ومضات من فِكر "إديسون"

[مـؤيـد]

إديسون
توماس ألفا إديسون
أو زي مابقولوا: مخترع عصر الكهربا B) وناخد صور من أشكال الكهرباء
1-:tv:
2- :compu:(بتلعب في الكمبيوتر ليه يا أخي :viking: )
3-:fanoos:
حنبدأ من النهارده بإذن الله ناخد "دروس" عنه
عن فِكره
حياته
خطوات نجاحه
وهلمّ جرا :huh:
ها ايه رأيكم يا شباب العلم...؟
ايه رأيكم يا فتيات العلم...؟

مين عاوز يحضر الدرس
رسوم الاشتراك: :closeeye:
ولا بلاش المرة دي مجاني :D

[مش فاكر]

انا انا انا انا انا انا :clap: اكتبوا اسمي

[مـؤيـد]

إديسون
أول حاجه بتيجي على بالي كده وانا بفتِكر الاسم ده
ان الاعاقة لا يمكن تكون توقف عن العمل
والمعاق-سبحان الله- لا يمكن يكون عالة أو زايد على الدنيا..
بغض النظر عن المعنى الكامل للإعاقة
فإن إديسون كان "عليل السمع".. ولد عام 1847م برأس كبير غير طبيعي..
وكان احتمال اصابته بالتهاب السحايا "الحمى الدماغية" وارد الحصول..
وغير كده
إديسون كان بيعاني من أمراض تنفسية "مزمنة" طول طفولته..!
***
كل ده ممنعش "ألفا" أو "إل" زي ماكانوا بينادوه من الحركة والنشاط والفضول
كان صغير عفريت يتنطط من هنا لهنا
وامه بالمقشة وراه :viking:
واد يا إل :أخخخ:
إلهي ماتشوف "نور" في حياتك..!! :أخخخ:
كان جايبها منخوليا :eeys: .. ودي حقيقة والله
إل كان "حريف" في اختراع المشاكل والمصائب :chr64:
والضرب القاسي اللي كان بياخده من والده "صموئيل إديسون" ووالدته "نانسي إديسون" اللي كانت بتضربه بقضيب متعلق فوق ساعة الحائط مكنش بينفع معاه.. :poison:
محاولات إلفا الطايشة كانت مشهورة في الحتة اللي كان ساكن فيها..
مرة كان حيغرق، ومرة وقع في رافعة حبوب كان هيروح فيها من الخنقة
ومرة كان هيتحرق لما ولّع النار في مخزن والده...!
بس بجد الواد ده عبيط. :nyaa: . لما سألوه عملت كده ليه يا وله قال: "عشان اشوف ايه اللي هيحصل" :واه يابوي :واه يابوي
غير ده.. طلع مره هوا وصاحبه يسبحوا في النيل بتاعهم :D رغم ان "صاحبه" مكنش بيعرف يعوم..!
فجأة..
صاحبه اختفى في الجدول
معرفش إل يعمل إيه
سابه وراح ينام
بجد والله
ولما الكبار سألوه: "فين صاحبك" قال:
"انا كنت هناك استناه يطلع، لحد مالدنيا ضلمت، قلت في ستين داهية، اروح بيتنا احسن لي"
لكن البحث في الجدول أسفر عن إخراج الصبي منه:
جثّة ميتة..!
إلفا كان مستعد "تمامًا" لتجريب كل وأي شيء يقدر يعمله.. أو يخطر على باله
خدو النكتة دي:
مرة راح سأل والدته: "هيا الوزة بتقعد على البيض ليه"
قالت له: "عشان تفقس"
راح سارق البض م الوزة وبارك عليه :brb:
قال ايه: قال هوا الدكر يعني :أخخخ:

تفتكروا دي عباطة بجد..؟
صحيح إن إديسون جاب لأهله المشاكل..
لكن يمكن هما معرفوش يتعاملوا معاه..!!
وهوا زاد العند بالعند فيهم :viking:
تفتكروا ايه اللي خلا فِكر إديسون ينمو بالشكل ده؟
صدفة..
ولا ريف ميلان البسيط المرتبط بنهر هيرون الجميل.. والبساطة اللي كان عايش فيها..؟
ولا الاصرار على العمل والنشاط..؟

نريد الأن مناقشة هذه الوصلة
هذه هي "طفولة" مخترع عصر الكهرباء..
تبدو بسيطة جدًا خاليةً من التعقيد.. باستثناء ضرب أبوه وأمه لَه
وإن كنت لا أدري إن كانت طريقتهم هذه سببًا لتقويم طفلٍ طائش بعض الشيء..
وينفي عقلانية السبب السابق أنه: ازداد طيشًا..!
نريد أطفال "إديسونيين" إن صح التعبير..!!
نريد أطفالا لا شيء يمنعهم من ممارسة تأملاتهم وإثراء خيالهم الخصب..

زي الواد إل كده..
شاركونا بتشريحاتكم لفكر الولد "إل"
وفِكر "إل" العربي...!

[مش فاكر]

تفتكروا ايه اللي خلا فِكر إديسون ينمو بالشكل ده؟ ربما لإن كانت له ام غير عادية.

نحن فى الثلث الأخير من القرن التاسع عشر وهى – امه - مدرسة تهتم بالأدب والقراءة .... وتوماس الصغير ذهب الى المدرسة ذات الفصل الواحد مع 39 طفل ...ولكنه ليس ككل الأطفال ..انه لا يكف عن الملاحظة والسؤال ..... ويلفت انتباهه اشياء غريبة جدا ..... وبعد 4 شهور لم تكتمل اعلن مدرسه انه طفل غير طبيعى متأخر.....
ولم يغب عن الأم المشكلة فقامت بسحب توماس من المدرسة وبدأت تعلمه بنفسها فى البيت... وتنمى بداخله حب الدراسة واقتصر دور ابوه على منحه 10 سنتات عن كل انجاز.
اليس عجيبا ان نتحدث عن انجازات طفل فى الحادية عشرة ؟؟؟؟ اعجب من العجب ...والأغرب هو اختيار نوع الإنجاز ..لقد بدأ آل (اسمه بالكامل توماس الفا اديسون ) الصغير مشروعه الأول : قراءة كل كتاب فى المبنى ..وهذا المبنى كان بيتهم الذى يحتوى على مكتبة كبيرة ..... وقامت الأم المراقبة بتوجيهه فى القراءة الى التاريخ والعلوم الإنسانية حتى لقد احب توماس الشعر جدا والأدب ...ولولا ان صوته كان حادا او بالتعبير الدارج " مسرسع " ربما اتجه الى التمثيل ...... وكانت هذه بداية الطريق الى التعليم الذاتى .....

عند بلوغه الثانية عشرة كان اديسون قد انتهى من مجموعة قيمة جدا من امهات الكتب من بينها قاموس العالم للعلوم والكيمياء التطبيقية !!!!!!
ورغم كل الحب والرغبة فى العطاء الذى حاولت امه منحه اياها فقد بدأ فضول الصبى اليافع يتعدى امكاناتها ....حين تعجب من بعض اسس قواعد الفيزياء التى وضعها نيوتن ..فما كان منها إلا ان انتدبت له مدرسا ليعلمه ولكن ..... لم يستطع المعلم ان يجارى رأس توماس وسرعة منطقه فى تفنيد النظريات وكان ان رحل تاركا عند تلميذه العقيدة الأكيدة ان افضل شئ هو التجريب والخطا .. وبدا اديسون الحقيقى يظهر ويظهر نبوغه
لم يكن هناك على وجه البرية ما يُعجز توماس اديسون ولم يمانع قط فى بذل اى مجهود لكسر اى تحدى مهما كان.
....مازلنا نتحدث عن صبى الثانية عشرة ..... الذى بدأ يفقد السمع تدريجيا ...نعم يفقد حاسة السمع فهل كان هذا عائقا ؟؟؟؟ بالطبع لا !!! ان آل يجد لنفسه دائما وسيلة للتغلب على اى مشكلة او الإستفادة منها
اقنع توماس والديه ان يسمحوا له بالعمل فكان يبيع الجرائد والحلوى فى محطات القطار ...ولم يكتف بذلك بل بدأ مشروعه الخاص ببيع الخضر والفاكهه للناس.... كان يحتاج دائما للمال ليجرب ما يفكر فيه ولم يكن يستطيع رغم دخل ابيه المعقول ان يطلب منه دائما.

هل ترونه معى ...فتى فى الثانية عشرة ........ رأسه كبير ...صوته رفيع .... لا يكاد يسمع ...لم يتعلم فى اى مدرسة ...... !!!
ماذا تفعل لو عمرك 14 سنة واندلعت فى موطنك حربا اهلية وانت تعمل كبائع للجرائد والحلوى فى قطار ؟؟؟ فيم تفكر ؟؟؟؟ ربما فى الإعتزال خوفا من المعارك ..... ربما فى البحث عن عمل آخر فى مكان اكثر امنا ..... هل تعرف كيف استغل توماس الفرصة ؟؟؟؟؟
ان محطة القطار فيها مقر التلغراف الرئيسى الذى يتم ارسال الأخبار اليه والمراسلات ..... فقام توماس بطباعة منشور بسيط فيه احدث تطورات الأزمة يوم بيوم وبيعه للركاب .... اول جريدة من نوعها فى العالم تكتب وتطبع وتوزع فى قطار ....وعمره 14 سنة

حين انتصر ابراهام لينكولن ..قام اديسون بجمع معلومات عنه وطبعها فى كتيب صغير وزعه على ركاب القطارات .....

ان المرء يكاد لهث وراء قدراته على التفكير واستغلال المتاح ....... ولكنه اديسون صاحب ال1093 اختراع المنفذة والآف اخرى احتوت عليها مفكرته لم يمهله العمر لتنفيذها
نتيجة لخطأ غير مقصود تسبب توم فى حدوث شرارة نار احرقت احدى عربات القطار كان جزاء ذلك صفعة قوية على الرأس ادت الى صمم كامل فى اذن والأخرى 80% فقد للسمع مع حرمان من صعود القطارات ليقتصر بيعه على المحطة فقط ....
ما اتعس حظك ايها الفتى ..لابد انك ظللت تبكى وتندب هذا الحظ العاثر ......
ابدا لقد اعتاد توماس على تقبل قدره فى الحياة والتكيف معه ...لقد اعتبر هذا الصمت من حوله فرصة لتنمية قدراته على التركيز ...وكل ما احزنه انه لم يعد يستمتع بصوت العصافير !!!!!!!!!!

حدث انه فى احد لحظات تواجده فى محطة القطار أن رأى طفلا يكاد يسقط على القضبان فقفز المراهق الشاب لينقذه بدون حتى ان يعلم انه ابن رئيس المحطة ...وكمكافأة لهذه الشجاعة النادرة عينه الرجل فى مكتب التلغراف وعلمه قواعد لغة مورس ...وهذا فتحا كبيرا وكأنك علمت طفل الرابعة عشرة حاليا اعقد واحدث لغات الكمبيوتر
كانت فرصة اديسون الكبرى فى ان يجرب تطوير هذا الشئ الذى بين يديه مما نتج عنه اول اختراعاته ..التلغراف الألى ..اى الذى لا يحتاج الى شخص فى الجهه الأخرى لإستقباله بل يترجم العلامات بنفسه الى كلمات مرة اخرى

فى الخامسة عشرة اظلمت الدنيا فى بيته الصغير فافلس والده ومرضت امه فقبل العمل فى شركة ويسترن يونيون وسافر ابن 15 عام ليبدا ويجرب ....هل نستكمل ..؟؟؟؟
نحتاج لمجلدات لنصف الشاب القصير ذو خصلة الشعر الطائرة على جبهته
فى لقطة فيلمية غريبة اشتد الألم على امه فى احدى الليالى وقرر الطبيب انها تحتاج لجراحة ولكن عليها الإنتظار للصباح
- ولكن يا سيدى انها لا تحتمل الألم انه قد يقتلها من شدته قبل الصباح
- وماذا استطيع ان افعل يا بنى احتاج الى إضاءة

وسطر توماس فى مفكرته ...لابد من ايجاد وسيلة للحصول للضوء ليلا اقوى من ضوء الشموع هل ترون كم هى بسيطة مشاريع النجاح؟؟؟؟ ان توماس اديسون كان له فى كل لحظة مشروع ...ذلك انه كان دائم النظر حوله والإستفادة من كل الناس ...... كان مراقبا جيدا يتابع ويراقب ويجرب.

اجرى اديسون الف تجربة فاشلة قبل الحصول على مصباح حقيقى ...وكان تعليقه فى كل مرة ...هذا عظيم .. لقد اثبتنا ان هذه ايضا وسيلة فاشلة فى الوصول للإختراع الذى نحلم به ...قالها الف مرة ولم يتوقف ..ولم يمل ...ولم يحبط .....
ان توماس اديسون الذى مات فى الرابعة والثمانين كان مؤسس التطور الحديث الذى نعيشه ...... واذا كان العالم يذكره على انه مخترع المصباح الكهربائى فإن البطارية الجافة وماكينة السينما المتحركة ليستا بأقل منها اهمية .....نقول ذلك عنه لعلنا نتعلم منه

[مـؤيـد]

ولم يغب عن الأم المشكلة فقامت بسحب توماس من المدرسة وبدأت تعلمه بنفسها فى البيت... وتنمى بداخله حب الدراسة واقتصر دور ابوه على منحه 10 سنتات عن كل انجاز.

حاجه جميلة جدا... الانجاز والمكافأة... مبدأ جاهز للأباء والأمهات..
طريقة محفزة وقوية لتعليم الطفل حب القراءة والتعلم...

وقامت الأم المراقبة بتوجيهه فى القراءة الى التاريخ والعلوم الإنسانية حتى لقد احب توماس الشعر جدا والأدب ...ولولا ان صوته كان حادا او بالتعبير الدارج " مسرسع " ربما اتجه الى التمثيل ...... وكانت هذه بداية الطريق الى التعليم الذاتى .....
دور الأم ماقتصرش على: ذاكر ياواد ولا والله لما يرجع ابوك لانا قايلا له..!
رغم انها كانت بتجلده لكن الاحساس المرهف اللي خلاها تحب تعلم الولد ده من قلبها
انا اللي حعلمه، وأدبه، واهذبه... صوت قوي كان بيطلع من والدة إل

فقام توماس بطباعة منشور بسيط فيه احدث تطورات الأزمة يوم بيوم وبيعه للركاب .... اول جريدة من نوعها فى العالم تكتب وتطبع وتوزع فى قطار ....وعمره 14 سنة ده كان عامل وكالة أنباء هناك
بجد كانت شجاعته جامده جدا
اللي يقرا سيرته يعرف ويحس ازاي البني آدم ده كان من كتر شجاعته مبيفكرش في العواقب
نها ا ا ا ئيًا..!

جزاك الله خير يا مش فاكر، بس كنت عايز اسأل سؤال:
هوا ايه اللي انا انا انا انا انا انا :clap: اكتبوا اسميمتشكرين مرة تانية

[يائس من الحياه]

بسم الله الرحمن الرحيم

الاخوة الاعزاء

تحية طيبه وبعد

الاخت جوارح موضوعك رائع ولكن اسمحى لى ان اختلف معكى فى هذا السيناريو الجميل

فان ايديسون لم يكن بكل هذا الذكاء حيث طرد من المدرسة وفصلة المدير وقال لابيه انها ليست مدرسة للمعوقين والمتخلفين

والدليل على هذا قوله انا مدين للفطرة بـ 1% وللدأب والعمل بـ 99% يعنى معنى كده ان معدل ذكاءه كان عادى

اما بقى لموضوع ان والدته بتضربه ده انا معتقدش انه حقيقي لانه قال برده فى مذكراته انه بيحب امه جدا وان لها الفضل الاول للى هو وصله لانها هيا اللى علمته القراءة والكتابة وعلوم كتيير وده بحنان الام

وحكاية ضرب ابوه ليه دى انا متأكد منها لانه كان بيفرمه :box:

وشكرا على الموضوع الجميل ده

وقريب جدا هنضم الى هذه النخبة الجميلة عشان اقدر اتكلم اكتر معاكم

اتمنى انى مكنش ضايقتكم بردى

مع خالص تحياتى

[مـؤيـد]

بسم الله الرحمن الرحيم



فان ايديسون لم يكن بكل هذا الذكاء حيث طرد من المدرسة وفصلة المدير وقال لابيه انها ليست مدرسة للمعوقين والمتخلفين

والدليل على هذا قوله انا مدين للفطرة بـ 1% وللدأب والعمل بـ 99% يعنى معنى كده ان معدل ذكاءه كان عادى

الكلام ده صحيح يا يائس
اديسون مكنش بالذكاء اللي نقدر نقول عليه: ذكاء
أديسون زي مانت قلت نشيط وبيتحرك وحتى انه كان يقدر يشتغل تلات أيام متتالية
وده حيجي بتفصيل اكتر ان شاء الله

وشكرا على الموضوع الجميل ده

وقريب جدا هنضم الى هذه النخبة الجميلة عشان اقدر اتكلم اكتر معاكم

اتمنى انى مكنش ضايقتكم بردى
لأ ضايقتنا ايه بس
احنا يشرفنا ويسعدنا وجود حضرتك هنا
والنخبه حتسعد اكتر بانضمامك


الاخت جوارح موضوعك رائع ولكن اسمحى لى ان اختلف معكى فى هذا السيناريو الجميل
لا يا حبيبي اختلف زي مانت عايز
مستنيينك يا فل :flowers:


ها حتيجي تخطبني امتى بأه :viking:
انا مش بتاع شبكه ولا حاجه :maaaad:

جوارح ده "أخ" مش "أخت
أخخخخخخخخخخخخ :wheight3:

:) متشكرين مرة تانية :)

[ســانــدى]

السلام عليكم ورحمة الله

رائعة جدا هذه الفكرة اخى الفاضل جوارح
واختيار موفق كبداية لسلسلة تعريفنا
بالعلماء والعباقرة وهذه هى الامثلة التى يجب ان
نستلهمها وان تعرض علينا دائما
مش الممثلين ومطربى الفيديو كليب المقررين علينا غصب عنا

والشكر موصول للاخ مش فاكر على المجهود

والاخ يائس (الله يبعد عنك اليأس)
اعتقد ان ما قاله العالم الفذ يعتبر من تواضع العلماء
ولا ينفى ابدا عنه الموهبة الفذة والذكاء غير العادى
ليس بالتجريب فقط يتمكن من تقديم كل هذه المخترعات
للإنسانية مع وجود اعاقة وظروف حياتية صعبة
لابد ان يكون انسان عبقى ذو ذكاء منحه اياه سبحانه وتعالى
ليمتاز عن باقى البشر

[يائس من الحياه]

انا اسف جدا جدا جدا اخى جوارح

يبدو ان غيابي المستمر عن الموقع من اهم الاسباب لانى لست بالقريب منكم لاعرف ان كنت ولد ام بنت


وانا بكرر اسفى الشديد

وقريب جدا هيكون لنا عوده


تحياتى

[تقي الدين]

لا يا حبيبي اختلف زي مانت عايز
مستنيينك يا فل


ها حتيجي تخطبني امتى بأه
انا مش بتاع شبكه ولا حاجه

جوارح ده "أخ" مش "أخت
أخخخخخخخخخخخخ

:brb: :brb: :brb: :brb: :brb: :brb:

شكرا جدا على المواضيع الجميلة دي....ان شاء الله هحاول أشارك :tu: ....

شكرا ورردة

[مـؤيـد]

انا اسف جدا جدا جدا اخى جوارح

يبدو ان غيابي المستمر عن الموقع من اهم الاسباب لانى لست بالقريب منكم لاعرف ان كنت ولد ام بنت


وانا بكرر اسفى الشديد

وقريب جدا هيكون لنا عوده


تحياتى
يا سيدي ولا يهمك :flowers:
انا خلاص اتعودت لحد ما شكيت في الأمر بصراحه :closeeye:

واهلا بيك في أي وقت :clap: