518 ميلياردير11 واحد عربي و سلملي على الترمااااي

[مورسـيس]

السلام عليكم

بما اننا احنا في ابو العريف الحريف

و فيه ريحه أكل و كلام من ده

قلت لازم ألطش موضوووع علشان احطه هنا

لغايه ما عقليتي المنغلقه تتفتح و احاول اكتب من نفسي!!

على العموم...

انا قلت اقدم الخير قبل الأكل ( علشان يتوصى عم جواارح في الساقع!! )

بمناسبه كثره الفيديو كليبات و القنوات العربيه الفاحشه الثراء

و بمناسبه كمان الغلاء الواضح في معيشه القاهره و الإسكندريه

و بمناسبه كمان الصومال و دارفور و الغلابه المصريين!

و بمناسبه كمان العراق و بحثهم عن لقمه العيش!

قررنا ( مش مهم مين! ) ان نطرح هذا الموضوع الرائع ( الملتوش تبعا )

و هو عن المليارديرات :)

ربنا يوعدكم كده يا رب

قولووو آمين

.

.


وردت أسماء‏11‏ مليارديرا عربيا ضمن قائمة أغني أثرياء العالم
الذين حققوا ثرواتهم نتيجة الجهد والعمل الشاق والإنتاج لا الميراث‏
‏ وتصدر القائمة التي أصدرتها مجلة فوربس الاقتصادية العالمية
الملياردير الأمريكي بيل جيتس مؤسسشركة مايكروسوفت
للبرمجيات وتكنولوجيا المعلومات الذي بلغت ثروته ‏48‏ مليار دولار‏

‏ خصص جيتس منها ثمانية مليارات دولار
للأعمال الخيرية في الدول الفقيرة‏.‏


ومن أغرب ما جاء في عالم أغني الأثرياء
سواء الذين شملتهم القائمة الذين بلغ عددهم ‏518‏ مليارديرا
وزادت ثرواتهم هذا
العام‏500 ‏ مليار دولار لتبلغ ‏1,9‏ تريليون دولار‏‏
أو الذين لم تشملهم تلك القائمة‏
‏ إن ثروات خمسة مليارديرات أمريكيين فقط
تفوق اجمالي ثروات‏60‏ دولة مجتمعة‏
وأن هناك مليونيرا يونانيا متشردا هو جورجو جريجوري
يعيش متنقلا في الشوارع في سيارته النتنة بعد أن حولها إلي مطبخ عفن‏
‏ ولم يغير ملابسه ولم يستحم لمدة ستة أشهر‏

ناهيك عن المليونير فوتانجا سيسكو في ميامي بأمريكا
الذي جمع ثروته باستخدام السحر الأسود
و‏3500‏ مليونيرة في ولاية كاليفورنيا وحدها لم يتزوجن
وبلغن سن الخمسين بسبب انشغالهن بجمع المال
وشكهن في طمع كل من يتقدم لهن بالزواج في ثرواتهن‏

‏ فضلا عن الحقيقة التي توصلت إليها دارفاجونجر بعد زواجها
أن زواج المليونيرات يعد كابوسا
وانفصلت عن زوجها المليونير الأمريكي ريك ريكويل

لأنها لم تشعر تجاهه بأية عواطف‏
وكذلك انضمام الكاتبة البريطانية جي كاي رولينج

مؤلفة سلسلة روايات هاري بوتر الشهيرة إلي تلك القائمة‏.‏
وقد بلغت ثروات المليارديرات العرب الأحد عشر ‏54:4 ‏ مليار دولار وجاء ترتيبهم علي التوالي‏:‏
الأمير الوليد بن طلال‏21:5‏ مليار
وناصر الخرافي‏8:4‏ مليار
ورفيق الحريري‏4:3‏ مليار
وعبد العزيز الغرير‏3:7‏ مليار
وسعود القصيبي‏3:1‏ مليار
وسلمان الراجحي‏3:1‏ مليار
وخالد بن محفوظ‏3‏ مليارات
ومحمد جميل‏3‏ مليارات
وصالح الراجحي‏1:6‏ مليار
ومحمد العمودي‏1:4‏ مليار‏
ثم صالح كامل بثروة قدرها‏1:3‏ مليار دولار‏.‏

وعلي غرار قائمة فوربس أطلقت مجلة ارابيان بيزنيس
التي تصدر في دبي لأول مرة ناديا لأغنياء العرب
ضم في عضويته‏50‏ شخصية وأسرة من مختلف الدول العربية
من أصحاب الثروات العربية الهائلة بإجمالي ثروات‏404‏ مليارات‏

‏ ولم تشمل القائمة عن عمد ثروات الملوك والأمراء لكون ثرواتهم وراثية‏
ولأسباب يعرفها الجميع تم استبعاد ثروات رؤساء الدول والحكومات العربية
باستثناء رفيق الحريري رئيس وزراء لبنان السابق
الذي جمع ثروته عن طريق البيزنيس‏..‏

.

.

خلص الموضوع كده...

من غير تعليقات

" انت هتشتغلنا يا عم انت " <<<<<<<<< واحد من الجماهير

" يلعن ... ( رقابه ) انت ايه اللي جابك هنا " <<<<< انا برد عليه :D

" العرب فقراء و معندهوومش فلوووس " <<<<<< واحد من العقلاء

" الفقراء بيدخلووو الجنه " <<<<<<<<<< عادل امام :D

اهم حاجه ..

انهم نسوا يكتبوا إسمي!

الموضوع ملطوووش بالثلاثه!

من الأخت شموووسه

الله يمسيها بالخير

بتمنى ان تكونو إستفدوو

إستفدووا ايه!!؟؟؟

مش مهم

المهم..دمكم اتحرق و لا لسه :D

جوااارح

آدي الموضوع

فين العزووومه بقه :D

[no0r]

الفقراء يدخلون الجنه :clap: :clap: :clap:




انا مليميير مش مليونيير :chr58:


الناس اللى فوق دول مش من مستوايااااااا :chr58: :closeeye:


عموما معلومات لطيفة بالنسبة لى ان لم تكن مع بعض التأمل تحرق الدم :chr58:


المهم

تسلم الايدين اللى كتبت يا باشا ورردة

[ماسة]

كانوا جايبين حلقة لاوبرا وينفري المذيعة المعروفة لما راحت شمال افريقيا و قعدت تلف على القرى الفقيرة و توزع اكل وشرب و ملابس للناس اللي عايشة تحت خط الفقر هناك. اوبرا وينفري دي دخلها في السنة 100 مليون (فقيرة بالمقارنة باللي فوق دول :brb: ) وراحت بمناسبة الكريسماس عملت هناك شجرة كريسماس وجابت لهم هدايا ولعبت ورقصت معاهم وبسطتهم عالاخر. ومش كدة وبس دي راحت عالمدارس اللي حالتها صعبة اوي هناك وسابت لهم اقلام وكراريس ومضارب وكور وطباشير و كل حاجة ممكن يحتاجوها :واه يابوي . طب انا بقول كل دة لية؟ عشان قعدت اسال نفسي وقت ما شفت الحلقة دي لية مفيش مليونير عربي مسلم بيعمل الكلام دة؟ مش لازم يلف هو بنفسة على الفقرا(عشان البرستيج طبعا :box: ) بس يتبرع على الاقل :sniff: زي بيل جيتس كدة, كل شوية اسمع انة اتبرع للمصابين للايدز وللفقرا اللي مش عارفة فين. عمري ما سمعت ان المير الوليد بن طلال ولا الراجحي عملوا كدة. ولا يمكن يكونوا عملوا في السر :واه يابوي
طولت اوي :closeeye: شكرا يا مورسيس على الموضوع الجميل :tu:

[مورسـيس]

الناس اللى فوق دول مش من مستوايااااااا :chr58: :closeeye:




طبعا يا مدام نوور طبعا :closeeye:

احنا فاهمين سيادتك كويس جدا

عارفين انك انت دلوقتي في بيات شتوي :واه يابوي

مش عايزه تطلعي الفلووس لغايه ما الفلووس تغلي :drop:

زي السكر كده :brb:

بتحاولي تعملي احتكار للاموال <<< هووبس معنى كبير جدا

.

.

نووووووووووور

الله يمسي مدحت صااالح و هو بيقول

و انا و يايا بعيش زي المليونيرات

بحلم و انا بعيش ملعنش الأزمااات

:D

مجنون >>>> ده شريف منير :sniff:

و جناني ده عين العقل <<<< ده مدحت صالح :واه يابوي

ستوووووووووووب <<<< أكيد ده المخرج بقه :D


.

.

شرفتوووونا يا بشوااات

[مورسـيس]

مش لازم يلف هو بنفسة على الفقرا(عشان البرستيج طبعا :box: ) بس يتبرع على الاقل :sniff: زي بيل جيتس كدة
ازاي؟؟

احنا منقبلش غير ما يلف

لو بعت الفلووس كده مش هنقبلها

هنقول شايفين الراااجل الناقص باعت لنا فلووس و هو مش موجود!!

" هو احنا هنشحت منوو و لا إيه " <<< ده عبده كرامه بتاع الشارع

" أسكت الله يخربيتك <<<< ده عبده عباطه :D

نورتووونا يا أفنديه و الله

[مـؤيـد]

رغم ان الموضوع كلّيًّا مش مكانه هنا

ورغم ان الموضوع قضيه نقاشيه بحته

ورغم ان الموضوع مش علمي يعني

الا انه وعشان خاطر عيون رمسيس "مورسيس" اللي لبى الدعوة

هنخلي الموضوع هنا و


كمان


يتثبت بمسمار صلب :closeeye:


أوعه حد يكتبلي كده تاني والا حشيلهم كلهم ... كملوا يابشوات

[ماسة]

مش عارفة انشر موضوع في الركن بتاعكوا دة يا جوارح اعمل اية :box:
مورسيس بنت على فكرة :closeeye:

[مـؤيـد]

مش عارفة انشر موضوع في الركن بتاعكوا دة يا جوارح اعمل اية :box:
مورسيس بنت على فكرة :closeeye:
الركن بتاعكوا :واه يابوي

مورسيس بنت :واه يابوي

طلعنا احنا الاتنين بنات يا مورسيس<<<<< ده واحد بيستعبط :D

[QALB_ELDEEN]

مش عارفة انشر موضوع في الركن بتاعكوا دة يا جوارح اعمل اية :box:
مورسيس بنت على فكرة :closeeye:


:brb: :brb: :brb: :brb: :brb: :brb:

:twee: :twee: :twee: :twee: :twee: :twee:

[no0r]

:
مورسيس بنت على فكرة :closeeye:


what :واه يابوي

الكلام ده بجد ؟ :huh:

[مورسـيس]

جواااااااااااارح

هو التثبيت عندكوو بمسامير بس :D

انا عندي لازم شنيوووور !!!

اي واحد بيعووز يثبت موضوعوو يجيب العده معاااه

.

.

.

انا عاارف الموضوع مش علمي :)

و لا نيله بس انا كنت عايز اشارك و خلااص :sniff:

هو بقه حرام اليومين دوول :واه يابوي

و كمان متخوودنااش في دوووكه

فين الأكل يا عم ؟؟؟؟

الله يمسيكي بالخير يا هنادي

كانت مروقاااني محشي و حمام بالفريك و مكرونه بالباشمل!!

ياللا بقه...

على العموم

تشنكرااات أفندينا على وجودكم العظيم في موضوعي المتواضع

<<<<< شووووفت الكلمتين دووول :tu:

بايوووو

[مـؤيـد]

ماسة

عمري ما سمعت ان المير الوليد بن طلال ولا الراجحي عملوا كدة. ولا يمكن يكونوا عملوا في السر :واه يابوي متستبعديش الاحتمال ده

مشكلة الطبقة الغنية لدينا أنهم بعيدون عن الشعب ومشاكله، ربما لأنه من المستحيل أن ينزلوا من أبراجهم العاجية..!!
ليست المشكلة في ثري او اثنين، الخلل في طبقة بأكمها لا ترق قلوبها "للغلابى" اللي زيّنا :closeeye:
في الدول المتقدمة مثلا (على فِكرة أنا كرهت الكلمة دي)، تُجمع التبرعات من الأثرياء للعديد من المشاريع التنموية ليست في التجارة والاقتصاد فحسب!، بل في مشاريع التعليم وإنشاء الجامعات ودعم البحث العلمي ورعاية الطلاب الفقراء الموهوبين والتكفل بتعليم البعض الآخر، هذا غير المنح والتبرعات للفقراء في العالم..!
لا نريد تمجيد هذه الدول بعطاياها كثيرًا، فهاهو بيل جيتس مثلا لم يكن قبل عام 94 يعطي بمثل هذا الكم..
لماذا؟ هل لأنه لم يكن يملك المال؟!! بالطبع لا! بل لأنه لا يريد المنح "جلده يعني" فما أن شنّ عليه الإعلام حربًا منظمة لكي "يفرق شويه بدال ماهوا كانز على قلبه" حتى أصبح من أكثر البشر منحًا ، حتى أنّه يقال: أنه قريبًا سيصبح أكثر من وطئ الأرض منحًا للمال..!!!!!!!


غريب..
أين كلّ هذا الدعم من أثرياء العرب..؟؟
دعونا نركّز- بما أننا في قسم علمي والموضوع اتثبت بأه غصبن عن أهلي منقدرش نكسر بخاطر مورسيس حبيبتي :wub: :chr24: - نركز على الدعم المالي للمشاريع التنموية العلمية من قبل الأثرياء العرب

نأخذ مثلا الجامعات، عندما أسمع هذه الكلمة "قلبي بيتوجع" :closeeye: ، لكم أن تتخيلوا أن أعلى "خمسمئة" جامعة في العالم لا يوجد بينها جامعه عربية واحدة فقط.. حتى الجامعه العربيه ليست ضمنها :D
ولا جامعة واحدة :closeeye:
تؤ
ولا واحده
خبر صاعق.. أليم.. يدل على أننا لا زلنا في الليل..!!
ولا زال مستوانا العلمي متأخّرًا بما يكفي للقضاء على هذه الأمّة بكل بساطة :sniff:
تعتبر الجامعات في الدول المتقدّمة :sniff: واجهة دالة على مستوى البلد العلمي والثقافي..
باعتبار الجامعه مركزًا حضاريّا ورمزًا علميّا لكل وطن..!!
إلا في الوطن "العربي"
وفي ظل تنافس الدول "المتقدمة :أخخخ:" مع بعضها على الرقي بمستوى جامعاتها تظل "حكوماتنا"-وإن كنت لا أرغب في إلقاء كامل اللوم على كاهلها- في التنافس على الرفاهية وسمك "الإسفلت" و "ارتفاع" المباني..!!!
وليتنا فلحنا في هذه، فلا زالت أطول ناطحة سحابٍ في السعودية وهي "برج المملكة" أقصرُ من أقصرِ ناطحة سحابٍ في نيويورك.!!!
ليس هذا حديثنا

الحديث عن الجامعات وتطورها ورقيها..
حسنًا.. وضعت يدي على الجرح-أي وجدته-
فما هي "الحلول" المقترحة لشفائه..؟؟

تساؤلٌ أطرحه عليكم، فأجيبونا... ورردة

[مورسـيس]

مش عارفة انشر موضوع في الركن بتاعكوا دة يا جوارح اعمل اية :box:
مورسيس بنت على فكرة


ماااااااااااااااسه :واه يابوي

ملكيش دعوه بيهم !!

دووول وحشين :maaaad:

اقولك ازاي تكتبي موضوع في الركن ده

هو فيه طريقه عاديه بتاعت الناس العاديين و الأقسام العاديه

بتروحي لأيقووونه " اكتب موضوع جديد "

موجوده على الصفحه الرئيسيه للقسم

و اكتبي العنوان و الموضوع و بعد كده اعملي إرسال!

و خلااص هيظهر!!

اما بقه في الأقساام العلميه زي ده كده

فإنت لازم تعملي الأول تحليل دم

و إشاعه على القفص الصدري

و قياس لنبضات الدم

ملحق طبعا كشف النظر

لو فيه عندك اي امراض في العائله تتوارث لازم تذكريها

و ابعتيهم الأول للأخ جواااارح (( الأخ ها :maaaad: ))

و بعد التفااحيص و التماااحيص و اجتماااع اللجان المختلفه

ممكن يسمحووولك تكتبي موضوع تجريبي بطريقه ال 60 ثانيه

<<<< معلش اصل انا قصقوصي و بتكلم بطريقتهم :)

و بعد موضوع الـ 60 ثانيه اذا نجحت فيه ممكن تكتبي موضوعك بقه

و ده برضه محتاج خطواات

هكتبهالك لو نجحتي بقه ان شاء الله :chr24:

.

.

.


مورسيس بنت على فكرة:closeeye:

و الله العتب على النظر بقه :واه يابوي

المواااضيع ده مبحبش اتكلم فيها علشان مواضيع خاصه :brb:

اخت ماسه

معاكي اخوكي أيهاب من إسكندريه

و بلحيه كمااان :واه يابوي

بس البنت زي الولد مفيش كمااله عدد!!

ده لو في بنات اسمهم ايهاب و عندهم لحي!! :D

على العموووووم

نورتينا افندينا

و ربنا يكرمك كده يا رب

لك كل تقديري و احترامي...,,,

[مورسـيس]

:brb: :brb: :brb: :brb: :brb: :brb:

:twee: :twee: :twee: :twee: :twee: :twee:

قلب الدين

تلاقيك مقرأتش الموضوع أساسا :maaaad:

انت جاي تهزر :maaaad:

احنا في قسم علمي محترم :واه يابوي

لازم نحترم العلماء و الكلام الكبير اوي ده :box:

فيها ايه يا اخي اختنا الصغتووته غلطت!!

انتوو لازم تقفوو على الواااحده كده!!! :tu:

اووووف عليكم :drop:

.

.

قلب الدين

نورتنا يا ريّسنا

سلامااات

[مورسـيس]

what :واه يابوي

الكلام ده بجد ؟ :huh:



آآه و فيها ايه يوه بقى

ما انا اموره و حلوه اهوو :wub:

يا سم ...:واه يابوي


.

.

.

نوووور

:maaaad: :maaaad: :maaaad: :maaaad:

[no0r]

مورسيييييييي :chr43: ييييييييييييس




كنت عارفة انها اوشاعة مغرضة يا فندم :chr58:


ايش حال اذا كونتش مهنياك بنفسى فى عيد ميلادك وانت بتدور على هنادى


وادينى لسه مستنية الجاتوه :maaaad:



خد دى ورردة



بتتشم يا بابا ميت مرة اقولك متاكولهاش :أخخخ:

[مورسـيس]

بتتشم يا بابا ميت مرة اقولك متاكولهاش :أخخخ:



ما انا ميت مره اقووولك ما تحطهااش قدااام بقيييي

:maaaad: :maaaad: :maaaad:

[ماسة]

اما بقه في الأقساام العلميه زي ده كده

فإنت لازم تعملي الأول تحليل دم

و إشاعه على القفص الصدري

و قياس لنبضات الدم

ملحق طبعا كشف النظر

لو فيه عندك اي امراض في العائله تتوارث لازم تذكريها
كل ما اكتب حاجة يجيب لي the page cannot be displayed :maaaad: لية يا خويا معرفش :viking: اعمل back الاقي كل الموضوع طار :sniff:
عشان كدة يا جماعة يلا كلنا نقاطع الركن العلمي :brb:

تخيل يا مورسيس يا خويا ان في حد مش لطيف :box: قال لي ان حضرتك بنت :brb: معلش باءة العتب على النظر ورردة بس احلى حاجة اني بكتب بثقة اوي :brb:

[ســانــدى]

الله يمسيه بالخير الحاج بيل جيتس
بيتبرع ب8 مليار دولار سنويا
لاخوانه الفقراء والمساكين :tu:

تخيل يا مورسيس يا خويا ان في حد مش لطيف :box: قال لي ان حضرتك بنت :brb: معلش باءة العتب على النظر :flowers: بس احلى حاجة اني بكتب بثقة اوي :brb:

ماسة..وماله يا حبيبتى انتى تثقى زى ما انتى عاوزة يا قمر :wub:

[ماسة]

يا سلام عليكي يا ساندي واقفة جنبي على طول :wub: مش زي تقي الدين :viking:
حاجة تكسف المهزلة اللي عملتها دي :واه يابوي عشان كدة يا ريت كلنا نكتب تحت اسامينا ذكر او انثى :closeeye:

[ســانــدى]

يوووووووووووه

انتى معندكيش فكرة عن مآساة جوارح بأه :brb:

بالمناسبة كنت اتكلمت مع جوارح
عن هذه القائمة فى مشاركة أخرى
مش عارفه اى مشاركة
ياريت لو الاخ جوارح يحظ الرابط هنا
هتلاقوا الكلام اللى نفسى اقوله
بس اصلى مبحبش اعيد الكلام كتير :chains:

[مـؤيـد]

نفس الحكايه :closeeye:
خرجتو من صلب الموضوع عشان شفت ده عمل ايه وبصي التانيه سوت ايه والأخ الفلاني قال ايه والأخت بتقول ايه... :closeeye:

احنا كل ما نكتب موضوع يخرج لنا بالطريقه دي مش حنستفيد ولاحاجه :closeeye:

إخوتي

لا مانع من المزاح جانبًا، لكن أن نجعله أساسًا في كلّ رد!، فهذا لا يُحتمل حقيقةً
هذا القسم ليس للمسامرات والأحاديث الجانبية :closeeye:
ولا أحتاجُ أن أقول لكم غرض القسم، وغرض الردود التي من المفترض أن تردّ لتعمّ الفائدة بدلا من أن نجد موضوعًا كل ما فيه هو الموضوع فقط.!!


وتشرفوننا دومًا بأي موضوعٍ علمي تكتبوه، بل ونحفكم بكل الدعم، ونكون شاكرين مقدرين لمجهوداتكم..
هذا غير تجمُّعِنا على الفائدة الدسمة المصحوبة بالإبتسامه، واتفاقُنا، واختلافُنا، في سبيل إثراء العقل والفكر
أما غير ذلك، فالأقسام الأخرى ملأى.!

أحبّائي
أكرر، لا أقصد أن نكون متشنّجين كالخشب، لا مانع من المزاح هكذا، بل ولا مانع من أن يضيف عضوًا ردّا في سبيل تحريك الشفتين نحو الأذن :) لا مانع أبدًا
لكنّ تحويل الموضوع كاملا إلى ردود لمجرّد الضحك، أو استقصاد الردّ على ما يُضحك!، فلا أعتقد أن هذا مناسِبًا
وكما يقال فإن الشيء إذا زادَ عن حدّه انقلب إلى (...)

شاكرًا لكم كلّ مجهوداتكم لإثراء القسم...

[مورسـيس]

جواااااااااااااااااااااااااااااااااارح

خلاصه ردك طرحته انت في سؤال قوي

الحديث عن الجامعات وتطورها ورقيها..
حسنًا.. وضعت يدي على الجرح-أي وجدته-
فما هي "الحلول" المقترحة لشفائه..؟؟
لما بتتكلم على جامعه لازم نتكلم على ممول ليها

اعتقد انك عايز توضح النقطه ده

لكن للأسف الممول وحده مش كفايه

علشان في معظم دول العربيه اللي بيمول الجامعه الدوله او الحكومه

طبعا بلاش نتكلم عن مصر...

خلينا في الخليج حيث ان الدوله تستطيع ان تمول الجامعه بأكبر الإمكانيات

و مع ذلك لاتزال الجامعات في الدرك الأسفل من العلم

حتى ان الكليات في الجامعات المصريه تفوق علما و دراسه الجامعات الخليجيه

رغم ان التمويل في الأخيره اكبر من الاولي!

لذا حكايه التمويل ده فكك مننا <<< طبعا لا ننكر أساسيتها

لكن ف ظل ظروف جامعه خليجيه بها تمويل مناسب!

كيف نستطيع ان نرتفع بها؟؟؟

اعتقد ان الموضوع ده مرمي على عاتق الدكاتره و طريقه التدريس

و طريقه تعيين الدكاتره اللي بقت بالأقدميه دلوقتي!!

و طريقه الامتحانات القديمه جدا

بصراحه الموضوع ده في ايد المعلمين ذاتهم

مش التمويل بس

و اعتقد ان محتاج موضوع كبير للمناقشه فيه

على العموم

تسلمووووووووووو

لك كل تقديري و احترامي لزيارتك الجميله

[مورسـيس]

مااااااااااسه

كل ما اكتب حاجة يجيب لي the page cannot be displayed :maaaad: لية يا خويا معرفش :viking: اعمل back الاقي كل الموضوع طار :sniff:
ما هو كده يبقى حاجه من اتنين

يالمنتدى لسه متصلحش اوي...

و الاحتمال ده مستبعد علشان ماشاء الله عليه شغال زي الفل

يالإنترنت عندك ضعيف!

علشان كده بتطلع لك الرساله ده...

اعملي زيي كده B)

انا عمري ما بعمل ارسال غير ما آخد نسخه COPY على الهارد عندي

علشان لو عمل الإكسبلولر كده معايا هعيط الصرااحه :sniff:

و هو عملها معايا كثير بس لما كان السيرفر مش مضبوط

بس دلوقتي الحمد لله المنتدي ميت فل و اربعتاشر :D

.

.



عشان كدة يا جماعة يلا كلنا نقاطع الركن العلمي :brb:
:D

:D

:tu:


تخيل يا مورسيس يا خويا ان في حد مش لطيف :box: قال لي ان حضرتك بنت :brb: معلش باءة العتب على النظر ورردة بس احلى حاجة اني بكتب بثقة اوي :brb:
حد مش لطيف!!!

اسموو كده!! مش لطيف :واه يابوي

ده مشترك معانا ده يا عم محمد!!؟؟ :drop:

[مورسـيس]

ساندي

و فيها ايه!!

ما هو انا متبرع بـ 8 مليار كلمه للمنتدى

و كل واحد على أد لحافه يمد رجليه

:D

ساندي

لك تقديري..,,,

[مـؤيـد]

لما بتتكلم على جامعه لازم نتكلم على ممول ليها
اعتقد انك عايز توضح النقطه ده
لكن للأسف الممول وحده مش كفايه
علشان في معظم دول العربيه اللي بيمول الجامعه الدوله او الحكومه
طبعا بلاش نتكلم عن مصر...
خلينا في الخليج حيث ان الدوله تستطيع ان تمول الجامعه بأكبر الإمكانيات
و مع ذلك لاتزال الجامعات في الدرك الأسفل من العلم
حتى ان الكليات في الجامعات المصريه تفوق علما و دراسه الجامعات الخليجيه
صح كلامك يا ريس
بس هنا انا عايز اقول لك لعلمك أحسن لا في الجامعات الخليجية مبانيها الشاهقة وتشييدها الضخم المشابه لتشييد الجامعات الأوربيه.! من حيث المساحه والضخامه والطول والعرض
لكن وكما قيل: من بره هالله هالله ومن جوه يعلم الله!
أرجع وأقول لك: "التموييييل"
في الخليج بيمولوا ايه في الجامعات؟؟!! رواتب دكاتره، خدمات صيانه، مكافآت طلاب، وهكذا
لكن لما تيجي تبص "لنسبة" تمويل مصر إلى نسبة تمويل الدول الخليجية للجامعات حتلاقي ان مصر بتدّي أكتر،
في الخليج في دكاتره كويسين، ولعلمك في أجانب بصوره رهيبه.. ودول جايين يشتغلوا اصلا..!
لكن حيشتغلوا في ايه، طالما مفيش معامل وادوات كافيه..؟
فعلطول بيروحوا الكافيه :drop:


عشان كدة يا جماعة يلا كلنا نقاطع الركن العلمي :brb:
معلش، اللي ميعرفش قواعد اللعبه ميلعبش أحسن له
هوا دخول الحمام زي خروجه :viking: :viking:
قال نقاطع قال :closeeye:


حد مش لطيف!!!
سموو كده!! مش لطيف :واه يابوي
ده مشترك معانا ده يا عم محمد!!؟؟ :drop:
والله مانا عارف ياحج برعي
بس خلي بالك لحسن الايم ده تركيب مزجي
ممكن تلاقي مش في حته
ولطيف في حته تانيه :drop:

[ماسة]

بطلوا تتريقوا علي :viking:
انا مالي انا طول عمري فاكرة مورسيس بنت :box:
وايوا اسمة حد مش لطيف :sniff: مرة قال اختنا مورسيس فانا قلت اختنا تباة بنت :box: وبعدين كفاية هزار يا جوارح ويا مورسيس شوية مش عارفين نستفيد :box:

[مـؤيـد]

بطلوا تتريقوا علي :viking:
انا مالي انا طول عمري فاكرة مورسيس بنت :box:
وايوا اسمة حد مش لطيف :sniff: مرة قال اختنا مورسيس فانا قلت اختنا تباة بنت :box: وبعدين كفاية هزار يا جوارح ويا مورسيس شوية مش عارفين نستفيد :box:
يابنتي انتي حد مسلطك عليا :chr36:

[العصلاء]

الحمد لله والشكر

[مورسـيس]

ساندي

احنا مش عايزين اي رواابط هنا من الخارج

خوفا من التفتح للبلدان المتقدمه :واه يابوي

لو عايزه تكتبي ردك من اول و جديد اكتبيه :drop:

و سلاماااات


.
.
.

بت يا هنااااااااااااااااااااااااادي

هاتي حاجه ساقعه هنا لساندي

:D

[مورسـيس]

جوااااااارح


لا مانع من المزاح جانبًا، لكن أن نجعله أساسًا في كلّ رد!، فهذا لا يُحتمل حقيقةً
هذا القسم ليس للمسامرات والأحاديث الجانبية :closeeye:
ولا أحتاجُ أن أقول لكم غرض القسم، وغرض الردود التي من المفترض أن تردّ لتعمّ الفائدة بدلا من أن نجد موضوعًا كل ما فيه هو الموضوع فقط.!!


اهدي يا عم مش كده

بسم الله الله اكبر :55:

بسم الله ارقيك من كل عين تؤذيك و كل شر يؤتيك

وااااد يا عتريس

هات وااحد يانسووون هنا للمعلم

:twee: <<<< عتريس عامل عبيط!

:maaaad: >>>> انا بزعق لعتريس

:chr58: >>>> عتريس بعد ما إضرب!

:clap: <<<< هنادي فرحانه فيه :D

اهدي يا عم احنا مش قدك :box:

و صاللي على النبي كده

و احنا ان شاء الله هنشووف الموضوع ده

و المسامح كريم يا عم :D

ياللا باي

[ماسة]

لا مانع من المزاح جانبًا، لكن أن نجعله أساسًا في كلّ رد!، فهذا لا يُحتمل حقيقةً
هذا القسم ليس للمسامرات والأحاديث الجانبية
ولا أحتاجُ أن أقول لكم غرض القسم، وغرض الردود التي من المفترض أن تردّ لتعمّ الفائدة بدلا من أن نجد موضوعًا كل ما فيه هو الموضوع فقط.!!
طيب سوري :closeeye:
جوارح تعالا شوف مورسيس عمال يهزر :closeeye: