الأسنان .. تشريحيا [الأرشيف]

د.بلال

12-22-2004, 02:45 AM

السلام عليكم :teeth:

بما اني المفروض يعني طالب طب اسنان راضي بقضاء الله :closeeye:

وبما اني د.بلال مش بلال حاف يعني احم احم B)

قررت ان شاء الله اني اعملي منظر وانزل موضوعين تلاتة عن السنااان :chr58:

اول حاجة ..

تشريح الاسنان

تتكون السنة من 3 مناطق وهم من أعلى لأسفل التاج Crown و العنق Cervix والجذر Root

أولا : التاج Crown

الجزء الأبيضيكا اللي بيبقا ظاهر في الفم لما تفتح بقك

و يتكون التاج من 3 مناطق و هي من الخارج للداخل كالتالي :

1 - المينا Enamel :
:eat:
و هي الطبقة الخارجية اللي بتغلف التاج وهي طبقة رقيق و شبه شفافة ولكنها اقوى طبقات السنة وتعتبر هي الطبقة الواقية للسن من المؤثرات الخارجية كالحرارة والبرودة. :cold:

وعلى فكرة نسيج الـ Enamel هو اكتر الأنسجة في جسم الانسان احتواءً على أملاح معدنية وهو أصلد جزء في جسم الإنسان علشان كده بيستحمل احتكاكات و و قوة المضغ الكبيرة جدا جدا اكتر مما تتصورو سنان ياابااا :bb:

2- العاج Dentin :
:eat:
يلي طبقة المينا Enamel وهو طبقة سميكة وحساسة و اقل قوة من الـ Enamel بس مع ذلك لا يزال اقوى من نسيج العظام العادية .

3 - التجويف اللبني Pulp cavity : :eat:

وبيبقا فيه الأوعية الدموية والأعصاب اللي بتغذي السن بيتكون من نسيج ضام Connective tissue و بييجي من قناة في الجذر اسمها Pulp canal و تكمل في الـ crown و تنتفخ شوية علشان تكون Pulp chamber و الـ Pulp ده اللي بنطلق عليه اسم " العصب "

ثانيا : العنق cervix

وتسمي عنق السنة تقع بين التاج والجذر وهي منطقة حساسة لأنها غير مغلفة بالمينا.

ثالثا : الجذر Root

وده بيبقا مدفون في اللثة و عظام الفك في تجويف اسمه Socket معرفش بالعربي يعني ايه ايه بس ممكن يكون حاجة زي الجراب و زي ما قلنا قبل كده بيبقا فيه قناة تحوي الـ Pulp تسمى Pulp canal
والجذر بيبقا محاط بأربطة اسمها Periodontal ligaments بتمسك السنة كويس مع عظام الفك و لو لا قدر الله حصل فيها التهاب السنة ممكن تقع بسهولة :chr58: .
متبقاش الا اننا نقول ان في اخر الجذر من ناحية الفك عند القمة بيبقا في فتحة ( الل بيدخل منها الـ Pulp ) اسمها Apical foramen .
و زي ما الـمينا بتحيط بالتاج الجذر كمان عنده حاجة بتحيط بيه بس اقل قوة شوية اسمه Cementum

و شفو الصور توضح اكتر :chr58: :chr58:

http://www.mydr.com.au/content/images/categories/dental/tooth_anatomy_vs2.gif

http://www.ee.ucla.edu/xyz/Acoustic/marty/images/tooth.jpg

http://images.encarta.msn.com/xrefmedia/zencmed/targets/illus/ilt/T012499A.gif

ســانــدى

12-22-2004, 03:01 AM

جميل جدا يا دكتور

شكرا على الشرح :flowers:

مـؤيـد

12-22-2004, 10:54 AM

جميل جدا يا دكتوووووووور
ربنا يديك الثحه :chr58:

كان عندي تساؤل بما انك دكتور وبتقول لي احيانا بتسأل دكاتره أسئلة في منتهى البساطه ومابيجاوبوش :closeeye:
فانا حسألك وأوعه تقول معرفش

أحيانًا لما ببص في سناني :closeeye:بلاقي حاجه فوق كل سن زي الخيال (هلاميه يعني) لكن لما اجي امسكها مبتتمسكش ، بس بتنشاف يعني :blink: ايه هيا دي بأاااااااااه؟
معرفش دي في كل السنان يعني ولا... يوه بقى

