانا هستنى رجوعك

لمزيد من العقد :sniff:

تنورنا يا افندم :flowers:

[رشا عبد الرازق]

السلام عليكم ورحمة الله وبركاته

اميرتنا الرائعه

عود حميد الى بيتك الجميل التى تحبيه :clap: ورردة ورردة ورردة :clap:

وبعودتك يعود الينا من جديد الاستمتاع براوئع حقيقيه للشعر العامى

هذا ترحيب سريع اعلن به عن سعادتى بعودتك

ولى باذن الله عوده مره اخرى الى رحاب كلماتك

فى محاوله للتواصل مع الصديق الذى لا يمكن الاستغناء عنه وهو القلم

وما يخطه من احرف اعتبرها من وجهة نظرى هى صفحات العمر


تحياتى وتقديرى

محمد


ما أرق ردك هذا أخي الفاضل محمد

وجميل أن اتتك القصيدة بمعنى آخر
عن صديق آخر
لا نستطيع الآن نحيا بدون شراكته لنا

وآه لو غضب

وألف آه لو رحل



مرورك يسعدني فشكرا جزيلا لكرمك :flowers:

[محمد فارس]

أميرتنا رشا000
من حسن الطالع ان تعود الحيوية والنشاط مع عودتك من اجازتك ، ويالها من بادرة طيبة تحمل معانى رائعة طى قصيدتك اعلاه
نعم00وماقيمة كتاباتنا ان لم تحمل الهم الشخصى بين الاصدقاء وتعالجه بهذه الطريقة الجميلة0

رشا00
لك الشكر والامتنان على هذه اللفتة الرائعة
وتقبلى منى مداخلتى البسيطة وقد كانت عندى منذ فترة ووجدت ان هذا وقتها
تقديرى
------




فى قلوبنا للحب مطارح

000
ماتيجوا بينا 00نتصارح
نمسك قلمنا و نتصالح
نمد إيدنا لبعضينا
وننسىَ إيه كان امبارح
دا قلوبنا للحب مطارح
000
راح نستند على أرضية
نفوسكو حلوة00 ورَضّية
والاختلاف عمره مايفسد
للود كان اى قضية00
فى قلوبنا للحب مطارح
ماتيجوا بينا 00نتصالح
000
مصارين بطونا بتتعارك
قـَـولُونـّا فيها اكيد شارك
وبعد لحظة وشوية
كله خلاص00بح معارك
ويقولوا نيجى نتصالح
فى القلب للحب مطارح
000
طب يلا بينا كدا ونبدأ
ونعيش سوا كدا فى الخندق
باللمة يرجع من تانى
اخر حلاوة ومحندأ
000
ماتيجوا بينا 00 نتصالح
د قلوبكم مليانة مطارح
الحب فيها اكيد طارح
000

[روبى 2]

مانيش زعلان
ولا ناسي اللي مرة كان
حنين قلبي لليالي زمان
بعيد عنكم
كانت احزان
حروف كانت معانداني
مخاصمة ؟! لأ .. ما تقدرشي
كلام بينادي من ورقة
ساعات ايام .. ما سمَّعشي
كانت ليا زمان أوطان
طوتها في صفحة النسيان
لكن راجعة من التوهة
لقت مرسى في بر أمان

يجوز .. أبعد عن الموطن
لكن ما اقدرشي اتطمن
يجوز ألقى دليل ياخد
بايدي بعيد
يجوز دمي اللي تاه فيا
يلاقي وريد
لكن من غير حروف وكلام
بعيش دنيا من الاوهام
ولما ألقى حرفي يعيد
ليالي زمان
ويرجع للوريد نبضه اللي كان هربان
هافوق من حزني أو زعلي
وكل حروفي تضحكلي
تقول والله يا صاحبي زمان
رجعت لحضن أوطانك
تطمن زهر بستانك
وزي زمان
تصالح حرفك الغالي
ما تبقى ف يوم كدة زعلان

[رشا عبد الرازق]

ومين قال ان انا نسيته


لانا هقدر ف يوم انسى جمال رسمه

ولا هقدر اجافى الحرف واخاصمه


وعمرى كله انا وياياه

صديق عمرى اللى حبيته

بيمسح دمعتى ويصرخ

دا لو شفنى بقول الآه

ولما الفرحه تلاقينى

بيكتب ع السطور الله

وحرفك يا اميرة الحرف دا حكايه

بيكتب والمداد م النبض

لاجمل معنى غنوايه

وينسج م الاسى والويل

لكل الخلق ضحكايه

يخبى الدمع ف سطوره

ومن نوره

باشوف الفكره وجمالها

وبغرق جوه احلامها

وصِدقه تملى بيخليه

بكل حنان بيمد ايديه

عشان ياخد بايد تاهت

ف وسط التيه

وتتلاقى

حروف النبض بمعانى

جميله رقيقه مشتاقه

لكلمه صافيه واغانى

ومعنى اصيل وانسانى

نعافر حبه ف الايام

ونسقى زرعة الاحلام

عشان تطرح شجر لبلاب

يفرع ع الوجود كله

وتحت عبيره وف ضله

لا هنجافى ولا نخاصم

ونتقاسم

ساعات الفرح والاحزان

***


رائع محمد سعيد

وجميل أن اتتك الكلمات من هذه الزاوية فقد أبدعت في تناولها بصدق

شكرا على مرورك وعودتك وابداعك الدائم أخي الفاضل :flowers:

[رشا عبد الرازق]

بارك الله فيك يا رشا :flowers:

وبارك بكِ أختي الفضالة أم البنين

عذرا لتأخري في الرد وشكرا لك على مرورك الذي يسعدني وأشرف به منك :flowers:


دمتِ بخير

[رشا عبد الرازق]

اميرتنا ..........
يه الروقان دا
من القلا~ل اللي كنت خاييفه يكتبو حاجهو ما الحقش ارد عليهم وانا مش موجوده
بجد كلماتك بتحمل ديما طعم جميل ومحبب بتاخدنا معاها لاي مكان
واحساسك عالي ولا اروع
اميرتنا
كلامك .........كلام اميرة :chr43:
تحياتي لقلمك الرائع ورردة


يا رب تسلميلي يا رب

ده من رقتك

بس انتي وحشتيني وبعيده عن الادباتية ليه مش بنوحشك يعني ؟ :flowers:

هنستناكي احنا مهما ىغبتي

وديما

وجود اسمك في موضوع ليه بجد بجد بيفرحني

تسلميلي يا رب :wub:

[رشا عبد الرازق]

يااااااااااااااااااااااا أمييييرة

بالراحة شوية علينا
افتتحتي بحكمة



يا رشا..
كده ما يصحش
تقتليني بكلمة
طيب بالي انشغل
أعمل إيه في باقي القصيدة
وأجيب طاقة منين
وأنا انهديت من جملة





يا أميرة رشا
مين له جرأة يطير
والكلام ده في السما
عامل سقف
وعصافير،
والحروف نسمة
أصحا عليها الصبح

..فكرتيني يا أميرة
لازم أنزل
أجيب قهوتي
كلامك
نساني قهوتي
وشغلي
واللي حواليا..

ونفسي أعمل أي حاجة
تعرفي فيها إني مش بجامل
وإني بكره المجاملة

صباحك قصيدة ورردة

:flowers:

صباحك مثلك

جميلا غاليتي

هل أخبرك سر آخر

أرى بعض نفسي فيكِ

وان لم اكن بمثل عذوبتك

مهلا

لا أجاملك

ولا تتعجلي فهم هذه العبارة

فهي لا تشبه ما يبدو من حروفنا


ولكن يكفي ان اخبرك اني فعلا سعيدة بكل شيء فيكِ أراه من خلال سطورك

شرفت بمرورك فلا تحرميني :flowers:


غاليتي

[بنت الماضي]

يا رب تسلميلي يا رب

ده من رقتك

بس انتي وحشتيني وبعيده عن الادباتية ليه مش بنوحشك يعني ؟

هنستناكي احنا مهما ىغبتي

وديما

وجود اسمك في موضوع ليه بجد بجد بيفرحني

تسلميلي يا رب
ربنا يكرمك يا رب
انا اللي بتوحشني كلماتك وبجد بجد بكون سعيده بالتواجد في صفحاتك الحلوة دي
الادباتيه وحشاني موت وانا قلت لاستاذ محب اني راجعه في موضوعه اه يا بحر
عشان نفسي ارجع
بس بجد معنديش حاجه ارجع بيها
هحاول التواجد
تحياتي :wub:

[رشا عبد الرازق]

فى قلوبنا للحب مطارح

000
ماتيجوا بينا 00نتصارح
نمسك قلمنا و نتصالح
نمد إيدنا لبعضينا
وننسىَ إيه كان امبارح
دا قلوبنا للحب مطارح
000
راح نستند على أرضية
نفوسكو حلوة00 ورَضّية
والاختلاف عمره مايفسد
للود كان اى قضية00
فى قلوبنا للحب مطارح
ماتيجوا بينا 00نتصالح
000
مصارين بطونا بتتعارك
قـَـولُونـّا فيها اكيد شارك
وبعد لحظة وشوية
كله خلاص00بح معارك
ويقولوا نيجى نتصالح
فى القلب للحب مطارح
000
طب يلا بينا كدا ونبدأ
ونعيش سوا كدا فى الخندق
باللمة يرجع من تانى
اخر حلاوة ومحندأ
000
ماتيجوا بينا 00 نتصالح
د قلوبكم مليانة مطارح
الحب فيها اكيد طار
000

زينة المطارح قلبك يا أبو بسام وزينة الحروف حرفك

نص في منتهى الخفة والمرح وفيه لحن شرقي راقني جدا

ومن مطرح لمطرح يا عمنا القعده بتوسع وبتساع الكل وبتساعنا عندهم لو زعلوا وبتخلينا نقدر نراضيهم اذا زعلوا :chr43:

الحمد لله على نعمة الصحبة في الله

ربنا يكرمك يا رب :flowers:

[رشا عبد الرازق]

مانيش زعلان
ولا ناسي اللي مرة كان
حنين قلبي لليالي زمان
بعيد عنكم
كانت احزان
حروف كانت معانداني
مخاصمة ؟! لأ .. ما تقدرشي
كلام بينادي من ورقة
ساعات ايام .. ما سمَّعشي
كانت ليا زمان أوطان
طوتها في صفحة النسيان
لكن راجعة من التوهة
لقت مرسى في بر أمان

يجوز .. أبعد عن الموطن
لكن ما اقدرشي اتطمن
يجوز ألقى دليل ياخد
بايدي بعيد
يجوز دمي اللي تاه فيا
يلاقي وريد
لكن من غير حروف وكلام
بعيش دنيا من الاوهام
ولما ألقى حرفي يعيد
ليالي زمان
ويرجع للوريد نبضه اللي كان هربان
هافوق من حزني أو زعلي
وكل حروفي تضحكلي
تقول والله يا صاحبي زمان
رجعت لحضن أوطانك
تطمن زهر بستانك
وزي زمان
تصالح حرفك الغالي
ما تبقى ف يوم كدة زعلان


:huh:

كلمة حق يا روبي من أروع وأرق ما قرأت لك

لكني أعجز عن مجاراتك الآن فأكتفي بتصفيق حاد لموهبة قفزت خطوات واسعهة في فترة وجيزة وبتمكن رائع

روبي

أحب تلقيكِ لحروفي فهو يعبر عن جزء غير يسير من اعماقي

سلمت لي ودام حضورك صديقتي :flowers:

[رشا عبد الرازق]

ربنا يكرمك يا رب
انا اللي بتوحشني كلماتك وبجد بجد بكون سعيده بالتواجد في صفحاتك الحلوة دي
الادباتيه وحشاني موت وانا قلت لاستاذ محب اني راجعه في موضوعه اه يا بحر
عشان نفسي ارجع
بس بجد معنديش حاجه ارجع بيها
هحاول التواجد
تحياتي :wub:


حبيبتي انتي يا بنت الماضي :wub:

ربنا ما يغيبك عننا أبدا :flowers:

[صفحات العمر]

يا مين زعلان
يقول زعلان ... !
وفاكر حرفنا مخاصمه ..!!!!
أكيد غلطان
عشان نسيان
بان الحرف بيقاسمه !!
متقدرشي
تغيب أكتر
وتنسى الحرف دا واسمُه..

رشا









مفيش حرف اتولد وحده

ولا يقدر يكون كلمه
وسطر ودندنه وغنوه
اذا اتعزف الكلام جواه وغاب صوت الصدى عنو
يروح كله
اذا راح الدفا منو
تموت روحه
ووسط الصفحه يلقى نفسو بتردو على الدمعايه وجروحه
يقف يستنى فوق سطرو
ولو طالت معاه الآه
مفيش حد بدوا يلقاه
ودندنتُو
تكون وترو اللي مش مسموع
وغنوايتو اللي مش عندو ...!!
ومين يقدر يكون لو مين
كيان جوا الكلام وحدو ...!

أنا قلبي اتملا بكتير
وخط الخطوة عدت بيه معاكم كل يوم مشاوير
يصح انسى ؟
يصح تصدقو اني في يوم هنسى ؟
كريم الأصل لو ينسى هيبقى ازي يا صحبي كبير...!
ومين يقدر بغير جناحين لفوق حد السحابه يطير ..!
ومين يقدر يشوف ورده
في غير ارض اتملت بالخير ...؟

يامين زعلان ..
سماح النوبه مدقش على زعل الزمان
ده زمان ......
لقينا الحلم بين كل الحروف ألوان
بقينا الفجر لو كل الوجود نعسان
بقينا الضحكه للحرف اللي كان منا بصحيح زعلان
وقولنالو .....
يا مين زعلان
وفاكر حرفنا مخاصمه
مفيش زي الوصال فرحه تقول للحلم مين رسمو ؟
ودا الحرف اللي هان مره
ولو تقدر صحيح خاصمُه ..!!

أناا زعلان
منيش قد المدى وطوله
ولا قد السكات لحظه
بيسمينى الوجود زعلان
عشقت الحرف لاصوله
فخدنى جوه شىء مليان
منيش عارف حروف اسمه
تراتيشه ولا رسمه
منيش عارف ملامح فيه
قريبه من شبه انسان
ملاك يمكن
شيطان يمكن
مالوش جناحين
لكين قادر بانه يطير
ويكتب للعدم عنوان
انا زعلان....على اللى راح
سنين كانت بليل غامق
ماتبداشى الصباح بصباح
خاصمت كتير حروف ياما
وقلت اسكت عشان ارتاح
لقيت برضك
حروف تنغز
تصحى ف البحار ملاح
رضى يمشى ف موج هادر
ولا يقرب من الافراح
عنيد جايز
لكين قادر
يلف الكون عشان يرتاح
لكنه غريب ف اوطانه
عنيد جدا ف اشجانه
حزين ع اللى ف يوم ولى
ولا دقش على بابه
وسابله رساله بتقوله
تعيش تايه لكين ممكن
ف يوم تلقى اللى عدى وراح
اكيد تلقى ف يوم عدى
نسيم ورده
لكين جايز ف يوم عاندك
وكان عندك
لكين اهدى
مدام لسه الحروف جواك
اكيد ما فات ف يوم يرجع
وتبقى ساعتها
مش زعلان
مش زعلان
مش زعلان


(احمد ابراهيم)



تواصل من الشاعر احمد ابراهيم مع هذه الحروف الذهبيه للاميره رشا

[bido**]

ايه يا ستي الحلاوة دي
ربنا يزيدك يارب وتفضلي بسطانا على طول


تحياتي لكي يا رائعة:flowers: :flowers: :flowers: :flowers:

[ايناس لحن حائر]

انا جاية اقول مساء النور على البنور
مساء الورد والحنة
على النغمة الحلوة اللى جاية من الجنة
بعدما استمعت اليك اصبحت اتمنى ان استمع الى كل كلماتك منك فلا ينافس روعة كلماتك سوى روعة القاؤك لها
انتظر اليوم الذى اسمعها فيه منك
ايناس