المساعد الشخصي الرقمي

مشاهدة النسخة كاملة : قادر فى بعدى ازاى تعيش


صعيدي جداً
10-04-2004, 02:58 AM
الانتظار طول كتير
وأنا قلبي مش حمل البعاد
وكل طير يا حبيبي طار
بعد السفر للعش عاد
مابقتش استحمل وعود
تخلف ميعاد ووراه ميعاد
القلب فيه شب الحريق
والنار دي مابتبقاش رماد
******
قادر في بعدي إزاي تعيش
وأنا فـ بعدك ماليش تاني
ولا لحظة قدرت أنساك
وإزاي قدرت تنساني
الغربة دي سرقت قلبك؟
ولا انت أصبحت أناني؟
ولا انت بعت الحب رخيص ؟
ونسيت مكاني وعنواني







طحياتي :flowers:
امل المستقبل
10-04-2004, 03:06 AM
مين اللي نسي ونسّاني
وترك قلبي ميرجعش تاني
مين اللي هجر وبكّـاني
وترك قلبي يرحل يا أناني
وتركني مع جروح وجداني
عايشه بأحلامي

:blush):


أدامك الله وريشتك ..
وبالنجاح والتوفيق دومًا .. يا أخي الكريم .. :rolleyes:

أمل :flowers:
محمد حموده
10-04-2004, 09:29 AM
يا سيدى ع الرقه والجمال ....
فى الصوره والخيال
والصياغه الشيك
وصوت المزازيك .. اللىعامل شغل فى الالقاء ولا اروع
:clap:

معقول .. فى ( صعايده ) بالرقه دى ؟؟!! :nanana:


صعيدى جدا
يا استاذ ..
اهلا بيك من بعد غياب
ومش هانقدر فى بعدك تانى نعيش
:flowers: :flowers: :flowers:
محمد فارس
10-04-2004, 10:07 AM
كاتب الرسالة الأصلية : محمد حموده
معقول .. فى ( صعايده ) بالرقه دى ؟؟!! :
:
تتصور اكتشفت دى مؤخرا ياحموده :brb: :brb: :brb:
بقولك ايه..خليه سر بينى وبينك

حمودة الجميل....دائما تزرع فينا البسمة و"الرقة"..ابسط ياصعيدى

000
صعيدى باشا
شفت بقى ..جبت لينا الكلام ازاى ويتهمونا بالرقة....طب اعمل ايه فيك يعنى ..، احسن حاجة ابعتلك الشيخ زورو ويشوفله حل معاك فى موضوع الرقة ده :brb: :brb: :brb:

--
بجد ..بجد
عودة قوية وجميلة وكلها حنية وتستاهل عليها التهنئة

تقديرى واحترامى
صعيدي جداً
10-04-2004, 05:30 PM
كا ن عهدنا يوم السفر
إن الرسايل كل يوم
أول سنه بوعدك وفيت
تاني سنه زادت الهموم
برساله شهري إكتفيت
قولت نعمه يا ريت تدوم
تالت سنه عدت كمان
لا حس منك .. لا خبر
بعد صبري عليك وحيرتي
جاي كمان .. قادر تلوم؟؟

يا قلبك يا أخي .. يا عينك يا جبايرك :viking: :viking:


أختي أمل .. كم سعدني إنك أول من فتح موضوعي
وأسعدني أكثر ردك الجميل المليء بالرقة والعزوبة

أدامك الله .. دائماً سبّاقة للخير


بس إيه حكاية ريشتي دي؟ إنتي مفكراني من الهنود الحمر ؟؟ :doc:















طحياتي :flowers:
صعيدي جداً
10-04-2004, 05:36 PM
الغالي محمد حموده
شكراً لمجاملتك الرقيقه جداً جداً
انا عارفه إن القصيده مش قد كده يعني .. بس أنا بكتب اللي بيجي علي بالي من غير ما افكر إن كان حلو أو وحش
ومابحبش أكتب غير شئ حاسه
وانا كنت حاسس كل كلمه بكتبها
وأظن عشان كده هي عجبتك يا غالي
وده شئ أعتز بيه جداً من كاتب جميل ورائع زيك

وعلي فكره الرقه كلها هتلاقيها في الصعيد يا حبيبي
دا الصعيد منبع الرقه والجمال

وإن شاء الله معاكم علي طول
ومش بيبعدني عنكم غير الشديد القوي


طحياتي :flowers:
صعيدي جداً
10-04-2004, 05:41 PM
أخي محمد فارس
أحلي إتهام ممكن الواحد يتهم بيه ... الرقه .
إسألني أنا .. أنا خريج حقوق وعارف الإتهامات دي كويس
الإتهام ده عقابه الوحيد حب الناس .. وردود جميله من ناس أجمل .. والعقاب بيكون مؤبد طبعاً


.. بس حلوه عوده قويه وكلها حنيه دي .. عودة كلينيكس :brb: :brb:


طحياتي :flowers:
موعوود
10-04-2004, 06:42 PM
عود أحمد ياعمنا
وزي ماقال حموده
رقه وشياكه وجمال
نورت ياريس وايوه كده عاوزين البلابل الصداحه ترجع وتضوي الواحه
تحياتي يااحلي صعيدي جدا
صعيدي جداً
10-04-2004, 08:46 PM
عود أحمد ياعمنا
وزي ماقال حموده
رقه وشياكه وجمال
نورت ياريس وايوه كده عاوزين البلابل الصداحه ترجع وتضوي الواحه
تحياتي يااحلي صعيدي جدا

بارك الله فيك يا أخي موعود
وشكراً لك وللأخ حمودة علي وصفكم الرقيق لكلماتي المتواضعة
وإلبلابل الصداحه موجوده في الواحه بوجودكم .. ولما بسيب الواحه شويه بحب أريحكم شويه من الغربان والبوووم .. :D









طحياتي :flowers:
أيمن عمر
10-05-2004, 01:20 AM
اخويا الجميل جداا

صعيدى جداا

اخونا محمد حمودة قال كل حاجةممكن نقولها

لكن حقيقى رومانسية جذابة

رائع متميز مبدع

تقبل تحيات اخوك


http://www.islamonline.net/Arabic/Science/2001/04/images/PIC1.jpg
..!!..
10-05-2004, 06:33 PM
مش عارفه ازاي في بعادك عارف يعيش
هو الحب الجميل ولا اخلاص ليه تمن؟
ولااكمن انك حنين عليه باعك من غير تمن
راجع اكيد مادام له قلب يعرف بيه يميز
يعني ايه حب بجد وايه هو اللعب



استاذنا تواجدك في القهوة قليل بس مميز واعمالك ممتعه خالص
ورقيقه جدا
شرفتنا ونورت العامي
تحياتي :flowers:
صعيدي جداً
10-06-2004, 09:08 PM
أخي ايمن
شكراً جداً لتواجدك الدائم علي صفحاتي

زي ما قولتلك قبل كده يا غالي
احنا تقريباً سجلنا في يوم واحد هنا في القهوه
وكتبنا أول مشاركتنا في يوم واحد
وعشان كده انا حاسس انك قريب مني قوي

بس طبعاً مع فرق انك استاذ كبير وانا لسه بخطو اول خطواتي












طحياتي :flowers:
أيمن عمر
10-07-2004, 12:07 AM
أخويا الرائع

صعيدى

انا لسة بتعلم وهفضل اتعلم منكم ايها الرائعون اشكرك على مجاملتك لشخصى المتواضع

وربنا يديم علينا الصداقة

وكل عام وانت بخير
lovelight
10-07-2004, 12:46 AM
طاب ياعم صعيدى


اما انتا عارف اننا ما نقدرش نعيش من غيرك



بتغيب ليييييييه؟


:chair: :chair: :chair: :chair: :chair:



ودول عشان متغبش تانى



:flowers: :flowers: :flowers: :flowers:



ودول عشان رجوعك لينا بالسلامة



منور ياباشا

د

تحياتى

ايمن
محمد حموده
10-07-2004, 03:09 PM
كاتب الرسالة الأصلية : صعيدي جداً
الغالي محمد حموده
شكراً لمجاملتك الرقيقه جداً جداً
انا عارفه إن القصيده مش قد كده يعني .. بس أنا بكتب اللي بيجي علي بالي من غير ما افكر إن كان حلو أو وحش

ده تواضع العظماء بقى ..!!!!


ومابحبش أكتب غير شئ حاسه
وانا كنت حاسس كل كلمه بكتبها

واضح طبعا..


وأظن عشان كده هي عجبتك يا غالي

جدا جدا ..


وعلي فكره الرقه كلها هتلاقيها في الصعيد يا حبيبي
دا الصعيد منبع الرقه والجمال

لأ بقى .. اسمح لى ..!!!!
لعلمك تجاربى الحياتيه مع الصعايده .. خليتنى واحد من عشاقهم ..!!
بس حكاية الرقه دى بقى ..!!! طيب منين ... ؟؟؟ وايه الأماره ... ؟؟؟
خلينى ساكت أحسن ..!!! :brb:
يمكن بس بعد ما بعضهم هاجر الى القاهره واسكندريه مثلا .. واتجنس .. وايده نعمت ..
وبقى بيقول دادى ...!!!! :brb:


طحياتي :flowers:

اهو .. مسكتك متلبس بالرقه الصعيدى ..!! ( طحياتى ) !!! :brb:


صعيدى جدا .. باحبك جدا .. :flowers: :flowers: :flowers:
صعيدي جداً
10-08-2004, 06:18 PM
اهو .. مسكتك متلبس بالرقه الصعيدى ..!! ( طحياتى ) !!!


:viking: :viking: :viking: :viking:
:chair: :chair: :chair: :chair:

هي الرقة جريمه يا جدعان؟
ما حد يفهمني


فيه قانون جديد بيخلهم يقبضوا علي كل الناس اللي عندهم رقة؟



خلاص انا ما عنديش رقة من هنا ورايح

انا عتررررررررريس
صدقوني انا عتريس
:brb: :brb: :brb:





صعيدى جدا .. باحبك جدا


القلوب عند بعضها والله يا أستاذي
صدقني من القلب للقلب رسول





طحياتي :nanana: :nanana:
gogo1
10-09-2004, 10:06 PM
عمنا صعيدي جدا

اية الحاجات الجميلة الجامدة دي

تعبيرات قوية وسلاسة في الألقاء ورمزية ناعمة وعتاب لذيذ

المهم متحرمناش منك ومن ابداعك (ورقتك )

تقبل تحياتي

:flowers: :flowers: :flowers:
رنـranimـيم
10-11-2004, 09:59 PM
الانتظار طول كتير
وأنا قلبي مش حمل البعاد
وكل طير يا حبيبي طار
بعد السفر للعش عاد
مابقتش استحمل وعود
تخلف ميعاد ووراه ميعاد
القلب فيه شب الحريق
والنار دي مابتبقاش رماد


الله ....بجد يعنى من غير اى مبالغه ولا مجامله ....السطور دى فى منتهى الجمال (والرقه) ......صعيدى جدا ....انت متهم برقة المشاعر وصدق الاحساس .....ايه رايك فى التهم المنسوبه ليك :gush: .....انصحك بعدم الانكار ...ماتخافش من تهديداتهم وخصوصا تهديدات محمد فارس وتلميحاته باستدعاء الشيخ زورو لك ...وكلام الاستاذ حموده ...والضغط عليك بكلمة (دادى ) اللى قالها علشان يستفزك وتنكر . :gush: ......واجههم وردد بينك وبين نفسك كل يوم عشرين مره (انا رقيق ...انا رقيق ) :hehe: اوعى تخليهم يهزوك وتفقد الثقه فى رقتك...
.تحياتى اخى الرائع وكل سنه وانت طيب
بجد تسلم ايدك وبلاش غياب كتير ....
الغزال الشارد
10-11-2004, 10:15 PM
ولا انت بعت الحب رخيص ؟
ونسيت مكاني وعنواني







هنا بقي يرد عليك علي الحجار ويقول لك.....




عنوان بيتنا زي ما كان.......










صعيدي..........اعلم ما يحتويه قلبك من الم........تنطق به كلماتك......






ولكن يا عزيزي........هكذا الحياه..........



هادمة للذات ومفرقه للجماعات......




وبالرغم من ذلك فقد كتب علينا ان نحياها........





تحياتي علي ابداعك وكلماتك الراقيه........



:boat: :boat: :boat: :boat:
الغزال الشارد
10-11-2004, 10:20 PM
معقول .. فى ( صعايده ) بالرقه دى ؟؟!! :nanana:


:flowers: :flowers: :flowers:



في ايه يا عم حموده.......




ما الصعايده ناس زي الفل .......




عندهم رقه وشهامه وعمم..........وعندنا شووووووم......




احترس بقي.....لحسن شومه طايشه كده وللا كده....توديك ورا الشمس......





قال الصعايده ماعندهمش رقه......





داحنا كلنا رقه........




يابني احنا اللي علمنا الرقه انها تبقي رقيقه..........




ثم ما تخبطش في الصعايده...احسن انا صعيديه ودمي حاااااااااامي قوي......




:chr17: :chr17: :chr17: :chr17: :chr17: