" هل مشروع حملة ترشيح عمرو موسي ؟؟ينطبق عليه شروط ومقومات صناعة الحياة ؟ ومن يحكم ؟"

[Ibn Abdel Aziz]

سؤال بسيط مستفز
وعللله حد يقوللي غل و في الامر ان لحسن افرقع من شدة اللاموضوعية و الحكم علي النيات

هل صناعة الحياة اترسمت خلاص خطاها حسب الملامح التي وضعها عمرو خالد ؟

ام ان هناك سعة صدر و اتساع افق لغيره من اصحاب الافكار و لمشاريع اخري
خليني اقولكم قصدي ايه لحسن انا حاسس ان المسألة هي من يقول و ليس ماذا يقول
اتمني ماحدش يفهمني غلط ...
الكل يعلم هنا اني من دعاة الامل و كثيرون ايضا يحملون هذه الروح و يشيعونها بين الناس ...و الفضل لله اول..فلا يظن احد اني متضايق من مشروع صناعة الحياة .ا
كان مشروعي لصناعة جزء من الحياة هو ان احمل الناس علي التفكير في انهم قادرون علي تغيير مصيرهم بمجرد الاقتناع بانهم يمكن ان يصنعوا هذا , و كان مشروع عمرو موسي ما هو الا خطوة في هذا الاتجاه
السؤال :
لو ان هذا المشروع كان من فكر عمرو خالد , هل كان وجد رواجا مختلفا و شعبية افضل ؟
السؤال الاخر :
هل صناعة الحياة هي ان تشاهد برنامج عمرو خالد ثم تشحن بطاقة شديدة ثم تحولها لعمل ما و فقط ؟
هل صناعة الحياة هو ان تمنع الرذيلة و تزيد عدد المحجبات و تحارب مواقع الافساد علي الانترنت بالوسائل المختلفة ؟
هل هي كل ما سبق او بعض مما سبق او لاشئ مما سبق ؟

انتوا عارفين لو انا رحت لعمرو خالد و كلمته في ان حملة عمرو موسي مشروع من مشاريع صناعة الامل وايجاد بدائل واقعية تحمل الناس علي الحركة و اقنعته ..ثم خرج عليكم في حلقة من حلقاته و دعا الي هذا الامر تصريحا او تلميحا ثم اندفعتم من كل حدب وصوب لمناصرة الحملة ؟ عارفين لو ده حصل يبقي معناها ايه ؟
معناها انكم لاتصنعون الحياة .....لانكم لاتفكرون

عارفين معناها ايه انه كلنا نتحمس لافكار كلها تحمل تفس التوجه و الطبيعة و التفكير ؟ معناها مش صناعة حياة ....

هو موقع هريدي ده كله مش صناعة حياة ؟
اري ان البعض يصنعها منذ سنين ولم يلحظ احد ....هل المفروض هريدي بيه يطلع و ليه برنامج علي الفضائيات حي تعيروه اهتماما مثلا؟ او الاخ جهاد بافكاره الموضوعية الرزينة أ ليس له نصيب في صناعة فكر يؤدي لتوجيه صناعة الحياة ولها قيمة ؟
ولن اتحدث عن العشرات هنا الذين اسهموا اسهاما رائعا في صنع الحياة منذ سنين...لانكم تعرفونهم و لكنكم لم تلاحظوهم

أخ أسد ...انت قلت كلمة غريبة اراها تناقض معني صناعة الحياة ..."وراء عمرو خالد" ..
لا اراني افهم هذا القول جيدا ...

دعوني اسأل سؤال اخر ...
ما هي مقاييس المشاريع التي تعتبرونها تصنع الحياة ؟
ومن يضعها ؟
مش لو المشاريع كترت عايزة ناس اكتر و تفرغ اكبر ؟
و حتي اقطع الطريق علي كل من يتهمني في النيات و قلبه ملئ بالظن فيما يناقض اهم اسس صناعة الحياة
انا لا انتقد عمرو خالد و لااشير اليه بسوء ..ولكن اسألكم انتم .....ما هو فهمكم عن صناعة الحياة ؟
قد يفهم البعض اني اعرقل الخطوات و لكن ...انا فقط اريد ان اعرف و يعرف كل انسان منا ....هل تعرف ماذا تفعل ؟ ام انك مندفع بقوة العاطفة ؟ هل انت متسع التفكير لتستطيع معانقة شتي الافكار ام انك احادي الرؤيا و انتهي الامر
..دعوني اسأل سؤال أخير :
هل حملة عمرو موسي تنطيق عليها مواصفات صناعة الحياة ؟
وان كانت ؟ فكيف لم نجد المئات هنا يسارعون بالدعوة اليها و اقناع الناس بها ؟
اليس فيها صفات الصحوة ؟ و التحدي ؟ و تغيير الواقع ؟ و الاستفادة من المصادر المتاحة ؟ و تكريس الجهود و تركيزها ؟ هدفها الاصلاح ؟ الخ

ولذا كان موضوع مشاركتي هنا هو ...
" هل مشروع حملة ترشيح عمرو موسي ؟؟ينطبق عليه شروط ومقومات صناعة الحياة ؟ ومن يحكم ؟"

فمن يجيب عي السؤال

ملاحظات هامة :
1. علي كل سئ ظن أن يبقيه لنفسه فلن ارد عليه
2.المناقشة يجب ان تكون موضوعية لأني اعلم ان هذا الموضوع بالتحديد سيثير حفيظة الكثيرين
3. في النهاية انا لا اهتم كثيرا بظن الناس فطالما قلت ما لا يعجب الناس و لا ابالي و لكن احببت فقط ان اقول من ابغضني ...فليعلم انه غير مؤهل لان يكون صانع للحياة ابتداءا...لانه فشل في اول امتحان ..الا و هو التفكير
4.ليس في كل ما سبق اتهام او انقاص من قدر الحق الفاضل عمرو خالد ...فهو يفعل ما يراه صحيحا و يقدر عليه ...كل ما سبق هو تخاطب مع من احسبهم صفوة المفكرين و الذين سيكون لهم شأن يوما ما ...وانما اسأل أسئلة تفجر التفكير و ليس الهدف منها العرقلة او الاعاقة .
5. مجرد محاولتي لان اثير هذا الموضوع ووضع كل هذه التنبيهات يضايقني اصلا ...ولكن ماذا اصنع مع عقلي ...لايكف عن التفكير ..يأتيني بالمشاكل ..قدر ي ربما .

والسلام عليكم و رحمة الله وبركاته

[هريدي يابووووي]

أخي العزيز ابن عبد العزيز:blush):
الحقيقة كلامك صحيح..و لكن لي تعليق مبدأي عليه ..و هو مجرد رأي قد يكون صوابا أو خطأ..
هل النقد وسيلة للتغيير؟؟
انا لا أؤمن به كويسلة للتغيير للأفضل حقيقة..
و أرى ان فكرتك صحيحة تماما.. و لكنها وجهت في اطار النقد..

الناس دائما يقومون بما يرونه أفضل ما يستطيعونه.. و قد يكون هذا لأنه لم ينبههم أحد من قبل الى انه يمكن القيام بعمل آخر أفضل أو تقديم نفس العمل بصورة أفضل..
لذا.. أرى ان دورنا هو أن "نضيف" لا أن "ننقد"..
صراحة انا لم يعجبني اسلوب حلقات "صناع الحياة" لعمرو خالد.. لأنها مازلت كلام نظري.. بيقدم آليات جاهزة و معلبة للناس دون أن يعلمهم كيف يفكرون و يبدعون آلياتهم الخاصة عن طريق تمرينات عملية كما يفعل الشيخ جاسم المطوع في برنامجه "البيوت السعيدة" مثلا..
و لكن في نفس الوقت..
لا أحد يستطيع أن ينكر ان هناك مردود ايجابي فعلا.. سببه الرئيسي حب الناس لعمرو خالد..
عمرو قدم أفضل ما عنده.. خاصة و أنه مجتهد.. و ليس متخصص في مجال تنمية و تطوير المهارات كالدكتور طارق السويدان مثلا..
و في ضوء المتاح له.. فما يفعله مجهود عظيم جدا..

و لاحظت انه من أول الحلقات بيقول انتهى عهد الملقن والمستمع.. قلت في عقل بالي اكيد رسالتك وصلته:brb:
و لكني فوجئت ان الحلقات مازالت مستمرة بنفس اسلوب التلقين.. ولا شفنا ورشة.. ولا شفنا عمل:thinky:
ليس لأن عمرو مصر على اسلوبه.. و لكن لأنه كما قلت ليس متخصص.. و لو كان يدري كيف يمكن ان يتحول البرنامج الى "ورشة عمل" بالمفهوم الذي وصلني .. لما تأخر عن ذلك أبدا.. هو فعلا يجتهد قدر استطاعته لتحقيق هدفه..

إذن المجال ليس مجال نقد.. و لكن مجال بناء.. أن نبدا حيث انتهى الآخرون..
انا عن نفسي قررت ان في دروس السيرة اربط الأحداث بعناصر صناعة الحياة و اقدمها بالصورة العملية اللي كنت اتمنى برنامج صناع الحياة يقدم بيها.. و كده استفدنا طريقتين لعرض الأفكار.. بدل طريقة واحدة :)

المشكلة الحقيقية ليست في عمرو خالد.. و لكنها في الناس.. و الناس معذورين..لأنهم لا يجدون على الخير أعوانا.. لأن من يفترض انهم يعينون الناس على الخير أحيانا لا يجيدون اسلوب الإعانة.. فينفروهم أكثر.. أو يرغبوهم و لكن بشكل مبالغ فيه.. فيفشلون.. و يحسون بالعجز.. كمن يضع سماد يوريا كيماوي لبرعم نبات عمره ساعات.. فتكون النتيجة انه يتضاعف نموه فجأة .. ثم يذبل فجاة في يوم واحد.. لأن بنيته لم تحتمل قوة هذا التحفيز..

لذا نبهتني لنقطة مهمة.. هي أن نعلم الناس كيف يفكرون..
نعلمهم ازاي يفصلوا الطيار الآلي.. و يتحكموا في فكرهم ووعيهم بايديهم..
و ده برضه اللي ناوي اقدمه من خلال دروس السيرة.. باني ادمج كورس في "الهندسة النفسية" او NLP جوة الدروس و اربطها بالأحداث نفسها..

وجزاك الله خيرا :flowers:

[Ibn Abdel Aziz]

اخيرا فهمتني يا هريدي

وانا قلت انا مش بنتقد عمرو خالد ..هو عمل كل شئ جزاه الله خيرا
انا كنت موجه السؤال للناس و لنفسي

بس انا منتقدتش بس ...
انا اتكلمت و عملت حاجات ..علي الاقل علي قد قدرتي ..وانت عملت حاجات ..و غيرنا عمل
الفكرة ان محدش شاف ده صناعة حياة ..


السؤال ...ليه ؟
وليه المشروع لازم ييجي من انسان واحد عشان اتبناه ؟
وكلامي مش لناس في الشارع ....
كلامي لناس اصحاب مواهب و امكانيات ..ماليين المكان ده ..

عشان كدة انا قلتلك من قبل و كتبت هنا ..ان هريدي دوت كوم ده مشروع رائع انا فخور بيه جدا

والفضل يعود لله ثم ليك
محدش حتي حاسس بكدة ..من اماكن زي دي ..انطلقت افكار و مشاريع قبل برنامج صناعة الحياى بكتير


انا عايز بس اقول ..ليه لازم الناس عايزة اسلوب الابهار و الاعلام المباشر عشان يبدأوا يفكروا

ليه لو عمرو قالهم يمين يبقي يمين ...مع انهم كان ممكن يعملوا كدة من غيره ..بل هم عملوا كدة من غيره

المشكلة مش عمرو ..وانا اكدت ميت مرة انا مش قصدي هو ...انا قصدي احنا ..
المثقفين اصحاب المواهب و الافكار و الاحلام والتعليم ..واللي فيهم امل كبير يغيروا


وكما قلت انا مش بنتقد بس انا بفتح الموضوع ..والله يعلم ان العمل ياتي معه وقبله وبعده

وجزاكم الله خيرا

[Asd Allah]

هل صناعة الحياة اترسمت خلاص خطاها حسب الملامح التي وضعها عمرو خالد ؟

ام ان هناك سعة صدر و اتساع افق لغيره من اصحاب الافكار و لمشاريع اخري

طبعاً لا وإلا هذا القسم لا فائده له دورنا واسعه للأراء البناءه


أخ أسد ...انت قلت كلمة غريبة اراها تناقض معني صناعة الحياة ..."وراء عمرو خالد" ..
لا اراني افهم هذا القول جيدا ...

وراء عمرو خالد فى الخطه الموضوعه
ولو قرأة بقية أراءى لوجدت أن هناك إضافات بل ونقد هدام لأن عمرو خالد نفسه قال للجميع أن هو وفريق عمل البرنامج وكل من يعمل بالبرنامج زائلون فإن لم نفعل شئ تتوارثه الأجيال فلن يكون فائده أما عن المعنى الذى تقده نحن نتبع الله ورسوله وعمرو خالد يقول قال الله وقال الرسول فلذلك أرجو عدم التدقيق على كلمة من وسط موضوع لتفتيت المعنى الكبير

ام انك مندفع بقوة العاطفة ؟

انا الراحه شايفك مهتم بموضوع عمرو موسى لدرجة إنك شايف كل حاجه عمرو موسى :confused:
انتوا عارفين لو انا رحت لعمرو خالد و كلمته في ان حملة عمرو موسي مشروع من مشاريع......
ده حتى يوم ما تتكلم مع عمرو خالد هتكلمه فى الموضوع ذاته:D
أخى إن كان هناك نجاح كانت هناك كلمه

تعرف الشعب لغاية دلوقتى ضايع ليه شعب لا يملك قوت يومه مع إنه مع الموارد والعقول إذن كيف سيساندنا الله للتكلم بالحق فمن راى الشخى موضوع صناع الحياه بدايه قويه لبناء مجتمع إسلامى جديد يرأسه مسلم حقيقى ولن أتكلم أكثر من ذلك

[Asd Allah]

وياريت رساله موجهه للجميع كما قال أخى هريدى بدل ما ننقد نضيف ليس بالرأى ونترك الناس متنحه

لا نريد إضافة حل فأين حل كل من وضع سلبيات لأى شئ فى هذا الموضوع

منتظر ولن أستسلم :surrender

[Ibn Abdel Aziz]

أخ أسد
شاكر اهتمامك بالموضوع
والله العظيم أنا مش ضد الفكرة
أقولها تاني
أنا مش ضد أي فكرة
هريدي فهم قصدي ايه أو علي الاقل فهم جزء من اللي قصدته
انا لم استخدم "وراء عمرو خالد" لأفتت موضوعك ....والله مش قصدي ..بل اردت ات استوضح ماذا تعني به
ولذا سألتك مباشرة بعديه ...لا أعلم ماذا تعني بالضبط ..لم اتهمك ..بل استفسرت
وجاوبتني ..بغض النظر عن رأيي....

احنا فاتحين الباب ده هنا ليه
هو ده السؤال
مش عشان نخلق مشاريع تصنع الحياة او تساعد عليها او تؤدي اليها او تخلق الظروف المهيأة لحدوثها؟
صح ؟
كويس
أنا عندي مشروع ...واضح المعالم
اهو حاجة عملية مش كلام هلامي
أنا أطبق ما أراه مهم في خلق بيئة تساعد أصلا في صناعة الحياة و تعين كل صانعي الحياة عل اختبار امكانياتهم و مواردهم و افكارهم و وقتهم و فلوسهم في مشروع عملي ساخن ومؤثر ..علي الاقل من وجهة نظري ووجهة نظر بعض المؤمنين به .
لذا انا سألت ....هل هذا المشروع ينطبق عليه شروط و مقومات فكرة صناعة الحياة ؟
وبعدين انت مستعجب ليه من اصراري وايماني بالمشروع ده ...ده من كلام عمرو خالد نفسه ان المؤمن بالفكرة يحققها لو حلم بيها و اصر عليها و اصبحت جزء منه
لم الاستنكار ؟
أنا اعتبر هريدي صانع للحياة بقاله كام سنة ....وقلتها مليون مرة ..و حاقولها تاني وتالت ورابع
انا مع الصانعين
انا اعتبر مشروعي في صميم ما قاله عمرو خالد حتي قبل ما عمرو خالد نفسه يقوله
مش عشان انا سوبر ...لكن انا مؤمن بكدة من يوم ما ربنا رزقني عقل وفهم
واظن ناس كتيرة كدة
خاصة علي هريدي دوت كوم .......اصبح منصة انطلاق لكل المشاريع الهادفة
ورغم اختلافي مع هريدي احيانا ..الا اني اعطيه نيشان الماظ علي هذا المشروع صناعي الحياة من الدرجة المعتبرة الاولي
فهمتني يا حج أسد ؟
انت مؤمن بالتدريج ...صح ؟
وانا كمان
مشروع عمرو موسي - و اللي هو مش هدفه عمرو موسي نفسه لو حضرتك قريت مئات الصفحات علي هريدي او علي الويب سايت بتاعة الحملة –
هو مشروع اصلا قائم علي واقعية الموقف , وتدريجية الخطوات

خليني اسالك سؤال
عشرة قدموا مشروع
مين اللي يحدد ده كويس و ده وحش
مين اللي يقول ده مطابق وده مخالف

حديك مثال تاني و اسمحلي يا هريدي باشا حفشي سر من اسرارك وربنا يسامحني عشان الضغط علي عندي
هريدي بيه عنده فرصة يعمل برنامج متخصص علي الفضائيات ...ويكون بذرة لشئ مبشر و محترم ...هو شاهد ..علي الرغم من اختلافي معاه قلتله ايه ؟
فرحت و قلتله اديها ...خلينا نسمع راي تاني و تناول تاني و مضمون تاني و اسلوب تاني

معلش يا هريدي انا اسف لحسن فعلا الضغط علي
اهه ..مشرووووووووووووووووووووووووووووووووووووووووووووو ووووووووووع جاهز تاني
ما تيجي نشجعه
ازاي
؟
زي محنا عملين زي النحل في الخلية رايح جاي حوالين شخص واحد او فكرو واحدة
تعالوا نزق حد يشترك و يشارك
المشكلة مش نقص المشاريع ولا قلة العزيمة
المشكلة وجود طرق تفكير تم تشكيلها بشكل مسبق لتناول الامور بشكل اقرب للاحادي ان لم يكن احادي اصلا

حد فهم حاجة مني ؟
واللا انا الضغط اثر علي مخي ؟

وبرضك بحبكوا وبقول انا مش بعرقل انا بحاول انوع ..
وبس
والسلام

[Asd Allah]

أحترمتك جداً من خلال كلامك

وأضف اليك آخر كلام عندى انا لا أؤيد عمرو أو على أو أحمد

بل كما قلت الفكره ففكرتك التى تؤمن بها انا لا أعيبها بل أوافقق ولكنى اقولها لك شعب مصر لن يكون حراً إلا أن يكون صانعاً للحياه

وبعدين عمرو خالد هو واجهة فريق عمل كبير إستمر عملهم لأكثر من سنه لوضع هذا الكلام السهل الذى نسمعه الآن

فرأى أخى أن المشاريع كثيره ولكن فعلاً هل لها صله وإتحاد لكى نحصل على مجتمع إسلامى يدنا فى يد بعض لدخول الجنه

أما تعليقاً على .......

خليني اسالك سؤال
عشرة قدموا مشروع
مين اللي يحدد ده كويس و ده وحش
مين اللي يقول ده مطابق وده مخالف

من رأى الشخصى ليس قبول الناس بل نتائج المشروع


هذا والله أعلم
والله الموفق

أخيك فى الله
:inlove:

[Ibn Abdel Aziz]

الاحترام متبادل يا أخ أسد ....:flowers:
و لي برضك تعليق أخير
نجاح المشروع ينبع من ايمان الناس بيه ....وحتي يؤمن الناس بشئ عليهم ان يفتحوا عقولهم ليستوعبوا عدة افكار و يعيدوا النظر في المسلمات احيانا
والله اعلم

[Nile Hawk]

مش عارف ليه أنتوا دايماً واجعين دماغكم بالسياسة ما يريده الله هو اللى حيكون شئنا أم أبينا نهضة الأمة الأسلامية قد تكون على يد شحات فى شارع السيدة زينب و لكن فى قلبه ذرة إيمان (كناية فقط)

أنا أرى أن النتائج الملموسة هى خير دليل بغض النظر عن من قام بها فهو لم و لن ينجح بدون توفيق من الله سبحانه و تعالى

أخوكم فى الله صقر النيل

[Ibn Abdel Aziz]

يا اخ نايل
هو النهضة دي مش ليها جوانب ؟
حتحصل لوحدها ؟

مش اللي انت بتعمله و تدعو ليه بتعتبره نهضة؟

مش الاسلام ده كل حاجة ؟

مش ربنا امرنا بقول الحق و ازالة الظلم ؟

مش ؟ و مش؟ و مش؟

ما هي المشكلة ؟
هو عشان ندعو لاصلاح سياسي معناه ان مش مهتم بالصلاة ؟
واللا اخلاقي حاجة ثانوية ؟
واللا نصرة القضية الفلسطينة مش ف دماغي؟

مش فاهم ليه الحاجة مفصصة كدة ؟:thinky:

[سنفور مفكر]

السلام عليكم ورحمة الله وبركاته

أخي ابن عبد العزيز
اشتقت لك والله :flowers:

وائذن لي بالمشاركة في هذا الموضوع المميز


قد ذكرت اندفاع الناس (وراء الأستاذ عمرو خالد)
في مقترحاته لصناعة الحياة

وفهمت كذلك اعتراضك على الاندفاع لا من حيث شخص عمرو خالد أو أفكاره وإنما من ناحية وجود هذه الأفكار وأمثالها وما قد يكون أفضل منها منذ أزمان
ولكن الناس كانت في الغفلة سادرة حتى أتى بالفكرة عمرو خالد


ولي على كلامك تعقيب متمثل في النقاط التالية:

1- إن وجود الأفكار بحد ذاته لا يستلزم بالضرورة سير الناس وراءها لعدة عوامل متداخلة. منها غفلة الناس عنها وعدم تقديرهم لها، ومنها تكاثر الهموم عليهم فلا يستجلب أمر اهتمامهم مالم يكن هناك دافع قوي يستخرجهم من همومهم ليجعل هذا الأمر همهم الأول ، ومنها عوامل تتعلق بشخص الداعي ، وطبيعة الدعوة ، وأسلوبها.

2- إن توحد الناس خلف شعار معين أو مشروع معين أمر مطلوب ليس من قبيل الإلغاء لغيره بل ليتضح حجم الجهود المبذولة ويرى الناس في حجم العمل ما يدفعهم للانخراط فيه.
وأضرب لك مثلاً هنا:
فالرسول صلى الله عليه وسلم قد نشأ في بيئة كان فيها بعض الحنيفيين على ملة ابراهيم وقد كانوا ينبهون الناس كل على حدة ولا يتعرض لهم أحد لا بالتعذيب ولا التسفيه ولا المحاربة......
فلما بعث الله رسوله صلى الله عليه وسلم بالهدى المبين وهو من هو في قريش منزلة وأخلاقاً وكانت دعوته في حقيقتها (حملة ) لكافة أطياف المجتمع ذات منهج ورسالة.... ناصبها الكفار العداء.

ومثل هذا حاصل هنا (طبعاً لا مقارنة هنا بين أشرف الخلق صلى الله عليه وسلم .. وعمرو خالد)
فإن عمرو خالد ممن رزقه الله شيوع الصيت... ومن ثم فإن اجتماع الناس عليه في مثل مشروعه مما لا يستغرب لا سيما وقد أرسله يحمل مقومات نموه معه وقد رأى فيه الناس أمراً يمس حياتهم وواقعهم القريب جداً ويسعى بارتقاء الأمم في طريقها الطبيعي الذي سنه الله
فبدت منهم بوادر المتابعة ............... وهو ما نسال الله أن يستمر
ولا تفتر الهمم
ويخذل الشيطان
ومثال آخر على هذا ما فعلته في حملتك فإنك قد حددتها بعمرو موسى لتجمع الصف على هدف واحد لا من قبيل إلغاء غيره...

3- كما ذكرت وذكر الإخوة فإن عمرو خالد لم يرفع مشروعه ليلغي غيره بل ليضم كل الأفكار البناءة تحت راية واحدة ............ ولم تر فيه أنت وأخي هريدي ورش عمل كما كنتما تتوقعان.......
أما أنا فإني أرى هذا حتى الآن أمراً مطلوباً لأن البرنامج ما زال في مقدمته
والشباب الذي لم يعرف بعد معاني الإيجابية والجدية ولم تغرس في ذهنه أهمية وقته وجهده بالنسبة لأمته لن يمضي في مشروع أياً كان
ولذا فإن غرس هذه القيم (مع برامج مقولبة كما يقول هريدي ) أمر لا بد منه لتعتاد الناس العمل وتألف التضحية على نطاق واسع يكفل إذا استمر بإذن الله تحقيق التغيير
وإن كنتم ترون انه لم يتنبه لهذا فما المانع أن ترسلوا له بمقترحاتكم وآرائكم وهو يطلب هذا بإلحاح شديد في منتدى موقعه ويصر على أن دعم الشباب هو قوام مشروعه وبرنامجه.
وتذكروا أن بناء مشروع كهذا يستدهف الأمة بكاملها ويستوعبها ويستلزم مشاركتها لا بد له من غرس قيمه في النفوس وهو ما سميتموه (العاطفة) وهي دعامة كل أمر ومحركه الدافع وإن العقل لا يعدو في دوره التوجيه ، وإن الأمة في حالها اليوم لم تعدم العقل المفكر بل افتقرت إلى العاطفة الصادقة التي تمضي للتضحية على مستوى واسع منتشر



ودعني انتقل الآن لأجيب جزئياً عن سؤالك
لم لم يجد مشروع حملة عمرو موسى الدعم الذي لقيه مشروع صناع الحياة؟

1- الإعلام: نعم الإعلام......... ولكن هذا ليس الشرط الأساسي أو الوحيد فإنك ترى كثيراً من المشاريع على القنوات الفضائية لا تنال هذا الدعم والمشاركة والاهتمام فهو إذن عامل مساعد لا يعدو دوره دور الرياح التي تمر بالشجر والزهر فتحمل لقاحه إلى أراض أخرى ، وأنت تعلم بأن الريح لم تزرع يوماً شجرة ولم تغرس حبة.
2- عالمية المشروع : فإن هذا المشروع يسعى إلى إعزاز دين الله في كل العالم بينما اقتصر مشروعك على مصر فلا تستغرب أن يكون عدد المصوتين على استبيانه قرابة 13000 وإن كان المرء يتوقع أكثر من هذا مقابل عدد لا يتجاوز الألف وخمسمائة في مشروعك حتى الآن.
3- شمولية المشروع : فإن مشروع عمرو خالد عنوان شامل لكل مناحي التطوير بينما اقتصر مشروعك على جانب واحد (أو آلية واحدة) حتى الآن فيما هو معلن من أهدافه وهو تغيير الحكم.
4- الاقتناع بالمشروع : فإن مشروع عمرو خالد تطرق إلى هدف لم يزل يحوك في النفوس المسلمة منذ زمن وإن كان جمراً تحت الرماد وقد طرق عمرو هذا الجانب مباشرة فاستثار همة الناس وطلب من كل امرئ السعي في محيطه والعمل بما يستطيع مستنداً إلى تجربة الدعوة الإسلامية الأولى وإلى كل التجارب العالمية للأمم والدول التي أرادت النهوض ونجحت فإنها كلها اعتمدت على تغيير النفوس نحو الجدية والتضحية والعمل الدؤوب وإن هذا الأمر على ما يبدو من سطحيته هو سنة الله التي أثبتت الفعالية والبقاء دوماً مهما كانت عوائقها وهو مصداق قوله تعالى (إن الله لا يغير ما بقوم حتى يغيروا ما بأنفسهم) ...... وأما مشروعك فقد استند إلى رجل خلافي في وضع خلافي (في إمكانيته الوصول حسب الدساتير الحالية إلى السلطة) وأراد طريقة خلافية الجدوى (وهي التغيير ابتداء بأعلى الهرم) وإن كان الهدف سامياً لحملتكم ونيتها في المنتهى رفع راية الإسلام.
5- التمهيد للمشروع : فقد أرسلت مشروعك مباشرة والأمة في سبات ولم تمهد له بما يحتاج من التوعية الفكرية والسياسية ......... وقد ذكرت كيف مهد عمرو خالد لحلقاته.

هذه بعض الأسباب ..... وقبلها كلها توفيق الله وعونه
وقد قال الشاعر
إذا لم يكن عون من الله للفتى
فأول ما يجني عليه اجتهاده

ولست بهذا أتهم نيتك وإخلاصك ...... لا والله ....... ولكن أنبه إلى هذا الأمر ليجدد الإنسان نيته دائماً ويجردها لله ............. أياً كانت طريقته وأسلوبه....

وعلى كل .... فإن (صناع الحياة) مشروع لا يزال يحبو في أولى مراحله وإن من السابق لأوانه الحديث عن نجاحه أو فشله.......

وإني لأعجب كيف لم تتنبه إلى أن هذا المشروع بما يبث من الحيوية في المجتمع قد يكون عوناً كبيراً لك في ما ترمي إليه ............. فلم لا تستغل هذا وترفع لواء مشروعك محوراً في هذا المشروع (صناع الحياة).

إذاً
هل مشروعك يدخل في صميم صناعة الحياة؟
نعم بالطبع هو أحد فروعها ومشاريعها ..........


أما قضية توافر المقومات والشروط فيه فربما كان في الأسباب التي أوضحتها جانب من الإجابة على هذا السؤال.....

فلا تعجل وتقصر همك على هذا المشروع فحسب واصبر فإن الله لا يضيع أر من احسن عملاً

آسف للإطالة.......وأتمنى ان تكون أفكاري وصلت
وهذا رأيي فما كان فيه من صواب فمن الله وما كان فيه من خطأ فمن نفسي ومن الشيطان والله ورسوله منه براء.


أخوك المحب
سنفور مفكر :flowers:

[Ibn Abdel Aziz]

سنفور باشا
والله الشوق متبادل :)

وعلي فكرة اللي انت قلته انا مش معترض عليه , وان كان فيه نقاط عايزة توضيح

زي مانت قلت ....الموضوع مش عمرو خالد بيقول ايه ....الموضوع احنا بنفكر ازاي

وخليني اقفز سريعا الي اخر ما ذكرت و اقول :
بالتاكيد انا متوقع ان الطاقة اللي بيعملها عمرو خالد ممكن تفيد مشروع عمرو موسي وماوراؤه
وعشان كدة بديت من الان اشحن و اكتب و اقول و غني كمان

لو لاحظت ..انا منتقدتش البرنامج ولا عمرو نفسه بل ولم انتقد عموم الناس
ولكن ..
حبيت اعمل صدمة للناس اللي هنا اللي مستعدين يخدو كلامه و ينطلقوا بيه و حطلهم شوية نقط علي الحروف من وجهة نظري
وقولهم ...المشاريع اللي هي تنفيذ للي حتبدأو تسمعوه من عالبرنامج .....حتعتبروها مشاريع ازاي ؟
مين يحكم ؟
وما هي المقومات؟

انت قلت نقاط كثيرة في الاسباب اللي جعلت البرنامج شعبيته اكبر من اي حاجة تانية و اثره اوقع
وانا مش بجادل في ده اصلا

عمرو بيعمل فلسفة عمل ....

وغيره بيتفذ اعمال كل واحد فيها يعتبر قراءة مختلفة لهذه الفلسفة او علي الاقل تصور مختلف للايجابية
لايتعارض مع الاوجه الاخري وتطبيقاتها

انا اؤمن بالتركيز ...و المحلية في العمل عشان الاثر يبقي اوقع
فكرة عمرو موسي لو نجحت في مصر حتحدث تاثير في كل قطر عربي ...لان حالة واحدة عملية نجحت او علي الاقل خلقت روح جديدة

عمرو بينظر (بتشديد الظاء)
احنا بنفذ......

كل اللي قصدي اعمله ان انبه العالم ..يا ناس ..فيه هنا مشروع بدأ بالفعل و مشاريع تانية ..
المشكلة مش المشاريع موجودة واللا لأ..
المشكلة انت بتفكر فيه ازاي

علي سبيل المثال لو حضرتك و ميت واحد بس اقتنعوا بفكرة حملة عمرو موسي و ما تهدف اليه
كان ال 1600 توقيع بقوا 160000 و كتن ده عمل ضجة ..وحركة و جو ....وثاثير سريع ...
في منتهي القوة ....
ويمكن يخلق حركة شعبية مستنية شئ ملموس عملي واضح علي قدهم في مصر كلهم عارفين قيمته و درحته و اثره .....

يبقي اللي بيقوله عمرو يبقي 10 اضعاف في التاثير لان فيه شئ عملي بيحصل حقيقي
انا قبل كدة قلت ...مشكلتنا ان احنا حطينا التوقيت اللي الناس حيصحوا فيه ..وعمرنا ما سالنا نفسنا ..ليه بنعمل كدة ؟

ليه ؟ عشان بنفكر من خلال منظور واحد
اسلام وبعدين صحوة
مش صحوة و بعدين اسلام
او حتي الاتنين مع بعض

الامم الكافرة كلها بتيجي تهب وهي لا تؤمن حتي بالفجل ..لان سنة الكون ان الانسان يهيج لما انسانيته تسحق
الاسلاميين عايزين اسلام قبل الانسان
وعشان كدة بيعطلوا بدون قصد صحوة الانسان
وعشام اكون واضح اكتر
انا اري ان الانسان لما يبقي انسان بيعرف يختار صح
ويحافظ علي الاختيار و لا يضيعه

واحنا اصلا مسلمين
يعني عايزين زقة من هنا ومن هناك

موضوع عمرو موسي ليس الهدف منه العالمية و ان كنا اراه سيؤدي لها بمجرد نجاح حالة واحدة بس
موضوع عمرو موسي مش هدفه احياء الاسلام ...بل اعطاء الفرصة للانسان يتنفس عشان يعرف يختار الاسلام
موضوع عمرو موسي تمهيده من داخله ..لانه مشروع قايم علي مرحلة واحدة بس توقيت محدد جدا و ان كان الهدف منه التمهيد لمراحل اخري
موضوع عمرو موسي مش محتاج اقناع باهميته , ناس كتيرة قالت انه مهم , لكن وقفوا و قالوا بس ده ترتيبه غلط ..مين ؟ الاسلاميين هم اكتر الناس اللي عملوا كده ....روح موقع الحملة بص عالاحصاء المعمول تجد 70 % من المشاركين ممن ليس لهم اتجاه اصلا

اخيرا اقول :
كلامك جميل
موضوعي
لم اعترض عليه في اكثره
جيد جدا انك كتبت كل ده ..دا معناه انك بتفكر و مهتم وده ممتاز جدا

وضحت وجهة نظري ...مش مهم انك تقتنع بكل حاجة ....بس المهم اني قلته

فيه حاجة قبل منسي

لو فيه تغطية اعلامية كافية كانت النتيجة 10 اضعاف الموجودة طبعا

عايز مثال ؟

لما حطينا الحملة ل 5 ايام بدون دعاية حصلنا علي 80 صوت
لما جه علي اسلام اون لاين .....العدد وصل في اقل من 7 ساعات الي 800

بمعادلة حسابية
80 صوت في 120 ساعة قصاد 800 صوت في 7 ساعات
الزيادة كام في المية ؟
من .66666 صوت في الساعة الي 114 في الساعة
كم في المية
احسب انت بقه

موضوع عمرو موسي كان جزء من موضوع تاني....
قعد بس 24 ساعة عالصفحة الاولي
عدد اللي بيدخل علي اسلام اون لاين في اليوم 100 الف حسب ارقامهم ...قول 20% مصريين
يعني 2000 مصري في اليوم ده دخلوا
800 منهم وقع ......ايه رايك ؟
راجع علي الارقام و حتوصل لنفس النتيجة

يعني لو فيه برنامج لمناقشة قضايا سياسية واحتماعية علي الفضائيات و كنت انا او غيري اخدنا الفرصة نشرح ونتكلم و نعبر و ننظر و نبني مواضيع حوالين الموضوع الاصلي
تفتكر النتيجة ايه ؟

فكر براحتك

اني احبك في الله :)
ولا خلاف في القلب ان شاء الله
وانما نسعي لما فيه خير الناس بما يرضي رب الناس

والله يتقبل
والسلام

[Asd Allah]

السلام عليكم ورحمة الله وبركاته

رداً على من يقول أن الناس مندفعه وراء عمرو خالد هل من المعقول أن أكثر من 13 ألف مندفعين أنظر لأى شخص تلقى عليه فكرة عمرو خالد وتذكر أن عمرو خالد بزات نفسه قال أن الناس تزول ولكن الفكره إن كانت ناجحه لا تزول

أما رداً على من يقول على البرنامج لا يوجد شئ عملى فإنى أقول له ما رأيك بمن تحرك لعمل أعمال إيجابيه أليس هذاعملى كله كلام نظرى
:confused:
مكنش جاب كل الأمثله العمليه فى أربع حلقات بس

ده من ثانى حلقه أتحرك رجل أعمال ناجح لدعم مشروع أرى نتائجه من الآن

ده غير الرجل البسيط الذى علم نصف رجال القريه

هذا غير كل الناس الى بالفعل نفذوا أفعال إيجابيه عظيمه ولكن لن يقولوا ما فعلوا لحفظ الثواب.......

لا اجماعه الموضوع عملى بحت بس ركزوا شويه

[Ibn Abdel Aziz]

ما تقوله صحيح يا اسد
ليس هذا موضوع الخلاف اصلا

وليس هذا ما ننتقد

انت اللي ركز شوية في كل الكلام اللي اتقال قبل كدة

:)

[Asd Allah]

وليس هذا ما ننتقد

انت اللي ركز شوية في كل الكلام اللي اتقال قبل كدة

ننتقد أولاً من أنتم الذين تنتقدون ثانياً ماذا تنتقدون؟؟؟!؟!؟:confused:

منتظر للرد
وشكراً

[Ibn Abdel Aziz]

يا أسد باشا
واضح انك عايز تحول الحوار الي "امسك قفشته ...بيستهجي كلمة غلط"

من انتم ؟
لاشئ
ننتقد ماذا ؟
الهيصة المكتوبة فوق دي كلها ..وجاي تسال بننتقد ايه ؟

مش قريت كل كلمة و حرف ؟

مش رديت عليك و علي اسئلتك في كل مرة ؟

لو ننتقد مزعلاك ...خليها انتقد

الرحمة يارب :cry:

[Asd Allah]

ماشى نتأسف على موضوع أنتم مين مع أنى بمزح ولكنك لا تعرف المزاح وصبرك قليل وعموماً ياسيدى ربنا يصبرك ويصبرنا جميعاً :D

أما عن النقد فإنى أرى من خلال رأى الشخصى أنك مدخل مسألة عمرو موسى والترشيح والرئاسه فى موضوع تانى خالص انا ما زلت أقولها لك لكى تنتج أو تصنع شعب ناطق بالحق على من ظلمه فعليك أولاً معرفة كيف الإستغناء عنه ففكرة صناع الحياه تساند الفكره الذى أنت مؤمن بها......

وانا أشجع فيك هذا ولكن لا أعلم فيما النقد أو نقطه الخلاف بين فكرتك وفكرة صناع الحياه

[Ibn Abdel Aziz]

عم الحج أسد
لو كان في كلامك وش مبتسم واللا حد بينط كان فهمت انك بتهزر

ما علينا و ادي بسمة عشان خاطرك :)

مش مختلفين في معني الصناعة ..ولكن في مشاريعها
وانا قلت مليون مرة انا مش بنتقد البرنامج

لكن خايف من افهام العاملين اللي حيحولوا طاقاتهم في ملايين المشاريع ويصبح كله هلامي تاني

وارجع و اقول

لا احد يستطيع صناعة الحياة
ولكننا نستخدم قوانينها لتوجيهها

وموضوع عمرو موسي محاولة في مرحلتها الاولي ...
يعتبرها الكثير مضيعة للوقت ...لانه تفتقد لليافطة الاسلامية ..

وكثيرون ها هنا قد ينشطون في حملة حجاب ..او ما شابه ..ويتجاهلون امور اخري
لان فهمهم للاسلام مزنوق في اشياء معينة لا تتغير ...

ولا اراهم يرون منه الا القليل ..
ولا انكر اهمية المواضيع الاخري ..ولكن استحلفك بالله ..لو قرأت ما قلته في هذا الموضوع لفهمت ما اقصد

[Asd Allah]

يعتبرها الكثير مضيعة للوقت ...لانه تفتقد لليافطة الاسلامية ..

وكثيرون ها هنا قد ينشطون في حملة حجاب ..او ما شابه ..ويتجاهلون امور اخري
لان فهمهم للاسلام مزنوق في اشياء معينة لا تتغير ...

انا معاك فى الكلام ده ولكن يجب الإهتمام بجميع المواضيع كل على حسب إختياجه وأهمته وفرضيته .........

[حلم]

بسم الله الرحمن الرحيم:
تحايتى للجميع...

الاخ :ابن عبدالعزيز
وموضوع عمرو موسي محاولة في مرحلتها الاولي ...
يعتبرها الكثير مضيعة للوقت ...لانه تفتقد لليافطة الاسلامية ..

لا يا سيدى ليس هذا السبب ابدا
ثانيا لا وجه للمقارنة بموضوع يخص الامة (فلسطين /الحجاب)الاسلامية جميعا وموضع يخص دولة واحدة

* انا احترم هذا المشروع جدا لانه يحرك ماء راكد ويزعزع نظرية فرعون ولكن سبب اهتمام الكثير بالموضوع ولكن عدم مشاركتهم يعتمد على اسباب عامة

-كالسلبية وماشابه وهذا مايفعله عمرو فى برنامجه الجديد
-انت قلتها فى مرحلتها الاولى واى شىء فى المرحلة الاولى يحتاج الى فترة ما

واسباب خاصة بالموضوع نفسه
-رغم احترام الكثير لعمرو موسى الا انه ليس امل الناس التى تقاتل من اجله.....الامر يحتاج الى محفز اعلى.........سؤال مطروح لو رفض عمرو ان يرشح نفسه ؟
-الموضوع نفسه لوطرحت مثلا فكرة الغاء قانون الطوارىء (وهو لايحمل يافطة اسلامية)الجاثم فوق صدورنا وسبب ملايين المشاكل التى تحاصرنا ...فسيكون رد الفعل مختلف
لايوجد حزب سيرفض الفكرة/سيتحمس لها الجميع/الكثيرين سيشعرون انهم يستطيعون ان يروا نتائج هذا المشروع مثلا.
................
انا اشجع هذا المشروع على الاستمرار جدا واحيه ولايمهنى ان يرشح عمرو موسى نفسه ام لا لان ما ابحث عنه من هذا المشروع شىء اخر

سيدى احترم اصرارك على الفكرة وعلى نشرها واؤيدك ....ولكن لاتقلل من مشاريع الاخرين لانه ليس مشروعك(لا اتحدث عنه عمرو)

لنصنع الحياة معا ....كل حسب قدرته....وحسب فكرة
بل لنصنع الموت....فهو صناعة للحياة


فى امان الله

[Nile Hawk]

جميل جداً فى تقدم فى النقاش:clap:

[Asd Allah]

فعلاً أخيراً رأيت مسانداً وتقدم على رأيك

[Ibn Abdel Aziz]

أولا أحيي فيكي الاهتمام :flowers:
ثانيا أنا نجحت بعمل جو يجلب الاهتمام اصلا ..ولولا هذه الطريقة فعادة لا اهتمام :)
ثالثا أتفق مع معظم ما قلتي و دعيني أضيف المزيد
أنت قلتي :
لا يا سيدى ليس هذا السبب ابدا
ثانيا لا وجه للمقارنة بموضوع يخص الامة (فلسطين /الحجاب)الاسلامية جميعا وموضع يخص دولة واحدة

أقول :
في الحقيقة لا مقارنة ليس لأن مصر دولة و كل شئ أخر اسلام او اهم , فموضوع تصحيح مسار مصر بأيدينا هو طريق رئيسي لحل مشاكل أخري عويصة لا يمكن ان تحل حتي نحرر بلدنا اولا وعلي رأسها فلسطين
و\ن موضوع كالحجاب مثلا ليس الا مشكلة ليست السبب الرئيسي في معظم مشاكلنا , ولا اقلل من شانها و لكنها فرعية قياسا بالظلم العام الذي يحكم كل لحظة و كل شبر من بلادنا..انا أري ان انقاذ مصر اهم لانه سيجعل الطريق اسهل الي حل كثير من المعضلات...حضرتك ربما لا تعلمين اني من الاخوان اصلا لاكثر من 15 سنة و لازلت ..و احاول اعادة ترتيب الاولويات من فهم الاسلام نفسه بعد كل هذه السنين من العمل الجاد ..فانا لست من المتحدثين من فوق المصطبة ولكني احاول ايصال مفهوم جديد و اعلم جيدا ان الكثيرين سيصطدمون به ..و لذا فاني لازلت احاول و لن اياس ان شاء الله


انتي قلتي :



* انا احترم هذا المشروع جدا لانه يحرك ماء راكد ويزعزع نظرية فرعون ولكن سبب اهتمام الكثير بالموضوع ولكن عدم مشاركتهم يعتمد على اسباب عامة
-كالسلبية وماشابه وهذا مايفعله عمرو فى برنامجه الجديد
-انت قلتها فى مرحلتها الاولى واى شىء فى المرحلة الاولى يحتاج الى فترة م

وانا موافق معكي ..ولاتعارض ..واقرأي كلمة كلمة مما قلتها من قبل و ستفهمي ذلك بنفسك

انتي قاتي :

واسباب خاصة بالموضوع نفسه
-رغم احترام الكثير لعمرو موسى الا انه ليس امل الناس التى تقاتل من اجله.....الامر يحتاج الى محفز اعلى.........سؤال مطروح لو رفض عمرو ان يرشح نفسه ؟
-الموضوع نفسه لوطرحت مثلا فكرة الغاء قانون الطوارىء (وهو لايحمل يافطة اسلامية)الجاثم فوق صدورنا وسبب ملايين المشاكل التى تحاصرنا ...فسيكون رد الفعل مختلف
لايوجد حزب سيرفض الفكرة/سيتحمس لها الجميع/الكثيرين سيشعرون انهم يستطيعون ان يروا نتائج هذا المشروع مثلا.

هذه النقطة قتلت بحثا في مواضيع اخري ...وقلنا كذا مرة عمرو موسي ليس هو الهدف بل الهف هو ما بعده و هذا باغلبية الناس من الشارع و كل اتجاه ان هذا الشخص يمكن ان يحدث فرقا و يجتمع عليه الغالبية ليبداوا حركة اصحيح شاملة

قانون الطوارئ كل الاحزاب عملت فيه مظاهرات و مقالات و غيره ..بس المشكلة مش في القانون , المشكلة في اللي عمله ..و اللي عمله مش عايز يتفاوض لاكتر من 25 سنة
يبقي الخطوة اللي بعدها نشيل اللي عامل فيها اله و عشان كدة الحملة جاية تعمل كدة


انت قلتي :


انا اشجع هذا المشروع على الاستمرار جدا واحيه ولايمهنى ان يرشح عمرو موسى نفسه ام لا لان ما ابحث عنه من هذا المشروع شىء اخر


"وانا كمان و الله "

سيدى احترم اصرارك على الفكرة وعلى نشرها واؤيدك ....ولكن لاتقلل من مشاريع الاخرين لانه ليس مشروعك(لا اتحدث عنه عمرو)


"لم اقلل من شأن اي مشروع فقط ذكرت ..لا تحددوتاانفسكم في دوائر معينة ..وفكروا بشكل اوسع ...
اقرئي ما كتبت من قبل و لن تجدي اني قللت من شان اي شئ اخر"

ارجو ان اكون وضحت وجهة نظري الان اكثر :)

جزاكم الله خيرا

[الباشا ميكانيكى]

السلام عليكم ورحمه الله
بعدما قرات ما كتب واحترم بشدة ما قيل الا اننى اردت انا اقول رايي
ان عمر خالد ليس معه عصا سحريه يغير بها بين يوم وليله ولكن قدر استطاعتة يعمل وليس ما يجبره علي ما هو فيه الا احساسه الداخلى بالمسؤليه وان ما حدث بعد 5 حلقات
فقط ليس نتاجا عن حب اتجاهه فقط انماايضا بسبب حالة الضياع التى نحن بها وان ما يقدمه الاستاذ عمرو هو محاوله منه لايقاظ الشباب وليس مطلوب منه ان ياخذنا من ايدينا ليعبر بنا الطريق انما هو يذكر واللبيب بالاشرة يفهم ومن لم يفهو من الاولى فله الثانيه ومن ظن ان ظروفه وان ما يوجهه من مشاكل اقوى منه له الثالثه ومن اعتقد انه اضعف ن ان يفكر في اسباب ضعفه فله الرابعه وهكذا يسير الطريق معه واذا انتظرنا ان يقدم لنا قوالب للنجاح اذا فليس لن قيمه ولن نستحق حتى ان نذكر في الحياة لا ان نكون من صناعها
احب ان اقول اننى واحد ممن احدث فيهم تغير اسأل الله ان اكون كذلك بعد حلقتين عندما واجهت استقصاء فيه سؤال من هو قدوتك هذا السؤال نزل علي كسيف شعرت اننى في هذه اللحظه اننى لا استحق ان اعيش انا فى كليه الهندسه وليس لي قدوه اوحتى ليس لى هدف بعد سنوات قليله ارايتم بعدها استيقظت من نوم عميييييييييييييييييييق اسال الله ان اكون قد احسنت اختيار القدوهواشعر الان با حياتي تاخذ اتجاة مختلف
ارد ان اقول فقط من هذه السطور ان التغير لن يحدث الا اذا منا نريده ونعمل لاجله ونفكر له بعقولنا وهذا ما يشير اليه عمرو خالدوان الامثله التي جاء بها انما ليؤكد التغير ممكن وليس لكى نفعل مثلهم
وجزاكم الله كل خير ووفقنا الى ان نعمل بعمل اهل الجنه وشكرا

[Ibn Abdel Aziz]

و جزاكم الله خيرا يأخ ميكانيكي:flowers:

[مالك]

السلام عليكم
لي فتره متابع الموضوع لكني صامت لانه يوجد تداخلات فيه من اكتر من تيار
ححاول ارد بمنطقيه وموضوعيه على قد ما اقدر
لما تقول الحق الحق فرنسا بيقلعوا البنات الحجاب
تلاقي الناس كلها بتجري وبتكفر فرنسا وتطلق عليها الفاظ من قبيل صليبيه وكافره الخ الخ
مع انها دوله ليس لها دين وعلمانيه
تلاقي احتجاجات ومواقع توقيعات ونصرة حجاب ونصرة اسلام الخ الخ الخ
اي حركة تحصل في فلسطين اي قمع لاخوانا الفلسطينين تلاقي ميت واحد يطلع ويقول وامعتصماه واسلاماه واين انت يا عمر اين انت يا ابا بكر

سؤال واحد

كيف ستنتصر لغيرك وانت لم تنصر لنفسك ؟
كيف سترفع راية اسلام او عروبه او قوميه او غيره وانت ذليل داخل ارضك ؟
كيف ستساعد غيرك على التحرر وانتا مقيد ؟
نحن لا ندعي ان عمرو موسى معه عصاة موسى
ولا نقول ان عمرو موسى خليفه لعمر بن الخطاب
ولا نقول اي شئ
يا اخوه
انا من اعضاء الحمله استطيع الادعاء اني من المؤسسين ولا اقتنع بعمرو موسى
لكن...................
عمرو موسى في اجتماع شعبي عليه
عمرو موسى مجرد اداه للتغير
عمرو موسى مجرد بني ادم مصر عليه اجتماع من الناس كلها ونقدر نخليه يعطينا حقوقنا المسلوبه لانه وصل عن طريق الشعب
ليه مش قادرين تقتنعوا بدي
ليه مش قادرين تفهموا دي معانا شويه ؟
هل لازم نمسك مصحف ونطلع في اقرأ ونقرى سيره واحاديث عشان يتم الاقتناع ؟
هل لابد ان نتكلم في الحجاب والسفور والتبرج عشان يتم الاقتناع ؟
هل لابد ان يكون اي كلام عباره عن دين مسيس لكي يتم الاقتناع ؟
ليه مش قادرين نفهم ان مافيش دين حيقوم تاني واحنا كدا ؟
ليه مش قادرين نفهم ان استحاله نعمل حاجه لغيرنا قبل ما نحرر انفسنا ؟
ليه مش قادرين نفهم دا كله ؟
ليه الكل بيبص من منظور واحد ؟
قبل ما تدي لغيرك حريه
حرر نفسك
لا تطلبوا اصلاح العام قبل ان تصلحوا الخاص
مش مقتنع ازاي انسان يكون مريض ويروح يعالج غيره وهوا فيه امراض الدنيا؟
طيب ما نزيح عن اكتافنا الامراض دي بعد كدا نحرر غيرنا
سبحانه وتعالى بيقول
وانذر عشيرتك الاقربين
معنى دا ان الاولى اصلاح الداخل قبل الخارج
او نصلح الداخل ثم يلي ذلك الخارج حسب ترتيب الاولويات
ياريت دا يتفهم
سلاموا عليكوم

[Ibn Abdel Aziz]

فهم الاسلام جاي بطريقتين زي مبيقول ابن تيمية

موروث , فمشروح بفهم من ورثه , فمؤيد بحجج هدفها تبرير الموروث

أو

مؤصل "أي مبني علي الاصول" , فمفهوم بفهم الاصل , فمشروح , فمؤيد بحجج هدفها البحث عن الحق

ابناء التيار الاسلامي
وانا منهم

لا ترث فهم الاسلام
وفكر في اصوله

ولا تقبل كل المادة العلمية او الثقافية التي بلغتك بعاطفة مبررة بالحجة ..ولكن بالحجة المؤيدة بالعاطفة

ولذا قد ياتي الحق علي لسان من لا يعلم في المادة العلمية الكثير لانه فهم الاصول لكونها مبنية علي العقل

وقد يضل من يعلم المادة ...لانه حجز عقله عن الاصول و نساها و انشغل بالمادة ويحاول تبريرها


لا تحب الشئ بشكل مبالغ فيه ...وقد يكون الشئ فكرة او فكر ..فتدافع عنه بالاسلام حتي لو كان فيه خطا

ولا تكره الفكرة او الفكر بشكل مبالغ فيه فتدحضها بالاسلام حتي لو كانت صائبة


اتمني ان كلامي فهم ...ولااتهم احدا ..بل اتهم نفسي اولا و الحمد لله علي نعمة الفهم :)

[Nile Hawk]

و عليكم السلام أخ لينين

لي فتره متابع الموضوع لكني صامت لانه يوجد تداخلات فيه من اكتر من تيار
و هذا واضح

و الله يا أخ إبن عبد العزيز نحن بملخص ما نقول (( لا صلاح للأمة من قبل إصلاح الدين))

[Ibn Abdel Aziz]

عم الحاج نايل
دين يعني ايه ؟

حديك مثال :
لما 70% من البنات يتحجبوا
80% من الناس يصلوا
75% من الناس يصلوا ارحامهم
65% يغضوا البصر
70% ما يغشوش في التجارة

مش فاهم ..لما ده يحصل نقول للناس يالله بينا عالجنينة ؟

مين يحدد؟
امتي ؟
مين بيقيس؟
بيقيس ازاي؟

هم ليه الكفار بيغيروا ما بانفسهم اسرع مننا ؟ يعني لم حد يظلمهم ما يسكتوش و يقرروا يتصرفوا ..ليه ؟
الدين ده بقة كلمة مطاطة الكل بيستخدمها عشان يفسر اي حاجة

السؤال ...هل طلب الحق مش من الدين ؟
هل تغيير السبب الرئيسي اللي بيعوق حتي الاصلاح و يعكس اثار الدعوة و ياخرها ده مش من الدين ؟
هو مش تخفيف معانة الناس مش من الدين ؟
هو لم الناس تتحرر مش ده حيخدم الدين ؟

لو ده فهم الدين و انه يا اما المجتمع يبقي اسلامي يا اما نستني هو ده تفسير الدين ؟
يبقي مع اعتذاري لكل منظر و مفسر و مشخر ....تضعه تحت قدمي ..وابرا الي الله منه

مش قلت ...ما تورسوووووووووش الفهم ......افهموا الاول ..


يا عالم ..الكوكب الارضي كله بيتغير بسنن الكون و الشعوب في العالم بتغير و ضعها و هم كفار ..لان سنة الكون ان الظلم له اخر ..و المظلوم منصور و لو كافر بس يجتهد لدفع الظلم
واحنا بنقول يا نبقي اتقياء يا مينفعشي ؟

طب بتايدوا حماس ليه ؟
ما حماس يوم مبدت جهاد ضد اليهود كانت الناس مش جاهزة
وبداوا
وكتير قالوا بدري عليهم ..كل المنجعصين علي كراسي و منابر ...قالوا مش وقته ..و لسة فاكر المحاضرات و اللت و العجن عام 1987 لما بدت

واحنا هنا بنقول مش سلاح ..مش دم ...بس تعالوا نستخدم قوة الدستور و قوة الارادة
ونركز
مليون مظاهرة لفلسطين ..و صفر عشان الاوضاع في مصر؟

ليه ؟
جربتوا ومنفعش؟

عشان نذكر الناس بقضايا الامة ....وماله ...ادينا ذكرنا ..ونذكر تاني .....مادام عندنا الحماسة و الارادة في موضوع زي كدة بعيد المنال اصلا ....عمره ما حيتحقق الا لما حاكم الغبرة يغور ...ليه ما فيش ربعه و لا خمسه في مواضيع مصرية في الصميم...ممكن تمون السبب في تغيير الوضع عندنا و في فلسطين

بتفكروا بالشألوب ليه

الرحمة يا رب :chair:

[Nile Hawk]

لما 70% من البنات يتحجبوا
80% من الناس يصلوا
75% من الناس يصلوا ارحامهم
65% يغضوا البصر
70% ما يغشوش في التجارة
هما بيعملوا كل ده لنفسهم مش لنا ... عشان ربنا يرحمهم من عذاب الأخرة و مالنا عليهم من سلطان

مين يحدد؟
امتي ؟
مين بيقيس؟
بيقيس ازاي؟
الله عز وجل

السؤال ...هل طلب الحق مش من الدين ؟
هل تغيير السبب الرئيسي اللي بيعوق حتي الاصلاح و يعكس اثار الدعوة و ياخرها ده مش من الدين ؟
هو مش تخفيف معانة الناس مش من الدين ؟
هو لم الناس تتحرر مش ده حيخدم الدين ؟
تطهير كل نفس لما بداخلها من أثام و من ثم نبدأ نطالب بحقنا و إلا كيف نطالب بحقنا و نحن من الداخل فاسدين.


طب بتايدوا حماس ليه ؟
ما حماس يوم مبدت جهاد ضد اليهود كانت الناس مش جاهزة
وبداوا
وكتير قالوا بدري عليهم ..كل المنجعصين علي كراسي و منابر ...قالوا مش وقته ..و لسة فاكر المحاضرات و اللت و العجن عام 1987 لما بدت
الشيخ الشهيد عز الدين القسام كان يبتغى وجه الله و لم يهتم بمنصب و لا كرسى و هذا خير دليل على صلاح النفس و إتزان الأيمان.

واحنا هنا بنقول مش سلاح ..مش دم ...بس تعالوا نستخدم قوة الدستور و قوة الارادة
و ما بالك بقوة الله إذا أراد شيئاً أن يقول له كن فيكون.
إذا أتخذت الله ولياً و أعطيته حقه كان لك خير ولياً نصيراً و لن يجرؤ أحد على التعدى على حقوقك أياً كنت مواطن فقير غنى هنا يظهر عدل الأسلام و المساواة التى تدعون إليها و ليس قبل ذلك.
:flowers:

[Asd Allah]

ياعم الحج براحه شويه بلاش كل حاجه ضرب :chair: كده الناس تغضب وتمشى فى إبتسامه :)

هل طلب الحق مش من الدين ؟
هل تغيير السبب الرئيسي اللي بيعوق حتي الاصلاح و يعكس اثار الدعوة و ياخرها ده مش من الدين ؟
هو مش تخفيف معانة الناس مش من الدين ؟
هو لم الناس تتحرر مش ده حيخدم الدين ؟

تعليقاً على هذاالكلام أراك تنظر الى الدين من منظور واحد أخى فى الله أريدك أن تجيب على سؤال مهم

كيف تريد من الناس كل هذا ولا يوجد عبادات أو أخلاق أو معلومات دينيه وأخيراً لا يملكون حياتهم بل حياتهم فى حياة غيرهم إن كنت تريد تفصيل لكل من ما سبق قولها بس وانا تحت أمرك :flowers:

[Ibn Abdel Aziz]

لو قريت كلامي يا اسد ماكنتش سالت السؤال ده اصلا

جاوب انت علي السؤال اللي انا سالته في المشاركة السابقة دي علطول...

لماذا ينصر الله الكفار المظلومين ؟


و أخ نايل اجاباتك دليل علي انك قريت كل حتة منفصلة

هو انا قلت علموا الناس كفر؟
قلت بطلوا دعوة الناس ؟

بتجيبوا الكلام اللي انا ما قلتوش منين ؟

حضرتك بتقول ان الله ظالم لدرجة اني لو مظلوم لكن عاصي حيطنشني و ما ينصرنيش؟

لو خلائي من الذنب هو شرط النصر علي الظالم ...يبقي ما فيش امل ...لاني دايما بعصي
ودايما حعصي ...

اخ اسد ..انت عارف لو ان كان كلامك ده موجه لواحد لا يعلم من دينه غير الفاتحة لقبلته
انا مش باصص عالموضوع من طرف واحد

بتهيالي انت اللي باصص عليه من طرف واحد

حفولك حضرتك بعمل ايه و احكم انت
1. براعي الله في نفسي و زوجي و اهلي و رحمي و جيراني
2.شاركت و لا زلت اشارك في كل حملة او مظاهرة او نشاط يدعو للاسلام او تعاليمه و ينصر المسلمين المستضعفين - حجاب - فلسطين - عراق- مقاطعة
3-اعطي دروس في الاخلاق و القيم و اخطب الجمعة ...واعلم القران و الحديث و التجويد و اصول الفقه و اعلم العربية لغير الناطقين بها
4- ادعو غير المسلمين الي الاسلام و اسلم في بيتي حتي الان 5 يهودية 72 عام - كاثوليكية 42 عام - مسيحي 28 عام - بروتييستانتية 26 عام - ملحد 30 عام
5- احاضر عن الاسلام في المعابد اليهودية و الكنائس المسيحية
6- اشارك في السيلسة الامريكية و منضم لحملة خلع بوش في انتخابات هذا العام
7-مخرج مسرحي , مهندس صوت , مؤلف , وكل هذا و لاكثر من 15 سنة شاركت به في عدد لا حصر له من الاعمال في الجامعة و الحي و النقابات

هل تريد المزيد ؟


مضطر اقول كل ده ..لانكم للاسف لا تسيمعون للكلام بل لمن يتكلم ...ومضطر ان ابين اني اري الاسلام بشموله ..فانا من الاخوان لاكثر من 15 سنة و لازلت ..ولساني لا يقف عن النقد و العمل معا و هذا هو دوري كمسلم


لسة مصمم ان انا مركز علي حاجة واحدة بس ؟

للاسف ليس لدي برنامج اسبوعي علي الفضائيات و ليس لدي الشهرة الكافية حتي تسمع بعقلك لا بعاطفتك و انتمائك

من الاخر لكل الاخوة اللي هنا من الاخوان

لو مهدي عاكف طلع قرار بكرة و اتوزع علي كل الاسر ان حملة عمرو موسي حنشتغل فيها لاسباب 1و2و3 وسمعتوا الكلام يبقي المشكلة مش الفكرة المشكلة مين اللي قال

وساعتها اللي حيناقشك في عدم جدواها حتقنعوا انها مجدية و عارف حتستخدم ايه ؟

الكلام اللي كنت بقوله قبل كدة

والله مش كبر و لا رياء

فقط احرج كل اخ و اخت ...ليفكر ...

[Asd Allah]

سبحان الله وبحمده سبحان العظيم

حضرتك بتقول ان الله ظالم لدرجة اني لو مظلوم لكن عاصي حيطنشني و ما ينصرنيش؟

يأخى لا تقول كلام كهذا إستحاله أقصد كده ولكنك شايف إمضائى فى كل مشاركه

http://u_muslims.siteatnet.com/foreign/u_muslims/7ata.jpg


أفهمت معناها دعنى أجاوب بالنيابه عنك فهمتها وانا متأكد بدون متقول

حفولك حضرتك بعمل ايه و احكم انت
1. براعي الله في نفسي و زوجي و اهلي و رحمي و جيراني
2.شاركت و لا زلت اشارك في كل حملة او مظاهرة او نشاط يدعو للاسلام او تعاليمه و ينصر المسلمين المستضعفين - حجاب - فلسطين - عراق- مقاطعة
3-اعطي دروس في الاخلاق و القيم و اخطب الجمعة ...واعلم القران و الحديث و التجويد و اصول الفقه و اعلم العربية لغير الناطقين بها
4- ادعو غير المسلمين الي الاسلام و اسلم في بيتي حتي الان 5 يهودية 72 عام - كاثوليكية 42 عام - مسيحي 28 عام - بروتييستانتية 26 عام - ملحد 30 عام
5- احاضر عن الاسلام في المعابد اليهودية و الكنائس المسيحية
6- اشارك في السيلسة الامريكية و منضم لحملة خلع بوش في انتخابات هذا العام
7-مخرج مسرحي , مهندس صوت , مؤلف , وكل هذا و لاكثر من 15 سنة شاركت به في عدد لا حصر له من الاعمال في الجامعة و الحي و النقابات


لأن الكلام أكيد ليس موجه لك أكيد وهذا من هذه الكلمه فى قولى
كيف تريد من الناس كل هذا ولا يوجد عبادات أو أخلاق أو ...

ضع تحت كلمةالناس ألف خط ليس أنت أخى الحبيب والله أنا أناقشك وانا على وجهى ابتسامه اما ارى فى لهجة كلامك غضب :closeeye: لا يأخى هذه مناقشة وللأسف حتى الآن لا أراك تفهمنى

لآخر مرة أوضح قصدى أريد أن أقول من وجهة نظرى أن هذه الحملة تريد لها نصراً ساحقاً وانا والله يعلم ما فى القلوب لست أشجعك فقط بل انا معك
ولكنى اريد ان يسير الأثنان مع بعضهما لا أركز على هذا فقط او هذا فقط

أريد الدين وموضوع الترشيح لأنه أساساً من الدين ولكن عندما يدخل شخص الى القسم ويرى موضوع الترشيح فقط ........ما رأيك

وكان من الممكن مساندة موضوع الترشيح من خلال صناع الحياه وطبعاً بالإقناع أخى عن طريق كن إيجابياً ولا تكن سلبياً وأختار رئيسك رئيس المسلمين......ما رأيك

والله أخى أراك تفهمنى خطأ


وساعتها اللي حيناقشك في عدم جدواها حتقنعوا انها مجدية و عارف حتستخدم ايه ؟

الكلام اللي كنت بقوله قبل كدة


ومن خلال كلامك أراك تقول لى أنى غير مقتنع بالكلام والله مقتنع

وعموماً سامحتنى الله إن كنت أخطأت أو تكبرت :blush):

أتمنى أن نمزج الفكرتين لصالح الأمه الإسلاميه

وأخيراً أتأسف أن كان كلامى فى الماضى غير واضح لأنى الآن أوضحته على ما أظن والله أعلم

أخيك فى الله :flowers:

[Ibn Abdel Aziz]

جميل :)
غلبت غيظي بتواضعك :flowers:

خير طبعا
انت عارف معناته ايه ان احنا نرد علي بعض رايح جاي ميت مرة لحد مالكلام يوضح ؟
ان احنا كلنا مش مركزين في الكلام ..لكن مركزين حنرد نقول ايه


المهم

عندي 3 تعليتقات سريعة
1. لا زلت اصر اني لست احادي النظرة حتي في كلامي مع الناس و لكن اريد صناعة اتزان و انا اري ان الاكثر لا يري الامر هكذا
2.انت مقتنع ..حميل ...ندمج الافكار ازاي ؟ مانا رايح جاي بتكلم و ناقش ..حد بعتلي رسالة و قالي عندي اقتراح و قلتله لأ ؟ ماشي سيبنا من الماضي..سوء تفاهم ..ارزعني اي فكرة و انا معاك
3. الناس مستعدة لحاجات كتيرة ..بس جرب ..
موضوع الحملة ده الاقبال عليه من الناس العاديين بنسبة 70% و غير المنتمين لاي مدارس فكرية ..واسال الحاج لينين...الناس العادية اللي بنتكلم معاهم و حيبداوا يشتغلوا علي الارض بقوا بيزيدوا بسرعة

مشروع الاذاعة .....قلنا حيبقي منفذ لاي فكر و اي فكرة ..لان الهدف من الحملة هو صناعة الحرية اللي هي اساس صناعة اي امة

حد قال اساعد ؟ عندي فكرة برنامج ؟ ممكن اعد ؟ ممكن ابقي مذيع ؟

فيه مسابقة بجوائز في كل قسم مفتوحة للكل ....معظم الاخوة هنا حاي مبعتش يقول ربنا معاك اللهم الا يحي

الشغل كتير ..و الموضوع بيكبر ..وانا عايز ناس ملتزمين يحكموا الموضوع لما يكبر و يوزنوا الامور ..عشان كدة انا بدور علي العقلاء و منهم لينين ...الاخوة فين بقي؟

مش بقول لحد غير انتماءك و لا افكارك ..استخدم الموضوع كمنبر ممكن الناس العادية تسمع من خلاله


اللهم بلغت اللهم فاشهد:flowers:

[Asd Allah]

أحمد الله أنه جمع عقولنا الآن قبل الخلاف لأن الخلاف هلاك

اما عن الأفكار فوالله سأحاول جاهداً لتدعيم هذا الموضوع مووع الترشيح

بإذن الله

[Ibn Abdel Aziz]

جزاكم الله خيرا

:)

[هريدي يابووووي]

هممم:thinky:
البيضة والا الفرخة:D

الموضوع ده فعلا حيرني..
ناس كتير جدا عارفين انهم لازم يتغيروا.. و نفسهم يتغيروا.. لكن مش عارفين "الكيفية"
باكلم شباب كتير بيبقى نفسه يلتزم.. نفسه يحفظ القرآن كامل.. نفسه يحس بمعاني القرآن.. و بيفضل عايش طول عمره "نفسه".. و مش عارف ازاي يوصل للي نفسه فيه..
عشان كده انا مش مع نايل هوك في رؤيته.. البداية لاتكون بتعليم الناس العلم الشرعي.. لأنه لن يفيدهم بشئ اذا لم يملكوا آليات التغيير..
هايفضلوا يقولوا يا بختنا بالنبي.. و يابخت الصحابة.. و ياسلاااام لو نحفظ القرآن كانت تبقى حاجة عسل..
ولا يعملون شيئا..

لذا البداية تكون بتعليم الناس كيف يفهمون الواقع من حولهم و كيف يفهمون أنفسهم..
كيف يخرجوا من حالة "اللاوعي" التي عشنا فيها لسنين و سنين نجري وراء المتعة بأي شكل...
كيف يخرجوا من حالة اللاوعي.. و يصبحوا "واعين".. وهذه هي عين التقوى.. التقوى ماهي الا حالة من الوعي الكامل.. و تخلص تام من الغفلة..
بعدها سيأتي العلم الشرعي و التدين كنتيجة طبيعية متزامنة مع فعل التغيير لأن الناس "وعوا"..
أما طول ماحنا ماشيين بالعكس زي مابنعمل بقالنا سنين.. سيبقى الحال على ماهو عليه :)

و يمكن انا بدأت اعمل الموضوع ده في دروس السيرة..تدي للناس قيمة معينة.. و بعدين تكلمهم ازاي يقدروا يتحكموا في حياتهم و في نفسهم بحيث يقدروا يطبقوا القيم دي..

[روبى 2]

السلام عليكم

طبعا الموضوع فجأة بقى في تلات صفحات .... عادي كنت متوقعة .. بس الحمدلله وعلى غير العادة ما قلبش غم يعني

في روح تفاهم ولله الحمد

ممكن أقول أنا بقى بعد إذنكو .. يعني اشمعنى انا

اولا بس انا عايزة انوه اني موافقة تماما على كلام حلم

أنا هاقولكم على انطباعاتي عن برنامج عمرو خالد ... البرنامج هايل ياجماعة وما حدش يقدر يقول حاجة ... لكن وبرغم روعة البرنامج وما فعل البرنامج في نفوس الناس من الشجاعة والأمل والإصرار (ولو حتى على المستوى الشخصي زي ما عمل معايا انا شخصياً) فإنه لم يكن ليحدث كل هذا لولا عمرو خالد وحطو تحت دي مليون خط .....

يعني على سبيل المثال .. لو الموضوع ده جه على لسان اي حد تاني ولنقل مثلا صفوت حجازي .. أو جاسم المطوع مثلا ... هل كان سيصبح له نفس الإقبال ..

معاكو ... هتقولولي طب كويس جدا ان في حد يقدر يعمل كدة .. جميل برضو ... يبقى هنوصل لنفس المشكلة

وهي الفكر الذي لابد أن يتغير .. قبل ما نصنع الحياة مع عمرو خالد وقبل ما نرشح عمرو موسى

يعني تغيير للفكر ... قبل أحد العمرين ..:D

أنا مثلا اقترحت فكرة كتكت هانم على كل أعضاء قناة إقرأ .. وبعت لهم ميلات اكتر من مرة .. ومالقيتش استجابة ده مش هيمنعني اني احاول تاني

بس أنا هاقول حاجة هتستغربولها كلكم .. اللي أهم من كل ده .. اننا نبقى صادقين مع نفسنا يا جماعة .. يعني ما ينفعش نبقى معترضين على روبي مثلا .. ونتفرج عليها .. انا باقول حاجة انا باعملها وعندي ما يكفي من الشجاعة اني اقول عليها ..

المواضيع اللي بنتكلم عليها هنا بينتهي بيها الحال يا إما لخناقة .. يا إما لكلام فقط


أخي الفاضل ابن عبد العزيز .. أنا موافقة تماما على كلامك .. وأعلم جيدا أن فكرك لا يتعارض باي حال من الأحوال مع الدين .. وأن الأمل في أفكارك قد حرك فكر الكثيرين .. وأنا منهم ... لكني ما زلت لا أعرف حملة ترشيح عمرو موسى إلى أين؟؟؟؟؟؟ وماذا لو لم يحدث هذا ... هل هذا يعني انه عادت ريما لعادتها القديمة

زي ما علقت قبل كدة في موضوع كان بيتكلم على حكاية مقاطعة خطوط التليفون وما أسفرت عنه .. قلت ان احنا اهو .. قوة لا يستهان بها .. طب ليه ما نستخدمش الطريقة ذاتها في الاعتراض على كل ماهو ظالم ومفتري

فاكر لما قلت زمان .. مش المهم اني آكل التفاحة .. المهم اني أعلم الناس ازاي يقطفوها


حد فهم حاجة .. ما علينا .. انا بس حبيت أقول رأيي


كل طلبي يا جماعة ان حد يتكلم في خطوات بس رجاءً تكون واقعية مش مهم مين يقولها المهم اننا ننفذها

[Ibn Abdel Aziz]

هريدي باشا :)

اللي انت قولته مشكلة فعلا

كيف احول الطاقة لعمل

و ما هي الوسائل ؟

ويمكن انت بيعالج الموضوع من حيث تظن انه مجدي ..وده جميل ..ولااعتراض عليه

الفكرة اني لا انتظر و اظل اعد الايام و الليالي احلم و اقول الوقت جاي الوقت جاي

المشاريع المحددة ...ليست معناها اهمال للاخر ..معناها التخصص....

بعمل حاجة و اركز فيها اكتر عشان تجيب نتيجة احسن بس كدة


اهلا و سهلا بيكي يا روبي :flowers:

الكلام في المواضسع دي مش تضسسع للوقت ...انا شايف انه بيخلق جو يجبر علي التفكير اصلا

مش لازم كل حاجة قلتها و لسة حقولها تبقي صح و العكس صحيح
وكذلك اللي قاله هريدي او اسد او نايل او انت ...الخ

انا شخصيا لم انتقد عمرو خالد و لا فكرة البرنامج
انا لوشت في المستمعين اللي هم انتم ..مش ناس من الشارع ..عشان اقولهم
فكر حبة و ركز ...ما تخدش البرنامج و افكاره و تنطلق في اتجاه و احد مع كل اللمة اللي حواليك

انت اصلا ممكن تكون بتعمل حاجة مفيدة جابت اثر رهيب حتي قبل ما عمرو خالد نفسه يتعرف..

وضربت مثل بهريدي دوت كوم انه عمل جبار بداه واحد و شوف كام واحد بيتغير تفكيره و اسلوبه و حياته بيه كل يوم

القصد ..متقولش لا زم اعمل عمل مواصفاته كيت و كيت و اللا ابقي برة اللعبة
بفكر الناس اللي هم اصلا بيفكروا و بيشتغلوا انهم يركزوا


انا حعمل موضوع مخصوص عن استراتيجاة الحملة و تدرجها و الاهداف منها يمكن ده يجاوب علي اسئلتك يا روبي و اسئلة ناس تانية ان شاء الله

واهلا بيكي :flowers:

[Asd Allah]

ولو حتى على المستوى الشخصي زي ما عمل معايا انا شخصياً) فإنه لم يكن ليحدث كل هذا لولا عمرو خالد وحطو تحت دي مليون خط .....


لا إلاه إلا الله ما كفايه كلام على النقطه ديه بقى ونبتدى نعمل ما دام البرنامج ناجح

بس خلاص........:rolleyes:

[posy]

لا إله إلا الله ما كفايه كلام على النقطه ديه بقى ونبتدى نعمل ما دام البرنامج ناجح
الله يفتح عليك يا أسد :)
هوا ده الكلام

أحب بس أضيف تعليقى على ثلاث صفحات من المناقشة المثيرة للاعصاب

أولا هريدى يابوووووى :
صراحة انا لم يعجبني اسلوب حلقات "صناع الحياة" لعمرو خالد.. لأنها مازلت كلام نظري.. بيقدم آليات جاهزة و معلبة للناس دون أن يعلمهم كيف يفكرون و يبدعون آلياتهم الخاصة عن طريق تمرينات عملية
اعتقد ان الكلام ده مش مظبوط .. والدليل انو جاب امثلة عملية لاشخاص حفزتهم الفكرة مثال : الرجل السورى الفقير الذى لا يملك ما يدخل به السرور على بيوت المسلمين ولكنه قرر جمع الطعام الفائض من الفنادق الكبرى وتوزيعه على البيوت الفقيرة ..
هل عمرو خالد هو اللى اقترح عليه هذه الفكرة ؟!!!
ام ان الفكرة من وحى خيال الرجل المؤمن الذى نفذ حديث رسول الله صلوات الله وسلامه عليه " من أدخل السرور على أهل بيت من المسلمين لم يكن له جزاء إلا الجنة "
إذاً هوا بيحمسنا واحنا علينا نفكر ونخطط وننفذ ..

عجبنى اوى رد أسد الله :
رداً على من يقول أن الناس مندفعه وراء عمرو خالد هل من المعقول أن أكثر من 13 ألف مندفعين أنظر لأى شخص تلقى عليه فكرة عمرو خالد وتذكر أن عمرو خالد بزات نفسه قال أن الناس تزول ولكن الفكره إن كانت ناجحه لا تزول

أما رداً على من يقول على البرنامج لا يوجد شئ عملى فإنى أقول له ما رأيك بمن تحرك لعمل أعمال إيجابيه أليس هذاعملى كله كلام نظرى

مكنش جاب كل الأمثله العمليه فى أربع حلقات بس

ده من ثانى حلقه أتحرك رجل أعمال ناجح لدعم مشروع أرى نتائجه من الآن

ده غير الرجل البسيط الذى علم نصف رجال القريه

هذا غير كل الناس الى بالفعل نفذوا أفعال إيجابيه عظيمه ولكن لن يقولوا ما فعلوا لحفظ الثواب.......

لا ياجماعه الموضوع عملى بحت بس ركزوا شويه
الحقيقة عجبتنى جدا ردود كلا من :
سنفور مفكر – حلم – الباشا ميكانيكى – روبى 2
آرائهم تعبر عن رأيى ايضا .. لذا سأكتفى بها ولن أطيل عليكم
فى حفظ الله وآمنه :flowers:

[Ibn Abdel Aziz]

ولا اختلف معهم يا بوسي

موضوع الحوار كان امر اخر تماما

[posy]

والله يا اخ ابن عبد العزيز انا قرأت الموضوع وفهمته جيدا ولكنى لا اريد الدخول فى دائرة الحوار حيث ان ذلك لن يفيدنى بل سيحرق اعصابى ..
كان ليا بس بعض التعليقات على بعض الردود قمت بكتابتها ليس اكثر

وعلى فكرة ممكن حالنا وحال بلدنا يتغير 180 درجة من غير ما نرشح عمرو موسى ولا حاجة ..
هتقولى ازاى ؟
احنا اتعودنا دلوقتى على الرضوخ والاستسلام التام ..
ايام السادات (رحمه الله واسكنه فسيح جناته) لما انابيب البوتاجاز غليت 10 قروش الدنيا قامت والناس كسرت البلد لحد رجع كل شىء لاصله
ألم يأن لنا ان نفعل كما فعل هؤلاء ؟!!
مآنش الآوان اننا نفوق ونقوم ننفض غبار الذل بأه ؟!!!!! :sniff:
مش دى صناعة من صناعات الحياة بردو :huh:

[Ibn Abdel Aziz]

عندك حق

ونا ركزت عالمعني ده ف كل مكان كتبت فيه في هريدي

وقلنا عمرو موسي مش هو الحل
وقلنا كل عمل بيعمل خير و يؤدي لخير لازم يكمل

وقلنا ان الصحوة مش محدودة ف شعار او اتنين..ولاطريقة ولااتنين
وقلنا اهلا ببرنامج عمرو خالد...وقلنا برضك اللي حايتاثر من البرنامج من اصحلب النشاط و الفكر عليهم يركزوا ف الخطوة الجاية...وبلاش تشتيت الطاقة او محدودية الرؤيا في ما يرونه صناعة للحباة او لا...وانا شخصيا مش معجب بالمصطلح قوي..لانه مش دقيق...رغم كدة بستخدمه عشان اوصل افكاري للناس
المهم....25 سنة بعد السادات كتير ..واللي كان فينا مات منه كتبر
واحنا بس بنحاول ننشط الذاكرةونحيي الامل ونعلم الناس ان احنا ممكن نغبر الواقع بمجرد ايماننا بكدة...


وبس:)

[posy]

جزاك الله خيرا يا اخى

البنزين كان الحاجة الوحيدة اللى لسه مغليتش اهو بأه بـــ 140 قرش اللتر بدلا من 1 جنيه

يلا ويايت نتحرك بأه

حسبنا الله ونعم الوكيل :sniff:

[Ibn Abdel Aziz]

ان شاء الله :)