المساعد الشخصي الرقمي

مشاهدة النسخة كاملة : بعد صمت "20" عاما00آدى مصر00للفاجومى


محمد فارس
06-22-2004, 01:01 PM
بعد صمت (20) عاما ، خرج علينا الفاجومى احمد فؤاد نجم برائعته"آدى مصر" 0
انها احدث ابداعاته وتاريخ كتابتها 1/6/2004م وقد اختص بها صحيفة "العربى" اسبوعية الحزب العربى الديمقراطى الناصرى 0



**1**
والله إن سعدنى زمانى
لأسكنك يامصر
وأبنى لى فيكى جنينه
فوق الجنينه قصر
وابعت منادى ينادى
كل يوم العصر
دى مصر جنة هنيه
للى يسطنها
واللى بنى مصر
كان فى الاصل حلوانى
***
مصر الطين
والفلاحين
والكداحين
والملاحين
والبنايين
والسقايين
والصيادين
والمنشدين
والمغرمين
والصنايعيه
مصر النخيل والنيل
والصبر فى المواويل
والغزل00والملاغية
وع البحر جمالات
بيملوا دوارقهم
عيان ياطبيب
وصفولى الدوا
ريقهم
***
محمد فارس
06-22-2004, 01:05 PM
"2"

مصر السمار والعمار
وابن إياس والجبرتى
وبدايع الزهزر
وعجايب الآثار
وحواديت الشاطر حسن
وأمنا الغولة
وسكة السلامة
وسكة الندامة
وسكة اللى يروح مايرجعش
وضرب الحبيب
زى أكل الزبيب
مايوجعش
***
مصر الحقول والبقولتلقاها فى المطبعة
در
ونوار الشعير والفول
والثورة ع المحتل
ياسعد زغلول
ثورة صعايدة ورشايدة
بحاروه وصحاروه
يهود او نصارى ومسلمانيه
بلادى بلادى بلادى
جحافا تغنى النشيد
ومشبكين الأيادى
زى السياج الحديد
ومصر صورة أميرة
موشومة على كل إيد
او ابتسامة أخيرة
على شفايف شهيد
***
محمد فارس
06-22-2004, 01:06 PM
"3"


وتصهلل المعمعة
اتنين تلاتة اربعة
تنده تقول يامدد
تلقاها فى المطبعة
درة بنات العرب
فى العقل والهندام
سنيورة
اخت القمر
موعودة بالأحلام
جابها الهوا عندنا
من صهد حر الشام
مولودة فى الحواديت
وبنت حنت حنيت
صحفية حشرية
وفنانة سياسية
وهى ذات نفسها
كلية للأعلام
وفنانين البلد
بيضربولها سلام
شوفوا البنات ياسلام
لما الوطن ينضام
الاسم فاطمة
والشهرة روزا
والروز دا احلا كلام
نظرة يابنت العرب
يامهرة العلام
***
محمد فارس
06-22-2004, 01:08 PM
"4"

وتحت السواهى
أمير الدواهى
الطفل الألهى
العجيب السمين
شبيه البسين
او مصانع ياسين
مزوق فى قلبه
عروسه لأمينه
وراسم فى عقله
أمينة لأمين
وبيحب وردة
وبيدوب فى فله
ويفطر فلافل
ويشرب فى قُله
وممكن
يتوه جوا منظر طبيعى
وممكن
يباكس حيطان المجلة
مع إنه ابن باشا
وراضع بُغاشة
ومتربى جدا
وعيب يانداشة
وماذا وإلاّ
لكن صلاح جاهين
الطفل الالهى
الخبيث اللعين
اختار يبات فى الخريف
على الرصيف بردان
عشان ماياخد شعاع الفجر
"بالأحضان"
ويبوس دموع الندى
فوق الصباح هالله
ويشوف عيون البلد
من الجحور طالّه
ويطمن الخايفين
بالضحكة والتفانين
ويغنى للعاشقين
ع الطبلة والبيانولا
***
محمد فارس
06-22-2004, 01:10 PM
"5"


ولو كنت راجع
بكبشة مواجع
نتيجة تصادم
فى حادث ترام
او هموم عائلية
او رواية غرام
وشايل فى نفسك
وضارب جهامه
وخايف تفضفض
وبالع كمامة
حتلقى ابتسامة
فى رسمة حجازى
اللئيم المرازى
ابوعيون حويطة
وانامل بسيطة
فطبعا حتنسى الهموم والمآئى
وفورا حتشبط
فى نكتة حجازى
عشان برجوازى
وعيشتك حرام
***

وللقصيدة الرائعة بقية سنوالى نشرها تباعا
موعوود
06-22-2004, 08:44 PM
انها اكثر من رائعه
فهي تاريخ في قصيده بل قصيدة تاريخ
بل انها تاريخ وجغرافيا وعلم نفس كمان
مااروع الفاجومي
ولكن علي مااظن ان القصيده كتبت من وقت سابق لأنني قرأتها من فتره
ولكن علي كل حال
شكرا ياابو الفوارس
علي هذه الوجبه الدسمه
وايه اخبار المدرسه
هي كانت فصل دراسي واحد ولاإيه
انا ممكن ان اجهز استاذ تاني وليكن الفاجومي
اذا لم يكن هناك احد جاهز كرنيم وصلاح جاهين او انت مع رامي
محتاجين للدروس دي
شكرا ياباشا
محمد فارس
06-22-2004, 10:54 PM
رائع اخى موعود فى ردودك ومتابع جيد للأحداث رغم بعدك الجغرافى عن الوطن0

القصيدة طازة اخى موعود وقد نشرت فى العدد الاخير من جريدة العربى لسان حال الحزب العربى الديمقراطى الناصرى وربما يكون قد نشر مقتطفات منها من قبل0
ومانشرته اعلاه لا يمثل سوى ثلث الجزء الاول من القصيدة وسأولى نشر المتبقى منها تباعا0

المدرسة فصول مستمرة00لكن منتظرين الطلبة تخلص علشان تتفرغ لينا وايه رأيك نخلى الفصل الجاى عليك انت يااستاذ ولما تكون جاهز ابتدى بدون احم ولا دستور0

وان شاء الله السويد تاخد البطولة ياعم

هى مش زملكاوية برضه0
الشيماء
06-23-2004, 02:38 AM
اللي نقلت واللي تابعت....
جميله فعلا يا اخ محمد.. :flowers:
محمد فارس
06-23-2004, 09:30 AM
كاتب الرسالة الأصلية : الشيماء
اللي نقلت واللي تابعت....
جميله فعلا يا اخ محمد.. :flowers:

اشكرك يادكتورة
افتقدنا تواجدك الجميل فى اكتب عامى

تحياتى والدعاء لكم جميعا بالتوفيق