[size=4][color=CC0066]فَضْفضــه...قصيده جديده..لسلسبيل...*[/color][/size]

[الحســــام]

بتكليف من المناضله سلسبيل...أنشر لكم عملها الجديد (فضفضه)...
وواضح طبعا..الحاله النفسيه لسلسبيل بسبب الامتحانات... :sniff:
دعواتكم لها يا اخوانى ...
زربنا يفك كربها... :)


خطّيت كلام ع.الورق
من بعد ما بسمّى
ورميت حمول الوجع
ونسيت أشيل همّى
خلصت سنين الاسى؟
الجرح قال : لسّه.
كشكول آمالى اتسرق
والحبر كان دمّى...

وعجبــــى...


:cry: :cry: :cry: :cry: :cry:

[رشا عبد الرازق]

الله الله يا سوسو يا عيني عليكي يا صغنن :brb:


سيبك يا جميل المبدع مبدع والعبقري عبقري حتى لو كان مزنوق في زجاجة الثانوية العامه



انتي صعبانه عليه بس بردو جمال الكلام

لا جمال ايه

روعة الكلام خلتني أضحك من قلبي وشوقي ليكي ولكلامك يملاني

هانت يا ست البنات هانت ان شاء الله وترجعي وتنوري مكانك

بيتهيقلي انك هتاخدي النت معاكي في الاجازه حتى في الاحلام من كتر اللي انتي شفتيه :D


وحشتينا يا سلسبيل بجد :inlove:

[dorbaga]

السلام عليكم ورحمة الله وبركاتة,,,



ايام صحيح يا شديد الاخت سلسبيل دي قدها وانا معتمد على الله ثم عليها انها ح تكون اخر دورة للثانوية العامة وبعد كدا ح يلغو النظام البائس يمكن يلغو التعليم


اكيد انتم مستغربين طب لية كدا بس خدولكم بصة على مواضيع سيباوية وارخنميدس بتوع سلسبيل الى مطلعة عين ابن خلدون وميتران بتاع الفرنساوي فيهم والبقاء لله

جميل يا سلسبيل :flowers:

اخوكم الحكواتي :55:

[رنـranimـيم]

يالهوى ياسلسبيل . :blink: ....ماكنتش ثانويه عامه دى ....امال لو قلنالك روحى حاربى فى الشيشان ولا فلسطين كنتى عاملتى ايه ....شغلانة ايه دى
...جبتيلى اكتئاب ...العمر راح يارنيم ...العمر راح يارنيم ....ارحمينى انا كل مانسى العمر افتكر الكلمتين بتوعك دول اكتئب...

سلسبيل حلو الكلام اللى انتى كتباه من خلف الجدار العازل ده ...رابضى وجاهدى النضال ياسلسبيل النضال ...انا سامعه انك طالبه منهم يبقوا يخلوا سعيده :lolly: تستناكى بالكومبيوتر على باب المدرسه اخر يوم .... :clap: ....وحاجات كتير وعدتيهم ـ زى كل سنه ـ انك حتعمليها لما تخلصى بتبقى بس لحظات الضمير فيها بيصحى :idea: لحظات من الشفافيه والسمو :ballon: . :واه يابوي .. لكن .. :D :D ....ابقى قابلينى لو عملتى حاجه من اللى وعدتيهم بيها ....ياللا ياسلسبيل ان شاء الله تخلصى على خير ...امال مين اللى حيذاكر ويبدا المذاكره بعد اسبوعين علشان تالته ثانوى ولا انتى فاكره انك خلصتى :brb: :brb: :brb: :brb: :clap:

[موعوود]

كاتب الرسالة الأصلية : الحســــام [/i]


خطّيت كلام ع.الورق
من بعد ما بسمّى
ورميت حمول الوجع
ونسيت أشيل همّى
خلصت سنين الاسى؟
الجرح قال : لسّه.
كشكول آمالى اتسرق
والحبر كان دمّى...

وعجبــــى
نطق الورق بكلام
ينفع غُنا ومواويل
قال الهموم تنشال
ويابنتي شدي الحيل
لسه السنين قدام
والعمر جاي طويل
وتلاقي كشكول أمالك
اللي اتسرق ياجميل
كلمه وهاقولهالك
بكره اللي جاي احلي
والشمس بكره تبان
مهما يطول الليل
:bb: :bb: :bb: :bb:
بالنجاح والتوفيق
يارب

[رنـranimـيم]

والشمس بكره تبان مهما يطول الليل

فيه ايه ياجماع ماتصلوا على النبى ...هى سلسبيل فين :انجغة: ؟؟؟؟ انتوا حتخلونى اعيط :cry: ...انتوا بتضحكوا عليا وبتقولولى انها بتمتحن ؟؟؟؟....
موعود انت شكلك عارف حاجه !!!......سلسبيل :انجغة: كويسه ؟؟ طيب حتخرج امتى :blink: ؟؟؟ قصدى حتخلص امتى :واه يابوي ...؟؟؟:clap:

[rose2]

:brb: :brb: :brb: :brb:

البنت دى بتبعد العين :55:
طيب يا ستى مش هنحسدك علي الميه و واحد الي هتجبيهم :crazyy:
بس يلا شدى حيلك ..
علشان بعد دا كله
هيبقى منظرك وحش أوى أوى أوى لو لا قدر الله جبتي ميه و نص بس B)
وحشـــــانى
:flowers:

[محمد فارس]

انا بصراحة كنت داخل اشوف حاجة ع السريع ، بس لمحت اسم د0حسام واسم د0سلسبيل"ان شاء الله " فلقيت نفسى بخبط على الكيبود تلقائى بالمداخلة النص كم دى0

بالتوفيق ياسلسبيل ومن المتفوقين دائما بإذن الله




شوفوا النخيل لمـا 00تطرح سباطاته
اللى يقول عايز 00واللى يقول هاتو00
يتعب ويطلعله 00ياخد احتياطاته
جنى البلح بالجهد00دىّ اشتراطاته

[جارة القمر]

خطّيت كلام ع.الورق
من بعد ما بسمّى
ورميت حمول الوجع
ونسيت أشيل همّى
خلصت سنين الاسى؟
الجرح قال : لسّه.
كشكول آمالى اتسرق
والحبر كان دمّى...

وعجبــــى...






لو كانت الثانوية العامشة بتخلى الناس تكتب روائع كده كنت دخلتها من تانى
انت مش معقولة يا سوسوههههههههههههههههه
الحبر كان دمى ...............
يا بنتى هى الثانوية دى بتسيب فيك نقطة دم واحدة
كويس انهم سرقوا كشكول الامال كنت هتكتبى بايه؟؟؟؟؟؟؟؟؟؟؟؟؟؟
رميت حمول الوجع
ونسيت اشيل همى................

طب اكتر من كده شيل هم يبقى ايه بس؟

يا حبيبتى انت لسه صغنونة اوى على شيل الهم ده
هو صحيح شيل الهم بيمتعنا بروائعك الجميلة دى
بس خلى شوية من صحتك واعصابك لبعد كده

شكرا يا حسام على المشاركة الرائعة دى
وكلنا بندعى لها ربنا يفك اسرها
ويقرج كربها
ويزيح همها

[سلسبـيل]

اخي العزيز حسام
مش عارفه ازاي اشكرك علي انك نزلت الموضوع
ماتتصورشي دا رفع من معنوياتي اد ايه

اخوتي الاعزاء

رشا
الحكواتي
رنيم
موعود
روز
استاذي محمد فارس
جارة القمر

الاسماء حسب الظهور علي المسرح :D

انتظروني


خاصه انتي يا رنيم :crazyy: :crazyy: :crazyy:
حانام بس عشان بقالي شهور مانمتش بتركيز









ولي عودة بعد الفاصل ان شاء الله

[محمد فارس]

مش ملاحظين حاجة ياجماعة

ظهور سلسبيل تزامن مع تسليم صدام لسلطة الحكم فى العراق لمحاكمته 0

سلسبيل00
هو تسليم صدام كان شرطك الاساسى للظهور0
لو نعرف كدا كنا سلمناهم شبيه من اشباه صدام0

00000000
حمدا لله على السلامة وان شاءالله موفقة انت وامثالك0
واكتب عامى فى انتظارابداعاتك 0

تحياتى

[سلسبـيل]

كاتب الرسالة الأصلية : rasha
الله الله يا سوسو يا عيني عليكي يا صغنن :brb:

رشروش
ازيك

سيبك يا جميل المبدع مبدع والعبقري عبقري حتى لو كان مزنوق في زجاجة الثانوية العامه

والله تصوري
ان الثانويه العامه ليها فضل برضه ان انا كتبت قصايد كويسه
دانا من ساعه مااخدت الاجازة مش عارفه اكتب حرف :واه يابوي

انتي صعبانه عليه بس بردو جمال الكلام

لا جمال ايه

روعة الكلام خلتني أضحك من قلبي وشوقي ليكي ولكلامك يملاني
ربنا يخليك يافندم :doctor:

هانت يا ست البنات هانت ان شاء الله وترجعي وتنوري مكانك
دانا نورك يا جينيرال

بيتهيقلي انك هتاخدي النت معاكي في الاجازه حتى في الاحلام من كتر اللي انتي شفتيه :D
وانا بيتهيقلي برضه ان انا اتضحك عليا يا سعاده الباشا :crazyy: :crazyy: :chair:
عشان المكان اللي انا باقضي فيه الاجازة مافيهوش نت :cry:
الا في السايبر :واه يابوي
وانا لو دخلت السايبر يوميا :angry:
يبقي اسمه خراب بيوت يا فندم :chair:

مش انتو بصيتولي ف القعده عالنت واستريحتو ياختي :crazyy: :crazyy:
يبقي ازاي حاقعد

خلاص

وحشتينا يا سلسبيل بجد
ماتشوفوش وحش يا جميل
وانتو كمان وحشتوني اكتر
:inlove: