10 جنيه

[أحمد رحمي]

السلام عليكم
أخوتى فى الله عايز أستشيركوا فى موضوع
النهاردة الصبح كنت بدفع قسط الشقة فى البنك فوالدتى سابتى لى سبعين جنيه و القسط أساسا 58 .جميل و بصيت فى الفلوس كانت ورقة بخمسين وورقة بعشرين .تمام مركزين معايا ؟!
المهم رحت البنك طلعت الفلوس من المحفظة زى ماهما 70 جنيه و أديتهم للراجل ,المفروض يرجعلى كام؟؟؟؟؟؟؟؟؟؟؟؟؟؟؟12 جنيه ,لقيته بيدينى 2 جنيه فقلتله ناقص كده 10 جنيه ,لإنى مديك 70 جنيه قالى لأ إنت مدينى 60 بس :angry: :angry: :angry: قلتله أنا متأكد و أنا فعلا متأكد إنى مديله 70
المهم لقيت واحد من ورايا بيقولى أيوه صح إنت مديله 60 بس أنا كنت شايف :angry: :angry: :angry: فطبعا مقدرتش أتكلم لأنى معيش دليل و فيه شاهد :closeeye: :closeeye: :closeeye: فخرجت من النك و أنا أجر أذيال الخيبة :( :( :( و عمال فى سرى أشتم فيهم و بعديها هديت شوية و أستغفرت ربنا و إحتسبت.بس أنا هتجنن بأولع أنا متأكد من نفسى .
فالسؤال دلوقتى إنتوا لو مكانى تعملوا إيه و حضرة النبى صلى الله عليه و سلم كان بيعمل إيه لما يتهضم حقه بالطريقة دى غير الإحتساب طبعا .
و يا ريت تردوا عليا بأى رد لإنى لو محدش هدانى إحتمال أروح أفجر البنك ده بكره .>< .>< أو أقله أقتل الصراف :ph34r: :ph34r: :ph34r: وجزاكم الله خيرا و السلام عليكم

[زلابيا]

:angry: :angry: :angry:
بص فى الغالب امثال هؤلاء الموظفين فى الغالب بيكونوا للاسف معتادين على مثل تلك المواقف ومش بعيد حد قبلك يكون اشتكى وبالتالى كلامك هيكون له بعض المصداقيه
انت بقى كنت تهلل لهم فى البنك وتطلب حضور المدير وتقول انك بتتسرق عينى عينك فى البنك عشان العالم دى فى الغالب بتكون جبانه وبتخاف من الشوشره :angry:
بس الصراحه انا لو مكانك احتمال انى اعمل اللى باقول عليه ده بنسبة عشره فى الميه لانى باحتاج ضغط كبير جدا عشان ازعق :angry: بس ده اللى مفروض يتعمل :angry:



<!--EDIT|زلابيا|Aug 26 2002, 02:44 PM-->

[أحمد رحمي]

السلام عليكم
الصراحة كنت هاعمل كده بس للأسف أنا بمسك أعصابى بصعوبة فلو كنت سبتها عليه كنت هاكله و مش بعيد كنت أعوره ,بس بردوا أنا عايز أعرف اللى أنا عملته ده غلط يعنى ؟؟؟؟؟؟؟؟؟؟؟؟؟!!!!!!!!!!!!!!!
أصل والدتى لما حكتلها إتخانقت معايا و قالتلى إنى سلبى ,هوا أنا كده أبقى سلبى ؟؟؟؟؟؟؟؟؟؟
أنا بس كنت بحاول أحافظ على دينى !!!!!!!!!!!!!!!!!!!!!!!!!!!!!!!
لأنى لو كنت سبت نفسى للغضب كنت هأفقد حاجات كتير أوى ؟؟؟؟؟؟؟؟؟؟؟؟؟؟؟
أرجو الإفا :( :( :( :( :( :( :( :( :( :( دة؟

[osos.bg]

جزاك الله خيرا على تمالك اعصابك
بصراحة انا لو كنت مكانك كنت اكلته
بس افتكر حديث النبى "ليس الشديد بالسرعة ولكن الشديد من يملك نفسه عند الغضب"
ياريت بس تفهم والدتك الموضوع ده
وربنا يثبتك ويخلف عليك

[أحمد رحمي]

السلام عليكم
جزاك الله خير أخى osos.bg بس المشكلة إنى إتمالكت أعصابى مع الراجل بس مع أمى مقدرتش لأنها قعدت تقولى إنت عيل و مش أد المسئولية و سلبى و و و و و ..................وأختى كانت فى صفها و بالتالى أنا إتنرفزت و رزعت الباب و نزلت يعنى أنا فى الشارع دلوقتى فى نت كافيه و مش عارف أعمل إيه لو رجعت هأفقد أعصابى جامد :unsure: :unsure: :unsure:
و الشيطان بيقولى أقعدلك كام يوم برا يا بنى لغاية ما يعرفوا قيمتك!!!!!!!!!!!!!!!!!!!!!!!!!!!1 -_- -_- -_- فانا مستنلى صلاة المغرب و بعدها هأشوف بس عايز رأيكوا بردوا :?small: :?small: :?small: :?small: :?small:

[حبوبة]

يا بخت من بات مظلوم ولاباتش ظالم :unsure:
ولسوف يعوضك الله
بس انا لدى استفسار :?small:
يا ترى فين الشقة دى اللى قسطها 58جنيه :exec: :exec: :exec: :exec:
لانى بقالى سنة بدور على شقة والاسعار :ohmy: :blink: :angry:

[مجاهد انا]

السلام عليكم :)
بصرة والله يا احمد مواقف كتيرة بكتم فيها الغضب و اتبهدل في البيت ..
بس انك تسيب البيت لالالا بلاش دي :)
حاول تهديهم او ادخل اوضتك على طول و متكلمش حد ..
وان شاء الله لو الراجل ده فعلا سرق العشرة بقصده .. ربنا هينتصرلك ..
ولا تهنوا ولاتحزنوا وانتم الاعلون ان كنتم مؤمنين ..

بس افتكر حديث النبى "ليس الشديد بالسرعة ولكن الشديد من يملك نفسه عند الغضب"
حلوة منك يا osos.bg :) :)

والسلام عليكم ورحمة الله وبركاته :)

[أم العيــــــال]

:woot: فكره :woot:

^_^ اديني 10 جنيه الاول وانا اقولهالك...... :lol: :lol: :lol:


يعم فكها بقى0 1 جنيه ايه فداك و فدا طنط يا سيدي و اللي يجي في الريش ايه........هاه .......ايوه

بقشيش...... :rolleyes:


انت تروح لحد واحد بتاع ورد و تدخل على طنط بورده حلوه كده زيها......و قبل ما تفتح الباب تقول"اللهم

افتح بيننا وبين قومنا بالحق وانت الفتاح العليم" :)

تدخل تبوس راسها وتراضيها..... :wub: و بعدين تكونوا لوحدكم.....و تقولها انت ليه زعلت وتقولها انت لو مكاني تعملي ايه ده فيه شهود ....و بعدين يا احمد جلى من لا يسهو يمكن يكون احتمال ولو ضعيف اتهيالك ان الفلوس صح وهي مش صح...... :hehe:

[امير البحار]

السلام عليكم


يا عم احمد هو اللى حياخد ذنب انت كويس انك تملكت اعصابك


وبعدين فداك


عارف الموقف ده حصل معايا قبل كده بس مكنش فى بنك كنت رايح اشترى كارت موبيل وقالى انت ادتنى 100 جنيه بس مع انى مديله 110 والله

بس انت سامح فيهم
ومش مهم يا عم المهم انك تاخد الشقة والف مبروك عليك الشقة ياعم حد طايل شقة ب 10 جنيه :D

[نفرتارى]

امممممم

فعلا فين الشقه ديه؟؟؟؟

طب ما عليناااا00شوف انا حصل لى الموقف ده قبل كده بس مش بتخانق خالص00اولا لانى بشكك نفسى على طول و اقول لا يمكن اسرق حد00يعنى اقولها مره لو قال لا انتى اديتينى كذا مش بتناقش 00لانه لو هوا حرامى و بيقبل فلوس حرام على نفسه00 و لو انا غلطانه يبقى مسرقش حد00دى نقطه00

النقطه التانيه و الى بتحصل لى دايما معرفش ليه00ان انا اخد فلوس زياده00اه و الله00او مثلا يحاسبنى يقول لى كذا و انا اصلا احب اجمع فى دماغى و اشوف انا اسرع و لا الكالكيلاتور -مرض نفسى الظاهر-
المهم اقول له لا غلط حضرتك و الى قدامى يتعصب اقوم بسرعه اقول له المفروض اكتر00انت ليك فلوس00يا ما خدت هدايا ع الحركه ديه00

نقطه الى وراه انا عارفه طوابير البنك يا تايجر 00ده لو اداله ايه هقف مع الصراف عشان يمشيه و اخلص انا00 :blush:

