ملف التقويم كاملا..

[د.بلال]

السلام عليكم ..

تقويم الاسنان Orthodentics

http://www.tao.org.tw/english/images/aso_Clear.jpg

بداية الموضوع فيه اجزاء كتيرة منقولة او معاد صياغتها ومضاف عليها ..

** ايه هو تقويم الأسنان :think3: :

هو فرع من فروع طب الأسنان يهتم بتصحيح انطباق الأسنان ومعالجة اعوجاجها وكذلك تصحيح عظام الوجه أو تعديل نموها في خلال فترة النمو. :انجغة:

** الأسنان السليمة :tu: :

الاسنان السليمة ليها مواصفات في الطول والعرض والسمك - بضم الميم - و برضو بيبقالها مواصفات معينة في علاقات الاسنان ببعضها وعلاقة الفك العلوي بالسفلي ولازم يحقق حاجة اسمها العضة الطبيعية او Normal bite وده كله مهم بالنسبة للدارس ومش لازم نتكلم عنه هنا و ممكن نكتفي بالصور ..

( ملكوش دعوة بالخط الاسود اللي بالطول ده )


http://www.andersonorthodontics.com/media/treat/pro_images/class_teeth/normal.gif

http://www.healthhawaii.org/dental/pix/normal.jpg

**ما الأشياء التي تؤدي للخلل في ترتيب الاسنان ؟

اغلب الاسباب دي بيبقا وراثي ، بمعنى ان ممكن جدا طفل يرث فك ضيق من الاب و اسنان كبيرة من الام او العكس وبالتالي يبقا فيه تزاحم بين الاسنان وبعضها و بتنتج مشاكل بقا كتير قوي زي وجود فراغات اكبر من الطبيعي بين الاسنان او وجود سنة او اكثر زائدة او ناقصة و هكذا
في اسباب تانية مش وراثية مثلا مص الاصبع لفترة طويلة او خلع الاسنان اللبنية قبل او بعد ميعادها الطبيعي و ممكن برضو خلع الاسنان الدائمة ..

شوفو مص الاصبع ممكن يعمل ايه :



http://www.braceface.com/orthoimages/dthumb2_small.jpg

http://www.braceface.com/orthoimages/dthumb3_small.jpg


وبرضو خلع سن دائم .. لاحظة السنة المجاورة للمخلوعة


http://www.healthhawaii.org/dental/pix/missing.jpg

** أثر اعوجاج الأسنان على وظائفها :


1- الأكل :

لما تبقا السنان بأحجامها الطبيعية ومرصوصة بشكل صحيحة والعلاقة بين الفكين سلمية بيقدر الانسان يقفل بقه صح وبالتالي يقدر يمضغ الأكل بشكل سليم انما لما يبقا فيه اعوجاج في الاسنان او ان سنان طالعة لبرة واخرى لجوة هيبقا المضغ صعب ومش صحي بالمرة فيضطر الانسان ساعتها انه ياكل الحاجات الطرية بس ويبعد عن الحاجات الناشفة فيقعد ياكل في بطيخ وزبادي لحد ما يموت وبالتالي يصاب بسوء تغذية و مشاكل في اللثة لا قدر الله .




2-التنفس الصحيح :


استخدام الأطفال للمصاصة بطريقة خطأ لمدة طويلة ممكن يتسبب في ضيق الفك العلوي وبالتالي مشاكل في التنفس وبتخلي الطفل يلجأ للتنفس من الفم بدل الأنف
3-الكلام بشكل جيد :

طبعا المريض بيعاني من مشاكل في مخارج الحرف والنطق فبيكون انطوائي و غير ميال للمشاركة فتلاقي عنده صعوبة في اظهار الحرف بشكله السليم

4- الشكل الجميل :

طبعا دي بتعتبر من الحاجات المهمة جدا .. الانسان قبل تقويم الاسنان بيبقا شكله مش حلو .. سنان متخانقة مع بعضها حبة جو وحبة بره - مش قصدي السخرية والله - و مش اي حد بيقدر يتأقلم مع حاجة زي كده و بينتج عن كده مضاعفات كتيرة قوي في التصرفات و طريقة الكلام حتى في الضحك كتير جدا من المحتاجين للتقويم بيضحكو بطريقة معينة بحيث يحاولو يخبو اسنانهم وكل الحاجات دي ردود فعل طبيعية ..
و أثبتت الدراسات ان اعوجاج الاسنان بيأثر على المستوى الدراسي للطفل لان في كتير جدا بيخجلوا انهم يشاركو زمايلهم .
http://www.dfv.com.au/images_surg_mag/teeth1.jpg

**ما هو العمر المناسب لبدء تقويم الأسنان؟
البدء في التقويم فيه كذا رأي ..

اول رأي : تأخير العلاج حتى اكتمال ظهور جميع الاسنان الدائمة عدا ضرس العقل وده بيبقا تقريبا في حدود 12-13 سنة

رأي تاني : بيقولو نبدأ التقويم مع ظهور الضرس الدائم اول " وهو اول الاسنان الدائمة ظهورا " يعني في حدود 6-7 سنين وبيقولو انده بيقلل من زمن العلاج

ثالث رأي : بكل اختصار .. في اسرع وقت ممكن :tu:

في جميع الاحوال ..المفروض ان الكبار ياخدو بالهم من رصة اسنان ابنائهم في السنوات الاولى لان العلاج في الصغر اسهل وبيجنب الطفل المضاعفات النفسية والبدنية اللي اتكلمنا عنهم من شوية
هل تقويم الأسنان ممكن للكبار؟

زمان كان المعتقد ان الانسان اذا كبر وعدا مرحلة المراهقة اللي بيتم فيها اكتمال الاسنان بشكل تام - عدا ضرس العقل - فإنه يكون مستحيل تعديل وضع الاسنان بعد كده
بس حاليا المعترف بيه ان التقويم ممكن يتم في اي عمر بشرط ان الاسنان و اللثة والعضم الداعم للاسنان يكونو في حالة جيدة بس طبعا في حالة التقويم للكبار العلاج بيحتاج لوقت اكبر لان تحريك الاسنان بيبقا بطييء بطييء بطييء بسبب ان العظام في الناس البالغة اسمالله علينا كلنا بيبقا كثافة اعلى و اقوى بمراحل من الاطفال

كم هي مدة العلاج؟

مدة العلاج بتعتمد على تعقيد الحالة و على تعاون المريض مع طبيبه - مش طبيبته -
ولكن في المتوسط ممكن نقول ان التقويم بياخد حوالي 8 شهور مثلا ..

**هل تقويم الأسنان مؤلم؟

ممكن التقويم يضايق المريض بس لفترة يوم او اتنين او تااالااااته بس مش اكتر من كده .. ولو استمر الالم اكتر من كده لازم مراجعة الطبيب فورا
** ملاحظات لمرتدي التقويم:

علشان ترجع الاسنان للمكان الصحيح بشكل سليم لازم تتحرك ببطء لان كل ما كان تحريك الاسنان اسرع كل ما اثر ذلك بالسلب على قوة تمسك الجذور و على حيوية السنة


لازم الزبون قصدي صاحب التقويم يحافظ على نظافته لانه بيكون عرضة لتجمع البكتيريا و بالتالي تسوس الأسنان ودي صور للتنظيف الصحيح للاسنان

يجب المحافظة على نظافة الأسنان والتقويم وذلك باستخدام الفرشاة والمعجون والخيط السني كما يجب استخدام الفرشاة المخصصة.
استخدام مضمضة تحتوي على فلورايد وذلك للتقليل من تأثير الحموض الناتجة من البكتيريا على الأسنان

[د.بلال]

http://www.ddshama.org/images/articles/braces3.gif


فلاش لزيز (http://dentalwisdom.com/animationstudio/flashplayer19.html)


دي صور لحالات ممكن تتعالج ..

اول صورة للطبيعي

http://www.andersonorthodontics.com/media/treat/pro_images/class_teeth/normal.gif

http://www.andersonorthodontics.com/media/treat/pro_images/class_teeth/1-crowding.gif


http://www.andersonorthodontics.com/media/treat/pro_images/class_teeth/2-div2.gif


http://www.andersonorthodontics.com/media/treat/pro_images/class_teeth/3-dental.gif


http://www.andersonorthodontics.com/media/treat/pro_images/class_teeth/3-skeletal.gif

[د.بلال]

صور قبل وبعد استخدام التقويم

قبل
http://ktvb.static.worldnow.com/images/88158_g.jpg
بعد
http://ktvb.static.worldnow.com/images/88157_g.jpg


قبل
http://ktvb.static.worldnow.com/images/88155_g.jpg
بعد
http://ktvb.static.worldnow.com/images/88156_g.jpg


قبل
http://www.bocaratoncosmeticdentist.com/images/aprilbefore1.jpg
بعد
http://www.bocaratoncosmeticdentist.com/images/aprilafter1.jpg

[stubborn emmy]

مية مية يا زُمل :clap:
عشرة على عشرة يا دكترة .. هتقطع علينا من دلوقتي :viking:
و على تعاون المريض مع طبيبه - مش طبيبته -
بكرة نشوف :maaaad:
يا جماعة أنا عيادتي للنساء والأطفال فقط :chr24:
وقسم خاص للمنقبات اللي مبيرضوش يروحوا لرجالة :chr24:
وخصم 50% لكل نفر لو جاب معاه 2 زبون :tu:
في حضانة عندنا وفي جنينة وكافتيريا وسيبر كمان :brb:
وقرررررررررب قرررررررب :chr58:



شكرا يا دك على المعلومات
ولو عايز معلومات تاني مني مش مشكلة انا في الخدمة :chr24: انا بس مبحبش أظهر للأضواء :brb:

بالحق يا دكتر لو سمحت سؤال
أنا عارفه انك لسه تلموذ ف أولى و عايش علينا بس مش مشكلة يلا نديك حبة ثقة ف النفس
B)
لو واحدة عندها أنيابها بارزة دي تحتاج تقويم ولا تحتاج برد ؟

كمان سؤتل
هو سنان الخروف بتاعي ينفع معاها تقويم ؟
أصلها مفارقه خالص عن بعضها وكدا مش هعرف ألاقيله معزة :chr43:

بس خلاص

[د.بلال]

يا احلا وسحلا بالدكترة .. نورتي الموضوع

نورتي القهوة كلها بعد الغيبة دي :tu:


متحاوليش تشدي زباين مني ... مفيش امل :chr58:

بقا في حد في الدنيا يروح لدكتورة :أخخخ:


انا بس مبحبش أظهر للأضواء

خليكي في سلاح التلميذ اللي جايبك ورا ده :brb: :brb: :brb:



لو واحدة عندها أنيابها بارزة دي تحتاج تقويم ولا تحتاج برد ؟

اللي اسمعه ان التقويم احسن كتير جدا من البرد لانه بيحافظ على مكونات السنة بنفس السمك - بضم الميم - يعني السنان مش هتفقد اي جزء منها ..


هو سنان الخروف بتاعي ينفع معاها تقويم ؟


لالا .. لازم إزالة :drop:

على فكرة بجد .. صورة الخروف تعتبر نموذجية للتقويم .. بيسموها deep bite ان الاسنان العلوية تبقا نازلة لتحت بزيادة ومتفرقين ... يا ريت يبقا يعدي عليا اظبطهومله

:closeeye:




:box:
صلام

[محب الصداقة]

جزاك الله كل خير
د.بلال

[مـؤيـد]

تاني تاني تاني :chr58:

[د.بلال]

يا جدعاااااااااااان

اخيرا الموضوع ده فتح

آني مش جادر احبص ضموعي :sniff: :sniff:

[مـؤيـد]

يا جدعاااااااااااان

اخيرا الموضوع ده فتح

آني مش جادر احبص ضموعي :sniff: :sniff:لا
مش كده وبس يادوك :)
العمل متعوب عليه فعلا ومجهودك واضح :flowers: :flowers:
...
يُثَبّتْ يا دوك :flowers:
تحياتي :)

[د.بلال]

:chr43: :chr43: :chr43: يوه بقى يوه بقى يوه بقى

[Al-Wakeel]

السلام عليكم

ما شاء الله يا زميل
عمال تذاكر من ورانا ولا ايه :box:
هو انت ناوي تتخص تقويم :واه يابوي

على العموم مشكور على الموضوع :flowers:
فعلا معلومات قيمة مفروض الناس تكون عارفاها

ومستنيين منك المزيد :tu:


والسلام ختام :flowers:

[dr_karmen]

بسم الله ماشاء الله
حاجه عظيمه والله

ربنا يبارك فيك
وعلى فكره
على الرغم من انى دكتورة مش دكتور
بس معاك ان محدش يروح لدكتوره

[د.بلال]

على الرغم من انى دكتورة مش دكتور
بس معاك ان محدش يروح لدكتوره

:brb: :brb: :brb:

ربنا يكرمك .. اقعدو في بيوتكم بقا :budo: خلونا ناكل عيش :nunu0000:

شكرا لمرورك يا دكتورتنا ورردة

[abozeed]

يا دكتور واللهي واللهي واللهي تسلم ايدك ده

بس قولي

لو واحد زى حالاتي علشان مدمن شيكولاته عنده يجي 12 سنه مسوسه ومنظرهم قربوا يبقوا عصب وعلشان مش فاضي يروح لواحد منكوا يقعد عنده نص يوم على مايعمل نص ضرس ولا سنه يعمل ايه ؟؟؟؟؟؟؟

وبعدين ملاحظه تانيه:

- بضم الميم -


هيا بضم السين يا دوك

والف شكر تااااااااااني على الموضوع الرائع ده