أمس للغنم .... وغدا للغنام

[QALB_ELDEEN]

سلام الله عليكم و رحمته و بركاته و مغفرته و جناته

ممكن نقول ان قضية الاستنساخ نالت من الاهتمام دينيا و اجتماعيا و طبيا و قانونيا و ربما سياسيا مالم تنله قضايا أخرى معاصرة ...

و بدأ الاهتمام بقضية الاستنساخ بعد اعلان العلماء مولد النعجة دوللى عن طريق الاستنساخ ... و هذه النعجة هى أول حيوان يوجد عن طريق غير طريق التناسل ... و حكاية هذه النعجة ... بدأت بأخذ خلية بالغة من شاه فنلندية فى نفس الوقت اخذت خلية بويضة من شاه اسكتلنديه ونزعت نواتها بحيث لا يبقى الا سيتو بلازم الخلية الذى به خاصية التكاثر ....تم استخدام شحنات كهربية للعمل على التحام الخليتين ببعضهما ثم بدء الاخصاب والانقسام التضاعفى كما يحدث لخلية البويضة المخصبة ... بعد سته ايام تم زرع الجنين فى رحم شاه اخرى .. بعد فترة الحمل ولدت الشاه دوللى مطابقة للشاة الفلندية صاحبة الخلية البالغة

ومع تطور الهندسة الوراثية بسرعة هائلة يطرح السؤال نفسه ... هل سيأتى اليوم الذى نرى فيه نسخا مكرره تم استنساخها ... أم هل يأتى اليوم الذى يوجد فيه اناس ولدوا بغير أب ....

القضية مطروحة للمناقشة من كافة الوجوه .. و لنبدأ من الناحية الطبية ...
فى انتظار المتخصصين ورردة

[مـؤيـد]

أقل حاجه





يتثبت بمسمار صُلْب شااكوش






متابعين يا دكتور ورردة

[QALB_ELDEEN]

شكرا يا جوارح باشا للتثبيت .. بس أنا مش متخصص فى الهندسة الوراثية .. أكيد فى ناس متخصصة معانا فى القهوة ... حتفيدنا أكتر ...

بس أنا فعلا عايز اعرف حاجة .. اللى يقدر يجاوب يبقى جزاه الله خير ..
ياترى لو نفع موضوع استنساخ الانسان ... حيبقى المنسوخ اللى هو النسخة التقليد ده موقفه ايه شرعا .. يعنى حيبقى أخو و لا أبو الشخص المستنسخ ( الأصل) و لا حيبقى له وضع أخر ... طيب لو فرضنا ان النسخة التقليد ده حب يتجوز مثلا أخت المستنسخ الأصلى ... حكم الشرع أيه ؟؟؟؟؟

سلام

[ســانــدى]

السلام عليكم ورحمة الله

صراحة يعنى انا ليس عندى اى فكرة
عن الحكم الشرعى ...طبعا يوجد فى القهوة
من هم اقدر فى الاجابة عن السؤال

أنا فقط أحببت أن اضيف ان النعجة دوللى
تم قتلها قتل رحيم :واه يابوي
بعد ست سنوات علي ولادتها عبر عملية استنساخ
وذلك بسبب معاناة طويلة مع البدانة المفرطة
والشيخوخة المبكرة ثم من مرض رئوي
ورئي في النهاية أن الحل الوحيد لمواجهته
هو إنهاء معاناة النعجة وقتلها‏' B)

يعنى حتى لو قُدر لعمليات الاستنساخ النجاح
فلا يمكن أن يضاهوا صنع الخالق الذى قدّر
كل شىء خلقه ثم هدى ....

بالنسبة بأه لاستنساخ البشر فتم فعلا
استنساخ اول طفلة فى طائفة الرائيليين
بل أعلنوا استنساخهم لعدة أطفال

وأظهرت أبحاث البروفيسور يان فيلموت
المسئول عن معهد روزلين والذي استنسخ النعجة‏'‏ دوللي‏'‏
أن كل الحيوانات المستنسخة في العالم تعاني
من تشوهات جينية وجسدية‏.
‏ وفيما يشبه الاستسلام‏ وجه معهد روزلين إنذارا
وتحذيرا من مخاطر الاستنساخ البشري
‏ وذلك بعد إعلان طائفة الرائيليين عن ولادة طفلة مستنسخة‏

حكاية بأه طائفة الرائيلين والطفلة دى
لسه لم أقرأ عنهم بالتفصيل

[د.بلال]

يا جماعة دوللي مش الكائن الوحيد اللي تم استنساخه ... في كائنات كتيرة تانية استنسخت

بس معلش في حاجة محيراني ... المفروض الكائن الناتج بيبقا نسخة من صاحب البويضة المزروعة

هو المفروض الخلية بتاعت الشاه الفنلندية مش بتنزرع بحالها كده في البويضة .. اللي فاكره اننا ( مش احنا يعني العلماء طبعا :drop: ) بيجيبو خليه جسدية - مش تناسلية - و ياخدو النواة بتاعتها اللي فيها العدد الضعفي من الكروموسومات ( 2n ) وتتحط مكان نواة البويضة الاسكتلندية


موضوع جميل ومحتاجين فعلا نفهم بيحصل ازاي .. اصل العملية مش مكنه تحط الخروف من ناحية يطلع خروف شبهه من الناحية التانية :surrender

يا جماعة اجتماعيا الموضوع مرعب :huh:

طيب انا بلال وعملت بلال " بلال داش يعني :tu: و بعدين جه بلال الاوريجينال مات مثلا الله يرحمه بلال داش بقا يورثة مثلا ؟؟

طيب بلاش مات بلال الالي خلف بنت و بلال داش خلف ولد ينفع يتجوزو ؟

ان شاء الله مش هينفع استنساخ الانسان :hot:

[CodeR]

بسم الله الرحمن الرحيم
والصلاة و السلام على محمد و اله و صحبه اجمعين
ثم اما بعد
بالنسبة للرائيليين دي طائفة دينية شاذة .. ملة من الملل اياها بتاعة المجانين .. انا احكيلكم حكايتهم .. الحكاية اللى جمعتها من مصادر عديدة .. مش هتلاقوها عند حد تاني ..
من وجهة نظر الرائيليين .. و من الناحية الشرعية الدينية .. و من وجهات نظر عديدة
هحكيلكم مين هم .. و مين زعيمهم اللى بيدعي النبوة .. و ازاي استنسخوا بشر فعلا .. و استنسخوا كام واحد .. وعدد الرائيليين في العالم .. و ايه اهم مبادئهم و شرائعهم ..
تحبوا يكون الرد هنا و لا في موضوع منفصل ؟
سلام عليكم

[مـؤيـد]

أنا من رأيي يا باشمهندش انك تحط الموضوع هنا بما اننا حنتكلم عن الاستنساخ من جميع النواحي يعني
عمومًا :closeeye:
رأي الكاتب "قلب الدين" هو اللي بيمشي :flowers:
بس حتكون اضافه حقيقية وحلوة ياحج كودر :flowers:

[QALB_ELDEEN]

السلام عليكم ورحمة الله

صراحة يعنى انا ليس عندى اى فكرة
عن الحكم الشرعى ...طبعا يوجد فى القهوة
من هم اقدر فى الاجابة عن السؤال

أنا فقط أحببت أن اضيف ان النعجة دوللى
تم قتلها قتل رحيم :واه يابوي
بعد ست سنوات علي ولادتها عبر عملية استنساخ
وذلك بسبب معاناة طويلة مع البدانة المفرطة
والشيخوخة المبكرة ثم من مرض رئوي
ورئي في النهاية أن الحل الوحيد لمواجهته
هو إنهاء معاناة النعجة وقتلها‏' B)

يعنى حتى لو قُدر لعمليات الاستنساخ النجاح
فلا يمكن أن يضاهوا صنع الخالق الذى قدّر
كل شىء خلقه ثم هدى ....


شكرا يا ساندى للمشاركة المفيدة ورردة

أما ليه النعجة المذكورة اصابها امراض الشيخوخة فده لوجود أجزاء معينة فى نهاية الكروموسومات تسمى تيلومير ...هذه الأجزاء تفقد ما بين 5- 20 من هذا التيلومير ونظرا لان التيلومير هو الذي يحدد عمر الخلية و كم من الوقت تستطيع أن تحيا و تنقسم فعلية فأن التيلومير أو أجزاء الحامض النووي الموجودة في نهاية الكروموسومات هي التي تحمل الميقات الذى يحدد للخلية ميعاد شيخوختها وإيذانا بموت هذه الخلية وعليه فالكائنات المستنسخة بهذه الطريقة تظهر عليها أعراض الشيخوخة مبكرا لأنها تحتوى على نسخة من كرومسومات الام بميقات الام وليست بميقات الابن او النسل المستنسخ

أما موضوع انهم ممكن يستنسخوا ادميين فأنا شايف انها مسألة وقت و تجارب و حيعملوها .. بس أكيد طبعا حتكون مصحوبة بمشاكل و عيوب والله أعلم حيعالجوا العيوب دى و لا لأ ...

سؤال ... اشمعنى اختاروا نعجة .. له ماختاروش أرنب و لا فار و لا أى حيوان تانى؟

الأخ كودار .. اتفضل ياباشا .. نحن اذانا صاغية ورردة

[ســانــدى]

السلام عليكم
الف شكر اخى قلب الدين على المعلومة الجميلة
عن التيلومير

اما لماذا اختاروا نعجة وليس كائن اخر
فأكيد هناك أسباب
وقلبى حاسس انك تعرفها B)
وعليه ياريت تقول لنا الاسباب

بالنسبة لموضوع الرائيليين أتمنى انه يكون
فى موضوع مستقل حتى لا يظلم بتواجده كرد
لانه يتكلم عن طائفة لا ندرى عنها شىء
وان كان ما وصلنا يؤكد انها تملك من التكنولوجيا
ما قد يجعلها خطر على الجنس البشرى

فأتمنى اناه يكون موضوع مستقل
وللجميع تحيتى

[د.بلال]

يا ريت فعلا يكون الموضوع مستقل ... بس تتاكد من المصادر علشان ناس كتير قالو ان البت اللي استنسخوها دي بطيخة :chr58: تأليفة يعني

[CodeR]

بسم الله
السلام عليكم
الموضوع كبير جدا .. فضلت كتابته في موضوع مستقل
هنا كل ما تريد معرفته عن الرائيليين و استنساخ البشر (http://www.haridy.com/ib/showthread.php?p=427020)