قالوا: يا فرعون إيه فرعنك؟..قال: ملقيتش حد يردنى..... [الأرشيف]

View Full Version : قالوا: يا فرعون إيه فرعنك؟..قال: ملقيتش حد يردنى.....

رنـranimـيم

12-10-2004, 03:40 AM

1-(محاولة فاشله للفرعنه)

ليل داخلي (رنيم تشاهد التليفزيون وهي في منتهي الغيظ)

كنت باتفرج علي التليفزيون وانا ف غايه الغيظ من مدير المستشفي المفتري اللي بيتعامل معانا كأننا اسري حرب او مساجين عنده.... ماحنا صحيح احفاد الفراعنة ... و الفرعنه دي مرادف للافترا وطالما ان احنا احفادهم زي مابيقولو يبقي كل

واحد مننا لازم يكون فيه حته الفرعنه دي علي الاضعف منه
سلسله لا تنتهي من الفرعنه
طيب وانا حاسكت ليه ..مانا لازم اطلع اللي بيحصل فيا علي حد..طب اطلع عين مين مين مين؟

فاطمه:يادكتورة مش حاتتعشي
انا:ايوة لاقيتها جت ف وقتها........انا مش قلتلك كذا مرة ماتندهيش عليا وانا باتفرج عالتليفزيون
فاطمه:يوه يادكتورة انتي اتغيرتي اليومين دول 360 درجه :sniff:
انا:(ياخبر ابيض 360 درجه يعني انا يادوب لفيت حوالين نفسي؟؟)
ورجعت ازعقلها تاني واقول لها:وديتي جرنال النهارده فين
فاطمه:سلامتك ياحبيبتي والله ماجيت جنبه دانا حتي شايلاه ف اوضتك من امبارح
انا:ياخبر ابيض مش عارفه امارس عليها الفرعنه اعمل ايه دلوقتي
اتمنيت ساعتها يكون معايا ريموت جهنمي او آلة زمن عشان كنت ارجع بشريط حياتنا لورا اوي اوي اوي
واشوف احنا ليه رضينا ان واحد يتنطط علينا زي فرعون كده وليه رضينا بالذل وكانت الاجابه الوحيدة اللي قدرت اوصل لها اننا احسن شعب يتحكِم وافضل شعب يمارس عليه اي فرعون فرعنته وان احنا شعب مرييييييييييح ف حكمه

================
2-((احباط))

نهار خارجي.....(مدينه فرعونيه قديمة علي ضفاف النيل)

طك طك طك طك
نري احد النحاتين الفراعنه وهو علي وشك ان ينتهي من اتمام نحت المسله اللي قدامه :drop:
واذا بولد صغير يجري ناحيته وهو يصيح ( يامعلمي ...يامعلمي الحق الفرعون ديك_تا_تور الرابع الي بتعمل له المسله مات..وجه مكانه الفرعون ..موف_تا_ري.الاول..) :knight:
فينظر المعلم للمسله وكله احباط...ويقول(ياخسارة التعب حانشتغل م الاول تاني)
فيرد مساعده ويقول(وليه يامعلمي نشتغل م الاول..مانمسح اسم ديك_تا_تور الرابع ونكتب بداله (انت قلت اسمه ايه ياله)..ماكلهم فراعنه)
=============
3-(اللي اوله شرط اخر نووووور))
نهار خارجي(احتفال التتويج..في ساحه قصر فرعون.)

هتاف جماهيري...(موف_تا_ريي ......موف_تا_ري........) :clap: :clap:
ويظهر الفرعون ويبدأ جلالته في مخاطبه رعيته
(انا عارف انتو اتعذبتو قد ايه ايام حكم الظالم ديك_تا_تور الرابع ..لكن من النهارده فيه حرية راي ...انا قررت اعمل لكم ساحه كبيرة في اكبر ميدان في المملكه واسميها ساحه الحريه...حايكون ف الساحه دي مسلات كتير كل واحد عنده راي جديد او فكرة جديده يكتبه علي برديه ويعلقه علي المسله اللي تخص الحاجه اللي بيتكلم فيها...)
وبدأ كل واحد من الشعب يكتب افكارة بكل حريه ويجري يعلقها علي المسله وهو سعيد ان غيره حايقراله وهوه كمان حايقرا لغيره
ومرت الايام واتملت الساحه بالبرديات لكن الغريب ان كان فيه بعض البرديات _وخصوصا اللي كان فيها شويه جرأه_اصحابها ماكانوش بيلاقوها او كانو بيلاقو الجزء الجرئ منها مقصوص
وكتير منهم كان بيلاقي البرديات المختفيه بعد فترة ف ايد اطفالهم .........وقد تحولت الي (قراطيس لب) :chr58:
ولما كانو بيحاولوا يسألوا كان الرد بيجيلهم من الفرعون موف_تا_ري (مانا قلتلكو انتو احرار تقولو اللي انتو عاوزينه بس انا برضه حر اعمل اللي انا عاوزه.....مملكتي وانا حر فيها.......اللي عاجبه يقعد واللي مش عاجبه باب المملكه يفوت ديناصور) :twee:
فيرد الرعية بسعادة بالغه وهم معجبين بحكمة جلالته
موف_تا_ري...موف_تا_ري :clap: :clap:
=======
4-(نهار اخضر....بس بكرة يستوي)

نهار خارجى اخضر (هوه دا اللي حصل بجد)

صحي اهل المدينة ف يوم...لقو كل بيوتهم مدهونه اخضر حتي هدومهم المنشورة وحيواناتهم والزرع بتاعهم مدهونين اخضر حتي النيل ماسلمشي م التلوين
ولما رجعو لفرعون يسألوه لوِّنهم اخضر ليه
قاللهم (مملكتي وانا حر فيها الونها اخضر الونها فوشيا الونها بنفسجي ...واللي مش عاجبه باب المملكه يفوت ديناصور) :twee:
فيهتف الرعيه اعجابا بعبقريه والمعية عظمته الفنيه :think3:
موف_تا_ري موف_تا_ري :clap: :clap: :clap:

=======
5-(انا اكتر واحد بيحييييبااااك)

نهار ازرق...(طب وانا مالي ماهوه اللي بيلون)

ماعداش كام شهر الا ولقو المدينه مدهونه باللون الازرق حتي الهدوم والحيوانات والزرع بقوا لونهم ازرق
لأ وزياده كمان عمل ايه شوارع المدينه اللي كل الناس كانت حافظاها ..سدّها وفتح بدالها شوارع جديده
داحتي سد شوارع ونسي يفتحها وساب الناس اللي فيها محبوسين
ولما حاولت الرعيه تستفسر بادب جم عن سبب التغييرات اللي مالهاش معني
مالقيتش غير الكلمه الشهيره اللي بتسمعها ف كل موقف (مملكتي وانا حر فيها....واللي مش عاجبه باب المملكه يفوت ديناصور) :twee:
وكالعادة يهتف الرعيه تشجييعا للذوق الفني الراقي والحس المتميز للفرعون
موف_تا_ري... موف_تا_ري :clap: :clap: :clap:
ويبدأون في غناء جماعي بصوت مؤثِّر للنشيد القومي للمملكه(انا اكتر واااااااحيييييد بيحيييبااااااااااااااك.......ف الدووونيااا وطول عووووومرييي باحييييييبااااااااااااك) :wub: :wub: :wub:
========
6-((يا جرييييييييىء.....))

نهار داخلي (داخل قاعه الحكم في قصر الفرعون )

احد الوزراء يتقدم وهو يرتعش من الفرعون ليعرض عليه امر هام خاص بالمملكه :hot:
الفرعون يرد علي الوزير بكلمه واحده. وهوه باصص الناحيه التانيه ويقول له (طيب) واحيانا لما يكون مزاجه كويس يقول له(حانبقي نشوف)
ولو حاول الوزير انه يزود ف الكلام يدق الفرعون الناقوس اللي جنبه ودي معناها طبعا ان المقابله انتهت :surrender
واذا احتج الوزير المسكين يرد عليه وهوه برضه مش باصص له ويقول له (مملكتي وانا حر فيها...واللي مش عاجبه باب المملكه يفوت ديناصور :twee:
وساعات كان الفرعون يقوم من النوم مزاجه متعكر يصدر فرمان بعزل فلان او نفي علان خارج المملكه
ولما كان الرعيه يحاولو يستعطفو جنابه كان يصرخ فيهم ويقول(تعرفو اذا مامشيتوش عدل حابيع المملكه باللي فيها واسافر بره ) :knight:
وكانت الطامه الكبري لما وصل له من بعض المخلصين ان فيه هجوم حايقع علي المملكه بقيادة الفرعون مس_تاق_وي الثاني حاكم اكبر مملكه مجاوره..وكان رده(عرفنا خلاص ....ماتشغلوش بالكو... كل واحد يخليه ف نفسه.... وماتتدخلوش ف السياسه العليا)
========
7-((يا ديناصوراتك ...يا هولندا))
ليل داخلي ..(غرفه مكتب فرعون)
الفرعون يجلس مكتئبا وقد وضع قبضتي يديه علي جانبي رأسه وامامه رساله شديدة اللهجه من الفرعون مس_تاق_وي الثاني بتقول:
((اسمع يا موفت انا ضميت مملكتك وعملتها إمارة ف مملكتي ..وبقيت انت واحد من رعيِّتي
واذا ماكانشي عاجبك يا موفت انت عارف كويس باب المملكه يفوت ايه :twee: :twee: :twee: )
======
8-((هو احنااااا......ولاّ شكلنا اللى كده..؟؟))

نهار خارجي (في ميدان الحرية)....
والنحات اياه بيمسح اسم موف_تا_ري وبيسأل الصبي بتاعه(قلتلي اسمه ايه ياله؟؟)
ومنادي الفرعون الجديد يدق ناقوسه تن تن تن يا اهل المدينه تن تن تن الفرعون الجديد تن تن تن من النهارده هوه الفرعون العظيم مس_تاق_وي الثاني تن تن تن وعليكم اظهار الولاء واحضار الجزية تن تن تن
تن ...تن ...تن
تن.......تن.....تن...تن
ترن...تررررن....تررررررررررررن...
انا اكتر وااااااحيييد بيحييييبااااااااك ف الدوونيا وطووول عووومري باحييييباااااااك(المره دي نغمة موبايل رنيم)
اجري بسرعه علي الموبايل وارد
الاقي زميلتي الدكتورة مني بتقول(ايه يارنيم انتي كنتي نايمه؟.بقالي نص ساعه باضرب عليكي...
باقوللك...خبر طازة مدير المستشفي اتنقل ...القرار لسه صادر حالا ..نقل تأديبي ....جابو مكانه الدكتور منصور ....المدير القديم عامل ايه..؟؟؟ اهو عمال يبرطم ويكلم نفسه ويقول دا افترا ربنا عالمفتري يامفتريييين..كنت حأنسى.. انا طالباكي علشان عاوزة منك خمسين جنيه عشان نلحق ننشر تهنئه للدكتور منصور فى الجرنال ..يلاقيها بكرة علي مكتبه الصبح...)
ولقيتني بارد عليها وباقول(مس_تاق_ويي مس_تاق وي...مس تت_تاق _وييييييي :واه يابوي )
=============

الغزال الشارد

12-10-2004, 04:10 AM

(مملكتي وانا حر فيها....واللي مش عاجبه باب المملكه يفوت ديناصور)

طب ماهي فعلا مملكته وهو حر فيها...

يلونها زي ماهو عاوز........

اخضر ازرق ابيض بنفسجي.....سفسلقوسي حتي........

انتي زعلانه ليه......؟؟

اي حاجه تيجي من ريحة الحبايب.......بتطمن قلبي اللي مشغول ع اللي غايب........

لا يافالحه مش الأغنيه.........

دي نغمة الموبايل........

عن اذنك اشوف مين عاوزني الساعه 2 ونص بالليل.........

:maaaad: :maaaad: :maaaad: :maaaad:

لمن كان له قلب

12-10-2004, 10:04 AM

انا فعلا فعلا ممنون.........من أكتر موضوع مجنون
دا له أبعاد سياسه.........وانا سامع صوت دق الهون
مش بتاع أمن الدوله..............دا بتاع الشاى بلمون
دى حقايق كلنا عارفينها............متغطيه بس بشيفون
وبرد غزالنا الشارد..............الطيب ابو قلب حنون
مقدرش ازوِّد ولا كلمه.........دى كلامها يملا البطون
مش بالفول النابت وخلافه....انما بالباتيه والكرواسون
ونختم كلامنا بدعوه............ربنا يهدى الناس الدون

الشيماء

12-10-2004, 11:21 AM

صباح الخيييير

:واه يابوي :sniff: :واه يابوي :sniff: :واه يابوي

:closeeye:

:wub:

alsarem alhasem

12-10-2004, 12:39 PM

ويبدأون في غناء جماعي بصوت مؤثِّر للنشيد القومي للمملكه(انا اكتر واااااااحيييييد بيحيييبااااااااااااااك.......ف الدووونيااا وطول عووووومرييي باحييييييبااااااااااااك)

:brb: :brb: :brb:

رنـranimـيم

12-10-2004, 06:53 PM

طب ماهي فعلا مملكته وهو حر فيها...

يلونها زي ماهو عاوز........

اخضر ازرق ابيض بنفسجي.....سفسلقوسي حتي........

طب وهو انا قلت حاجه :think3:

انا بس بتكلم على ان يوم اللون الاخضر كان فيه ناس فى شوبينج بره المملكه وعلشان كده دول ماتلونوش ولما رجعوا الممكلكه بقى فيه ناس باللون الاخضر وناس بلونهم العادى :واه يابوي
والمشكله الاكبر يوم اللون الازرق لما كان فيه ناس خرجت من المملكه وراحت رحله للاهرمات :brb: وبرضه لما رجعوا بقى فيه تلات الوان للناس .....شويه باللون الازرق وشويه باللون الاخضر (اللى كانوا لونهم اخضر وراحوا الرحله يومها ) :brb: وشويه بقى لونهم ازرق على اخضر (ودول اللى اتلونوا مرتين :twee: ) وشويه قليلين فضلوا على لونهم الطبيعى ....يعنى الكل بقى لونه غير اخوه .....طيب ده ينفع B) شوفتى بقى ان ليا حق....ينفع ان كل واحد يبقى له لونه غير اللى ربنا خلقنا بيه......غلطتش :55:
غزال .....نورتينى يافندم.....بس سؤال ....اللون اللى انتى قلتيه ده ....ايوه السفسلقوس ده ...يبقى هو نفسه اللون الفحلقى :tu:

روبى 2

12-10-2004, 07:02 PM

صباح الجمااااااااااااااااااااااااال يا دوك ..

وبعدها أعزائي الفرعونين والفرعونات .. صدر الفرمان الفرعوني الخامس عشر بعد الألف بعزل كل من ينتهي اسمه بأحد هذه الأسماء الثلاثة

طااااه-قااان .. أو زا_هق_ااان ... أو مييي-ضااا-يييق

يا موبايلااااااااااااااااتك يا رنيييييييييييييم

الغزال الشارد

12-10-2004, 07:09 PM

غزال .....نورتينى يافندم.....بس سؤال ....اللون اللى انتى قلتيه ده ....ايوه السفسلقوس ده ...يبقى هو نفسه اللون الفحلقى

سيادتك اللون الفحلقي ده ليه معالم........

أما السفسلقوسي......واخوه الفسلقوسي.......

فدي الوان بقالي 6 سنين حأموت واعرف معالمها ايه؟؟؟

وبرد غزالنا الشارد..............الطيب ابو قلب حنون
مقدرش ازوِّد ولا كلمه.........دى كلامها يملا البطون
مش بالفول النابت وخلافه....انما بالباتيه والكرواسون

يوه بقى يوه بقى يوه بقى يوه بقى

هيثم باشا......مبدع الردود.........

والله بتحرجنا بذوقك.....مش عارفين نقول لسيادتك ايه........

مسيري يوم امسكك في موضوع مستقل لحضرتك.........

من ابداعاتك الجامده موووووووت دي........

:knight: :knight: :knight: :knight:

Neagm

12-10-2004, 08:29 PM

رنووووووووووووووووووووووووووومة

انت هنا و انا عمالة ادور عليكي
ممممم

واضح ان المستشفي مروئاقي علي الاخر

فينظر المعلم للمسله وكله احباط...ويقول(ياخسارة التعب حانشتغل م الاول تاني)

فيرد مساعده ويقول(وليه يامعلمي نشتغل م الاول..مانمسح اسم ديك_تا_تور الرابع ونكتب بداله (انت قلت اسمه ايه ياله)..ماكلهم فراعنه

رنومة انتي بتقري بلبل
اصل الجزء ده بيفكرني بباباكي " نحات الفرعون
كل ما يجي ينحت فرعون يحصل انقلااااااب

(مانا قلتلكو انتو احرار تقولو اللي انتو عاوزينه بس انا برضه حر اعمل اللي انا عاوزه.....مملكتي وانا حر فيها.......اللي عاجبه يقعد واللي مش عاجبه باب المملكه يفوت ديناصور

اهو ده التفسير الحرفي للديمق-راط-ية المت-فر-عن-ة

فيرد الرعية بسعادة بالغه وهم معجبين بحكمة جلالته
موف_تا_ري...موف_تا_ري

اجدع رعية يا بنتي في الروقاااااااااااااااااااااااااااان

ولقيتني بارد عليها وباقول(مس_تاق_ويي مس_تاق وي...مس تت_تاق _وييييييي )

:chr58: :chr58:

أم منة الله

12-10-2004, 09:44 PM

اولا صباحك و مساءك فل يا رنيم و اهلا بيك فى المصطبة حيث القعدة الذ الذ الذ :chr58:
دحنا النهاردة ف عيد :lolly:
رنيم بحالها ف المصطبة :واه يابوي
ياااااا مرحبااااااااا يا مرحباااااااااا :clap: :clap: :clap:
ثانيا بقى و ده الاهم احب اشكر الظروف و الجوابات و البلوكات اللى خلتك تطلعيلنا الجمال ده و تعبرى عن رأيك بكل البراعة دى لا و كمان ايه تيجى تنشرى فى المستبة حيث ان بلكونتها اكثر براحا و شمسا و هواء و شكلى لبخت فى اللغة العربية بس مش مهم :sniff:
و احب اهدى تحية كبيييرة قوى لمدير المستشفى اللى كان السبب فى الحادث الاليم:tu:
سلام مربع يا عاتيف :knight:
و كمان احب اهدى تحية كبييييييرة قوى للسادة الفراعين :eg: :eg: :eg:
السيد ديك تا تور :eg:
و السيد موف تا رى :eg:
و السيد مس تق وى :eg:
و سلام اكبر يا عاتيف و سمعنا اغنية
ايد لوحدها ما تسقفش
ثالثا :sniff:
نسيت كنت هقول ايه :sniff:
استنى راجعالك و على فكرة عايزة اقولك حاجة موهمة

:hitler: انا اكتر واحد بيحببببك ف الدونيا و طول عمرى بحببببببببك :hitler:

:brb: :brb: :brb: :brb:
راجعالك تانى بس اوعى تمشى و لا ارجع الاقى الموضوع قراطيس فى ايد العيال :انجغة:

مـؤيـد

12-10-2004, 11:26 PM

وبدأ كل واحد من الشعب يكتب افكارة بكل حريه ويجري يعلقها علي المسله وهو سعيد ان غيره حايقراله وهوه كمان حايقرا لغيره

حاجه جميلة...
بس "المعلقات السبع" انتزعت من "الكعبه الشريفة" ليه تفتكروا
حاجه بس زي الربط كده؟؟
يعني هل كان من المفروض على موفت انه يسمح بأي ورقه "برد" تتعلق...
حتى لو كانت "مسمومة"...!
حاجه زي الربط كده
بس عشان نفهم...!

ولنا عوده ان شاء الله

دكتورة رنيم
موضوع كده :tu:
جزاك الله خير :flowers:

محمود الأزهري

12-11-2004, 01:07 AM

:brb: :brb: :brb: :brb: :brb: :brb: :brb: :brb: :brb: :brb:
را-نيم .. را-نيم.. را-نيم..

موضوع اكثر من رااااااائع..
وبيلفت انتباهنا لفرعنة المتأصلة فى جذور الشعب المصرى ..
فى كل الاماكن اللى فى الدنيا.. فى سوق الخضار.. حتى الفران بتاع العيش بيعذب الناس فى طابور العيش.. :viking:
وفى كل الاماكن الحقيقى منها والوهمى ..
ربنا يصلح حالك يا بلادنا وربنا يزيل ما فيكى يا صدورنا.. :tu:

رنـranimـيم

12-11-2004, 02:29 AM

haitham_ezt

انا فعلا فعلا ممنون.........من أكتر موضوع مجنون
دا له أبعاد سياسه.........وانا سامع صوت دق الهون
مش بتاع أمن الدوله..............دا بتاع الشاى بلمون
دى حقايق كلنا عارفينها............متغطيه بس بشيفون
وبرد غزالنا الشارد..............الطيب ابو قلب حنون
مقدرش ازوِّد ولا كلمه.........دى كلامها يملا البطون
مش بالفول النابت وخلافه....انما بالباتيه والكرواسون
ونختم كلامنا بدعوه............ربنا يهدى الناس الدون

:tu: :tu: :tu: :tu: :tu:

يافندم انا اللى ممنونه ....وبحييك على مداخلتك الجميله جدا ....وبسم كل المصريين القدماء منهم والمعاصرين بقولك ان الحق واضح مش علشان هو متغطى بشيفون.. لا ..لكن الحق نوره اقوى من اى غطا
تشرب سحلب؟؟؟؟

محمد حموده

12-11-2004, 04:25 AM

وانت يا والى .. ياللى ف. بالى
يا "مملوك" للباب العالى !!
من حقك طبعا .. تتفرعن
طول ما الناس بتقول " وانا مالى "
ياللى شايفنا قطيع .. أو رايش
وبترمى لنا بواقى فتات
نقول يعيش رئيسنا اللى عايش
ونلعن أم ابوه .. لو مات
ظلمك لى سبب احباطى
انزل تحت الارض وطاطى

رنيـــــم ... يا رنيـــــــــــــــــــــــم

اذا كان هذا هو الحال .. والرعيه مش قادرين يختاروا ( فرعونهم )
ومش قادرين يعيشوا فى المملكه لانها ( مملكتى وانا حر فيها )
واذا اقتنعوا انهم شعب مش رعيه
يبقى احسن ان كل ( الديناصورات ) تشوفلها بلد تانيه ... تليق بيها وتناسب حجمها .. وتسمح لها بالحركه
قبل ماييجى الطوفان .. او يقع من السما نيزك كبير .. وتنقرض كل الديناصورات
يعنى ..ارض الله واسعه
خليه يحكم شعب من الزواحف .. والافاعى .. والحشرات !!!!!!!

تسلمى ... يا رائعه .... ومبدعه ...

لمن كان له قلب

12-11-2004, 09:32 AM

haitham_ezt

:tu: :tu: :tu: :tu: :tu:

يافندم انا اللى ممنونه ....وبحييك على مداخلتك الجميله جدا ....وبسم كل المصريين القدماء منهم والمعاصرين بقولك ان الحق واضح مش علشان هو متغطى بشيفون.. لا ..لكن الحق نوره اقوى من اى غطا
تشرب سحلب؟؟؟؟
لا شكر على واجب واضح.....دا كلامى حقيقه مش فضايح
حقيقه ظاهره لكل الناس.................ولكل خاسر ورابح
والشيفون المقصود بيه.....اللى خلا الناس بين جاى ورايح
على لقمة العيش الحاف........والغموس اللى دايما شاحح
نفسنا مره فى أكله هنيه............ويكون غموسها الدبايح
ويرحما من الفول النابت...والطعميه أم زيت موش صابح
يارب ارزقنا بإمام عادل.............مش بعادل إمام طالح
ويجعل أمل الأمه راجل............واحد بس يكون صالح
ويارب حقق لى رجائى.......من على جواد أملى الجامح

ومتشكرين ع السحلب :tu: :tu: :tu: 100 ميه

هريدي يابووووي

12-11-2004, 09:54 AM

بجد شديدة يا رنيم :واه يابوي
طقت في دماغي اعملها فيلم كارتون ثري دي بجد :tu:
اتحطت في الخطة خلاص و ربنا يسهل و اقدر انفذها فعلا ان شاء الله :flowers:

أريج

12-11-2004, 11:53 AM

جميله يا رنيم
ابداع حبيبتى
جزاكى الله كل خير :flowers:

no0r

12-11-2004, 03:46 PM

جميل جميل جميل :clap: :clap: :clap:

عظمة على عظمة يا رنيييييييييييييييييم :tu: :tu: :tu:

بس هيا الفرعنه مالها يعنى ماحنا طول عمرنا عايشيين فيها من اجداد اجداد اجداد اجداددنا ومكبرين دماغنا وبنفطر فول ونتعشى :think3: فول برضو لما قربنا ننهق :lolly:

واصبحت الفرعنه فى دمنا احنا منها وهيا حته مننا :wub:

واللى يقدر يتفرعن ومتفرعنش يبقى يستاهل كل اللى يجراله :viking:

اه يا بلد :maaaad:

ابداع جميل استمتعت جدا به ربنا يكتر من المبدعين امثالك

مورسـيس

12-11-2004, 05:25 PM

السلام عليكم

اولا ...

القصه في غايه الروعه

دكتوره رنيم بجد و الله انا مت على نفسي!

بسم الله ماشاء الله يعني

و بعتذر مقدما عما حدث فوق من ردود من خارج الموضوع

و بعتذر عما ساكتبه خارج الموضوع!

:D

.
.
.
.

هريدي يا بووووي ...منه الله

أشكركم كثيرا لوجودكم في قصاقيص

و انه لشرف لو تعلمون كبير

لكما تقديري...,,,

رنـranimـيم

12-11-2004, 08:01 PM

كتير بسال نفسى...(واحد بيفكر اصل الايقونات عندى مش شغاله)
ياترى الاحسن انى ارمى طوبة فلان ولا الاجمل اننا نتناقش وقد نتفق ونختلف
متهيالى انا انقدك اذن انت وانا موجودين .يعنى انا اشعر بوجودك..تبقى انت مهم ...صعب ان نتعمد ان نجعل ماهو ملفت للنظر يتلاشى
ولو فعلا انت وانا موجودين يبقى لازم نقرب نتفاهم نعترف ان للجميع عيوب ورحم الله من اهدا الينا عيوبنا
لانى احب شخص فانا اهتم به ومن علامات اهتمامى ليس فقط ان اوافقه الراى فى كل

شئ ولكن لابد من وجود الراى و....الراى الاخر ...من القوه ان اتحدث

ومنتهى القوه ان اسمع لغيرى

دكتوره الشيماء .....شايفانى ....(ايقونة واحد ماسك منديل وبيشاور )...اصل انا شايفاكى حتى ولو كنتى موجوده وبهدى لك دول من عمنا احمد فؤاد نجم
ياليل ياعين ياوطن
ياصحرا يابساتين
ياجرحى
ياغنوتى
ياناسى ياغايبين
موالى من غربتى اخضر
خضاره حزين
حزين كلام الغنا
والسامعين عارفين....

تحياتى لك يادكتوره شيماء

رنـranimـيم

12-11-2004, 08:30 PM

alsarem alhasem

اخى الفاضل اشكرك على مرورك الكريم
كان نفسى احط ايقونات بس مش شغاله عندى
بس حاوصفلك ...انا حاطه ايقونة (واحد بيعيط ....وواحد بينتحب ...وواحد بيصرخ ....) وطبعا فيه ناس بتضحك فى الظروف اللى زى دى وطلعوا مقوله شهيره علشان ماحدش يستعجب لما يشوفهم بيضحكوا قال بيقولوا ان شر البليه مايضحك (ايقونة واحد مرمى على الارض )...بس دى لما تكون بليه ...لكن احنا فى كارثه ...كارثة الراى الاوحد ...على المستوى العالمى والمستوى المحلى .....هوواحد بس اللى بيفكر والباقى ....ماعلينا
تحياتى لك اخى الفاضل

هريدي يابووووي

12-11-2004, 10:05 PM

najjar

12-11-2004, 10:24 PM

جزاكي الله كل خير يا رنيم.. على نقدك..
و قبل هذا.. على التزامك.. و عرض رأيك بذوق دون التطاول أو التعدي على أحد..
و لكن ياترى..
هل من حقي الرد ؟:)
و هل هذا النقد قابل للنقاش أم أنه حكم نهائي؟:)

ما شاء الله عليكم منورين بالقوى والغايب بكره يعود.

ياهريدى باشا مفيش حاجه اسمها حكم وان شاء الله كل شئ قابل للنقاش ا(( اامال اخوه ازاى؟؟؟)

يارب متجبش زعل لحسن الواحد على اخره بصراحه من كترة مشاكلكم والواحد مبقاش عارف يلاقيها منين والا منين

نهرب من مشاكلنا ونيجى عشان ننفسها هنا نلاقيها مكلكعه!!!!! الرحمه يارب.

يالله سمو بالله كده واتفاهموا ورجعوا كل حاجه لاصلها واخزوا الشيطان.

عايز ادخل المره الجايه الاقى الفرح شغال :lolly: ومفيش داعى للعوالم عشان انا اللى هغنى واحيي الليله.

Broken_ Heart

12-11-2004, 10:53 PM

دكتورة رنيم
هما كلمتين
لأ مش الأغنية
ومش نغمة الموبايل
دول كلمتين بجد
ملهاش حل
وتحياتي ورردة

رنـranimـيم

12-11-2004, 11:24 PM

اعتذر لجميع الاخوه لعدم التزامى بالدور فى الرد على مداخلتكم الرائعه ....ارد بس على البيج بوص
استاذ احمد

جزاكي الله كل خير يا رنيم.. على نقدك..
و قبل هذا.. على التزامك.. و عرض رأيك بذوق دون التطاول أو التعدي على أحد..
و لكن ياترى..
هل من حقي الرد ؟
و هل هذا النقد قابل للنقاش أم أنه حكم نهائي؟

اعتذر لجميع الاخوه لعدم التزامى بالدور فى الرد على مداخلتكم الرائعه ....ارد بس على البيج بوص

جزاكي الله كل خير يا رنيم.. على نقدك..
و قبل هذا.. على التزامك.. و عرض رأيك بذوق دون التطاول أو التعدي
على أحد..
و لكن ياترى..
هل من حقي الرد ؟
و هل هذا النقد قابل للنقاش أم أنه حكم نهائي؟

استاذ احمد
وجزاك الله كل الخير

اخى الكريم ....لو كان حكم نهائى كان زمانى واخده الديناصور بتاعى وخارجه ...لك كل الحق فى الرد على ماتحمله نفوسنا من تساؤلات وقلوبنا من عتاب
نريدك ان ترى مانرى لاننا نرى ماتراه ...تعيرنا اهتمام ....صدقنى الاخرون (نحن ) نستحق ان تحتوينا...تشاركنا الرؤيه تهتم بنا ...تنصت ...تعذر ...تتعاطف ...نأمل ونتمنى عدم التهميش
استاذ احمد .....حبنا ..او على الاقل حسسنا انك بتحبنا ...كلنا نقتطع من اوقاتنا ساعات كثير نقضيها فى هذا المكان حبا منا واحتراما للمكان ولصاحبه وللصحبه الجميله فى المنتدى ...كلنا مهاجرون من متاعب اهلكتنا نحتمى هنا بالقلعه ...عقولنا ملقاه فى مكان وقلوبنا فى اماكن اخرى جئنا نلم شملهما ...كلنا اهلكنا القهر بانواعه ابتداء من المستوى الخارجى الى الداخلى حتى اللى بيمارس فينا القهر حاسس انه مظلوم (حاسس انه مش بيقهر الخلق كويس ...مقصر يعنى )...ولى زمن (هو كده واللى مش عاجبه ) ...انتهى عصر (ماعنديش غير الكلام ده ) ..
جئنا نفتح نوافذ حتى وان كانت محدوة المساحه عل وعسى نطل منها على عالم نصنعه معا ..عالم لايجرم حق البشر فى ابداء الراى ...جئنا نقتل اللاحب ..اللا فهم ...
نقدم رفضا تجاه كل مايذبل اوراقنا فى ادراجنا ..فهل كان مصيرنا ان نلقى مزيدا مما تركناه خلفنا من ارتباك وتنكر لمطلبنا العادل فى ان نحيا بلا ارهاب فكرى؟؟؟

اخى البيت بيتك وانا ضيفه عندك من يجب عليه الاستأذان انا وليس انت ...وانت من يوم قبلت تسجيل اى عضو وكانها موافقه ضمنيه منك بالترحيب بنا كضيوفا عندك ....فهل لايكرم المضيف ضيفه؟؟؟؟

هريدي يابووووي

12-11-2004, 11:39 PM

نريدك ان ترى مانرى لاننا نرى ماتراه ...تعيرنا اهتمام ....صدقنى الاخرون (نحن ) نستحق ان تحتوينا...تشاركنا الرؤيه تهتم بنا ...تنصت ...تعذر ...تتعاطف ...نأمل ونتمنى عدم التهميش
يادكتورة..
هل حد احتاجني و حاول يكلمني و انا رفضت و لم استمع له؟
و هل انا مطالب باحتواء الجميع.. و انا ليس لي مشاكل ولا مسئوليات ولا أحتاج الى من يحتويني و يفهمني و ينصت لي أيضا؟
بمعنى.. هل المطلوب أن تكون العلاقة من طرف واحد فقط؟:)

استاذ احمد .....حبنا ..او على الاقل حسسنا انك بتحبنا ...
جايز اكون عاجز عن إظهار الحب و التقدير.. و لكن ده لا يعني عدم وجوده..
جايز باحب اشتغل في هدوء و في الظلمة..
و أعتقد وجود الموقع ده لوحده و استمراره و اصراره على تحقيق رسالته كافي..
و كوني بعيد شوية و ماباشركش كتير.. فده لايعني عدم اهتمامي أو عدم تقديري.. و لكن يعني ان متابعة الموقع و صيانته و ادارته لاتترك لي وقتا لهذا..
كثيرا ما فكرت أن أغلق الموقع نهائيا.. و اكون عضوا عاديا في منتدى بموقع آخر.. ليس علي أي مسئوليات .. ولا تكاليف مادية أو معنوية..
أبدع بمنتهى الحرية لأن لدي كل الوقت..
بصراحة.. سؤالك يذكرني.. بسؤال.. بنفس الصيغة..
سأله طفل لأبيه..
لأنه لا يراه كثيرا.. فظن أنه لا يحبه..
و لم يعلم الطفل.. أنه لا يرى أباه كثيرا لأنه يعمل ليل نهار.. من أجل اسعاده و توفير احتياجاته وتحقيق أحلامه.. :)

جئنا نفتح نوافذ حتى وان كانت محدوة المساحه عل وعسى نطل منها على عالم نصنعه معا ..عالم لايجرم حق البشر فى ابداء الراى ...جئنا نقتل اللاحب ..اللا فهم ...
و أعتقد أن هذه المساحة متاحة..
و اسمحيلي أن أدافع عن نفسي تجاه هذا التهمة التي أتهم بها دائما.. فما أسهل توجيه أصابع الإتهام للغير ..
أتهم أني أقيد حرية الآخرين في أبداء آرائهم.. و أقصف أقلامهم عند أول بادرة خلاف في الرأي..
و بالرغم من ذلك.. و ياللغرابة.. موضوعك مازال موجود..
و الكثير من المواضيع والنقاشات و الحوارات التي اختلفت مع أصحابها مازالت موجودة..
و مالكوم X مازال عضوا منذ أول يوم شارك فيه باسم "لينين" و قال صراحة أنه يساري..
أعتقد هذا أوضح مثال يمكن أن أضربه غن حرية الرأي المتاحة في الموقع هنا..
و لكن يجب أن أوضح.. أن هناك فرق بين "حرية الرأي".. و "حرية تسفيه الرأي الآخر"..
لك الحرية أن تطرح رأيك المخالف.. أو رأيك الصحيح الذي يخالفني..
و لكن ليس لأحد الحق اطلاقا أن يسفه من رأي غيره.. أو أن يتعدى حدود الأدب قيد أنملة في عرض رأيه ولو بالتلميح..
و أعتقد أنك لاتختلفين معي في أن هناك فرق بين الحالتين..
و ان لم تصدقيني.. يمكنك مراجعة كل مشاركات malcolm X .. لتري ان كان قد حذف من مواضيعه ولو موضوع واحد..

ياسر سويد

12-11-2004, 11:56 PM

قبل كل شئ تحياتى الحارة جدا للريسة رنيم

مش عارف يمكن مش من حقى اتدخل

بس انا شايف ان مش لازم تكون فيه احكام نهائية

وكل شئ قابل للنقاش

واعتقد ان حق الرد يجب ان يكفل للجميع

بس فيه ناس مش موجوده عشان ترد ودى مش ح تقدر توضح وجهة نظرها

وبكده حيكون حوار من طرف واحد

ف اثباتا لحسن النية يجب السماح للاطراف الاخرى بالمشاركة فى الحوار هنا فى قصاقيص

او فى اى مكان اخر بدون تعنت او احكام مسبقة

وربنا يعمل مافيه الخير

روبى 2

12-12-2004, 12:33 AM

هوا ايه النظام بالظبط

هوا انا في وشي بريمة وللا حاجة

كل ما ارجع القهوة بعد غياب الاقيكو ماسكين في هدوم بعض

يالا ما علييييييييينا

بس انا عاجبني كدة الاتجاه اللي الموضوع أخده .. وأحييك جدا يا بوص على الصراحة والموضوعية دي "يعني اللي لازم تتعمم شوية يا بوص"

واسمحلي اقولك تضع ما قاله الاخ ياسر سويد في عين الاعتبار

""واعتقد ان حق الرد يجب ان يكفل للجميع

بس فيه ناس مش موجوده عشان ترد ودى مش ح تقدر توضح وجهة نظرها

وبكده حيكون حوار من طرف واحد

ف اثباتا لحسن النية يجب السماح للاطراف الاخرى بالمشاركة فى الحوار هنا فى قصاقيص

او فى اى مكان اخر بدون تعنت او احكام مسبقة""

بصراحة ده عين العقل .. ولانه لو لم يحدث يبقى بيثبت عكس كلامك يا بوص للاسف

وبعدين يا بوص لما حضرتك زي ما قلت كدة

""و مالكوم X مازال عضوا منذ أول يوم شارك فيه باسم "لينين" و قال صراحة أنه يساري..
أعتقد هذا أوضح مثال يمكن أن أضربه غن حرية الرأي المتاحة في الموقع هنا..""

يبقى من باب اولى أن يكون هذا الحق مكفول لكل الاعضاء حتى لو اختلفو معاك

ولا اييييييييييييييييييييييه ؟؟؟

تحياتي رنيم .. وهريدي

مالك

12-12-2004, 12:56 AM

سلاموا عليكوم
الاول بشكر رنيم على موضوعها الرائع .....
وبقولك برافو :)
ادخل في المهم
كويس ان هريدي اتكلم ودا يديني المجال اني اتكلم لاني كنت ناوي التزم الصمت حينا من الدهر لحد ما يبدأ هريدي بالكلام عشان لا مشاركتي تتحذف ولا غيره وعشان نقدر نوصل الكلام للكل
(لو المقدمه رخمه جروها وادخلوا في المفيد بعد كدا)
مش عارف في كلمه استفذتني في الكلام بجد يا سيدنا
لكن يجب أن أوضح.. أن هناك فرق بين "حرية الرأي".. و "حرية تسفيه الرأي الآخر"..
لك الحرية أن تطرح رأيك المخالف.. أو رأيك الصحيح الذي يخالفني..
و لكن ليس لأحد الحق اطلاقا أن يسفه من رأي غيره.. أو أن يتعدى حدود الأدب قيد أنملة في عرض رأيه ولو بالتلميح..
بما اني كنت متابع لكل المواضيع اللي كانت موجود فيها الشد والجذب بينك وبين ابن عبد العزيز وانونيموس بس للاسف انا مشفتش حاجه تدل على كدا
والشئ الوحيد اللي كان فيه تسفيه والخ هوا رد تيخا اللي كان موجود في نفس موضوع القرضاوي واللي اتحذفلي رد كنت برد عليه بنفس طريقته ....
عموما عشان مندخلش في متاهات
حضرتك طبعا صاحب الفورم كلها واعتقد انه اكيد عندك نسخه من الكلام
وبما ان اغلب الناس صعب جدا انها تصدق ان ابن عبد العزيز او انونيموس ممكن يتعدوا حدود الادب واللياقه
فممكن حضرتك تجيبلنا اقتباسات من كلامهم والبينة على من ادعى :)
دا بالنسبه ليهم
بالنسبه لماما الشيماء
فبردو مش عارف كلامها كان اقل وطأه من كلام رنيم هنا ومع ذلك حذف موضوعها وحذف كل الكلام ....
بردو ممكن حضرتك تجيب اقتباس بالكلام لو سمحت
اما
اما اذا الموضوع مش مسموح فيه النقاش
وهوا فرمان من سلطات عليا وليس علينا الا السمع والطاعه
فبردو دا حيكون حقكك لانك زي ما كلنا عارفين دا بيتك ودي فلوسك اللي بتدفع بيها اشتراك السيرفر ودا كله مجهودك ومش مطالب انك تقدم لنا اثباتات او غيره لاننا مجرد ناس لو مشينا اكيد حتيجي ناس غيرنا
اما لو معتبرنا اصحابك واهلك واخوانك واخواتك
فممكن كلنا نفتح صفحه جديده والكلام دا كله ينتهي والموضوع خلاص
لو مش عايز تفتح الصفحه دي
فيا تقنعنا باللي بتقوله عشان انا مش مقتنع تماما
يا تقتنع حضرتك :)
اه صحيح
بالنسبه لاني مش انطردت .....
اعتقد اني في الاول انها اتشتمت واتكفرت واتسفه رأي الخ وانتا محركتش ساكنا وكل دا عدى لاني كنت شايف ان كل اللي تطاول عليا ايامها اضئل من اني احطه في دماغي او اعمل له اعتبار ......
واعتقد انك كنت شايف دا كله وساكت .... ولا ايه رئيك :)
يلا

سلاموا عليكوم

Nile Hawk

12-12-2004, 01:17 AM

بسجل وجودى بدون تعليق يذكر ... عشان أنا أصلى حيتقال عليا متحيز

عموماً ربنا يهدينا جميعاً ... و يدى كل واحد على أد نيته
منتظر نتيجة الحوار ده... :closeeye:

الغزال الشارد

12-12-2004, 03:10 AM

اهي........حتقلب بخناقه اهي........

قلبي حاسس........

فينك ياللي ف بالي.......

تيجي تهدي النفوس........

:drop: :drop: :drop:

معلش يا هريدي.........انت الكبير........ :think3: :think3:

معلش يا رنيم........انتي الثوغننه........ :انجغة: :انجغة:

معلش يا غزال........اخرسي شويه.......

:chains: :chains: :chains:

محمد حموده

12-12-2004, 05:05 AM

اخى هريدى ... اسمح لى اتحشر !!!
اكيد - مبدئيا - حاسين بالامتنان لوجود موقع يكون متنفس للناس .. كل الناس
واعتقد ان ده من اسباب نجاحه ( بحكم عدد المشتركين )
وبنشكرك على المجهود والتكلفه بلاشك
لكن .... واه من لكن ...

و لكن يجب أن أوضح.. أن هناك فرق بين "حرية الرأي".. و "حرية تسفيه الرأي الآخر"..
لك الحرية أن تطرح رأيك المخالف.. أو رأيك الصحيح الذي يخالفني..
و لكن ليس لأحد الحق اطلاقا أن يسفه من رأي غيره.. أو أن يتعدى حدود الأدب قيد أنملة في عرض رأيه ولو بالتلميح.]
ده كلام حضرتك
كلام جميل ... بس تطبيقه بقى .. فيه نظر ...
بمعنى ..
كتييييير حصل من ناس انهم تطاولوا على ناس ... ووصل الامر الى اتهام بالكفر .. لمجرد خلاف فى وجهات نظر... ( وحصل معايا شخصيا ) وماشوفناش حد ( انطرد ) لانه تطاول !!!!
ولا التطاول هنا مقصود بيه ناس .. وناس لا ..!!
ثم .... حضرتك صاحب البيت .. صحيح ... لكن لما تعلق على موضوع برأيك .. اصبحت زيك زى كل الناس
شخص له رأى .. وممكن يترد عليه .... صح .. هنا بقى المشكله ..
بعض الناس بيعتبروا ان راى حضرتك فى موضوع هو ( الرأى الرسمى للدوله ) ولا يجب معارضته والا ....
انت طبعا مش مسئول عن الناس دى .. وبيفكروا ازاى .. ماشى
النقطه الاساسيه بقى هى انك اخترت ناس .. مشرفين .. مفروض بقى يبقى ليهم دور اكيد .. مش ( امعات )
مش كده والا ايه ...؟؟ يعنى لما حضرتك تلغى عضوية حد او تحذف كلام حد بدون ماترجع للناس اللى متحملين مسئولية الاشراف .. يبقى ايه لازمتهم ...
مش هم كمان كتر خيرهم بيساعدوك فى تحمل المسئوليه وحمل الاعباء عنك ...!!؟؟؟
ويوصل الامر ان لما المشرف .. او ( المشرفه ) تخالفك الرأى ... تلغيها بكبسة زر !!!!

سؤال برىء :
احنا قاعدين نشتم حكومتنا ليل نهار ليه ؟؟؟؟؟؟؟؟؟

الغزال الشارد

12-12-2004, 06:03 AM

مش انا قولت انها حتقلب بخناقه......

اهو حموده اثبت ان انا صح.....

:sniff: :sniff: :sniff: :sniff:

هريدي يابووووي

12-12-2004, 07:56 AM

يبدو ان الحوار مالوش لازمة :)..
لأن زي ماقال الأخ محمد حمودة.. احنا غاويين نشتم الحومة و بس.. بالرغم من أن جرائم الحكومة أحيانا.. بتبقى لاشئ مقارنة بالجرائم اللي بنرتكبها في حق أنفسنا..
على أي حال.
كلمة أخيرة لي في هذا الموضوع..
الأعضاء اللي اتلغت عضويتهم .. ماكانش ده بسبب خلاف في الرأي.. و لكن المسألة لها أبعاد أخرى لا يعلمها أحد.. و لست مضطرا لأذكرها حتى لايتحول الموضوع الى جلسة "تقطيع فروة"..
و بالنسبة لي القضيةانتهت.. بعودة ابن عبد العزيز..
و ستقف عند هذا الحد..
و باقي الأعضاء الذين أوقفت عضويتهم.. فهذا قرار نهائي بالنسبة لهم..
و أكرر.. ليس بسبب خلاف في الرأي.. و لكن لأسباب لا أستطيع أن أذكرها للأسف..
و ليصدقني من يصدقني.. و ليكذبني من يكذبني..
و لن أطالب أحدا بأن يحسن الظن.. لأنه ليس لي الحق في ذلك.. لأني من هذه اللحظة.. مجرد شخص يدير الموقع.. و ليس لي علاقة شخصية أو غير شخصية بأي من الأعضاء..
فقط أردت توضيح موقفي لا أكثر ولا أقل..
و جزاكم الله خيرا :flowers:

مورسـيس

12-12-2004, 09:13 AM

أتمنى ألا يزيد الموضوع عن هذا!

و يكفينا ردود و خلافات

الأخت رنيم... ارجوكي اكملي ردود على بقيه الأعضاء احتراما لهم

الأخ هريدي ... و الأخ لنين و ابن عبد العزيز ... و كل اللي شارك

مينفعش معاكمك غير قسم تتلموو فيه جميعا و تبداو تتكلمو و تتخانقو براحتكم

او في وسيله أحسن اسمها رسائل خاصه!

و لا انتم تعودتوا على نشر الغسيل السيء!؟

القسم ده إسمه قصاقيص ... مش حكايات ألف ليله و ليله !!!

بتمنى ان يتم تفهم هذا الواقع!

.

.

.

.

رنيم..

ارجوكي تكوني فهمتي انا ليه كتبت اعتذاري في اول رد لي

موضوع جميل و حلو ...

و انا مبحبش أقتل الموضوعات الجميله بالردود الخارجه عنه

بالذات لو كانت قصص! :D

كان نفسي أفضل مثبت الموضوع اكتر من كده

بس الموضوع ده في المجله دلوقتي!!

و موجود على الصفحه الرئيسيه!

ليه بقه ننشر غسلنا؟؟

و تقبلو جميعا اعتذاري!

" بس ده مملكتي و اللي مش عاجبه الباب يفوت ديناصور "

:D

:D

يا لهوي لو حد يفهمها غلط!! :واه يابوي

محمد فارس

12-12-2004, 11:53 AM

برغم سخونة الحوار وتباين الاراء الا انى اعتبرها ظاهرة صحية ولا تدعو للقلق ومن حق اى طرف ان يدلى برأيه او يستوضح ومن حق اى طرف ان يوضح ، وهذه النقاشات تحدث بين افراد الاسرة الواحد ة ، ولا ضير من ذلك طالما اننا نستمع للآخر بالقدر الذى نطالبه بأن يستمع لنا ، ولا اعتقد ان هناك مكان ما يخلو من وجود تباين فى الاراء ، وليس مطلوبا من الجميع ان يكونوا نسخة واحدة ، وحتى على مستوى الدول و فى نظم الحكم الناضجة فإن نسبة 50%+ اى رقم تمثل الاغلبية 00اى ان الاجماع ليس مطلوبا

والمنتديات رغم انها ملك خاص لأصحابها ويتحملون عنها عناء كبيرا وينفقون عليها من مالهم الخاص ، ورغم اننا ضيوفهم فيها، فإننا وفى هذا الاطار ورغم الوضع الخاص للمنتديات الا اننا ننظر الى صاحب المنتدى نظرتنا الى من يتصدى للعمل العام ، ومن يتصدى للعمل العام دائما مايتعرض للنقد والنقد لا يعنى الاقلال من الشأن بل هو نابع من الحرص ولو لم يكن هناك عمل ماكان النقد

قد اكون جئت متأخرا 00وربما يكون الموضوع قد انتهى
لكن اردت ان اذكر هذه الكلمات لمعرفتى ان الجميع" بإذن الله " حسن النية ، ورغم معرفتى الشخصية بالأخ / هريدى وانا سعيد بهذه المعرفة ، فإن ذلك لن يكون حاجزا من ابداء رأيا مخالفا له او ابداء عدم اقتناعى بأمر ما00
كذلك فإنى اكاد اجزم ان الدكتورة رنيم لم تكن لتكتب هذا الموضوع الا من باب حبها لهذا المكان وقد رأت هى بحسها الفنى وابداعها الادبى ان تصوغه بهذا الشكل 0

وكم كنت اود ان نتطرق ايضا الى النص كعمل ابداعى يحمل فكرة جميلة ويبين كيف تُسخر الموهبة فى معالجة القضايا بشكل ساخر غير جارح
وكيف يحمل النص الادبى اسقاطا فى المعنى ، فهو هنا يحتمل كثيرا من الوجهات ومن الممكن تسخير معناه الى مستويات عدة متصاعدة تصل الى رأس الحاكم فى اى دولة

جودة النص هنا والسيناريو والحبكة الجيدة ليس جديدا على الدكتورة رنيم ، بل هو اضافة الى سجلها الرائع فى هذه النوع الصعب من الكتابة الادبية
--------------------
ادعو الله ان يهدينا جميعا سواء السبيل

تحياتى
--------------

no0r

12-12-2004, 04:31 PM

هو فيه ايه :huh:

هوا كان فيه وخلص :chr58:

انا قلت كده برضو:D

الموضوع رائع لتانى مرة اهو :tu:

سلام

مالك

12-12-2004, 09:32 PM

سلاموا عليكوم
الاخ هريدي
...
الاول الاخ مورسيس ....
بنعتذر عن الردود بس معتقدش اننا بننشر غسيل قذر او غيره احنا بنحاول نفهم شئ ودا ابسط حقوقنا كبني ادمين واعتقد انك لو كان ليك اي علاقه بالملغي عضويتهم معتقدش ابدا دا حيكون كلامك او ردك ... فياريت تتفهم الامر واكون شاكر
....
الاخ هريدي
اعتقد انك كدا بتقول ان مش من حق اي حد انه يعرف او يعلم ايه حصل ؟
اعتقد انك تعلم افضل من ذلك دينيا قبل كونه اخلاقيا انك مسؤل ومسرليتك تحتم عليك انك تكون صريح وواضح امام الناس اللي انتا مسؤول امامها ودا بالتأكيد عشان احنا عارفينك او على الاقل بنعتقد اننا عارفينك ....
عموما
انا عارف ان الكلام مش حيؤدي لأي نتائج معك .. وممكن يزيدك عند واصرار والله اعلم
بس حطلب منك طلب ومش منتظر منك اجابات ,,,,,,,
الطلب دا عايزك تفكر فيه شويه .....
هل يا ترى ممكن ان يعقل ان يكون انسان صح وعلى صواب في حكمه على اشخاص واغلب بقية الناس مختلفين معه او على نقيضه في الحكم ....
هل يعقل ان يكون حكمه في النهايه صحيح ؟
الاخ احمد
انا مش حتكلم ولا اقولك حاجه بس يكفيك انك تعلم انك غيرت في ناس ياما وكنت سبب في تسريع خطى ناس اكتر في طريق الهدايه ....
فكر
فكر كويس :)
مش حقولك حاجه ولا حطول في الكلام
اسئل الله ان يهديك السبيل القويم
سلاموا عليكوم

رنـranimـيم

12-12-2004, 10:53 PM

روبى 2

12-13-2004, 02:15 AM

استاذ احمد:

للاسف انتهى الموضوع كما توقعت (ياللا قوموا بوسوا راس بعض داانتم اخوات )
وطلع برضه لسه ان(الباب يفوت جمل )..مافيش خلاف شخصى علشان نقوم نصالح بعض ...الخلاف خلاف فى الرأى يعنى حاجه ارقى ..
للاسف انا ماكنتتش كاتبه قصه ولا مسرحيه بلاهدف وماكنتش اقصد من ورا ده ان

الموضوع يبقى اوعوا بقى ياجماعه وياللاقومى يارنيم امسحى وشك وبلاش عياط وردى على الناس اللى ردت ..الناس اللى ردت فوق راسى كلهم كلهم وهم عارفين انهم اصحاب مكان مش ضيوف داخلين يجاملوا ويكتبواهم كلمتين وارد انا بكلمتين وبعدين فركش فركش وكل واحد على بيته
سيدى مافيش حاجه فى الدنيا غير قابله للنقاش (دا حتى عزام اللى اتجسس علينا

وكنا حالفين شيلناه وديناه معزز مكرم ) يعنى كل شئ قابل للتفاوض ...دا

الرسول عليه الصلاة والسلام تفاوض مع اليهود ...حتى مع فارق التشبيه

ربنا لا يغلق باب التوبه فى وجه عبد من عباده ..علشان نمنع احنا الرحمه

بينا.
استاذ احمد اؤيدك ان الشئ الغير قابل للمناقشه هو التجاوز الاخلاقى من اى عضو

رغم انى اؤيد فى مثل تلك الاحوال توجيه اللوم اولا والتحذير قبل اتخاذ موقف ممن

تجاوز باعتبار ان هذا حقه علينا ..توجيهه حق علينا ...فهل فعل الاعضاء

الموقفون افظع من التجاوزات الاخلاقيه او اى شئ يشينهم ..؟؟؟ ام ان الاختلاف

فى الراى جريمه
لو نظرنا للامر كما سبق ووضحت لك ان البيت بيتك وان من حقك استضافة من ترغب ورفض من لا ترغب فلا غبارعلى مافعلته سيادتك ولكنك اوضحت من قبل انه موقعنا جميعا بمعنى ان القبول الشخصى ليس مقياس للتواجد هنا وانما لهذا المكان قيمه ووزن ومصداقيه وطهر اكبر من ان يوزن التواجد بمعايير زائله
واحمد الله ان موضوعى جه قصاقيص وماتعملش ....قراطيس

انا صراحة ما كنتش ناوية أرد برضه بعد كلام رنيم .. بس ما قدرتش

يا هريدي بيه ... يا عمنا احنا هنا مش بنتخانق .. احنا هنا بنختلف في الاراء .. مش على أشخاص زي ما رنيم قالت

وبعدين يا هريدي في نقطة مهمة .. إنك مشكورا تتحمل تكلفة هذا الموقع .. وده شيء تشكر عليه جدا .. وأنت فعلا المشرف العام .. ماحدش يقدر يتكلم .. لكن ....
المنتدى ده .. وأي منتدى غيره قائم أساسا بأعضائه .. يعني لو مافيش أعضاء .. مافيش منتدى ... فبالتالي كل فرد فيه صاحب مكان .. لانه كل من كتب فيه كلمة أو شعر أو قصة أو موضوع .. هوا كمان بذل مجهود ذهني وعصبي

لابد من أن يكون هناك مساحة للحوار البناء يا اخوان .. مش لازم يكون هريدي وحش علشان حذف عضوية ناس .. ومش لازم يكون الناس اللي اتلغت عضويتهم وحشين عشان كدة المشرف العام عمل كدة ..
في وجهتين للنظر .. أنا را]] انهم لازم يتعرفو .. وما ينفعش تقول انه مش من حق الناس يا بوص .. لانهم بالفعل حقهم ..

وبس تعليق أخير ما قدرتش ما اعملهوش ..

إنت بتقول انك بتمنع التطاول .. هايل جدا

يبقى الجملة دي مالهاش اي لازمة اللي تفضل الأخ مورسيس وذكرها
""مينفعش معاكمك غير قسم تتلموو فيه جميعا و تبداو تتكلمو و تتخانقو براحتكم

او في وسيله أحسن اسمها رسائل خاصه!

و لا انتم تعودتوا على نشر الغسيل السيء!؟

القسم ده إسمه قصاقيص ... مش حكايات ألف ليله و ليله !!!""

انا شايفة ان الجملة دي .. مش هقول فيها تطاول .. بس جامدة شوية .. ولا ايه يا أخ مورسيس ..
أرجو انك تتقبل مني تعليقي بصدر رحب

وفي النهاية .. كلنا كبار .. ولازم نتجاوز المشاكل دي .. بس بطريقة متحضرة بقى .. مش هينفع نقوم نبوس راس بعض على راي رنيم .. وخلاص.. لأ
لازم يكون فيه نقاش موضووووووووووعييييييييي

تحياتي

شيما

12-14-2004, 12:10 AM

السلام عليكم جميعا
أولا أنا حرد على الموضوع الجميل قوي قوي ده إلي نفسي أرد عليه من بدري لولا الخناقة إلي فيه :box:
موضوعك يا دكتورة رااااااائع جدا وفي الجون
وبطريقة مبتكرة وفنية على أعلى مستوى
والله بجد ماهي مجاملة نهائي
موضوعك خلاني أفكر إيه سبب السلبية القاتلة إلي في شعبنا العجيب ده :sniff:
لقيت إن في يوم السبوع بتاع كل واحد فينا بياخد وصية ( لا تتخلى عن السلبية أبدا )
أه والله وصيه
تلاقي ست طخييييييييييييينة جدا أعدة مسكة غربال وحطة الواد فيه وهات يا رج وجمبها واحدة تانية نزلة بإيد الهون لجل الواد ما يتصور :chr58:
ويفضلوا إسمع كلام أبوك :maaaad: إسمع كلام أمك
إسمع كلام مديرك إسمع كلام رئيسك ......... إلخ
ولو الواد أعلن رفضه وعيط الستات تقول علطول :closeeye: الواد ده شكله مشاغب ومتعب الله يكون في عونك ياختي عليه وعلى أبوه
وتاخده الأم وتكتمه قصدي تسكته بحجة إنه جعان ويتسد بقه خالص :drop:
أما بالنسبة للمشكلة إلي فجرها موضوعك
ماهي موجودة موجوده هو فجرها بس
كلكم متحاملين على الأستاذ هريييييدي بيك علشان هو إلي متمثله فيه الحكومة
في مادة علم النفس التربوي في الكلية أخدت حاجة جميلة قوي
لحظة بس والله ما حتفلسف ولا حاجة ده كلام عادي :surrender
أخدت إيه بقى
اخدت إن الطفل لما بيكون أبوه قاسي عليه بيعمل غضنفر على أمه وقدام أبوه يرجع فارلأنه بياخد أمه صورة بديلة للحكومة
إلي هي أبوه
وبالتال أعضاء القهوة هنا هريدييييييييييي هو صورة الحكومة إلي لازم يحترم كل الآراء
وهو عامل زي الوزارة إلي تتخذ القرار وتقول ليا أسبابي وأنا عرفها ومش لازم أقول
أخي MaLcoLM X لي إعتراض على جملة قلتها
هل يا ترى ممكن ان يعقل ان يكون انسان صح وعلى صواب في حكمه على اشخاص واغلب بقية الناس مختلفين معه او على نقيضه في الحكم ....
هل يعقل ان يكون حكمه في النهايه صحيح ؟
أه فيه وإلا ما كنش يبقى فيه أديان ولا فيه علم كام نبي الناس كلها عرضته
وكام عالم الناس إتهمته بالجنون وفي الأخر يقولوا عليه عبقري
وياما ناس بيتسأفلها وهي مفيش في كلمها كلمة صح حتى إسأل بوش يقولك

أستاذنا كلنا هريدي ( أحمد )
أولا شهادة حق أقولها موقعك ده من أروع المواقع وأنزها على الإطلاق
لأن فيه مواقع أخرى لا بتسمح بالكلام ولا بالنقاش ولا بالإبداع ولو فيه خناقة زي دي أقل حاجة بتتعمل قفل اموضوع من أول رد معارض إن ما كنش حذفه نهائي
أما بالنسبة لحذفك عضويات دون سبب مقنع إسمحلي تنقص من عظمة هذا امكان الجميل اللذي تعلقنا به
ما دام الموضوع مش أخلاقي ولا حاجة تمس الدين يبقى ليه الحذف
اخي المحترم
أنا شفت موضوعات فيها شتايم وتعديات كتير ولا إتحزفت ولا إتقفلت ولا إتلغت الإشتراكات بتاعت الأعضاء
يبقى طالما مش أي سبب من الأسباب إلي فاتت يبقى يبقى العقل لازم يسأل ومش حيهدى غير لما يعرف

مورسـيس

12-14-2004, 09:32 AM

انا شايفة ان الجملة دي .. مش هقول فيها تطاول .. بس جامدة شوية .. ولا ايه يا أخ مورسيس ..
أرجو انك تتقبل مني تعليقي بصدر رحب

أخت روبي!

الصراحه انا مش بحب خاالص الحوارات اللي زي ده

و معظم المناقشات اللي زي ده بتتفتح مواضيع ملهاش لازمه و ممكن تقلب بخناق

و ساعات زي ما انت بتشوفي بتصبح شتايم و حاجات مكروه اني اشوفها

و صدقيني انا مكنتش قلت الكلام اللي فوق ده إلا و انا متضايق جدا

كان فيه ردود و إتلغت... و انا للأسف الشديد قرأت الردود ده

و خفت فعلا على موضوع الدكتوره الجميل من التشوه

علشان فعلا إستمتعت بكل حرف فيه

بس هقول ايه بقه...

المشكله ان الناس اللي بتتخانق مع بعضها سواء في قسم قضايا او في العضل

هي هي نفسها الناس اللي بتتخانق في أي حته!!!

ما كل واحد يعرض وجهه نظره في رساله خاصه معاتبه جميله مش اكتر و لا اقل

ليه بقه لازم نوضح للناس كلها ان اللي قدامنا اللي غلطان!!!

و طريقه ( الفضح ) ده بتولد لدي المخطىء إحساس العناد!

فمهما كان مخطىء عمره ماهيقول انه مخطىء!!

علشان كده التنكيل بخطايا الآخرين علي الملأ يعتبر خطأ شديد

و أقرب صوره هنا...

اهو خلص الموضوع من غير ما تعرفوا مين الغلطان و مين الصح!!

و اللي كسبناه ان موضوع حلو زي ده اتشوه بلا داع!!!

على العموم...

انا عارف ان الرد بيجيب ردود!!

و ردي اكيد هيجيب ردود! معظمها هتتخلها كلمه ( انت مش فاهم حاجه )

زي ما لنين قاللي .. انت لو تعرفهم مكنتش اتكلمت كده!!!

بس صدقيني انا و الله مش عايز أفهم او أعرف!

انا جيت هريدي و انا بدور على الراحه من المنتديات الخليجيه الصعبه فعلا!

بما فيها من حوارات و تداخلات على غير أهميه لكن تكبر اوي في نظر الآخرين

و انا مش عايز حد يقول علينا نص كلمه!

لو اتنشر الموضوع ده بما فيه من اتهامات ظاهره و باطنه على المجله

اللي أول مره هيدخل القهوه هيقول ايه!؟؟

بلاش هيقول ايه عنا احنا كأعضاء...

لو شافنا و احنا بنقطع في جته بعض كده و بنحاول نغلط هريدي بأي شكل

( سواء كان غلطان او لاء .... ده موضوع تاني )

هيقول ايه العضو الجديد... اكيد مش هيشترك بعد اللي شافه!!

يبقى احنا كده عملنا زي أصحاب السفينه!!!

او بالمصري... جينا نكحلها عميناها!!

و مع اني معترض على كلمه الدكتوره على إننا ضيوف على القهوه!

حتى لو كنا ضيوف ... محدش بيعمل كده في المضيف بتاعو و لو كان وحش!!

على العموم...

انا طولت في كلامي...

و زي ما بقول الرد بيجيب ردود

و ده ردي التالت !!! :sniff:

يعني قلبناها شات هنا!!!

ربنا يستر من المكتوب

حكايه التطال و التقصر و جامده شويه و الكلام ده..

ده خوف مما قد يكتب! او تكرار لما كتب و انحذف

.

.

.

روبي

اشكرك على قلبك الأبيض الكريم و تعلقك بالحقيقه و إظهار الحق

و زي ما انت قلتي...

وفي النهاية .. كلنا كبار .. ولازم نتجاوز المشاكل دي .. بس بطريقة متحضرة بقى .. مش هينفع نقوم نبوس راس بعض على راي رنيم .. وخلاص.. لأ
و مره تالته

دكتوره رنيم

أنا آسف جدا جدا علشان كل ده حصل في موضوعك الجميل

و بعتذر للمره العاشره

و اشكرك جزيلا على وجودك في قصاقيص

و علشان جمعتي البفه الحلوه ده :)

للجميع تقديري و احترامي..,,,

رنـranimـيم

12-19-2004, 08:55 PM

الاخوه الاعزاء اعتذر عن التأخير فى الرد :flowers: :flowers: :flowers: :flowers:

رنـranimـيم

12-19-2004, 09:04 PM

أخوتى......أعتذر عن تأخرى فى الرد ....فوجودكم فى موضوعى شرف لى ودين أشعر انى لم أقضيه ولذا أسمحوا لى بالرد فى صفحه واحده رغم انى لم اتعود على ذلك ولكنها محاوله منى فى ان ارد جميل لكم عندى ...ولن استطيع مهما حاولت ...فسامحونى

نجم
سعدت بوجودك حبيبتى ....اشكرك من قلبى على زيارتك الغاليه

منة الله
اسعدتنى كلامتك الجميله وخفة ظلك التى عهدناها فيكى دائما ....اكرمك الله وبارك فى قلمك
جوارح
اخى سعيده جدا جدا بوجودك

الشيخ زورو

وبيلفت انتباهنا لفرعنة المتأصلة فى جذور الشعب المصرى ..
فى كل الاماكن اللى فى الدنيا.. فى سوق الخضار.. حتى الفران بتاع العيش بيعذب الناس فى طابور العيش..
ايوه يامولانا ....ولو ركزت اكتر حتلاقى الفرعنه ماسابتش حد ...وباء يافندم .....شكرا على وجودك ياحج
محمد حموده
وانت يا والى .. ياللى ف. بالى
يا "مملوك" للباب العالى !!
من حقك طبعا .. تتفرعن
طول ما الناس بتقول " وانا مالى "
ياللى شايفنا قطيع .. أو رايش
وبترمى لنا بواقى فتات
نقول يعيش رئيسنا اللى عايش
ونلعن أم ابوه .. لو مات
ظلمك لى سبب احباطى
انزل تحت الارض وطاطى

اذا كان هذا هو الحال .. والرعيه مش قادرين يختاروا ( فرعونهم )
ومش قادرين يعيشوا فى المملكه لانها ( مملكتى وانا حر فيها )
واذا اقتنعوا انهم شعب مش رعيه
يبقى احسن ان كل ( الديناصورات ) تشوفلها بلد تانيه ... تليق بيها وتناسب حجمها .. وتسمح لها بالحركه
قبل ماييجى الطوفان .. او يقع من السما نيزك كبير .. وتنقرض كل الديناصورات
يعنى ..ارض الله واسعه

استاذ محمد ...شرفتنى بالزياره اكتر من مره وفى كل مره بتأكد انك صاحب قلم متميز واستاذ فى اى مجال بتكتب فيه وصاحب راى احترمه واقدره ...اشكرك سيدى على حضورك لقد اضفت لى الكثير..

haitham_ezt

استاذ هيثم ....نورتنى مرتين ...شوف بقى انا سعيدة الحظ اد ايه ؟.....شكرا عزيزى

هريدىيابووووى

طقت في دماغي اعملها فيلم كارتون ثري دي بجد

عمنا الكبير هريدى شرفنى مرتين ...مره لما تكرم ورد فى الموضوع ...والمره التانيه لما عجبه موضوعى وحيعمله كرتون
:twee: :twee: :twee: ....ايوه لا ونعمل افيشات الفيلم على مدخل القهوه واااااااااااااو....وحقوقى طبعا محفوظه يافندم ....اصل قدامى ديناصور لقطه 6 سلندر استعمال خفيف وبفكر اشتريه بس همتك بقى علشان تخلص الفيلم ونتحاسب والحقى اشتريه .....
شكرا يابوص على الزياره .....وربنا يجعله عامر :clap:
اريج
شكرا على الزياره الجميله ...لولا تشجيعكم لى ماكتبت شئ

no0r

بس هيا الفرعنه مالها يعنى ماحنا طول عمرنا عايشيين فيها من اجداد اجداد اجداد اجداددنا ومكبرين دماغنا وبنفطر فول ونتعشى فول برضو لما قربنا ننهق
لما قربنا ؟؟؟؟ :brb: :brb: :brb: .....متهيالى احنا خلصنا البتاعه دى من زمااااااان ..مش قربنا :clap:
شكرا يانور ....سعدت بزيارتك

مورسيس
[QUOTE] دكتوره رنيم بجد و الله انا مت على نفسي!
ما شاء الله عليكم منورين بالقوى والغايب بكره يعود.

شكرا اخى الفاضل ....وعتذر عن اقتحام قصاقيص بالبتاعه المتعبه دى بس انا يافندم نمت وقمت لقيتهم نقلوها عندك .....استحملها بقى واستحملنى امرك لله

najjar

[QUOTE]ياهريدى باشا مفيش حاجه اسمها حكم وان شاء الله كل شئ قابل للنقاش ا(( اامال اخوه ازاى؟؟؟)

يارب متجبش زعل لحسن الواحد على اخره بصراحه من كترة مشاكلكم والواحد مبقاش عارف يلاقيها منين والا منين

نهرب من مشاكلنا ونيجى عشان ننفسها هنا نلاقيها مكلكعه!!!!! الرحمه يارب.

يالله سمو بالله كده واتفاهموا ورجعوا كل حاجه لاصلها واخزوا الشيطان.

عايز ادخل المره الجايه الاقى الفرح شغال ومفيش داعى للعوالم عشان انا اللى هغنى واحيي الليله.

ياعمى نجار باشا .....جمايلك مغرقانا .....بس انت حتحيي ايه ولا ايه دى الافراح كتييييييييييييييييييييييره اوى ...ربنا معاك
عمى ....دايما تسعدنى زياراتك الجميله وطيبتك وكلامك البسيط الصادق

Broken_ Heart

ملهاش حل

ايوه .....مالهاش حل زى كل مشكله فى حياتنا
اشكرك اخى الكريم على تشريفك للموضوع

ياسر سويد

مش عارف يمكن مش من حقى اتدخل

بس انا شايف ان مش لازم تكون فيه احكام نهائية

وكل شئ قابل للنقاش

بس فيه ناس مش موجوده عشان ترد ودى مش ح تقدر توضح وجهة نظرها

وبكده حيكون حوار من طرف واحد

ف اثباتا لحسن النية يجب السماح للاطراف الاخرى بالمشاركة فى الحوار هنا فى قصاقيص

اخى ياسر جبت المفيد بكلامك ......بس للاسف ماحدش عنده استعداد يسمع يمكن نقرى بس ...لكن لغاية التطبيق ...وكل سنه واحنا طيبين.....للاسف
شكرا اخى ياسر طول عمرك مجامل واخ فاضل اعتز بيه

روبى 2

هوا ايه النظام بالظبط

هوا انا في وشي بريمة وللا حاجة

طب تصدقى ....وانا محتاره فى البتاعه اللى وشك دى :واه يابوي ....هى دى بقى البريمه :brb: :brb:
شكرا يافندم ....ماهى اقدام سعادتك :box: :box:
روبى حبيبتى شكرا لمشركاتك القيمه وكلامك اللى صح ميه الميه ....بس خلاص :lolly:

MaLcoLM X
شكرا يافندم على تواجدك واحترامى لك
Nile Hawk

بسجل وجودى بدون تعليق يذكر ... عشان أنا أصلى حيتقال عليا متحيز

تصدق كان نفسى اعرف رايك .....طب كنت قول وسيب الحكم علينا ليه تحرمنا من اننا نسمع راى انا شخصيا بحترمه مهما كان مختلف مع

محمد فارس
قد اكون جئت متأخرا 00وربما يكون الموضوع قد انتهى
برغم سخونة الحوار وتباين الاراء الا انى اعتبرها ظاهرة صحية ولا تدعو للقلق ومن حق اى طرف ان يدلى برأيه او يستوضح ومن حق اى طرف ان يوضح ، وهذه النقاشات تحدث بين افراد الاسرة الواحد ة ، ولا ضير من ذلك طالما اننا نستمع للآخر بالقدر الذى نطالبه بأن يستمع لنا ، ولا اعتقد ان هناك مكان ما يخلو من وجود تباين فى الاراء ، وليس مطلوبا من الجميع ان يكونوا نسخة واحدة ، وحتى على مستوى الدول و فى نظم الحكم الناضجة فإن نسبة 50%+ اى رقم تمثل الاغلبية 00اى ان الاجماع ليس مطلوبا

استاذ محمد لوجودك دائما قيمه كبيره عندى ...لاحرمنا الله من وجودك ....اشكرك على هذا التشريف الذى منحتنى اياه بوجودك

شيما

لقيت إن في يوم السبوع بتاع كل واحد فينا بياخد وصية ( لا تتخلى عن السلبية أبدا )
أه والله وصيه
تلاقي ست طخييييييييييييينة جدا أعدة مسكة غربال وحطة الواد فيه وهات يا رج وجمبها واحدة تانية نزلة بإيد الهون لجل الواد ما يتصور
ويفضلوا إسمع كلام أبوك إسمع كلام أمك

انا بقى ماحدش عمل معايا كده B) ....ولاحد كان يقدر يعمل معايا كده ....قال حد يرجنى قال .....هى سايبه ....انا بسمع كلام نفسى من وانا صغننووووووووووونه ......قال ايد هون قال ..... :viking:

شكرا شيما حبيبتى ......وحشانى

وشكر خاص جدا لام البنين والعزيزه ساندى

شكرا لكم جميعا .....

Nile Hawk

12-19-2004, 10:34 PM

أنا كنت بكتب رد أاااااد كدهوه بس القطط فلصوا سلك الكهربا :sniff:
يالا خير ... الحمد لله

هو الموضوع فى رأيى أتقفل .. و كلامى حيبقى ملوش لازمة عشان كده حقوله :واه يابوي

القهوة بشكل عام .. هى أول منتدى أستقر فيه لفترة طويلة .. و الحمد لله أتعلمت منه حاجات كتيره ممكن أنتوا متحسوهاش فيا .. بس أنا حسيتها فى نفسى .. و صاحب القهوة علمنى كذا حاجة فى حوالى ساعتين أو تلات ساعات زمن (هى مدة اللقاء الجماعى اللى قعدته مع المجموعة) فادونى و مازالوا بيفيدونى لحد دلوقتى فى دنيتى..

برغم أن أنا أصغر من كتير من الناس هنا ... زى الأخ هريدى و الأخت رنيم و و و ... إلخ
إلا أن الأنسان مش بيتقاس بالسن .. بل بالمواقف .. (حاضر حقصر أنا عارف أنكم عارفين الكلام ده كله)

مش حقول أنى عملت و سويت فى القهوة لأن اللى بيحتسب عمله عند الله المفروض أنه ميلمحش حتى بكده ...
بس حقول أنى عشت مع ناس كتير هنا لحظات مختلفة كويسه و وحشة و منكم اللى حبنى و منكم اللى كرهنى .. و أنا مبلومش حد كل واحد حر يحب اللى يحبه و يكره اللى يكرهه.

يعنى بقى ليا صداقات مع ناس منكم ... و شوفتهم و لقيتهم و الله ناس أفضل من بعض اللى أعرفهم من سنين فاتوا بدون مبالغة... من الأخر بقى ليا أرتباطات
و بقى من حقى أنى أقول لأخويا أو لأختى عيوبه عشان يحسنها بس المهم أنى أقولها بأسلوب محترم ولائق و فى بعض الأحيان أقولها فى أذن الأخ أو الأخت فقط مش لازم أسيح له يعنى..
طالما أنا عملت كوووول ده ... و أتبعت الخطوات دى و أرتبطت بيكم ... مش أنا واحد مسجل لأول مرة عشان يشاغب و يبعت رسايل مزعجة لده أو لديه .. يعنى المفروض ليا مكانه ...
و المفروض أن مؤسس هذا المكان الطيب يتقبل مكانتى و يميزنى .. فى أيه يميزنى

لو غلطت يقولى أنتا غلطان بينه و بينى
و لو فى يوم من الأيام قرر يحذفنى .. يتفضل مشكوراً و يقولى يا فلان أنا قررت أنى أشيلك (حتى من غير ما يقولى الأسباب) ياريت تمشى بكرامتك .. عشان متسببش للمكان اللى بتحبه ده شوشرة...

عارف عارف ... حتقولى لى و ليه يمشيه أصلاً حقولكم لسبب بسيط برغم أنى مش متقبل هذا السبب و مش مقتنع بيه..

أن هذا المالك عنده أسبابه و أتخذ قرار الحذف .. و الله و أعلم ممكن يكون هو على حق أو على باطل .. مش حتفرق فى شيئ لأن اللى هو عايزه هو اللى حيمشى..
......................................
كل الكلام ده جميل ... بس ليه أنا مش مقتنع بالكلام اللى أنا كتبته فوق ده

لسبب ممكن يكون فى نظر المالك بسيط بس فى نظر كل واحد حب و أرتبط بشخصية من الشخصيات اللى أتحذفوا دول .. هو سبب عظيم جداً

وجودهم ... كيانهم ... أرائهم بيفرقوا معانا جامد جداً خصوصاً لو دى ناس قديمة حبيناها و حبونا فعلاً...

أنا مش حشاور على حد عشان كلكم عارفين أنى حتحيز له حتى أنا نفسى عارف..

مش دورى أنى أحاسب حد ... لكن ده دور ربنا سبحانه و تعالى
ربنا يدى كل واحد على أد نيته

أنا على فكرة متأثر من الموضوع ده جداً لحد دلوقتى و مرديتش من الأول لأن الخبر صدمنى و الله أعلم لو كنت رديت كنت حخرف بأيه ...

أنصح أى حد حيكتب حاجة تانية سواء كانت بالنقد أو بالدفاع أنه يفوض أمره لربنا و يدعى لنا كلنا بالرحمة و المغفرة

هريدي يابووووي

12-19-2004, 10:38 PM

رع-نيم :واه يابوي
حمد الله ع السلامة يا افندم :flowers:

najjar

12-20-2004, 03:09 AM

رع-نيم :واه يابوي
حمد الله ع السلامة يا افندم :flowers:

اقطع دراعى ان مكنت انسان ... لاء وايه؟؟؟ انسان جميل .

هكدا تكون النفوس والا فلا.

والاكيد ان رنيم هتيجى وترد التحيه ... ده انسانه وتفهم فى الاصول....

والاحلى من كده لما يرجعوا بقية الاخوه ينوروا القهوه زى العاده .

ربنا يديم المحبه والاخوه

رنـranimـيم

12-21-2004, 12:05 AM

رع-نيم
حمد الله ع السلامة يا افندم

ها _رى _دى.......باشا
الله يسلمك يافندم ......لكن انا لسه مستنيه منك كرم اكتر من كده ....علشان لما نحاسب نفسنا فى يوم مانشعرش اننا ظلمنا حد ....يافندم اشكرك على ردك ...... :flowers:

رنـranimـيم

12-21-2004, 12:13 AM

محمد فارس

12-21-2004, 01:26 AM

..لكن انا لسه مستنيه منك كرم :flowers:
مين كرم ده ؟

QALB_ELDEEN

12-21-2004, 09:44 AM

رع-نيم :واه يابوي
حمد الله ع السلامة يا افندم :flowers:

ها _رى _دى.......باشا
الله يسلمك يافندم ...... :flowers:

:think3: :think3:

:brb: :brb: :brb:

:55: :55: :55: :55: