قافلــــة كن مسلم إيجابياً.....

[Asd Allah]

السلام عليكم ورحمة الله وبركاته

بعد التحيه الطيبه

أخونى وأخواتى الأحباء فى الله أود أن أطرح فكرة لقافله جديده لإستبقاء الخيرات

وتكون موضوعها مرتبط بقيودنا التى سوف تطرح فى البرنامج لنساعد بعض فى فكها بل وكسرها للأبد ما رأيكم هيا لنعمل سوياً

والآن كيف كيف نساعد بعض ليكتب كل منا فكره إيجابيه أو فكره فعليه هو فعلها ليكتب شعوره عن تحقيقها أو سلبيتها للحذر منها وإيجابيتها لتشجيعنا على فعلها....

والآن أترككم مع الأفكار والإيجابيه........

[حلم]

بسم الله الرحمن الرحيم:
اخى الكريم:asd allah
فكرةجيدةجدا

انا هبداء واطرح فكار وتجارب لكثيرين

(جمعية رسالة)
*عندك عربية وبتتفسح بيها وبتعمل بيها اللى انت عايزه ...يمكن تكون فى يوم من الايام سبب معاصى....طب ممكن تاخد عربيتك وتخرج فى سبيل الله...مره واحده فى الشهر..بطل بخل...وتعال ....خدمعاك شنط اكل جاف(مثل شنطةرمضان)...وتروح لبيوت ناس غلابة توديلهم لحد باب بيتهم الشنطة
#انا مش هاتلكم على الثواب انا بس هاقولك اللى هيحصل فى قلبك ...هو مكانش مواظب حتى الصلاة بس واظب على الموضوع ...تعال شوفه دلوقتى...وشوف البركة اللى فى حياته...حاجه غريبة كانت عربيته بتتخبط كتير وكان بياخد مخالفات ...الموضوع ده اختفى ...كان الله عز وجل بيحمى العربية علشان بس المشوار ده.:)....(مشروع بنك الطعام)

*عندك ملابس قديمة...طبعا عندك ...هو انت اشتريت اخرمرة ملابس امتى طب طلعت قصدها ايه...اه انت لازم تتطلع....طب جرب كده ....لم اللى عندك واللى شايله علشان احتمال تلبسه
#كلما فكرت فى انها تحتاج الى ملابس جديدة تاتى بحقيبة مليئة بالملابس وتقول لى انها لا تحتاجها لانها سياتيها قريبا ملابس جديدة.....انها تتاجر مع الله عزوجل........(معارض رسالة منتشرة)

*ممكن تيجى تدى فى الحضانة لزهرات صغار واطفال ايتام ,او تذاكرى للاكبر شوية,
#كان لدى كم من المشاكل الرهيبة وعلاقتى بالله عز وجل كانت فى اسواء حالتها....ما الذى حدث بعد سالتها؟........لاشىء انا الان سعيدةجدا وكل شىء ميسر لى ...لست مستعدة ان اترك هذا العمل ابدا.:D.........

*ممكن تكون اخ اكبر لطفل او اخت اكبر لطفلة....يعنى تكفلى يتيم مش بالمال لكن بالتربية وتعليم الدين
#طول عمرى نفسى اكون صلاح الدين دلوقتى خلاص انا قررت انى اربى صلاح الدين:clap:

*عندك دم.:واه يابوي...متفهامش غلط:chair:...ااقصد انك اكيد عندك دم....طب فيه ناس محتاجه ممكن تتبرع بجزء منه كل فترة لو سمحت يعنى

#يمكنك المساهمة بالتطوع بوقتك ومجهودك في أنشطة:

* الأخ والأخت للأيتام

* نشاط حضانة الطفل اليتيم

* نشاط بنك الطعام

* نشاط الملابس المستعملة

* المعارض الخيرية والتكافلية

* نشاط مركز الكمبيوتر

* نشاط المكفوفين

* نشاط المستشفى

* نشاط الورشة الفنية

*بنك الدم

موقع رسالة على النت
تفضل (http://www.resala.org/)

على الفكرة الموضوع مش محتاج تفرغ يعنى ساعة فى الاسبوع ولا حتى ساعة فى الشهر


ديه بس عينة لشباب ايجابين صنعوا الحياة....وامل ما فى ايجابيتهم انها كانت الايجابية الاصعب كانت ايجابية البناء

وباذن الله اكمل امثلة اخرى

فى امان الله:flowers:

[حلم]

بسم الله الرحمن الرحيم:

انا جيت تانى:واه يابوي

الموضوع ده انا شايفة انه مهم جدا ....
الموضوع هو محو الامية

لما يكون 40%من الامة اميين تبقى مصيبة...بس انا هنا مش بتكلم عن امية القراءة والكتابة بس

ونحط ديه قدامنا
(خيركم من تعلم العلم وعلمه)
*اوعى تبخل بالعلم اللى عندك

1- امية القراءة والكتابة

طبعا حضرتك بتعرف تقراء وتكتب:D ...اكيد يعنى ولا ازاى بتقراء الكلام ده:brb:

طيب البواب اومراته بيعرفوا بيعرفوا ولا لو مبيعرفوش ....يبقى لازم حضرتك تنزل تعلمهم او حد تعرفه ومبيعرفش علمه يا سيدى


2- امية الدين

ديه بقى مش هتغلب تدور على حد لانها منتشرة جدا من البواب للمستشار:chair:.....حاول تركز على تعليم الفروض....وتغيير العادات السيئة.....وياريت تبعد عن الموضوعات اللى فيها خلاف(غناء ,موسيقى,نقاب.........الخ)/ركز جدا على الاساس
علم اطفال الحى القرآن(لو انت مش بتعرف انزل اتعلم وروح علم)
لو متعلم كويس خلاص علم شباب ونساء ورجال الحى
وبعدين لو انت شاب وبتركب موصلات عامة بجد انا بحسدك (خصوصا لو كان حاجة زى ميكروباص او مينى باص) لانك راجل ومش هتتكسف من السواق حط شريط واسمع وسمع اللى حوليك
(اعرف ان هذ الموضوع يدخل تحت بند الدعوة ايضا)

3-امية الكومبيوتر والانترنت
خصوصا بالنسبة للشباب ...بما ان سعادتك دخلت هنا يببقى اكيد عندك المبادىء حتى للكومبيوتر ...طب ممكن تعلم حدمن اصحابك او اقاربك او اى شاب....من اول المبادىء بحد ما تحب

4-امية القراءة

امة اقراء لاتقراء(اتحدث عن الثقافة)...........هذه هيا الماساة ...ديه محتاجة حاجتين لوتعرف صغار ازرع فيهم حب القراءة (من سن الرابعة فما فوق)....لواكبر حاول تجيبلهم مواد محببة وصغيرة وسهلة القراءة علهم يحبونها....لاتركز على كتابات الدين فقط بل نوع
(او تقدر تعمل مكتبة صغيرة كده وتعمل فيها استعارة بينك وبين اصحابك )

5- المواهب اللى مالى البلد ومش لاقيه حد يصقل هذه الموهبة ....حضرتك تقدر اتفضل ساعد(رياضة,ادب,كومبيوتر,رسم.......الخ)

6-تخصص حضرتك ايه....مش عايزه اعرف...بس اكيد انت عارف....لو انت شاطر فيه(ولو مش شاطر خليك ايجابى وارفع مستوى نفسك) وتعالى ساعد غيرك اللى من نفس تخصصك....كمان تقدرتعطى معلومات عامة اذا كانت تفيد الاخرين ممن هم ليس لهم نفس التخصص
................................

وعلى راى ايمى(بس خلاص

فى امان الله:flowers:

[Asd Allah]

ما شاء الله مجهود موفق

اما عن موضوع رساله فإنى عامل مجموعه شبه قريبه من ناحية العمل من جمعية رساله فىبلدى

اما عن موضوع محو الاميه مستنىأخلص إمتحانات وهشتغل فيهإن شاء الله

وبإذن حين الإنتهاء من الإقتراحات لسوف تنسق لتوضع فى موضوع منسق إن شاءالله

[مسلم لكن روش]

فى حاجة يا جماعة
بالنسبة للطلبة
فان من افضل الايجابيات التى يمكنه ان يقوم بها
ان يجتهد فى دراسته حتى يكون بيننا علماء ومفكرين لا جهلاء وعاطلين

[Asd Allah]

أكيد أخى بس انا شايف ان هذا العمل واجب عليك

نريد إيجابيات إختياريه تساعد على النهضه

ولكن انا معك من من المسلمين الآن يذاكر بإتقاء لله

جزاك الله خيراً
:flowers:

[Asd Allah]

أليكم أقتراح قد طرح من قبل فى البريد

وهو إقتراح ليس بالجديد بل ذكره عمرو خالد فى الحلقه

وهو تنظيف المساجد

فأليكم أهداف المشروع:----

1- الحصول علىمسجد نظيف.
2- الحصول على راحة المسلمين
3- رضىالله وبالتالى الحصول على الثواب

المتطلبات:

أولاً : البحث والتنقيب:

أبحثوا علىالمساجد الصغيره والزوايا التى بالطبع تكون مهمله من ناحية النظافه -احصروهم كأسماء والحاله من حيث إحتياجهم للنظافه

ثانياً : مرحلة الإعداد :

1- اشتروا أدوات نظافه (ثمنها قليل) مثل

مقشه-مساحه-زعافه(فرشة حائط)- مطهر للحمامات - بوط للأرجل - بخور -فرشه للسجاد-......وأشياء من هذا القبيل

2- أخبر أصدقائك لمشاركتك الثواب (إعداد بشرى) وحببهم فى العمل وعرفهم مدىالثواب المعطى

3- طبعاً أخبروا خادمالمسجدمن قبلها حتى يفتح لكم المسجد

ثالثاً : تحديد التوقيت

هذا من رأى وكل انسان أدرى بظروفه

بعد العشاء لعدم وجود صلاه بعدها يراك الناس فيها وانت تعمل

وياحبذا بعد الفجر.........

رابعاً التنفيذ

امامك الكثير لتفعله نظافة السجاد من الأتربه والحوائط من بيوت العنكبوت والحمامات وطبعاً هناك بوط لعدم ملامستك لشئ (عاوزين نعمل ولكن بدون ضرر)

وطبعاً بعد ما تنتهى أنت وزملائك البخور عطروا المسجد للمصلين

أعمال إضافيه

1-ضع أوراق دعويه أو الملصقات الخاصه بالمساجد لتزيين المسجد

2-إن كنت مقتدراً ووجدت المسجد يحتاج الى شئ فلبيه وأتى اياه

تذكر العمل كله لله فلا تتباهى بيه.......

[حلم]

بسم الله الرحمن الرحيم:

تحياتى للجميع...

اخى :asd allah

>>>>>
طبعا مصيبة ان تصبح بيوتنا نظيفة وبيوت الله بهذا الشكل:chair:.....

اعتقد ان هذه الفكرة ربما تكون اكثر بالنسبة للشباب لان كثير من المساجد الصغيرة بكل اسف لايوجد بها مصلى للنساء ....
واعتقد ان علىالجميع ان يبداء بالمسجد الذى بجانبه او بسمجد الكلية

اى ثواب قد ياخذه الشخص او اى احساس بالفخر يساور الانسان الذى يقوم بتجميل بيت الله:)

اقترحت انت فى بداية الموضوع ان يحكى الشخص عن تاثير الفعل الايجابى عليه او على من يفعله فهل تحكى لنا:)

وحتى نلتقى تحت ظل عرش الرحمن....

فى امان الله:flowers:

[hamada844]

السلام عليكم ورحمة الله
اخوتي في الله
عندي فكرة بسيطة جدا وسهلة جدا وحلوة جدا جدا
ماتيجي نشجع الناس على مشاهدة لابرامج الهادفه
عايزين جيل جديد يقدر يبني و يعمر
ولا انتو مش معايا ؟ معتقدش
طيب ايه رايكم
ورقة وقلم و1\2ساعة من وقتك
اكتب ايام السبوع وتحت كل يوم اكتب اسماء القنوات الحلوه
زي اقرأ والمجد وغيرها واكتب البرامج الهادفة ومواعيدها ونبذة بسيطة عن كل برنامج
وفي الاخر اكتب ملاحظة بسيطه "بالله عليك صورها واعطها لمن تحب لتعم الفائدة "
واي نصيحة مثل "حافظ على الصلاه في اوقاتها " او "من صلى على النبي مرة صلى عليه النبي عشرا ومن صلى عليه عشرا صلى عليه النبي مائة ........ "ابدأ انت صورها ولو 5 نسخ
وفرقها وان شاء الله كل اللي يقراها وحتى لو ماتبعش اللي فيها هاتاخد ثواب النصيحة اللي فيها
مش قولتلكم مكسبها مضمون
على فكره انا ان شاء الله هابعتلكم مواعيد البرامج اللي بتكلم عليها
والسلام عليكم ورحمة الله وبركاته



ملحوظه الى الاخ ibn abd el3azizانت عايش هنا ف مصر؟

[Asd Allah]

لقد تم ضمج الموضوع نظراً لتوافقه مع هذا الموضوع

[سبحان الله]

موضوع رائع اخى فى الله

وكل الافكار جميله جدا

بس فى نقطه مهمه انا شايف ان مع الكلام اللى انتو قلتوه ده لازم يكون فى حث للناس على العمل

بمعنى ان نحاول ناخد ناس معانا مش نشتغل لوحدنا لان احنا طبعا عارفين ان الكويسين قله

فى المجتمع بتاعنا ده واحنا بقى واجبنا ان احنا نزودهم فكل واحد يعرف واحد جاره مثلا

او زميله فى الكليه يخدوا معاه فى اى عمل خير بيعمله

علشان يبقى الناس كلها بتشتغل لمصلحه الامه

[eldoctor]

و انا باوسع دايرة الخير .. لنبدأ مع قلب توبة مشروع جديد فيه الخير لمرضى المسلمين .. ولنا جميعا باذن الله
موضوع التبرع بالدم .. صدقة عن نفسك و زكاة عن صحتك ...
الفكرة كالاتى ...
كل واحد حيسجل فصيلة دمه ... و يتابع نسبة الهيموجلوبين .. بتاعته ..لو تسمح بالتبرع .. حنحطه فى قائمة ... و نحاول نوسع الفكرة دى .. بحيث تبقى فى كل مدينة ... مجموعة من فصائل الدم المختلفة .. اللى اصحابها جاهزين للخير ...
فكرة مش جديدة .. بس عايزين تتطبق على نطاق واسع
.. جزاكم الله خيرا

[eldoctor]

انا اضفت موضوع تانى هنا فى صناع الحياة .. عن ورش العمل الاسلامية .. و بداية ورشة عمل هريدى ... ياريت اللى عنده نية و عزم يقوللى...

[Asd Allah]

الكاتبه الأصليه

ضاحكة مستبشره

السلام عليكم و رحمة الله و بركاته
عندي أفكار بسيطة ، يا رب تفيدك
ممكن تحاول تعمل مجلة حائط في الكلية، تصممها و تجمع مادتها مع اصحابك، و تحاول تخلي ليها طابع ديني
ممكن تعمل زي لوح تعليمية للأطفال و تهديها لدور الأيتام
ممكن تكتب أذكار مختلفة على لوح صغيرة و تعلقها في أي حتة تقدر عليها ( في عمارتك أو في الكلية أو في الجامع ....)
ممكن تعمل إعلانات عن البرامج المهمة ( زي صناع الحياة)
ده بالنسبة لموهبتك ، و أكيد في حاجات كتير تانية ممكن تعملها بعيد عن الموهبة
على العموم ربنا يثبتك و يستعملك في خدمة الإسلام

:cry: ما أفكارك حلوه اه مش شايفين حاجه ليه.........

مش لازم أعيط عشان تشاركى :flowers:

[Asd Allah]

يالا ياجماعه الموضوع هيفك تثبيته قريباً الى عنه فكره يقول قبل ما ننقل للقيد الى بعده

[حلم]

بسم الله الرحمن الرحيم:
تحياتى للجميع....

بعض تصميمات للايجابية..حاول تنشرها
...........
http://www.myeasynet.com/webdrivefolder/hello_hg/esnaa.jpg
........
http://www.shababforum.8m.com/images/jpg/040.jpg
............
http://www.shababforum.8m.com/images/jpg/038.jpg
..........
http://www.myeasynet.com/webdrivefolder/hasnaa_hg/Egaby.jpg
..............
نشرك لهذه التصميمات...دليل على ايجابيتك
........

وحتى نلتقى فىظل عرش الرحمن...
فى امان الله:flowers:

[Asd Allah]

جزاك الله كل الخير على الإضافه.........

[Miss.Nouna]

موضوع واقتراحات جميلة جدا

عندي كام اقتراح كدة

1ـ ممكن تصور ورق لأذكار الصباح والمساء وتوزعها على الناس .....او تحاول تجيب اللي مطبوع جاهز عشان شكله بيكون احسن

2ـ ممكن تسجل مجموعة من الشرايط سواء لعمرو خالد أو لغيره ..... بس تكون مؤثرة قووي زي التوبة وحب الله للعبد ... وتوزعها على الناس عند المسجد وتكتب على كل شريط ( الرجاء بعد سماع الشريط اعطه لغيرك ليستفيد الجميع امانة في عنقك الي يوم القيامة )
بكدة هيكون زي الصدقة الجارية وعدد كبير يستفيد من شريط واحد :clap:

3ـ اطبع اوراق للمقاطعة واضرار التدخين ووزعها برده

دي شوية افكار جت على بالي :blush):

[amalhazen]

السلام عليكم ورحمة الله وبركاته
أحبتي في الله وأصدقاء وكل أهلي أن لهذه الموقع وقع رائع علي نفسي وعلي الكثيرين غير بأذن الله وبرنامج أخينا المتميز عمرو خالد هو من صنع الفرق والبدايه.
الأيجابيه أراها من وجهة نظري
*حب الله أولاً وحب الرسول الكريم ومن ثم ننطلق بحب الخير لأنفسنا وللجميع.
كثيرين هم من يعتقدون أن التضحيه أيجابيه أو الفدائيه كلهما أمر رائع ولكن ليس علي حساب نفسك وسلامتك النفسيه والصحيه.
*الإيجابيه هي أن أكون ذاتي في كل الظروف وأحبها وأعتني بها حتي يتسني لي أن أعتني بالأخرين من حولي.
*الإيجابيه لدي هي أن يكون كل ما أقوم به في حياتي وكل حياتي..مماتي...كل أمكاناتي وطاقاتي لله وحده لا شريك له.
وعندما نصل الي ذلك سيتحقق الحلم ونصل الي النصر الأقتصادي,الأجتماعي,التربوي,الديني,السياسي,ونصرنا أولا وأخيرا علي أنفسنا.
نحتاج الي خطة واضحه وعمليه ونبدء المشوار في الحياة من جديد.
تحياتي للجميع:flowers:
وأتمنى أن أكون أضفت شئ ولو كلمه واحده في هذه الموضوع وأن قصرت أو أخطئت أو كررت فأعتذر للجميع.

[حلم]

بسم الله الرحمن الرحيم:

Miss.Nouna:
افكاررك رائعة:clap:
جزاك الله كل خيرا:)
وحفظك الله واعزك:)

................
الرائعة amalhazen:
*الإيجابيه لدي هي أن يكون كل ما أقوم به في حياتي وكل حياتي..مماتي...كل أمكاناتي وطاقاتي لله وحده لا شريك له.
اتفق معك مائة بالمائة....
تخيلى لو ان المسلمين كانوا هكذا
مصداقا لقوله تعالى"قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ" الانعام 162

*حب الله أولاً وحب الرسول الكريم ومن ثم ننطلق بحب الخير لأنفسنا وللجميع.
كثيرين هم من يعتقدون أن التضحيه أيجابيه أو الفدائيه كلهما أمر رائع ولكن ليس علي حساب نفسك وسلامتك النفسيه والصحيه.
اتفق جزئيا معك ولكن لى راى شخصى هو الا نتوقف حتى نصبح افضل بل ناخذ الطريقين معا وهذا سيرفعنا بشكل كبير فى طريق تطهير النفس(عن تجارب كثيرة


وأتمنى أن أكون أضفت شئ ولو كلمه واحده في هذه الموضوع وأن قصرت أو أخطئت أو كررت فأعتذر للجميع.
اختى الكريمة ...مجرد تواجد قلم مبدع وراقى مثلك ...وهو شى رائع:inlove:
اما عن اضافتك فاعتقد انك اضفت الكثير حبيبتى
فانتى تطرحين فكر جيد ووجهة نظر تستحق الاهتمام

رجاء استمرى هنا ....واثرى معنا هذا المكان حتى نصنع الحياة
حفظك الله ورعاك:)


**********
وحتى نلتقى فى ظل عرش الرحمن...
فى امان الله:flowers: