نحو مشروع دولة اسلامية .. التربية

[eldoctor]

بعد فشل المشروع السابق .. وفى موضوع نحو دولة اسلامية .. التعليم .. و محدش فادنا بحاجة ..
كلاكيت تانى مرة .. المرة دى حا نتكلم عن التربية..
اولا المطلوب من المشاركين هنا انهم يكونوا اباء و امهات ..
يعنى الشباب الصغير مع احترامى لهم .. يصبر شوية .. شايلنكم لموضوع تانى ..
و ده لان احساس الابوة او الامومة مختلف .. لا يعرفه الا من جربه ...
المطلوب .. كيف تربى اولادك .. و الموضوع مفتوح ... و على فكرة مش اقتباس .. بس ده جزء من صناعة المستقبل .. و صناعة الحياة ...
يارب اشوف حد يشارك بجد .............

[جهـــJeHaDـــاد]

موضوع رائع وهادف واعتقد ان التفاعل معه سيكون اعمق واكبر في ركن اخونا اسد الله صناع الحياة

[Asd Allah]

للأسف انا لست من الآباء:blush):


ولكنى منتظر دورى أيقظونى عندما يأتى :فتكوا بعا

[bigera]

السلام عليكم

هو بصراحة انا لسه طالب

بس ممكن اقول حاجة للاباء والامهات

ياريت تكونوا اصدقاء لاولادكم مش اعداء عشان الواحد ملاحظ ان كتير من الاباء ابنائهم

[eldoctor]

مفيش فايدة .. الناس بتدخل مواضيع عجيبة بالالوف .. والمواضيع المهمة..محدش بيدخل ..
سبحان الله ... الواحد يقفل الموضوع ده كمان و خلاص

[^MB^]

لا هيدخلوا



وبالعند فيك الموضوع مش هيتقفل يا دكتور :nanana:


مفتوح وهيتكمل ولو بعد حين :clap: :clap:

[Asd Allah]

ليه يادكتور كده الصبر ضياء


أسئلك الصبر الصبر الصبر.........

انا معاك الناس فى غفله بس فى أمل.......

انا معاك والله بس لا تمل انا للأسف ابن وليس اب حتى الآن ولكنى أشجعك على هذا الموضوع أستحلفك بالله لا تغلقه......

أريد المناقشه هناك ماكل كثيره جداًً أراها بسبب أصول التربيه وانا قريبا إن شاء الله أصبح زوج وأريد أن أستفيد............

ربنا معاك ومعانا (((حبيبى فى الله الدكتور)))):flowers:

[أبو عيون معمصة]

والله يا سي الدكتور الموضوع فعلاً مهم وسؤالك كيف تربي أولادك سؤال صعب جداً
أنا على وش جواز وبفكر بقالي فترة ازاي أربي أولادي
بس خايف من كارثة اسمها التعليم
لأني ناوي أربي أولادي بالطريقة اللي شايفها صحيحة وعاوز أتعب في تربيتهم بس لما كنت في الجامعة ولما ببص حواليا على زمايلي في الكليات اللي بتخرج مدرسين ببقى خايف فعلاً.
بشوف ناس بتدخن وناس معندهاش لادين ولا أخلاق وناس للأسف الشديد ماتربتش والجامعة ما كانش ليها أي تأثير عليهم وبقول بيني وبين نفسي هم دول اللي هيعلمو أولادك في المدرسة؟؟؟!!!
معقول هتسيب ولادك للناس دول يعلموهم ويربوهم؟؟؟ والله محتار بس على الأقل أنا لازم أتقي ربنا فيهم وأربيهم بطريقتي وأحاول أمنعهم يتأثرو بأي حاجة غلط.
إحنا ممكن كتير مننا يكونوا آباء أو امهات مثاليين في بيوتهم ويربو أولادهم أحسن تربية
بس والله الخوف كلو من اللي برا البيت .. من أصحابهم ومن مدرستهم ومن جيرانهم.
عموماً الواحد يعمل اللي عليه والباقي على ربنا لأنه في حاجة اسمها الأخذ بالأسباب وربنا يجيب اللي فيه الخير.
طبعاً المثل اللي بيقول "إن كبر ابنك خاويه " حلو وابن حلال بس مش قوي كده
يعني الصداقة بين الأب وابنه مطلوبة وضرورية بس لازم يكون في بعض الأوقات حد لهذه الصداقة وبيكون الحزم هو سيد الموقف عند الضرورة
الموضوع كبير جداً والكلام عنه كتير وخلينا نشوف باقي الشلة رأيها أيه في الموضوع

[eldoctor]

طيب نبدأ بحديث نبوى .. (( لاعبه سبعا و ادبه سبعا ..وصاحبه سبعا ثم اطلق حبله على الغارب))
هل ينفع فى عصرنا الحالى فى جيل التليفزيون .. اللى قبل ما يوصل سبع سنين .. بيكون عرف لغتين .. و عرف الدنيا ماشية ازاى ..
يعنى .. هل التأديب و التربية تبدأ من سن 7 سنوات (بدون الدخول فى مناقشات جانبية حول الحديث) انا اظن والله اعلم .. ان حديث المصطفى كان عن السنوات الاولى فى العمر ... يعنى الملاعبة فى سن الصغر .. وما ان يظن انه يعقل يبدأ فى التربية .. وتكون المصاحبة .. او فهم الابن عندما يصل الى فترة المراهقة .. من سن 14 الى 21 سنة ...
بداية خيط للحديث نسمع رأى الناس

[Asd Allah]

أولاً عاوز أعرف معنى

ثم اطلق حبله على الغارب

وبعد كده أقول رأى..............

[^MB^]

يعنى يفعل ما يشاء ولا تؤاخذ علية لأنك لم تهمل أو تغفل عن تربيتة ويجنى هو وحدة ثمار ما يفعل

[هريدي يابووووي]

أعتقد المقصود باطلاق حبله على الغارب.. أن تربي وعيه و احساسه بالمسئولية.. ثم تترك له الحرية ليخوض الحياة و يختار و يتحمل مسئولية اختياره..
و ده اللي انا ناوي اعمله ان شاء الله..
للأسف كثير من الآباء بيربوا الأبناء بالتحفيز الخارجي.. يعني مابيبقاش فيه حافز داخلي عند الإبن.. فتلاقيه مثلا مايذاكرش الا لما حد يأمره بالمذاكرة.. لكن المطلوب انه يبقى عنده وعي بان مذاكرته هي اللي هاترسم طريق مستقبله.. فيبقى الحافز من جواه ان عنده هدف و عاوز يحققه و يوصل له..

[Asd Allah]

للأسف كثير من الآباء بيربوا الأبناء بالتحفيز الخارجي.. يعني مابيبقاش فيه حافز داخلي عند الإبن.. فتلاقيه مثلا مايذاكرش الا لما حد يأمره بالمذاكرة.. لكن المطلوب انه يبقى عنده وعي بان مذاكرته هي اللي هاترسم طريق مستقبله.. فيبقى الحافز من جواه ان عنده هدف و عاوز يحققه و يوصل له..


عندك حق أخى فى الله

فعلاً الحفز أو الهدف الداخلى يملأ قلبه وحتى كل نفس يتنفسه وهذاأيضاً ما سوف أفعله بإذن الله والحافز هو (((الجنهورضا الله )))) فمنذ أن ولد أبنىأو بنتى بإذن الله سأذرعها فيه علىحسب عمره

أما رجوعاً للحديث أخى الدكتور علما ما عرفتمن العلماء وانا متيقن وواثق من هذا الكلام ان القرآن والسنه منهج لكل زمان وكمان فأعتقد ما علينا هو مناقشة كيفة التنفيذ التى أفتقدناها كثراً فى زمننا

هذا ولله التوفيق...