يا احمد اعقل و اهدى و متسيبش البيت00ايه الكلام ده؟؟ و فين الالتزام و طاعه الام؟؟؟ كل ده اتنسى فى لحظه غضب؟؟

[نفرتارى]

و بعدين افتكر كويس قبل ما تروح البنك مفكتش ال 20 جنيه؟؟ يعنى عند كشك السجاير؟؟محطه البنزين؟؟اعصر زناد فكرك 00

عموما ارجع و اقول مفيش حاجه اسمها تسيب البيت كام يوم00معندناش ولاد فى القهوه يباتوا بره00اظن كلامى واضح للكل00لما نبقى نسلمكو لمراتاتكو بس لكن غير كده تباتوا عند طنط و اونكل ماماهاتكو و باباهاتكو00

اوكى؟؟

[امير البحار]

اه صحيح احمد اوووووووووووووووووووووعى تسيب البيت ده كلام يا راجل انت اقوى من كده

[eldoctor]

الموضوع ده حصل معايا هنا فى الكويت بس انا طلعت اجدع منك .. اتخانقت و زعقت و قفلوا المحل و جردوا درج الكاشير و سبحان الله طلع عليه عجز بمبلغ اكبر من اللى خده منى .. (وفى الاخر مخدتش حاجة ) و ااحتسبتهم عند الله .. طيب حاعمل ايه؟؟؟
بس سيبك انت المهم انى عملتلهم دوشة امال امشى و خلاص .. و المصيبة ان الكاشير يحلف و انا اقوله ماتحلفش انا متأكد .. يقولى طالما انت مش بتحلف (ده أنا ..) يبقى انت عارف انك غلطان ...
ناس لا مؤاخذة تندب فى عينها رصاصة...

[أحمد رحمي]

السلام عليكم
يااه أنا هعيط و الله يا جماعة :waa: :waa: :waa: :waa:
إيه ده معقولة فى ناس كده :sniff: :sniff: :sniff:
إنتوا طيبين أوى يا جماعة و أنا بشكركم جدا جدا جدا على إهتمامكم و باحمد ربنا إنى أعرف ناس زيكوا :( :( :( بس................................................ ....




مش عارف أنا رجعت البيت -_- -_- و متكلمتش مع حد <_< <_< و نزلت تانى بعد شوية من غير بردوا ما قول حاجة لحد بس مش عارف أعمل إيه بعد كده. :?small: :?small: :?small:


عامة أنا شاكر ليكوا جدا و أنا فعلا كنت هقعد كام يوم بره بس كلامك ريحنى و الله و إنشاء الله هاعمل بنصيحة أم العيال(ما هى أم بقى و فاهمة فى الحاجات دى) و هأحاول أصلح الموضوع .
بس أنا متأكد يا جماعة 200%إنهم كانوا 20 مش 10 :angry: :angry: :angry: بس ما علينا ربنا يسامحه ولو أنى كنت ناوى أفجر البنك بكرة بس يلا حتى المتفجرات غليت اليومين دول :D :D
وعلى فكرة علشان الحسد بس :P :P :P دى مش شقتى دى الشقة بتاعت العائلة و بقالها 3ألاف سنة علشان كده ب58 جنيه :exec:
و الله يا جماعة جزاااااااااااااااااااااااااااااااكم الله خيرا و إنى أحبكم جميعا فى الله
والسلام عليكم

[امير البحار]

حسد ايه يا حماده ربنا يبارك لصاحبه ان شاء الله وعقبالك


واحنا كمان بنحبك :D

[نفرتارى]

الحمد لله انك عقلت و عدت الى منزلك بسلام00هوا تاثير التوتى فروتى الى بتتعاطوه00 ^_^

[أحمد رحمي]

الله الله الله وإنتى عرفتى موضوع التوتى فروتى ده منين :huh: :huh: :huh:
إيه ردالة هو فى دواسيس بينا و لا إيه مش إحنا إتفقنا الموضوع يبقى فى السكرتة :o :angry: :?small: :?small:

[مسلم أنا]

السلام عليكم و رحمة الله و بركاته
اخى العزيز أحمد
بقى يا عم اسيبك من امبارح الاقيك عامل خناقة كدة ..... كدة برضه يا راجل مش معقول الكلام ده
انت بتتكلم على العشرة جنيه اللى ضاعت منك
طيب اذا كنا احنا قبل ما نقوم مدين الراجل بقشيش الف جنيه
و فى مطعم مكسيم كنا سايبين 5 الاف استرلينى زيادة على المبلغ المطلوب
فمجتش على 10 جنيه يا راجل :lol: :lol: :lol:
بهزر محدش يفتكر الكلام ده صح دول كانوا 500 جنيه بقشيش بس
المهم فى مثل هذا الموقف الذى كنت فيه اقصد موقف الغضب و ليس موقف السرقة فالسرقة تتم كل يوم غصب عنك فى كل مكان
احكيلك على مثل
النهاردة الاثنين كنت رايح بخلص حاجة من ورق الجيش اسمها الفيش العسكرى و دى لازم عليها امضاء ممن يدعى شيخ الحارة علشان ياكد انك بالفعل من سكان المنطقة التابع لها القسم مش لا سمح الله متبلى عليهم و جاى من منطقة تانية و بتتبل على القسم ده
المهم الاخ ده علشان يمضيلك على الورقة يروح قايلك بكل بجاحة شخشخ جيبك و اللى ميدفعش يقولوا طيب خليك على جنب لغاية ما اسال عنك و السؤال ده ممكن يتم السنة الجاية يعنى بعد ما يفوت ميعاد التقديم و تضيع عليك دفعة و احتما ليجوا يقبضوا عليك باعتبارك هارب من التجنيد و كله بسبب انك مشخشختش جيبك
المهم شفته بيعمل كدة مع اللى كانوا قبليا قمت مطلع المبلغ المطلوب من جيبى و هو 3 جنيه و كاتب على كل واحد فيهم مش مسامح
بعد كدة اديتهلمه بكل براءة و باحتسب اجرى عند الله و اللى يغيظك ان الاخ فى دماغه زبيبة اد الكف تقتل مية و الف و الطاقيه على دماغه و السبحة فى ايده و دلوقت بس عرفت هما بيجيبوا النماذج اللى بيجبوها فى الافلام دى منين منهم نفسهم
بالنسبة بقى للغضب فمكنتش تغضب يا اخى الفاضل و كل اللى كان عليك هو انك تتوضأ و تصلى ركعتين لله ثم تروح تبوس على راس والدتك و تقولها انك هتاخد بالك بعد كدة و ان الواحد مبيتعلمش ببلاش
بيتعلم ب 10 جنيه :P :P
اخوكم فى الله

[فلفل حـار]

مرحبا يا أحمد..



عايز أقولك إن حقك اللي عند الراجل راح وربنا يعوض عليك ويحاسبه لو كان آصد ياخدها

لكن رضى أمك عليك ماراحش..

ببساطة ممكن تقولها إنك فكيت العشرين في محل أبل ماتروح للبنك ونسيت الباقي في جيبك
وماكنتش عارف عنها.
أو
إنك بعد يومين كده تقولها إنك رحت للبنك تسدد (أي فاتورة) والراجل اللي لطش ال10 منك
إفتكرك ولحقك وآلك إنو كان غلطان في الحساب وإداك ال10



وكده أمك تنبسط منك .. أما الراجل فحسابه عند ربنا.

[نفرتارى]

:lol: هوا مسلم انا اصلا يعنى من بورسعيد؟؟؟ ابو العربى بشكللللللل00

المهم قال بقشيش قال00اروح و اسال؟؟؟ ده انتوا تلاقيكو قعدتو تلمو من بعض و حاجه تكسف00


يا فلفل بلاش يكدب على مامته00ببساطه كده يحتسب و يروح يبوس راسها و يقول لها ان الموضوع ده هيخليه يعيد النظر فى مواقفه 00مش انا قابلته و انا بدفع وصل النور و الكلام ده00اقول ايه؟؟ الولاااااااد

مسلم حلوه مش مسامح ديه لو وصلنى جنيه منهم هبعتهولك00و اى حد يا جماعه يوصله يرجعه لحسن محفظته تولع بالجنيه00 :P

[أحمد رحمي]

السلام عليكم
والله يا جماعة بكرر تانى إن ربنا يخليكوا ليا أنا الحمد لله صالحت الحاجة و بقينا سمن على عسل دلوقتى (الإ صحيح هوا إيه علاقة السمن بالعسل؟؟؟؟؟)والمواضيع بقت بريفكس و على فكرة يا أخ- مسلم أنا- أنا عايش حوار الجيش ده دلوقتى و أبشرك إنك هتعيييييييييييش أجمل أيام حياتك .>< .>< .>< و إنت بتعمل أى حاجة بخصوصه حتى لو إعفاء زى <_< وجزاك الله خير على إهتمامك يا سيدى















أه ه ه ه ه ه


نسيت








البقشيش كان 400 جنيه بس مش 500 علشان منبقاش بنكدب :P :P :P :D

والسلام عيكم



<!--EDIT|ahmedrahme|Aug 28 2002, 01:40 AM-->