الكيمياء كما يجب ان تكون..!

[سلسبـيل]

السلام عليكم ورحمة الله وبركاته
اولا الف الف مبروك علي القسم الجميل
ثانيا حبيت اني اشارك فيه بموضوع علمي في اطار جديد غير جامد علي قدر المستطاع
---

الكيمياء
كلمة واحده يقابلها ردود افعال متنوعه من الافراد
فهي تثير هلع احدهم
وتثير اشمئزاز الاخر
بينما البعض يعتبرها فاكهه المواد
ويكرهها الكثير ناسيا او متناسيا ان اغلب التغيرات المحيطه هي نواتج تفاعلات كيميائيه متعدده
وساتطرق بداية في هذا الموضوع الي بعض الامثله البسيطة من حياتنا التي تلعب الكيمياء فيها دورا حيويا

لكن دعوني انزع قناع الفصحي اولا وارتدي قناع العاميه فنحن نهرب من جمود المعلومه ف الكتب حتي نجدها هنا سلسه الوصول الينا بلا معاناه

-----
مين سمع عن الانزيمات قبل كده
لا
مين فينا مايعرفشي الانزيمات
ولا واحد
حلو
طيب
مين فينا سمع عن فيتامين B
كلكو؟
جمييل
عارفين ان الانزيمات وفيتامين B
وغيرها من المواد اللي بتتكون في اجسامنا هي نتاج تحفيز ومساعده من مواد كيميائيه بتتفاعل معاها؟؟
طب عاوزين مثال للمواد دي

عندكو مثلا عنصر الكوبلت
اكيد عارفينه
العنصر ده من غيرة كان كتير اوي من الانزيمات والفيتامينات ماتكونتش

وبما اننا حانتكلم عن الكوبلت
فاحنا مش حانسيبه الا لما نكشف الا عيبه
ونقول قدام الدنيا كلها

انه جاسوس كبير قوي

ايه ده ايه ده
ايه شغل الي سي آي ايه بقي
عارفين ليه
الكوبلت حط ايده ف ايه الكلور
واتفق معاه يعملو منظمه سموها منظمة COCL2
او بالعربي منظمه(كلوريد الكوبلت 2)
المنظمه دي اتفقت مع خبراء الارصاد انها تساعدهم في التنبؤات الجويه
زي معرفه درجه الرطوبه ف الجو
طب ازاي
ببساطه جدا
منظمه كلوريد الكوبلت 2 دي شغاله بنظام اديها مية تديك تراوة
يعني لما تدهن ورقه بكلوريد الكوبلت 2 الناشف اللي لونه كحلي CaCl2
وتعرضه للجو
لو الجو فيه رطوبه حايمتصها ويتحول للون الوردي الفاتحCaCl2.6h2o
وبكده يعرف خبراء الارصاد ان الجو فيه رطوبه او ان الدنيا حاتمطر او او او ..

طب عارفين ان كلوريد الكوبلت 2 كمان بيشتغل في اعمال جاسوسية من العيار التقيل

بيستخدم كحبر سري

طب ازاي

بسيطه برضه
احنا قلنا انه لما بيمتص الميه بيتحول للون الوردي الفاتحCaCl2.6h2o
اللون ده لما حايتكتب بيه طبعا مش حايبقي باين

.طب ازاي نخلي الكام يظهر بعد كده
حانمرر الورقه اللي مكتوب عليها بكلوريد الكوبلت
علي شمعه
فالميه اللي موجوده في كلوريت الكوبلت تتبخر
ويتحول للون الازرق الغامقCaCl2 ويسهل قرايته
----
وكمان بعض مركبات الكوبلت
بتستخدم في تلوين الزجاج----
فيه استخدام اخير للكوبلت
الكوبلت المشع
بيستخدم في اكتشاف الاورام السرطانيه وعلاجها ربنا يكفينا ويكفيكو الشر
---------
مثال تاني
عنصر اليود (I)
هوه اللي بيؤدي لتكوين هرمون الثيروكسينThyroxine Hormone(هرمون الغدة الدرقيه(Thyroid gland) اللي بيتحكم في معدل احتراق الجلوكوز Glucose والمواد الكربو هيدراتيه Carbo hydrates ف اجسامنا
واللي من غيره بيسبب مشاكل كتير زي مرض الجويتر البسيطGoitre
------
الكروم
حد بيسمع عن ماده اسمها الشبَّه؟؟
طب عارفين ان الاسم العلمي لها هوه شب الكروم البوتاسي
K2So4.Cr2So4.24H2o
المادة دي اكيد انتو عارفينها
وليها استخدامات كتير
اهمها
انها بتستخدم في ترويق الميه
وانها تثبت الصبغه علي الملابس والقماش
----
واخيرا وليس اخر عشان انا عارفه اني رغايه وانتو زهقتو مني
السمن الصناعي حسب اعتقادي موجود في اغلب بيوت مصر
يشهد علي كده الاعلانات
طب حد عارف ازاي بيتصنع؟
بيتصنع من الزيوت النباتيه

ايه ده ايه ده طب ماحنا عارفين

خلاص خلاص
طب حد عارف بيتصنع ازاي منها؟؟




انا اقول لكم
عن طريق النيكل
هوه اللي بيعمل علي تحفيز الزيوت لانها تتحول لسمن صناعي
------
يتبع



مش عارفه حد عجبه الموضوع ولا لا
مش عارفه حد استفاد منه ولا لا
مش عارفه قدرت اقدم جديد ولا لا

بس بجد اتمني اني ماكونتش ضيفه ثقيله الظل عليكم

[CodeR]

ياااااااه
الله يمسيك بالخير يا مستر سيمر .. والspelling صح :brb:
دا مدرس الكيميا بتاعي في ثانوية عامة .. كان راجل طيب الله يرحمه حي ولا ميت

[أبو معاذ]

طب حد عارف بيتصنع ازاي منها؟؟




انا اقول لكم
عن طريق النيكل
هوه اللي بيعمل علي تحفيز الزيوت لانها تتحول لسمن صناعي

اوباز


جينا بقي للخلافات العلمية

هو مبدئيا احب اشكرك على الموضوع

وانا بالذات اشكرك بشده على الموضوع ده بالذات

لاني احد مؤسسي جميعة"كارهي الكمياء بانواعها" اللي منتشره في كل الدنيا

رأيي الشخصي ان الفزيا تتفهم لكن الكميا مالهاش حل ابدا

حتى لما تبقي حاجه صعبه يقولك (هي كميا؟)

المهم يعني احب اشكره على المعلومات الجميلة دي

كفايه انك حولتي الكميا لحاجه تتفهم


لكن ما علينا
انا عايز اسال سؤال معلش


هو على حد علمي -القليل- ان السمن النباتي عبارة عن زيت نباتي مهدرج

يعني محطوط عليه بخمسين قرش هيدروجين

حتى اذكر فيما اذكر ان كان دكتور ربنا يمسية بالخير بقي

كان اساسا بيشرحلنا ماشين ابلكيشن وقال على ابلكيشن هدرجة الزيوت ده

فهل الموضوع ده موجود فعلا ولا اروح اضرب الدكتور
ولو كان موجود هل في فرق بين الزيوت المهدرجه والزيوت المنيكله؟؟؟

[QALB_ELDEEN]

السلام عليكم ورحمة الله وبركاته
اولا الف الف مبروك علي القسم الجميل
ثانيا حبيت اني اشارك فيه بموضوع علمي في اطار جديد غير جامد علي قدر المستطاع
---
طب عارفين ان كلوريد الكوبلت 2 كمان بيشتغل في اعمال جاسوسية من العيار التقيل

بيستخدم كحبر سري

طب ازاي

بسيطه برضه
احنا قلنا انه لما بيمتص الميه بيتحول للون الوردي الفاتحCaCl2.6h2o
اللون ده لما حايتكتب بيه طبعا مش حايبقي باين

.طب ازاي نخلي الكام يظهر بعد كده
حانمرر الورقه اللي مكتوب عليها بكلوريد الكوبلت
علي شمعه
فالميه اللي موجوده في كلوريت الكوبلت تتبخر
ويتحول للون الازرق الغامقCaCl2 ويسهل قرايته[/COLOR]
----
و عليكم السلام و رحمة الله و بركاته

جميل اوى الموضوع و كمان سهل ... بس موضوع استخدام الشمعة فى الحبر السرى دا صعب اوى ... لأننا مبنبقاش عارفين الحبر فين بالضبط فممكن الورقة تولع قبل ما نقرا الرسالة :brb: :brb: :brb: :brb:

و مرة تانية شكرا لموضوعك :tu:

[سلسبـيل]

ياااااااه
الله يمسيك بالخير يا مستر سيمر .. والspelling صح :brb:
دا مدرس الكيميا بتاعي في ثانوية عامة .. كان راجل طيب الله يرحمه حي ولا ميت
الاخ كودر
مستر سمير مدرس الكيميا بتاعك
ومستر جمال مدرس الكيميا بتاعي
ربنا يكرمهم هما الاتنين
عشان حاولو ف يوم انهم يصنعو جيل بيفهم
شكرا علي مداخلتك
والحمد لله ان ال spelling طلع صح :واه يابوي

[سلسبـيل]

اوباز


جينا بقي للخلافات العلمية

هو مبدئيا احب اشكرك على الموضوع

وانا بالذات اشكرك بشده على الموضوع ده بالذات

لاني احد مؤسسي جميعة"كارهي الكمياء بانواعها" اللي منتشره في كل الدنيا

رأيي الشخصي ان الفزيا تتفهم لكن الكميا مالهاش حل ابدا

حتى لما تبقي حاجه صعبه يقولك (هي كميا؟)

المهم يعني احب اشكره على المعلومات الجميلة دي

كفايه انك حولتي الكميا لحاجه تتفهم


لكن ما علينا
انا عايز اسال سؤال معلش


هو على حد علمي -القليل- ان السمن النباتي عبارة عن زيت نباتي مهدرج

يعني محطوط عليه بخمسين قرش هيدروجين

حتى اذكر فيما اذكر ان كان دكتور ربنا يمسية بالخير بقي

كان اساسا بيشرحلنا ماشين ابلكيشن وقال على ابلكيشن هدرجة الزيوت ده

فهل الموضوع ده موجود فعلا ولا اروح اضرب الدكتور
ولو كان موجود هل في فرق بين الزيوت المهدرجه والزيوت المنيكله؟؟؟
الكونت ابو معاذ
اولا انت منورني لاول مرة ف موضوع ليا
ثانيا
ياسيدي ربنا مايجيب خلافات علميه ولا سعديه
مين قال ان السمن الصناعي مش بيتصنع عن طريق هدرجه الزيوت النباتيه
بالعكس
كلامك صح تمام
وكلامي برضه صح
ازاي؟
اقوللك ازاي
النيكل بيكون العامل الوسيط اللي بيحفز الزيوت النباتيه للهدرجه
لانه بيشد جزيئات الهيدروجين لانها تكون متركزة علي سطح الزيوت
يعني حط مع شويه الهيدروجين اللي بربع جنيه حبة نيكل بشلن
بس ياسيدي
العمليه بسيييطة
:clap:

وانا من موقعي هذا كرئيسة جمعيه كارههي الفيزيا المتحدون
نشكرك علي مداخلتك التوضيحيه المفيدة :flowers:

[سلسبـيل]

و عليكم السلام و رحمة الله و بركاته

جميل اوى الموضوع و كمان سهل ... بس موضوع استخدام الشمعة فى الحبر السرى دا صعب اوى ... لأننا مبنبقاش عارفين الحبر فين بالضبط فممكن الورقة تولع قبل ما نقرا الرسالة :brb: :brb: :brb: :brb:

و مرة تانية شكرا لموضوعك :tu:
قلب الدين
شكرا علي ردك
بس ايه الصعوبه ف الشمعه
هوه حد قاللك انك حاتحط الورقه عالبوتاجاز :brb:
دانت حاتمررها علي شمعه :brb: :brb: :brb: :brb: :brb:
وبعدين
كل واحد وشطارته
تخيل انت بقي ايه اللي ممكن يحصل لو الورقه اللي فيها كل المعلومات السريه تتحرق
مش حايبقي كفايه انهم يحطوك ف ميه نار

لالالا

اقصد حمض كبريتيك مركز
بما اننا بنتكلم عن الكيميا بقي
قلب الدين
شكرا مرة تانيه :flowers:

[مـؤيـد]

سلسبيل
حضرتك منورانا هنا يا ستي بالموضوع الثري البسيط ده
حنبقى نتعاقد معاكي مقابل كل موضوع تنكة سمنة :viking:
ايه رأيك؟؟
بس تكون فاضية :brb: :brb:
لا بجد موضوع جميل جدا..:tu:
خاصة وإني فهمت-أخيرًا- حاجه من الكلوريد الكوبلت ده:انجغة:

وكمان كنت عايز أسأل سؤال كده بما انكم جبتو سيرة السمنة
طب إيه الفرق بين السمنة البلدي والسمن العادي "المهدرج"
هل كله بيدخل فيه عملية الهدرجة مع النيكل كماده حافزة
ولا ايه الفرق بالضبط؟؟ :chr43:

واتفضلي يا سلسبيل الرسالة دي:














احرقلها يا قلب الدين المساحة اللي فوق
كاتبه بكلوريد كوبلت :brb: :brb:
بس اياك تحرقه ع البوتوجاز :أخخخ:

:flowers:

[أبو معاذ]

احرقلها يا قلب الدين المساحة اللي فوق

اوعي تحط الشاشة على النار






















الشاشة مالهاش دعوة


حط الهارد

[أبو معاذ]

الكونت ابو معاذ
اولا انت منورني لاول مرة ف موضوع ليا
ايه ده؟؟؟

لو المعلومة دي صحيحه ابقي انا احم احم

ما علينا


ثانيا
ياسيدي ربنا مايجيب خلافات علميه ولا سعديه

سعدية مين انا كنت في التوفيقيه
وبالمناسة بقي

مدرس الكميا الوحيـــــــــــــــــــــــــــد اللي احترمته في حياتي

كان اسمه عصام
ربنا يرحمة حي ولا ميت
وللعلم بقي
انا ماحضرتلوش غير اسبوع واحد بس في حياتي
كانت لخبطه ايام ما لغو التحسين وانا في تانية ثانوي

انا بقول الكلام ده كله ليه؟


يعني هو الرغي ده عادتي ولا هاشتريها


مين قال ان السمن الصناعي مش بيتصنع عن طريق هدرجه الزيوت النباتيه
بالعكس
كلامك صح تمام
وكلامي برضه صح
ايوة كدا عشان انا كان يعز عليا اوي اني اتخانق مع الدكتور ده

ازاي؟
اقوللك ازاي
النيكل بيكون العامل الوسيط اللي بيحفز الزيوت النباتيه للهدرجه
لانه بيشد جزيئات الهيدروجين لانها تكون متركزة علي سطح الزيوت
يعني حط مع شويه الهيدروجين اللي بربع جنيه حبة نيكل بشلن
بس ياسيدي
العمليه بسيييطة


اذكر فيما اذكر اني قلت بخسين قرش هيدروجين


وانا من موقعي هذا كرئيسة جمعيه كارههي الفيزيا المتحدون
نشكرك علي مداخلتك التوضيحيه المفيدة

يا ستي لا شكر على واجب

دي الكميا دي خنيقتنا كلنا
آ قصدي يعني هو في اسهل من الكميا

[د.بلال]

موضوع اكتر من رائع فعلا :flowers:


وخصوصا انا عن الكيمي كيمي كي

على فكرة اقل درجة من درجاتي في الثانوية العامة كانت في الكيميا بس لما

اخدت الكيميا في اعدادي على ايد دكاترة شداد حبيتها جدا جدا وفهتمها فعلا

عشان كده كان اعلى تقدير في اعدادي في الكيميا :tu:

للأمام ويا ريت لو كان فيه اجزاء تانية


:chr58:
باباز

[ســانــدى]

موووضع رووووعة
وشرحك جميل جدا يا سلسبيل :clap:
وبصفتى نائبة رئيسة جمعيه كارهي الفيزيا المتحدون :واه يابوي
اقولك سيرى على بركة الله يا نورماندى تو :surrender
قصدى يا بيلة ورردة
بس راجعى السبيلنج خليتى الكوبلت كالسيوم :chr58:

[حلا الروح]

راح أعمل حلي عامل تحفيزي موجب وأحكي
موضوع حلو
مفيد :tu:
رائع اكتيير اكتييير اكتييير :clap:

أعمل حالي عامل تحفيزي سالب وأحكي
العنوان الكيمياء كما يجب أن تكون
هوه شو يعني كيمياء :huh:
ايش معنى بدينا بالانزمات :huh:
وين موقعها في الكيمياء :huh:


بس عنجد موضوع مهم وإلى الامام :tu:

بس هوه شو السراللي في الورقة
حد عرف مكتوب فيها شو؟
لما تعرفو ابقو احكولي
وطريقة مضمونة عشان الورقة ماتتحرق بلاش شمعة وبلاش بتوجاز
قربها من اللمبة اللي بتنور نور أصفر وراح تعرف اللي مكتوب فيها من غير خسائر
ولما تعرفو متنسوش تحكولي (احنا برضو شركا:brb: )

صحيح أنا بسجل اسمي مع جمعيةكارهي الجغرافيا
سلام

[سلسبـيل]

سلسبيل
حضرتك منورانا هنا يا ستي بالموضوع الثري البسيط ده
حنبقى نتعاقد معاكي مقابل كل موضوع تنكة سمنة :viking:
ايه رأيك؟؟
بس تكون فاضية :brb: :brb:
لا بجد موضوع جميل جدا..:tu:
خاصة وإني فهمت-أخيرًا- حاجه من الكلوريد الكوبلت ده:انجغة:

وكمان كنت عايز أسأل سؤال كده بما انكم جبتو سيرة السمنة
طب إيه الفرق بين السمنة البلدي والسمن العادي "المهدرج"
هل كله بيدخل فيه عملية الهدرجة مع النيكل كماده حافزة
ولا ايه الفرق بالضبط؟؟ :chr43:

واتفضلي يا سلسبيل الرسالة دي:














احرقلها يا قلب الدين المساحة اللي فوق
كاتبه بكلوريد كوبلت :brb: :brb:
بس اياك تحرقه ع البوتوجاز :أخخخ:

:flowers:
الاخ جواارح
شكرا علي تشريفك موضوعي
ويافندم انا فاضيه علي طول ماعدا يوم السبت والاحد والاتنين والتلات والاربع والجمعه :drop:
وباقيت الاسبوع فاضيالكو يافندم
:clap:
والحمد لله اني نجحت اني افهم لحد حاجات عن كلوريد الكوبلت
لاحسن انا كنت حاسه اني انا الوحيده اللي متدبسه فيهم ولا بد افهمهم :واه يابوي
واسمحلي اكتب لك رد علي الرساله اللي فوق










هات ولاعه وحصلني يا قلب الدين وماتنساش طفايه الحريق :knight:

[سلسبـيل]

اوعي تحط الشاشة على النار






















الشاشة مالهاش دعوة


حط الهارد
لا انا رأيي ان الهارد مالوش ذنب احنا نحط البرينتر :brb:

[سلسبـيل]

موضوع اكتر من رائع فعلا :flowers:


وخصوصا انا عن الكيمي كيمي كي

على فكرة اقل درجة من درجاتي في الثانوية العامة كانت في الكيميا بس لما

اخدت الكيميا في اعدادي على ايد دكاترة شداد حبيتها جدا جدا وفهتمها فعلا

عشان كده كان اعلى تقدير في اعدادي في الكيميا :tu:

للأمام ويا ريت لو كان فيه اجزاء تانية


:chr58:
باباز
د.بلال
بتقول انك كنت جايب اقل درجه ف الثانويه العامه ف الكيميا
ربنا يطمنك
بس انا مطمنه من ناحيه الكيميا
ربنا يقدرني عليها
وعالفيزيا اللي طيرت برج من دماغي
وياسيدي دعواتك ان ربنا يعديها عليا علي خير
وادخل بقي صيدله
وعلي فكرة
فيه اجزاء تانيه انتظروها الاسبوع الجاي ان شاء الله
بس ايه
باذن الله حاتعجبكو اكتر من دي
شكرا علي الرد
وياريت لو عندك اي معلومات اضافيه متعلقه بالموضوع ده ماتبخلشي علينا بيها :flowers: :flowers:

[سلسبـيل]

موووضع رووووعة
وشرحك جميل جدا يا سلسبيل :clap:
وبصفتى نائبة رئيسة جمعيه كارهي الفيزيا المتحدون :واه يابوي
اقولك سيرى على بركة الله يا نورماندى تو :surrender
قصدى يا بيلة ورردة
بس راجعى السبيلنج خليتى الكوبلت كالسيوم :chr58:
ساندي تووو :clap:
ياحبيبتي بجد انا فرحانه ان شرحي عجبك يوه بقى

هوه انتي كمان من الجمعيه بتاعتي
حلو اوييييييي
اخيرا لاقيت حد نرمي همنا علي هم بعض
وشكرا علي تصحيح السبيلينج يابنتي معلش العتب علي النظر :chr58:

[سلسبـيل]

راح أعمل حلي عامل تحفيزي موجب وأحكي
موضوع حلو
مفيد :tu:
رائع اكتيير اكتييير اكتييير :clap:

ا


أعمل حالي عامل تحفيزي سالب وأحكي
العنوان الكيمياء كما يجب أن تكون
هوه شو يعني كيمياء :huh:
ايش معنى بدينا بالانزمات :huh:
وين موقعها في الكيمياء :huh:


بس عنجد موضوع مهم وإلى الامام :tu:

بس هوه شو السراللي في الورقة
حد عرف مكتوب فيها شو؟
لما تعرفو ابقو احكولي
وطريقة مضمونة عشان الورقة ماتتحرق بلاش شمعة وبلاش بتوجاز
قربها من اللمبة اللي بتنور نور أصفر وراح تعرف اللي مكتوب فيها من غير خسائر
ولما تعرفو متنسوش تحكولي (احنا برضو شركا:brb: )

صحيح أنا بسجل اسمي مع جمعيةكارهي الجغرافيا
سلام

الف الف الف شكر ياجميييل
علي فكرة انا عرفت ايه اللي ف الورقه :واه يابوي
مكتوب فيها




احترس من الخط

الحقي ياساندي
فيه جمعيه جديده فتحت جنبنا اسمها كارههي الجغرافيا المتحدون برئاسة حلا الروح :knight: