فهمنى ياأبو العريف (الموبيل........والكمبيوتر)

[ياسر سويد]

التليفون المحمول النهارده فيه أمكانيات كبيره جدا بيقدر يلتقط صور ومقاطع فيديو

وفى أحيان كتير بيصور ويختزن فيلم كامل صوت وصوره

والذاكرة بتاعته كل يوم بتزداد سعتها ووصلت لاتنين جيجا بايت وأصبح نظام التشغيل للتليفون المحمول أكثر تعقيدا

وأصبح يعرض برامج فلاش وورد وبور بونت وأكسل وأم بى 3 وغيره

بدون الاستعانه بالهارد دسك

وضاق الفارق بينه وبين الكومبيوتر

والاتنين بيعتمدوا على بروشسور ممكن يقول لنا أبو العريف الحريف الفرق بين البروشسور ونظام التشغيل فى كلا الجهازين

وهل استمرار تطور التليفون المحمول ح يأدى ف النهاية للأستغناء عن الكمبيوتر زى ما أدى للأستغناء عن ساعات اليد

ولا فيه حدود لأمكانياته

[QALB_ELDEEN]

موضوع جميل :flowers:

نتفرج على الصور لغاية ما المناقشات تبتدى :twee:

http://davesipaq.com/vbmcms/images/ipaqline.jpg

http://img.photobucket.com/albums/v245/wr6969/54506365SidebySide1.jpg

http://img.photobucket.com/albums/v245/wr6969/54506365ThicknessComparison.jpg

http://img.photobucket.com/albums/v245/wr6969/UX506365SidebySide1.jpg

http://img.photobucket.com/albums/v245/wr6969/UX506365SidebySide2.jpg

http://img.photobucket.com/albums/v245/wr6969/6365withThumboard.jpg

http://davesipaq.com/vbmcms/images/m_6300shot.jpg

http://img.photobucket.com/albums/v245/wr6969/Pinball.jpg


يالا بقى مين حيبتدى التعريف :box:

[QALB_ELDEEN]

والاتنين بيعتمدوا على بروشسور ممكن يقول لنا أبو العريف الحريف الفرق بين البروشسور ونظام التشغيل فى كلا الجهازين

وهل استمرار تطور التليفون المحمول ح يأدى ف النهاية للأستغناء عن الكمبيوتر زى ما أدى للأستغناء عن ساعات اليد

ولا فيه حدود لأمكانياته

السلام عليكم من جديد
الأخوة الأفاضل ... كلامى فى هذا الموضوع على قدر درايتى و معلوماتى .. و فى نفس الوقت باسلوب بسيط لغير الدارسين للكمبيوتر او الحاسب ..

الاعتماد على بروسيسور مش بس فى الكمبيوتر و المحمول ... انما البروسيسور داخل فى حاجات كتير جدا .. خصوصا ما يتعلق بالأجهزة المبرمجة ... يعنى مثلا مثلا الروبوت ... كل دراع فيه له بروسيسور خاص بيه ... و عشان نفهم ايه هو البروسيسور و بيعمل ايه و بيفرق ايه بتاع الكمبيوتر من بتاع المحمول من بتاع الروبوت ... لازم نكون عارفين هو بيعمل ايه بالظبط ...

ادى الاول صور للبروسيسور اللى فى الكمبيوتر أو غيره
http://img.thefreedictionary.com/wiki/d/d3/CPUs_old.jpg
http://www.netsilicon.com/images/prd_nap_ns9775.jpg
http://img.shopping.com/cctool/PrdImg/images/pr/177X150/00/01/3b/37/8c/20658060.JPG
http://img.shopping.com/cctool/PrdImg/images/pr/177X150/00/01/33/52/5e/20140638.JPG


و اكيد احنا عارفين ان حجم البروسيسور الفعلى صغير جدا ... لكن عشان نطلع منه ارجل التثبيت او شرائح التوصيل بالبورده .. لازم يكون حجمه النهائى كبير شوية زى اللى موجود فى الكمبيوتر كده ... و برضه لازم نكون عارفين ان كل حاجة ممكن نعملها كبيرة الحجم او صغيرة ... على حسب التكلفة المادية ... يعنى بروسيسور المحمول لازم يكون صغير .. يبقى نستخدم له تكنولوجيا اعلى و اغلى ......

و عشان نعرف البروسيسور ممكن نعرف هو ايه من مكوناته : و هى جزء للتحكم ( control unit ) و جزء للعمليات الحسابية ( ALU ) ..... يعنى الكمبيوتر و المحمول اللى ممكن يشتغل ككمبيوتر لازم يكون له بروسيسور عشان يعمل الحاجتين دول ...

بص على الجنب الشمال فى الصورة دى حتلاقى الوحدتين اللى قولنا عليهم ( control unit & ALU )
http://www.davv.ac.in/onlinelectures/Fig%20Bus.jpg

و سرعة البروسيسور مهمة جدا .. يعنى بروسيسور الكمبيوتر دلوقتى وصل 3.5 GHz و بروسيسور المحمول 200 ميجاهيرتز ... و لسه فى ابحاث مش حتنتهى عشان تزيد السرعة بدون زيادة الحجم ...

معلش يا جماعة ... اسف على التطويل ... و لو فى حاجة مش واضحة ... لا تتردد فى السؤال ..

[ابن عم زوم زوم]

كان فيه
refrence name software engineering

كان بيحكى يسيدى ويقول إن أكبر تطور يشهده اى منتج فى العالم هو تطور البرمجيات يعنى برمجة system وأجهزةالحاسب فى تطور رهيب لغاية دلوقتى مفيش حاجة تطورت بنفس الأسلوب شوف الموبيل عشان يوصل أنه يصور اعد كام سنة وشوف الكمبيوتر عشان يوصل لسرعة بروسيسور 306 وهارد200 جيجا ونظام المسح الضوئى وال conference voic شوف بقالهم مسافة صغيرة جدا عشان يوصلوه للمرحلة دية أقل بكتير من تطور الإتصلات...
ولكن أرجع وأقول إن فيهlinkبين
communication and computer

عشان كدة ممكن يكونوا ليهم صلة مع بعض فى التطوير... ودلوقتى فى تقدم كتير فى الإتصالات لأن بدأ يبقى ليها علاقة بالكمبيوتر


وفقط

جزاكم الله خيرا على هذا الموضوع..

اخوكم فى الله

[مـؤيـد]

السلام عليكم
جزاكم الله خير يا شباب

عندي سوعال :closeeye:
هل سرعة البروسيسور بترتبط بحجمه؟ يعني هل التناسب فيه تناسب طردي؟:think3:

وسوعال تاني :انجغة:
هل ممكن تكون في تقنية يشترك فيها المحمول مع الكمبيوتر في بروسيسور واحد؟
بمعنى ان بروسيسور الكمبيوتر يكون ليه مخرج يتشبك في المحمول :chains:



ومتشكرين أوي
قلب الدين: انت رافضني نوهائي :sniff:

[QALB_ELDEEN]

عندي سوعال :closeeye:
هل سرعة البروسيسور بترتبط بحجمه؟ يعني هل التناسب فيه تناسب طردي؟:think3:

:sniff:

السلام عليكم
جوارح باشا
سرعة البروسيسور بتعتمد على عرض ناقل البيانات ( يعنى بالظبط زى مايكون عندك شارع فى فى أوله 100 عربية لو الشارع عرضه عربيتين بس غير لو كان عرضه 10 عربيات كل لما زاد العرض كلما زادت السرعة لنقل العربيات من مكان لمكان ) ... و عشان الكمبيوتر و دوايره كلها كهربية الكترونية ... فكل البيانات اللى جوة الكمبيوتر بتكون يا اما صفر يا اما واحد ( اللى بنقول عليه النظام الثنائى زى مانت عندك فى البيت يا بتنور النور ( واحد ) يا بتطفى انور ( صفر ) ) ... و كان المعالج زمااااااااااان بينقل البيانات فى 8 خانات و بعدين بقى 16 و بعدين بقى 32 و 64 .. و لو تلاحظ حتلاقيهم كلهم لهم الاساس 2 ( عشان صفر وواحد ) و الاس هو اللى بيتغير ...
يبقى الناقل للمعلومات من المعالج للذاكرة أو اى مكان ... كلما زاد عرضه كلما زادت سرعة المعالج ... يعنى كلما نقص عدد مرات النقل نتيجة لزيادة عدد المسارات زادت سرعة الحاسب .

وسوعال تاني :انجغة:
هل ممكن تكون في تقنية يشترك فيها المحمول مع الكمبيوتر في بروسيسور واحد؟
بمعنى ان بروسيسور الكمبيوتر يكون ليه مخرج يتشبك في المحمول :chains:
:sniff:

:think3: :think3: :think3:

مش فاهم سؤالك يا جوارح .. بس لو كنت تقصد ان معالج الكمبيوتر اللى فى البيت ممكن فى ىوم من الايام يبقى مشترك بينه و بين المعالج بتاع المحمول ... فده غير وارد اطلاقا ..
انما لو تقصد توصيل المحمول بالكمبيوتر ... فده ممكن مثلا عشان تنزل نغمات او اغانى من الكمبيوتر للمحمول زى مابتوصل البرنتر بالظبط ...







ومتشكرين أوي
:sniff:

الشكر لله ...

سلام

[ياسر سويد]

قلب الدين

مش عارف أشكرك أزاى عموما الله ينور عليك :tu:

سلام

أيه ده أنت رايح فين

أنت ما كلمتناش عن الذاكرة بتشتغل أزاى فى المحمول وأزاى بتغنينا عن الهارد ديسك الميكانيكى بتاع الكمبيوتر


معلش الفكرة هى محاولة تصنيع مصيدة فيران بأيدينا أحسن بقوا كتير وماأفتكرش الصين ح تبعتب لنا :sniff:

أنت قلت أن

الأخوة الأفاضل ... كلامى فى هذا الموضوع على قدر درايتى و معلوماتى .. و فى نفس الوقت باسلوب بسيط لغير الدارسين للكمبيوتر او الحاسب ..



واضح أن الموضوع محتاج أكتر من ورقة وقلم ومراية


البروسيسور داخل فى حاجات كتير جدا ..

..

يعنى مش بس بيستخدم فى الفيديو كليب

ممكن نستخدمه فى تدريب حراس المرمى أو التنس مثلا

ولاممكن تكون له أستخدامات تانيه وأزاى ؟

يبقى نستخدم له تكنولوجيا اعلى و اغلى ......





ياتارا أحنا فين بالظبط بالنسبة للموضوع ده

كمل يعمنا الله يكرمك :flowers:

[أبو معاذ]

سلام عليكم ياخونا


مبدئيا الموضوع جميل لاني ماعرفش حاجه عنه وان شاء الله هاستفيد منكم كتير قوي في الموضوع ده



ثانيا انا زي ماقلت ماعرفش حاجه عن التقنية المستخدمة في التليفون

فحبيت اذكركم بالسؤالين
اللي سالهم استاذ ياسر

ممكن يقول لنا أبو العريف الحريف الفرق بين البروشسور ونظام التشغيل فى كلا الجهازين

وهل استمرار تطور التليفون المحمول ح يأدى ف النهاية للأستغناء عن الكمبيوتر زى ما أدى للأستغناء عن ساعات اليد

ولا فيه حدود لأمكانياته

[QALB_ELDEEN]

قلب الدين

مش عارف أشكرك أزاى عموما الله ينور عليك :tu:



أيه ده أنت رايح فين

أنت ما كلمتناش عن الذاكرة بتشتغل أزاى فى المحمول وأزاى بتغنينا عن الهارد ديسك الميكانيكى بتاع الكمبيوتر


معلش الفكرة هى محاولة تصنيع مصيدة فيران بأيدينا أحسن بقوا كتير وماأفتكرش الصين ح تبعتب لنا :sniff:

:flowers:


السلام عليكم
شكرا يا استاذ ياسر ورردة

بالنسبة للذاكرة المستخدمة فى المحمول فهى من النوع
compact flash memory
و هى تشبه الرام بتاعة الكمبيوتر ... مع اختلافات جوهرية ... ان الذاكرة الفلاش دى بتحتفظ بالمعلومات اذا كانت بطارية المحمول متوصلة أو لأ ... و برضه حجم الذاكرة دى مضغوط ( وصلنا دلوقت 8 جيجا للشريحة )... و الذاكرة دى دلوقتى بتستخدم فى الكاميرات الديجيتال ... و كمان بتستخدم بدل الديسكات أو السى ديهات دلوقت ...

http://www.samsung.com/Products/Semiconductor/Flash/
http://www.samsung.com/Products/Semiconductor/Flash/FlashNews/images/Img_FlashStructure_03.gif

http://www.samsung.com/Products/Semiconductor/images/banner_ddr2_main.gif

طبعا مش ممكن نستخدم حاجة ميكانيكية فى المحمول لأن الهارد ديسك او الفلوبى ديسك درايف فيهم موتور و الموتور بيحتاج تيار عالى شوية مستحيييييييييييييل نقدر ناخده من البطارية... ده السبب الرئيسى .. لكن فيه اسباب تانية طبعا ..

انا رايح حصة سريعة و راجع بعد ساعة .... سلام مؤقت

[QALB_ELDEEN]

يعنى مش بس بيستخدم فى الفيديو كليب

ممكن نستخدمه فى تدريب حراس المرمى أو التنس مثلا

ولاممكن تكون له أستخدامات تانيه وأزاى ؟


:flowers:

حضرتك ببتكلم جد و لا بتهزر؟؟؟!!! :think3: :think3: :brb: :brb:
طيب شوف فى اللنك اللى تحت ده حتلاقى روبوت شغال مدرب حراس مرمى :brb: :brb:

http://www.robocup.org/

http://www.fira.net/img/firacup/poster2001.gif
و كمان فى كأس العالم للروبوتات

http://www.ihrt.tuwien.ac.at/FIRAWM03/english/default.html


http://www.fira.net/img/robotsoccer/i_hurosot.jpg
و حضرتك عارف ان الروبوت داخل فيه مالايقل عن 6 بروسيسور


ده بقى غير استخدامات البروسيسور فى تشغيل قطارات محطة مترو الانفاق فى طوكيو .. و ده عن طريق برمجة البروسيسور بتاع كل قطر بخريطة خط السير و تقسيم المساقة بين المحطات الى 3 مسافات الربع الاول زيادة السرعة و الربعين التانى و التالت سرعة ثابتة و الربع الرابع نقصان السرعة تدريجيا الى صفر عند المحطة الجديدة ... مع تزويد البروسيسور باحتياطات التشغيل و اجهزة مساعدة .. زى عدم غلق الابواب لو فى راكب نصه جوه القطر و نصه بره ... و هكذا ...

ده غير البروسيسور اللى بيتحكم فى الونش الالكترونى فى الموانى الكبيرة ... و بيكون مبرمج لنقل الكونانرات الضخمة بدون تدخل الانسان ... و تفادى الاصطدام بأى حاجة فى طريقه ... زى الصورة دى ..

http://www.memagazine.org/backissues/jan02/features/uscargo/43.gif

[ياسر سويد]

حضرتك ببتكلم جد و لا بتهزر؟؟؟!!! :think3: :think3: :brb: :brb:


ياعمنا أنا بهزر بس بأعنى كل كلمة بقولها فى هزارى

هيا الفكره زى ماقلتلك أننا ننشط دماغنا وبدل ما نلعن حظنا وأحنا واقفين فى طابور العيش

نفكر نعمل مصيدة فيران أو حدافة طوب ودى أكيد ح نحتاجها بدل ما نحط أيدينا على خدنا

وسايبين الولاد تحدف طوب لوحديها

ماعلينا نرجع لموضوعنا

معلش أنا بحاول أشغل دماغى عشان أتعلم يمكن أعرف أعمل حاجه لما أكبر

بدل منا معتقد أنها كلها حاجات مكلكعه ومالناش فيها

بس الظاهر أنها بسيطه بس عايزه شوية عزم وأخلاص

اللى فهمناه أن البروسسور ده ممكن نبرمجه عشان يوقف أو يحرك القطارات

ياريت لو ممكن حد يفهمنا أزاى البروسسور ممكن يضغط على فرامل القطار مثلا

وفيه حاجه تانيه أنا شفت كاميرات فيديو بتقدر تصور فى الظلام الدامس الأجسام اللى بيصدر منها حرارة

زي أنسان ماشى أو سيارة فيها الموتور شغال أو كان شغال من فتره قصيره وبتظهر الصور

وكل جسم ليه لون مختلف حسب درجة الحرارة المنبعثة منه وده أفتكر بيستخدموه

عشان يوقفوا القطار مثلا قبل أصطدامه بشئ أو حاجه زى كده

وفيه كاميرات تانيه بتعتمد على تكثيف الضوء الصادر من النجوم

ولا تفتكر ده عايز موضوع لوحده

كده يبقى أبو العريف أفادنا فى حاجه


وعلى فكره مش لاقيلك ورد يكفيك

جزاك الله كل خير

[مـؤيـد]

جزاك الله خير ياقلب :tu:
الناس مستنياك ياسوبر :tu:

انا كمان عندي كمية اسئلة
بس مستني الدور لما يجي عليا :brb:

وزي ماوقفنا طوابير، نطلب عيش
مستعدين نقف طوابير، نطلب علم

كنا بندي للخباز فلوسه
بس مش عارفين نديك ياقلب فلوس :sniff:
ابعتلنا رقم حسابك وانا متأكد انه:
(ضع حسنات)
ربنا يبارك فيك :flowers:

وعاوزينك تنقل الخبرات اللي بتاخدها في بلد الدونج دنج
ماشي :tu:

[أبو معاذ]

ياريت لو ممكن حد يفهمنا أزاى البروسسور ممكن يضغط على فرامل القطار مثلا

اسمحولي ارد انا على الموضوع ده


بص يا استاذ ياسر

الفرمله يا اما ميكانيكية يا اما كهربية

الميكانيكية مفهومة طبعا

حاجه بحطها في سكة الموتور عشان تعوق حركته فيقف في الاخر(طبعا وانا بفرمله ماببقاش مديلة طاقه)

النوع ده مشاكله كتير زي التأكي وعدم السرعة في التوقف وو وو



وعادة ما بيستخدمش في القطرا الكهربا والمترو وما الي ذلك

نيجي بقي للفرمله الكهربية

ودي اول حاجه بعملها فيها اني اقطع الكهربا او القوة الدافعه للمتور عن الموتور

دي نمرة واحد


نمرة اتنين بقي عشان اوقف الموتور بسرعه بعمل ايه؟؟؟
بعمل حاجج من اتنين
يا اما بعكس حركة المحرك ودي فكره فاشلة باغلب المقايس

لانه ممكن تسبب التواء الروتور اللي في المحرك

قام واحد طلع وقال انا اعكس حركة المحرك بعزم قليل

ماشي بس في فكره اروش من كدا

بقلب الموتور جينيريتور


يعني بدل ماديله كهربا يديني حركه بديله منه حركه(شوية الحركه بتوع القصور الذاتي اللي باقي من السرعة اللي كان شغال عليها بعد ما قطعت الكهربا) يقوم مديني كهربا

وبكدا بسحب من الموتور طاقته فيقف

كل اللي بيعمله الكمبيوتر او البروسيسور او الميكروكونترولر انه بيفصل دايرة تغذية المحرك ويوصل دايرة السحب من المحرك


او يوصل دايرة عكس حركة المحرك


في الحالتين بيبقوا الديرتين معمولين الك

وزي ماتقول كدا كل دايرة منهم بتتعذى بالكهربا من مفتاح

الكمبيوتر كل اللي بعمله يفتح المفتاح او يقفله

طبعا ده تبع البرنامج اللي انا حاططهوله

طيب واحد يقوم يقولي طب مالسواق كان يدوس على الزراير ونخلص

اقوله لا
البرنامج اضمن واسهل واكثر مرونه لاني ممكن في اي وقت اغيره(عن طريق السواق)




ده بقي في حاله العزوم الكبيرة والسرعات الكبيرة

اما في العزوم الصغيرة(نسبيا) والسرعات الصغيرة نسبيا برده بستخدم فرمله كهروميكانك

ازاي

الفرمله ولضعا الاصلي قافشه على الروتور(الجزء اللي بيلف في المحرك)

طبيعتها قافشه عليه

تفتح امتى؟؟

لما اشغل الموتور يشتغل معاه دايرة تفتح الفرملة دي

موزتور صغير مثلا او مغناطيس كهربي او اي طريقه مش هاتفرق

لكن الدايرة دي لازم تكون بتتغذي مع المحرك
يعني مجرد ما المحرك يقف الدايرة دي تقف وبالتالي ترجع الفرمله تقفش على الروتور

والنوع ده بستخدمه في محركات زي بتاعة الاسانسيرات والعاب الملاهي


وبرده الكمبيوتر هايعمل نفس الحكاية

هايدوس على الزرار في وقت معين

تطبيق الكمبيوتر في لعب الملاهي سهل جدا

ازاي
بقوله يلف الموتور يمين تلات لفات مثلا
وبعدين اربع لفات بس في الاتجاه المعاكس

وبعدين يدور بسرعه كذا
وبعدين يقف دقتيتن ويعلق الناس فوق

وكل دي بتبقي دواير معموله اساسا (عكس الحركه والسرعه وو وو)

معموله فيزكال يعني

وكل اللي بيعمله الكمبيوتر انه يشغل الزرار الفلاني في الوقت الفلاني


سلام عليكم

[ســانــدى]

جزاكم الله كل خير على الشرح الروعة
كملوا باه متابعين معاكم :tu:

[QALB_ELDEEN]

معلش يا جماعة مقدرتش ادخل على الموضوع من أول اليوم ... حأخد كام صورة عملى و ارجع لكم ورردة

[QALB_ELDEEN]

السلام عليكم


دى دايرة زى اللى بتستخدم فى التحكم فى أى حاجة بتتحرك .. زى المترو أو القطر أو .........

http://www.members.lycos.co.uk/amadi12/dsp.JPG

الجزء اللى على اليمين دى الداخل للبورده دى ... و بتستخدم لقياس سرعة .. أو مسافة ( بطريقة مماثلة للخفاش ) و فى مداخل تقيس لغاية 8 متغيرات مختلفة ( سرعة - فولت - تيار - مسافة _ .........)
الجزء اللى لتحت دى المخارج و حنلاقيه 6 يمين و 6 شمال .... ال6 اليمين مثلا عشان يدورو موتورات القطر و لو حصل أى مشكلة أو حاجة مفاجئة ... ال 6 اليمين يفصلوا و ال 6 الشمال يوصلوا بالفرامل اللى زى دى

http://www.jri.co.jp/pro-eng/jmag/e/jmg/img/denkai-s001.jpg

السلك اللى حوالين الحديد اللى لونه اخضر .. أول مايوصله كهربه ... يقوم متحرك ناحية العجل الحديد و دى الفرملة الكهربية ...

فى الصورة الأولى فى البوكس المتظلل بأحمر ... لو بصينا كويس حنلاقيه واصل بكابل زى بتاع البرنتر ... دى اللى بيحمل أى برنامج من الكمبيوتر للبروسيسور اللى موجود فى نص البوردة ... بعد تحميل البرنامج .. مش بنحتاج الكمبيوتر لأن البرنامج بيكون اتحمل للبروسيسور خلاص ..

الصورة دى أكبر شوية و بعد توصيل كابلات المداخل و المخارج ..

http://www.members.lycos.co.uk/amadi12/dsp%20large.JPG

البروسيسور ده على بعضه بيسموه
DIGITAL SIGNAL PROCESSOR
يعنى معالج الأشارات الرقمية

و بيتوصل بدايرة التحكم فى حركة القطر زى دى

http://www.members.lycos.co.uk/amadi12/firing%20and%20control.JPG

لو شايفين الأسلاك الصفرا حتلاقيها بتقيس تيارات و جهود و رايحة للجزء بتاع المداخل ... أما الجزء اللى متظلل باللون البنفسجى قده واصل على المخارج و بيتحكم فى السويتشلت اللى راكبه على الجسم الألمنيوم اللى فى الصورة عن طريق الكابلات اللى متظلله بالأحمر

و السويتشات دى بتتحكم فى موتور زى ده ..

http://www.members.lycos.co.uk/amadi12/motor.JPG

سلام مؤقت
وبعدين مع الورطه دي

[QALB_ELDEEN]

تنشييييييييييييييييييييييييط .. حاخلص امتحانات و راجعلكم ...بس مش عارف القسم نايم ليييييييييييييه :أخخخ: ... انا وراكم و الزمن طويل :brb:

[مـؤيـد]

فينك يا قلب :sniff: