أيمن عماره
12-07-2004, 09:25 AM
وسيطر الصمت على الغرفه فلا الرئيس يسأل ولا محمد يكمل .. ولم يقطع الصمت سوى دخول السكرتير ليخبر الرئيس أن غرفة الإجتماعات جاهزه لإجتماع ما.. وينصرف الرئيس وهو لايعلم ماوراء القصه .. ويدخل الإجتماع .. وفى مكان أخر تدار إجتماعات أخرى بطرق مختلفه ...
نادر : أخبار عظيمه يافندم
رئيس الحزب : ها .. خير
نادر : الريس متجوز عرفى
رئيس الحزب : نعم ... انت بتخرف.. هو فيه رئيس بيجوز عرفى .. يابنى بنات البلد كلهم يتمنوه من غير لاعرفى ولا عرفك
نادر : لأ يافندم أنا مقصدش دلوقتى ... أنا أقصد أيام الدراسه فى الجامعه ..
رئيس الحزب : وانت عرفت ازاى .. فيه دليل .. مستند
نادر : عرفت من أحد اصدقائى فى دار نشر إن فيه واحده طلبت من دار نشر تطبع لها كتاب وسمته أربع سنوات فى حضن الرئيس .. وناويه تنشر فيه كل المستندات اللى معاها .. صور وجوابات والعقد العرفى نفسه ..
رئيس الحزب : ممتاز .. علاقة الرئيس بواحده مش نهاية العالم بس إحنا نقدر نخليها نهايته .. اعمل كل المحاولات .. عايز المستندات دى عندى فى أقرب وقت
وهكذا وجد الرجل ضالته التى سيسحق بها الرئيس ليكسب الرأى العام .. فهو على إستعداد للدفع .. وهى لاتريد الا المال .. وهذا مادفعها للإتصال بدار النشر للإستفسار عن النشر وتكملة الإتفاق
نهله : يا أستاذ ناصر .. مقدرش أبعت لك المستندات اللى عندى إلا لما نتفق على المبلغ وأقبضه .. وبعدها اسلمك المستندات عشان تضمها للكتاب .. وبعدين ما إنت شفتها كلها لما كنت عندى هنا .. وحاجه تانيه أجر الكاتب اللى هينسق انت هتدفعه
ناصر : ياست نهله .. مش هنختلف .. بس انتى ادينى يومين كمان .. لازم أدبر نفسى من الناحيه القانونيه والماليه .. وأرتب ترتيب كويس
وأصبحت أيام نهله التى كانت تمقتها أحيانا ذكرى تباع بالمال ... ومصدر رزق قد لايتعوض مستقبلا .. لم يتبقى سوى أسابيع أو أيام ويجد الرئيس كل أسراره الخاصه عن فترة شبابه على أرصفة القاهره التى يتربع على عرشها .. ولم يكن يصدق مايحدث عندما عاد وأخبره محمد بالقصة الكامله
محمد : ياريس ماتقلقش .. أنا هتصرف بإذن الله والموضوع كله هينتهى .. فيه ميتحل .. وممكن كمان نتفاوض معاها .. ونديها مبلغ وناخد منها المستندات
الرئيس : مبلغ ايه يامحمد .. هيه هتطلب عشر تلاف جنيه .. أكيد مش اقل من تلتميت ألف
محمد : لأ دى طالبه مليونين
الرئيس : شفت عايزه تاخد حصتها من البلد ... ليه كده يانهله بس
محمد : ياريس أنا هتصرف .. سواء بالطرق الشرعيه أو الغير شرعيه
الرئيس : انت عارف معنى كلامك ده ايه .. اننا نكفر بكل اللى أمنا بيه وتعبنا عشان نحققه لينا وللناس ..
محمد : ياريس إذا ماعملناش كده هنضيع كلنا .. ومبادئنا وقيمنا هتضيع قبلنا ... يبقى ايه الافضل اننا نخالف جزء من المبادئ دى عشان نعمم الباقى ؟.. ولا نضيعها كلها عشان غلطه قديمه فى سن الشباب .. ياريس الموضوع ده كبير قوى ولازم نكون أكبر منه .. بص على اللى بدأنا نحققه للبلد فى الفتره القليله اللى فاتت .. وبص على اللى هيتحقق فى المستقبل .. تفتكر ده مايستاهلش شوية تضحيه ؟
الرئيس : تضحيه بإيه ولصالح مين ؟ .. إذا بدأنا بتنازل مش هنبطل تنازلات طول عمرنا
محمد : ياريس الموضوع فى ايدينا ... ندفع لها قرشين ..
الرئيس : منين ؟
محمد : من أى بند
الرئيس : شفت .. من أى بند !! خلاص بقت البلد فى ايدينا نصرف على كيفنا من اى بند ... لا يامحمد كل الحلول دى هتودى لنفس السكه .. كل مره هنلاقى لنفسنا مبرر علشان ننتهك كل شئ .. كنت بسمع زمان عن حلاوة الكرسى ... بس عمرى ماحسيت بيهاغير دلوقتى .. يامحمد أنا مش بفكر فى الرياسه .. أنا بفكر فى الناس وولادى .. إزاى هيتقبلوا الخبر وإزاى هواجههم ..دى ورطه كبيره الله يسامحك يانهله
محمد : ماتقلقش ياريس هتصرف
الرئيس : بس تبلغنى بكل خطوه قبل ماتعملها
ولم يكن الرئيس يدرى ماذا يفعل بعد أن قاربت أحلامه على الضياع ولم يدرى هل هو قد أعطى لمساعده الضوء الأخضر لينتهك به ماأعلنه من مبادئ .. وهل بالفعل يجب أن يضحى بشئ منها مقابل البقيه لأجل الصالح العام .. بالفعل إنها لحظات الإختبار القاسيه ... ولم يكن الوحيد فى الأسره الذى يتعرض للإختبار فعلى الطريق كانت نرمين تتعرض لإختبار من نوع أخر وليس بعيدا عن مبنى الرئاسه .. فى السياره التى يقودها يوسف ظابط الأمن الخاص بحماية نرمين تلك الفتاة المترقبه لفارس الأحلام .. الوسيم القوى والرياضى ..
نرمين : ياه الدنيا دى حلوه قوى .. ولا إنت ايه رأيك يايوسف .. ايه رأيك لو أقول لك يوسف على طول ؟
يوسف : سيادتك تقولى اللى يعجبك يافندم
نرمين : مابلاش أفندم دى
يوسف : يانرمين هانم أنا هنا فى خدمة سيادتك
ثم يشير الى مكان ما فى السياره ولكنها لاتفهم .. ثم يوقف السياره
نرمين : خير وقفت ليه ؟
يوسف : سامع صوت فى العربيه ورا هشوفه يافندم بعد إذن سيادتك
ويشير اليها لتنزل .. ثم يهمس فى أذنها
يوسف : العربيه متصله بغرفة العمليات فى الرياسه عن طريق أجهزه بتوصل الصوت
نرمين : افففف بقى مش ممكن كده طيب نبقى نتكلم فى النادى ...
وكان الإبن أيضا يتعرض لإختبار أخر ومكان أخر ولكن أحمد لم يكن بالصلابه التى تمكنه من احتمال مايجرى دون أن يخضع للرغبات .. ففى منزل صديقه محمود كان يتلقى ذلك الإختبار
محمود : حسام بيه بيشكرك .. مصلحته خلصت وبعت لك هديه كمان
أحمد : ياسيدى ولا شكر ولا حاجه .. المهم أمور الناس تمشى .. بدل الروتين مايقضى على التنميه .. وبعدين أنا مش مستنى هدايا
محمود : مش تستنى لما تشوف الهديه الأول يابرنس
ثم يحضر محمود شنطه ويفتحها .. ولم يصدق أحمد مايرى عندما شاهد الحقيبه مملوءه بالنقود
أحمد : ايه ده .. كل دى فلوس .. معقول .. ايه دول يامحمود
محمود : هديتك يابرنس .. أهلا بيك فى نادى المليونيرات والبيزنس
أحمد : يانهار أبيض .. دى فلوس كتير قوى .. أنا أول مره أشوف مبلغ زى ده .. وكله دولارات ... كام دول يامحمود
محمود : مليون دولار يابرنس .. عشان تعيش حياتك .. وغير كده فاكر نانسى سكرتيرته اللى كانت معاه المره اللى فاتت .. هيبعتها بعد شويه تتشكرك بنفسها ياعريس
أحمد : كل ده بمكالمة تليفون ... بس هقول ايه لبابا
محمود : مانت مش لازم تقول يابرنس .. أبوك فقرى واناعارفه .. خلى فلوسك عندى .. وكل ماتحتاج حاجه تعالى خدها .. واعمل كل اللى ف نفسك ... بس المهم تخف الزحمه اللى حواليك دى .. لسه فيه شغل كبير ..
وبقدر ماكانت فرحته بالنقود طفوليه .. وبقدر ماكان تفكيره طفولى .. إلاإنه سيجد من يخطط له مستقبلا حتى تصبح الملايين مليارات .. فلقد وضع القدم الأولى على طريق المستقبل الصحيح
نادر : أخبار عظيمه يافندم
رئيس الحزب : ها .. خير
نادر : الريس متجوز عرفى
رئيس الحزب : نعم ... انت بتخرف.. هو فيه رئيس بيجوز عرفى .. يابنى بنات البلد كلهم يتمنوه من غير لاعرفى ولا عرفك
نادر : لأ يافندم أنا مقصدش دلوقتى ... أنا أقصد أيام الدراسه فى الجامعه ..
رئيس الحزب : وانت عرفت ازاى .. فيه دليل .. مستند
نادر : عرفت من أحد اصدقائى فى دار نشر إن فيه واحده طلبت من دار نشر تطبع لها كتاب وسمته أربع سنوات فى حضن الرئيس .. وناويه تنشر فيه كل المستندات اللى معاها .. صور وجوابات والعقد العرفى نفسه ..
رئيس الحزب : ممتاز .. علاقة الرئيس بواحده مش نهاية العالم بس إحنا نقدر نخليها نهايته .. اعمل كل المحاولات .. عايز المستندات دى عندى فى أقرب وقت
وهكذا وجد الرجل ضالته التى سيسحق بها الرئيس ليكسب الرأى العام .. فهو على إستعداد للدفع .. وهى لاتريد الا المال .. وهذا مادفعها للإتصال بدار النشر للإستفسار عن النشر وتكملة الإتفاق
نهله : يا أستاذ ناصر .. مقدرش أبعت لك المستندات اللى عندى إلا لما نتفق على المبلغ وأقبضه .. وبعدها اسلمك المستندات عشان تضمها للكتاب .. وبعدين ما إنت شفتها كلها لما كنت عندى هنا .. وحاجه تانيه أجر الكاتب اللى هينسق انت هتدفعه
ناصر : ياست نهله .. مش هنختلف .. بس انتى ادينى يومين كمان .. لازم أدبر نفسى من الناحيه القانونيه والماليه .. وأرتب ترتيب كويس
وأصبحت أيام نهله التى كانت تمقتها أحيانا ذكرى تباع بالمال ... ومصدر رزق قد لايتعوض مستقبلا .. لم يتبقى سوى أسابيع أو أيام ويجد الرئيس كل أسراره الخاصه عن فترة شبابه على أرصفة القاهره التى يتربع على عرشها .. ولم يكن يصدق مايحدث عندما عاد وأخبره محمد بالقصة الكامله
محمد : ياريس ماتقلقش .. أنا هتصرف بإذن الله والموضوع كله هينتهى .. فيه ميتحل .. وممكن كمان نتفاوض معاها .. ونديها مبلغ وناخد منها المستندات
الرئيس : مبلغ ايه يامحمد .. هيه هتطلب عشر تلاف جنيه .. أكيد مش اقل من تلتميت ألف
محمد : لأ دى طالبه مليونين
الرئيس : شفت عايزه تاخد حصتها من البلد ... ليه كده يانهله بس
محمد : ياريس أنا هتصرف .. سواء بالطرق الشرعيه أو الغير شرعيه
الرئيس : انت عارف معنى كلامك ده ايه .. اننا نكفر بكل اللى أمنا بيه وتعبنا عشان نحققه لينا وللناس ..
محمد : ياريس إذا ماعملناش كده هنضيع كلنا .. ومبادئنا وقيمنا هتضيع قبلنا ... يبقى ايه الافضل اننا نخالف جزء من المبادئ دى عشان نعمم الباقى ؟.. ولا نضيعها كلها عشان غلطه قديمه فى سن الشباب .. ياريس الموضوع ده كبير قوى ولازم نكون أكبر منه .. بص على اللى بدأنا نحققه للبلد فى الفتره القليله اللى فاتت .. وبص على اللى هيتحقق فى المستقبل .. تفتكر ده مايستاهلش شوية تضحيه ؟
الرئيس : تضحيه بإيه ولصالح مين ؟ .. إذا بدأنا بتنازل مش هنبطل تنازلات طول عمرنا
محمد : ياريس الموضوع فى ايدينا ... ندفع لها قرشين ..
الرئيس : منين ؟
محمد : من أى بند
الرئيس : شفت .. من أى بند !! خلاص بقت البلد فى ايدينا نصرف على كيفنا من اى بند ... لا يامحمد كل الحلول دى هتودى لنفس السكه .. كل مره هنلاقى لنفسنا مبرر علشان ننتهك كل شئ .. كنت بسمع زمان عن حلاوة الكرسى ... بس عمرى ماحسيت بيهاغير دلوقتى .. يامحمد أنا مش بفكر فى الرياسه .. أنا بفكر فى الناس وولادى .. إزاى هيتقبلوا الخبر وإزاى هواجههم ..دى ورطه كبيره الله يسامحك يانهله
محمد : ماتقلقش ياريس هتصرف
الرئيس : بس تبلغنى بكل خطوه قبل ماتعملها
ولم يكن الرئيس يدرى ماذا يفعل بعد أن قاربت أحلامه على الضياع ولم يدرى هل هو قد أعطى لمساعده الضوء الأخضر لينتهك به ماأعلنه من مبادئ .. وهل بالفعل يجب أن يضحى بشئ منها مقابل البقيه لأجل الصالح العام .. بالفعل إنها لحظات الإختبار القاسيه ... ولم يكن الوحيد فى الأسره الذى يتعرض للإختبار فعلى الطريق كانت نرمين تتعرض لإختبار من نوع أخر وليس بعيدا عن مبنى الرئاسه .. فى السياره التى يقودها يوسف ظابط الأمن الخاص بحماية نرمين تلك الفتاة المترقبه لفارس الأحلام .. الوسيم القوى والرياضى ..
نرمين : ياه الدنيا دى حلوه قوى .. ولا إنت ايه رأيك يايوسف .. ايه رأيك لو أقول لك يوسف على طول ؟
يوسف : سيادتك تقولى اللى يعجبك يافندم
نرمين : مابلاش أفندم دى
يوسف : يانرمين هانم أنا هنا فى خدمة سيادتك
ثم يشير الى مكان ما فى السياره ولكنها لاتفهم .. ثم يوقف السياره
نرمين : خير وقفت ليه ؟
يوسف : سامع صوت فى العربيه ورا هشوفه يافندم بعد إذن سيادتك
ويشير اليها لتنزل .. ثم يهمس فى أذنها
يوسف : العربيه متصله بغرفة العمليات فى الرياسه عن طريق أجهزه بتوصل الصوت
نرمين : افففف بقى مش ممكن كده طيب نبقى نتكلم فى النادى ...
وكان الإبن أيضا يتعرض لإختبار أخر ومكان أخر ولكن أحمد لم يكن بالصلابه التى تمكنه من احتمال مايجرى دون أن يخضع للرغبات .. ففى منزل صديقه محمود كان يتلقى ذلك الإختبار
محمود : حسام بيه بيشكرك .. مصلحته خلصت وبعت لك هديه كمان
أحمد : ياسيدى ولا شكر ولا حاجه .. المهم أمور الناس تمشى .. بدل الروتين مايقضى على التنميه .. وبعدين أنا مش مستنى هدايا
محمود : مش تستنى لما تشوف الهديه الأول يابرنس
ثم يحضر محمود شنطه ويفتحها .. ولم يصدق أحمد مايرى عندما شاهد الحقيبه مملوءه بالنقود
أحمد : ايه ده .. كل دى فلوس .. معقول .. ايه دول يامحمود
محمود : هديتك يابرنس .. أهلا بيك فى نادى المليونيرات والبيزنس
أحمد : يانهار أبيض .. دى فلوس كتير قوى .. أنا أول مره أشوف مبلغ زى ده .. وكله دولارات ... كام دول يامحمود
محمود : مليون دولار يابرنس .. عشان تعيش حياتك .. وغير كده فاكر نانسى سكرتيرته اللى كانت معاه المره اللى فاتت .. هيبعتها بعد شويه تتشكرك بنفسها ياعريس
أحمد : كل ده بمكالمة تليفون ... بس هقول ايه لبابا
محمود : مانت مش لازم تقول يابرنس .. أبوك فقرى واناعارفه .. خلى فلوسك عندى .. وكل ماتحتاج حاجه تعالى خدها .. واعمل كل اللى ف نفسك ... بس المهم تخف الزحمه اللى حواليك دى .. لسه فيه شغل كبير ..
وبقدر ماكانت فرحته بالنقود طفوليه .. وبقدر ماكان تفكيره طفولى .. إلاإنه سيجد من يخطط له مستقبلا حتى تصبح الملايين مليارات .. فلقد وضع القدم الأولى على طريق المستقبل الصحيح