مهم جدا شباب - رجاءا الرد [الأرشيف]

View Full Version : مهم جدا شباب - رجاءا الرد

Ensan

11-20-2004, 07:30 AM

شباب صباح الفل
الساعة 5.25 مش عارف انام - الحالة قلق
جيلى شغل فى استديو لعمل المونتاج بالفوتوشوب على الأعمال السينمائية
وشغلى يكون فى مونتاج الصور

قلقان اوى دى أول تجربة شغل فى مجال الفوتوشوب

المهم :- حد ممكن يزودلى معلوماتى ويوسع عينى أكتر
ماهى أختصاصات الشغلانة دى بالظبط وبالتفصيل
وشكرا للجميع - رجاءا الرد الســـــــــــــــــ يـع ـــــــر

who walks alone

11-20-2004, 02:19 PM

السلام عليكم

شوف يا سيدى:box:

ما اقدر افيدك فى الموضوع دا بدقة

انما بشكل عام ممكن انصحك

اولا :
الموضوع بسيط و لا يستدعى القلق. يعنى مش هتلاقى كلاكيع و لا حاجة.
و اوعى تسيب ودنك لحد يعمل فيها ابو العريف الحريف و يوهمك انك لازم تكون سيدر كونت فى الفوتوشوب عشان تليق بالشغلة ( ما تسألنيش يطلع مين سيدر كونت B) ).

ثانيا:
اذا كنت شاطر فى الفوتوشوب ( و فى رواية محترف ) فهذا يكفى و قشطة خالص .
كل اللى هتحتاجه زيادة عن الفوتوشوب هتتعلمه بالممارسة و مش هيزيد عن اساسيات الاجهزة المستخدمة فى الطباعة.

نوضح ثانيا دى عشان توصل احسن...
انت شغال فوتوشوب. تمام ؟
ناقصك ايه عشان تبقى الفت بتاع الاستوديو و الاستوديوهات اللى جنبنا ؟
انك تقرب اكتر من الاجهزة و المعدات اللى بتخرج تصميماتك على الورق . و دا مش حسبة برمة ومحدش اتولد يعرفه و لا مطلوب منك تعرفه بين يوم و ليلة .

و غالبا هيكون الاعتماد و الكفاءة هى فى تصميمات الفوتوشوب نفسها و الباقى هين .

بانتظار الرد ممن لهم خبرة بالموضــــــــــوع

تحياتى و ما تنساش الحلاوة من اول عكمة ( و فى رواية هبرة)

ابوحماس

Ghost D.W

11-20-2004, 06:52 PM

السلام عليكم

شوف يا باشا ...
اولا : اهم حاجة تشيل القلق ده من دماغك خالص عشان تعرف تبدع و(فى رواية تفتكس ) ==> على راى اخونا اللى بيمشى لوحده

ثانيا : الفكرة مش وصلانى اوى.... انت بتستفسر عن الفوتو شوب بصفة عامة ولا عن حكاية مونتاج الاعمال السينيمائية بالصور ... ياريت توضح اكتر؟؟

يمكن ربنا يكرمنى واقدر اساعدك

وبالتوفيق :wink:

Ensan

11-26-2004, 01:56 PM

who walks alone
متشنكر جدا جدا على الخلاصة الجامدة دى أنت عشرة على عشرة
طمنتينى

Ghost D.W
هو المفروض فيه مجموعة لقطات فيها خدوس فى فيلم ما هيتعمل تحويل ليهم لصور وانا هاعمل على تصليح عيوب الصور
ثم سيعاد تجميع الصور وتحويلها الى لقطات سينمائية
أرجو أكون وصلتلك المعلومة صح
أفيدونا

وشكرا ليك جدا

إنسان

صيدلي

11-27-2004, 04:08 PM

انا مش فاهم اي حاجه من الكلام الي فات ده
بس المهم عندي انك مبسوط و قلقان شويه

اولا انا عايز اهنيك و اقولك شد حيلك وربنا يوفقك
ثانيا بالنسبه للقلق دي ظاهره صحيه

انا حبيت ابارك بس
شكر

Life_Trap

11-28-2004, 12:36 AM

أولا مبروك على الشغلانة :lolly: و ان شاء الله ربنا يوفقك فيها

و انا مع الصيدلى ان القلق طبيعى بما ان دى اول فرصة شغل فى مجال الفوتوشوب :closeeye:
انا طبعا مقدرش أفيدك من ناحية أختصاصات الشغلانة :chr24: بس انا حبيت أساندك معنويا :brb:

توكل على الله و ان شاء الله ميكونش فى تعقيدات و ربنا معاك

تحياتى ورردة