غليان الماء... وسؤال!

[mustafaalfarama]

معلش يا جماعة أنا أسأل سؤال غبي شوية
هو ليه لما بنعمل الشاي لازم تكون المية بتغلي ؟
بس مش عاوز ضرب شتايم ممكن

[الأميرأمير]

بقى مش عارف ليه لازم تكون بتغلي ؟ :maaaad:

بتغلي م الغيظ أكيد !! :clap:
تحياتي

[د.بلال]

انا سألت نفسي نفس السؤال ده قبل كده :think3:

بس موصلتش لحل منطقي ..

يمكن مثلا لما الميا بتغلي بتطر الكلور اللي بيبقا فيها للتنقية مثلا ؟

والكلور ده هو اللي بيعمل حوارات بيضة فوق الشاب لو الميا مش بتغلي :think3:

يا ريت نشوف ابداعات الشباب :tu:

[& الفايروس &]

السلام عليكم
هو انا مش فاهم ايه الغرض من السؤال
بس حسب اعتقادي ان احنا بنغليه عشان نعرف نشربة
والتفسير العلمي برضه حسب اعتقادي ان احنا بنغليه علشان نبعد جزيئات الماء عن بعضها ونسمح لجزيئات الشاي للدخول بينها ولتسريع ذوبان الشاي والسكر طبعا
بس خلاص
تحياتي
والسلام عليكم

[محب الصداقة]

يا سلام اهى دى فايدة العلم
الله ينور :tu:

[mustafaalfarama]

الجهل وحش يا ولاد
الله يخليك يا عم فيروس

[ســانــدى]

مشكور يا فايروس على المعلومة :tu: :flowers:

[د.بلال]

هي ممكن علشان المسافات بين الجزيئات بس في حاجة ..

لما تعمل الشاي في مية سخنة جدا بس قبل الغليان برضو بيتكون الرغاوي البيضة دي
يعع :chr58:

[الشيطان]

معلش يا شباب
دى أول مشاركة ليا فى القهوة :think3:
يمكن يكون الشاى مش نظيييف :think3:
والميه السخنة هى اللى بتنضفه :واه يابوي
علشان منشربش الشاى وهو وسخ :twee:

[ابن عم زوم زوم]

أسف على الخروج برة الموضوع ولكن اخى الشيطان ولكن فعلا هذا ليس اسم للتفاخر به وهو الشيطان وحتى لو بالهزار ليس هو الإسم الذى يظل معك طول مشاركاتك وشكرا اسف مرة اخرى على تدخلى وجزاكم الله خيرا :wub:

اخوكم

[ســانــدى]

اعوذ بالله من الشيطان الرجيم

معلش بأه يا ابن عم زوم زوم

انا اتعوذت مش هيقدر يدخل يرد عليك :واه يابوي

[صوت صفير البلبل]

احم احم



اعتقد ان المعادله المطلوبة هي شاي +ماء(مع حراره) يدينا شاي(شاي يتشرب يعني)


يعني موضوع الجزيئات ده ينفع في السكر مش في الشاي

[mohamed_22_12]

أسف على الخروج برة الموضوع ولكن اخى الشيطان ولكن فعلا هذا ليس اسم للتفاخر به وهو الشيطان وحتى لو بالهزار ليس هو الإسم الذى يظل معك طول مشاركاتك وشكرا اسف مرة اخرى على تدخلى وجزاكم الله خيرا :wub:

اخوكم

عندك حق يا أخي المفروض إن الأخ ده يعمل اشتراك تاني

و العملية سهلة لإنها مشاركة واحده بس

[مـؤيـد]

رساله خاصه وحده تنهي الموضوع :closeeye:
يا حبنا للتهويييييل :chr58:

[د.بلال]

اشطة عليك يا جوارح :tu:

[حلا الروح]

أنا من وجهة نظري إن احنا ابنغلي الشاي مش عشان الشاي والجزيئيات والسكر ولا أي حاجة من هادي خالص

بدليل انك ممكن تغلي الشاي ويكون بدون سكر

أو إنك متغليش الشاي وتنزلو عن النار قبل مايغلي ومايكونش في أي تأثير علىطعم الشاي و لا لونو >>>وجهة نظر :closeeye:

بدليل إني لما بكون مستعجلة أوقات بعمل الشاي وبستناش عليه لما يغلي :drop: وبيشربوه من غير ميغلي عادي ولابيحسو بفرق بالطعم ولا باللون ولا بأي اشي :drop:

بس هوه انا أعتقد انو احنا ابنغلي الشاي عشان احنا اتعودننا على هيك من غلي الحليب قال يعني لما نغلي الحليب بنقضي على الميكروبات اللي فيها
فاحنا اتعودنا نغلي الشاي و المرمية و البابونج وغيرو ولا هيه إجت على الشاي بس

صحيح أنا مليش بالشاي خالص أنا بحبهوووووووش

أنا بشرب حلييب وبس شرابي المفضل :wub:

[فريد نوعه]

السلام عليكم
اولا السؤال مش غبي اطلاقا ملاحظه بسيطه كهذه كانت سببا في اكتشاف الطفو والجاذبيه:tu: ...الخ
الأجابه على السؤال ::think:
الشاي يتكون اساسا من خلايا نباتيه يحيط كل خليه ما يسمى بالغشاء البلازمي والذي يتمتع بما يسمى "النفاذيه الأختياريه " :think3: اي انه يسمح بدخول وخروج بعض المواد دون البعض الأخر:واه يابوي
ولكن عند تعرض هذا الغشاء البلازمي لمواد معينه او ظروف ما كالحراره فانه يفقد هذه النفاذية الأختياريه ويصبح منفذ لجميع المواد من الداخل والخارج وبالتالي فإن الصبغه الحمراء داخل الخلايا والمسئوله عن لون وطعم الشاي تخرج من الخلايا إلى الوسط المحيط وهو الماء ليتكون الشاى المعروف
هذا والله اعلم
وبالهنا والشفاء :flowers:

[البرنس موبي]

السلام عليكم
اولا السؤال مش غبي اطلاقا ملاحظه بسيطه كهذه كانت سببا في اكتشاف الطفو والجاذبيه:tu: ...الخ
الأجابه على السؤال ::think:
الشاي يتكون اساسا من خلايا نباتيه يحيط كل خليه ما يسمى بالغشاء البلازمي والذي يتمتع بما يسمى "النفاذيه الأختياريه " :think3: اي انه يسمح بدخول وخروج بعض المواد دون البعض الأخر:واه يابوي
ولكن عند تعرض هذا الغشاء البلازمي لمواد معينه او ظروف ما كالحراره فانه يفقد هذه النفاذية الأختياريه ويصبح منفذ لجميع المواد من الداخل والخارج وبالتالي فإن الصبغه الحمراء داخل الخلايا والمسئوله عن لون وطعم الشاي تخرج من الخلايا إلى الوسط المحيط وهو الماء ليتكون الشاى المعروف
هذا والله اعلم
وبالهنا والشفاء :flowers:رد زي الفل والله ينور عليك بجد أكيد إنتا خريج علوم يا فريد نوعة (هيا دي الناس اللي بتعرف تحلل مظبووووط )أنا ما كنتش هأقدر أقول حاجة زيادة عن اللي حضرتك قولتوة
بس ممكن أسأل حضرتك بس سؤال توضيحي حضرتك تقصد الغشاء البلازمي تحديدا والا الجدار الخلوي واللي بيتركب من السيليولوز لأني أعتقد إن الغشاء البلازمي بيتكسسر بعد تقطيع ورقة الشاي وتجفيفها وتحميصها وطحنها (وفي بعض أنواع الشاي إضافة نشارة الخشب والصبغة وبعض القاذورات اللي طبعا مصدرها بيكون الشارع )
وتحياتي

[فريد نوعه]

رد زي الفل والله ينور عليك بجد أكيد إنتا خريج علوم يا فريد نوعة (هيا دي الناس اللي بتعرف تحلل مظبووووط )أنا ما كنتش هأقدر أقول حاجة زيادة عن اللي حضرتك قولتوة

تشكر يا أستاذ برنس موبي:flowers: واستنتاجك في محله:tu: انا فعلا طالب في علوم في اخر سنه ( دعواتكم ليه)

بس ممكن أسأل حضرتك بس سؤال توضيحي حضرتك تقصد الغشاء البلازمي تحديدا والا الجدار الخلوي واللي بيتركب من السيليولوز لأني أعتقد إن الغشاء البلازمي بيتكسسر بعد تقطيع ورقة الشاي وتجفيفها وتحميصها وطحنها (وفي بعض أنواع الشاي إضافة نشارة الخشب والصبغة وبعض القاذورات اللي طبعا مصدرها بيكون الشارع )

انا اقصد الغشاء البلازمي مش الجدار الخلوي لان الغشاء البلازمي هو المسئول اساسا عن النفاذيه الأختياريه اما الجدار الخلوي فمنفذ لجميع المواد تقريبا بالأضافه إلي ان الجدار الخلوي يمكن بنائه مره ثانيه بخلاف الغشاء البلازمي اللي لو اختفي او اتكسر يبقي يلا السلامه
,بالمناسبه خليه نباتيه او بكتيريه-جدار خلوي =بروتوبلاست وهذا البروتوبلاست هو خليه حيه وزي الفل كمان و بيستخدم البروتوبلاست في بعض تطبيقات الهندسه الوراثيه
اما خليه حيه -غشاء بلازمي= خليه ميته
ارجوا ان الأجابه تكون سهله وواضحه
وبخصوص نشارة الخشب والذي منه فيعم سيبك هيه جت على دي ربنا ساترها واهي مشيه على العموم نشارة الخشب صحيه جدا على الريق:es3af:
ربنا يحفظكم جميعا
وشكرا على السؤال يا برنس :clap:
تحياتي ورردة

[mahmoud]

أن أريد شى عن انشاء المواقع وطريقطة عمل البرمجة

[محمود سعيد]

مش مهم المية بتغلى لية المهم اننا نشرب الشاى