مشروع إنشاء أكبر موقع للجرافيك

[Amriar]

يا جمـــــــاعه
كلنا بنعمل حاجات حلوه كتير وبنحب نساعد بعضنا بس المشكله أن الحاجات دي فرديه مش جماعيه مش بنعملها مع بعض وكل مل حد بعمل حاجه أحنا ب ساللي بنشوفها
طــاب ليه ما نعملش موقع كبير يجمعنا كلنا .......
موقع كله للجرافيك والتصميمات
يجمع كل المصممين وكل المبتدئي واللي عايزين يتعلموا
الكل يساهم بكل تصميماته في كل فروع الجرافيك
وكمانيشارك بكل دروسه وكل الموارد التعليميهاللي ممكن نستفيد بيها
ونطور الموقع دايما بكل المساهمات دي
وممكن نعمل صفحات داخليه في الموقع للمصممين كأنها الصفحه الرئيسيه للمصمم ده
وكمان كلنا نشارك بالبرامج والموارد اللي بيحتاجها المصممين زي الصور والخطوط والplugins وهكذا
ومكان ممكن يكون سوق للتصميمات ومجال لتعرف الشركات العامله في المجال علي المصممين وتوفير فرص عمل للمصممين من خلال الموقع وبكده تعم الفايده علي الجميع
بالأضافه ان الموقع ممكن يقدم العون لأي واحد طالب خدمه لأن عدد القائمين عليه هايكون كبير إنشاء الله

مش هنكون احنا بس اللي بنشوف التصميمات ولا الشغل ده.....
دا العالم كله
بس ده عايز شغلتعاوني كبير قوي وكتير
من كل المهتمين
أرجو أن انتم تساعدوني وتبدأو معايا ونعمل الموقع ده عشان نعمل موقع كبييييييير قوي

الموقع مش هايكون بتاع حد بعينه انما للجميع الكل بيساهم فيه والكل بيستفيد منه




ردوا عليا بأرائكم وقولوا أنتوا معايا ولا لأ :?small:

[Simple Girl]

فكرة هايلة
أنا موافقة وهأتبرع بالتصميم كمان

[Amriar]

ربنا يبارك فيكي
وعايز الناس كلها تساهم

أنا عايز من الناس تقول رأيها وتقول معايا ولا لأ

[ابن الإسلام]

فكرة حلوة
:rolleyes:

[NOOR]

فكره حلوه :lol:

[Amriar]

أنا عايز اللي ناوي يشارك يقو ل أنه ها يشارك عشان بعمل قائمه بالناس وبعـدين ننسق الموضوع ونعمل الموقع بإذن الله



<!--EDIT|Amriar|Sep 4 2002, 02:20 AM-->

[دلع]

فكره حلوووه وروعه وكل حاجه

وانا ما عنديش مانع اشارك بالموقع بتاعي ^_^


وبأي حاجة تانيه
count me IN Amriar

:D

[m-salah72]

انا معاك واي حاجه انا تحت امركم مفيييييييييييييييييييييش مشكله خالص والفكره ممتازه جدا...
والتصميم بتاع الايادي ده انت اللي عامله اصله جمييييييييييييييييييييييييييييييل جدا جدا جدا

[shery]

انا معاكو على اد قدراتى :D
برضو count me in

[Amriar]

والله يا " تايجر" أنت قولت كل اللي أنا عايز أفوله ودا الللي أنا عايزه
التعاون والوحده لغاية مايبقي الموقع أكبر المواقع
أنا متحمس جدا للمشروع ومش عارف قد ايه الناس متحمسه للموضوع ده :?small:

وعلي العموم القائمه بقت بتضم كل من
NOOR = الإداره معاك شكل تاني

Simple Girl = مساعدتك أكيد هاتغير الموقع للأفضل

m-salah72 = أخي العزيز و فنان هايل و حاول تنشر الموضوع

دلع = وألف شكر لأن موقعك متميز جدا جدا جدا أكيد هايكون الموقع بمساعدتك خرافي

shery = أكيد مساهماتك البسيطه هاتكون فعاله

itptiger = انا كنت منتظر واحد زيك من زمان

" الترتيب حسب أولويات الموافقه "

وأيدكم معانا يا جماعه واللي متحمس يكلم غيره وغيره عشان نعمل قاعده عريضه من الناس



<!--EDIT|Amriar|Sep 5 2002, 01:55 AM-->

[Amriar]

الأخ تايجر .......
متحمس جدا ومتعاون
والدليل أنه فعلا عايز يبدأ وحط موضوع مليان باللينكات المهمه والمفيده اللي مليانه دروس
ودي واحده من مهام الموقع المقترح وبمساهمات زي دي الموقع المفروض يتم

أنا شاكر أهتمامك يا " تايجر "
وياريت الكل يهتم زي تايجر و Simple Girl

[Knight]

الناس دى كانت فين لما دعيتهم لعمل فيلم عن قضية فلسطين ؟

كل فى الأول قال هنشتغل ..

أول ما طرحت الفكرة .. اتبخروا

شوية والموضوع اتحذف -_-

[NOOR]

نايت

مش انتا اللي بقيت مشغول ;) و قلت ل الناس تنفذ الفكره

قبل كل شيئ انتا نفسك عندك مشاغل و جايز نكون كلنا متحمسين بس معندناش وقت عشان نشتغل

انا عن نفسي عندي دراسه + شغل + تعليم اضافي + شغل البيت + مشتركه في نشاطات برا البيت :)

يعني عندك انا نفسي بقالي سنه نفسي اعملي موقع و مش لاقيه وقت مع اني بعمل مواقع لشركات و كده بس مش لنفسي ابدا مش لاني مش عايزه او مش متحمسه ب العكس بس لاني مشغوله :)

على العموم الموقع ده مش حيتنفذ الا لو عندنا مدير كويس

يعني يحاول يعرف كل واحد يعمل ايه و يدي ل كل واحد مسئوليه :mellow:

بعدين لازم نتكلم جد شويه كده مش حينفع

يا اما نتجمع في المسنجر او في اي شات عام

مين للي حيدفع ثمن الاستضافه

يا ترى حد مننا عنده سيرفر

نوع الموقع حيكون ايه و حنصممه ب ايه ;) هتمل و لا بي اتش بي

نوع العمل

الفكره

الهدف من الموقع

الشروط اللي حيتم عليها قبول الاعمال ( طبعا لازم تبقى وفقا ل الشريعه الاسلاميه )

نعمل ايه لما نختلف في راي ما :)

خططنا ل الموقع

[NOOR]

طيب

مش الاول حنعمل موقعنا على فري سيرفر او موقع استضافه

دي اهم حاجه لو السيرفر موجود انا اقدر ا ركب منتدى و مجله ل الموقع على طول

و برضه جاليري عشان الكروت و كل حاجه جاهزه عندي لاني لسه عاملاها ل شركه

و ممكن اعرب كمان باقي السكربتات اللي مش متعربه بسهوله :)

ملاحظه الموقع لازم يدعم ال بي اتش بي

لو تحبوا نعمله الاول على موقع تجريبي يعني فري سيرفر ممكن قوي اديكم العنوان و تحجزوا لنا سبيس عشان ممنوع اعمل اكتر من موقع فيه و انا عندي موقع هناك

[ضحايا غرامى عددهم كتير]

الفكرة رائعة.....

أولا نور الأمورة أنت صح فى حكاية ان لازم يبقى فيه مدير أو اتنين ويكون خبرة

علشان يقدر يوزع الأدوار صح ويجتمع عنده الشغل فى الأخر قبل ما يخش السيرفر..




ثانيا السيرفر المجانى أخره 12 ميجا يعنى الموقع الى عاوزين تعملوه


هيكفيه 12 ميجا يبقى المجانى قشطه ولو مش هايكفى دوروا بقى يا حلوين


وأنا مستعد أنا وأصحابى المشاركة العال العال إن شاء الله...

[Amriar]

أيوه كده
بقي في أخد وعطا
خلاص يا شباب مافيش داعي للمشاكل دي والخناقات

الكل يجهز نفسه ويحضر كل اللي يقدر عليه من تصميمات ودروس وماشابه

والكلام بتاع الأداره كويس جدا

العبد لله هاكون المدير (لأني صاحب الفكره )
بس مدير أشراف ......
يعني في حد يكون متمكن من الكود والبرمجه هيكون مدير للبرمجه
وأخر مدير للتصميمات وهكذا

وها نعمل الموقع علي server مش ببلاش
وعندي المبرمج
وهاحجز المساحه والdomain
وهانحتاج لنور في الأداره وتنفيذ المنتدي والمجله
ولكل المصممين في تصميمات الموقع
الكلام بجد
ولازم نتقابل كلنا في شات مثلا
لأني هأعمل خطة العمل والكل يبدا
أظن كده الكلام منظم

ونبدأ بالأسم

اللي عنده أسم حلو يقترحه :?small:


وأي أستفسار راسلوني علي الميل
amriar32@hotmail.com


التفاصيل كلها عندي وجهزوا نفسكم لغايه ما نتقابل كلنا وأبعتلكم كلكم التفاصيل

[m-salah72]

خلاص انا تصميماتي كلها تحت امركم ولو عزتم تصميم للموقع برضه معنديش مشكله .....

[Faris]

الموضوع رائع يا جماعه ,, وأى شى بيكون فيه تعاون ممكن بعد كده يبقى حاجه كبيره
الناس الىّ بره بيعملوا كده ,, وكل واحد عنده حاجه بيقدمها باخلاص
المهم أى مواد تلزم للمشاركة دى أنا حاضر
يعنى مثلا __ خطوط متنوعه (( عربى انجليزى ))
-- صور متنوعه سواء كانت (( كروت ,, سياسيه ,, شخصيات ,,GIF ))
-- مواضيع متنوعه (( شعر ,, نثر ,, من كل الاشكال ))
نتمنى التوفيق للفكره دى وانها تلاقى النور (( يا نــور )) وربنا يسهل :rolleyes:

فى كمان حاجه من الناس الىّ متخصصه __ أنا عامل موقع من المواقع المجانيه
بس مش عارف أدخل عليه لغة عربيه ,, بعض الاصدقاء قالوا أنى أحمّل حاجة اسمها PERL
المهم لا عرفت فين المعلم PERL ده ولو حصلت عليه ازاى ممكن استخدمه
ياريت ما تبخلوش علينا بالمساعده { ممكن هنا } أو على الايميل :
smart8118@hotmail.com
متشـــكرين أوى أوىىىىىىىىىىىىىىىىىىىىىى

[ضحايا غرامى عددهم كتير]

كويس لحد هنا الكلام حلو بس لازم زى ما نور قالت نجتمع الأول علشان نتفق ...



1-نحدد الهدف من الموقع صح(تعليمى فقط أم تعليمى مع امكانية الأضافة أم سوف يشتمل على أفكار اخرى)...

2- نحدد مدير للموقع يكون مسئول عنه أمامنا احنا مش امام الى هيدخلوه....

3- طبعا لازم تكون التصميمات الى هانبتدى بيها الموقع على مستوى عالى وتكون منتقاة من وسط الى هيتقدم لنا من الزباين وأنا عن نفسى بيشتغل معايا 2 كمان علشان نعمل اى تصميم

[Amriar]

أبــــــــــــه يا جماعه
ما أنا قولت الكل يبدأ يجمع الحاجه ويجهزها

وأول حــــــاجه
نختــــأر أسم
الكل يقترح أسم الأول
ونختار أجمل أسم

الأسم اللي بقترحه -------- ART LAND
وزي ما قولت أنا عندي أفكار كتير وتقيسمات وخطه عمل
بس نبدأ بالأسم و اللـــــــــوجــو

وها أحط التفاصيل عن قريب

[وائل]

السلام عليكم
صراحة ربنا يوفقكم
انا ممكن استفيد من الموقع مستقبلا

بس انا مش باعرف اعمل تصميمات
او لسه ماتعلمتش قوى
انما سمعت من كلامكم

ان المبتدئين هيستفيدوا
لذا فأنا اشجعكم بقوة

اما عن الاسم فينصح باقتراح اكثر من اسم لأنه قد يكون الاسم المقترح حاليا محجوز من ذى قبل
أقترح

Graphics Team

وربنا يوفقكم

[NOOR]

اولا و قبل كل شئ نيتنا في الموقع لازم تكون خالصه ل الله سبحانه و تعالى :)

ثانيا الهدف من الموقع اعلاء كلمه الله سبحانه و تعالى في الارض و افاده المسلمين و ارضاء الله :)

طبعا دي الاهداف الرئيسيه :)


اللي ليه اعتراض يقول B)

[ضحايا غرامى عددهم كتير]

يا نور كل ده حلو بس وبعدين احنا فاهمين الى بتقوليه بس احنا عايزين تفاصيل فنية :mellow:



و انا باقترح نسميه تصميمنا Tasmemna.com ايه رأيكم.... ^_^

[NOOR]

ان عندي اعتراض على كلمه تقاليد ^_^

نص تقاليدنا غلط في غلط :D

[NOOR]

انا كمان معاك يا تيجر

بس فيه مشكله ان الفري سيرفر ممكن يتلغي و كل تعبان و شقانا يروح في مهب الريح :D

الى اميرار خلي بالك الموقع لازم يدعم ال بي اتش بي و ال اس كيو ال :) عشان نعرف نشتغل :D

[mero88]

موافق وياريت بسرعة أسرع من السرعة نفسها
وياريت برضه عند البداية حد يبعتلى على
dangerousmero20@hotmail.com

[وائل]

صح لابد ان يكون غير مخالف لتعاليم الدين

فيمنع منعا باتا الاشتراك بتصميمات بها صور نساء متبرجات لا يلتزمن الحجاب

كمان عايز اقول انها فرصة ان تكون هناك ابداعات اسلامية
غير موجودة حتى الآن فى سماء الانترنت

عايزين رموز اسلامية (لوجو + شعارات)
كلمات اسلامية

اهتمام باللغة العربية
يعنى مثلا عايزين صور نحتاجها فى تصميم صفحات فى النترنت
تبقى مكتوبة بالعربى
زى

البريد الالكترونى
رجوع
الصفحة الرئيسية

موافق (بدلا من ok)

وهكذا

[Amriar]

السلام عليكم
قولتلكم أن الموقع هايكون له إداره وكل حاجه بس ماتستعجلوش لدرجه أن أحنا مانعرفش نخطط صح
عل العموم التفاصيل قريبا جدا

أهتموا دلوقتي بالأسم واللوجو

التفاصيل شغال فيها عشان أبعتها للجميع

أهم حاجة نكون مركزين كويس ومستعدين
والأسم دي أول حاجة نشترك فيها كلنا ها نشوف التعاون بقي

ورونا التعاون

[patates]

استنو با رجاله,,,خدوني معاكو...آني جايلك يا عوضين...
فكره بس طلقه إوعي و الله و البعد عن الفول جاب نتيجه >>>حاموت وأبطله ,فكره تمام
بس عاوزين نقضي و مانكروتش و ان شاء الله نعمل حاجه مش شغل ستف له و اقلب له :shoe:
والمهم فيه حته اسمها http://www.topcities.com/ بتدي 150 ميجا فري وممكن ناخد اكتر من لوجين
وانا عليا شغل الفوتوشوب و ال 2d و ربنا يسهل وتكون فتحة خير علينا كلنا ( الفلوس حلوه برضه يا جماعه ) بس يا جماعه يعني يا ريت نراعي حكاية الليونه في التعامل يعني بأمانة ربنا ماتزودهاش في التدين علينا يا رجاله
و باكرر تاني يا جماعه مع الاحترام لاخواتنا العرب السايت ده لازم يكون مصري 100%
والاسم مثلا ممكن يكون
Egyptian Minds
egy Design
Egy art
graphicawy

و كلنا يا جماعه ورانا شغل + دراسه+دراسه خارجيه+حاجات ومشاوير وكده بالاضافه ان انا اصلا مجالي بعيد كل البعد عن الكمبيوتر بس نحاول ننجز كل يوم ع الأقل ساعه من وقتنا...
وممكن ان شاء الله لما السايت يكبر والبليه تلعب او قبل ماتلعب نتلم كلنا في يوم ونجمع من بعض واهو يبقي سايت لينا كلنا ولمصر كلها,,,,
Goooooooood luch
Herzlichen GluckWunchen
Ganbate Kudasai :h2: :h2:

[patates]

ويا احلي ناس ارجوكم ماحدش يزعل مني كلنا هنا اخوات و انا باتعامل و اتكلم علي هذا الأساس و كله علي الله,,,
أخلع انا قبل ما اتضرب :)) :rolleyes:

[NOOR]

مممممممم

يا بطاطس

يعني ايه ليونه ;) اصل الليونه اللي شايفهنا الايام دي مش ليونه دي سيحان :P

احنا مقلناش حاجه غلط

فيها ايه ان التصميمات تبقى ل الدعوه الى الله فيها ايه لو استخدمنا كلمات في تصاميمنا ناخد فيها حسنات

يعني بدال شكرا يعني جزاك الله خيرا ^_^

و كده

و يعني بلاش بنات مش محجبات في تصاميمنا و بلاش بنات من اصله يعني م الشارع كل يوم بنشوف فيه عجايب :)


بطاطس ليه مصمم ان الموقع ده بيقى مصري ميه ميه

ليه بنصر على التفرقه و يا ترى انتا عارف جنسيات كل المشتركين هنا :?small:

و هل المنتدى ده اتفتح اساسا عشان المصريين

المنتدى ده اتفتح عشان المسلمين و ارجوا ان احنا نراعي النقطه دي كويس و مفيش داعي ل الاختلاف

ايوه احنا اخوات صحيح و عشان كده انا قلت الكلام اللي فوق ده

و اتمنى ان الموضوع يتعدل و راجع الرساله الخاصه لو سمحت
:)

[patates]

بص يا كبير
اول حاجه صلي علي حضرة النبي
لا عاش و لاكان من قال انكم قلتوا حاجه غلط
بس انا راجل بيدرس و يشتغل في مجال له علاقه بمصر اوي وانا واجهتها ( والحدق يفهم )
كلنا مسلمين وموحدين بالله بس اخوانا المسيحين ع العين و الراس والف اهلا وسهلا بيهم
احنا عاوزين سايت عالمي بمعني الكلمه وانا عمري ماقلت ولا اقدر اقول مانعملش آيات فيها ذكر الله من نور وانا اول تصميم عملته كان سبحان الله لكن عمرنا وطبعا ماحنحط صور تنافي الدين او الأخلاق
وحاجه كمان انا آخر واحد في الدنيا دي كلها يعرف التفرقه انا كل اللي قصدته هو ان احنا نعمل حاجه مصريه فيها روح مصر اللي هي الهرم وخان الخليلي ومارجرجس والأزهر والحسين
الحاجات اللي اتربينا عليها كلنا كمصريين وصعب اي حد مش مصري يفهمها عشان انه بحكم الطبيعه ما اترباش فيها ماكانش اصله فرعون
و بالطريقه دي السايت ممكن يبقي عالمي يعني نقدر نعمل هرم جديد هرم مصري

ويا كبير,,, انا عمري مافكرت في جنسية او دين او شكل او اصل اي حد من اعضاء المنتدي اللي يهمني اخلاقهم وكلهم ناس ماشاء الله زي الفل
التفرقه اني افكر في ان الموقع ده للمسلمين ولا للمسيحين او السايت ده للرجاله او للستات فقط
التفرقه او الديكتاتوريه اني افرض علي حد كلامه واقوله قول كذا بدل من كذا ده كان قصدي بالليونه مش قصدي اننا نحط صور اخجل لما اي حد من عيلتي يشوفها
وكلنا عارفين فيه ايه في الشوارع بس راعي ان انت اللي بتشوفه مايجيش ربع اللي واحد زي بيشوفه بس الرك ع الانسان
وعلي فكره انا باحسب كل كلمه باقولها عشان مافيش حد يعدل عليا واو يحذف حاجه

وفي الاول والآخر كلنا عرب كلنا مصريين كلنا اخوات
وبكل اللغات اللي أعرفها
السلام عليكم
Good Bye
Aufwiedersehen
Sayona Ra

[patates]

المهم يا جماعه بعد الشبوره دي ماحدش قال رأيه في الأسامي ولا حد اقترح حاجه
وعلي فكره انا بجد متحمس جدا وياريت نبتدي وكلنا لسه متحمسين
وربنا يوفق الجميع

[d&#33;g&#33;tal]

معااااااااااااك[COLOR=green]

وفكره رائعه :D

سلام :lol:

[Amriar]

ألف بركة ......
الحمد لله أن في روح حلوه وكلنا عايزين نشتغل
بالنسبه للأسم الكل يقترح كل الأسامي اللممكنه وأنا بجمعهم وبعدين هانشوف الأسامي اللي مش محجوزه فعلا علي النت ونحطها مره واحده للإستفتاء عليها كلنا نصوت لأحسن أسم ويكون الأسم بأغلبيةالأصوات
أظن كده عدل

وشكرا لحماسة الأخ "بطاطس "
و القائمه بتزيد كل يوم ومنورها يا " d!g!tal "
وبأذن الله التفاصيل هاتتحط قريب وهاأبعتها للناس كمان

للأخت نور ما حدش يقدر يهمل الكلام بتاعك ولا يحطه علي جنب ولازم تعرفي أن كل المبادئ دي جو الواحد لأن الموقع لوخرج بطريقه ماترضيش رب العالمين يبقي بلاشه أحسن ؛ يعني مافيش حد بيعارضك
عشان كده أنا عايزك تركزي علي الشغل نفسه في الموقع وأهي فرصه أن يكون ليكي موقع
مش كده ولا أيـــــه.......

سلام

[Simple Girl]

يا جماعة أنا عندي شوية اقتراحات:
1- الموقع عايزينه يبقى مش من أبو بلوشي عشان لو ابو بلوشي والسيرفر وقع مايروحش شغلنا.
2- الموقع عايزينه عالمي بمعنى
- مايتحددش ببلد معين أنا مش مع رأي patetes في موضوع نعمله مصري عشان احنا عايزينه عالمي واللي هيدخل على الـ contact هيعرف انه مصري.
- أنا مع patates في نقطة اننا مش عايزين عنصرية بمعنى (فيه صور رجال مافيش صور للبنات)، (للمسلمين بس والمسيحيين لأ) ده هيبقى موقع عالمي يعني لو للمسلمين بس يبقى الموقع للعالم العربي بس وده غلط احنا ليه مانعملهوش للمسيحيين كمان بشرط اننا مانعملش حاجة تخالف ديننا. ونعمل كمان تصميمات اسلامية، لكن احنا مش عايزين التشدد زيادة عن اللزوم. (و أيام الرسول كانوا بتعاملوا مع اليهود في تجارتهم.
3- الموقع عايزينه يبقى اسمه فيه كلمة graphic عشان اللي يعمل search ع الكلمة دي يطلع موقعنا في البحث. وأنا الحقيقة عجبني اسم اقترحه عضو باسم graphic team
وأنا هأحاول أعمل تصميم للموقع بسرعة رغم اني عارفة ان اللي هيقدموا تصميمات بالـ photoshop هيغلبوني :( بس يكفيني شرف المحاولة :blush:

[d&#33;g&#33;tal]

سلام

انا احببت أشارك في هذا الموقع لأني عندي ثقافه عامه قويه بالجرافكس

وعندما نباشر بالمشروع انشالله... يتشوفي مني الشغل على أصوله...

كل هذا حماس :huh: :stu:

[Amriar]

السلام عليكم :
أنا شاكر الحماس ده يا جماعه

وقبل ما نعمل مجلس الأداره
نحدد الأهداف
***************************************
أولا أن كل ما يلي هو ليس تفاصيل خارجيه أو فنيه بمعني أنها مش تقسيم لشكل الموقع من الخارج أنما دي بنية المشروع التحتيه

وكل التصميمات يقصد بيها تصميمات جرافيك ومالتيميديا لكافه المجالات = للأنترنت والطباعه وعروض علي الجهاز و .... إلخ
**********************************


أهداف الموقع : (خدمات )

1- تعليمي -يعني يقدم دروس عن كل مجالات وبرامج الجرافيك والملتيميديا بطريقه مبسطه لكل الناس المبتدئين والمحترفين علي حد سواء
الدروس بالعربي والأنجليزي أن أمكن
*************************************************************----
2- التصميمات من كل الأنواع من كل البرامج ومن كل المصممين كل اللي عايز يشارك ممكن يشارك والموقع يعرض التصميمات بتاعته من المصممين المبتدئين والمحترفين وعمل تقييم دوري لكل التصميمات وأبداء النصح والتوجيه وكذلك الإدلاء بالتصويت علي هذه التصميمات وترشيح التصميمات والمصممين للعمل في إتجاه معين أو مهمه معينه وتوفير مكان للمصممين علي الموقع كصفحات داخلية تكون هي الصفحات الرئيسية للمصممين دول ودي متاحه للجميع وكذللك يكون عليها ترشيحات وتصويت وتزكيه لأفضل هذه المواقع الداخلية ليوجدمحيط من المنافسة التي تسمح بتطوير الموقع الرئيسي
*************************************************************-----
3-مصدر للموارد- بمعني أنه يوفر للمصممين كل أحتياجاتهم للتصميم من مكتبة للبرامج و مكتبة للصور ومكتبة للخطوط والplugins لكافة البرامج المستخدمةوكل مايحتاجه المصممين للتطوير وكذلك يشمل تقييم لهذة البرامج والملحقات وتنقيتها وتحديد الأفضل منها وتحليل للبرامج ومزايها وعيوبها
وكذللك السماح للجميع بأضافة البرامج والصور والملحقات والتنويه عن البرامج التي تفيد المصممين
*************************************************************-----
4- أن يكون الموقع ملتقي كل المصممين من كل الأنحاء في كل مجالات الجرافيك والتصميم مما يزيد القاعده من المصممين و تعارف المصممين ببعضهم وتظوير المجال من خلال الموقع وكذلك يتيح الفرصة للعمل الجماعي وعرض كافة القضابا التي تتم معالجاتها بشكل جماعي
*************************************************************-----
5- أن يكون الموقع نافذة للمصممين المبتدئين وتقديم العون لهم ومساعدتهم علي النهوض والتطوير وتقديم التوجيه حتي يصل للإحتراف
*************************************************************-----
6- أن يكون الموقع مجال ونافذه للمصممين للعمل وتوفير فرص للعمل للمصممين سواء فرديه أو جماعية عن طريق العرض والتوجيه لسوق العمل -بمعني- أن الموقع يكون ملتقي الشركات أو الجهات أو الأشخاص الطالبه للتصميمات والعمل في الجرافيك مع المصممين بحيث يوفر الموقع فرصة عمل للمصممين سواء لمصمم بعينه أو مهام ينفذها أكثر من مصمم وذلك عن طريق عرض "السيرة الذاتية" "CV" للمصممين ونماذج من تصميماتهم من خلال الموقع "كما ذكرت في النقطة 2 " وبهذا يكون عندنا سوق للتوظيف بس للمصممين بس
*************************************************************-----
7-الوصول بالموقع لمراتب متقدمه وسط المواقع الأخري المتخصصه ونشر الموقع وذلك لرفع مستوي مايقدم فيه ورفع المصممين من خلاله وليكون موقع متميز ومعتمدوليكون المصممين المسجلين بالموقع مبتدأين ومحترفين محل ثقه وذلك يتطلب جهد في تحديد المصممين الجيدين وترتيبهم وتزكيتهم والتأكد من جديتهم ومستواياتهم ليكون الموقع محل ثقه
*************************************************************-----
8-عمل تصميمات وملحقات جديده نابعة من الموقع وتنشر من خلاله - بمعني - أن اللي ممكن يعمل أي حاجه يقدر غيره يستخدمها يقدمها من خلال الموقع زي أن ممكن واحد يعمل تصميم لموقع فارغ من البيانات وأن الناس ممكن تستخدم التصميم ده بأي بيانات عشان يكون موقع مختلف كل مره يعني يعمل " template " لتصميمات أو خلفيات أو texturesأو خطوط هو اللي عملها أو صور تنفع أزرار لصفحات الويب"يكون هو اللي عملها" أو styles أو أي شئ مشابه كله من عمل المصمم فقط كل ده يتقدم من خلال الموقع لأكساب الموقع طابع الجدية والإحتراف زي ما أحنا بنروح نجيب حاجات زي دي من مواقع تانية
*************************************************************-----
9- أن يكون الموقع له قاعدة عريضه من المستخدمين سواء من المصصمين أو غيرهم و علي أعضاء الموق نشر الموقع ليعطيه الثقه والمصداقية
*************************************************************-----
10- أن يهتم الموقع بكل جديد في عالم التصميم والملتميديا وعرضه أو التعرض له وأن يكون مصدر للوصول لهذه التطورات
*************************************************************-----
11- بإذن الله بعد أن يكون الموقع بالحجم المناسب والمصداقية الكافية يكون مركزا لتخريج المصممين وتدريبهم وأعتمادهم -- ومين عارف يا شباب ممكن نحوله لشركه قائمه علي الأرض ولها أنشطه مختلفة ومقر معروف غير الأنترنت
************************************************** **************************************

كانت هذه هي الأهداف
والأن للتوزيع الفني للخطه المقترحة:
أن طرح الأفكار ليس في حد ذاته تنفيذ لها ولكن المهم التطبيق وتوزيع المهام -يعني أيــه ؟؟-

يعني :
أن كل واحد من اللي عايز يشارك بمجهوده مشكورا هايكون له دور محدد وهايكون واحد من الللي مسئوليين عن الموقع بشكل عام
وللتنظيم هايكون في مجموعه هي " مجلس الأداره " وباقي الأعضاء هم أعضاء متميزون ويليهم في الترتيب المراسلين ثم المستخدمين

مجلس الإدارة :
هم الأفراد اللي المفروض هايكون كل واحد منهم مسئول عن جزء من الموقع وتجميع كل الأجزاء دي يكون الموقع وده بمعني أن علي سبيا المثال "فلان "مسئول عن الدروس يبقي " فلان " ده مسئول عن أعداد الدروس وتكوينها ومراجعتها وكمان كل واحد عنده درس جاهز أو لينك يبعت الدرس ده ل " فلان " لأنه المسئول عن الجزء ده يعني كل الدروس تصب عند عم "فلان " وهو اللي يخرجها لللناس من خلال الموقع مع أعتبارية صاحب الدرس
وزي مافي للدروس في لكل جزء في الموقع


الأعضاء المتميزيين :
هم أعضاء بالموقع وهم المصممين المسجلين في الموقع والذين يبدون الرغبة في التعاون مع الموقع من خلال توفير المصادر المختلفه للعرض في الموقع من دروس وملحقات وبرامج وتصميمات وموارد وغيرها فكل يرسل ما يستطيع للمسئول عن الجزء لخاص به -- يعني في ناس ممكن تسجل أسمها في الموقع زي باق المستخدمين ويحب يشارك في الموقع فمثلا عنده درس في الفوتوشوب يقوم يبعته ل " فلان " المسؤل عن الدروس و" فلان " يراجع الدرس ويوضبه ويعرضه مع أسم اللي بعت الدرس ده

المراسلين:
هم أعضاء من كل أنحاء العالم والأقطار العربية أو غير عربية وكل منهم ينشر الموقع في المحيط اللي هو فيه وينشر التصميمات و يكون واجه الموقع للناس في المكان ده ويوفر للموقع التصميمات والملحقات والدروس من مكانه ويوفر للموقع الفرص المناسبة لنشره والتعريف بيه وعرض تصميمات المصممين في مكانه وإيجاد فرص عمل للمصممين في كل مكان في العالم وكذللك تعريف كل شركات العالم بالموقع والبحث فيه ومن خلاله عن التصميمات اللي ممكن يكونوا محتاجينها
وبرضو بإذن الله لما يكون للموقع شركه ومقر يكونوا هم الفروع بتوع الموقع في كل حته في العالم

المستخدمين :
هم المستخدمين للأنترنت والمشاهدين للموقع سواء أفراد أو شركات وهم المستفيد رقم 1 من الموقع و منهم نوجد المصممين والأعضاء المتميزين والمراسلين ونشر الموقع من خلالهم و توفير المساعده في المجال لكل من يرغب منهم


*****************************-----------------**************------------*************-
أجزاء الموقع :
قولنا أن الموقع له مجلس إداره كل واحد مسئول عن جزء ومش شرط يكون واح لوحده مسئول عن جزء ممكن أكتر من واح ويكون في تنسيق بينهم لإداره الجزء ده

الأجزاء========
وهذه الأجزاء داخلياً فقط أي هذه هي الأقسام المطلوب أن يكون أفراد مسؤلين عنها
==============

1- الدروس : دروس في كل فروع الجرافيك والملتيميديا وبمشاركات الأعضاء والمستخدمين

2-مكتبة البرامج: توفير مكتبة لبرامج التصميم والجرافيك والملتيميديا وكذلك بمشاركة الأعضاء والمستخدمين

3- مكتبة للصور والخلفيات : مكتبة تضم الصور والخلفيات وال textures الممكن أستخدامها ونشرها

4-مكتبة ملحقات: عمل مكتبة لملحقات البرامجPlugins المستخدمه في التصميمات وكذلك الخطوط وكل الملحقات الأخري

5- مكتبة التصميمات : عمل مكتبه تضم التصميمات الممكن نشرها وأستخدامها من المصممين وكذلك تصميمات الأعضاء والمستخدمين من كل فروع التصميم و الملتيميديا

6- المواقع الداخلية : الجزء الخاص بالصفحات الداخلية للمستخدمين والأعضاء واللي هاتكون صفحاتهم الرئيسيه

7- ملتقي المصممين : منتدي لإلتقاء المصممين وتبادل الخبرات وطرح القضايا و المشاكل

8- مجلة الموقع : مجله تتعرض لكل ماف ي الموقع وكل مافي عالم التصميمات والجرافيك وتشمل مقالات دوريه وعرض لأحدث ما في المجال

9- التوظيف : جزء مختص بالعرض والطلب و التنسيق بين المصممين وفرص العمل المتاحه لهم من خلال الموقع وعروض الشركاكت وكذلك عروض المصممين


توزيع الأدوار و التفاصيل الفنية والشكلية والخارجية قريبا جدا

[F.DoDo2002]

:huh:
الله الله الله
يااااااااااااااااااااسلااااااااااااام
الكحك في إيد اليتيم عجبه
ما أنا أقترحت عليكم نفس الموضوع من ثلاث أشهر ( قبل ما أسافر )
محدش عبر
الوحيد اللي رد عليا كان محمود 1308
وياريته كان بيرد دا كان بيتريق :angry:
---
طيب على العموم
كلكم تخصص فوتو شوب
كورل درو
وثري دي ماكس
طيب في حد فلاش ؟؟ :shifty:
مفيش غيري
و أعتقد معايا سيمبل جيرل
كده يبقا أنا معاكم ؟؟
أي شغلانة فلاش أنا جاهز إنشاء الله
تحياتي
^_^
dodo_flash@hotmail.com
dodo2002@dodo2002.cjb.net
صحيح إيه رأيكم في توقعي اللي تحت ده ( ثالث حاجة أعملها ببرنامج الفوتو شوب )

ربنا يستر :sweat: :sweat2:

[Simple Girl]

ايه ده ايه ده :o مين قال ان سيمبل جيرل فلاش ؟؟؟ أنا بأفكر في أفكار فلاش لكن مش بأعرف أنفذها ، أنا بأحط الفكرة والمبرمج هو اللي بينفذها . أنا تخصصي COREL فقط -_-
معلش خيبت أملك يا DoDo :(
على فكرة توقيعك حلو زعيع :D بجد والله



<!--EDIT|Simple Girl|Oct 3 2002, 07:38 PM-->

[ramyshubra]

السلام عليكم ورحمه الله
أعتقد ان انا ممكن اشارك معاك فى الموضوع ده
بس انت هاتخليه شرح ولا تدريبات ولا ايه
انا معاك فى الفوتوشوب والفلاش والدريم والفير والفرى
وشوف وانا مستنى
أونكل شبرا :D

[F.DoDo2002]

طب نور بتعرف فلاش
و سوبر نوفا
و M-salah

يرب محدش يخيب ظني
علشان ما أبقاش لوحدي :sweat: :sweat2:

[patates]

وحشتوني وحشتوني وحشتوووووني......
انا جيت,,, و سوري ع الغيبه الطويله انتو عارفين مشاغل الحياه
و باكرر انا معاكو في التصاميم وخد عندك
فوتوشوب وفلاش ودريم ويفر و فير وركس وايلاستوراتو و فري هاند
ومستنيكوم....
ومعلش يا جماعه الايام دي ايام شغل, بس ادوني اشارة البدء بس و انا معاكم
:h2: :h2: :h2: :h2:

[patates]

حاجه صغيره اوي مش قد المقام كنت عاملها لأي حد مستواه اقل من مبتدئ في الفوتوشوب
و النبي قبل الهديه :h2:
http://www.psquickreminder.8m.com/

[Ensan]

وانا كمان معاكم للــــــــــــــــأبد

[sarrasirou05]

:ura1:شكرا على الاقتراح انا مصممة جرافيك و اريد الاشتراك معكم لكن الرجاء ارشادي الى الطريقة المثلى:wink2: وشكرا

[Muslim Pharaoh]

:ura1:شكرا على الاقتراح انا مصممة جرافيك و اريد الاشتراك معكم لكن الرجاء ارشادي الى الطريقة المثلى:wink2: وشكرا

منورانا يا sara

بس الموضوع ده قديم قدم الأزل

عموما دلوجيتي في الاتيليه دوت
واي فكيره تخبط في دماغك
اقترحيها على طول
او اي عمل عاوزه تنشريه
هنا هيكون ان شاء الله مكان مناسب

ونورتي الاتيليه

[S-designer]

السلام عليكم ورحمة الله وبركاته
أحيي صاحب الفكرة الجميلة على فكرته..وأشد على أيادي الفريق..أنا عضو جديد دخلت في المنتدى لأني كنت أبحث عن تاريخ الجرافيك ووصلت ببحثي إلى موقعكم..لم يتسنى لي قراءة كافة المشاركات ولكني اكتفيت ببعض الردود التي توحي بالحماس تارة وبالفتور تارة..المهم أحببت أن أنضم إليكم إذا لم يكن لديكم مانع وأتمنى أن أعرف آخر ما توصلتم إليه ولو برسالة على إيميلي:satfa@waqff.com
أتمنى أن يكون المشروع جاد فنحن أمة كلام..وأتمنى احترام التخصص واحترام الرغبة في التعلم وليكن الإتقان شعارنا.. محبكم سليم

[Muslim Pharaoh]

تفضل اخي العزيز بقرائة المشاركه التي سبقت مشاركتك تماما

[ba7gat]

بضم صوتي لصوتكم و ايدي في اديكم

[sarrasirou05]

السلام عليكم شكرا لقبولي بينكم

[S-designer]

السلام عليكم ورحمة الله
لا جديد..حتى الآن ..أين العمل وأين التصاميم وأين الاقتراحات .. نريد همة أكبر يا شباب..فالثانية التي تمر لن تعود..والأصعب الندم على أنها فاتت..أتمنى من أخي (فرعون مسلم) أن يدلني على كيفية تحميل التصاميم على هذا المنتدى ليتسنى لنا المشاركة..وشكرا

[Muslim Pharaoh]

السلام عليكم شكرا لقبولي بينكم

العفو.... منورانا


أتمنى من أخي (فرعون مسلم) أن يدلني على كيفية تحميل التصاميم على هذا المنتدى ليتسنى لنا المشاركة..وشكرا

الموضوع بسيط.. لو الصوره محمله على موقع معين اعمل موضع جديد هنا بالضغط على زر موضوع جديد باعلى يسار المتدى
وستجد بين ادوات التحرير اداه على شكل صورة هرم... اضغط عليها وادخل رابط الصوره وانتهى الامر

لو الصوره على جهازك اختار زر التكم في المرفقات من اسفل
واضغط browse وحدد مكان الصوره على جهازك
واختار upload
حتى يتم رفع الوره واغلق النافذه سجد الصوره بالمرفقات

[S-designer]

شكرا أخي مسلم(بدون فرعون) والظاهر كنت جوعان لما كتبت الرد...فقد اختفت بعض الأحرف
أرجو أن تنظر في اسمك جيدا فكيف يلتقي فرعون ومسلم(للدعابة فقط)

[Muslim Pharaoh]

شكرا أخي مسلم(بدون فرعون) والظاهر كنت جوعان لما كتبت الرد...فقد اختفت بعض الأحرف
أرجو أن تنظر في اسمك جيدا فكيف يلتقي فرعون ومسلم(للدعابة فقط)

الكيو بورد بتاعي بعافيه شويه عشان كده في حروف بتغير رأيها وتقرر ماتظهرش!!

اما (فرعون مسلم) .... ولو ان هنا مش مكان مناقشته بس اقولك..
مين قال ان الفراعنه كلهم كانوا كفره؟؟ .... كل اللي وصلنا ان في فرعون واحد من الفراعنه اللي مانعرفش نعدهم من كترهم كان كافر وظالم وهو اللي عاصر سيدنا موسى عليه السلام

لكن عاصر الفراعنه حسب مايقول التاريخ كتير من الرسل دون مشاكل مع الحكام او الشعب المصري القديم
تذكر سيدنا إدريس وسيدنا يوسف عليهما السلام وغيرهم..... تذكر عزيز مصر الذي جعل يوسف عليه السلام من كبار الرجال في مصر وكان نبيا
أي ان هناك فراعنه مسلمون ( والاسلام هو ديانة كل الرسل كما تعلم)
يعني من النهايه.... الناس فاهمه غلط.. زي مابيلعنوا على التاتار كده حتى الان لانهم مايعرفوش انهم اسلموا بعد كده وكان منهم قواد مسلمين عظام كمان..

بس!

[واحد وخلاص]

انا ممكن اشارك بالصور

[S-designer]

مشكور أخي فرعون مسلم على ردك المقنع..وأشكرك أيضا لتعليمي وضع التصاميم ولكني لم أجد زر التحكم في المرفقات الذي قلت عنه فأين هو....؟

[بريق أمل]

السلام عليكم و رحمه الله و بركاته
الموضوع أكثر من رائع و قد قرأته كله و اتمني أن أشارك معكم فأنا و الحمد لله أعمل بالفوتوشوبو لكن خلفيات رسوم متحركه و اتمني أن أشارك معكم و لكن تاره كنت أجد حماس هائل و الناس كلها عندها دافع الي أخر الموضوع و جدت أخي فرعون مسلم يقول أن الموضوع قديم قدم الأزل ....................؟ أيعني هذا انه لا مجال للمحاوله و لا خلاص احنا فعلاً شعب جميل بنتكلم أكتر ما بنعمل .
أنا أتحمست جدا و كمان قررت أخد كورس فلاش قريب أوي علشان أقدر أساعد بس لللأسف حصلي في أخر الموضوع أحباط بس عموما أكيد في فرصه أننا نعمل حاجه و أنا معاكم
و الموقع هنا برده في أستفاده ما شاء الله هايله لأ حد محتاج يتعلم برامج بس ممكن نوسع الدايره شويه واللي بيعرف حاجه تانيه من الأخوه غير الفوتوشوب طب ما يبدأ يعملنا موضع جديد في الأتيليه و يعلمنا البرنامج اللي هو فيه متميز و في حاجه كمان لو ينفع حد من الديزينر المتميزين في عمل المواقع يشرحلنا الويب ديزينر بدأ أزاي و بنحتاج ايه علشان نقدر نعمل موقع و كمان المصطلحات اللي دارت في الموضوع ده لأن بعضها فهمته و البعض التاني مش متخصصه فيه و كان نفسي أفهم الموضوع ده و ازاي ممكن أعمل موقع في شغلي و يبقي فري و الفرق بينه و بين ان يكون بفلوس ؟ ممكن تفيدونا أفادكم الله و كمان يبقي موضوع مستقل بكل ما يتعلق بالويب ديزين ............................و انا معاكم لو جد جديد

[S-designer]

الأخ أو الأخت بريق أمل ..بارك الله بحماسك ونشكر لك مرورك ويلا معانا... كل هذه شعارات ستجدينها رد على مشاركتك يمكن لثلاث أو أربع صفحات من الآن ولكن أين الجد في المشاركات وما نهدف إليه لا نجد أي تفاعل . بالنسبة لي أحد الأخوات تراسلني على إيميلي ونتحاور حول التصاميم ونقوم بنقد أعمالنا وطلبت منها أن توسع دائرة النقاش لتتم الفائدة وخصوصا أنها من غرب الوطن العربي فإذا أحببت الانضمام إلينا فأرسل أي تصميم وخاصة أني عملت في الباكجراوند منذ فترة في بلدي الحبيب سورية وعندي إطلاع على هذه الأعمال فهيا بنا نعمل

[Muslim Pharaoh]

السلام عليكم ورحمة الله وبركاته

اختي بريق امل ردك عجبني جدا ولي عليه تعليقات كثيره وتفصيليه
هارجعله بعد شويه واعلق ان شاء الله



اخي s-designer
انا هسيب الكميوتر دلوقت وهارجع تاني كمان 3 ساعات وان شاء الله اوريلك طريقة الاضافه بالصور

تحياتي لكم

[كتكوت نافش ريشه]

فكـــــــــرة جامدة موووووت

انا معاكوا ... اي نعم مبتدئ ... بس انشاء الله مش هخرج من هنا غير وانا محترف
لان انا شايف ان المصممين الي هنا كلهم من النوع المتعاون جدا

وبجد انا انشاء الله مستمر معاكو هنا ... وانا معاك يا اميراير ...... في الفكرة الهايلة دي

[Muslim Pharaoh]

و جدت أخي فرعون مسلم يقول أن الموضوع قديم قدم الأزل ....................؟

ايوه ماهو فعلا قديم
والفكره اتنفذت فعلا
بس بطريقه مختلفه

الفكره هي القسم ده!! اتيليه دو كاتكوت
ده قسم خاص بالتصميم والفنون عامة... وهنا الواحد يقدر يشارك مصممين تانيه بآرائهم في اعماله
اتيليه بعمنى الكمه (( معرض ))


فعلاً شعب جميل بنتكلم أكتر ما بنعمل .


طيب حاولي تبدأي بنفسك وسيبك من باقي اشعب!

واللي بيعرف حاجه تانيه من الأخوه غير الفوتوشوب طب ما يبدأ يعملنا موضع جديد في الأتيليه و يعلمنا البرنامج اللي هو فيه متميز

لو بصيتي هتلاقي اول موضوع في الاتيليه هو ( دورة فوتوشوب وماكس ورسم و.. )
ده غير ان قسم دراسات حره موجوده فيه دروس كتير جدا جدا

يعني ده موجود بس حاولي تتعبي وتلفي في القسم شويه وتفتحي الموضوعات وتقلبي فيها


لو ينفع حد من الديزينر المتميزين في عمل المواقع يشرحلنا الويب ديزينر بدأ أزاي و بنحتاج ايه علشان نقدر نعمل موقع و كمان المصطلحات اللي دارت في الموضوع ده لأن بعضها فهمته و البعض التاني مش متخصصه فيه و كان نفسي أفهم الموضوع ده و ازاي ممكن أعمل موقع في شغلي و يبقي فري و الفرق بينه و بين ان يكون بفلوس ؟ ممكن تفيدونا أفادكم الله و كمان يبقي موضوع مستقل بكل ما يتعلق بالويب ديزين

دى بالذات الجزئية اللي عجبتني في الرد
ياريت نلاقي كام متحمس عاوزين يتعلموا الويب ديزاين زيك كده واحنا نشتغل ان شاء الله

[Muslim Pharaoh]

ادي زرار موضوع جديد
بيكون فوق على اليمين
http://haridy.com/ib/attachment.php?attachmentid=4109&stc=1&d=1203718524



وبعد مايفتح صفحة كتابة الموضوع تنزل تحت خالص
ادي زرار المرفقات بيكوت تحت خااااالص


http://haridy.com/ib/attachment.php?attachmentid=4110&stc=1&d=1203718557

[S-designer]

شكرا أخي فرعون مسلم..بس أنا كنت مفكر أنكم عم تدخلو مواضيعكم بنفس هذه الصفحة..معناها إذا في أي مواضيع طرحت ياليت تخبرونا أو تعطونا الروابط..وشكرا مرة أخرى

[Muslim Pharaoh]

انا مش فاهم قصدك...

ممكن توضح؟

[بريق أمل]

ايوه ماهو فعلا قديم
والفكره اتنفذت فعلا
بس بطريقه مختلفه

و الله مكنتش أعرف ,انا فعلاً عجبني الأتيليه , و معلش يا سيدي خيرها في غيرها

الفكره هي القسم ده!! اتيليه دو كاتكوت
ده قسم خاص بالتصميم والفنون عامة... وهنا الواحد يقدر يشارك مصممين تانيه بآرائهم في اعماله
اتيليه بعمنى الكمه (( معرض ))

ربنا يزيد و يبارك و أنا فعلاً شاركت في كذا موضوع و لمابدخل موضوع بقرأه من أوله لأخره و الموضوع ده بالذات هو و تعليم الديكور كانوطوال جداً بس ربنا يبارك في اللي كتبنهم كانو بجد أكتر من ممتازيين بس علشان بحب أفهم الموضوع كويس قرأت كل الصفحات كويس .علشان كده مكنتش متوقعه أن الموضوع أتنفذ و لو اني حسيت شويه انه ممكن يكون الأتيليه ساعتها متعملش .و ماشي يا سيدي ده معرض و نص و أن شاء الله اجيب فرشي و ألواني و كرسيه بالمره و ألحق مكان قبل ما اتطرد .



طيب حاولي تبدأي بنفسك وسيبك من باقي اشعب!
حــــــــــــــــــــــــــــــادر بس و الله ده كان نقد بناء ليس أكثر و عموماً ده شيء يسعدني ولو كل واحد بدأ بنفسه هنبقي كلنا في الأخر يد و احده,و لو أني حاسه أنك هتخبطني بكرسي من القهوه بس معلش نستحمل هو الفنان كده متبهدل دايماً عموماً يمكن نأخد وضعنا شويه لما يعملوا أحتفال بمناسبه مئويه كليه الفنون الجميله كمان أسبوعين ................و عجبي علي رأي صلاح جاهين



لو بصيتي هتلاقي اول موضوع في الاتيليه هو ( دورة فوتوشوب وماكس ورسم و.. )
ده غير ان قسم دراسات حره موجوده فيه دروس كتير جدا جدا

و الله بصيت
يعني ده موجود بس حاولي تتعبي وتلفي في القسم شويه وتفتحي الموضوعات وتقلبي فيها
مش عارفه انت أيه حكيتك متحامل عليا كده ليه عموما ..........الكاظمين الغيظ
أنا علي فكره لفيت و فتحت المواضيع اللي سبحان الله أشرت ليها بالظبط و يمكن تلاقيلي تعليقات هناك كمان ,بس للأسف أنا مهتمه بالفوتوشوب فلقيت الناس شرحت جزء صغنون و سكتتو ده يمكن من أسبوعين أو اكتر مكملوش للأسف أما الثري دي علي ما أتذكر أني دخلت بس بصراحه انا لسه مش مؤهله أني أبقي مركزه في الدوره دي في الوقت الحالي بحب أركز في حاجه و أتنقل بعد كده علي اللي بعده حسب أحتياجاتي و أولويايت و بصراحه محتاجه الفلاش جدااااااااااااااااااااااااا و الويب ديزيننفسي افهم الموضوع كويس .و دخلت قسم دراسات حره و شجعت الناس يعني متفتكرش أني عديت كده عابره سبيل و لا حاجه بالعكس لأني من النوع اللي بيدقق جداً و لو قدرت أضيف حاجه في الفوتوشوب ان شاء الله مش هبخل :wink2:




دى بالذات الجزئية اللي عجبتني في الرد
ياريت نلاقي كام متحمس عاوزين يتعلموا الويب ديزاين زيك كده واحنا نشتغل ان شاء الله

الجزء الوحيد اللي حسستني فيه أني بفهم كنت حاسه أني غلط في الموضوع بس أن شاء الله أستني عليا شويه كده و انا هعملكم شويه مواضيع فنيه لطيفه علشان بحب كل شيء هاند ميد زي الشغل بتاع اختنا في الله اللي كانت حرقه علي الخشب و اللي كانت هتحرق البيت من دخان الخراطيم و ربنا ستر و الرسم علي السيراميك .................علي فكره الموضوعات جميله و أن شاء الله هعملكم دوره عن عمل فني بالخيش بس جديد هجيب بس الوصله بتاعت االموبايل علشا ن أصور بالكاميرا و كمان هدلكم دوره بقه جديييييييييييده بس تبقي تساعدني في أزاي أثبت الموضوع هديكم عجينه السيراميك ............محدش بقي يغلس و يأخد أفكاري أنا بقولك أستني عليا الأسبوع ده عقبال ما اخلص شويه مذاكره و امتحانات و هتشوف بقي التفنين و ربنا يستر ما اتضربششششششششش:bud:بس أن برده مستعديه و الله المستعان .
بس مش هعفيك من موضوع الويب بجد ان محتجاه و عاوزه أعرف قبل ما ندخل عليه نذاكر أيه بالظبط يعني فوتوشوب بس ممكن و ألا معاه كمان فلاش و ألا المفروض برامج تانيه خالص علشن بس أستعدو جزاك الله خيرا ً كثير أخي في الله و بجد أوعي تكون زعلت احنا أخوه في الله :looking:بس بجد نفسي موضوع الويب ده يبقي مرتب زي فن الديكور و الفوتوشوب في جزء فيه كان دسم و فعلاً شغل محترفين الفهم فيه كان عالي و مرتب و متخصص و كوضح للمبتدئين خطوه خطوه.
السلام عليكم و رحمه الله بركاته:surrender

[Muslim Pharaoh]

عليكم السلام ورحمة الله

مشاركه فعاله جدا جدا..... وانا مش بخبط بكراسي ولا حاجه.... دنا حتى أليف..!

وماقصدش اي حاجه... بس اصلي كنت بكتب بحرقه شويه نتيجة حاجات تانيه... فيمكن ردي اتفهم انه غيظ ولا حاجه
وحكاية الكرسي اللي كنت رافعه ده مش كت ناوي احدفه.. دنا بس كنت بجيبلك كرسي علشان تقعدي عليه وتشرفينا في الاتيليه على طول!!:kap:

يعني انا مظلوم خالص:twee:

واهلا بيكي معانا ويارب نشوف مشاركات فعاله ان شاء الله:55:
اما حكاية الفلاش ان شاء الله هابئى اشوف كام درس كويسين وارسلهملك.. لان بصراحة وقتي ديق جدا على الشرح.. وهنا ممنوع المواضيع المنقوله:satan:

اما تثبيت الموضوع ده بيكو عن طريق المشرف بتاع الاتيليه هو اللي بيقدر يثبت موضوع او يلغي التثبيت
والمشرف بتاعنا ((بيقولوا متابع)):outttt: يعني لو الموضوع كويس هيتثبت ان شاء الله....

اهلا بكي مره تانيه..... وتقدري تطلبي اي مشروب على حسابــــــ(ـك) !!

[بريق أمل]

عليكم السلام ورحمة الله

مشاركه فعاله جدا جدا..... وانا مش بخبط بكراسي ولا حاجه.... دنا حتى أليف..!
ربنا يبارك فيك..........أوعي تكون بتتريق ؟ماهو باين أنك أليف
وماقصدش اي حاجه... بس اصلي كنت بكتب بحرقه شويه نتيجة حاجات تانيه... فيمكن ردي اتفهم انه غيظ ولا حاجه
و ألا يهمك أحنا كلنا أخوات في الله و لازم يكون عندنا سعه صدر:don-t_men
و ربنا يزيل همومك بأذن الله .............أستغفرو ربكم أستغفارا ينزل السماء عليكم مدراراً
وحكاية الكرسي اللي كنت رافعه ده مش كت ناوي احدفه.. دنا بس كنت بجيبلك كرسي علشان تقعدي عليه وتشرفينا في الاتيليه على طول!!:kap:
ربنا يبارك فيك و يعزك و جزاك الله خيراً علي الكرسي و أني بقالي مكان في الأتيليه:ura1:

يعني انا مظلوم خالص:twee:
امممممممممممم:mosking:طيب انا أسفه و يا بخت من بات مظلوم و لا بتش ظالم...........بجد ما كنش قصدي

واهلا بيكي معانا ويارب نشوف مشاركات فعاله ان شاء الله:55:
بأذن الله و الله المستعان
اما حكاية الفلاش ان شاء الله هابئى اشوف كام درس كويسين وارسلهملك.. لان بصراحة وقتي ديق جدا على الشرح.. وهنا ممنوع المواضيع المنقوله:satan:
خلاص أنا مستنيه و جزاك الله أأأأأأأأأأألف خير علي الأهتمام و مستنيه الدروس و ربنا يباركلك في و قتك بأذن الله و يعينك و يمكن في يوم من الأيام أتعلم الفلاش و أعلمه أنا بس عموماً ممكن بعد أذنك:rosy:لو مفهمتش نقط معينه أبقي أسأل و أن شاء الله ده هيكون بعد ما ابدأ و احاول و حاجه تقف قدامي ده لو معندكش مانع و طبعاً يكون عندك و قت و أنا في كل الأحوال متشكره جدا جدا جدا و جزاك الله خيراً

اما تثبيت الموضوع ده بيكو عن طريق المشرف بتاع الاتيليه هو اللي بيقدر يثبت موضوع او يلغي التثبيت
والمشرف بتاعنا ((بيقولوا متابع)):outttt: يعني لو الموضوع كويس هيتثبت ان شاء الله....
أن شاء الله و الغرض في النهايه أفاده المسلمين جميعا و البشر عموماً و ربنا يبارك
اهلا بكي مره تانيه..... وتقدري تطلبي اي مشروب على حسابــــــ(ـك) !!
طيبأقوم أنا بقي لحسن الحساااااب تقل و كده المرتب كله هيضيع علي المشاريب و بعدين مش هعرف أجيب ألوان أرسم بيها:close_tem
أه ................طب مجوبتنيش علي موضع الويب و البرامج ةاللي ممكن تفدني ............علشان أبدأ أتعلمها ........؟:think3:
عموماً بما انك مشغول و واضح أن الأخوه كلهم مضغوطين و أنا كمان فممكن اأجل موضوع الويب ده لحد ما أخلص الفلاش و أمتحاناتي و في ناس تانيه أعرفهم محتاجين يعرفوا تصميم الويب صايد و الله المستعان بس متنساش تقولي البرامج اللي هحتاجها علشان أعرف ماشيه صح و ألا أييييييييه:dntknw:
و جزاك الله خيرا كثيرا ملأ السماوات و الأرض و من فيهن :chr43:

[بحب السيما]

30 جيجا دروس للسينما تحت امروكوا اذا كنتم محتاجين حد بيشتغل بالعملاق سينما فور دى غير مصادر تعليمية و مواقع خامات و ملفات هيدر و غيرة و انا ممكن اتبرع بدورة دروس للمبتدثين كمان

[Muslim Pharaoh]

السلام عليكم ورحمة الله وبركاته

30 جيجا دروس للسينما تحت امروكوا اذا كنتم محتاجين حد بيشتغل بالعملاق سينما فور دى غير مصادر تعليمية و مواقع خامات و ملفات هيدر و غيرة و انا ممكن اتبرع بدورة دروس للمبتدثين كمان

ياريت تبدأ فعلا وتعمل موضوع ويكون ركن خاص بالسينما فور دي
سميه مثلا " ركن سينما فور دي "

وتحط فيه كل اللي تقدر عليه
وان شاء الله اثبت الموضوع ويبقى علامه مميزه في الأتيليه....

منتظرين جهودك بإذن الله

[مصطفى صالح]

أنا على استعداد تام للمشاركة وعلى فكرة ده شغلي يعني مش حاجة جديدة على.
وانا عن قريب ان شاء الله سأنهي موقعي عن مدينة ميونيخ بالعربية والالمانية.
ونتعاون مع بعد وعلى رأي المثل ايد على ايد تساعد.

ربنا معكم