الشهق :واه يابوي فى الملوخية وانت بتطشى التقليه [الأرشيف]

العنتيل الدامد جوووى

04-21-2004, 01:10 AM

حبايبنا الحلوين

موضوع حلقتنا النهاردة..

عن

مغامرات الطبخ العالمية

كل واحد وواحده فينا ليه مغمرات فى المطبخ لاتنسى

ومواقف كوميديا :)

مأساوية :فتكوا بعا

وتراجيدية مبكية :cry:

انا ح بدا بمغامراتى التى لاانساها ابدا

اولا اخوكم لايفقه شى عن المطبخ

اكتر من ان الحنفيه بتنزل ميه تحطيه فى البراد تطلع شاى

فى اول غربتى كلت من كل مطاعم الوطن العربى

كلت فى بعض الاحيان اكل لااعرف مكوناته

واخيرا قررت :thinky:

انى اخوض التجربة :knight:

قعدت افكر ايه اسهل اكلة ممكن عملها

خدت القرار ان اكل سمك ((او سمش بالخليجى ))

رحت السوق واشتريت افخم انواع السمك ونظفته فى السوق وخليته قشطة:clap:

وقررت انى كل سمك مقلى بالعيش لان الرز ده تجربة آخرى ح احكيها لكم لاحقا

تبلة السمك بالكمون والبهارت وكل التوابل حطيتها عليها:woow:

وحطيت الزيت فى الطاسة وحطيت السمك

وفجاة:surrender

السمك لازق فى الطاسة ومش راضى يطلع:shock: اشد فى السمك ابدا

يانهار كحلى فيه ايه:duh: السمك بايظ ولا ايه

كنت حتجنن اتصلت باولى الامر
قالولى :

انت حطيت دقيق مونديووو

حلم

04-21-2004, 05:30 AM

بسم الله الرحمن الرحيم:

اخى العنتيل الدامد جوووى:
انت حطيت دقيق
:brb:
ضحكتنى والله رغم انى حالتى :sniff:

بالمناسبة متعرفشى ايه حكاية شهقة الملوخية ديه:thinky:
اصلى نفسى اعرف

*******
وحتى نلتقى فى ظل عرش الرحمن..
فى امان الله:flowers:

العنتيل الدامد جوووى

04-21-2004, 03:13 PM

الاخت حلم

ربنا :brb: ويبعد عنك :sniff:

بالمناسبة متعرفشى ايه حكاية شهقة الملوخية ديه

جارى البحث :knight:

فى جوووجل

ياريت تحطى لينا مغامرة مطبخية ولو صغيرة اصل مش معقول

متكونيش عملت مغامرة :dry:

وحتى نلتقى فى ظل عرش الرحمن..

امــــــــــــــــــــــين

إبرة مصدية

04-22-2004, 03:01 PM

خدت القرار ان اكل سمك ((او سمش بالخليجى ))

:brb::brb::brb:

وقررت انى كل سمك مقلى بالعيش لان الرز ده تجربة آخرى ح احكيها لكم لاحقا

:blink: سمك بالعيش !!! :blink: ده ولا بتوع أدغال أفريقيا ولا مجاهل أستراليا
عملوها :brb::brb:

ما علينا ..... أول تجربة ليا في المطبخ كانت زي تجربتك بالزبط ..
سمج .. أو ( سمك بالمصري ) :nanana:

حطيت السمج في المقلاة جان أسمع أصوات انفجارات في المطبخ !
والزيت بقدرة قادر طار ويا عليا واحترقت ..
طبعا أحسن خطوة تتخذها في هالحالة هي خطوات سريعة خارج المطبخ :brb::brb:

طلعت ويوم رديت لقيت بقايا السمج لاصقة في المقلاة ولا مجلس الأمن
يقدر يطلعها :viking:

عناتيلوووه ..... خود دي :flowers:

وفي انتظار الحلقة العاشرة :rolleyes:

ويجعله عامر .

العنتيل الدامد جوووى

04-22-2004, 03:31 PM

سمك بالعيش !!! ده ولا بتوع أدغال أفريقيا ولا مجاهل أستراليا
عملوها اعمل ايه ياابرة ما باليد حيلة اخوكى صفحة بيضااااااااا فى الطبيخ

ملحوظة

الاخت ابرة واضح انها من الخليج نحب نوضح للاخوان فى الاقطار الاخرى

ان الخبز هو العيش بالمصرى ^_^

والعيش هو الرز بالمصرى :dry:

وانا قصدى على العيش اللى هو الخبز بالمصرى :angry:

فهمتو حاجه :cry: مش مهم انا نفسى مش فاهم :idea:

حطيت السمج في المقلاة جان أسمع أصوات انفجارات في المطبخ !

سمنك فى الاكل كتير :thinky: ولا قليل :thinky:

استعملى زيت النخلتين :confused:

لقيت بقايا السمج لاصقة في المقلاة ولا مجلس الأمن
يقدر يطلعها

واضح حضرتك ان العيب مش فينا العيب فى السمج :واه يابوي

إبرة مصدية

04-22-2004, 03:44 PM

الاخت ابرة واضح انها من الخليج نحب نوضح للاخوان فى الاقطار الاخرى

ان الخبز هو العيش بالمصرى

والعيش هو الرز بالمصرى

وانا قصدى على العيش اللى هو الخبز بالمصرى

:blink:
قصدك تقول : نحب نعقد للإخوان :brb::brb:

آه يا سيدي ابرة أفندي من الخليج :blush):

انا قلتلك المرة اللي فاتت أنك بتتكلم لغات :chair:

طب ممكن اعرف اتعلمتها فين دي :thinky: ؟! لما تقولي ابقه اقولك انهو
زيت بستعمل :rolleyes:

عكننةهانم

04-23-2004, 10:37 AM

اقول ولا مقولشي :blush):
يلا :closeeye:
بس محدش يقول للبيه جوزي B)
أحسن كفاية عليه الطباق الجديدة اللي بيجربها واللي انا واخدة فيها براءة اختراع:chef:
ماعلينا
أول مرة دخلت مطبخ :D
بس ده زمان أوي بقى :انجغة:
قولت اعمل الفطار اصل كان يوم جمعة بقى والعيلة مجموعة على السفرة أخر حلاوة :dardasha:
لازم البت عكننة تهشتكهم بقى :afro:
قولت فعقل بالي بلاش فضايح نعمل حاجة مضمونة :thinky:
ايوة البيض المقلي :clap:
بس ده كان يتعمل الزاي :confused:
لازم مامي بتقليه بحلة مية مغلية :واه يابوي
رحت مطلعة صفيحة البيض بحالها (منا حدلعهم بقى )
ولما المية غلت رحت بقى جايبة ابيض
أكسرالبيضة ورميها نية بالمية :crazyy: :blink: :huh:
اكسر ورامي اكسر وارمي لحد ما قضيت على الصفيحة B)
بس شكلها كان شبه العجة مش عارفة لييييييييييييييييييييييييه :blush:
مش واخدة بالي حضرتي ان البيض المقلي بيتقلى بالزيت :blush):
مهو لوكان يتقلى بالمية ليه الكوليسترول الزيادة :doc:
المهم ديتها كانت علقة سخنة وفطار لمدة اسبوع عجة بيض مقلي خالي من الدسم وعععع
لجنابي أنا بس يعني الحمد الله صفيحة اليض طلعت من نصيبي :cry:
وبالهنا والشفا :chef:
بس بجد موضوع قشطة يا عنتيل :bb:
سلام عليكم :flowers:

العنتيل الدامد جوووى

04-23-2004, 02:59 PM

ولما المية غلت رحت بقى جايبة ابيض
أكسرالبيضة ورميها نية بالمية

:brb::brb::brb::brb:
:brb::brb::brb:
:brb::brb:
:brb:
:brb::brb:
:brb::brb::brb:
:brb::brb::brb::brb:

قلبى ح يقف حرام عليكى

رحت مطلعة صفيحة البيض بحالها

:thinky::thinky::thinky:

هو عندكو البيض فى صفيحة غريب :thinky:

احنا عندنا البيض فى زلع ^_^

آيات الجارحى1

04-23-2004, 03:13 PM

العنتيل فى الركن الوردى ولابس مريلة المطبخ:واه يابوي

شوف يا سيدى.. انا الحمد لله مفتكرش اى حوادث بالنسبة للاكل.. لكن اتذكر مرة انا واخت جوزى ربنا يصبحها بكل خير يارب:inlove:.. كنا قاعدين والكلام جاب بعضه وقعدنا ننم على واحدة فى العيلة..وكنت بعمل بيتزا وحاطاها فى الفرن.. والكلام فى النميمة بقى بيشغل الواحد ع الاخر طبعا لانه شغل شيطان.. وبينما احنا قاعدين شمينا ريحة حاجة بتتحرق.. طبعا انا نطيت من مكانى وقلت البيتزاااااا:blink::blink:
اصل انا يعنى عندى البيتزا دى اغلى من ولادى:blush):
ومن يومها بقينا كل ما هنيجى ننسى نفسنا وننم علىحد نقول متحروقوش البيتزا..
تانى موقف..
كان من كام شهر البيج بوص عامل تصميم جديد للقهوة وبياخد راينا فيه وانا قاعدة بقى عاملة نفسى طارق نور فى زمانه ولا اللون ده مش حلو والحتة دى مش عارف ايه واثناء ما انا بكتب الرد شميت ريحة لحمة بتتحرق:blink:..رحت قطعت كلامى فى الرد وكتبت اللللحمة بتتحرق..
وطلعت اجرى ساعتها عشان الحق اللحمة لكن كان كل شىء ررررراااااح وانقضىىىىى..:cry:
ورجعت قولت فى الرد حد عايز لحمة مشوية:sniff:

عناتيلو.. صبح الفل:flowers:

كــهــرمـــانه

04-23-2004, 03:21 PM

أنا بقي و بلا فخر ..مش فاكره بصراحه اول مره دخلت المطبخ امتي .. المهم إللي انا عارفاه و فاكراه كويس قوي.. اني يوم مابدخل المطبخ .. بعمل كوارث الصراحه :brb: :brb: :brb:

المشكله مش مشكله طبخ الأكل..هو الاكل بيطلع حلو .. زايد ملح ..ناقص ملح..مش مشكله .. المهم انه بيتاكل ..

المشكله بقي في خلال عمليه اعداد الأكل ..
الحاجه بتدلق مني والله مش عارفه ليه :cry: :cry: :cry:

يعني اخر مره عملت حاجه .. كنت حاحمر بانيه .. الزيت ادلق مني و انا بطلع الطاسه.. ادلق جوه الشبشب ..:cry: :cry: :cry:

و رحت لحد الحمام بالعافيه عشان اغسل رجلي .. جبت جميع انواع الصابون عشان اطلع الزيت .. مش راضي يطلع .. و فضلت طول النهار ماشيه ازحلق

المهم ان البانيه اتعمل و الحمد لله ^_^

و مره برضه عملت صينيه سمك و كانت جمييييله و الريحه تفتح النفس كده و حاجه تمام التمام

شايله بقي الصينيه و خارجه بيها من المطبخ

:cry: :cry: :cry: :cry: :cry: :cry:
الصينيه ادلقت مني ..

كفايه بقي ربنا أمر بالستر يوه بقى يوه بقى

كــهــرمـــانه

04-23-2004, 03:33 PM

نسيت اقول كمان ان مش الأكل بس هو إللي بيدلق

لأ

انا مره دلقت الصابون السايل في المطبخ و المطبخ فضل يرغي رغاوي ذاتيه كده منه له يومين و لا تلاته

الخلاصه يعني ..
والديتي خلاص مش بترضي تخليني اعمل حاجه إلا بالعافيه .. حجتها انها عايزه تاكل الأكل بنفس .. يعني انا بسد نفسها :cry: :cry:

بس و لو :D

العنتيل الدامد جوووى

04-23-2004, 03:49 PM

ياتوقيعاتك الجامدة ياسيدى :krkr: :krkr:

طبعا ياست آيات

كل م ادخل موضوع لازم اقول حمد لله على سلامة حضرتك

بس انا مش مقتنع بالقصتين الصغنانين دول :thinky:

انا متاكد انى مخفى كان اعظم :dry:

احنا عايزين موضوع طابخة بايظة فى المقادير وكل حاجة

منتظرررررررررينك :idea:

العنتيل الدامد جوووى

04-23-2004, 06:36 PM

الحاجه بتدلق مني

انت ماسكة ديل قطة (( هما كانو بيقولو لنا كده :hot: ))

جبت جميع انواع الصابون عشان اطلع الزيت .. مش راضي يطلع

عليكى وعلى فيرى بيشيل اصعب البقع :closeeye:

انا شايف ان حضرتك عايزة ضبط زوايا وترصيص :thinky:

العنتيل الدامد جوووى

04-23-2004, 06:50 PM

حلقة اليوم عن الرز العنتيلى وفائدته الغذائية

طبعا من الكلام السابق نما الى علمك مهاراتى الغير المحدودة فى المطبخ

فى احد الايام الخوالى هف على دماغى اكل رز

اتصلت باحدى القريبات :mob:

وقلت لها : ام احمد قولى لى على طريقة عمايل الرز

ام احمد :هههههههه :clap: دى اسهل حاجة ممكن تعملها شوف ياسيدى ..............

ذهبت الى المطبخ بكل شوق الى عمل الرز مع الاخذ فى الاعتبار كل الاحتمالات الخطره

غسلت الرز وحطيته فى الحلة وعلى النار جرى

كان من ضمن ملاحظات ام احمد

اوعى ياعنتيل الرز يشيط منك خدبالك من المايه :confused:

كانت هذه العبارة لاتفارق خيالى كنت اضع الرز تحت العنايه الدقيقة وكانه فى غرفة الرعاية المركزة :doc:

وفجاءة :واه يابوي لاقيت المايه نقصت فى الرز هوباااااااااا اذا هنا فى خطورة على حياة الرز

جرى:knight: على الحنفيه وهوب اديله كبايه مايه فى السريع :cola:

وانتظرت قليلا :angry:

ماذا يحدث..... المايه اختفت :واه يابوي

اوعى ياعنتيل الرز يشيط منك خدبالك من المايه

ماذالت هذه العبارة تتردد فى اذنى :blink:

جرى على الحنفيه واديله كمان كبايه مايه.... :cola:

الماء اختفت بعد قليل :واه يابوي

اذا لابد من التدخل الجراحى :doctor:

رحت معلق المايه فى كيس على الحلة زى حقنة الجلوكوز

لكن حدثت المفاجاءة الغير متوقعة

:واه يابوي الرز مشربش المايه :واه يابوي

فى ايه ياعم رز.....؟؟؟!!! :thinky:

الرز ياكتاكيت وصل لمرحلة التشبع!!! :nug:

ودى ممكن نسال عليها اى عالم فى الكيمياء

لاقيت نفسى فى موقف لااحسد عليه :thinky::thinky::thinky:

نص الحلة مايه والنص التانى رز وبعدين؟ :thinky::thinky:

انا جعان جدا (مش العضو بتاعنا ) وانا لما اجوع مبفهمش :blink:

قلت حكله ياعنى حكله.... دخلت غير هدومى ولبست الشورت الاديدس

ونزلت فى حلة الرز من اجل نزح المياااااااااه العالقة

وبعد جهود مضنيه من رجال الدفاع المدنى وصلت الى الرز

جبت المعلقة وقلت اغرف بقااااااااا واكل لاقمتين

وضعت الملعقة فى حلة الرز.... :yuck :yuck

وهنا حدثت مفجاءة آخرى

الملعقة طلعت بالحلة كلها... :surrenderتخيل ملعقة متعلق فيه حلة رز

كانها قالب من الكيك :walima:

يانهار فسدقى ياعنتيل ... بات كل المحاولات بالفشل

الرز اصبح غير صالح للاستخدام الادمى

لايصلح الا.................

:duh: لبناء الجدار الفاصل :duh:

والى اللقاء فى حلقة المسقعة :واه يابوي

hanod

04-24-2004, 06:22 PM

موضوع حلو وطعمه لذيذ :)

بص بقى يا سيدى :closeeye:

انا طول عمرى المطبخيه الرز بالنسبه ليا مشكله يعنى في الاول احط عليه ميه زياده يعجن :cry:

وبعد كده يتظبط بس من غير ملح :nug:

اظبط الملح اغلط في مقدار الميه :cry:

اظبط اللى اتنين انسى الرز لغايه ما قعر الحله يتلسع اوى :dry:

المهم من هنا وهنا وهنا عرفت الحمد الله بس سعات بيبوظ بردوه بس بمعدلات اقل :D

انا امبارح كانت اول تجربه ليا في عمايل ورق العنب وطلع حلو الحمد الله :واه يابوي

النهارده بقى ماما قالتلى عليكي الغدا كله قولت ماشي :woow:

دخلت المطبخ وعملت حله ورق العنب التانيه بس نسيت بقى هى المرقه بتاعته بتحط عليها زيت ولا لاء قعدت افكر هوب رن التليفون :mob: طلعت تيته سالتها واتبعت التلعيمات مع انى عملته امبارح :nug:

جيت اعمل صنيه البطاطس بقى ناقص المرقه كان عندى شوربه قولت حلو اسخنها

وانا بسخنها بقى خبط البوتجاز راحت وقعت على الارض ونظفي ياهند بقى :wa33:

اخ اخ هنضف المطبخ كله :duh:

قعدت نضفته وعملت مرقه لصنيه البطاطس وحطيتها على النار جه الرز باخد حزرى جدا علشان مايبوظش بس عملته بالسمنه البلدى

طلع حلو بس الاكل ده عملته بعد مجهود وكوارث ربنا يستر واقدر مع الوقت اعمله من غير ماتحدث كوارث بيئيه في المستقبل :dardasha: :ex5:

العنتيل الدامد جوووى

04-25-2004, 01:33 AM

hanod

نصيحة اخوية :closeeye:

ان شاء الله لما ربنا يكرمك وتتزوجى

اسكنى فوق محل كشرى :rolleyes:

donjuandemarco

04-25-2004, 01:59 AM

اوعى وشك انت وهو
انا وصلت انا وكوارثى المتعدده
فى مجال الطبيخ

اول مره اخش المطبخ كنت
هعمل بيض

طيب غشان تعمل بيض
لازم يكون عندك

طاسه

وبيض
دى كل
المقادير
سهله
هات الطاسه
واضرب البيضتين فى بعض
وارمى فى الطاسه مش مهم انت بترمى ايه

المهم البيضه بكل ماتحمل
فى الطاسه

والنار تكون عامله زى الحريقه تحت الطاسه

طبعا هو اللى طلع ساعتها مش عارف

حاجه فيها كل الالوان اللى انت تعرفها
ولاصقه
ومالهاش طعم

بس الحمد لله كان معايا لاف لايت ابن خالتى
اللى

اكل كله لهط كله ومخلاليش ولو حته صغنونه

طبعا ده تحت تهديد السلاح:chair::knight:

:brb::brb::brb::brb::brb:

:فتكوا بعا

lovelight

04-25-2004, 02:29 AM

اههههههههههههههه

انت لسه فاكر دنجوان ده بقالها سنين يابنى

بس بصراحة كان يوم

خلينا فيه:flush: يشتكى

وكان يوم ياجدع من الايام اللى الله لا يعيدها

على فكرة يا جماعة دنجوان ده احسن واحد يعمل اكل وفى الاخر ليترمى لاما اطر انا بصفتى ابن خالته

اكله زى ما قال تحت تهديد السلاح

نعمل ايه حكم القوى

اما عن تجاربى انا فهى كانت مرة يتيمة كنت فى سكن طلبة وكنا عايزين نتغدى ومفيش اى حاجة جاهزة وما فيش اى حد بيعرف يعمل ايتها نوع من انواع الاكل المهم تبرعت وقلت امرى لله اكسب سواب فيهم واكلهم
واول ما دخات المطبخ لقيت فى وشى مكلرونة قلت هى دى اسهل حاجة الواحد يعملها
وعملت كل الخطوات بنجاح ومفضلش غير اخر خطوة انى احط الملح
وحطيته وكله تمام سمعت صوت بيقول
ايمن حطلها شوية شطة علشان تديها طعم
وحصل

وانا بحط الشطة اندلقت كمية كبيرة

وبس قررت انى انسحب من اللى هياكلو
وبما ان مفيش حاجة فى الشقة اكلوها ورجليهم فوق رقبتهم ولم تعدى ثوانى على الوجبة

الا ولقيت الشقة كلها على باب

:chr76:

وبس

العنتيل الدامد جوووى

04-26-2004, 01:22 AM

donjuandemarco

lovelight

تحول اوراق المزكورين اعلاه الى كليه الاقتصاد المنزلى

قسم تربية مووووووووووووسيقية :brb::brb:

بنت اليـمن

05-24-2004, 08:00 AM

موضوع لذيذ وجميل

بس مش قوي :nanana:

انا بقى من صغري بحب المشمش :blink: قصدي الطبخ

والقصة دي بقى وانا كثير صغيرة عشان ما تبصولي بصة ماتعجبنيش :dry:

المهم قررت اول ما اشطح انطح واتعلم الكيك :D

المقادير كلها جاهزة و كلة على بعضة جينا بقى للباكنج باودر انا لسة اساسا ماكنت اعرف يعني ايش باكنج باودر المهم شفت علبة زرقاء قلت بسسسسس :واه يابوي هي دي :واه يابوي

واضفتها عادي و دخلت الكيكة على الفرن

لكم ان تشاهدوا النتيجة :clap:

طلعت هي وصينية الفرن سواء والمصيبة فيها حفر حفر غريبة مدري ليش :thinky:

الخلاصة العلبة الزرقاء دي كانت كاسترد :blush):

بس مش مهم الشكل الاهم الطعم :dry:
ومش مهم انا كنت اية المهم بقيت اية :sniff:

شكرا على الموضوع :)

ام ايهاب

05-24-2004, 08:54 AM

ايه ده ماشاء الله كلها مغامرات رهيبه .......................نصيحة للي عايز يتجوز بلاش المغامرات دي علي الهواء:brb::brb::brb::brb:..................انا بقي اول مغامراتي كانت مع الحلوة المكرونه واللي كانت السبب في زيادة وزني:cry::cry:.................................... .....ماما كانت في مشوار وقلت اعملها مفاجئه اعمل مكرونه وارتب البيت علشان تعرف اني باحبها بقي وحركات كده يعني ................................................ال مهم جبت كيس المكرونه وحطيت عليه ميه باردة من الحنفيه مباشرة :brb:وفوقها الملح ونسيت الزيت وتخيلوا بقي الباقي كانت احلي من حله الرز بتاعة اخونا العنتيل وفي الاخر الست ماما جت:chair::chair::chair::chair:وكانت فضيحتي بجلاجل في الحتة كلها ......................بس دلوقتي استازة ورئيسة قسم واي خدمةانا حاضرة:clap::clap:

engalshaimaa

05-24-2004, 02:31 PM

:thinky:
أول مغامراتى مش فاكراها لأنها من زماااااااااااااااااااان اوى (لأن معنديش أخوات بنات فماما من زمان بتدخلنى معاها المطبخ)
بس مفيش كوارث حصلت
اللى فاكراه مره وأنا بعمل كيكه(وكنت تقريبا فى اعدادى يعنى برده من زمن) حطيبت كل حاجه ودخلتها الفرن
و بعدييييييييييييييين ببص لاقيت البيكنج بودر على الترابيزه :crazyy:
الكيكه كانت حلوه طول ما هى سوخنه أول ما بردت بقت عامله زى الطوب تقريبا :inlove:
ذكرياااااااااااااااااااااااااااااات :closeeye:

العنتيل الدامد جوووى

05-24-2004, 07:05 PM

الخلاصة العلبة الزرقاء دي كانت كاسترد

:brb::brb::brb:
:brb::brb:
:brb::brb::brb:

انا خفت احسن تكون زهرة بتاعة الغسيل

هو انت تعرفى زهرة الغسيل :thinky::thinky:

بنت اليـمن

05-24-2004, 11:47 PM

كاتب الرسالة الأصلية : العنتيل الدامد جوووى
هو انت تعرفى زهرة الغسيل :thinky::thinky: [/B]

مش بحب اجيب في سيرة الناس :dry:

:D:D:D

العنتيل الدامد جوووى

05-25-2004, 12:12 AM

مش بحب اجيب في سيرة الناس

:brb::brb:
:brb:
:brb::brb:

لابجد تعرفيها ولا اشرح ........ :cry:

ابو نوران

05-25-2004, 01:35 AM

السلام عليكم و رحمه الله و بركاته

خد دى منى يا عنتيل

مره فى رمضان:):):) طلع فى دماغى اعمل كنافه:blink:

قال يعنى فالح قوى:55:

رحت مشترى الكنافه وهات شويه سمنه محترمه

وهوبه هوبه:bb:

قطع الكنافه ولا مانع من انى اضيف شويه سمن اثناء التقطيع

وماتبخلشى على نفسك ياواد هات شويه مكسرات و لامانع من شويه زبيب

المهم صرفت ما أملك فى متطلبات الكنافه:inlove:

ويالله ادهن الصينيه سمن ورص راق كنافه وبعدين مكسرات وزبيب وبعدين الراق التانى بتاع الكنافه ولا مانع من وضع قليل من السمن على الوش - يعنى علبه السمن كمان خلصت
ودخل فى الفرن:clap::clap:

فاضل ايه يا واد بأه ايوه الشربات بتاع الكنافه حط السكر اللى عندك كله واديها شربات وليمون وكل حاجه ماشيه تمام التمام:knight:

طلعت الكنافه هى وشها مش مستوى قوى ( ما هو أنا ما كنتش أعرف انها لازم تتقلب على الوش التانى) مش ده المهم

الكنافه طالعه من الفرن زى النار و السكر بيغلى وهات ياواد قبل مايبرد الحق وادلق فوق الكنافه اللى زى النار.... وخرجت من المطبخ كأنى فاتح عكا وعملت اللى ماتعملش:knight::knight::knight::knight:

كان لسه فاضل على الفطار حوالى ساعه وكانت الدنيا حر و ريقى ناشف قلت انام شويه لغايه ميعاد الفطار

قمت على صلاه المغرب وشربت شويه ميه وقلت بقى اديها حته كنافه

ما تقولش ان الكنافه اتحط عليها كل الغراء الموجود فى الدنيا:confused::confused:

الكنافه عامله فى الصينيه زى لوح الدبش وعايزه واحد من بناه الأهرام علشان يكسر حته منها:box::box: وحتى التنتوفه اللى قدرت آخذها منها لما اكلتها تسببت فى لصق الفك العلوى مع السفلى وحسيت كأن سنانى كلها حتطلع و انى مضطر انى اجيب شنيور علشان يمنع هذا الإلتصاق الغريب:cry::cry::cry:

استعوضت ربنا و احتسبت الله فى المجهود اللى ضاع فى الكنافه وباقى المرتب اللى راح فى المكسرات و الزبيب وبعد جهد جهيد قدرت افتح بقى قمت رافع التليفون اسأل حد من اهل الخبره

هو إنت حطيت الشربات بتاع الكنافه وهو سخن و الكنافه سخنه:doc:
ايوه يا أختى أمال كنت أعمل ايه:crazyy::crazyy:
كان لازم تكون الكنافه هى اللى سخنه و الشربات بارد:doc:
يا سلاااااام بقى هو كده يا أختى ... تسلمى:cry:

وقمت رميت الصينيه بالكنافه و أنا اودعها فى موكب حزين حزنا على ما بها من مكسرات و زبيب وسمن:cry::cry::cry:

ومن يومها كانت دى آخر مره أعمل فيها كنافه

العنتيل الدامد جوووى

05-25-2004, 07:32 PM

المهم جبت كيس المكرونه وحطيت عليه ميه باردة من الحنفيه مباشرة وفوقها الملح ونسيت الزيت

:brb: :brb: :brb:

:brb: :brb:

:brb:

طيب اقولك على حاجه ..... زمااااااان كانت النساء بتنقى الرز :closeeye:

كان ممكن وانت بتنقى الرز ....

تلاقى حجارة وزلط تعملك اوضتين ودورة مايه.....

دلوقتى اعتقد الرز بقااااااااا نضيف ..اعتقد :thinky:

المهم انا اعرف سيدة تقت المكرونة قبل م تعملها.....

تخيلى انت بقااااااااااا ... عملتها ازاى :thinky:

بنت اليـمن

05-27-2004, 06:37 PM

كاتب الرسالة الأصلية : العنتيل الدامد جوووى
:brb::brb:
:brb:
:brb::brb:

لابجد تعرفيها ولا اشرح ........ :cry:

لا :blush):

اشرح بقى عشان انت اللي جبتة لنفسك :D

المهم انا اعرف سيدة تقت المكرونة قبل م تعملها.....
:brb::brb:

نظافة بقى :brb:

سنفور مفكر

05-27-2004, 07:53 PM

يا سيدي

انتو بتحكو وآدينا بنحكي..............:salut:

طبعاً زي مانتو عارفين أخوكم الفقير لرحمة ربه طالب مغترب

وطبعاً في الأول تتعرف على أكل المطاعم وأكل الجامعة وأكل الجيران

وبعدين يجيك الملل ............. وتحب تغير شكل

أو يكون عندك امتحانات وانت مش غاوي مذاكرة

فتحب انك تقضيها في المطبخ

علشان تتخلص من عذاب الضمير.......

يعني ......... والحالة التالتة
(أنا عارف إي طولت عليكو أوي)

يكون عندك شوية شباب ......... وطبعاً بيعتبروك زعيم الطبخ الأوحد والذي منه......

أول حكاية ححكيها يا كتاكيت

كانت هي ........

هي إيه

مش فاكر ..........
أيوه والحمد لله افتكرت

الحلقة الأولى طبعاً ..........

أنا بعد ما خلصت الفصل الأول من دراستي وروحت في العطلة عند الأهل

فالوالدة (ربنا يخليها) بتسألني يا سنفور

انت بتطبخ إيه؟؟؟
فبقولها ( طبعاً وبكل براءة )

بطبخ بيض مقلي وبيض مسلوق

وبيض مقلي مع اللحمة
وأحياناً بشكل واحط معاه فطر ولا بصل ولا أي حاجة

قالتلي: بس..................

أنا طبعاً قلت :................................................. ...........

ولقيتها بتقولي تاني
يا ابني يا حبيبي الكلام ده ما يتسماش طبخ

ده حاجات على الماشي

وطبعاً أخوكو حط وشه في المخدة وفضلت أعيط لتاني يوم الصبح

طبعاً انتو مقدرين موقفي

مش معقول تحطيم المعنويات ده ولا إيه؟؟

ونشوفكم ان شاء الله في الحلقة الجاية...........

صابر بياع الورد

05-28-2004, 12:19 AM

الاخوة الاعزاء والاخوات العزيزات

موضوعات جميلة وتعليقات اجمل:clap:
ورز العنتيل والميه موضوع اكتر من رائع ماشاء الله عليك يا ابو العناتيل موتنى من الضحك بجد جزاك الله خيرا :knight:
المهم ياسيادنا ويا ستاتنا انا اول تجربة ليا مع الطبيخ بعد ما زهقت من اكل المطاعم حيث اعمل فى دولة خليجية برضه:)
قررت:idea: ان اشترى فرخة واسلقها فيها حاجة دى :clap:
حاجة بسيطة جدا واصحاب الخبرة:chair: قالوا لى بلاش يا حاج محمد:) تشترى فراخ طازة عشان فى مرض منتشر اليومين دول فى مزارع الفراخ
وطلبوا منى اشترى فرخة مجمدة :واه يابوي
وقالوا لى كل المطلوب منك حطها فى ميه مغلية بعد ما تحط الملح والمستكة والحبهان:55:
المهم ما اطولش عليكم :box:
غليت الميه فى الحلة الستانلس ( وبلاش الحلة الالومنيوم عشان الزهماير )
واول ما الميه غليت فكيت الفرخة من الكيس النايلون ورميت الفرخة فى الحلة:chair:
وكل شوية اغز:viking: السكينة فى الفرخة:box:
انى الاقيها طرية ابدا:blink:
المهم اكتشفت بعد ساعتين انى ما شيلتش الكيس اللى بيحطوا فيه الكبدة بتاعه الفرخة
بس برضه زى ما عمل العنتيل برضه اكلت الفرخة وامرى لله:chair:

العنتيل الدامد جوووى

05-28-2004, 02:53 AM

الكيكه كانت حلوه طول ما هى سوخنه أول ما بردت بقت عامله زى الطوب تقريبا

لازم تكون عامله زى الطوب

ياباش مهندزة :D المرة الجاية متنسيش السيبداج :brb::brb:

العنتيل الدامد جوووى

05-28-2004, 03:03 AM

ابو نوران

صينية الكنافة بتاعتك دى ضحكت العيال على :brb:

بيقول لى بتضحك على ايه يابابا....

قلت لهم حقولكم عمكم ابو نوران عمل ايه

وقعدت اقرا لهم اللى انت كاتبه واضحـــــــــــــــــــك :D

بصو لى شزراااااااااا :angry:

وقال : وايه ياعنى م ماما بتاعملها كده :nanana:

عسل يا ابو نوران ...

عايز نعرف القطايف ياباشا بتتعمل ازاااااااااااااى :thinky:

ابو نوران

05-28-2004, 11:58 PM

السلام عليكم و رحمه الله و بركاته

يعنى انت يا عنتيل جاررنى وراك على الركن الوردى:chair: وخلاص نسينا الناس بتاعت العضل وقاعدين نضايق فى الجنس اللطيف:box: ..... ربنا يجعل كلامنا خفيف عليهم

مره ايام الشباب كنت شغال فى الأقصر ( يعنى فى أرياف الأقصر ) وكنت قاعد فى بيت كده مأجرينه على قد الحال من شقتين ،انا فى شقه والعمال اللى شغالين معايا فى شقه تانيه وكان أغلب العمال اللى معايا لحامين لأننا كنا بنعمل مبنى حديد

المهم تعبت من كتر اكل النواشف و أكل الجبنه قمت وصيت واحد من العمال وقلت له عايز اتنين كيلوا لحمه كويسيين:lolly:، ما وصاش خبر وجاب الإتنين كيلوا لحمه:idea:

انا قلت لنفسى انا مش فالح فى الطبيخ:hot: ، فبدل ما الإتنين كيلوا لحمه يبوظوا ويكون ده سبب فى انتحارى و أنا فى عز الشباب:confused: ، قلت يا واد إعمل كباب حله أهى دى حاجه سهله و مش محتاجه غلبه كتير:واه يابوي

قطعنا البصل و بشرناه وحطينا السمن فى الحله وهوبه حط اللحمه و شويه ميه وسيب اللحمه تستوى وفى الآخر حطيت شويه ملح وجيت احط شويه فلفل اسود وبأدلق شويه من العلبه على اللحمه راحت العلبه كلها مدلوقه على اللحمه،:cry::cry: يا خبر مش فايت دى العمليه ما بقتش كباب حله دى بقت كباب اسود وبقى الأصل هو الفلفل الأسود ومضاف له شويه لحمه:inlove::inlove:

أعمل ايه فى الغرقه دى أكلت حته صغيره كده من اللحمه لقيتها نااااااارومحتاجه مطافئ العاصمه علشان تتطفى النار اللى بقت جوه بقى:sniff::sniff:

فى هذه الأثناء سمعت صوت رجل العمال وهما طالعين على السلم و داخلين شقتهم جت فى دماغى:idea::idea: فكره شيطانيه:idea::idea: قلت أأكل اللحمه دى للعمال واهو أبقى كسرت عينهم بحاجه بدال ما أنا قاعد ازعق لهم ليل و نهار

قمت فاتح الباب بسرعه لقيت أربع عمال قدامى قلتلهم تعالوا خشوا
هم الفار لعب فى عبهم لأن دى أول مره اتكلم معاهم بالهداوه دى:closeeye::closeeye: وأول مره اقول لهم يدخلوا عندى وطبعا مش عارفين الكمين اللى أنا عامله لهم:angry:
قلتلهم اقعدوا حأكلكم معايا النهارده^_^^_^
زادت الريبه والشك عندهم وقعدوا كلهم يبصوا لبعض:thinky::thinky:

(نسيت اقول لكم ان اغلب عمال اللحام بعد انتهاء العمل بتكون عينهم تعبانه جدا وغالبا بيحطوا فيها قطره مطهره و كمان بتكون العينين بتدمع بكثره و ده من تأثير اجهاد لمبه اللحام للعين حتى مع وجود نظاره الحمايه اللى بيلبسها اللحام اثناء الشغل)

المهم الولاد قعدوا وجبت لهم حله اللحمه والعيش وقلتلهم كلوا، هما طبعا كانوا جعانين فقعدوا يأكلوا وهما مش مصدقين نفسهم:rolleyes::rolleyes:

وبدأ الشعور بالفلفل الأسود يوضح شويه شويه وبدأت تزيد الدموع فى العينين وعمليه الدعك و الفرك فى العينين تزيد:sniff::sniff:
كان واحد منهم اسمه (حسن ) بطل اكل وقعد يدعك فى عنيه:sniff:
قلتله مالك يا حسن عينك تعباك وللا ايه:inlove:
قاللى انا قبل ما آكل كانت عينى تعبانه من اللحام دلوقت بعد الأكله دى انا مش شايف بعينى خالص:brb::brb::brb:

شوفوا نكران الجميل:chair::chair:

سلام

العنتيل الدامد جوووى

05-29-2004, 02:28 AM

بنت اليمن

طبعا لانى ذكى جداااااااااااااااااااا :blink: فحسيت من اسمك

انك من اليمن ف علشان كده قلت لك تعرفى زهرة الغسيل ولا ..لا

عموما زهرة الغسيل دى مسحوق ازرق بيتحط على الغسيل الابيض

علشان يكون اكثربياضااااااااااا :واه يابوي

حتى اسالى رابسوووووووووووو

سنفور مفكر

طريقى عمل البيض فى الصفحة السابقة....

تغلى المايه وتطش عليها البيض وبس :D

عم صابر بياع الورد

واول ما الميه غليت فكيت الفرخة من الكيس النايلون ورميت الفرخة فى الحلة
وكل شوية اغز السكينة فى الفرخة
انى الاقيها طرية ابدا

ممتاز ياعم صابر

انا قلت انت حطيت الفرخة صاحيه فى المايه المغليه :brb::brb:

العنتيل الدامد جوووى

05-29-2004, 09:36 PM

قاللى انا قبل ما آكل كانت عينى تعبانه من اللحام دلوقت بعد الأكله دى انا مش شايف بعينى خالص

شوفوا نكران الجميل

:brb::brb::brb:

خوووووووووووونة ياريس ناس مبتقدرش

نظاره الحمايه اللى بيلبسها اللحام اثناء الشغل

معلش ياهندزة

بدون تكليف انا محتاج واحده علشان الحلقة الجاية

بتاعة المسقعة

وما ادراااااااااااك م المسقعة :thinky:

ابو كيفه

05-29-2004, 11:21 PM

ياا بو العناتيل الدامد جوي
انا بقي ابو كيفه الجامد جدان
حتي في اول محاولة لي في الطبيخ :bb::bb::bb::bb::bb::bb::bb::bb:
اؤلت تعمل ايه يا واد يا ابو كيفه :thinky::thinky:تعمل ايه:thinky::thinky:
هوب جاتلي فكرة حلوة:idea::idea: اؤلت اعمل حاجة سهلة(العجه) عجة الطعمية طبعا
والمقادير هي:
1:بنص جنيه عجينة طعمية من عند عم محمد الطعمجي اللي تحت بيتنا
2:اربع بيضات من عم علي اللي جنبه
3:وطاسة فيها زيت علي النار(وما ادراك ما هي النار)
اول خطوة هي تحط البيض علي عجينة الطعميةيعني (خلطبيطة)
واوعي تنسي الملحوالفلفل والذي منه
بعد كده حط (الخلطبيطة)في الزيت المغلي
واللي انا ماعرفهوش انك بعد كده لازم تجري:knight::knight::knight::knight:والجري في الحله دي الجدعنه كلها
انا ماجريتش وماطلعتش جدع
والنار ولعت في طاسة الزيت وكانت حوسةهاتدنن بعدها افتكرت ان انا جدع وجريت
بس بعد ايه الميزة اني كنت في البيت لوحدي
والمشكلة ان الجيران سمعوا صوتي وطلعوا علي شئتنا جري.
وبعده مفيش خمس دقايق جه الوالد والوالدة واكلت اكل اقلام وشلاليت من اللي ألبك يحبها:chair::chair::chair::chair::viking::viking:: viking::viking::viking:
وكان عمري ساعتها ثمان سنوات:انجغة::انجغة::انجغة::انجغة:
ومن اليوم ده وانا باكره المطبخ
ومدخلتهوش غير بعدها بسنين يعني لما كبرت:knight::knight::knight::knight::knight::knigh t::knight: وبقيت أده

وشكرا للعنتيل اللي فكرني بالعلقة ديه

والسلام ختام

العنتيل الدامد جوووى

05-30-2004, 01:34 AM

1:بنص جنيه عجينة طعمية من عند عم محمد الطعمجي اللي تحت بيتنا
2:اربع بيضات من عم علي اللي جنبه
3:وطاسة فيها زيت علي النار(وما ادراك ما هي النار)

ومجبتش نار ليه من عند عم سيد القهوجى :brb::brb:

عندك 8 سنين ياظالم :انجغة: وبتعمل عجة :واه يابوي

ده انا اول مرة ادخل المطبخ كان عندى 18 سنة

علشان اعمل حلبة :inlove:

العنتيل الدامد جوووى

06-01-2004, 01:56 AM

حبايبى الحلوين ..موضوع حكايتنا النهارده..عن .. المسقعة

وماادرااك م المساقعة.. اخوكم عاشق لهذه الوجبة

طبعا فى الايام الخوالى ( العزوبية) كان نفسى اكل مسقعة ..

احضرت كل مستلزمات المسقعة من بتنجان وفلفل رومى ولحمة مفرومة

وابتدى المشوار:knight:

وضعت الزيت على النار حتى درجة الغليان..:doc:

وهوبا :bb: رحت رامى الفلفل الرومى زى م هوعلى النار

وواقف جنبه اقلبه :D... ولكن ...

فجاءة :واه يابوي

دوى اصوات انفجارت هاتدنن .. تهز المكان هاتدنن

فوووووووووووووو انطلاق قرون الفلفل http://mowjeldoha.com/mix-pic/animated-gif/animat-75/gemuese008.gifكالصواريخ الباتريوت.. فى سقف المطبخ

فوووووووووووووو احترس ياعنتيل احدى قرون الفلفل تتجه اليك:fear: .......:fear:

يانهار كحلى في أيــــــــــــــــه .. حرب الخليج .

. طفيت على النار

:gush: ورحت منبطح ا رضا :gush: فى انتظار انتهاء كرنفال الفلفل

حتى هدئت الامور.. وذهبت لاستطلع المكان ..الفلفل فى كل مكان http://mowjeldoha.com/mix-pic/animated-gif/animat-75/gemuese018.gif..على الحوائط .. وفى السقف..

ايه اللى حصل ياناس .. مش فاهم..

المهم.. :doc:

عرفت فيما بعد انه يجب فتح الفلفل قبل وضعه فى الزيت.. :cry:

حتى يتم تجنب هزه الانفجارت الناتجة عن الاحتباس الحرارى. :bb:

خدت باقى الفلفل.. مابين قتيل وجريح.. ورحت داخل على ...

البتنجاااااااااااااااااان..

قشرت البتنجان ..بعد مراح نصه فى التقشير .. مش مشكلة

واملا الطاسة زيت تانى.. لكن المرادى اخذت حذرى :harhar:

ورحت لابس نضارة اللحام السابق ذكرها فى موضوع ابو نوران

احط البتنجان فى الزيت...

الزيت يختفى.. :thinky:

احط زيت تانى

احط البتنجان فى الزيت :thinky:

الزيت يختفى

قعدت علىالحال ده كتير ..نصف زجاجة زيت عافيه..:cry:

عملت تليفون اسال اهل الخبرة :mob:

قالو لى

كان لازم ياعنتيل بعد متقشر البتنجان

ترش عليه ملح.. وتسيبه شويه ..علشان ميشربش الزيت :chair:

وكان مصير المسقعة

RECYCLE BIN

لو عجبتكم المسقعة حنزل حلقة المكرونة بالبشمل.. لو معجبتكوش ..

ح نقضيها بصارة والسلام :sniff:

ابو نوران

06-01-2004, 02:18 AM

احط بتنجان ما لاقيش زيت......:confused::confused:

احط بتنجان ما لاقيش زيت......:confused::confused:

احط بتنجان ما لاقيش زيت......:confused::confused:
..................:sniff::sniff:

قمت رامى البتنجان:واه يابوي:واه يابوي

الله هو انت رميت البتنجانB)B)

طب حط شويه زيت:lolly::lolly:

:brb::brb::brb:

ام ايهاب

06-02-2004, 08:15 PM

فين يابني المسقعه :cry::cry::cry::cry::cry::cry:انا من يوم ما قولت انتظرونا في حلقه المسقعه وانا مجوعه نفسي :.....................................تطلع في الاخر كدة والله حرام عليك انا شكلي كده خسيت يمكن 5جرام من الجوع :cry::cry::cry:انزل بقي بالمكرونه بالبشاميل علشان نعوض :clap::clap::clap:

العنتيل الدامد جوووى

06-13-2004, 06:46 PM

مكرونة ايه بقاااااااااااااا يام ايهاب

احنا ح نلم الحلل وماشين من عندكو :sadangel:

حد يشيل معاياااااااااااااا ياجدعان :فتكوا بعا

anonymous

06-14-2004, 01:16 AM

:brb: :brb: :brb: :brb: :brb: :brb:
فظيعة حكاياتك يا عنتيل و حكاية كنافة ابو نوران :brb:
أول مرة أعرف ان الكنافة معقدة كده :brb:
أنا للأسف معنديش حكايات طبيخ عشان عمري ما طبخت
آخري بس أعمل بيض مقلي ، و مرة عملت بيض مسلوق دلقت المية المغلية على نفسي :D
اختي و هي صغيرة كانت عايزة تسلق فراخ ، جابت فرخة مجمدة و راحت رامكياها في مية في الحلة ، بس مكنتش تعرف انها مفروض تطلعها من الكيس :clap:
و الوالد أيام العزوبية حب يعمل ملوخية
نزل اشترى الملوخية و
بما انها بتتشرب تبقى عايزة مية
حط مية و حط الملوخية و حط ملح و فلفل و الذي منه
بس لقى طالعله مية و فيها حاجات بتعوم : ورق الملوخية ، مكنش يعرف انه مفروض يخرطها :brb:

حلا

06-15-2004, 05:56 PM

:brb::blink: :blink: :blink: :chair: :chair: :chair: :chair:

ايه هاللخبطه ديا ما بتعرفوا تطبخوا انتوووووو.يا فضيحتناااااااا :brb: :brb:

طب خدوا مقلبي انااااااااااا..... :nanana: :nanana:

في يوم من الايام دب النشاط فيا ال بدي اعمللهم بيتزاااااا مرة واحدة

جبت جميع مكونات البيتزاااااا وبلشت اعجن وارق العجين واضععع هالمكوناااات بعد ما انتهيت وضعنا البيتزا في الفرن.طلعنا البيتزاااا والكل بانتظار هالبيتزاااااا وانا اكل فيها ناقصها ايشي طعمها مش ولا بد طب شو ناقصهاااا وافكر وافكر ولهو اخي بحكيليي وهو باكل ولك وين الجبنة ما واضعه جبنة..... ويا فضيحتنا ال ناسيه اضع الجبنه على البيتزااااا :inlove: :inlove:

الله لا يفرجيكم وجهي ساعتهااا اولها صابتني صدمة بعدين صرت اضحككك :brb: :brb: :brb: صابني جنان :brb: :brb:

][ شيطوووونه ][

06-22-2004, 06:39 AM

:chair: :chair: :chair:

رشا عبد الرازق

06-22-2004, 09:03 AM

أنا كنت رايحه الشغل يا عنتيل

ايه اللي رماني على هنا

مش ممكن

مقدرتش أقاوم اني أدخل وبعدين مقدرتش أقاوم اني أقرأ وبعدين مش قادره اقاوم اني أرد وغالبا بعد كده مش هلحق وهترفد وهدعي عليك :crazyy:

طبعا الموضوع تحفه وكل تجربه مطبخيه فوق عايزه رد لوحدها

بس سؤال للبنانيت

أبو نوران قال مكنتش أعرف ان الكنافة بتتقلب على الوش التاني :blink:

هو مين قال انها بتتقلب :thinky:

هيه بتتقلب ؟ :sniff:

حد يجاوبني لاكون نسيت واللا حاجه :cry:

هحكيلكم الاول مرقف حصل مع واحده صحبتي

دلوقتي انا بقيت بريمو طبخ بس على كبر ومن مده برجع متاخر م الشغل وبصعب عليهم يوم الجمعه فباكل بس ^_^

لكن من فتره كنت لوحدي في البيت

وكانت راجعه معايا واحده صحبتي من الشغل وقلتلها تعالي يا شيخ قضي اليوم معايا

قعدنا نرغي ومن هنا لهنا جعنا ومعاد غدا بقا

جبتله لنفسي :crazyy:

قلتلها هقوم اعملك غدا زي ايام ما كنت طالبه

قالت هعمله معاكي ده انا أستاذة مطبخ :huh:

هايل

فتحت الفريزر بطه محترمه وقالت عايزه مكرونه وشربة لسان عصفور وسلطة طحينه ( انا باكل الطحينه مع كل شيء ووممكن مع نفسها نوع من الادمان ) :blush):

بس انا كنت عارفه ان صحبتي اللي هيه اكبر مني مبتعرفش تطبخ فخفت :crazyy:

وعملت كام حركه مع المكرونه والشوربى خلتني احس انها مش لازم تشارك
المهم قلتلها عليكي وعلى السلطه :D

واول مره اشوف جزر بيتبشر والمبشرة بره الطبق والارض بقت برتقالي :angry:

ساعه وهيه بتخرطها وانا مدياها ضهري وبغسل الاطباق اللي في الحوض

بصيت لقيتها بتقولي بحسم :

اوعي شويه كده يا رشا .....!! وزقتني

وببص الاقيها بتحط طبق السلطه اللي هيه قطعته تحت الحنفيه وهيه مفتوحه :واه يابوي

رحت زحتها وقلتلها ولولت :crazyy: : بتعملي ايه يخرب بيتك

بصيتلي بصت المذنب وسكتت

قلتلها : قولي قولي متخافيش ؟ انتي فاكراها بتتغسل بعد ما تتقطع ؟ مش احنا غسلنا الخضار في الاول ؟

قالتلي لأ مش كده :blush):
أصل

أصل

أصل

بس متشخطيش

قلتلها لا يا ماما ( وانا عايزه أبطحها :angry: ) قولي يا حبيبتي مش تخافي خالص ^_^

قالت أصل بعد ما قطعتها أخدت بالي ان مفيهاش الميه اللي كنت بلاقيها في قعر الطبق وانا باكلها في البيت فقلت أحطه انا لا تقولي عليه نسيت الميه واللا حاجه :closeeye:

طبعا اللي عملته فيها ميتحكيش :viking: :viking: :viking: :viking:

ودلوقتي بتدفعلي رشاوي عشان ما احكيش لخطيبها على اللي عملته ده :D طبعا بعد ما فضحتها في الشغل :D

SAD GIRL

06-22-2004, 11:38 PM

:lol: :lol: :lol: :lol: :lol: :lol: :lol:
انا جاية هنا ادحك بسسسسسسسسسسسسسس :lol: :lol:

الله يجازيكم :D :D

العنتيل الدامد جوووى

06-23-2004, 12:54 AM

الوالد أيام العزوبية حب يعمل ملوخية
نزل اشترى الملوخية و
بما انها بتتشرب تبقى عايزة مية
حط مية و حط الملوخية و حط ملح و فلفل و الذي منه
بس لقى طالعله مية و فيها حاجات بتعوم : ورق الملوخية ، مكنش يعرف انه مفروض يخرطها

:brb: :brb: :brb:
:brb:
:brb: :brb: :brb:
:brb:

بلغى تحياتى للسيد الوالد وقولى له مرة واحد بدل م يعمل ملوخية عمل نعناع

ومتسالنيش هو مشمش رايحته :thinky: :brb:

العنتيل الدامد جوووى

06-23-2004, 12:56 AM

حلا

بقولك ايه بلاش بيتزا

خليها مقلوووووووووووبة :clap:

العنتيل الدامد جوووى

06-24-2004, 12:08 AM

قلتلها لا يا ماما ( وانا عايزه أبطحها ) قولي يا حبيبتي مش تخافي خالص

قالت أصل بعد ما قطعتها أخدت بالي ان مفيهاش الميه اللي كنت بلاقيها في قعر الطبق وانا باكلها في البيت فقلت أحطه انا لا تقولي عليه نسيت الميه واللا حاجه

:brb:
:brb: :brb:
:brb: :brb: :brb:
:brb:
:brb:
:brb:
:brb:
:brb:
:brb:
:brb:

جلبى ح يوجف اهـى دى جديدة خاااااااااااالص

رشا ارجوكى قولى لخطيبها ... انقذى هذا الشاب من الضياع

والا سيصبح .... من رواد نادى الانيميا :surrender

انتظروا مفاجاءة الموضوع .....

العنتيل الدامد جوووى

06-30-2004, 12:04 AM

المكرونة بالباشاميل

بعد الفاصل

SAD GIRL

06-30-2004, 05:46 AM

:clap: :clap:
امتى يخلص الفاصل؟؟ :thinky:

العنتيل الدامد جوووى

07-06-2004, 01:10 AM

ترررررررررن........... ترررررررررررن :mob:

الو

سلام عليكم ياحاجة :D

اهلا ياعنتيل :D

ازيك ياحاجة... كنت عاوز منك خدمة

آآآمر ياعنيـى :واه يابوي

عايز طريقة المكرونة بالباشميل :blush):

ياروووووووووحى :cry: ... تعالى وانا اعملها لك ..بس كده

لا متشكر ... ياحجة ..عينينك للكبيرة... :inlove:

شوفى ياعنتيل .................................................. ....

وخدت الطريقة وبدات فى العمل

اول حاجة تسلق المكرونة....سهلة دى

تم السلق :doc:

تعصج اللحمة المفرومة

تم التعصيج :doc:

تعمل الباشا ميــــل

آآآآآآآآآآآآه ... طيب هى الحاجة قالت معلقتين دقيق ... ولا كوبيتين :thinky:

مش فااااااااااكر.... :thinky:

انا حعمل كوبيتين دقيق.... بسيطة :closeeye:

حطيت اللبن واحط فى الدقيق ...

واقلب.. :viking:

قعدت اقلب ميردش

اقوله حبيبيى ميردش

اقوله ياسيدى ميردش

اقوله دوووووب ميردش

فجاءة :واه يابوي

المعلقة مسكت فى الدقيف ومش راضيه تطلع ابدا

والدقيق مسك فى بعضه .. واصبحت فة ورطه شديده :cry:

يانهار سيمون .. فيه ايه

مش فاهم الحلة والدقيق والمعلقة

حصل لهم عملية انصهااااااااار

طيب وبعدين

اصلى حعملك ياعينى حعملك

رحت جايب المسطرين (مفرق صورة توضحية) http://www.sfdprojects.org.eg/upload/product/medium/9_140_M.jpg... وشايل كتلة العجين

وباقصى سرعة على الخلاط

طبعا الخلاط رفض العمل .. لانه غير مهياء للمهام المستحيلة دى

رحت حاطط لبن على العجينة اللى فى الخلاط لتسهيل لف الماتوووووووور

والخلااااااااااااااااااط يصوت ويجعر :cry: وانا فرحان بتعذيبه :harhar:

بعد عشر دقائق من الطحن كان الخلاط بدا اشم ريحة شياط ماتور الخلاط

لكن يكن مايكون... لابد من انقاذ الباشميل

بدات الباشميل تلين شوية

روحت واخدها واحططها على وش الصينيه

وجايب المنجفرة...( مرفق صورةتوضحية) http://www.sfdprojects.org.eg/upload/product/medium/23_140_M.jpg الخاصة بمبيضى المحارة

وموزع الباشميل على الصينية كلها

وطبعا لانى طاهى محترف رحت جايب صفارة البيض وموزعة على الصينيه علشان الوش يبقا احمر

وحطيتها فى الفرن ...قول ساعة

بعد ساعة

طلعت الصينية من الفرن

واااااااااااوا الوش احمر تحفة... شكلها رووووووووووعة :clap:

بس فيه حاجة غريبة شوية ..

صوابع المكرونة طالعة من الصينيه بشكل عشوائى .. وشكلها مشضض

فوجئت ان المكرونة كلها رجعت الى الحالة الصلبة اللى كانت عليها

وهى فى الكيس :cry:

لاااااااااااااااا ياجماعة دى بقت عبارة عن اسياخ حديد

كفيلة بتمذيق معدة فيل...

كلت قطعة صغيرة

كانت كفيلة بخلع ضرسين والانياب الامامية

وكان مصيرها الى ................... :فتكوا بعا

Nosaibah

07-22-2004, 10:34 AM

:brb: :brb: :brb:

:brb: :brb:

:brb:

:brb: :brb:

:brb: :brb: :brb:

مييييييش موووووووووووووووووومكيييييييييييييييييييييين

كتكت هانم

07-23-2004, 04:36 AM

:واه يابوي

أنا كنت فين عن الموضوع دا :D

بجد موضوع ظريف لطيف وخفيف استمتعت جدا بقراءته :brb: :brb: :brb:

SAD GIRL

07-23-2004, 04:33 PM

ايه ياعم هو انت داخل معركة :brb: :brb:
بس انا مش صعبان عليا من الحكاية دي كلها إلا الخلاط :D

خطر :brb:

زهرة مصر

07-26-2004, 11:18 AM

:brb: :brb: :brb: :brb: :brb: :brb: :brb: :brb: :brb:
العنتيل الدامد جوى .. بصراحة موضوعك يفطس من الضحك ايه ياجماعة الخيبة دى انتم ماعندكمش اى فكرة عن الطبخ ولا ايه !!!
وعشان تعرفوا انى مش بكدب وحلوة وطباخة بريمو . احكى لكم اول مرة دخلت فيها المطبخ كنت عروسة جديدة وبعد الاستفسارات خطوة بخطوة والاستعانة بكتاب ابلة نظيرة وكل ده عشان اطبخ طبعا اخترت حاجة سهلة خالص مكرونة بالصلصة عادية يعنى مش كارثة الباشميل اياها ومعاها كفتة بتتعمل باللحمة المفرومة وبتتقلى بالبقسماط والبيض .. وبما انى عمرى مادخلت المطبخ الا عشان اعمل كباية شاى معتبرة حقيقى كانت الوحيدة اللى بتشربها أنا بس ده حقد على مش اكتر ولا اقل غيرة منى يعنى.... المهم لبست مريلة المطبخ المرسوم عليها قلب كبير ومكتوب عليها احسن طباخة فى الدنيا امى مساها الله بالخير كانت هى اللى رسمة الرسمة دى عشان ترفع روحى المعنوية.. المهم حطيت المية تغلى عشان المكرونة والملح وشوية زيت عشان ماتلزقش فى بعضها (اروبة انا) وفى نفس الوقت قعدت اصبع الكفتة وكان شكلها عجب واحدة تخينة وواحدة قصيرة وواحد مكعبلة انما ايه اشكال تكعيبية خطيرة .. المية غليت حطيت المكرونة وفى عز الحر فضلت واقفة فى المطبخ عشان المكرونة ماتعجنش منى وكل شوية اقلبها وانا واقفة جنبها والعرق بيسح لما جالى جفاف :hot: .. وكل شوية اطلع واحدة اتأكد انها لسة ماعجنتش وقربت تستوى .. جت سليمة وخلصت المكرونة على خير -امال استاذة ورئيسة قسم الطبيخ :clap:- خلصنا نصف المهمة جينا على المهمة الاسهل عمل الصلصة بتاعة المكرونة طلعت مظبوطة تماما بس ملحها زايد شوية ! شويتين!! ثلاثة!! مش مشكلة دى حاجات صغيرة :blush):
جينا بقى على الكفتة اللى عايزة قلية بس ولا همنى وقفت وقفة ابطال وقليتها بالسلامة وشكلها حلو انما غريب مش مهم حطيتها على ورق المطبخ عشان الزيت وفرشت طبق التقديم بقدونس مقطع صغير وعورت صابعى بالسكينة عادى .. ونسقت الكفتة ورتبتها وغطيتها .. وقعدت بقى استنى وودنى عمالة تسمع كلمات المديح اللى حاتطربنى من شطارتى فى اول مرة ادخل المطبخ وكأنى مولودة طباخة اصل الحكاية مش حكاية كام مرة دخلت المطبخ الحكاية موهبة من عند ربنا وانا والحمد الله موهوبة مش عايزة فصال :bb:
وجه جوزى .. داق المكرونة وطبعا رد الفعل معروف وقال بلاها المكرونة نأكل الكفتة بالعيش (الخبز بالمصرى ياعنتيل) ندوق بقى اكل الفالحة للكفتة وطبعا كانت النتيجــة..

كارثة بمعنى الكلمة.. لسبب تافه جدا.. الجو نار والاكل كان سخن وحضرتى ابتديت اعمل الاكل بدرى وخفت انه يبرد فغطيته والكفتة فيها ايه!!!!!!!!! اسم الله عليكم فيها بيض كانت النتيجة ريحة وطعم nyaa:
ياربى حتى الكلب اللى كان عندنا رفض يدوقها .. بس نقول ايه غبا كلاب بعيد عنكم هو ربنا حرمهم من العقل من قليل :viking: ..

وعليكم بالخير مرة تانية اقولكم اكلة جميلة عملتها وكان لها معجبين جدا بس المشكلة ماكنوش بنى ادمين.!!!!!!!!!!!!!!!!!!!!!!!!!!!! :idea:

ســانــدى

07-26-2004, 04:57 PM

:brb: :brb: :brb:

موضوع رووووعة
مغامراتك فظيعة يا عنتيل فى المطبخ :knight:

وكنافة ابو نوران غير كل الكنافات

وزهورة مغامرتك برضو عسل الحقيقة

انا شخصيا معنديش مغامرات مطبخية

بس مستمتعة جدا بمغامراتكم :flowers:

حاملة الراية

07-28-2004, 05:20 AM

السلام عليكم

بجد الموضوع مهضوم خالص وجميل

بس انا لو حكيت عايز تعهد ان الكلام ده مش يطلع بره القهوه علشان انا بره ليا مركزي برضوا :blush):

المهم انا تجربتي كانت مع البيض بس مش اي بيض :idea: ده بيض وبالصيني كمان :واه يابوي

الحكايه ايه بقي

ابتدت من ايام مكانت ماما بتسبنا لوحدنا وتروح المدرسه :sniff:

وكانت بتعمل الاكل بليل وتسبه في الثلاجه واحنا نصحي الصبح زي الامامير وناكل

وفي يوم من الايام البرتقالي جه اخويا :انجغة: ابله انا عايز اكل

طبعا قال ابله من هنا ودبت فيا روح المحبه لاخواتي الصغيرين واحسست اني مسؤوله عن اشباع هؤلاء الاشبال الصغار

قمت وقلتله العب انت وانا اجبلك تاكل

والغلبان بصلي بامتنان قوي :ballon:

المهم فتحت الثلاجه وكانت الصدمه ماما معملتش اكل امبارح علشان كانت تعبانه :cry:

طيب اعمل ايه اعمل ايه

ومن الغرفه الثانيه سمعت الملاك الصغير ينادي ابله عايز اكل :hot:

طيب ابله تعمل ايه وانا حاسه اني ام لهؤلاء الصغار

قلت بس انا هطبخ لهم وحي علي الجهاد :knight: قصدي الطبيخ

جبت الكرسي الصغير وحطيته جنب البوتاجاز علشان اطوله
طيب كده الولعه اتامنت باقي الاكل اللي هيترمي قصدي هيتهري قصدي هيتطبخ
اعمل ايه مفيش غير البيض :idea:

طيب احنا محتاجين طبق وبيض وزيت
وجبت الطبق البلاستك وحطيته فوق الولعه وبدات الطرقعه

وادور الصوت ده جي من فين انا لسه يدوب هحط الزيت هووووووووووب ملقتش اي اطباق علي النار

وادور علي الطبق مش لقياه وفي الاخير اكتشفت انه ذلك الكائن القابع علي طرف الولعه

قلت بلاها الطبق المغشوش ده انا هقول لماما متجبش منه تاني
نجيب طبق تاني :clap:

وجبت طبق بس ايه صيني اصلي من اطقم جواز ماما :واه يابوي

وهووووب حطيته علي الولعه وقبل ما يتحول الي كائن اخر غير الطبق رحت دالقه الزيت :blush):

وهووووووووووووب اكسر البيض وحط القشر علي البياض المهم اديه بيض وخلاص

وشويه سمعت طرقعه :crazyy:

وفجاء حصل امر من المفترض انه يسجل في التاريخ لقد رايت الاطباق الطائره ولكن اطباق جواز ماما

:chair:

واكتفيت بذلك ولميت تلك المخلوقات الغريبه وفي كيس وانزل يا خلودي حبيبي ارميها في الزباله :واه يابوي

ولكن الطفل البرئ وفين الاكل يا ابله :confused: :confused:
اكل ايه ياحبيبي ماما زمنها جايه

ومن يومها لم تعرف امي بالموضوع إلا من وقت قريب و :chair: :chair: :chair: مع ان الموضوع مرت عليه سنين وده كانت اول تجربه لي في المطبخ

والي اللقاء مع حله الباميه :brb:

Amr_not_Amr

07-28-2004, 07:30 AM

السلام عليكم
أنا عايز أعيط ... عايز أبكي جامد موت ... نفسي عيني تذرف دموع :cry: :cry: :cry: :cry: :cry: :cry: :cry: :cry:

هتقولولي وإيه لازمة الغم ده ؟؟
مش عارف أنا فعلا ما بطلتش ضحك وكنت بضحك من قلبي ... بس بعد ما خلصت ضحك مش عارف إيه اللي بيحصل فعلا حزين قوي وعايز أعيط

أرجوكم ما تزعلوش مني ... والله أنا أول ما كنت عايز أكتب الرد كنت ناوي أنكت وهزر بس مرة واحدة قلبت غم معرفش ليه :sniff: :sniff: :blush): :blush):

العنتيل الدامد جوووى

09-24-2004, 01:47 AM

كاتب الرسالة الأصلية : Nosaibah
:brb: :brb: :brb:

:brb: :brb:

:brb:

:brb: :brb:

:brb: :brb: :brb:

مييييييش موووووووووووووووووومكيييييييييييييييييييييين

محدش جاب سيرة الـــ ميييييييش... ولا الفسيخ

بس هو اسمك نوصيبة....ولا مصيبة :thinky:

جارى تجهيز الرضوض :chair:

fendaweya

09-28-2004, 09:16 AM

احم احم...

سالخيييييييييييير عليكو جميعن

انا دخلت متأخرة قوي صح؟

الموضوع طلع تحفة الصراحة يرتني كنت حضرته من الاول

بس مش عارفة بقة حد هيقراه ولا لأ؟؟

بيني وبينكو احسن عشان الفضايح كترت اوي اليومين دول

ماعلينا

يالا بسم الله الرحمن الرحيم وهنبدا الليييييييييييييييييييلااااااااا

ااااااااااااااه ااااااااااااااااه
اه ياعيني عليه فكرتونوني بالذي مضي والذي جاي والهم الي قدامي وورايا

اصل محسوبتكو هيه كمان تبع جمعية (يحيا العلم) وسافرت عشان اكمل تعليمي

الجوووومعي العالي واجبلي شهادة اعلقها عل الحيطة عشان مسمعش الزيطة

وطبعا انا اعتبر نزيلة في احد بيوت التالبات الي مليا البلد دي

بس الحمدلله ماما ربنا يخليها ليه كانت حسه ان هيحصل فكان معايا اللي يفدني وكفايا من اصول الطبخ

الاساسيات المهمة والحمدلله بعمل اكل كويس وبتاكل ومش بس لوحدي انا باكل العيال اللي معايا في

السكن وبيعجبهم وبيشهدو دايما بقدراتي المطبخية اللا حدودية

المهم...

ويا خوفي من المهم ده

وطبعا لازم الفنان يجيلو لحظة ارتجال ويفنن ويخترع ويشكل علي كيفه ومحدش يقولو ت التلاتة كام

ماهو فنان بقة

وجتلي لحظة الارتجال!!

بس المرة دي جتلي في الملوخية

اه الملوخية اصلي معرفش اعملها نووووهاااااااااائي

والفتاكة جت وقلت بسييييييييييييييييطة هي كيميا دي حبت ملوخية لا طلعت ولا نزلت

واشتريت كيس ملوخية مجمدة من اللي مالية السوق دي

اوووووووبس افتكرت معنديش مرقة فراااااااخ

ولا يهمك يا بت !!

حطيت المية في الحلة وهووووووووووووووووووب مكعب مرقة فراخ ماجي وهووووووووب اتخلقت مرقة

من تحت طقاطيق الارض.

فاضل ايه؟؟!!

فاضل ايه؟؟!!

اه فاضل الملوخية بقة

ورحت حطة الملوخية وهات يا يقلييييييييييييييب وارفع الكبشة وانزلها عشان تبقي كدة ماسكة نفسها

زي مابشوف وبعدين جه دور التوم والكزبرة والتقليه

ورحت عملاهم بالسمنة كده خبط لزق

وهووووووووووووووووووووووووووووووووووووووووووب

حطيت التقليه واول ما عملت تشششششششششششششششششششششششش استريحت وتنفست الصعداء وحسيت خلاص

بانتهاء مهمتي ونجاحها

بس علي مييييييييييييييييييييييين

كنت ساعتها مخلصة الرز وكان اهو ماشي حاله يتاكل بعد ماكان ليه صولات وجولات فيه لا تعد

جه بقة معاد الغدا وحطيت الملوخية في الطبق لوحدهها كده لزوم الفشخرة والانتكة

وعينك كاتشوف الا النور

لقيت بقة طبق الملوخية مكون من ثلاث طبقات متوازية

اول طبقة من تحت عبارة عن ملوخية في القعر مع نفسها كده

والتانية عبارة عن مية خضرة تعوم فيها جزيئات الكوزبرة والتوم

اما التالتة بقة فعبارة عن طبقة من السمنة بطعم الزبدة الفلاحي رواااااابي

فتداركت الامر وقلت كلي يا بت ولا يهمك كله اكل ربنا

بس كان في حاجة بقة كان في تكنيك معين وخطوات مدروسة بعناية للاكل

اخبط الرز بالمعلقة الاول عشان احسس نفسي اني باكل رز مفلفل وبعدين اعمل زوبعة اخلط ف

فيها مكونات الملوخية ام تلات طبقاات واحطها بسرعة علرز قبل ماتفصل تاني!!

ولما سألت اهل المعفة قالولي انتي حاطة ميه كتيييييييييييييييييييييير

والملوخية المجمدة مليانة مية خلقة

وكان الله بالسر عليم

علي فكرة انا بابايا برضه ليه في السكة دي وهو من انصار جمعية (اديله ميه اديله مية)

وخبير في صنع مخلل الرز بمية الطرشي!!

انا كتبت كتير قوي

اسفة

العنتيل الدامد جوووى

09-29-2004, 04:26 PM

أنا كنت فين عن الموضوع دا

بجد موضوع ظريف لطيف وخفيف استمتعت جدا بقراءته

طيب طالما جيت كتكت هانم

اتحفينا بطبخة شايطة :blink:

بس انا مش صعبان عليا من الحكاية دي كلها إلا الخلاط

تم الااستبدال المولينكس بخلاط اسمنت :thinky:
وبعدين المكياش ح ينزل امتى احسن العنتولة الصغننة :انجغة: عندها اهتمامات

مكياشية :انجغة:

جارى تجهيز الرضوض :chair:

:knight:

SAD GIRL

09-30-2004, 10:34 PM

اول طبقة من تحت عبارة عن ملوخية في القعر مع نفسها كده

والتانية عبارة عن مية خضرة تعوم فيها جزيئات الكوزبرة والتوم

اما التالتة بقة فعبارة عن طبقة من السمنة بطعم الزبدة الفلاحي رواااااابي
:واه يابوي
:brb: :brb: :brb: :brb: :brb: :brb: :brb:
خـــــــــطــــــــر :brb: :brb:

SAD GIRL

09-30-2004, 10:52 PM

تم الااستبدال المولينكس بخلاط اسمنت
ده عاوزله اسمنت مسلح ،، :brb: :brb:

وبعدين المكياش ح ينزل امتى احسن العنتولة الصغننة عندها اهتمامات

مكياشية
:lolly: :lolly: :lolly:

إن شاء الله هننزله في يوم من الأيام ^_^ ،، بس انا مش عارفة إمتى اليوم ده أصلاً قريب ولابعيد :blink:
هو جزء كبير منه جاهز ،،

بس والله مشغولين بالمذاكرة خالص :sniff: ،،

وبعدين العنتيلة الصغيرة ليها اهتمامات في المكياش ،، تصدق اني عمري ماكان عندي اهتمامات مكياشية :واه يابوي ،، وانه الموضوع ده اللي هينزل بداية عهدي بها :lolly: :D

مفيش طبخات جديدة ولا ايه؟؟ :thinky:

ضحى عفيفى*

10-12-2004, 01:27 PM

موضوعك مثير جدَا بالنسبة لى لان مغامراتى فى الطبخ فظيييعة متتوصفش بصراحة

يعنى مرة ماما قالتلى سخنى الشوربة عشان تاكلى دخلت لقيت الشوربة قليلة وفى حلة تانية فيها شوربة كتير قمت حطيت دى على دى و استنيت شوية لغاية ما الشوربة سخنت جيت أذوقها استغفر الله العظيم طعمها غريب جدَا ماما قالتلى ايه اللى انتى عاملاه دة انت عملتى ايه بالضبط قولتلها اللى حصل" قالتلى"........

حطيتى الشيرة على الشوربة يا .............
سلااااااااااااام :crrr:

أختك فى الله ريبلاى

ضحى عفيفى*

10-12-2004, 01:42 PM

احم احم...

لقيت بقة طبق الملوخية مكون من ثلاث طبقات متوازية

اول طبقة من تحت عبارة عن ملوخية في القعر مع نفسها كده

والتانية عبارة عن مية خضرة تعوم فيها جزيئات الكوزبرة والتوم

اما التالتة بقة فعبارة عن طبقة من السمنة بطعم الزبدة الفلاحي رواااااابي

فتداركت الامر وقلت كلي يا بت ولا يهمك كله اكل ربنا

زى العسل والله يا فينداويا : هيه:

أنا عارفة البنات كلهم ايه اللى تاعبهم من الطبخ كدة؟؟؟؟؟ :hap1:

سلاااااااااااااااااااااااام FENDAWYA
وسلاااااااااااام للعنتيل دامد أوى على موضوعه اللذييييييييييييييييذ أوى :no:

عكننةهانم

11-23-2004, 11:06 AM

يااااااااااااه من ايمتى الموضوع ده :think3:
كان تحفة والله :tu:
بس ايه اللي نشطو
طب محدش عندو مقالب جديدة :D

MANAR

09-15-2005, 07:58 PM

انت حطيت دقيق مونديووو
:brb: :brb:
و ربنا ضحكت إيه ده :واه يابوي

ده الجيران سمعوا ضحكتي يا أخي :واه يابوي

استنوا أما أفتكر كده شوية :huh:
و أقول مغامرتي B)

تحياتي يا عنتيل :rosy:

و مبروك عليك التثبيت :rosy:

MANAR

09-15-2005, 08:02 PM

إيه ده :واه يابوي
آخر مشاركة عكنونة هانم 24 - 11 - 2004
و الله يا بارباروسا الموضوع جميل :rosy:

يلا بقى شاركوا فيه :yes2:

hanod

09-15-2005, 08:12 PM

يااااه حسستونى انى قاعده فى القهوه ايااااام زمان :wub:

قول للزمان ارجه يازمان :sniff:

بس قعدت قريته كلللللله :واه يابوي

و :brb:

هنشوف اكل شايط نجيبه هنا :brb:

العنتيل الدامد جوووى

09-16-2005, 03:19 AM

04-21-2004

الموضوع ده بقاله سنه ونص تقريبا :old:

اشكركم على التثبيت وح نحاول نكمل فيه

علشان نشارك كل عروسين فى حياة مطبخية سعيدة

*زهرة*

09-16-2005, 05:01 AM

ياه يا عنتيل الموضوع انا قريته زمان ووالله عندي في فايل على الجهاز من المواضيع اللي نزلتها ,ده بيضحكني ضوووووحك

*زهرة*

09-16-2005, 05:03 AM

حطيتى الشيرة على الشوربة

:واه يابوي ....:brb:

يانهاااار يا ضحى حطيتي الشيره على الشوربه ..انتي شكلك شاطره في المطبخ زيي انا وعنتيل كده :cry2:

blocked-heart

09-18-2005, 04:34 AM

:واه يابوي الموضوع ده من زمان اوي بس جميلة والله المغامرات التحفة دي:brb: :brb: :brb:
قبل ما تقروا المغامرة بتاعتي ........علي فكرة من زمان وانا بدخل المطبخ بس بمزاجي:blush2: وبعمل اكل توحفه وبيتحايلو عليا اعملهم اكل وانا ابدا:beee:

بس السنة اللي فاتت عملت كبدة اسكندراني تحفة بس مش عارفة ليه طلعت لونها دارك دارك بلاك:أخخخ: مع العلم ان ريحتها وطعمها كانو بجد تحفه مش انا اللي كنت بقول كدا دي مامي واخواتي بيقولولي ريحتها جميلة وهناكل امتي وكدا:twee: وانا بقي عمالة ازلهم واقلهم انا عملتلكو الاكل النهاردة وطلعت فالاخر مجرد ريحة وهمية:cry2: بس اتضح بعد كدا اني سبتها علي النار زيادة عن اللزوم
بس والله انا كنت عايزاها تستوي كويس:brb: الاعمال بالنيات بقي:blush2:
بس انا حرمت اعمل كبدة تاني كل واحد وليه تخصص بقي بس الحمد لله انا بعرف اعمل اكل :blush2: مش حاجة صعبة خالص والله بس لازم يكون الواحد ليه مزاج ميرسي عالموضوع ومنجلكش فحاجة وحشة ابدا يا رب:rosy:

WhiteAngelDalia

09-18-2005, 05:48 AM

ياااااااااااه ده الموضوع من زمان اوى من ايام ما كنت فى ارض الكنانه ادعولى ارجعلها تانى:sniff:

والحقيقه انا خبرتى فى الطبيخ صفر لذلك مش بدخل المطبخ خالص حفاظا على الامن العامhttp://haridy.com/ib/images/smilies/08.gif

NegmSoftware

09-18-2005, 02:04 PM

:999: :999:

موضوع تحفة:flowers:

أنا عندى شوية مغامرات مطبخية فظيعة .. إن شاء الله أول ما أفتكر حاجة إجى أكتبها على طول

بس كنت عايز أسأل الأخت ضحى على حاجة

هى إيه الشيرة دى؟؟:twee:

سارونا

09-20-2005, 02:25 PM

هى إيه الشيرة دى؟؟:twee:

عارفة السائل اللي زي العسل
اللي بيتحط على لقمة القاضي

هي دي الشيرة :D

NegmSoftware

09-20-2005, 06:00 PM

عارفة السائل اللي زي العسل
اللي بيتحط على لقمة القاضي

هي دي الشيرة :D
شكرا أخت سارونا على الإيضاح ..

بس فيه غلط كتابى بسيط

هو (عارف) مش (عارفة):chr58:

أخوكى نجم ، تحياتى:flowers:

Mohamed + Mona

10-23-2005, 02:47 PM

:chr43: :واه يابوي الله ايه الموضوع اللى ريحته حلوة دة

موضوع جميل جدا

اما انا بقى رغم انى من عشاق المطبخ و اختراع الاكلات
انما كان اول دخول ليه للمطبخ فضيحة:blush2: و قاعدوا فى البيت يتريقوا علية زى "لينة فى مسرحية المتوزجون"
اصلل اصلل...:closeeye:

اصلى كنت هعملهم فراخ بانيه ماما قالتلى اقولك الطريقة عملتلها فيها الشيف ابلة نظيرة:twee: لالا يا ماما انا هعملكوا فراخ بانية تحفة
الست يا عينى سابتلى المطبخ و هى قلقانة:think3:

رحت انا تبلت الفراخ البانيه و جيت علشان اقليها قلت لازم اغطيها بالبقسمات و الدقيق ( مكانتش بقى لسه الخلطات الجاهزة ظهرت)

ادور على دقيييق انى الاقى و فى الاخر اخدت (من اللى تحت الحوض):blush2: فصدى لاقيت كيس فيه حاجة بيضة هى دقيق

رحت مغطية الفراخ بمنتهى الثقة و قالتها
اااااااال و نظمتها فى سرفيس و حواليها شوية برسيم قصدى يعنى حجات من الخضرا دى :chr43: مناظر يعنى...

و جاء موعد الغذاء ماما بتبص عليها لاقيتها نشفة قالتلى( هى المرحومة جالها سل امتى )
معرفش يا ماما:dntknw:

و بناكل و يا سلااااااااااااااااام عسسسسسل عسسسسل
اتارييه بقى ال اييييه كان سكر بودرة:closeeye: طب مش تكتبوا عليه:dntknw:

و ماتت الفراخ بقى:blush2: :blush2:

منى

snow*white

10-25-2005, 06:08 PM

أنا بقى حصلتلي حادثة لسه طازة إمبارح ...... :":
كنت مجهزة الفطار كله مش فاضل غير صينيه الكنافة وأبقى خلصت :yahoo:
وأنا بقى ماألكوش أستاذه فيها...:999: لأ وإيه بالكريمة كمان :واه يابوي

المهم عملت الصينيه ودخلت الفرن وطلعت من الفرن وحطيت الشربات وكله تمام...:yes2:
وبعدين جيت أقلبها علشان أقدمها للناس الغلابى إلي كان مدعي عليهم إنهم يفطروا عندنا إمبارح :kap: إلا ولقيتها شعرها إتنكش وكل حته راحت في ناحية :gy0000:
وأنا قعدت ألف حولين نفسي ياترى نسيت أحط البلسم ولاحمام الكريم كان وحش :think3:
المهم عرفت المشكلة...

نسيت أدهن الصينيه سمنة...:واه يابوي

Mohamed + Mona

10-26-2005, 01:19 PM

:brb: :brb: حلوة اوى شعرها اتنكش دى ههههههه يا "snow white "
اكيد مش يتستعملى صانسيلك الجديد

يللى خيرها فى غيرها .. طبعا الناس هتحرم تاكل منك حاجة تانى

منى

العنتيل الدامد جوووى

10-26-2005, 02:10 PM

اتارييه بقى ال اييييه كان سكر بودرة طب مش تكتبوا عليه

:brb: :brb: :brb:

بصراحة انا كنت منتظر انك تقولى

طلع جبس

هيص ياعم محمد منى طبيخها سكر :yahoo:

العنتيل الدامد جوووى

10-26-2005, 02:16 PM

إلا ولقيتها شعرها إتنكش وكل حته راحت في ناحية
وأنا قعدت ألف حولين نفسي ياترى نسيت أحط البلسم ولاحمام الكريم كان وحش

:brb: :brb: :brb:

المرة الجاية اعملى الكنافة عند الحلاق..علشان لو فيه مشكلة..يتدخل جراحيا :gun:

Mohamed + Mona

10-26-2005, 03:16 PM

:brb: :brb: :brb:

بصراحة انا كنت منتظر انك تقولى

طلع جبس

هيص ياعم محمد منى طبيخها سكر :yahoo:

:brb: :brb: :brb: لا منا من يوميها بقيت بتأكد كويس اوى قبل ما احط اى حاجة:blush2:
دا انا طبيخى عسسسسسسسل:twee:

nanonancy

12-18-2005, 03:05 PM

:brb: :brb: :brb:

بصراحة انا كنت منتظر انك تقولى

طلع جبس

على سيره الجبس اسمحولى يا جماعه واتنا عضوه جديده معاكم اقدم لكم خلاصه خبرتى الكبيره فى عالم المطبخ :gun:
طبعا اساس الفن هو الابتكار :crazy_pil
انا باه ابتكرت طريقه جديده للبيتزا
يعنى زيت وخميره وبهارات و ولبن........و......و...... وجبس
اه والله زى ما باقولكم كده :wub:
حطيت بدال الدقيق جبس اعمل ايه كنا لسه مجددين المطبخ ومامى ماقالتليش على اماكن الحاجات...دورت على الدقيق لقيته تحت الحوض..........وكنت متغعاظه اوى وقعدت ابرطم البيت ده لازم كل حاجه اعملها فيه بنفسى حاطين الدقيق تحت الحوض. المهم اخدت الجبس( الدقيق سابقا ) وحطيته فى الحله ومعاه بقيه المقادير وعجنته....وسيبته علشان يخمر شويه....ساعه....ساعتين...تلاته....وكل شويه افتح عليه الاقيه ولا بيتحرك ولا بيخمر.....وكان فى ظواهر طبيعيه غريبه بتظهر...يعنى مثلا لقيت كل حاجه مستقله بذاتها.....اللبن عايم على الوش لوحده.....والزيت اخد له جنب لوحده وانا اقول ايه الظواهر الغريبه دى....:blush2:
المهم قولت يظهر ان الجو برد والعجينه مش حتخمر.....رغم اننا كنا فى نص اغسطس. قومت اخده الحله اللى فيها العجين( ده انا على نياتى اوى):sniff: وقولت افردها فى الصينيه وخلاص باه....وبعيد عنكم تقولوا شايله قوالب طوب الحله كانت تقيله اوى اوى
ما علينا....فردت العجينه فى الصينيه وكان فى ظاهره عجيبه برضه بتحصل ما كانتش بتتفرد يعنى كل ما افردها تكش وطبعا زى ما قولت قبل كده برضه الزيت واللبن متخاصمين
المهم فضلت وراها لغايه ما فردتها بعد مجهود وحطيت لها الحشو وكله تمام التمام اهو......:yahoo:
فى خلال باه ما هى فى الفرن مامى جت من الشغل
طبعا عملت فيها منى عامر باه........وقولتلها حتاكلوا احلى بيتزا فى الدنيا النهارده طبعا فرحت ببنتوتتها الشاطره ست البيت....
وفجأه افتكرت وقولتلها هو انا لازم كل حاجه فى البيت ده اعملها بنفسى....احنا من امتى بنحط الدقيق فى الدولاب اللى تحت الحوض...قالتلى نعم يا حبيبه مامى.....
دقيق ايه اللى تحت الحوض .....وهنا اكتشفت الصاعقه باه....:eeys:
طبعا كانت فضيحه فى العيله......:lolly:

العنتيل الدامد جوووى

12-18-2005, 06:57 PM

nanonancy

تاريخ التسجيّل: Dec 2005
العمر: 23
المشاركات: 6
المستوى:

انت كفاية الست مشاركات دول ..احسن احنا عندنا عيال عايزين نربيهم :انجغة:

جبس :واه يابوي جبس :واه يابوي

:brb:
:brb: :brb:
:brb: :brb: :brb:
:brb:
:brb:
:brb:
:brb:
:brb:

nanonancy

12-18-2005, 07:02 PM

انت كفاية الست مشاركات دول ..احسن احنا عندنا عيال عايزين نربيهم :انجغة:

اقولك حل كويس
انا ممكن ادى لولادك كورسات فى فن المطبخ

:ura1: :ura1: :ura1: :ura1: :ura1: :ura1:

العنتيل الدامد جوووى

12-18-2005, 07:05 PM

اقولك حل كويس
انا ممكن ادى لولادك كورسات فى فن المطبخ

:ura1: :ura1: :ura1: :ura1: :ura1: :ura1:

خلاص وانا موافق

لو معملوش الواجب

حبعتهم لك :shv:

منورة يانانسى :rosy:

nanonancy

12-18-2005, 07:24 PM

ده نورك يا باشا

ضحى عفيفى*

12-19-2005, 11:06 AM

يا نهاااااار :huh: :huh:
مين اللى نشط الموضوع دة :wub:

العنتيل باشا :vava:ده نقاشة :واه يابوي مش طبخ خالص :brb: :brb: :brb:
بالهنا والشفا الجبس يا ريس :twee:

:واه يابوي ....:brb:
يانهاااار يا ضحى حطيتي الشيره على الشوربه ..انتي شكلك شاطره في المطبخ زيي انا وعنتيل كده :cry2:
شوفتى يا زهرة :brb: :brb: :brb:
بس اهم حاجة انى لا منى اكلت شوربى ولا ماما عرفت تعمل الكنافة :vava: :vava:
فيه اختراع حلو اوى عاملينه للحالات دى:chr43:
الا وهو طلب الدليفرى :chr58:
يا دى الكسوف :blush2:

أنا عندى شوية مغامرات مطبخية فظيعة .. إن شاء الله أول ما أفتكر حاجة إجى أكتبها على طول

استاذ نجم باشا :D
كفاية علينا احاسيس محشية :closeeye:

بس كنت عايز أسأل الأخت ضحى على حاجة

هى إيه الشيرة دى؟؟:twee:

مين اللى نشط الموضوع دة :nunu0000:

kabotshinooo

12-24-2005, 01:29 AM

:ura1: موضوع جميل ورااااااااااااائع استمر كتيييييييييييييييييير ممكن تكون حاجه كبيره في يوم من الايام:55: يمكن لاعب كوره ولا حاجه:warning:

العنتيل الدامد جوووى

12-16-2006, 02:39 AM

:واه يابوي

الموضوع ده كان ضاع لما هريدى حذف الركن الوردى

انا بحب الموضوع ده جدااااا:wub:

هريدى متزحلق الموضوع ده على المصطبة قبل متحذف الركن الوردى تانى:sniff:

no0r

12-16-2006, 02:48 AM

:واه يابوي

الموضوع ده كان ضاع لما هريدى حذف الركن الوردى

انا بحب الموضوع ده جدااااا:wub:

هريدى متزحلق الموضوع ده على المصطبة قبل متحذف الركن الوردى تانى:sniff:

:واه يابوي

عنتييييل .. لو ضااع منك اى مواضيع مش لاقيها ف القهوة قووول واحنا نرجعهالك بعون الله

الموضوع ريحته حلوةاوى:واه يابوي .. انا لسه مقريتش .. بخلص ضحك قبلما اقرا ههههههههههههههه

تحيتى :brb: :brb: :brb: :rosy:

ام سلمى

12-16-2006, 03:19 AM

أنا فى رأى انه بلاش يتحذف الركن الوردى طالما رجع تانى
وبعدين هنحط مواضيع التقلية ................والطعمية دى فين :outttt:

عنتيل
أوعى تكون أنت قائد الانقلاب الفاشل :nunu0000:

نور محمد

12-16-2006, 03:59 AM

انا مدمنة الموضوع دا صراحة ...:brb: :brb: :brb: :brb: :brb::brb:
السمك المقلى والمسقعة وكنافة ابو نوران ..والرز العجيب ..ياااااااااااااااااااااه

تصدق ياعنتيل جوعت:sniff:

emanff

12-16-2006, 07:16 AM

اول مرة اقرأ الموضوع ,, وصراحة مووووووت من الضحك !

بس على فكرة .. شكلك تعرف معلومات عن الطبيخ اكثر منى !!!

ده انا لسه ما وصلت الى اختراع الباشميل .. ناهيك عن انى اصلا لا احب هذا الطبق !

وبعدين ,, مين قال انك لازم تحط دقيق على السمك عشان ما يتحرق !!!

احنا ما نحط طحين ! بس انت تتأكد ان الزيت حااااااااااااار جدا ...

وبس !:nose:

على ما اعتقد يعنى !!

والصراحة كله كوووووووووووم وكنافة عم ابو نوران كوووم ثانى ...
انا اشوف الكنافة , اكلها .. انما افكر انى اعملها !!!:think3: لا اعتقد !
دى عاوزه تركيبة دماغ معينة !!! :close_tem

بس لو سمحتوا لا احد يعتقد انى خيبة فى المطبخ !!! :closeeye:

انا لما كنت صغيرة ,, فى اعدادى كنت اعرف اعمل ملوخية ,, و مقلوبة, وحتى مكبوس ! ولا بريانى ... والله منا عارفه ايه الفرق .. هو كله لحمة او دجاج و رز !

وحاليا .. وبما انى اقول لأمى داااااااااااائما (انا امرأة عاملة B) )

فا انا لم اضطر الى انى اطبخ الا لما رحت الكويت وكنت لوحدى 6 اشهر..صحيح كنت اطبخ بس على قدى ... يعنى انا بالنسبه لى لما اكون عاملة مثلا اى نوع من الخضار مع الطماطم , وبجانبها الرز(المغلى بدون زيت عشان يكون اكل صحى) ,, فهذا غدااااااااااااء

لكن ما ادرى ليش الناس تعتقد انه طعام عشاء !..او انه مجرد مقبلات والمفروض ان الأكل الحقيقى جاى فى الطريق ! :dntknw:

ضحى عفيفى*

12-16-2006, 09:26 AM

ولاّ عصير الفراولة اللى اتحط بدل الصلصة على صينية البطاطس ..
لا واللى زاد وغطا انها كانت عزومة
عسسسسسل :brb:

Black*Cat

12-16-2006, 10:43 AM

انا ملاحظة ان كل اللى ردوا حصل لهم مصايب فى المطبخ لانهم نسوا يحطوا حاجة او مش عارفين المقادير الخ الخ
لكن انا بقى جبت المصايب على نفسى :chr58:
طبعا انا طول عمرى خيالى واسع و بحب الاختراع عشان كدة دخلت صيدلة عشان أعمل أدوية تموت الناس باذن الله:bud:
المهم انا كنت عايزة أعمل حاجة مقرمشة و مملحة فى نفس الوقت
قلت فى عقلى يا بنتى البسكوت بيقرمش عشان ماما بتحط فيه دقيق..:think3: فبالتالى اى حاجة يتحط عليها دقيق هتقرمش..شفتوا المنطق و الفلفسة؟؟:sheer:
مالقتش فى التلاجة غير حبة طماطم( كانت الساعة 3 الفجر و كله خلاص أكل و نام,,, الوقت المناسب لاقوم بالجريمة):twee:B)
قلت ى نفسى يا سلام طماطم مقرمشة,,,,,,,,,,فكرة هايلة....عبقرية طول عمرك....شكلها كدة هتطلع ولا أجدعها شيبسى بالطماطم:gun:
حطيت الزيت فى الطاسة و حطيت حتة طماطم عشان أقليها بس من غير دقيق.. لقيتها بتسود بس برضه مش مقرمشة:sniff:
رحت جبت حوالى نص كيلو دقيق..و قطعت الطماطم حتت و غمستها فى الدقيق.. بعد كدة رميتها فى الزيت:55:
لقيت ايه اللى حصل؟؟؟

الدقيق بيسود و يلزق فى الطاسة و الطماطم بقى لونها بنى:sniff:
طلعت عبيطة و قلت أدوقها:55::واه يابوي

لقيت طعمها :huh:........(استغفر الله) و كمان طلعت معجنة ولا مكرونة ريجينا بتاعة زمان دى:واه يابوي:واه يابوي
قعدت ساعة احاول اطلع فى الدقيق من الطاسة عشان الست الوالدة ما تعرفش بالحادثة

و فجأة

ظهر السيد الوالد:dntknw::kap:

انا قلت هيزعقلى و يقوللى خشى نامى و مش هيلاحظ المصيبة اللى عملتها:looking:

لكنه لاحظها:chr58:

المهم قاللى "ايه العكككككككككككك دة ؟؟؟؟؟؟؟؟؟؟؟":old::outttt:
و طبعا الدقيق ما طلعش من الطاسة و انا نمت و فى صباح اليوم التالى الست الوالدة و العيلة كلها عرفت الموضوع
:out:

و من يومها بطلت أخش المطبخ خاااااالص
خلينى فى الدراسة أحسن:closeeye:

emanff

12-16-2006, 08:07 PM

هههههههههههههههههههههههههههههههههههههههههههههههههه هههههههههههههههههههههههههههههه

شيبسى بالطماطم

هههههههههههههههههههههههههههههههههههههههههههههههههه هههههههههههههههههههههههههههههه

والله ضحكتينى

العنتيل الدامد جوووى

12-17-2006, 09:34 PM

:واه يابوي

عنتييييل .. لو ضااع منك اى مواضيع مش لاقيها ف القهوة قووول واحنا نرجعهالك بعون الله

الموضوع ريحته حلوةاوى:واه يابوي .. انا لسه مقريتش .. بخلص ضحك قبلما اقرا ههههههههههههههه

تحيتى :brb: :brb: :brb: :rosy:

نور لعلمك بقااااا الموضوع ده اتعمل قبل الاسعار م تولع

معندكيش اكلة شااااااايطة تحطىها لنا :satan:

العنتيل الدامد جوووى

12-17-2006, 09:40 PM

أنا فى رأى انه بلاش يتحذف الركن الوردى طالما رجع تانى
وبعدين هنحط مواضيع التقلية ................والطعمية دى فين :outttt:

عنتيل
أوعى تكون أنت قائد الانقلاب الفاشل :nunu0000:

ام سلمى....:closeeye:

عايزين ابوسلمى يكتب لنا طبخة ايام العزوبية :twee:

ياريتها كانت دامت :sniff:

المنسى1

12-19-2006, 03:57 AM

انا اكيل بس مليش فى المطبخ ..
.....يالا خيرها فى غيرها ياى عنتيل

emanff

12-19-2006, 04:04 AM

انا جيت اعمل روحى نبيهة فى المطبخ !! :sheer:

واقول ,, للى ضحك على اللى حاول يعمل بيض مقلى (فى المية) مش متذكره مين ..

تعال هنا :banned:

فعلا فيه بيض بيتعمل كده !!
وحتى اسمه
poached aggs

وهذا لينك
http://www.hormel.com/templates/knowledge/knowledge.asp?catitemid=10&id=446

B)
..............
بس الصراحة تقال !!

انا ما عملته .. :kap:

انا اكلته بس !:twee:

شهيدة الاسلام*

12-19-2006, 04:28 AM

السلام عليكم
يااااااااااه موضوع جميل اوى انا مت من الضحك:heat:
بس انا جيييت متأخر اوى
قريت موضوع السمك
بس لاتنى عندى خبرة فى الطبخ عرفت من اول ما قلت اشتريت سمك انك هتنسى الدقيق على طول
لان الرجالة بيكررروا نفس الخطاء بالضبط :gy0000:
اما حكاية البيض اللى فى المية ده لا تؤاخذونى اختى الللى عنده ست سنين عارفه البيض المقلى انه بيتحط فى السمنه
وولوسمحنالها هتعمله صح
بجد مووتينى من الضحك :mosking:
تحياتى ليك اخ عنييل عالافكار الجميلة

hanareem

12-19-2006, 09:44 PM

بسم الله الرحمن الرحيم
السلام عليكم يااهل الركن الوردى
ايه ده ايه اللى انا شايفاه ده :dntknw:ايه الحاجات الحلوه دى
كل دى اختراعات :yes2:احب اشكركم كلكم والله لانكم اعدتولى ثقتى فى نفسى
ورفعتوا من روحى المعدنيه
شوفوا ياجماعه اختكم عدت الواحد والعشرين عاما
وكل ماتدخل المطبخ تحصل مصيبه:budo::budo:
ما فيش مره وجبرت ابدا مش عارفه ليهمع انى بامشى على التعليمات تمام
وباتنفس كويس علشان الاكل نفس زى مابيقولوا :":
والمطبخ بقى اللى ليا فيه مغامرات كتير:mosking:وفاكراها طبعا من الخيبه:lolly:
ام هند
مره كنت فى ثانوى وعملنا فى حصه التدبير المنزلى كيكه اسقنجيه:yahoo:
اختكوا بقى كانت هى اول واحده اتبرعت(هى بصراحه ماكانش تبرع ولا حاجه انما فرده اصلى كنت قويه قوى زمان ):bud:
ام هند عملتها وكانت تمام فشر مراتب تاكى
ده طبعا فى المدرسه بلاش تفهمونى غلط:twee: :twee::twee:
قولت فى نفسى طالما انتى يابت شملوله كده(ده الاسم اللى مطلعه بابا عليا )
اعملها فى البيت
المهم رحت وطلعت البيض اللى فى التلاجه والدقيق وكل المستلزمات اللى لازمه واللى مش لازمه وحطيتها على الرخامه
وابتديت حطيت دقيق ولبن واشطه وبيض فى السلطانيه وبدات الضرب
اهم حاجه فى الكيكه الاسفنجيه ان العجينه توصل لمرحلة الشريط
اختكوا قعدت تعجن والتريقه شغاله على راسى الله ينور:vava::outttt::outttt::vava:
بابا يعدى ويقوللى كيف الحال استوت واللى يقول انا شامم ريحه وحاجات غريبه
كل ده ومازال الضرب مستمرا:chains::chains::chains:
تعبت وايدى خدلت
طرأ لذهنى فكره ان ممكن المقادير غلط
هوب افتكرت انى ماعملتش مقادير:kap:

زودت دقيق لسه ماوصلتش للشريط حطيت بيض برضه لسه:think3:
قعدت احط دقيق لغايه ماوصلت للمرحله المذكوره:ura1::ura1::ura1:
وهييييييييييييييييييييييييييه هناكل كيكه طبعا ومش اى حاجه اسفنجيه ياولاد
بطنت الصينيه وياريت ماحدش يحرجنى ويقولى يعنى ايه:twee::twee:
وصبيتها وانا قلبى كله فرح وعماله باطنطط واقول هاوريهم مين الشملوله:beee:
وحطيتها فى الفرن وكل ربع ساعه ادخل اشوفها :heat::heat:
يانهااااااااااااار الكيكه ما بتعلاش اعلى عليها اوطى عليها مافيش لمب
وبعدين بدات فى الارتفاع من ناحيه قلت مش مهم المهم انها ارتفعت
جبت عود الكبريت ودخلته فيها دخل بصعوبه شويه قلت وماله
تلاقيها قرمشت شويه طلعتها
واسمع التريقه :outttt::outttt::outttt::on_the_qu:on_the_qu

اتاريها لا ارتفعت ولا حاجه انما اتنت وطلعت لفوق يعنى بقت شبه الطبق المعوج
:closeeye::closeeye::closeeye::closeeye::closeeye: :closeeye:

حطيتها ودخلت اودتى
سمعت دوشه صوت هزار عالى قوى وضحك طلعت اشوف فيه ايه اتارى بابا واخويا بيلعبوا:beee::beee:
راسمين نقطه على الحيطه وبينشنوا بيها عليها وتنزل زى ماهى:twee::twee:
وماما زعلانه على البيض والدقيق
استنوا شويه ما اخلص عياط...........................
بس ودى كانت تجربه بس مش اخر تجربه معلش طولت عليكم بس كان لازم تكونوا
ملمين بكل الحيثيات............................ حلوه حيثيات دى
وسلام

bassyaaad

12-20-2006, 04:27 AM

ههههههههههههههه
بلاش تعمليها تانى خوفا على الصحه العامه ياهنا:on_the_qu
حلو التوبيك ده مضاد للاكتئاب

ندا

12-20-2006, 11:22 PM

من اجمل اجمل اجمل الموضوعات والذها على الاطلاق :واه يابوي :rosy:
بصراحة انا مش عارفة ااقولك ايه يا استاذنا العزيز العنتيل :rosy:

lo2sh

12-21-2006, 12:37 AM

:brb: :brb: :brb: احب اوى انا الناس ال لا تفقة شىء و بتغامر باردو معلش بقى يا عنتيل غلطة بسيطة مش مشكلة:mosking: بلاش تريقة صح بص هية حاجة واحدة اول مرة جيت اعمل فيها كيكة كانت يدوب يدوب يعنى حاجة بسيطة بتحدفها فى الحيطة ترجعلك تانى مش مشكلة باردو:mosking: بس اتاكلت اكلتها بصراحة للبيت بالعافية :wink3: :mosking: و مرسى على الموضوع الجامد موووووووووت دة زى ما اتعودنا من الباشا:rosy:

zoom129

06-24-2007, 06:27 AM

موضوع جامد اوى ياعنتيل رحت جبته من الاعماق

وضحكت لما فطست

تعال بقى احكيلك عن تجربتى مع اول حلة محشى كرنب

بعد ماسألت واطقست واخدت مقادير وبحثت عالنت وشفتال الاف والاف من صوابع المحشى
وعليه نزلت جبت كرنباية وقطعتها وسلقتها

..فى الاول الكرنب كان موش عاوز يستوى وبعدين قعدت ساعة الف واحشى فى ورق الكرنب

وبعد ساعة من العمل والكدح المتواصل فى حشو ولف اصابع الكرنب كانت المحصلة عشرة صوابع ...تخيل:satan:

ساعة باسلق الكرنب :old:
وساعة باعمل الخلطة :old:

وبعدين ساعة تالتة:satan: علشان اوصل لعشر صوابع محشى :old:

قلت كده موش حاينفع صعبت عليا نفسى وافتكرت امى ...يمسيها بالخير كانت تعمل الحلة فى اقل من نص ساعة :closeeye:

وانا واقف ادام صوابع المحشى جاتنى فكرة

تعرف ازاى بيعملوا صنية الرقاق باللحمة المفرومة ؟

انا عملت نفس الشئ... راقة كرنب وراقة رز وعملت طبقات زى صينية الجلاش طبقة كرنب وطبقة رز
وسقيت الصينية بالشوربة وبعدين دخلتها الفرن

وطلعت ايه عجب:heat:

قطعتها بالسكينة مربعات وقعدت اكل ..هى حتة واحدة وبطنك تقفل موش صوابع وتفضل ايدك شغالة صوبع ورا صوبع :brb:

فكرتنا بالذى مضى :أخخخ:

شهيدة الاسلام*

06-25-2007, 09:23 PM

انت طلعت خبير فى اليخنى يا استاذ زووم
راق بتنجان وراق ورق محروق تبقى احلى مسقعة
الحمد لله ما ليش تجارب فاشلة فى الطبخ
لانى كنت لازقة لماما فى المطبخ وانا صغيره
لكن برده محدش يستجرى يقولى اطبخى

ريحانة

06-28-2007, 01:30 AM

تحفة بجد ياعنتيل الموضوع ده
وشكرا للى طلعه من الاعماق
أنا شخصيا قعدت أقراه كله وموت من الضحك

المتبتله

07-09-2007, 07:23 PM

موضوع دامد قوي ياعنتيل وبما ان ليا صولات وجولات في الطبخ تشهد عليها اصابات العمل المطبخي والحروقات المعتاده قررت اني احكيلكم اللي افتكره
مثلا اول مره كنت باتعلم احشي ورق الكرنب (وده خد مني دورات تدريبيه شاقه):55: كنت بالف الصباع وكل ما أبصله وانا بحشي اتلخبط فكنت ببص للسقف اوللتلفزيون واحشي ولغاية دلوقتي امي بتفكرني بالموضوع ده وتتريق عليا
وبعد الجواز بقى مره ماما جبيتلي بطايه كميله خليت حد يدبحهالي علشان قلبي رهيف ونضفتها ونظرا لصراخ طفلتي النونه نسيت الحته اللي بتنقطع من ديل البطه وبعد ماتبخطها لاقيت ريحة الشوربه أع أع وطعم البطه أعين أعين والحمد الله جوزي مسألش عنها لو كان سأل كنت هاقوله راحت في الوبا
ومره تعبت نفسي وطبخت بسله خضرا جميله وبعد التفصيص والغسيل والتسبيك والذي منه وبعد ماكتملت الطبخه ودوقتها وانا باغرف لاقيت حشره خضرا صغيره من اللي بتتكيف مع لون الخضار ارجوكم ماتقرفوش انا دلقت الحله خلاص
ومره بقى قلت لحماتي انا باعمل كيكه جميله (مش عارفه ايه اللي بيسحبني من لساني) قالت اعمللنا صنيتين روحت اشتري المكونات من الدكان سألتني الحاجه اللي هناك هو انتي هاتعملي ايه قلتلها كيكه قالت خدي اعمليلي معاكي(اصلها قريبه مقربه لحماتي وجارتنا الحيط في الحيط) المهم وافقت وعملت العجينه تمام وبذلت مجهود شاق في طحن السكر وخفق البيض وكله بقى تمام قوم ايه ولعت فرن البوتجاز من فوق ومن تحت(انا واخده على الفرن الكهربا عند ماما وده بيولع من فوق ومن تحت)المهم ولعته وانا ماعرفش اتعامل معاه وانتظرت الزمن الكافي قبل ما افتح :twee: وفتحت ياسلام كيكه عليا وريحتها جميله ولونها مضبوط :lolly: اقطعها بقى واغرس السكينه الاقيها من جوه عجييييييييييييين ومن ذكائي ونابهتي كنت حطه التلاته مع بعض
نزلت لسلفتي وقولتلها ياختي استري عليا وخدي اشتريلي اعمل كيكه تاني طبعا عملتلي نشرة اخبار

مستكة

07-11-2007, 10:08 AM

ايه الحلاوه دي..........
أنا مت على نفسي من الضحك:brb: :brb: :brb: :brb: :brb: :brb: :brb: :brb: :brb:
من أول صفحه.............
ضحكتني والله يا عنتيل..............
بس الموضوع عايز له كده شوية رواقه........أفتكرلوكوا ايه أكتر حاجه مضحكه انا عملتها.....
أصل أنا الصراحه مصايبي كتيييييييييييييييييييييييييييييييييييييييييييييييي ير.......:to_pick_ones_nose2: :to_pick_ones_nose2: :to_pick_ones_nose2:
من صغري والله:انجغة: :انجغة: :انجغة: وأنا :to_pick_ones_nose2: :to_pick_ones_nose2: :to_pick_ones_nose2: .مصيبه متحركه في المطبخ(على رأي الست الوالده....مامتي:wub: )
لي عوده ان شاء الله.....
و تحياتي:rosy: :rosy: :rosy:

maa115

07-12-2007, 01:16 PM

ازيكم يلا احلى سباب فى احلى قهوه0
انا عضوه جديده على المنتدى 0
والموضوع ده شدنى بجد 0
عثل عثل 0
المهم مطولش عليك اصل ورايا طبيخ 0
وان شاء الله احكلكم اللى حصل معايا قريب 0سلام

بنبونايه

07-12-2007, 08:05 PM

انا كنت من كام يوم قريت اول صفحتين من الموضوع دا وفطست من الضحك و مفتكرتش اي مغامره من مغامرات الطبخ النوويه بتاعتكوا :": وقولت لنفسي خلاص يا بت يا ميو انتي كبرتي وبقيتي طباخه اد الدنيا:old: يومها صاحبتي كانت جايالي قولت اقوم اعمل كيكه :ura1: علشان تحلف اني خبره مطبخيح فذه:to_pick_ones_nose2: عملت العجينه وضبطت الفرن ودخلت الكيكه:yahoo: المفروض ان هي بتعلي وحجمها بيزيد ودي طوبه ماما تقولي علت اقولها اصبري شويه مستعجله ليه؟؟؟:think3: المهم قعدت ساعه في الفرن خلاص استوت اطلعها الاقيها مكتومه كتمه صعبه :vava: اقول يا ربي نسيت ايه ؟؟؟؟؟؟؟؟؟؟؟:أخخخ: طلعت نسيت البيكنج بودر وماما واقفه ادامي فطسانه علي روحها من الضحك وطبعا انا مفتريه وقويه اكلت الطوبه اللي عملتها لصاحبتي :gun: :nunu0000: علشان كنت عملاها علشانها :closeeye: بعدها بيومين قولت اعمل واحده تانيه اعوض اللي فاتت :chr58: وافتكرت احط بيكنج بودر المره دي بس زودته شويه علي اساس انه مش هيضر لو زاد:twee: طلعت الكيكه مفروله علي الاخر وشكلها مسخره:surrender وادبست في اكلها:sniff: انا شكلي قريت علي نفسي :chains: بس انا مش هستسلم و بفكر اعمل واحده تالته النهارده وربنا يستر :bud: ادعولي............انا اسفه علي التطويل

المتبتله

07-12-2007, 09:37 PM

ما بلاش الكيكه يابونبونايه والعبي في المضمون:brb:

ام الشهيد

09-06-2007, 02:21 PM

سلام عليكم ورحمة الله وبركاته
دوما كالعادة مواضيعك جميله جدا يا عنتيل والموضوع ده انا قريته من خلال المسابقه وعجبنى اوى وكان لازم من قصه او حكايه من حكايات المطبخ الفزيعه
المره دى مش حكايه تخصنى انما حكايه خاصه بمدرس اللانجليزى بتاعى
مستر حسن الله يمسيه ويصبحه بكل خير :ura1: :ura1: :ura1:
المهم لاقيته بيقولى هو انتى بتعرفى تعملى المحشى ؟؟؟؟؟؟؟؟؟؟؟؟؟؟؟؟؟؟؟؟؟
قلت له يعنى بساعد ماما فيه :انجغة: :انجغة:
لاقيته بيقولى انا وانا فى الكليه فى مصر كان نفسى اكل محشى اوى وكان معايا فى السكن ناس زمايلنا قلت لهم انا هعمل لك اكلة محشى انما عجب :yahoo: :yahoo:
ونزلت وجبت الحاجات اللازمه عشان اعمله ..........:": :":
لاقيته بيقولى وبكل براءة انا عمرى ماشفت حد بيعمل المحشى وماكنتش اعرف ان لازم الكرنب يتسلق :think3: :think3: قلت له يعنى ايه ؟؟؟؟؟؟؟؟؟؟؟
قالى لما لاقيت الكرنب مش عاوز يتلف بالرز وبالخلطه قلت انا هضحك عليا العيال لازم اشوف حل للموضوع ده :kap: :kap:
وقد كان جاب خيط وبدأ يربط صوابع المحشى ويرص فى الحله :chr58: :chr58: :chr58:
وبيقولى خلاص خلصت الحشى وهنيجى لمرحلة الطبخ :واه يابوي :واه يابوي :واه يابوي
كنت عامل فرخه معتبره وقلت انا هحط الشوربه بتاعتها مكان الميه (قال يعنى بيخترع حاجه جديده مايعرفش ان ده العادى )
المهم بيقولى انا حطيت الشوربه وزودت ميه وفجأة :think3::think3: :think3:
لاقيت ريم اخضر على وش الحله ولكم ان تتخيلو كرنبه مش مسلوقه وبكرة خيط وشوربه بيقولى كنت حاسس انى قاعد ادام ترعه B) B) B)
انما هو انا استسلم بالسهوله دى ابدا :old: :old: :old:
جبت المعلقه واشيل الريم وجبت كرسى وقعدت ادام الحله (كانت على وابور جاز ايامه ماكانش فى اختراع البوتاجاز) وكل شويه اشيل الريم (حاجات خضرا كده بتعوم على الوش)
المهم بعد كده واحد من اصحابه دخل وهو قاعد محتاس ادام الحله :to_pick_ones_nose2: :to_pick_ones_nose2:
فى ايه ياحسن مالك مش عارفه يا اخى حلة المحشى مش نافعه خالص :nunu0000: :nunu0000:
وكانت الصدمه زميله راح كشف الغطا واخد الحله وفى الزباله.:gun: :gun:
احب اعرفكم ان مستر حسن بيقولى انه من بعد هذا الحادث الكئيب اصبح المسئول الاول عن غسيل الاطباق وتشطيب المطبخ واعداد الشاى لزملاؤه لمدة شهر ده طبعا غير التريقه فى الرايحه والجايه
تسلم يا عنتيل وفكرتنى باللذى مضى :rosy: :rosy: :rosy: :rosy: :rosy:

نـِسـمِـة رحمه

10-09-2007, 01:50 AM

حقيقي ياجماعه انا مش عارفه اقولكوا ايه بس بعد الي انا سمعته منكم عن التجارب الفظيعه الي بتشجعها الدوله في الطهي انا فخوره بيكوا وباختراعاتكوا الرهيبه الي أثرت جدا في المجتمع
وعلي فكره انا كنت متخيله ان معظم الابتكارات الجنونيه في الطبخ انا الي انفردت بيها بس زي مالمثل بيقول الي يشوف بلوة غيره تهون عليه بلوته
وعاوزاكوا ايمانكوا بالله يكون كبير وبعد كل مأساه مطبخيه تعدوا منها علي خير تقولوا كلمه واحده قل لن يصيبنا الا ماكتب الله لنا
وياريت ياجماعه بدل ماتبهدلوا مطابخ أهاليكوا ياريت تاخدوها من قاصرها وماتدخلوش أسوة بقوله تعالي ولا تلقوا بأيديكم الي التهلكه
أما عن مغامراتي المطبخيه:
فعلي ماأذكر اني غالبا كل مابعمل الرز دايما بنسي احط فيه حاجه من الاتنين يا اما الملح او السمنه بس مش ملاحظين حاجه ياجماعه ان عادة كل أخطائنا بتكون في الرز مع أنه مايستاهلش مننا كده ده ياما سد جوعنا
وأفتكر بقي حاجه ظريفه جدا هي ان دايما والدتي الصبح كل مااجي اسالها هاطبخ ليكوا انهارده ايه؟ تقولي باقولك ايه احنا عاوزين ناكل حاجه عدله فابلاش تطبخي انتي انهارده فاوالدي يرد عليها ويقولها ماتسيبيها تتعلم وهي يعني لو مااتعلمتش في بيت أبوها هاتتعلم في مين؟ولما بيرجعوا من الشغل وأحط الاكل علي الطربيزه ومع أول معلقه تدخل بق بابا يروح قايل لماما وحياة ربنا لو سيبتيها تتعلم فينا بعد كده هايكون اخر يوم اقعد معاكوا علي الاكل فيه
علي الرغم ياجماعه من ان المقادير دايما بتكون مظبوطه لكن يظهر ان ده قدر هانعمل ايه ؟؟؟؟؟؟؟؟؟؟؟ماباليد حيله
بس حقيقي موضوع ظريف جدا:rosy::rosy::rosy::rosy::rosy::rosy::rosy::rosy :

كاتى

10-30-2007, 12:30 AM

والله الموضوع لذيذ
اما ذكرياتى عن الطبخ فانا لسه مخلصه ثانويه والمطبخ ما كنتش بدخله غير عشان افتح التلاجه اطلع منه الاكل ومازلت ورفضه تماما انى اتعلم الطبخ بس اكيد هايجى يوم واتعلمه ولحد ما يجى ربنا يسهل
المهم انا ليه ذكرى بسيطه قوى وهى
ان ماما كانت عازمه اخواتى البنات وازواجهم وكنا فى رمضان وكانت حطه الفراخ فى الفرن وقالتلى خالى بالك منها لحد ما اطلع على السطح واجى وكمان خمس دقايق افتحى الباب عليها
وطلعت ماما وياريتها ماطلعت
لان نسيت افتح باب الفرن وكانت النتيجه ان الفراخ اتحرقت
بس الحمدلله ماما كانت عامله لحمه ومكرونه بلبشمل وربنا ستر
واحنا عموما ماما سبتنا اربع شهور كانت فى السعوديه مااقلكش على كمية الاكل البايظ ال احنا كنا مجبرين ناكله لان مافيش حديعمل السليم ولما البطن اشتكت قضناها لحمه وسمك بس