اليوم أكتب لك (البقية)

[stg110]

المشهد الرابع عشر

( غرفه الدرس المدرس يطالع كتاب التلوين )

الطفل : ايه رأيك يا أستاذ

المدرس : جميل , اسلوبك فى التلوين جميل ... بس اختيارك للألوان غريب

الطفل : أصل فى حاجات ماشوفتهاش قبل كده يا أستاذ

المدرس : واضح

الطفل : انا شفت فى الكتاب ده حاجات كتير غريبه

المدرس : دى حاجات موجوده بره

الطفل : و جميله

المدرس : بالضبط .... جميله جدا

الطفل : و مش خطيره

المدرس : و مش خطيره

الطفل : و مبهجه

المدرس : بالضبط .... العالم بره فى حاجات كتيره حلوه ... اكتر بكتير من الحاجات الوحشه

الطفل : بس ماما ماقلتش على الحاجات الكتير دى .... ماقلتش غير على الحاجات الوحشه و بس

المدرس : لازم نعذرها

الطفل : كان لازم تقولى على الحاجات الحلوه دى

المدرس : لازم ما تزعلش منها اكيد كانت مستنيه الوقت المناسب

الطفل :انا مش زعلان منها .... مقدرش أزعل منها .... هى الوحيده اللى مش ممكن أزعل منها

المدرس : على فكره هى اللى قالت لى أقول لك على الحاجات الحلوه الموجودة بره

الطفل : هى اللى طلبت منك

المدرس : ايوة

الطفل : ممكن اطلب منك طلب يا مستر

المدرس : ممكن

الطفل : ممكن تاخدنى بره للعالم

المدرس : ممكن .... بس مش دلوقت

الطفل : امتى

المدرس : الاول .... خلص الكتاب ده لغايه الحصه الجايه


الطفل : و حتاخدنى معاك للعالم

المدرس : ساعتها حنفكر في الموضوع ده

الطفل : وعد .....

المدرس : وعد

الطفل ما تنساش يا أستاذ انى عرفتك نبيل و شجاع

المدرس ( يبتسم) : طب طلع كشكول الحساب

المشهد الخامس عشر

ليل داخلي

(الأم مستلقية على السرير بجوار الطفل )

الطفل:أنا خلصت كتاب التلوين

الأم:برافو حأقول للمدرس يجيب لك كتاب تاني

الطفل:شفت فيه حاجات كتير قوي حلوة .

الأم:في حاجات حلوة

الطفل:ما قلتيش عليها.

الأم: (بعد فترة) عشان أحميك من الحاجات التانية الوحشة بس انت دلوقت بدأت تكبر و لازم تعرف إن في حاجات حلوة زي ما في حاجات وحشه

الطفل:المعلم وعدني أنه يفرجني العالم .

( الأم وقد توترت و بدا عليها الخوف )

الأم:هو قال كده

الطفل:أه .

الأم:مش دلوقت

الطفل:بس أنا عاوز أشوف العالم .

الأم:حتشوفه ...حتشوفه في الوقت المناسب .

الطفل:ماما....أنت قبل كده لعبت أستغماية .

الأم: (تستعيد الماضي) ياه رجعتني لأيام الطفولة...كنت أناو ...(الأم تنتبه لما تقول فتبتر كلامها ) ..أستغماية مين قال لك عليها ؟

الطفل:موجودة في الكتاب .

الأم:أه ...لعبت زمان بس دي لعبة مملة و سخيفة .

الطفل:لعبتيها و أنت طفلة ؟

الأم: (مرتبكة ) أه ....لعبتها .

الطفل:أنا عايز ألعب أستغماية .



(الأم تفكر قليلا و تمر فترة من الصمت )

الأم:خلاص نلعب

الطفل:ماينفعش أتنين ...لازم مجموعة من الأصدقاء ز

الأم : و أنا و بابا ماينفعش ؟

الطفل:أنا عاوز أصحاب و عاوز ألعب معاهم أستغماية .
الأم: (تفكر) خلاص يا حبيبي ..أوعدك إني حأفكر في الموضوع ...دلوقت نام عشان الوقت اتأخر .

(الأم تنهض و تتجه نحو باب الغرفة لتخرج و خلفها صوت الطفل يردد : )

خلاويص .....لسة
خلاويص .....لسة
خلاويص .....لسة

المشهد السادس عشر

ليل داخلي

(غرفة المكتب الأب يطالع بعض الأوراق على المكتب و تدخل الأم تحمل صينية عليها فنجانين من القهوة تضعها على سطح المكتب أمامه و تجلس على الكرسي المواجه تراقبه في صمت و هو مستغرق في مراجعة الأوراق )

الأم:كنت بأتكلم مع سالم امبارح .

الأب: (دون أن يرفع عينه من على الأوراق ) و بعدين .

(تمر فترة من الصمت)

الأم:طلب مني طلب .

الأب:طلب أيه .

الأم:عاوز يلعب أسنغماية .

الأب:و هو يعرف مني الأستغماية .

الأم:من كتاب التلوين .

الأب:المدرس أنا مش مرتاح للراجل ده .

الأم:بالعكس ده راجل كويس جدا و سالم متعلق بيه .

الأب:فعلا بس ...بيفتح حاجات مش لازم تتفتح .

الأم:مش هو ده المفروض ..مش لازم نجهز (سالم) لمواجهة الحياة .

الأب:سبق و قلت كل حاجة و لها وقتها ...المهم..مفيش مانع أنه يلعب أستغماية...عندكوا الفيلا واسعة أعملوا الي أنتوا عاوزينه .

الأم:بس هو مش عاوز يلعب معايا .

الأب:أمال أيه ؟

الأم:عاوز يلعب مع أصحابه .

الأب:وهو له أصحاب ؟

الأم:لا طبعا ما أنت عارف .

الأب:خلاص يبقى مايلعبش أستغماية .

[stg110]

المشهد السابع عشر

( غرفة الدرس الطفل جالس ( ظل فقط ) و المدرس واقف و على المائده سله من الفاكهة )

المدرس : درسنا اليوم عن الألوان

الطفل : درس .... جميل .... أحسن من الحساب

المدرس : طبعا أحسن من الحساب .... شايف سله الفاكهة دى ... فيها فاكهة كتير .... مختلفه فى اللون .... و مختلفه فى الطعم .... و مختلفة فى الشكل .... طب ليه حطناهم فى سله واحده

الطفل : عشان كلهم فاكهة

المدرس : بالضبط ... كلهم فاكهة .... واضح ان احنا حنتكيف بسرعه مع بعض .... إنت تعرف كل الانواع دى

الطفل : معظمها يا أستاذ .... ماما بتصمم دايما انى لازم اكل فاكهة

المدرس : ايه اكتر لون بتحبه فى دول

الطفل : الاحمر ( بعد تفكير )

المدرس : بتحب التفاح

الطفل : ايوه .... بحب التفاح

المدرس : عشان لونه أحمر

الطفل : لا عشان بحب طعمعه

المدرس : المدرس طب لو جبنالك فاكهة ليها نفس طعم التفاح و شكل التفاح بس لونها .... انت بتكره لون ايه

الطفل : الأسود ..... عشان بيفكرنى بالضلمه .... و انا بخاف من الضلمه

المدرس : لو الثمره دى ليها نفس طعم التفاح و شكل التفاح بس لونها أسود كنت حتحبها

الطفل : انا بحب طغم التفاح

المدرس : حتحبها ؟

الطفل : بأكره اللون الاسود

المدرس يقترب من الطفل : حتحبها ....

( تمر فترة من الصمت ) و المدرس ينظر إلى الطفل قي قلق

الطفل : أظن يا أستاذ

المدرس : ( يقفز في فرح و يصفق في طفولة ) صح ..... صح يا ( سالم ) ..... مش مهم إنك تكون من بره مختلف فى الشكل ..... المهم اللى جواك .... لأن الاختلاف ده مش فى ايدك انت

الطفل : ( يصفق لنفسه ) شاطر ( سالم ) شاطر ..... بأتعلم بسرعة ... صح أستاذ

المدرس : ( بإبتسامة ) انت ذكى .... ذكى جدا يا ( سالم ) و انا معجب بيك

الطفل : يعنى حتخرجنى معاك للعالم

( تمر فترة من الصمت خلالها المدرس في أرجاء الغرفة ثم يتوقف أمام الطفل )

المدرس : حأخدك لمكتن جديد جدا

الطفل : ( فى فرح ) صحيح يا أستاذ

المدرس : صحيح .... تعرف حأخدك فين ؟

الطفل : فين ؟

المدرس : مدينه الملاهى ... المراجيح اللى بتطلع بيك فوق .... فوق ... اصوات ضحك الأطفال ... الأضواء الملونه .... المهرجين ..... اكياس الفشار و اليس كريم .... الكل سعيد
بيلعب و يجرى و يضحك

الطفل : الله يا أستاذ انا بحب الضحك اوى .... امتى يا أستاذ

المدرس : حأطلب من والدك ..... و إن شاء الله ......... الحصه الجايه فى الملاهي ... استنى
هاوريك

( المدرس يخرج من جيبه مجموعة من الصور يناولها للطفل )

المدرس : دى صور ليه و انا طفل صغير في الملاهي بص انا فى الصورة الاولى دى ..........

و المدرس يشرح له بعض الصور )

المشهد الثامن عشر

ليل داخلي

( غرفة الطفل الأم مستلقية على السرير بجوار الطفل )

الطفل : انت عارفه يا ماما

الأم : ايه

الطفل : الحصه الجايه ليه مش هتكون فى البيت هنا

الأم : ( بريبه و توجس ) أمال فين ؟

الطفل : في الملاهي

الأم : ( في فزع ) الملاهي ....

الطفل : ايوه .... في الملاهي ..... المستر وعدنى خلاص

الأم : ( في فزع و قد علا صوتها ) إزاى يعمل حاجه زى دي

الطفل : في ايه يا ماما ..... فى مشكله .. فى الملاهي

الأم : في مشكله ؟! ....... الملاهي مكان خطير .... خطير جدا ... أكيد الراجل ده ما كنش مستوعب اللى بيقوله

الطفل : الملاهي مش مكان خطير .... الملاهي مكان كل الناس في فرحانه .... كل الناس بتضحك و تجرى و تلعب و تغنى

الأم : الملاهي مكان خطير .... الخطر فى كل ركن فى كل زاويه و كل ....

الطفل : ( مقاطعا ) أنا شفت الصور ..... شفت صور ( المستر ) و هو طفل زي في الملاهي ... كان فرحان و في ايده ايس كريم .... و متصور معاه باباه و مامته ... كانوا بيغنوا سوا ... و بيضحكوا ... شفتهم و هما راكبين سوا المرجيحه اللى بتطير لفوق ..... لفوق خالص و حواليهم الأنوار ملونه .... الملاهي مكان جميل

( فترة من الصمت تنهض بعدها الأم من الفراش و تتجه نحو الباب مسرعة باكية )

الأم : تصبح على خير

( و بينما هى تندفع مغادرة أتاها صوت الطفل صاخبا عاليا )
الطفل : الملاهي مكان جميل .... أنا بحب الملاهي .... أنا بأحب الملاهي ..... أنا بأحب الملاهى

المشهد التاسع عشر

نهار داخلي

(غرفة المكتب الأب جالس إلى المكتب و المعلم على الكرسي المقابل)

الأب:أنت نقضت عهدك معايا .

المعلم:أنا عملت الصواب.

الأب:أنت بتدمر الي أنا حاربت عشانه السنين الي فاتت .

المعلم:سيادتك كنت بتحارب في المكان الغلط

الأب:أنت عايز تدمر ابني ؟

المعلم:أنت الي بتدمره و بتقتله بأنانيتك .

الأب : (بصوت ثائر غاضب ) أنت بتدمرني

المعلم :مش محتاج أدمرك...أنانيتك و غرورك و تسلطك هما الي دمروك .

الأب:أنا مسم...

المععلم:( مقاطعا) أنت مزيف....مسخ مشوه....عاوز تعرف أيه الشر الي بتخوف بيه ابنك ....الشر هو الأنانية ....الشر هو أنت مش حد تاني .

(تمر فترة من الصمت ينظر كل منهما للأخر في تحد )

الأب: خدمتك انتهت

المعلم:بس حربي مانتهتش ...و الشر الي جواك خصمي...حاول أنت تكون حليف أي ضده .

(المدرس يتجه ناحية باب الخروج)

المعلم:و على فكرة ...أنا ماسلمتش...و مصمم إن (سالم) يخرج ...حنخرج سوا أنا و هو .

[stg110]

المشهد العشرون

ليل داخلي

الطفل : المستر غتأخر ليه ....

الأم : مش هيجى ...

الطفل : عيان ...

الأم مش هيجى تانى حالص

( لحظه من الصمت يأتى بعدها صوت الطفل خافتا حزينا )

الطفل : ليه

الأم : بابا إكتشف أنه شرير .... كان شكله طيب ما ...

الطفل : ( مقاطعا ) المستر مش شرير

الأم : بابا قال شرير

الطفل : ( بصوت باكي ) المستر مش شرير ...... المستر مش شرير

( تنهض الأم بأتجاه الطفل تهدأه بينما هو يصرخ فى هسترية )

بابا هو الشرير ....
بابا هو الشرير .......

المشهد الحادي و العشرون

نهار داخلي

(غرفة الطفل،ظل الطفل وحده على السرير ونسمع صوت بكائه تدخل الأم الغرفة )

الأم:إتفضل .

(يدخل المدرس إلى الغرفة)

المعلم:سالم

الطفل: (و قد هدأ صوت بكائه) مستر

المعلم:منعيطش يا ولد ...أنت شجاع...و أنا معاك....هات ورقة و قلم .

الطفل:ليه ؟

المعلم:حنكتب جواب لبابا .


المشهد الثاني و العشرون

نهار داخلي

(نفس المشهد الأول الأب يطوي الرسالة و يضعها إلى جواره ،يفكر فترة من الوقت ينهض ليخرج من المكتب )



المشهد الثالث و العشرون (الأخير)

الأب يصعد درجات السلم ببطء يقترب بخطوات بطيئة من باب غرفة الطفل ، يتوقف لحظات ، يفكر،يضع يده على مقبض الباب يهم بإدارته ،يديره رويدا رويدا ،يعيده لوضعه الأول يسحب يده في بطء،يديره مرة أخرى رويدا رويدا،يسحبها...يبتعد عن الغرفة في خطوات بطيئة ..يبتعد..يتوقف فجأة ...يعود مسرعا نحو باب الغرفة...و يدير المقبض بقوة ليفتح باب الغرفة بعنف...و يقتحم الغرفة/و يزيل الستائر في عصبية،يفتح رتاج النافذة،يدفع الشيش ليفتح النافذة،يواجه السرير نرى ظل الطفل ينهض من النوم

الطفل: بابا

الأب: أخرج للعالم


النهاية
محمد أحمد الشرقاوي

[مورسـيس]

الأب:وهو له أصحاب ؟
الأم:لا طبعا ما أنت عارف .
الأب:خلاص يبقى مايلعبش أستغماية .



:)


الأم : تصبح على خير
( و بينما هى تندفع مغادرة أتاها صوت الطفل صاخبا عاليا )
الطفل : الملاهي مكان جميل .... أنا بحب الملاهي .... أنا بأحب الملاهي ..... أنا بأحب الملاهى
صدقني ليست كل الملاهي يا صغيري :sniff:

المعلم:( مقاطعا) أنت مزيف....مسخ مشوه....عاوز تعرف أيه الشر الي بتخوف بيه ابنك ....الشر هو الأنانية ....الشر هو أنت مش حد تاني .
(تمر فترة من الصمت ينظر كل منهما للأخر في تحد )
الأب: خدمتك انتهت
المعلم:بس حربي مانتهتش ...و الشر الي جواك خصمي...حاول أنت تكون حليف أي ضده
من مستر بوندربي ..الى اليزابيث و طومي!

من ملاهي و المعلم ..الى سيرك و هروب من الشرطه!!

الأب يصعد درجات السلم ببطء يقترب بخطوات بطيئة من باب غرفة الطفل ، يتوقف لحظات ، يفكر،يضع يده على مقبض الباب يهم بإدارته ،يديره رويدا رويدا ،يعيده لوضعه الأول يسحب يده في بطء،يديره مرة أخرى رويدا رويدا،يسحبها...يبتعد عن الغرفة في خطوات بطيئة ..يبتعد..يتوقف فجأة ...يعود مسرعا نحو باب الغرفة...و يدير المقبض بقوة ليفتح باب الغرفة بعنف...و يقتحم الغرفة/و يزيل الستائر في عصبية،يفتح رتاج النافذة،يدفع الشيش ليفتح النافذة،يواجه السرير نرى ظل الطفل ينهض من النوم
الطفل: بابا
الأب: أخرج للعالم

:clap: :clap:

يعيش الخير يا يعيش يا يعيش :tu:

ممكن تقول نسخه مصغره من روايه اوقات عصيبه لتشارلز ديكنز :)

طبعا انا بمدح :D

.

.


محمد الشرقاوي

إستمتعت فعلا بكل كلمه

و القصه لها مغزي و فكره واضحه

ابدعت محمد

ما اروعك فعلا

لككل التقدير و الاحترام...,,

[stg110]

المشهد الرابع و العشرون (بعد الأخير)
كاتب السيناريو:ستووووووووووب

المخرج : مين ده..أنت أيه الي بتعمله....عشان كده قلت لك ماتجيش هنا .

الأب:في حاجة غلط يا شباب.

الكاتب:أيه الفبركه دي هو أحنا بنعمل فيلم عربي .

الطفل:في أيه ؟

الأب:اطلع الأول من تحت السرير

( القائم بأداء صوت الطفل يخرج من أسفل السرير يمسك بعروسة يلاستيكية موضوعة على السرير و يقذفها بغضب )

الطفل:بالذمة مش أنا أحلى !

المخرج:عمك الأديب حس أن في حاجة غلط .

الأم:كده حنخسر السعفة الذهبية .

المعلم:مين دي ؟

المخرج:هو أساسا الكاميرا كان فيها فيلم ؟

الأب:نعم يا بابا ؟

المعلم:أيه في أيه بهزر .

المخرج:أيوة يا عم الكاتب في أيه ...أيه مكدرك ؟

الكاتب:النهاية مش ملاحظ أنها عادية و متوقعة .

الأم:اتجوزوا و عاشوا في تبات و نبات وخلفوا صبيان و بنات .

الطفل:هشت أسكتي .

الأم:ولد...عيب تكلم ماما كده .

المخرج:مابنصورش....الفيلم خلص .

الأم: ( تستند على كتف القائم بأداء صوت الطفل ) أوه...سوري حتخرجني على العشا فين النهارده ؟

الأب:استنوا شوية ....اتكلموا جد....فعلا أنا ازاي غيرت رأي بسهولة كده ؟

الطفل:عيل و عبيط .

المعلم: أسلوبي البارع ....و حجتي القوية .

الطفل : (يشير إلى المعلم ) الواد ده مغرور.....شرير....شرير.

المخرج: لا يا فذلوك مش حجتك القوية..و لا كلامك البديع .

( الجميع ماعدا المخرج و الكاتب ) : أمال أيه ؟

الكاتب:مين هنا الي انتصر الخير و لا الشر .

الأب:الخير

الطفل:الشر طبعا .

الأم:ليه

الطفل:مش أنت الي قولتي لي إن العالم الي بره هو الشر....الشر فتح الباب .

المعلم:بطل تهريج يا رخم .... النتيجة تعادل و حتنها تعادل لحد يوم الحساب .

المخرج:سمع هس ...الي فاز هنا مش الخير ...(يشير إلى الأب ) الراجل ده عمره ما حيبقى بني أدم ...

الأب:ليه الغلط ده .

المخرج:قصدي الأب .

الكاتب:مظبوط .

الطفل:ده أنتوا كنتوا بتشغلوا بهايم بقى ..

المخرج:أرجع ياله تحت السرير ..

الكاتب: (موجها كلامه للمخرج ) أنت شايف الي حصل ده منطقي .
المخرج : مش دي فكرتك يا ابني ؟

المعلم:أنا عارف مشكلتك ...أنت حاسس إن الجمهور دلوقت في الصالة فطسان على روحه من الضحك ...وواحد ظريف من الشباب الجرافته بتوع اليومين دول نازل تريقة على الفيلم ...و الحته المسمسمة الي جنبه معجبه بدمه الي يلطش .

الكاتب:بالظبط الفكرة ضاعت .

الأم:يا نهار أسود ....أنا دلوقت فهمت .

المعلم:فهمتي أيه ؟

الأم:الي فتح الباب الصحفي مش الأب .

الأب:ما الصحفي هو الأب .

المعلم:استنى ....أنا فهمت .

المخرج:خلاص..خلاص...احنا ممكن نوزع تنويهات على تذاكر الدخول....امنعوا الضحك النهاية ليست سعيدة

الطفل:امنعوا الضحك ...و صحفي و أب...أنا راجع تحت السرير (ينزل تحت السرير)

المخرج: (مستغرق في التفكير ثم ينظر فجأة للكاميرا ) بتصور أيه يا حمار ....كت

النهاية
المرة دي بجد

[مورسـيس]

:sniff:

اهي ده نهايه مفتوحه بعد الإغلاق!!!

يعني...

اللي فهمته!

ان العالم مهما كان حلو او وحش.. برضه هو نفسه العالم!!

لا تسيب الحبل على آخره فيضيع منك محبيك

و لا تشد الحبل على آخره فينقطع فتنقطع معه صله وصلك بمحبيك!

مش شرير و مش طيب!!

ماهوش شر ... و لا هو خير

ده مجرد ... عالم مفتوح!

.

.

.

.

شرقاوي!

حته ما بعد النهايه فكره جديده :)

سلمت الايادي يا عم محمد

فعلا إستمتعت جدا جدا جدا

لك كل التقدير يا ريّسنا

ورردة

[stg110]

ازيك يا عم مورسيس والله فكرة ما بعد النهاية لسة جاية على بالي امبارح بالليل و التفسير الي انت وصلت له صحيح إلى حد كبير بس أنا بصراحة كنت متغاظ من النهاية لأن كان شكلها فعلا تقليدي و سعيد


و مش معقولة أنا أكتب نهاية سعيدة عيب جدا .


أصل أنا كئيب بالفطرة
:sniff:

بس في الحقيقة الي خد قرار اخراج الولد للعالم بخيره و شره هو الصحفي العاقل مش الأب الأناني

و الأب الصحفي هما وجهان لشخص واحد و هو نموذج لهذا العالم الكبير بوجهيه الخير والشر


و عموما القصة ليها تفسيرات كتير كل واحد حسب رؤيته و سعيد جدا باستمتاعك يا ريس

سلام