حاجه تانية: ايوه الحساب بعدين :viking:
انا عايز اعرف لما بناكل حاجه ايه هوا اللي بيتربط بالسنان من الأكل..؟:think3:
يعني احيانا تلاقي واحد مثلا بيعمل اسنانه بالنكاشه على اساس بواقي الملوخيه! فمافيش حاجه بتبقى ورغم ذلك تلاقي سنانه مسوسه وصفراااااااااااااااااااااااااااااا
السؤال بأه
ايه هيا العوامل اللي بتسبب تجمع السوس واصفرار السن؟
هل هي عوامل كيميائية بتحدث تفاعل داخل الفم زي مالرطوبه كده بتصدع الجدار
وتبقى ريحة الأكل تعمل اصفرار وتفاعل مع مواد داخل الفم؟

ولا المسؤل عن التسوس بيبقى فقط بقايا الأكل العالقة؟

معلش طولنا عليك... وجزاك الله خير مره تانيه
أصل عالم السنان ده ملياااااااااان!

تقي الدين

12-22-2004, 03:28 PM

أحيانًا لما ببص في سناني بلاقي حاجه فوق كل سن زي الخيال (هلاميه يعني) لكن لما اجي امسكها مبتتمسكش ، بس بتنشاف يعني ايه هيا دي بأاااااااااه؟
معرفش دي في كل السنان يعني ولا...

أنا برضه عندي البتاعة دي :hot: ....

ســانــدى

12-22-2004, 04:34 PM

السلام عليكم
بعد إذن الدكتور بلال
أرد على الجزء اللى أعرفه
وهو سبب إصفرار الاسنان

اصلا يعنى مش كل الاسنان لها نفس الدرجة من اللون الابيض
بمعنى انه فيه اسنان لونها الطبيعى بيميل الى الاصفرار و
بعض الأسنان بتكون أكثر اصفراراً والبعض الآخر يصفر مع تقدم السن
ويمكن للسن الطبيعية أن تصفر للعديد من الأسباب...
وفيه نوعين من الاصفرار:

- الاصفرار السطحي والذي ينتج عن تدخين السجائر
أو شرب القهوة أو الشاي أو تناول بعض الأطعمة التي تساعد على صبغ الأسنان
كأنواع من التوت اضافة إلى تجمع مادة الكالسيوم حول السن والتي تعرف بالتكلسات.
-الاصفرار الداخلي والذي ينتج عن التقدم في السن أو حصول اصابات
أو الاستخدام الزائد للفلورايد أو كنتيجة بعض الأمراض أو أخذ المضادات الحيوية كالتتراسيكلين في سن مبكرة.

العلاج ..او (الحلول المقترحه )

1-تنظيف الاسنان بمعجون اسنان جيد صباحاََ و مساءََ يومياً

2-تدعك الصفره بعصير الليمون على قطعه قطن ..
و يكرر ذلك يومياََ حتى يختفي الاصفرار...مع ملاحظة
عدم الاستمرار فى هذه الطريقة لفترة طويلة
حتى لا يؤثر عصير الليمون على مينا الاسنان

2- تدعك الاسنان المصفره بماده بيكربوونات الصوديوم (يتم شرااؤها من الصيدليه)
مع عدم الافراط في استخدامها ايضا لان ذلك يؤثر على سلامه اللثه و الاسنان .

4-استخدام السواك والذى أثبتت الابحاث العلمية تفوقه على
كل المواد المستخدمة فى صنع معاجين الاسنان
(وان شاء الله بدور على البحث اللى قرأته عنه واكتبه)

5ـ ودى طريقة مجربة تاخذ قطعة توست أو بقسماط و اتحرق تماماََ على النار
و تطحن جيداََ حتى تتحول الى رماد
ثم يخلط هذا الرماد بنصف ملعقة عسل
و يدعك بالاسنان تكرر العمليه و ستلاحظ نتيجه باهرة جداً

6-الاكثار من تناول عصير الفراولة فهو يساعد على تبيض الأسنان

أتمنى أن اكون قد أفدتكم

مـؤيـد

12-22-2004, 08:54 PM

جميله المعلومات دي جدا يا ساندي
جدا ا ا ا ا :tu:

جزاكِ الله خيرًا :flowers:

د.بلال

12-22-2004, 09:57 PM

د. بلال و د. ساندي ايه الحلاوة دي :tu:

:55: محميين مالعين ان شاء الله

الاخت ساندي اتفضلت مشكورة وشرحت حكاية اصفرار الاسنان وانا عاوز اضيف

حته فزلكة :closeeye: ان اختلاف اصفرار الاسنان بيوصل للسنة الواحدة بمعنى

ان جزء من السنة ممكن يكون اكتر اصفرارا من جزء اخر في نفس السنة :drop:

كل واحد يبص في المراية على سنانه ويقول ايه هي اكثر الاسنان اصفرارا عنده ...

لو مش الناب متقولش :chains:

السؤال التاني بقا :maaaad: :maaaad: :maaaad:

جابلي الخفيف .. مش فاهم منه حاجة يعني ايه هلامية ومش بتتمسك ؟؟

وسألت جوارح قالي انها بتبقا لازقة في السطح المواجه للشفايف ( البراطم :brb: )

انا فقد الامل في شرح جوارح خلاص :closeeye: ممكن تشرحهالنا انت يا تقي بما انها عندك يعني :chr58:

5ـ ودى طريقة مجربة تاخذ قطعة توست أو بقسماط و اتحرق تماماََ على النار
و تطحن جيداََ حتى تتحول الى رماد
ثم يخلط هذا الرماد بنصف ملعقة عسل
و يدعك بالاسنان تكرر العمليه و ستلاحظ نتيجه باهرة جداً

اول مرة اسمع المعلومة دي .. يمكن ميكانيكية عملها زي كتير من انواع البوردة في السوق .. مجرد احتكاك ؟

بس يبقا ايه لازمة العسل ؟ .. عامل نفسي ؟ :huh:

مـؤيـد

12-22-2004, 10:12 PM

وسألت جوارح قالي انها بتبقا لازقة في السطح المواجه للشفايف ( البراطم :brb: )

انا قلتلك كده :maaaad: ولا انتا اللي قلت لي انك لقيتها هناك :chr24:
طب انا بقول لك مبتتمسكش :maaaad:
تقول لي هيا طرية يعني؟ :brb:

اعمل لك ايه يعني يا دكتور :closeeye:

بس الاكتشاف اللي اتوصلت ليه عاااال يا دكتور والله
ياريت تطرحه للإخوة

د.بلال

12-22-2004, 10:33 PM

بس الاكتشاف اللي اتوصلت ليه عاااال يا دكتور والله
ياريت تطرحه للإخوة

طيب :surrender

بس في الاول كده الكلام ده مجرد تفسير بطيخة الله اعلم صح ولا غلط بس تسعين في المية غلط :drop:

الكلام ده تفسير لنظرية اسمها الفلوريسنس Fluorescence

وهي ببساطة كده ان الاسنان الطبيعية بتمتص الضوء اللي له طول موجي صغير جدا جدا زي مثلا الاشعة فوق البنفسجية Ultraviolet ودي مش بتتشاف بالعين المجردة انما هي بتنتج من الشمس ومن انوار كتيرة بتستعمل للزينة
طيب السنان امتصت طاقة .. هتوديها فين ؟ :think3: ماهو الطاقة لا تفنى يبقا اكيد السنة بتعمل بالطاقة دي حاجة .. فعلا السنة بتشع الطاقة اللي امتصتها في صورة اشعاعات لها طول موجي اكبر فبتكون السنة كأنها لمبة :drop:
فالكلام ده لما يحصل يديك انطباع ان في حاجة فوق السنة تروشك يعني

طبعا الكلام ده شكله مش هو التفسير للظاهرة الفضائية اللي الاخوة بيقولو عنها :chr43:

مـؤيـد

12-23-2004, 01:13 AM

ماشي يادكتره

ممكن تقول لنا لو حد "بالغ" اتعرض لصدمه لا سمح الله اتكسرت سنانه فيها :chr58:
لا قدر الله يعني
حيبقى زي الشعر المحلوق يتقطع ويطلع تاني ولا يفتح الله :closeeye:

وازاي بيداري الكسر الحاصل مثلا.. ؟

معلش انت دكتور سنان بأه وحتفيدنا :chains:

د.بلال

12-23-2004, 01:39 AM

لا يا حبيبي اللي انكسر ميتصلحش يا هنادي

قصدي يعني لو السنة الدائمة وقعت الطبيعي انها مش بتطلع تاني

ولو ان فيه حوالي 3 حالات سمعت عنهم لحد دلوقتي طلعلهم سنان لثالث مرة !

عموما .. خلي الموضوع ده نتكلم عليه بالتفصيل قدام شوية

الصوص المفترس

12-24-2004, 08:13 PM

ماشاء الله عليك يا د.بلال...

يعني كفيت ووفييييييت يا باشا .. :)

وبعدين ما بلاقي عندك مكاان عشاان اعالج اسناني عندك .. تعرف من كتر ما بفترس غيييري .. فأسناني راحت .. :brb: :brb:

يعني ازا في عندك .. خبرني .. ومشكوورين مرة تنايه ع الموضوع .. ورردة

د.بلال

12-24-2004, 09:05 PM

ورردة ورردة ورردة

بس انا بشري بس وبفترس الصوص على فكرة :viking:

الصوص المفترس

12-24-2004, 11:39 PM

يعني راحت عليناااا .. :chr58: :chr58:

الله يستر منك ... :55:
خليني انفد بجلدي :knight: قبل ما تيجيلي ...

B)

Al-Wakeel

12-27-2004, 11:57 AM

السلام عليكم ورحمة الله وبركاته

شكرا يا د.بلال على هذا الموضوع الرائع :tu: :tu:

وأتمنى انك تستمر فيه .... ومنتظرين منك المزيد :twee:

سلام :flowers:

د.بلال

12-27-2004, 06:00 PM

يا اهلا بالوكيل باشا

:tu: :tu: :tu: :tu:

مستنيين مواضيعك يا دكتور

اديك جيت وشفت الموضوع بنفسك عشان تعرف اني بذاكر من وراكم :drop:

GENEEN

12-29-2004, 03:23 AM

د بلال :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers:

موضوع :tu: :tu: :tu: :tu: :tu: :tu: :tu: :tu: كالعادة :clap:

بس ليه مش هتشرح ليه اللى بيتكسر ميتصلحش دلوقتى :maaaad: :maaaad: :maaaad: :maaaad: :maaaad:

براحتك يا دوك :surrender :surrender :surrender احنا بنمتحن برضة وعارفين :hot: :hot:

د.بلال

12-29-2004, 03:41 AM

ابدا والله يا جينين انا بس عاوز اشرحها في موضوع مستقل عشان تاخد حقها :tu:

تقي الدين

01-04-2005, 12:18 PM

ابدا والله يا جينين انا بس عاوز اشرحها في موضوع مستقل عشان تاخد حقها :tu:

اكتب انت بس..... وأنا رقبتي سدادة :tu: ....

قول لي هي عاوزة كام؟ :viking:

د.بلال

01-04-2005, 04:58 PM

:chr58: :chr58: :chr58:

عاوزة شوية وقت بس .. انا بحضر في موضوع عن تقويم الاسنان وقربت اخلصه اهه :انجغة:

تقي الدين

01-04-2005, 06:27 PM

:tu: :tu: :tu: :tu: :tu: :tu: :tu:

مـؤيـد

01-05-2005, 11:08 PM

يعني انا اثبت لك الموضوع عشان تكمل تقوم تقول لي انك عاوز تكتب في موضوع تاني يافالح :maaaad:

مـؤيـد

01-05-2005, 11:10 PM

يعني انا اثبت لك الموضوع عشان تكمل تقوم تقول انك عايز تكتب واحد تاني يافالح :maaaad:

د.بلال

01-06-2005, 01:16 AM

يا عم المشرف ابقا جمعهم بقا انت في موضوع واحد :tu:

Mr.Telepathy

01-09-2005, 04:11 AM

د.بلال.. شكرا على الموضوع..

كنت عايز أسأل سؤال ساذج... أحسن معجون سنان ايه؟؟ مقصدش اسم أو ماركة أقصد اللي يحتوي على ايه؟:box:

كمان سؤال هي الحوارات اللي في التلفزيون عن (معاجين الأسنان الحساسة ) دي بجد ولا هو نفسه العادي وبيشتغلو الشعب؟:chr58: :drop:
5ـ ودى طريقة مجربة تاخذ قطعة توست أو بقسماط و اتحرق تماماََ على النار
و تطحن جيداََ حتى تتحول الى رماد
ثم يخلط هذا الرماد بنصف ملعقة عسل
و يدعك بالاسنان تكرر العمليه و ستلاحظ نتيجه باهرة جداً فعلا أول مرة أسمع عنها:think3:

د.بلال

01-12-2005, 03:07 AM

سألت مرة الدكتور اللي كان بيحشيلي درسي :sniff:

ايه احسن نوع معجون ؟

قالي كلهم زي بعض مفيش اختلاف يذكر بس ده بيعمل اعلانات اكتر من التاني بس .. الفكرة في الاستمراية والالتزام :chr58:

ومعنديش فكرة عن المعاجين الحساسة بس اكيد يعني مش هتبقا اشتغالة على التلفزيون :tu: