سبب انشاء المساجد فى الجامعات المصرية..

[آيات الجارحى1]

وصلتنى بالايميل واحببت ان انقلها لكم لما فيها من فائدة مع الدعاء لصاحب الفكرة طالب الزراعة والدعاء لمن نقلوها لنا..



في الثلاثينات كان في طالب جديد التحق بكلية الزراعة في إحدى جامعات مصر، عندما حان وقت الصلاة بحث عن مكان ليصلي فيه فأخبروه أنه لا يوجد مكان للصلاة في الكلية بس في غرفة صغيرة ( قبو ) تحت الأرض ممكن يصلي فيه‎.

ذهب الطالب إلى الغرفة تحت الأرض و هو مستغرب من الناس اللي في الكلية لعدم اهتمامهم بموضوع الصلاة ، هل يصلون أم لا ؟!؟

المهم دخل الغرفة فوجد فيها حصير قديم و كانت غرفة غير مرتبة و لا نظيفة ، ووجد عاملا يصلي ، فسأله الطالب : هل تصلي هنا ؟!؟

فأجاب العامل : أيوه ، محدش بيصلي من الناس اللي فوق و مافيش غير هذه الغرفة‎.

فقال الطالب بكل اعتراض : أما أنا فلا أصلي تحت الأرض. و خرج من القبو إلى الأعلى ، و بحث عن أكثر مكان معروف وواضح في الكلية و عمل شيئ غريب جدا‎ !!!

و قف و أذن للصلاة بأعلى صوته !! تفاجأ الجميع و أخذ الطلاب يضحكون عليه و يشيرون إليه بأيديهم و يتهمونه بالجنون. لم يبالي بهم ، جلس قليلا ثم نهض و أقام الصلاة و بدأ يصلي و كأنه لا يوجد أحد حوله. ثم بدأ يصلي لوحده .. يوم ..يومين .نفس الحال ..الناس كانت تضحك ثم اعتادت على الموضوع كل يوم فلم يعودوا يضحكون .. ثم حصل تغيير .. العامل اللي كان يصلي في القبو خرج و صلى معه .. ثم أصبحوا أربعة و بعد أسبوع صلى معهم أستاذ ؟؟‎!

انتشر الموضوع و الكلام عنه في كل أرجاء الكلية ، استدعى العميد هذا الطالب و قال له : لا يجوز هذا الذي يحصل ، انتو تصلوا في وسط الكلية !!!، نحن سنبني لكم مسجد عبارة عن غرفة نظيفة مرتبة يصلي فيها من يشاء وقت الصلاة‎ .

وهكذا بني أول مسجد في كلية جامعية. و لم يتوقف الأمر عند ذلك ، طلاب باقي الكليات أحسوا بالغيرة و قالوا اشمعنا كلية زراعة عندهم مسجد ، فبني مسجد في كل كلية في الجامعة‎....

هذا الطالب تصرف بايجابية في موقف واحد في حياته فكانت النتيجة أعظم من المتوقع .. و لا يزال هذا الشخص سواء كان حيا أو ميتا يأخذ حسنات و ثواب عن كل مسجد يبنى في الجامعات و يذكر فيه اسم الله ... هذا ما أضافه للحياة‎ ..

بالله علينا ماذا أضفنا نحن للحياة ؟!؟

ابتداء من اليوم يا أخي/اختي لنكن مؤثرين في أي مكان ننوجد فيه ، و لنحاول نصحح الاخطاء اللي حوالينا

ولا نستحي من الحق .. و ربنا سيوفقنا باذنه

[Dr ims]

:blush):

[صعيدي جداً]

شكراً آيات علي هذه المعلومة التي لم أكن أعرفها قبلاً

:clap::clap::clap:

ولكن عندي معلومه ولا أعرف مدي صحتها :blink:


هل صحيح أن المدارس التي تبني بأموال المعونة الأمريكية في مصر يشترط من قبل القائمين علي المعونة الأمريكية ألا يبني في هذه المدرسة مسجد أو مصلية لمدة خمس سنوات من إنشاء هذه المدرسة؟؟؟

:chair::chair::chair::chair:

[ميمو2003100]

الاخت فى الله
قصة جميلة ونسال الله ان يزدنا علما

[Bassoom]

قصة جميلة جدا :clap:

لو كانت صحيحة :blush):

[آيات الجارحى1]

السلام عليكم ورحمة الله وبركاته..
اسفة جدا لتاخرى فى الرد..
جزاكم الله خيرا جميعا ..
الصراحة انا مش عارفة مدى صحة معلومة ان المساجد لا تنشا غير بعد خمس سنين لما تبقى بتمويل من امريكا لكن اجمالا امريكا بيبقى لها اشتراطات كتيرة لما بتدى معونات وعلى فكرة هى مش معونات لان غلط اننا نتناول الكلمة بيننا كده امريكا اللى بتاخده من خيرنا بتضحك علينا وترده فى صورة معونات لكن لو حسبناها صح يبقى امريكا هتبقى امريكا مديونة لنا مش احنا اللى مديونين لها

[ميمو2003100]

السلام عليكم ورحمة الله وبركاته
اشكرة الأخوة الافاضل للاهتمام وللرد اولا باول
واود أن أوكد معلومة أن أمريكا لا تعطينا معونات بل هى تعطينا تعويضات عن ما تأخذه منّا عنوة
ثانيا : اعتقد ان المعونات الامريكية تعطيها امريكا لنا لتذهب للمسيحين واود ان يكون هذا الراى خاطئا ورغم ذلك فانى
اثق فى مسيحين مصر ولكن أكاد أجزم بان أمريكا ترسل تلك الأموال لتثير فتن طائفية فى الداخا وفرقة عامة على مستوى الدول العربية بأسرها
وعلى الله قصد السبيل
والسلام عليكم ورحمة الله وبركاته

[المعــلم مونتـس]

هاى يا توتو
معلش انا لسه مخلص امتحاناتى و مليش دماغ اقرأ اى حاجه ألا بعد شهر على الاقل زى مقالى الدكتور لأن دماغى كبرت اوىىىىىىىىى :55: :55: من كتر المزاكره
مش عارف اسلم عليكى خالص

[أندلس]

القصة جميلة قوي يا (( آيات ))...تسلمي يا رب :flowers:

شخص عزيز عليا...كان بيحكي لي...إنه لما كان طالب في كلية الصيدلة اسكندرية

في أوائل الستينات لما كان ييجي و زمايله يصلوا ميلاقوش مكان يصلوا فيه..و كان هو

رئيس اتحاد الطلبة في كليته أيامها ( كانت بالانتخابات النظيفة مش زي دلوقتي )

فطلع للعميد أيامها و طلب منه تخصيص مكان لائق للصلاة...الدكتور رد

عليه...انت اتجننت؟ جاي لي في كلية الصيدلة اللي أكتر من نصها مسيحيين تطلب مني

الطلب ده؟ لكنه ربنا قدره و صمم على مطلبه رغم اعتراض العميد...و فعلا جهز بفضل الله

مصلى للكلية

ما ضاع حق وراءه مطالب :rolleyes:

هل صحيح أن المدارس التي تبني بأموال المعونة الأمريكية في مصر يشترط من قبل القائمين علي المعونة الأمريكية ألا يبني في هذه المدرسة مسجد أو مصلية لمدة خمس سنوات من إنشاء هذه المدرسة؟؟؟
معرفش بالنسبة للمساجد...بس مش مستبعدة...اللي سمعته من مدرسة تعمل في

مدرسة ثانوي مختلطة أنشئت بمعونة أمريكية إن أمريكا بتشترط قبلها إن المدارس دي

تكون بنات و ولاد...لدرجة أنشأت مدارس مختلطة ف الصعيد!

[ابو نوران]

السلام عليكم ورحمه الله

حلو الكلام:clap::clap::clap:

بس الواحد يحاول واحده واحده

يعنى مش كل حاجه حتتغير فى يوم وليله

بدل ما الشباب يأخذهم الحماس الجامد

و إعملوا حسابكم انكم حتنضربوا:chair::chair:

يعنى انتم أحسن مننا وللا ايه:cry::cry:

تحياتى

[آيات الجارحى1]

جزاكم الله خير جميعا على الردود والمتابعة..
ميمو:flowers:
تعرف ان امريكا المعفنة دى حاليا بتقوم بتجميد كل الهيئات الخيرية ومراقبة كل الفلوس اللى بيتم تحويلها لما تكون مبالغ كبيرة ومتابعة الاثرياء اللى بيدعموا اى تبرعات خيرية اسلامية


مونتس:flowers:
اهلا يا منتصر حمد الله ع السلامة كفارة المهم محمد فهمى ميكونش جاب امتحانات صعبة ..وفى انتظارك تنورنا فى المنتدى


اندلس:flowers:
منورة يا اندلس وجزاكى الله خير على ردك الجميل..


ابو نوران:flowers:
نصايحك دايما جميلة وجزاك الله خير على ردك

[صعيدي جداً]

لدرجة أنشأت مدارس مختلطة ف الصعيد!



أختي اندلس


هقولك معلومه يمكن أول مره تعرفيها :closeeye:


أغلب مدارس الصعيد مختلطه منذ قديم الأزل :blink::blink:

أنا كنت في مدرسه ابتدائي مشتركه
وإعدادي أولاد
وثانوي مشتركه :crazyy:
ولاد وبنات في نفس الفصل :crazyy:
كان عددنا في الفصل 14 ولد و 23 بنت :thinky:
مع إن المدرسه مبنيه من عهد جمال عبد الناصر ومش بفلوس المعونه الأمريكيه :sniff:

بس ده عشان قلة المدارس
وقلة عدد الطلاب أيضاً
:huh:
بس الشئ الجميل إن فيه أختلاط في قائمة الأسماء في الفصل


بس مافيش اي إختلاط تاني :clap::clap::clap:


لأن فيه عادات وتقاليد وموروثات ... وحاجات كتييييير تمنع يكون فيه إختلاط من أي نوع .



علي فكره أنا من سوهاج والمدارس دي كلها في سوهاج :55::55:










طحياتي :flowers:

[الأمــ صاحب ــل]

قصة جميلة جدا
لو كانت صحيحة

أنا قرأت القصة دي في أحد الكتب وكان مذكور فيها سام الطالب كمان :واه يابوي
لذلك أعتقد ان القصة صحيحة :D :D
والله أعلم

[*زينة*]

السلام عليكم...
على فكرة يا جماعه القصه اللي حاكتها ايات صح لاني سمعتها من عمرو خالد قبل كده..
وبالنسبه لموضوع ان امريكا بتفرض شروط علينا فانا مش عارفه بس اكيد و احنا نقدر نقول لماما امريكا لا... :chair:

[اكشن]

شكرا


بس ا/ عمرو خالد قلها بس تقريبا قال انها فى احدى الدول العربية

بس جزاك الله كل خير :)

[ام الشهيد]

ماضاع حق وراءه مطالب
ياريت كل واحد فى مكانه يحاول ياخد حقه بالمحاوله مرات ومرات
شكرا ايات على الموضوع
تحياتى

[البريق الاسود]

مشكوررررررررررررررر

[salah_snz]

عمرو خالد قال إنها في بلد عربية غير مصر تقريباً
مش ده موضوعنا
شكراً على الموضوع

[بقايا حلم]

عارفة يا ايات القصة دى بتثبتنا كتير جدا فى الكلية
لية بقة لان عندنا طبعا مسجد فى الكلية لكن للاسف بيقفلوة كل كام يوم ويضيقوا علية
متعرفيش لية كان تجمع اللى بيصلوا هيعملوا انقلاب مثلا
لكن بنقول لنفسنا ان كان اى شخص كان سبب لفتح تلك المساجد وان شاء الله فى ميزان حسناتة
اكيد عيب قوى ان احنا نسيب الحق دة يضيع مننا والمسجد يتقفل
ولا حول ولا قوة الا بالله

[salah_snz]

عارفة يا ايات القصة دى بتثبتنا كتير جدا فى الكلية
لية بقة لان عندنا طبعا مسجد فى الكلية لكن للاسف بيقفلوة كل كام يوم ويضيقوا علية
متعرفيش لية كان تجمع اللى بيصلوا هيعملوا انقلاب مثلا
لكن بنقول لنفسنا ان كان اى شخص كان سبب لفتح تلك المساجد وان شاء الله فى ميزان حسناتة
اكيد عيب قوى ان احنا نسيب الحق دة يضيع مننا والمسجد يتقفل
ولا حول ولا قوة الا بالله
فعلاً اموضوع ده بيحصل
و عندنا الجامع بقى حصيرة في و سط المبنى
بعد ما كان متقل و فيه مراوح و نور

[roby_ota]

شكرا يا آيات علي المعلومة المفيدة دي
جزاكم الله خيرا

[بنت النيل]

السلام قبل الكلام

قصه رائعه لكن للاسف الوضع دلوقت مش زي ايام الطالب ده

لماكنا بكليه العلوم جامعه القاهره كانوا مخصصين غرفه صغير جنب قسم الكيمياء كمصلى للطالبات وللاسف عشان مفيش اماكن للموظفين خدوا الغرفه ديه وعملوها للموظفين ونقلوا مصلى البنات مع مصلى الشباب وبينا وبينهم ستاره العميد قرر ازالتها وشالها ولمااعترضنا قالنا انا بساعدكم عالجواز كتكم خيبه :closeeye: :closeeye: :closeeye:

طبعا البنات معدتش بتصلي فيها وانتقلنا لغرفه تحت الارض بجوار مكتبه الكليه غرفه متواضعه بسيطه ضيقه جدا بقت هى مصلى الفتيات بكليه العلوم جامعه القاهره

تقولوا بالعميد ده ايه بقى ؟؟اتشال الحمدلله بعدمامشينا معرفش ايه اللي جرى للغرفه ديه واين انتقل مكان مصلى البنات

[كتكوت بجد]

جميل يا ايات فعلا عندك حق بس على قد ما اقدر بحاول اعمل حاجة تنفعنا كلنا