لوحدنا؟ اه؟ طب لا!

[ماسة]

طبعا كلنا في يوم من الايام سالنا نفسنا يا ترى في حد في العالم دة غيرنا ولا كووول دة احنا بس اللي عايشين فية :واه يابوي, وحتى الناس اللي فاكرين ان في مخلوقات غيرنا لو حد سالهم هيقولوا لأ عشان محدش يتريق عليهم :closeeye: بعد كدة باءة لو حد سالكم قولوا لة على الموضوع دة اللي ملطوش على فكرة بس مش مشكلة :closeeye:

يقول علماء الفلك إنهم قد اكتشفوا دليلا على وجود كواكب شبيهة بكوكب الأرض تدور في مدارات حول نجم قريب فيما يشبه مجموعتنا الشمسية :واه يابوي (مين الشطور اللي يعرف اية اسم مجموعتنا الشمسية :انجغة: ) . النجم فيجا، هو أحد أكثر النجوم لمعانا في السماء، وهو يبعد عن الأرض بمسافة خمس وعشرين سنة ضوئية. والنجم فيجا يبلغ حجمه ثلاثة أضعاف الشمس، ويبلغ عمره 350 مليون عام، وهو ما يجعله أكثر شبابا من الشمس. ونجم فيجا تحيط به دائرة من الغبار، كما يدور حوله كوكب واحد على الأقل، قد ينجلي الغبار عنه مخلفا عوالم أخرى تشبه الكرة الأرضية :واه يابوي .

التحليل الذي أجراه علماء للفلك من المرصد الملكي في أدنبره، نشر في مجلة أستروفيزيكال جورنال(مش لازم تضيعوا وقتكوا وتحاولوا تقروا الاسم :closeeye: )، وهو مبني على مشاهدات التقطتها واحدة من أكثر آلات التصوير حساسية في العالم.

الصور المفصلة للنجم فيجا وبيئته تؤكد وجود قرص من الغبار شديد البرودة (سالب 180 درجة مئوية) في مدار حول النجم.

تقنيات العرض الجديدة للحاسب الآلي توضح أن تركيب هذا القرص ربما يشبه كثيرا كوكب نبتون، يدور على مسافة قريبة من المسافة التي يدور بها كوكب نبتون حول الشمس في مجموعتنا الشمسية، كما أن لهذا القرص نفس كتلة كوكب نبتون.

المدار الواسع للكوكب الشبيه بكوكب نبتون يعني وجود مسافة كافية داخله لأجسام صخرية مشابهة لكوكب الأرض.

يقول مارك ويات من المرصد الملكي في أدنبره: "شكل القرص دليل على احتمال وجود كواكب فيه، وعلى الرغم من عدم قدرتنا على مشاهدة الكواكب بشكل مباشر، إلا أنها تترك تكتلات في قرص الغبار الذي يدور حول الشمس"

وإذا كان الحال كذلك، فسيكون معنى ذلك وجود نظام كوكبي حول نجم فيجا شبيه بنظامنا الشمسي(يعني احتمال بعد كدة يقولوا لنا انهم اكتشفوا كوكب فية مخلوقات خضرا زي في الافلام :closeeye: ).

نظام فيجا الكوكبي قد يحتوي، مثله في ذلك مثل نظامنا الشمسي، كواكب غازية عملاقة مثل كوكب نبتون، تتكون قرب الشمس ثم تندفع في مدارات حولها بفعل جاذبية الكواكب الأخرى المجاورة لها.

وخلال هذه العملية، تجتذب هذه الكواكب الغازية كل الحطام الصلب مما يشكل كواكب صغيرة، مما يسمح بتطور الحياة بسهولة فوقها.

يلا موضوع قصير اهو عشان محدش يتحجج :viking:

سؤال ملوش علاقة بالموضوع بس ينفع بما اننا في منتدى علمي: لية لو بنشرب بيبسي مثلا(محدش يطلع يقول لي احنا مقاطعيين البيبسي دة مثال :maaaad: ) والكوباية فيها تلج, لية دايما اخر تلجة تلزق في قعر الكوباية؟ :thinky:

[el nounio]

شكرا يا ماسة :clap:

يعني ان شاء الله مفيش ولا اي تي ولا حاجة...

التلج بيلزق لييييييه؟؟؟ مممممممم....عشان البيبسي خلص؟

و اخر الكلام احب أقول....



يعني معاكي شلن؟؟ :brb:

[ماسة]

لا يا نونو فية :واه يابوي
طب ما هو كل التلج بيقع لو ميلتي الكوباية بس واحدة بس بتفضل لازقة :closeeye:

[د.بلال]

بسرعة بسرعة بسرعة

عايز بس اقول

ان مرة واحد كتب في الجرنال تقريبا او في كتاب مش فاكر بيقول يا جماعة .. الكون ده كبييير قوي عامل مثلا زي البرج و مش معقوله حد يبقا في برج بحجم الكون ومش مسكون فيه غير بدروم قد الأرض B)


مازنجر .. انطلق :brb:

[GENEEN]

الى الامام يا أغلى ماسة :clap: :tu: :lolly: :clap: :tu: :lolly: :clap: :tu: :lolly:

هايل :flowers: :flowers: :flowers: :flowers: :flowers:

وانا معاكى انه فيه بالمنطق طبعا وب"ويخلق مالا تعلمون" والله أعلم بس الكون واسع اوىىىىىىىىىىىىىىىىىىىىى مش منطقى يعنى يبقى عشان كوكب واحد :think3: :closeeye: المهم انهم ميعتبوش عندنا :viking: :أخخخ: هى مش ناقصة :surrender تشييز

[ماسة]

د.بلال بسرعة بسرعة بسرعة:brb: شكرا على الاضافة القيمة :flowers:
جينين تسلمي يا قمر :wub: بس لية ما يعتبوش عندنا ما يمكن يعملوا حاجة كويسة :closeeye:

[zam_zam]

الموضوع بجد هاااااااااااااااااااااااايل :clap: :tu:


تحفه وبجد زود معلوماتى كتيروخصوصا انى بحب الحاجات دى :wub:





و بالنسبه لموضع البيبسى
ممكن يكون عشانالبيبسى خلص :brb:



وفى روايه اخرى عشان المخرج عايز كده :chr24:

[مـؤيـد]

يقول مارك ويات من المرصد الملكي في أدنبره: "شكل القرص دليل على احتمال وجود كواكب فيه، وعلى الرغم من عدم قدرتنا على مشاهدة الكواكب بشكل مباشر، إلا أنها تترك تكتلات في قرص الغبار الذي يدور حول الشمس"
الحته دي مش فاهمها يا أبله يوه بقى

[QALB_ELDEEN]

سؤال ملوش علاقة بالموضوع بس ينفع بما اننا في منتدى علمي: لية لو بنشرب بيبسي مثلا(محدش يطلع يقول لي احنا مقاطعيين البيبسي دة مثال :maaaad: ) والكوباية فيها تلج, لية دايما اخر تلجة تلزق في قعر الكوباية؟ :thinky:


لنفس السبب اللى بيخللى التلج يلزق فى الفريزر من كل الجوانب .. حتى من الجانب العلوى :twee: :twee: :twee: :twee:

[ماسة]

الحته دي مش فاهمها يا أبله
اسمي ميس :closeeye:

ونجم فيجا تحيط به دائرة من الغبار، كما يدور حوله كوكب واحد على الأقل، قد ينجلي الغبار عنه مخلفا عوالم أخرى تشبه الكرة الأرضية

تركيب هذا القرص ربما يشبه كثيرا كوكب نبتون، يدور على مسافة قريبة من المسافة التي يدور بها كوكب نبتون حول الشمس في مجموعتنا الشمسية، كما أن لهذا القرص نفس كتلة كوكب نبتون.
المدار الواسع للكوكب الشبيه بكوكب نبتون يعني وجود مسافة كافية داخله لأجسام صخرية مشابهة لكوكب الأرض.

فعشان الاسباب دي شكل القرص دليل على احتمال وجود كواكب فيه. ومع اننا مش عارفين نشوف الكواكب دي, الكواكب دي بتسيب كتل في قرص الغبار اللي بيدور حوالين الشمس ودة من وجهة نظرة دليل على ان الكواكب دي موجودة :closeeye:

شكرا يا قلب الدين على الشكر التوماتيكي :flowers: بس انا مشفتش تلج لازق في الفريزر قبل كدة :أخخخ: وجتى لو بيلزق لسا محدش قال السبب :viking:

[ســانــدى]

موضوع رائع كالعادة يا ماستنا يا قمر :wub:

دايما انا افكر فى الكون الواسع ده
وعندى اعتقاد راسخ انه اكيد هناك أشكال اخرى
من الحياة العاقلة فى هذا الكون

شكرا حبيبتى على الموضوع الرائع :wub:

أما بأه سؤال الثلج ده معرفوش
شوفى لنا الدكتور مايلز بتاع العصر الجليدى
يمكن يعرف يجاوب عليه :brb:

[ماسة]

العفو يا ساندي يا قمر تورتي الموضوع كلة :wub:

أما بأه سؤال الثلج ده معرفوش
شوفى لنا الدكتور مايلز بتاع العصر الجليدى
يمكن يعرف يجاوب عليه
:brb:

[عباس بن فرناس]

ماشي يا أخت ماسة:)

خلينا الأول نسأل سؤال..ليه مفيش ولا سفينة فضاء حطت في حزام الكويكبات؟

:) بالظبط..لأنه مش منطقة مستقرة..الكتل الصخرية كلها بتدور في مدار واحد..واحتمال تصادمها كبيييير جدا بطريقة تخليها مكان خطر جدا..

بالمناسبة انتي كده بتفكريني بمقال قرأته في أميريكان ساينس..بيقوللك انه مش بس الشرط الوحيد في الكوكب اللي ممكن يكون مناسب للحياة إنه يكون موضعه من النجم بتاعه مناسب زي كوكب الأرض كده..لأ..لازم كمان موضع المجموعة الشمسية كلها من المجرة يكون مناسب :)..واستطرد في الشرح لغاية ما حسيت انه أصبح شبه مستحيل اننا نلاقي مجموعة شمسية جديدة (فمجرتنا على الأقل) فيها كائنات حية..

من الآخر أنا حاسس بشطة ولمون وشوية تحابيش حطها المصدر في محاولة جديدة..لكن الخيال العلمي مش وحش برضه..أهو أفكار بتفتح الدماغ لأفكار!

بخصوص التلجاية..هاقوللك على تجربة لزيزة قوي ممكن تفسرلك الموضوع ده..

هاتي قالب تلج طوله حوالي 30 سنتيمتر..مقطعه مربع طول ضلعه قولي بتاع 10 ولا 15 سنتيمتر..وعلقيه بين ركيزتين..وهاتي سلك نحاسي رفيع..سلك واحد مش سلك مجدول..وعلقيه على قالب التلج..وعلقي من الطرفين تقلين بتاع كيلو ونص..سيبي التركيبة دي فترة مش بطاله وارجعي تلاقي قالب التلج فمكانه (ممكن خس شوية لكن موجود)..لكن هتلاقي السلك عدى من القالب.. تاتاتاااااا :واه يابوي
لا سحر ولا شعوزة :think3:

[ســانــدى]

اتي قالب تلج طوله حوالي 30 سنتيمتر..مقطعه مربع طول ضلعه قولي بتاع 10 ولا 15 سنتيمتر..وعلقيه بين ركيزتين..وهاتي سلك نحاسي رفيع..سلك واحد مش سلك مجدول..وعلقيه على قالب التلج..وعلقي من الطرفين تقلين بتاع كيلو ونص..سيبي التركيبة دي فترة مش بطاله وارجعي تلاقي قالب التلج فمكانه (ممكن خس شوية لكن موجود)..لكن هتلاقي السلك عدى من القالب.. تاتاتاااااا

:واه يابوي :واه يابوي :واه يابوي

طيب الشرح يا اخ عباس الله يخليك
يعنى احنا محتاسين فى التلجاية اللى لازقة
فى قعر كوباية البيبسى
تعمل لنا انت لوح تلج وتقلين وعصاية غلية :واه يابوي
اقصد سلك نحاس :brb:

[ماسة]

بخصوص التلجاية..هاقوللك على تجربة لزيزة قوي ممكن تفسرلك الموضوع ده..

هاتي قالب تلج طوله حوالي 30 سنتيمتر..مقطعه مربع طول ضلعه قولي بتاع 10 ولا 15 سنتيمتر..وعلقيه بين ركيزتين..وهاتي سلك نحاسي رفيع..سلك واحد مش سلك مجدول..وعلقيه على قالب التلج..وعلقي من الطرفين تقلين بتاع كيلو ونص..سيبي التركيبة دي فترة مش بطاله وارجعي تلاقي قالب التلج فمكانه (ممكن خس شوية لكن موجود)..لكن هتلاقي السلك عدى من القالب.. تاتاتاااااا
لا سحر ولا شعوزة
عايزة شرح للشرح لو سمحت :brb:
انا مش عايزة اقول اللي استنتجتة عشان استنتاجي عبيط حبتين :brb:

[عباس بن فرناس]

عايزة شرح للشرح لو سمحت :brb:
انا مش عايزة اقول اللي استنتجتة عشان استنتاجي عبيط حبتين :brb:
لأ قولي قولي..ميهمكيش:)

[ماسة]

لأ قولي قولي..ميهمكيش :)
لية كدة باءة :drop:
طيب هقول وخلاص :closeeye: بس اللي هيضحك ولا يتريق :viking:


هاتي قالب تلج طوله حوالي 30 سنتيمتر..مقطعه مربع طول ضلعه قولي بتاع 10 ولا 15 سنتيمتر..
لحد هنا تمام

وعلقيه بين ركيزتين..
طيب يمكن الركيزتين دول في المثال بتاع البيبسي هما البتاعتين بتوع الكوباية (اللي هما القزاز بتاعها مش عارفة اسمة اية :brb: )

وهاتي سلك نحاسي رفيع..سلك واحد مش سلك مجدول..وعلقيه على قالب التلج..وعلقي من الطرفين تقلين بتاع كيلو ونص..سيبي التركيبة دي فترة مش بطاله وارجعي تلاقي قالب التلج فمكانه (ممكن خس شوية لكن موجود)..لكن هتلاقي السلك عدى من القالب.. تاتاتاااااا
لا سحر ولا شعوزة
حاسة اني غبية اوي :maaaad: المهم يمكن التقلين دول لهم تاثير قطع التلج التانية مع اني مش مقتنعة بكلامي دة اصلا :closeeye: السلك باءة :thinky: يمكن زي البيبسي :واه يابوي

[ماسة]

اية يا استاذ عباس اللينك المؤزي دة :sniff:

[عباس بن فرناس]

اية يا استاذ عباس اللينك المؤزي دة :sniff:
دي الحقيقة يا طنط ماسة..

أجنه مشوهة..سرطانات..تلوث بيئي..بركات أونكل بوش..حرب تحرير الكويت وكوسوفو..و(تحرير) العراق!

[ماسة]

انا كل دة مستنية الشرح يا لهوي :brb:

[عباس بن فرناس]

:drop: أنا آسف يا أخت ماسة..بس أصل التجربة دي مكنتش مقررة عليا في الامتحانات :drop:

بصي يا ستي..
قطعة التلج حرارتها = 0 درجة سيليزيوس..
ماشي؟
هاتحطيها تحت ضغط عالي جدا..اللي هو بيساوي وزن التقل على مساحة سطح السلك..ولأن مساحة سطح السلك صغيرة جدا..فالضغط المؤثر على التلجاية من السلك كبير جدا..
وده معناه ذوبان الجزء المعرض للضغط من التلجاية في نفس درجة الحرارة..بسبب زيادة الضغط!
بمجرد ذوبانه..السلك هايعدي..
وبعد ما السلك يعدي..ترجع المية تتجمد تاني (نسيتي ان درجة حرارتها 0 سيليزيوس؟)...لغاية ما السلك يعدي من التلجة!

تاتاتااااااا..لا سحر ولا شعوزة..ومش عايز أسخن الجو أكتر من كده:)

[calabala]

وحتى الناس اللي فاكرين ان في مخلوقات غيرنا لو حد سالهم هيقولوا لأ عشان محدش يتريق عليهم
لأ انا مبتكسفش
انما دايما اقول الله اعلم
و ربنا سبحانه و تعالى قادر انه يخلق اى شىء


بس ا لموضوع ده مش دليل قوى على وجود كائنات


بس عايزة اقول حاجة :think3:
يعنى ايه حاجة مناسبة او بيئة مناسبة لوجود كائنات حية :think3:
يعنى هو لازم يكون عشان فيه كائنات حية يكونوا بيعيش فظروفنا او شبهنا
ما يمكن ليهم نظام تانى خالص
بيعيش و يتكيفوا مع البيئة الى هما فيها

مثلا فى كوكبنا احنا عايشين فالبر لو كنا عمرنا ما دخلنا جوة بحر انما بس شفناه من بعيد
مش كنا حنقول انه مستحيل يكون فيه كائنات عايشة فيه عشان مستحيل كائنات تتنفس فالمية

انما الحقيقة ان ربنا بيخلق كائنات تعيش فالبيئة الى ربنا عايزها و بيعطيها القدرة على التكيف فالبيئة دى
ممكن ربنا يخلق كائنات تعيش من غير هوا و لا مية انما حاجات تانية
ممكن فدرجات حرارة عالية جدا او منخفضة جدا
"ويخلق مالا تعلمون"
انتوا عمر حد فيكوا يتخيل ان فيه كائن حى بقه موجود بين رجليه :huh: و سنان موجوده على اعلى رجليه عشان كده مش بياكل غير و هو بيمشى
و مع ذلك عايش عادى جدا و متكيف على كده و مبسوط
الكائن ده موجود فعلا ( درسته فسنة تانية) B) :انجغة:
اسمه عشان كده اتمسح من الذاكرة
بس تقريبا و الله اعلم اسمه Limulusحاجة كده مش فاكرة
ممكن ادور على محاضرات تانية و اجيبهولكوا :55:

اما فالنسبة لموضوع التلج :sniff: فانا اساسا عمرى ما خدت بالى انى آخر قطة تلجة بتلزق اساسا يمكن لنى نادر ملا بشرب حاجة فيها تلج
بس هو فعلا بيلزق ع الفريزر
بس معنديش فكرة عن السبب
اما بقى
هاتي قالب تلج طوله حوالي 30 سنتيمتر..مقطعه مربع طول ضلعه قولي بتاع 10 ولا 15 سنتيمتر..وعلقيه بين ركيزتين..وهاتي سلك نحاسي رفيع..سلك واحد مش سلك مجدول..وعلقيه على قالب التلج..وعلقي من الطرفين تقلين بتاع كيلو ونص..سيبي التركيبة دي فترة مش بطاله وارجعي تلاقي قالب التلج فمكانه (ممكن خس شوية لكن موجود)..لكن هتلاقي السلك عدى من القالب.. تاتاتاااااا
لا سحر ولا شعوزة
حرام عليك :أخخخ: مفهمتش حاجة :sniff: بتفكرنى بدكاترتنا لما يشرحوا :surrender
تكونشى دوكتور :viking:

[ماسة]

اية دة يا استاز عباس :واه يابوي
شكرا جزيلا على الشرح بس انا هبطل اسال :closeeye:

كالابالا :flowers:
يعنى هو لازم يكون عشان فيه كائنات حية يكونوا بيعيش فظروفنا او شبهنا
ما يمكن ليهم نظام تانى خالص
بيعيش و يتكيفوا مع البيئة الى هما فيها
كلامك صح فعلا بس هو الواحد لما يجي يقارن ويقرر بيقارن حسب المعلومات اللي عندة والحاجات اللي هو عارفها. يعني احنا متعودين علىظروف معينة ومنعرفش غيرها فبنقارن على اساسها. لو ظروفهم طابقت ظروفنا كان بها لو ماطبقتش يبقى حسب قوانينا ,اللي ممكن تكون مش صحيحة, مفيش حياة.متهيالي يعني :closeeye:

[ابن عم زوم زوم]

مين إلى قال إن محدش ساكن إلى إحنا

فى ناس فى شبرا كتير :sniff: وفى مدينة نصر كتير كمان وعلى فكرة فى ناس برضة فى مدينة كدة إسمها الإسكندرية وسعات بيبقوا متواجدين فى المنصورة بس مش كتير
يعنى طلع غن فى ناس كتيرة غير إحنا :واه يابوي

سبحان الله لكن غلى الناس مش مصدقاه إن مفيش حد ساكن جنبنا :viking:

الموضوع جميل جدا جدا بجد ولكن نصيحة اختاه من اخ لي يعنى معلش دقيقة من وقتى وهندسى الموضوع عشان إلى يشوفه يشتاق غلى قراءتة.. يعنى لونيه وكدة.. مش بهزر بجد دية حاجة بتشد الزباين وخاصتا اما يكون الموضوع جميل

جزاكم الله خيرا مرة اخرى على المعلومات الجميلة \دية


اخوكم فى الله

[ماسة]

فى ناس فى شبرا كتير وفى مدينة نصر كتير كمان وعلى فكرة فى ناس برضة فى مدينة كدة إسمها الإسكندرية وسعات بيبقوا متواجدين فى المنصورة بس مش كتير
يعنى طلع غن فى ناس كتيرة غير إحنا
اية دة انت تقصد ان الناس اللي من شبرا و مدينة نصر واسكندرية كائنات اخرى يعني :brb:
ولكن نصيحة اختاه من اخ لي يعنى معلش دقيقة من وقتى وهندسى الموضوع عشان إلى يشوفه يشتاق غلى قراءتة.. يعنى لونيه وكدة..
حاضر ان شاء الله :flowers:

[ماسة]

يا خبر :واه يابوي مشكرتكش يا قلب الدين على الشكر التوماتيكي يوه بقى
شكرا :flowers:
يا ابن عم زوم زوم مش عارفة اعدل حاجة عشان ايقونة تعديل المشاركة اختفت :sniff:

[ابن عم زوم زوم]

يا ابن عم زوم زوم مش عارفة اعدل حاجة عشان ايقونة تعديل المشاركة اختفت :sniff:

معلش ولا يهم حضرتك الموضوع الجاى إن شاء الله ورردة

بس ازاى غريبة :sniff:

[arig3000]

على فكرة انا مع الاخ اللى قال ان الكائنات التانية مش لازم تكون زينا
واظن ان اهم حاجة فى اى موضوع انة ميتكتبشى بلون غامق عشان الخلفية كحلى ومبنعرفشى نقراة ومش لازم الالوان الكتير ولا حاجة
:looking::looking::55::55: