تعرف ايه عن المغناطيسية؟؟؟؟؟؟؟

[أبو معاذ]

ده مجرد سؤال تنشيطي لحد مانبدأ في الجد

يا ريت كل واحد يدخل يقولنا معلوماته عن المغناطيسية

[أنا المسلمة]

كل اللي اعرفه ان المغناطيسية دي حاجة في الفيزيا ........ :think3:

مش كدة ؟؟ :huh:

[baggiomemo]

المغناطيسية هي خاصية انجذاب بعض المعادن كالحديد الي صخور واحجار طبيعية تم اكتشافها في منطقة مغنيسيا ولهذا سميت بالمغناطيس
والمغناطيس له قطبان جنوبي وشمالي
والارض هي اكبر مغناطيس

:box: :viking: :lolly:

[أبو معاذ]

كل اللي اعرفه ان المغناطيسية دي حاجة في الفيزيا
مش بس الفزيا
في حاجات كتيبر جدا
عموما المعني صحيح وان شاء الله تعرفي اكتر عنها






المغناطيسية هي خاصية انجذاب بعض المعادن كالحديد الي صخور واحجار طبيعية تم اكتشافها في منطقة مغنيسيا ولهذا سميت بالمغناطيس

المعلومة صحيحه وانا فعلا كنت ناوي ابتدي من موضوع مغنسيا

ولكن-توضيح- هذه هي احدى ظواهر المغناطيسية

شاكر مروركما





انتظر المزيد

[أبو معاذ]

توضيح بسيط


هناك خطأ كيبوردي في عنوان الموضوع فانا اقصد المغناطيسية وليس المغناكيسية وعلى حد معلوماتي فلا يوجد شيئ اسمة مغناكيسة

انا سمعت عن الشركسية والماركيسة والسكرية والتحسين وبين السريات

لكن مغناكيسية دي جديده حبتين



عموما نرجع لموضوعنا بقي

[who walks alone]

سلامو عليكو

انا كنت ناوى افقعكم موضوع موسوعى عن المغناكيسية
انما راحت عليا

خلينا فى المغناطيسية لحد ما ربنا يفرجها

هى حاجة فى الفيزيا
يمكن بيسموها ظاهرة او قوة (نوت شور )

بتخلى الاجسام اللى مشحونة بيها تنجذب لبعديها ( و يقال لبعضيها ) او تبعد عن بعديها ..

و من قوانينها ان اللى لهم نفس الشحنة بيتنافرو و اللى مختلفين بيتجاذبوا ( سبحان الله عكس القلوب )
من تطبيقاتها فى حياتنا المحرك و اخوه المولد (الجنريتور ! مش عارف احط الشدة )

تحياتى
و نتقابل على الارائك متكئين ... آمين

[أم أحمد]

المغنيسيا :think3:

بيتهيألي سمعت الإسم ده قبل كدا :hot:

هو موش نفسها مادة اوكسيد الماغنيسيوم اللي بتستخدم في الاسعافات الأولية في حالة التسمم بالكلورين في المصانع ؟؟

صح ولا انا غلطانة يا لؤي :drop:

انا موش عارف ايه علاقة المغناطيسية بالاسعافات الأولية :chr43: .. لكن يلا اهو سؤال !!! :drop:

إبدأ موضوعك بقا :closeeye:

[مالك]

سلاموا عليكوم
انا كل اللي اعرفه هوا المغناطيسيه الفكريه او الشاعريه
بس المغناطيسيه الانسانيه بتختلف اختلاف كلي عن المغناطيسيه الماديه
ف في الحالات الانسانيه المتشابهات تتجاذب فكريا
وفي الماده بتتنافر
حنرجع نلك لك ياما بعد الفطار
سلاموا عليكوم

[أبو معاذ]

هو موش نفسها مادة اوكسيد الماغنيسيوم اللي بتستخدم في الاسعافات الأولية في حالة التسمم بالكلورين في المصانع ؟؟


ماظنش المعنى ده جه على دماغ عم (وبر) شخصيا



لا يا باباروسايا

المعناطيسية مالهاش علاقه بالمغانسيوم خالص

اساسا المغانسيوم ده عنصر


















انا المغناطيسية





ده عنصر تاني خااااااااااااالص :twee:

[أم أحمد]

انا باتكلم عن المغنيسيا يا لؤي :drop: موش المغناطيسية:)

اصلي سبت الموضوع كله ومسكت في جملتك دي


المعلومة صحيحه وانا فعلا كنت ناوي ابتدي من موضوع مغنسيا


هاتقولي اسم منطقة .. عارفة .. بس برضه المغنيسيا اسم عنصر يدخل في تركيبه الماغنيسيوم هو اكسيد الماغنيسيوم:)

يعني الإسم اثنين في واحد :closeeye:

[أبو معاذ]

يعني الإسم اثنين في واحد

ده على اساس اننا هانشرح تركيب الشامبو ولا ايه؟؟








عموما افتكر نخش في الموضوع بقي












شوية وراجع ان شاء الله

[أبو معاذ]

عدنا اليكم بعد الفاصل :clap:


سيداتي انساتي سادتي
:flowers:

سلام الله عليكم ورحمته وبركاته

كنا قبل الفاصل على وشك الافصاح عن ماهية الغناطيسة :huh:


وكما تفضل بعض الاعضاء فانها ظاهرة انجذاب القطع الحديدة لصخور طبيعية اذا اقتربت المسافة بينهما الى حد معين



وتم اكتشاف هذه الظاهرة في مدينة مغنسيا القديمة
:knight:

وككلام علمي بقي


المغناطيس عبارة عن اكسيد الحديد المغناطيسي
او fc3o4
:twee:
وجذب الحديد ليس هو الظاهرة في حد ذاته لكنه احد خواص تلك الظاهرة

وخواص المغناطيسية تتلخص في الاتي



1 جذب بعض المواد مثل الحديد

الله ؟

يعني هي بتجذب حاجات تانية غير الحديد ؟؟ :chr36:


طبعا :chr24:


وهانقول الكلام ده وتفسيره كمان شوية بس اصبروا علينا



2 لو علقت ابرة مغناطيسية(اي عبارة عن مغناطيس على شكل ابره او قضيب مستقيم) في وضع افقي حر الحركه لاتخذ اتجاه من الجنوب الى الشمال


هنا بقي يطلع واحد عبقري ويسالني ويقولي اشمعني مش من الشمال الى الجنوب :twee:

اقوله اتوكس :maaaad: يابني عشان ده كلام علما ونظريات شغاله بقالها سنين

سعادتك بقي عندك نظرية تانية يا ريت تبقي تثبتها
:maaaad: :maaaad: :maaaad:

وبرده عشان مابقاش ظلمته

هو كونها تتجه من الجنوب للشمال ده فرض هنثبته بعد كدا عشان نقدر نحل بيه دوايرنا المغناطيسية ونحط نظريات مغناطيسية بناء على الكلام ده يعني من فين لفين مش هاتفرق قوي لكن ده بس عشان نبقي عارفين راسنا من رجلينا


3 تنافر الاقطاب المتشابهه وتجاذب الاقطاب المختلفه


نفهم من كدا طبعا ان لكل مغناطيس قطب شمالي وقطب جنوبي

4 لو علقت ابره حديديه حرة الحركه بالقرب من مغناطيس طبيعي على شكل قضيب فان اتجاه الابره يكون دائما في اتجاه القضيب


اظن دي واضحه
:eeys:

5 لو غمس مغناطيس طبيعي في براده حديد فان براده الحديد تتراكم عند قضبيه


يعني القضبين هما اقوى اجزاء المغناطيس مغناطيسية





لحد هنا الخواص المغناطيسية خلصت


بس تعالوا نفسر شوية





اية هو المغناطيس

يعني ليه المغناطيس بقي مغناطيس ومش كل حتة حديده تبقي مغناطيس؟؟؟



الاجابة نلاقيها في نظرية اسمها انظرية الجزيئية المغناطيسية

ودي بتاعة عم (وليم وبر)المنيا 1804 ----,>>>1891



ودي فيها الجابة عن التساؤل اللي فات

بس احب اعرف اجابتكم او تصوراتكم عن الاجابة قبل ما نقول نظرية عم وبر


نعود اليكم بعد الفاصل

[dorbaga]

السلام عليكم ورحمة الله وبركاتة,,,



اقوله اتوكس يابني عشان ده كلام علما ونظريات شغاله بقالها سنين

كلام مقنع وحجة دامغة :واه يابوي

العلم بينور العقول يا جدعان قول يا وليم :chains:

اخوكم الحكواتي :55:

[who walks alone]

السلام عليكم

ادينا اتوكسنا

قلنا بقى عم وليام بتاع المنيا القمح قال ايه


بس الاول فهمنى:viking:
حضرتك قلت ان اقوى جزء فى المغناطيس قضيبه
اظنك تقصد ان اقوى جزء فى المغناطيس اذا كان على شكل قضيب هو طرفه او اطرافه .
صح يا معلمى ؟



عيدى سعيدى هريدى
http://www.al3asefah.com/board/uploads/post-23-1100098086.gif

[أبو معاذ]

كلام مقنع وحجة دامغة

طبعا

امال ايه يا حكواتي

نورتني




اظنك تقصد ان اقوى جزء فى المغناطيس اذا كان على شكل قضيب هو طرفه او اطرافه .
صح يا معلمى ؟


بالظبط

اسف اني ماوضحتش من الاول



بس يا ريت نتفق على شوية حاجات كدا

كلامي عن المغناطيسية عمووووووووووما هاتكلم فيه على اشكال منتظمة

عشان مش طالبة اشرح تكامل قبل ماشرح مغناطيسية


يعني دايما هايبقي توزيع الفيض متساوي على المساحه وشدة المجال موزعة بالتساوي برده





وبعدين انا لحد دلوقتي ماشفتش تصوراتكم

[حلا الروح]

يعني ليه المغناطيس بقي مغناطيس ومش كل حتة حديده تبقي مغناطيس؟؟؟مابعرف :drop:
بس أنا بصراحة لما سألت شو ابنعرف عن المغناطيس من أول مابدأت موضوعك اجى في بالي على طول اشي اسمو (الشحنات) :واه يابوي
طبعا هوه يمكن ماابيقرب للمغناطيس بأي اشي بس هاي اللي طلع معي :drop:
فأنا بأحكي إنو يمكن هادا المغنطيس فيو شحنات زايدة أو يمكن نقص بالشحنات (حتى المجاعة انتقلت للعناصر :brb: )
المهم
شي بيخص اللالكترونات اللي بالمركب تبع أكسيد الحديد FC3O4 فيكون الالكترونات بالمدارات الأخيرة بدها اشوية اكترونات من عناصر أخرى ميشان تصل لحالة التوازن في المدارات الأخيرة فميشان هيك بيصير تجاذب مع عناصر أخرى متل الحديد
هاي كل اللي طلع معي بعد ماعصرت راسي :hot:
بس عادي لو طلع اللي حكيتو غلط لأني لا إلي بالفيزياء ولا بالكيمياء :surrender
بس هاي تصوري للموضوع :chr58:

[أبو معاذ]

اخت حلا

مرحب بيكي الاول


بالنسبة بقي للي قلتيه

هو اولا حضرتك ماجاوبتيش على سؤالي بتاع ليه المغناطيس بقي مغناطيس


ودي حاجه كويسة


عشان نوضح الكلام اللي فات قبل مانقول كلام جديد

اللي انتي قلتيه من نقص الكترونات وطلب الذرة للتعادل كلام جميل جدا بس يخص الكمياء الكهربية اكتر


لكن على فكره في تشابه كبير جدا بين الكهربيا (سواء كميائية او فيزيقية) بالمغناطيسية


يعني مثلا في الكهربية في موجب وسالب

والمغناطيسية برده فيها شمالي وجنوبي

الكهربية فيها مجال كهربي

والمغناطيسية فيها مجالى مغناطيسي

الكهربية فيها تيار كهربي
والمغناطيسية فيها فيض مغناطيسي

الكهربية فيها مصدر جهد

والكهربية فيها جسم مغناطيسي


لا ده انا ممكن اولد الكهربا (فيزيقيا) عن طريق مجال مغناطيسي(زي ما هانبقي نرح في وقته


وكمان اقدر اولد مغناطيسية عن طريق مجال كهربي


ودي اسمها نظرية الحث الكهرومغناطيسي وهانبقي نشرحها في وقتها برده بإذن الله



وزي ما قلت قبل كدا

احنا عشان نحل دوائر مغناطيسة(نظام مغناطيسي معين)

بنحوله الاول لدائرة كهربية (نظام كهربي مكافئ)

المقاومات الكهربية فيه هي هي الممنعات المغناطيسية

والبطاريات فيه هي هي الملفات المغناطيسية

والتيار في هو هو الفيض المغناطيسي


يعني نفس الحاجات اللي قلتها الاول


انتي مابعدتيش كتير يعني



بس ده يدفعني اني ازود السؤال اللي انا سالته بسؤال تاني







في اي مشاكل او اشئله في الجزء اللي فات ياخونا؟؟؟

[حلا الروح]

في اي مشاكل او اشئله في الجزء اللي فات ياخونا؟؟؟لا مافيش خالش كلو مفهوم لعند هلأ :surrender

أنا اللي حكيتو مجرد تصور :drop: مش أكتر :surrender

[who walks alone]

السلام على الاحبة

معنديش جديد اضيفه
انما حبيت انشط الموضوع عشان ما يتنسيش
خصوصا بعد الكبسة الاخيرة اللى اتقفلت فيها غرزتنا الحبيبة كام يوم .

كنا يا حلوين بنتكلم عن المغناكيسية ( و فى رواية المغناطيسية)

فينك يا ابامعاذ
؟؟

[أبو معاذ]

سلام عليكم يا شباب

ويا شبات

اسف على التأخير لكن ميدتريمات بقي نعمل ايه

المهم احنا كنا وقفنا لحد فين؟؟؟ :thinky: ؟؟؟؟؟؟؟
ايه؟ :think3: مش فاكرين؟؟؟ :maaaad:


صبرني يا رب


طيب امرنا لله
نراجع اللي فات قوام قوام كدا

انا كنت حكيت عن حاجه اسمها مغناطيسية
ودي ظاهرة من خواصها المشهووووووووورة جدا جذب الاجسام المغناطيسية (اي الممغنطه) للأجسام الحديديه

والكلام ده على فكره غلط
او مش صح مية في المية يعني

هانبقي نوضح الموضوع ده
وقلنا برده لو علقت ابره حرة الحركه جنب مجال مغناطيسي هتتجه ليه

يقوم واحد صاحي ويقولي بس انت ماقلتش يعني ايه مجال مغناطيسي

اقوله اه

ايه بقي الاسئلة الحرجه دي؟؟

هو الصراحه الصراحه انا فاهمها ومافيش تحت ايدي تعريف ايديال للمجال


لكن نقدر نقول انه هو الفراغ او الوسط بصفه عامة المحيط بمصدر مغناطيسي معين سواء كان هذا المصدر صناعي-ملف كهربي متوصل بتيار او قطعة حديد تم مغنطتها- او طبيعي زي اللي لاقوه في مغنسيا
لكن مش اي فراغ
هو الفراغ المحيط بالمصدر المغناطيسي ويشترط ان تظهر فيه الاثار المغناطيسيةوتخلتلف كثافته باختلاف الوسط المحيط
ويعرف من المعادله (كثافة الفيض المغناطيسي في وسط ما(B) = معامل النفاذية للوسط(ميو) مضروب في شدة المجال المغناطيسي(H))


الله اكبر

اول معادله نقولها في الموضوع

الناس دلوقتي وتقولي مالنا احنا ومال المسائل والمعادلات

اقولهم ان المعادله دي فيري امبورتنت اكوينشن

معادله مهمه جدا

لاننا هانطلع منها البي اتش كيرف ونفهم منها ان البي تتناسب طرديا مع الاتش وكلام كتير من ده


تعالو بقي نعرف الفيض المغناطيسي

هو فاي طبعا كلكم عارفين الرسمه بتاعة الرمز فاي

وممكن نقول عليه انه عدد الخطوط المغناطيسية اللي تقطع عموديا اىىىىىىىىىىىىى مساحه

اما بقي شدة المجال المغناطيسي هو عدد خطوط الفييض اللي بتقطع عموديا وحده المساحاتاللي هي المتر المربع


فين بقي اللي سالني يعني ايه شده مجال؟؟؟؟؟ :viking:


بعد ما كغنطنا مخنا بقي
تعالوا نخش على النظرية الجزيئية المغناطيسية

وهي موضوع درس اليوم اساسا

وليم وبر 1804 - 1891
المنيا

هو ايه اللي بنا عليه وليم نظريته

شوية ظواهر
تعالوا نشوف احنا كمان الظواهر دي ونصول للنظرية لوحدنا

1 عند تكسير مغناطيس الى عدة اجزاء فان كل جزء يظهر عليه خواص مغناطيس مستقل اي يكون له قطب شمالي وقطب جنوبي


2 عند مغنطة قضيب حديدي يزداد طوله

هو صحيح زياده قليلة جدا لكن اسمها زياده في الطول

3 عند تعرض قطعه حديد لمجال معناطيس قوي ترتفع درجه حرارتها

تعالوا نتفق على حاجه الاول

لما نقول ان القهوة هنا مثلا منتدى اسلامي

ده معناه ايه؟
ان كل الاعضاء اللي في القهوة مسلمين اساسا

لما نقول ان الملعب بتاع الكورة لونه اخضر
ده معناه ايه؟
ان كل حشيشة من اللي في الملعب لونها اخضر


ولما اقول ان المية اللي بتغلي سخنه يبقي درجه حرارة كل جزيء من المية اللي بتغلي دي مرتفعه

يبقي عندنا مبداء بيقول ان خواص كل ماده ترجع اساسا الى خواص الجزيء المكون لها او الذرة المكونه لها


تمام كدا

يبقي اول حاجه هافكر فيها لما اربط الكلام ده بالظاهرة الاولانيه

ان كل جزيئ من المغناطيس عبارة عن مغناطيس صغير

ويسمى مغناطيس جزئي

اكتبوا جنب السطر ده او حاجه في منظوق النظرية


طب ايه رايكم بقي انا عايز اطور في النظرية دي حته

ايه هي؟

ان كل جزئ من اي ماده فرو مغناطيسية(اي حديدية) يعمل كمغناطيس جزئي

يطلع واحد ناصح ويقولي الكلام ده غلط عشان مش كل حتة حديده مغناطيس

اقوله الرد اللي رديته عليه زمان


اقوله يابني اتوكس عشان ده كلام علما كبار

طبعا ليها اثبات بس عشان هاياخد وقت على الفاضي
نختصر الكلام ده واقولكم الرد المنطقي عليه

في الحديد الغير ممغنط فان هذه الجزيئات تكون متجهه اتجاهات عشةائية وبالتالي تلافي اثر بعضها البعض

مش كدا وبس

ده الحته اللي جاية هاتقنعك اكتر


لما اقرب الحديده من مجال مغناطيسي

الاقي ان الاتجاهات العشوائية دي عايزة تتظبط تحت تأثير القوه اللي بتأثر عليها

وبالتالي بتدور حوالين نفسها عشان تبقي كلها في اتجاه المجال

يعني مثلا لو عندي حته حديده قربتها من القطب الشمالي لمغناطيس

المغناطيس ده ليه شدة مجال مغناطيسي

المجال ده هايأثر على الجزيئات اللي في الحديد
هايقوم يجذب ناحيته القطب الجنوبي لكل جزيئ في الحديده
وبالتالي بعد فتره وبزياده المجال هاتبقي كل اتجاهات الجزيئات اللي في الحديده في اتجاه المجال

وبالتالي ماتبقاش بتلافي بعض
ويتحول الحديد الى مغناطيس
وده يفسر موضوع الطول الزياده


طيب لو انا عايز ارجع حته الحديده دي حته حديده تاني زي مانا عايز اعمل ايه؟؟؟؟؟؟؟؟؟؟؟؟؟؟



ده سؤال العدد القادم

اكون حاولت اجهزلكم شوية صور توضيحيه


اسف على الاطاله


سلام عليكم ومنتظر الاجابة قصدي الاجابات على السؤال

لو عيز ارجع حته الحديده اللي اتحولت مغناطيس لحته حديده تاني اعمل ايه؟؟

[أبو معاذ]

حد متابع معايا ياخونا ولا الكلام صعب ومش مفهوم ولا الكلام محتاج صور توضيحية ولا انا بدن في مالطا اساسا؟

[مـؤيـد]

لا والله يا معاذ
أظن لسه في ناس بتتابع
وأنا لسه النهارده الضهر كنت حكتب رد: فينك يا عم لؤي سبتنا كده...:sniff:
إنت بتأذن هنا متخفش :flowers:

[QALB_ELDEEN]

حضرتك قلت ان اقوى جزء فى المغناطيس قضيبه
اظنك تقصد ان اقوى جزء فى المغناطيس اذا كان على شكل قضيب هو طرفه او اطرافه .
صح يا معلمى ؟





اعتقد ان المقصود هو ان اقوى جزء فى المغناطيس هو قطبيه

و دا لأن منتصف المغناطيس هو نقطة التعادل اللى بيكون فى المجال بصفر و تزيد شدة المجال كلما اتجهنا ناحية الاقطاب ..

اما السؤال بتاع ايه هو المجال المغناطيسى ... فهى بالظبط زى نور اى لمبه ... فاللمبه مش بتنور الى مالانهاية .. انما ممكن تنور أوضة .. أو قاعة .. أو استاد كورة على حسب قوة اللمبة ..
يبقى المجال المغناطيسى هو الحيز اللى ممكن تتواجد فيه خطوط الفيض لأى مغناطيس ... و خطوط الفيض محدودة بقوة المغناطيس ... كلما زادت قوة المغناطيس كلما زاد المجال المغناطيسى ... بغض النظر عن الوسط هواء او حديد ..

[أبو معاذ]

اعتقد ان المقصود هو ان اقوى جزء فى المغناطيس هو قطبيه

و دا لأن منتصف المغناطيس هو نقطة التعادل اللى بيكون فى المجال بصفر و تزيد شدة المجال كلما اتجهنا ناحية الاقطاب ..

اما السؤال بتاع ايه هو المجال المغناطيسى ... فهى بالظبط زى نور اى لمبه ... فاللمبه مش بتنور الى مالانهاية .. انما ممكن تنور أوضة .. أو قاعة .. أو استاد كورة على حسب قوة اللمبة ..
يبقى المجال المغناطيسى هو الحيز اللى ممكن تتواجد فيه خطوط الفيض لأى مغناطيس ... و خطوط الفيض محدودة بقوة المغناطيس ... كلما زادت قوة المغناطيس كلما زاد المجال المغناطيسى ... بغض النظر عن الوسط هواء او حديد ..


سلام عليكم الاول

ايه يا عم قلب

معلش خطاء كيبوردي نفوته المره دي
انما المره الجايه لايمكن ابدا


المهم بقي انا كنت عايز اعقب على مثال اللمبه اللي قلته
او نور اللمبه

هو المثال نفسه كمثال مافيهوش اي مشاكل



لكن انا -اسمحلي - هاختلف معاك في التطبيق

اللي انا اقصده

ان ضوء اللمبه بيستمر الى ما لا نهاية فعلا

وبرده شدة المال المغناطيسي

كمان شدة المجال الكهربي

مش كدا وبس

المجال الحراري

اللي بيفرق معانا ايه؟

اللي بيفرق معانا هو حاجتين(بناء على المعادله اللي انا كتبتها)


كثافة الفيض(اي فيض كهربي مغناطيسي ضوئي حراري ) بيساوي حاصل ضرب شدة المجال في معامل النفاذية للوسط اللي ماشي فيه المجال


يعني فيض العفريت بيساوي قوة العفريت في الوسط اللي بيمشي فيه العفريت


كل الحكايه بقي ان الوسط بيأثر بنفاذيتة

يعني مثلا نور اللمبة مستمر الى مالانهايه
مش لازم عشان احنا مابنشفهوش من بعيد يبقي نور اللمبة خلص

لكن ده بس عشان عنينا مش قادرة تلقط النور الضعيف

هاقربلك شوية

مثلا اللمبة لما اسبها لوحدها يعني من اللمبة لعنيا على طور

النور بيبقي جامد جدا


لكن لو حطيت عليها اباجورة ولتكن زرقا او خضرا مثلا

ايه اللي هايحصل
الضوء هايضعف
وهاياخد لون الاباجورة

ولو حطيت لوح خشب بيني وبين اللمبة الضوة هاينتهي
مش عشان ماقدرش يوصل لمالانهايه
لا لكن شان ماقدرش يعدي في الوسط

ولو حطيت ورا اللمبة مرايه الضوء هايتضاعف
عشان وسط المفضض اللي في المرايه عكس الضوء وماامتصهوش

ول بيني وبين اللمية مسافه

فده هايؤدي اى زياده الطول(يعني زياده المقاومة الضوئية) يعني الوفتون(اللي هو مكون الضوء) وهو جاي نحيتي هايصدم اكتر في جزيئات الهوا فهايتشتت


طبعا لو عملنا التجارب دي كلها مع زياده اضاءة اللمبة

او نقص اضائتها(شدة المجال يعني)

هانلاقي ان النتيجه طردية(يعني الفيض يتناسب طرديا مع شدة المجال ومعامل نفاذية الوسط)


بالمناسبة بقي

معلومة على الماشي

وحدة قياس شدة الضوء هي اللوين

وهي راجعة اساسا على وحدة اضاءة شمعة

موضوع مايخصناش دلوقتي بس قلت معلومة على الماشي



نفس الموضوع بقي بالنسبة لاي حاجه ليها مجال

الوسط اللي ينتقل فيه المجال ليه اثر كبير جدا على الفيض(اللي هو عدد خطوط المجال اللي بتقطع عموديا وحده المساحات)



لو في اي حاجه مش واضحه يا ريت نتناقش فيها

ورردة

[أبو معاذ]

طيب يا خونا

بقالي يومين ومادش رد

في مشاكل في اللي فات نخصلها ولا نخش على الجديد على طول؟؟؟

[مناضل]

ايوه ياعم لؤى انقذني ان مشعارف أشرب حاجه فى القهوه دية :chr58:

[QALB_ELDEEN]

لكن انا -اسمحلي - هاختلف معاك في التطبيق

اللي انا اقصده

ان ضوء اللمبه بيستمر الى ما لا نهاية فعلا

وبرده شدة المال المغناطيسي

كمان شدة المجال الكهربي

مش كدا وبس

المجال الحراري



لو في اي حاجه مش واضحه يا ريت نتناقش فيها

ورردة

السلام عليكم يا باشا

اسمحلى كمان انى اختلف معاك ... لأن شدة المجال المغناطيسى و شدة المجال الكهربى محدودين و ده أولا بالقوانين زى القانون ده

ُE=q/( K*R*R) ... حيثE هى شدة المجال لشحنة Q و عند نقطة تبعد مسافة R عن الشحنة ... فلو كانت R بمالا نهاية فتكون شدة المجال بصفر ... و نفس القانون تقريبا هو اللى بيستخدم للمجال المغناطيشى باستبدال الشحنة Q ....

و لو كان المجال الكهربى و المغناطيسى ممتد لمالا نهاية ... كان زمان شبكات المحمول اللى فى مصر اشتغلت فى أمريكا و الكرة الأرضية كلها ...

المجال الحرارى برضة محدود و الدليل على كده ان فى مناطق بارده و مناطق حارة ... و لو كان المجال الكهربى ممتد كان زمان الناس و لعت من كم الأفران المستخدمة فى الصناعة .. أو تجمدت من أطنان التلج اللى فى القطبين الشمالى و الجنوبى ...

سلام

[أبو معاذ]

سلام عليكم

اسف يا جماعة مابردش بقالي فترة بس امتحانات بقي
دعواتكم


نرجع للموضوع

اخ قلب الدين قال ان المجال ش ممتد لمالا نهاية

هو عموما الموضوع ده مش هايترتب عليه معلومات في الكورس ده بس نوضحه برده لعموم الفائدة


القانون المذكور اعلاه ُE=q/( K*R*R) ...

واللي ممكن نسمية قانون كولم العام

اللي هو بيقول القهوة بين شحنتين(نقدر نسمي القوة دي التأثر بين شحنتين او االمجال اللي بين شحنتين او التجاذب والتنافر اللي بين مفناطيسين كلها تؤدي في النهاية لتأثير بين قوتين

نقول ان القوة دي بتساوي ثابت(k او اي ثابت تاني) مضروب في كسر

الكسر ده البسط بتاعة حاصل ضرب الشحنتين سواء كهربيا او حراريا او مغناطيسيا

على مربع المسافة بينهم


بالمناسبة القانون ده فيه غلط صغير بس جوهري

هو طبعا بيؤدي الغرض بس علميا القانون ده بنصه ده غلط

اللي يقول ايه الغلط ويقول صحه ازاي ياخد جايزة (دعاء ان ربنا يجعله من السعداء )


نكمل موضوعنا
وبناء على القانون الي فات ده
نقدر نقول ان المسافة لو تساوي ما لا نهاية فان القهوة تساوي صفر

لان المسافة في المقام
واي حاجه على المالانهاية تساوي صفر

ازاي؟؟

تخيل معايا ممعاك عشر برتقانات

عايز تقسمهم على اتنين

كل واحد هاياخد خمسة

طب عايز تقسمهم على خمسة
كل واحد هاياخد اتنين

طيب عايز تقسمهم على عشرة
كل وحد هاياخد واحده
طيب عايز تقسمهم على عشرين

كل واحد ياخد نص

طيب اربعين

كل واحد ياخد ربع

طب عشر تلاف
كل واحد ياخد فتفوته

طب ما لانهاية

كل واحد ماياخدش حاجه خالص ونخلي العشر برتقانات زي ماهما احسن


يعني التأثير او المجال او القهوة تنعدم عند نسافة مالانهاية

لكن قبل المالانهاية بملي واحد

في قوة(فتفوته)

فتفوته دي قليله قليله صحيح

بس اسمها فتفوته
قوة

تأثير
مجال

صحيح قليل جدا

بس موجود

وبما ان بقي مافيش حاجه اسمها مسافة مالانهاية

فديما دايما هايبقي في مجال

تتبقي قدامنا مشكله ازاي الناس اللي في خط الاسواء ماماتوش من البرد اللي في القطبين

وليه الناس ما بتموتشس من الحر من درجه حرارة الافران في المصانع


نقول ان حل المشكله دي في محصلات القوى

يعني انا قاعد دلوقتي قدام الجهاز

وكل شمعة مولعه في الدنيا بتأثر عليا بحرارتها

طب انا ليه سقعان؟
عشان محصلة القهوة بتديني درجه حراره منخفضة

ازاي
زي ما كل شمعة مولعه بتعتلي درجه حرارة
كل فريزي وحتة تح بتسحب مني درجه حرارة

وكمان في معامل النقل والتوصيل الحراري للمواد اللي بتحيط بيا

يعني مثلا الحيطه ما بتنقلش درجه الحرارة من خلالها زي ما الازاز مثلا بينقله

مثلا

انا واقف
وفي واحد بيزقني من اليمين وواحد بيزقني من الشمال

هاقع فين
هاقع في الاتجاة اللي بيزقني فيه صاحب القوة الاكبر

ويبقي القهوة اللي انا وقعت بيها دي مش قوته
دي هاتبقي قوة تالته خالص بقيمة مختلفه

اللي هي حاصل طرح القهوة الكبيرة من القوة الصغيرة

غير كدا كمان بيأثر عليا في موضوع المحصله ده نقطة ارتكازي والمكان اللي بيزقني منه كل واحد(النفاذية او معامل النقل)

يعني مثلا لو واحد بيزقني من رجلي وواحد بيزقني من صدري والانين بنفس القوة
اكيد المحصله هاتختلف لو كانوا الاتنين بيزقوني من صدري



وبما ان الفرن بتاع مصنع الحديد والصلب بعيد قوي عن بتنا
فتأثيرة عليا-موجود- بس قليل قوي


فالمحصلة اكيد مش هاتبقي في صالحه

طيب نيجي لموضوع شبكات الموبايل

شبكات الموبايل ينطبق عليها موضوع النفاذية

وينطبق عليها حاجه تانية بنسميها قوة الاشاره
لان المكالمات ما هي الا اشارات
بتخش على الترانزستورات الل يفي الموبايل عشان تكبرها

ولاسباب يطول شرحها

فان الترانزستور ده محتاج حد ادني من الاشاره عشان يكبرها

وبما ان المسافه بتبقي بعيده في خارج نطاق الخمه

فالاشارة -بتوصل- بس بتبقي ضعيفة على الترانزستور

فمابيقدرش يكبرها
فبيقولك الشبكه مش موجوده

مصال

ضوء ابعد نجم بنشوفه في السما

احنا ازاي بنشوفه مع انه يمكن يكون اصغر من الشمس

عشان عنينا تقدر تلقط التردد اللي بيوصلنا بيه الضوء ده

ولو في غيوم او دخان او تلوث بيئي _نفاذية) مش هانقدر نشوفه


والدليل على كلامي برده
اننا مابنقدرش نشوف بعض الكواكب من غير تلسكوب
ليه

لانه بياخد الاشارة اللي جاية(الضوء اللي معكوس على الكوكب) ويكبره عشان عنينا تقدر تلقطه زي الترانزيستور


ومش معني اننا -مش شايفين- او -مش حاسيين- يبقي الحاجه مش موجوده


ممكن تبقي موجوده بس قدراتنا على الشعور بيها مش جايباها


عشان كدا يقولك

لا تري بالعين المجرده

لازم حاجه تكبر الاشارة


يعني في اشارة

بس محتاجه تكبر لانها قليله اما عشان المسافه كبيرة او عشان الاشارة قليله اساسا-الشحنه - او عشان النفازية قليله



ارحب باي تساؤل

[حلا الروح]

:واه يابوي هوه انتو ارجعتو :واه يابوي

طيب سلامات سلامات ياأبو معاذ ومطولووش علينا اكتير هيك

أنا الخطأ اللي اعرفو بقانون كولوم هوه إنو جعل قوة التجاذب بين الشحنات تساوي قوه التنافر مع ان هناك فرق كبير بين القوتين
بس بصراحة مش عارفة هادا الخطا المقصود ولا لأ
وإذا كان هوه بصراحة اكتر مش عارفة صحو شو :chr58:

[أبو معاذ]

أنا الخطأ اللي اعرفو بقانون كولوم هوه إنو جعل قوة التجاذب بين الشحنات تساوي قوه التنافر مع ان هناك فرق كبير بين القوتين

اذا كان قصد حضرتك زي مانا فهمت يعني في فرق بين قوة التجاذب وقوة التنافر وكولوم مافرقش بينهم

فانا باعلنها واصحه وصريحة ومدوية

كولوم خد باله من الموضوع ده وعشان كدا بنحط الشحنات باشارتها

بالاضافة الى ان القوة اساسا كمية متجهه وده في حد ذاته يوصلنا اذا كان اللي حاصل تجاذب ولا تنافر



انما الخطأ اللي اقصده في قانون كولم
هو ان القهوة كمية متجهه
والشحنه كمية قياسية

والمسافة كمية قياسية



يبقي ازاي اساوي كمية متجهه بكمية قياسية



طبعا كولم خد باله من الحته دي برضه


يعني مش هو ده نص قانون كولوم الاصلي


بس ده يدرس في غالبية الكليات لسهولته


عموما اللي يعرف يقول الحل اللي ممكن نعمله عشان القانون يبقي متزن(كمية متجهه بتساوي كمية متجهه) يقوله

واللي مايعرفش مش مشكله ده مش موضوعنا اساسا


لحد هنا في مشاكل ولا نكمل؟؟

[آخر العنقود]

:sniff: :drop: :drop:

[حلا الروح]

اذا كان قصد حضرتك زي مانا فهمت يعني في فرق بين قوة التجاذب وقوة التنافر وكولوم مافرقش بينهم
فانا باعلنها واصحه وصريحة ومدوية
كولوم خد باله من الموضوع ده وعشان كدا بنحط الشحنات باشارتهالا

لا

مش هيك قصدي أنا قصدي إن هناك في فرق بين القوتين في المقدار

بدليل

إنك لو قربت مغناطيسين في وضع تنافر فإنه في يمكن لهذه القوة أن تقلب أحد المغناطيسين إلى وضع التجاذب

بحيث لا يحدث هذا في حالة التجاذب و تستطيع فك المغناطيسين بعد تجاذبهما

بصراحة أنا كنت قرأتها مرة وكان في إلها إثبات عملي بجهاز خاص
بس كانت الفكرة جميلة ولما قرأتها كانت تتحدث الشحنات المغناطيسية و أيضا شملت الشحنات الكهربية لكن لم تثبها لأن كان الكتاب فقط عن المغناطيسية أنا مش متذكرة اسمو لإنو كان انجليزي في انجليزي :sniff: >>> فاحمدو الله إني فهمت بدكم ياني أحفظ أسماء كتب كمان :أخخخ:


لحد هنا في مشاكل ولا نكمل؟؟مافي مشاكل بالمرة كمل كمل احنا معاك ياريس :knight:

[أبو معاذ]

طب يا جماعة نكمل
افتكر ان اخر حاجه اتكلمنا فيها في صميم الموضوع كان سؤال

ازاي اقدر اخلي حته الحديد اللي بقت مغناطيس

ازاي اقدر ارجعها حته حديد تاني يعني ماتظهرش عليها خواص المغناطيس

[حلا الروح]

عشان نرجع الحديدة المتمغنطة لحديدة تاني

نقوم ماسكينها وطرقينها (طيخ طاخ طوخ ) ترجع حديدة مش ممغنطة من أول وجديد لإننا بهيك قمنا بإعادة ترتيب الذرات ورجعناها زي الأول ...

صح ولا اجابتي اجابة بنوتة في أولى ابتدائي لسة :closeeye: >>> أصلي بصراحة درستها وأنا في المدرسة يوه بقى

[أبو معاذ]

اجابة صح طبعا


بس في كمان اجابتين او طريقتين تاني


حد يقدر يقولهملنا؟؟؟

[مـؤيـد]

اجابة صح طبعا
بس في كمان اجابتين او طريقتين تاني
حد يقدر يقولهملنا؟؟؟طيب يابو معاذ
بما ان الجماعه نايمين
انا حقولك احتمال
المغناطيس لو فركناه بحبة توم يفقد خاصية الجذب
صح كده ولا لأ؟؟
واذا كان ايوة
يبقى ازاي لما نودي ريحة التوم ونغمس المغناطيس في دم معزة يرجع لخاصية الجذب؟؟ :chains:

هوا فيه احتمال انه احنا لما نحطه في الدم بيرجع له خاصية باعتبار ان الدم بيحتوي على كمية كبيرة من الحديد :chains:

بس كده وكمل ياعموونا :)

[YOUSEF GROUP]

بالنسبة لموضوع الثوم ودم الماعز فديه جديدة عليا ... لكن معلوماتى عن سحب المغناطيسية من المغناطيس هى بالطرق عليه او بحكه بقطعة حديد مما يؤدى الى ضعفة قوته لانتقالها الى قطعة الحديد ... او بالتسخين ... وهذا كل ما أعرفه عن سحب المغناطيسية ...

[نيرووو]

الاخ ابو معاذ موضوع جميييل قوي واحب اضيف ان العلماء استفادوا حديثا من ظاهرة المغناطيسية دي كتير في تحويل المجال المغناطيسي لتيار كهربي زي الدينامو
وتحويل الكرباء لمغناطيسية زي الاوناش الضخمة لرفع الخردة وكمان متنساش الموتور الكهربي اللي هو اصلا فكرة عملة تقوم علي تعامد مجال مغناطيسي علي مجال كهربي