هل تريد أن تكون من صناع الحياة ؟؟

[Miss.Nouna]

السلام عليكم ورحمة الله وبركاته

أولا احب اعرفكم بنفسي انا لسة مشتركة جديد .... ومبسوووطة جدا ان القسم ده اتفتح هنا

انا اسمي نورا ... مصرية وعايشة في النمسا وفي تانية ثانوي :sniff:

كنت عايزة اعرض عليكوا الموضوع ده واشوف هيعجبكوا ولا لأ :انجغة:
كنت عايزة اتكلم عن حال المسلمين دلوقتي بصراحة المسلمين بقوا حاجة تكسف حاليا ، يعني بالنسبة للمسلمين اللي عايشين هنا مثلا بيدوا اسوأ صورة للاسلام في اوروبا

يعني تلاقي الأوروبيين عندهم ضمير في كل حاجة ، مش بيكذبوا ابدا ، بيحترموا المواعيد ( مهمة قوي دي ) ، بيشتغلوا بجد ، بيراعوا حقوق الانسان ...... الخ الخ

نيجي بقى للعرب والمسلمين بجد كل حاجة وحشة هما اللي بيعملوها ( أكيد في نمساويين وحشيين جدا طبعا ) لكن المسلمين مفروض هما صورة الاسلام بره

بجد في اوروبا الناس واخدة فكرة وحشة جدا عن الاسلام بسبب الناس دي .... مفيش حد بيطبق الاسلام صح ، يا اما يكون مش عارفين حاجة عن الاسلام اصلا ، يا اما مش بيطبقوه ، يا اما بيطبقوه بطريقة غلط

المسلمين بقو متأخرين في كل حاجة ... الصناعة ، التكنولوجيا ، التنمية ، الطب ، الفلك ....
لو بصينا زمان هنلاقي ان اللي أسسوا كل العلوم دي هما عرب اصلا .... مش عارفة الغرب احسن مننا في ايه ؟؟؟؟
السبب اننا اتعودنا خلاص ان كل حاجة تيجي جاهزة مش بنعتمد على نفسنا ..... مفيش حد عايز يتعب ، بس بجد لازم الحال ده يتغير ومش هيتغير الا لو كل واحد بدأ بنفسه

انا المقدمة الطويلة دي كلها عشان عايزة اقترح عليكوا اننا نفكر مع بعض ممكن نعمل ايه ..... كل واحد يقول افكاره يقول اهدافه اللي هيحققها ان شاء الله ، ممكن انتوا بتقولوا واحنا هنعمل ايه يعني بس والله لو حطينا الموضوع في دماغنا ممكن نعمل كتير

انا عايزة من كل واحد خمس حاجات :
1ـ رأيه في الموضوع وهل ممكن فعلا يكون لينا دور مؤثر في المجتمع
2ـ اهدافه البعيدة والقريبة اللي نفسه يحقهها وخطته لتحقيقها
3ـ افكار واقترحاات هو جربها او مجربهاش ممكن تفيدنا كلنا
4ـ قصة حد قريبه مثلا او قصة سمع عنها لحد كانت ظروفه صعبة او عمل حاجة افادت الاسلام والمسلمين مع انه كان انسان عادي في الاول
5ـ أي سلبيات شايفها في سلوكنا او سلوك المسلمين عامة دلوقتي ينبهنا ليه علشان نقدر كلنا نتجنبه

باختصار الموضوع ده علشان نشوف ازاي نكون من صناع الحياة بجد مش نعيش عالهانش ونموت برده عالهامش محدش يفتكرنا بحاجة ..... وحتي لو مقدرناش يكفينا شرف المحاولة زي ما بيقولوا وعلى الاقل لما يجي ربنا يسالنا يوم القيامة عملتوا ايه للاسلام نقوله يا رب احنا حاولنا بس مقدرناش

وانا هابدأ بقى ...

أولا : الاهداف ..... احم احم عندي اهداف كتير في منها دنيوية واخروية
الاهداف الدنيوية
1ـ اطلع الاولى السنة الجاية ان شاء الله على الطلبة الدارسين في الخارج ، او حتى من اول عشر مراكز

2ـ ادخل كلية (computer scince ) واتفوق ان شاء الله فيها عشان اثبت ان فيه مسلمين ناجحين وبنة لله طبعا

3ـ أفيد المسلمين بالعلم اللي هاتعلمه ده ، يعني اعمل موقع يوصل صورة الاسلام صح مثلا ، او اكتشف حاجة تفيد بلدي :55:

4ـ لو اتجوزت يكون إنسان بيعرف ربنا وبيخافه ( عشان ميتعبنيش )وان شاء الله اطلع عيالي مسلمين صح ... واربيهم كويس

الاهداف الاخروية

1ـ ان ربنا يكون راضي عني
2ـ اعمل كل الواجبات الدينية اللي عليا ومأثرش فيها
وأحفظ القرأن الكريم كله او جزء كبير منه عالاقل والحمد لله بدأت في خطة للحفظ
3ـ ان ادعي للاسلام وطريق ربنا وانصح المسلمين ( اما انصح نفسي الاول:blush): )
4ـ اغير فكرة الاسلام عند الغرب
4ـ أدخل الفردوس الاعلى ( شفتوا طماعة ازاي ) مع انه حلم بعيد شوية
5ـ اشوف الرسول ـ صلى الله عليه وسلم ـ والصحابة وامهات المؤمنين
6ـ ان يكون معايا كل الناس اللي باحبهم في الجنة

وباتمنى اعيش لحد ما اشوف القدس اتحررت كدة والمسلمين بقوا هما اللي بيقودوا العالم


الخطة بقى اني متوقعة اني هاذاكر لحد ما يطلع عيني وهاتعب كتير جدا لحد ما اوصل للي انا عيزاه لان مفيش حاجة بالساهل .... ولازم ابقى حطة في دماغي اني ارضى ربنا على قد ما اقدر

وادعولي بقى

ثانيا : اقتراحاتي بقى ...
1ـ ان تكون النية خالصة لربنا سبحانه وتعالى...... الاستعانة بالدعاء والصحبة الصالحة
2ـ نحط في دماغنا اننا لازم نتعب جامد عشان نحقق ده ونعمل كل اللي نقدر عليه
3ـ نعرف كويس قووي ان اللي يحط فكرة في دماغه ويعيش عشانها لازم ان شاء الله يحققها قبل ما يموت زي ما أستاذ عمرو بيقول
4ـ نحاول نرضى ربنا
5ـ نشجع بعض ونتفق على حاجات كلنا نعملها سوا
6ـ نقول لكل اللي نعرفهم يحددوا هدفهم ويحاولوا يحققوه عشان حال المسلمين يتغير
7ـ يبقى عندنا يقين ان ربنا سبحانه وتعالى اكيد هيكون واقف جنبنا

===========================================

من قصص الناس اللي اعرفهم وأثرت فيا جامد

هو واحد صاحب بابا كفيف ، تخيلوا بيشتغل ايه بيشتغل في مصلحة حكومية هنا .... وبيصلح اجهزة الكمبيوتر ويعمل برمجة وبيعلم الناس كمان
احنا مرة الكمبيوتر باظ ولما جه عشان يشوفه ما شاء الله عليه بيعرف اكتر من المفتح ، بجد انا لما باشوف ناس زي دي باحس انيمعملتش حاجةخالص ... يعني الحمد لله ربنا مدينا كل حاجة ولكن محلك سر برده ...... الاكتر من كدة بقى ان الراجل ده بقى يكره يروح مصر من كتر ما طول ما هو ماشي ياخد تريقة مش بيعرف يمشي طبعا في الشوارع بتاعت مصر ..... بعكس هنا تماما كل سبل الراحة متوفرة ليه

يا جماعة بجد النماذج دي احسن مننا في ايه ؟؟؟؟
يزيدوا عننا في ايه ؟؟؟؟ احنا ممكن ننجح زيهم ونكون احسن كمان ..... مش ممكن يطلع حد من الجيل ده يبقى زي ابن سينا والخوارزمي و نيوتن وغيرهم

==========================


دي فكرة مختصرة عن مراحل المشروع بصراحة واحدة صاحبتي هي اللي فكرت فيها بعد ما طرحت عليها الفكرة وبدأنا نفكر في النظام هيكون ازاي :


المشروع ينقسم لثلاث مراحل

اول مرحلة :مرحلة الالتزام بالطاعات
فى المرحلة دى بنتفق كلنا على طاعات و التزامات معينة نلتزم بيها لفترة تحدد و بعد كدة نلتزم بطاعة اخرى جديدة بجانب الالتزام الاول و هكذا....و المرحلة دى الغرض منها الالتزام مع الله و التقرب اليه اكثر و ايضا الحس و العمل الجدى على الاتزام فى حد ذاته و تنمية حس التعاون و الحب فى الله مع بعض
وايضا بيرافق الالتزام بالطاعات التزام باخلاق معينة تحدد نشدد عليها و على اهميتها كل مدة

المرحلة الثانية:المرحلة الفكرية
فى المرحلة دى(بجانب استمرار المرحلة الاولى)بنبتدى نلقى الضوء و نوضح الجانب الفكرى للاسلام كدين و عقيدة بالشكل الصحيح مثلا فى الاول مناقشة و توضيح كيف ان دينا مش سجادة صللة و سبحة فقط بل ان الاجتهاد فى العمل و الدراسة و الحياة و المجتمع و التربية و الفكرالخ من صميم الدين و ايضا مناقشة كل فترة جوانب فكرية و انسانية و روحية فى الدين الاسلامى
و الهدف الاساسى للمرحلة دى تنمية الفكر الاسلامى الشامل فى العقل بحيث ان الدين لا يكون مجرد سجادة صلاة او جانب عارض فقط فى الحياة و ايضا بناء عقل و فكر قادر على (على الاقل)يتوجه و يفهم و يقدر و ينطلق بنفسه فى الدين و الحياةو لايكون مجرد انسان يردد كلمات يسمعها من الدعاة و المتدينين بلا فهم حقيقى و عميق له
و ايضا ان نحاول ان يكون عندنا قاعدة متينة من الفكر و الادب و الروح الاسلامية لنقدر ان نواصل العمل و العبادة بقوة

و هدف اخر مهم جدا من بعد المرحلة دى ان المشروع ميكونش محتاج ما قد يسمى(قيادة مركزية)بمعنى ان الشخص اللى هايلتزم بالمشروع لو كان التزامه عن طريق الانترنت او عن طريق شخص ميكونش محتاج يكون متصل بيه طول الوقت او بالمجموعة و اذا قدر الله انه لا يكون متصل بينا يقدر انه يستمر فى الالتزام و الفكر و المساهمة..

المرحلة الثالثة:مرحلة العمل و المساهمة
و فى المرحلة دى بنبتدى بعد مابنينا لنفسنا قاعدة غير ضعيفة ننطلق بانفسنا لمساعدة الاخرين و المساهمة بنشاطات ايجابية فى المجتمع و نشاطات لايجاد حلول عملية للمشاكل اللى ممكن تقابلنا فى العمل او المجتمع او الاسرة الخ الخ الخ
الهدف من المرحلة ان ننطلق بجدية بعد ما بنينا قاعدة متينة لانفسنا روحيا و فكريا نساعد بشكل عملى و جدى فى تغير ما نقدر عليه من سلبيات ممكن تواجهنا فى اكثر من مجال فى الحياة و ايضا المساهمة بشكل عملى بايجابية فى المجتمع و تنمية هذه الايجابيات على قد قدراتنا فى محيطنا و مجتمعنا باذن الله
المشروع طواله الالتزام يكون على قد مقدرة المشارك و غير الزامى اتصاله بالانترنت او المجموعة او الشخص اللى وصله للمشروع طوال الوقت,ايضا بيرافقه الجانب الانسانى فى التعاون بينا و الحس الجماعى و المحبة فى الله و يتضمن مراعاة ضيق الوقت لينا جميعا و كل شخص بيساهم بقدرته

=======================

ودي ان شاء الله هتكون خطوات المرحلة الاولى :


1ـ نتفق كل اسبوع على عبادة معينة نعملها كلنا مع بعض بنية صادقة ، والاسبوع اللي بعده نتفق على خلق من أخلاق المؤمن .... بحيث يكون في توازن بين العبادات والاخلاق .... وطبعا اكيد هاكتب نبذة مختصرة عن العبادة او الخلق ده للتشجيع وتوضيع فضله وكدة ...

ملاحظة : الحاجة اللي هنتفق عليها بعد كدة هنعملها على طول مش لمدة اسبوع بس !!!!!!!

2ـ هيكون في صورة كاريكاتير ان شاء الله تدعم الموضوع كل اسبوع

3ـ كل اسبوع هاعمل استفتاء معين ويا ريت الكل يشارك فيه وبلييييييز يكون بصراحة محدش شايف انت بتكتب ايه


4ـ طبعا كل ده هيكون بجانب المذاكرة كويس علشان عايزين يكون هدفنا السنة دي نطلع من الاوائل عشان نثبت للكل ان الانسان ممكن يبقى متدين وكمان ناجح في حياته


5ـ عايزين يكون هدفنا الكبيييييييييير قووي ان ان شاء الله على سنة 2030 يكون العالم العربي والاسلامي بينافس أمريكا والدول الكبرى في جميع المجالات ..... الحكاية مش صعبة على فكرة



يا ريت بس كل واحد يقول رايه وبعدين نحاول يكون الموضوع منظم اكتر

وفي جرووب انا عملته للموضوع بحيث نبعت عليه الايميلات اللي تفيدنا في صناعة الحياة يا ريت تشتركوا http://groups.yahoo.com/group/sona3_7ayah/





ويا ريت تبقوا تشوفوا برنامج عمرو خالد الجديد ( صناع الحياة ) عشان هيفيدنا كتير
المواعيد : 8 بالليل يوم التلات ، 12 بالليل يوم الجمعة ، وتقريبا 3 الضهر يوم الاربع بتوقيت القاهرة

وفي برنامج حلو قووي عن القوة الذاتية على الشارقة للدكتور ابراهيم الفقي ... يوم الجمعة الساعة 8

هوا البرنامج جميل جدا بس انا بافضل ساعة اتفرج عليه وباطلع حاسة اني مش فاهمة حاجة خالص

ويا ريت كمان لو عجبتكوا الفكرة تحاولوا تقولوا لكل اصحابكوا وقرايبكوا لان الموضوع محتاج مشاركة جامدة

السلام عليكم وآسفة جدا عالاطالة

_________________

[bigera]

السلام عليكم ورحمةو الله وبركاته

نرحب بيكى على فندم فى قهوتنا الموقرة :flowers:

ماشاء الله عقلك اكبر من سنك

خطوات جادة وجميلة

ان شاء الله نشجع بعض :flowers:

دعواتك :flowers:

متخفيش فى المرة القادمة حدخل ارد على اسئلتك :55:

[العنتيل الدامد جوووى]

ماشاء الله عليكى

انت متاكدة انك فى تانية ثانوى :)

انا داخل اقول طول مافى شباب فى الامة بنشاطك وفكرك


ان شاء الله الدنيا بخير

ولنا لقاء اخر ان شاء الله

[ليه]

masha' allah:flowers:

:55:


:viking:

[badboy2003]

موضوعك حلو اوي miss وباذن الله هاشترك

[dada]

....
... أرحب أولا بالأخت العزيزة نورا فى قهوتنا المتواضعة :flowers:...
ثانيا ... رغم أن هذه هى مشاركتها الأولى معنا إلا أنها والحمد لله مشاركة فى غاية القوة ..:bb:. ويارب الموضوع ينجح ويحقق غرضه والجميع ياخدوا الموضوع على محمل الجد وما يبقاش مجرد كلام بنقوله وخلاص .:sniff:..

بالنسبة لفكرة الموضوع فهى ما تعتبرش جديدة علينا وخصوصا بعد أن طرحها أستاذنا عمرو خالد واستفاض فى شرحها فى برنامج خاص يحمل اسم الفكرة نفسها وأنا أتابع البرنامج منذ الحلقة الأولى .:clap:.. فجزاه الله عنا كل خير وجعل هذا العمل فى ميزان حسناته ..:).

المسلمين بقو متأخرين في كل حاجة ... الصناعة ، التكنولوجيا ، التنمية ، الطب ، الفلك ....
لو بصينا زمان هنلاقي ان اللي أسسوا كل العلوم دي هما عرب اصلا .... مش عارفة الغرب احسن مننا في ايه ؟؟؟؟

ولكنى أعترض معكم فى هذه النقطة..:closeeye:.. فليست مسئوليتنا وحدنا أن تأخر المسلمون الآن ولا هى حتى مسئولية أفراد عموما ..:thinky:. المسئولية مسئولية حكومات وسياسات خاطئة تحجم التقدم العلمى وتقلص الميزانية المدفوعه للعلماء وللبحث العلمى فأصبح الواحد منا مهما اختلفت ثقافته أو موقعه من المجتمع يصبح كل يوم وكل شغله الشاغل كيف ينفق على بيته أو كيف يفى بمتطلبات حياته الضرورية بعد أن أصبحت الحكومه أو المسئولين يحاربون الناس فى أكل عيشهم ...
فمن أين يأتى التقدم وأنت لا تجد مقومات الحياة الأساسيه ؟؟؟؟:cry:
... أو أنه من أين يأتى الإبداع أو روح الإبتكار لأفراد يحملون هم أسرهم التى لا تجد قوت يومها ..:nug:..
.. طبعا أنا باتكلم عن الوضع فى مصر .:sniff:.. فأنا مصرى وأعيش فى مصر وليس النمسا ... ولا يخفى عن الجميع الوضع الإقتصادى السئ الذى تعيشه مصر فى ظل هذه الحكومة السيئة جدا ..:crazyy:.

... وحتى قبل مجئ هذه الحكومة ... هل يستطيع أحد أن يقول لى كم تبلغ الميزانية التى تخصصها الحكومة للعلماء أو الأطباء أو البحث العلمى من جانب ..:thinky:.. والميزانية التى تخصصها للاعبى الكرة أو الفنانين ( الذين هم ليسوا إلا مجموعة من الزناة يبثون الفاحشة فى كل بيت مصرى ) ..:confused:.

.. بالله عليكم هل تفلح أمه يعلوا فيها أمثال هؤلاء فى حين يخسف الأرض بكل عالم أو باحث أو حتى مدرس فى مدرسه ..:thinky:.

... وكيف سينشر المدرس القيم الفاضلة فى ظل مجتمع لا يوفر له حتى أقل حياة كريمة .:angry:..


.... أنا لا أقول هذا الكلام لكى أعلق تخلفنا الآن على شماعة الحكومات وألغى دورنا ولكنى أقول لكم رفقا بنا فلسنا نحن السبب ..:sniff:. إنما هى الظروف المحيطة بنا والمجتمع السئ الذى نشأنا فيه وسط مجموعه من المرتزقة الذين لا هم لهم سوى جمع الأموال مهما كانت وسيلة هذا الجمع وحتى لو كانت الضحية هى بلده أو أمته أو إسلامه .:chair:..

نحن بحاجة إلى تغيير كبير ... نحن بحاجة للجوء إلى الله والإبتهال إليه أن يولى علينا خيارنا ولا يولى علينا شرارنا ....

والله أسأل أن يردنا إلى ديننا ردا جميلا ..:rolleyes:. فما أحوجنا إلى العودة والإنابه إلى الله ... فكما تكونوا يولى عليكم ..:واه يابوي.. أى أنه إذا عدنا لديننا فسوف يأتى الله بالحاكم الذى نستحقه ليعيدنا إلى عزة الإسلام ونصرته ..:idea:.

ويومها ... ويومها فقط سيعود إلينا أقصانا الأسير ..:clap:. جعلنا الله فى جنود التحرير ..:knight:. اللهم آمين يارب العالمين ...

... أعتذر للإطالة .:blush):.. ولا أدرى ما الذى دفعنى لكتابة هذه الكلمات وتأكدوا أننى معكم فى مشروعكم ..:).. ويارب نقدر نتغير فعلا ولا تكون مجرد كلمات .:thinky:..

... أخوكم العائد ...:knight:

[Asd Allah]

أؤيدك بشده وحماس

وأشجعك على حماسك الجميل

أختى فى الله أضم صوتى إلا صوتك وأدعو المسلمين للمشروع بجانب مشروع صناع الحياه المعروف للأستاذ عمرو خالد

ولذلك لسوف نسير فى خطو هذا المشروع الذكى بالحسنات وأيضاً مع حلقات صناع الحياه ومناقشتها.........

[eldoctor]

بعد مبروك طبعا للقسم الجديد ..
ليا اكثر من تعليق ..
اولا .. الكلام جميل .. ولكن عند الطرح العملى للمواضيع ... محش بيعمل حاجة .. ده من الواقع اللى شفته فى الحياة .. يعنى مع احترامى للاخت الفاضلة على اقتراحتها .. هل بصيتوا فى القهوة .. هل المشاريع اللى طرحت .. تم تطبيقها كلها انا مش باجيب احباط بس بأسأل؟؟؟؟
يعنى انا طرحت اكثر من مشروع ,, كام واحد ساهم فى القهوة فعليا .. .. خمسة ...
انا مش بأعمل اعلان .. بس فعلا .. الواحد نفسه يلاقى موضوع يتنفذ ..
موضوع جدول الطاعات انا غير موافق عليه .. الطاعة لا تحتاج الى جدول او برنامج .. ممكن حفظ القرأن مثلا .. انما الصلاة او الصيام .. لا .. لكى لا تدخل فى باب الرياء .. انى اعمل كده علشان ابقى زى باقى الناس فى القهوة .. او مجرد تقليد .. قبل ماحد يهاجم .. فكروا و افهموا قصدى ...
اما موضوع كيف نصنع الحياة .. عندى الف فكرة بس مين يشارك .. و مين عنده استعداد ..

[محمد حبيب]

جزاكي الله كل خير..

من فترة تقارب الشهر.. وضعت موضوع.. كان هدفي فعلاً اننا نبدأ ندرس مشكلة الأمة دي علمياً.. وطرحنا المشاكل.. ولكن للأسف.. لما جيه وقت الحلول ماكانش في الموضوع حد غيري :) .. بصراحة.. كنت متحمس جداً.. وخرجت محبط جداً...

على كل حال بإذن الله انا ناوي على الأجازة أبدأ عملياً..

انا معاك با دكتور.. بإذن الله.. بس وضّح الفكرة وابدأ بس.. :flowers:

[Miss.Nouna]

أولا شكرا جدا يا جماعة علاترحيب الجامد ده .... والقهوة منورة بأصحابها :flowers:


بالنسبة لفكرة الموضوع فهى ما تعتبرش جديدة علينا وخصوصا بعد أن طرحها أستاذنا عمرو خالد واستفاض فى شرحها فى برنامج خاص يحمل اسم الفكرة نفسها وأنا أتابع البرنامج منذ الحلقة الأولى ... فجزاه الله عنا كل خير وجعل هذا العمل فى ميزان حسناته ...


أكيد طبعا الفكرة مش جديدة ... وهي فعلا جاتلي من برنامج صناع الحياة .... بس انا عملته عشان يكون بجانب البرنامج ويبقى لينا خطة تانية مع الحلقات اللي هتساعدنا جدا

وكمان عشان أكون عملت حاجة ايجابية ... ولو بسيطة :انجغة:

أنا لا أقول هذا الكلام لكى أعلق تخلفنا الآن على شماعة الحكومات وألغى دورنا ولكنى أقول لكم رفقا بنا فلسنا نحن السبب ... إنما هى الظروف المحيطة بنا والمجتمع السئ الذى نشأنا فيه وسط مجموعه من المرتزقة الذين لا هم لهم سوى جمع الأموال مهما كانت وسيلة هذا الجمع وحتى لو كانت الضحية هى بلده أو أمته أو إسلامه ...

أديك قلت ان علينا جزء كبير من المسؤولية ... على الاقل نعمل اللي علينا ، وربنا يسهل بعد كدة ما احنا اكيد لو غيرنا من نفسنا الاحوال هتتحسن ....

وبعدين مش عمرو خالد بيقول اننا اللي لازم نتحكم في الظروف مش هي اللي تتحكم فينا .... بدليل ان في ناس ظروفها بتكون صعبة جدا وبتنجح رغم كدة

لكن طبعا الحكومة ليها دور كبيرة في الحالة دي

أؤيدك بشده وحماس

وأشجعك على حماسك الجميل

أختى فى الله أضم صوتى إلا صوتك وأدعو المسلمين للمشروع بجانب مشروع صناع الحياه المعروف للأستاذ عمرو خالد

ولذلك لسوف نسير فى خطو هذا المشروع الذكى بالحسنات وأيضاً مع حلقات صناع الحياه ومناقشتها.........


شكرا جدا جدا على التشجييع ده ويا رب الموضوع يكون مثمر بعد كدة وميبقاش كلام بس زي ما بتقولوا

اولا .. الكلام جميل .. ولكن عند الطرح العملى للمواضيع ... محش بيعمل حاجة .. ده من الواقع اللى شفته فى الحياة .. يعنى مع احترامى للاخت الفاضلة على اقتراحتها .. هل بصيتوا فى القهوة .. هل المشاريع اللى طرحت .. تم تطبيقها كلها انا مش باجيب احباط بس بأسأل؟؟؟؟

من فترة تقارب الشهر.. وضعت موضوع.. كان هدفي فعلاً اننا نبدأ ندرس مشكلة الأمة دي علمياً.. وطرحنا المشاكل.. ولكن للأسف.. لما جيه وقت الحلول ماكانش في الموضوع حد غيري .. بصراحة.. كنت متحمس جداً.. وخرجت محبط جداً...

انا والله العظيم عارفة الكلام ده كويس ... وانا عملت الموضوع قبل كدة في منتدي تاني وللاسف برده كان التشجيع جامد في الاول وعند التنفيذ أدي وش الضيف :angry: وفعلا جاتلي حالة احباط وقلت خلاص مفيش حاجة نافعة بس بعد ما سمعن حلقة عمرو خالد وان مفروض يكون في اصرار وعدم يأس قلت اجرب هنا ... وهافضل اجرب برده حتى لو العدد كان قليل في الاول ده شيء طبيعي ...... ده حتى عمرو خالد شوف فضل كام سنة عشان الناس تسمعله . ولا الرسول عليه الصلاة والسلام فضل كام سنة بيدعو الناس وقليل جدا اللي اتبعه

موضوع جدول الطاعات انا غير موافق عليه .. الطاعة لا تحتاج الى جدول او برنامج .. ممكن حفظ القرأن مثلا .. انما الصلاة او الصيام .. لا .. لكى لا تدخل فى باب الرياء .. انى اعمل كده علشان ابقى زى باقى الناس فى القهوة .. او مجرد تقليد .. قبل ماحد يهاجم .. فكروا و افهموا قصدى ...

طب ايه الغلط لما نتفق على طاعات ونعملها ؟؟
أمال الصحبة الصالحة دي فايدتها ايه .... مش عشان بنشجع بعض ، وبالنسبة لحكاية الرياء فدي حسب نية الواحد .... وحتى لو في ناس هتعملها في الاول تقليد اكيد بعد كدة هتحس بحلاوة الطاعة وتقربها من ربنا اكتر .... ولا ايه ؟
اما موضوع كيف نصنع الحياة .. عندى الف فكرة بس مين يشارك .. و مين عنده استعداد ..

يا ريت تقولها وان شاء الله تلاقي اللي يشارك


===================

أسفة عالاطالة وان شاء الله نبدأ التنفيذ قريب

[eldoctor]

بما انك متحمسة .. هل دورتى فى المنتدى ... فيه مشاريع كتير مفتوحة .. و محدش معبرها .. دورى فى المنتدى الاول و قبل ما تدورى بره .. كملوا الحاجات اللى بدأتوها قبل ما تفكروا فى حاجات جديدة
الكلام ده للكل

[Asd Allah]

جزاك الله خيراً
أخى الدكتور علىالنصيحه ولكننا دعويين نبحث فى كل مكان عسى أن نهدى شخص بالصدفه........

[^MB^]

eldoctor

مليون فكرة انت لوحدك طرحتها فى المنتدى وكمان مليون من غيرك ومفيش حاجة منهم إتنفذت الكلام دة مظبوط
أكيد يأست وكلة كلام فى كلام ومحدش بيعمل حاجة ... تمام
ممكن تجرب للمرة المليون وواحد وتطرح أى منها تانى ... يمكن المرة دى تلاقى حد يعبرها .. ومحدش هيدور فى المنتدى على الأفكار .. هنكسل .. ممكن تتطرحها انت تانى


وحتى لو محدش عبرها المرة دة كمان يبقى كفاية انك هتموت وانت مش يائس من المحاولة






Miss.Nouna

متأكدة انك فى 2 ثانوى .... بسم الله ما شاء الله .. عندك عزيمة وطموح و حماس وعقلية محترمة صعب تكون فى حد عندة 17 سنة



أولاً أهدافى: بتهيألى مش هتهم حد إنى أقول عاوز أبقى كذا وكذا ووصلت لكذا وكذا

ثانيا : الإقتراحات ( متفق معاكى )
1ـ ان تكون النية خالصة لربنا سبحانه وتعالى...... الاستعانة بالدعاء والصحبة الصالحة
2ـ نحط في دماغنا اننا لازم نتعب جامد عشان نحقق ده ونعمل كل اللي نقدر عليه
3ـ نعرف كويس قووي ان اللي يحط فكرة في دماغه ويعيش عشانها لازم ان شاء الله يحققها قبل ما يموت زي ما أستاذ عمرو بيقول
4ـ نحاول نرضى ربنا
5ـ نشجع بعض ونتفق على حاجات كلنا نعملها سوا
6ـ نقول لكل اللي نعرفهم يحددوا هدفهم ويحاولوا يحققوه عشان حال المسلمين يتغير
7ـ يبقى عندنا يقين ان ربنا سبحانه وتعالى اكيد هيكون واقف جنبنا
وأضيف عليها:
8- نحاول نجمع كل الأدوات اللى ممكن تحقق لنا أهدافنا ونطوع اللى مش مطوع منها لخدمتنا
9- نساعد بعضنا البعض فى تحقيق أهدافنا
10- الثقة بالله إنة مش هيخذلنا ونثق فى أنفسنا اننا هنعمل يعنى هنعمل

[Miss.Nouna]

Miss.Nouna

متأكدة انك فى 2 ثانوى .... بسم الله ما شاء الله .. عندك عزيمة وطموح و حماس وعقلية محترمة صعب تكون فى حد عندة 17 سنة

:blush): انا في تانية ثانوي بس معنديش 17 سنة .. انا لسة تامة 16 سنة النهاردة :انجغة:


عموما شكرا جدا على ردك ... وعلى الاقتراحات

ويا جماعة نبدا التنفيذ بقى ولا نستني شوية يمكن حد تاني يشارك ؟؟؟؟

[Asd Allah]

انا رأى نبتدى ننفذ وأعانك الله

وأرجو البدايه فى موضوع منفصل وأن تضعى لينك هذا الموضوع فى جميعالمواضيع الأخرى حتى يستفيد منه المستجدين.....

[posy]

يا جماعة فى نقطة صغيرة اوى احب الفت النظر ليها
هيا حاجة بسيطة بس مهمة اوى ومهياش مشروع ولا حاجة بس والله هترفع من حال وقيمة بلدنا اوى .. فى نظرنا ونظر الاجانب كمان

النقطة دى هيا .. الناس اللى بترمى زبالة وهيا ماشية فى الشارع
واحد فى ايدو منديل يرميه ، واحد شرب بيبسى يرمى العلبة ، واحد أكل مش عارف ايه يرمى الورق فى الشارع بعد ميخلص !!!!
وحتى العربيات .. يبقى الراجل ولا الست اخر شياكة ويروح فاتح ازاز العرية يرمى زبالة وهوا سايق
بالله عليكو مش حاجة تكسف وتأرف ؟!!
وطبعا دلوقتى مبقاش فى اكتر من صناديق الزبالة المتعلقة فى عواميد الانارة فى الشوارع .. يعنى فيها ايه لو كل واحد فى ايدو اى حاجة وعايز يتخلص منها يمسكها لحد ميوصل لاقرب صندوق زبالة ؟
ارجوووووووووووكووووو بلاش حد يرمى فى الشارع وكل واحد يقول لاهلو وقرايبكو واصحابو
من فضلكم خللو شكل بلدنا يكون احسن

[ادهم الشرقاوى]

اهلا بيكى يا نورا معانا :)
انا كريم راغب 20 سنه من مصر و ان شاء الله نفيد بعض كلنا

السلام عليكم
1ـ رأيه في الموضوع وهل ممكن فعلا يكون لينا دور مؤثر في المجتمع

طبعا الموضوع مهم و حيوى و شغلنى كتير و مش انا لوحدى ناس كتير و اكتر مما نتخيل بجد بالنسبه لدور مؤثر فى المجتمع فاعتقد ان ده هيعتمد علينا و اللى بنعمله ... صحيح صعب لكن مش مستحيل


2ـ اهدافه البعيدة والقريبة اللي نفسه يحقهها وخطته لتحقيقها

اهدافى القريبه انى اخلص كلية طب
الخطه بكل بساطه انى اذاكر و اذاكر

اهدافى البعيده هى انى بعد ما اخلص الكليه هتحول لدراسة الاخراج ان شاء الله
الخطه يمكن ابتديتها من دلوقتى الحمد لله بمساعدة الشله فانا حاليا بدرس الاخراج بشكل نظرى على النت فى سايت المدرسة العربية للسينما والتلفزيون , التابعة لصندوق التنمية الثقافية – وزارة الثقافة المصرية-الكائنة في مبني سبيل وكتاب قايتباي-شارع شيخون خلف قسم الخليفة بميدان القلعة بالقاهرة-خدمة تعليم فنون السينما والتلفزيون عن بعد مجاناً لجميع الناطقين باللغة العربية في كل أنحاء العالم .
و على فكره هيا مش فى مجال الاخراج بس لكن فى السيناريو و الحوار و المونتاج و التصوير و الديكور و الصوت و الانتاج و الرسوم المتحركه (لو حد مهتم )

و ان شاء الله لو ربنا اراد هكمل دراسته بره و فى نفس الوقت مش هنفصل تماما عن الطب الا بعد مرحله معينه اتمنى انى اوصل ليها
نفسى بعد ما اخلص دراسة اخراج ان ربنا يساعدنى و يتحلى الفرصه اقدم فن نظيف مفيد (مش عارف اوصفه ازاى ) لكن باختصار انا مثلى الاعلى مصطفى العقاد مش فى المجال ده بس لكن عموما كشخصيه متكامله على بعضها

اهدافى البعيده الجواز ( طبعا هدف لكل الناس ) الخطه بصراحه و من غير احراج مؤجله الى حين لكن عموما نفسى اتجوز بنت محترمه عقليه كبيره ذكيه طموحه مش على مستواها الشخصى بس و تكون داريه باللى حواليها نترفع عن اللى بنشوفه كل يوم بين المتجوزيين
طبعا بالنسبه للابناء نفسى اربيهم تربيه اسلاميه صح يطلعوا عندهم عزه حقيقيه و ثقه بالنفس طموحهم كبير و محددين هدفهم من الاول عارفين عايزين ايه نفسى اخلى دماغهم صافيه لهدفهم و بس و يكونوا قادرين على التصرف فى اى موقف اربيهم على القرآن علشان لما يبقوا فى سننا ميجوش يلاقوا نفسهم بيسمعوا اغانى و بس و يبتدوا من تانى يرجعوا يظبطوا نفسهم بعد مرور 16 او 18 سنه اعرفهم يعنى ايه الاختلاط و ادابه علشان الهباب اللى بنشوفه
عارفين يعنى ازاى يتعملوا مع خلق الله من جميع الديانات ( علشان نثبت للناس ان الاسلام منتشرش بحد السيف ) لكن فى نفس الوقت ممكن نستخدم السيف

3ـ افكار واقترحاات هو جربها او مجربهاش ممكن تفيدنا كلنا

اقترحات و افكار مفيش اكتر منها عندنا يا مسلمين ... لكن عموما بالنسبه لاى شخص نفسه يصلح من حياته فى حاجات معينه
بالنسبه للدين لازم يحضر دروس دينيه بشكل منتظم هتفيده فى دينه و دنيته
بالنسبه لمجاله يشوف الرموز فى المجال ده يدرس شخصيتهم تفكيرهم يسترشد بيهم و يبتدى من اللى وصلولوا

اقتراح مش عارف اذا كان ناس هتوافق عليه ولا لاء بس انا بنفذه مع نفسى يمكن اكون بطىء بس اعتقد العيب فيا مش فى الاقتراح

الاقتراح ان الواحد يتخلص من الغلط بالصح و من الحرام بالحلال
اقصد ندى فرصه اكبر و وقت اكتر للصح و الحلال هنلاقى نفسنا تلقائيا بنسيب الغلط و الحرام
لانى اعتقد انى اسلوب وضع المنع و الممنوع مش بيجيب نتيجه زى ما احنا عرفين الممنوع مرغوب لكن انا اقتراحى ان احنا ندى لنفسنا فرصه للجانب الاخر اللى مساحته ضيقه عندنا فى الوقت الحاضر انا شايف ان احنا نجرب نديها حيز اكبر و اكيد ان شاء الله هيا هتفرض نفسها بعد كده بس نجرب


4ـ قصة حد قريبه مثلا او قصة سمع عنها لحد كانت ظروفه صعبة او عمل حاجة افادت الاسلام والمسلمين مع انه كان انسان عادي في الاول

هتكلم عن واحد قريبى الله يرحمه
كان اكبر منى بخمس سنين الانسان ده مش حتى زى ما نورا بتقول كان شخص عادى لاء كان واخد الانحناء للاسفل من العادى لكن ظروفه صعبه (مش فقر مدقع ولا حاجه ) على العكس تماما و ده كان السبب تماما مكنش فيه رعايه له نهائى و مع كده سبحان الله تقدرى تقولوا ان ديما كان بيفكر فى الناس عمره ما اذى حد غير نفسه بل على العكس كان بيساعد ناس كتير بس طريقته فى التعامل مع حياته ضرته الى ابعد الحدود
لكن فى اخر حياته ربنا هداه و بعديها يمكن بشهر او اتنين اتوفى
اللى حصل بعد وفاته حاجه ازهلت الناس كلها
اصحابه كلهم اللى كانوا فى نفس طريقة حياته بلا استثناء بيصلوا فى الجامع اسلوبهم فى الحياه اختلف و اسرته اتنقلة من حال لحال تانى
طبعا كله بأذن الله لكن لولا طيبته و حب الناس ليه اعتقد مكنش حصل الكلام ده او على الاقل مش بالشكل ده
لان اصحابه فى البدايه راحوا الجامع يصلوا فيه ديما علشان يدعولوا بعد كده بقوا ميفوتوش صلاه هناك
اعتقد انه كده ممكن نقول عليه انه عمل خدمه بانه ساعد ناس ترجع تانى للاسلام سواء فى حياته او بعد وفاته

الله يرحمه ادعولوا يا جماعه

5ـ أي سلبيات شايفها في سلوكنا او سلوك المسلمين عامة دلوقتي ينبهنا ليه علشان نقدر كلنا نتجنبه

السلبيه اللى موديانا كلنا فى ستين داهيه ( مش حتى بطريقه اصبحت عديه لكن كمان بتوصل لحاله مرضيه عند بعض الناس ) مناقضة النفس و الفصم بين التفكير و التصرف
يعنى نعمل حاجه غلط و نكتشف انها غلط و بعدين نقول يعنى هيا دى الحاجه الوحيده اللى غلط
و ناس تقول انا مش عجبنى كذا و تلقيه بيعمل الكذا ده


السلبيه فى السلوك التربيه الاسلاميه المفقوده و اللى بدل منها مش حتى التربيه الفاسقه لكن موجود اللى هو ابشع و هو التربيه العاديه اللى فى النص ...


شكرا على الموضوع و ارجو انى اكون افدت :-)

[Dr ims]

@ اجل ارغب في ان اكون من صناع الحياة
@ عدم المشاركة في المواضيع ... قد يكون له اكثر من سبب (منها المشاركين ما بيخشوش ساعتها القهوة او الموجودين مش فايقين )
@ عندي امتحانات وبعدها هفووووق ....

[Miss.Nouna]

السلام عليكم

أولا انا اسفة جدا جدا جدا على التأخير الفظيع ده ... بس بجد كانت ظروف واتمني ان التأخير ده ما يتكررش تاني :blush):

انا عايزة أقول بس قبل ما نبدا في التنفيذ اننا هنبدأ ان شاء الله من الصفر .... يعني هنبدأ في العبادات والاخلاق وكل حاجة من الاول علشان نظبط كل حاجة صح وعشان اللي لسة في أول التدين يقدر يشارك معانا ان شاء الله ..... والموضوع كمان هيكون فيه عن الحاجات اللي بيقول عليها عمرو خالد عشان يكون كله ماشي مع بعض :)


ويا ريت بعد ما اكتب لو حد ليه أي تعليق او اعتراض يقول :flowers:

===========================================

بسم الله الرحمن الرحيم


النهاردة أول اسبوع ان شاء الله نبدا التنفيذ العملي ويا رب الحاجات اللي نتفق عليها تكون سهلة ونقدر ننفذها كلنا

الاسبوع ده ان شاء الله هنتكلم عن تقريبا اهم اهم عبادة في الاسلام .... عمود الدين هنتكلم عن الصلاة في وقتها

الصلاة طبعا اهم عبادة في الاسلام ..... هي اللي بتفرق بين المسلم وبين الكافر
الصلاة هي الصلة بين العبد وربه .. لما يكون الواحد عايز يكلم ربنا يروح يتوضى ويصلي على طول
الصلاة بجد حاجة حلوة قووي مش عارفة الواحد ممكن يعيش من غير صلاة ازاي ..... هي اللي بتعينك على المصاعب اللي في الدنيا وتصبرك قال تعالى : ( واستعينوا بالصبر والصلاة )
لما تكون مضايق وفي مشكلة كبيرة وتروح تصلي وتدعي ربنا بتحس براحة نفسية وتحس ان المسكلة صغرت قووي

اكيد طبعا كلنا بنصلي الحمد لله ..... لكن اكيد برده في تقصير ولو بسيط في صلاتنا ، سواء في تأخير الوقت أو جمع الصلوات أو ان مفيش طمأنينة كافية و.. و.. و......

احنا يا جماعة من النهاردة عايزين نصلي صلاة بجد ..... أهم حاجة اننا نصليها على وقتها ، تأخير الصلاة ده بيعتبر ذنب كبير قال تعالى :( ويل للمصلين ، الذين هم عن صلاتهم ساهون )
ويل ده وادي في جهنم مليان عقارب وتعابين تقرص في جسمك لحد ما تخلص كلللل الصلوات اللي اتاخرت عليك ، ساهون المقصود بيها التأخير ومش ترك الصلاة خالص .... مش لازم نخلي اي حاجة تأخرنا عن الصلاة .. حتى لو الجامعة او الخروج او الشغل او غيره

يعني الحمد لله في مصر المساجد مالية الدنيا .... الواحد يقدر في اي وقت واي مكان يروح يصلي ... حتى لو مفيش مسجد حاول تصلي في اي مكان مفيش مشكلة .، المهم الوقت مش يضيع او تصلي على اخر الوقت

انتوا عارفين كان في واحد في مصر لما دخل الجامعة سأل عن المسجد اللي في الجامعة وكدة مكنش فيه .... في الاول بقى يصلي مع الفراش في البدروم ـ، بعد كدة وقف في وسط الكلية وأذن للصلاة والناس كلها بتضحك عليه .... في الاول صلى لوحده ، تاني يوم الفراش طلع يصلي معاه ، اللي بعد بقوا تلاتة .. لحد ما زادوا اكتر

ورئيس الكلية قاله ايه الكلام الفاضي ده انا هاسيب لكوا اوضة كبيرة عشان تكون مسجد ..... تخيلوا الطالب ده ان شاء الله بياخد ثواب كل واحد يصلي في المسجد لحد دلوقتي ( موقف ايجابي واحد منه ) ....

يا جماعة ده احنا هنا بنتمني بس يكون في مساجد زي اللي في مصر كدة .... احنا هنا بنصلي في أي مكان لدرجة مرة كنت مع اصحابي وصلينا في الكابينة بتاعت قياس الهدوم :sniff:انتوا عندكوا نعمة الناس بتحسدكوا عليها .... اشكروا النعمة دي وصلوا في الوقت

ولازم نعرف ان من أحب الأعمال الي الله سبحانه وتعالي الصلاة على وقتها .... وصدقوني بتفرق جامد جدا جدا لما تصليها في اول الوقت او في اخر الوقت ، بتحس بشعور مختلف تماما

===========================

بعض الملاحظات عن الوضوء :

1ـ لما نيجي نتوضا نقول ( بسم الله ) ... بعد ما نخلص نقول ( أشهد ان لا اله الا الله وحده لا شريك له وأشهد ان محمدا عبده ورسوله ) في الوقت ده هتتفتح ليك ابواب الجنة التمانية تدخل من الباب اللي تحبه ..... تخيلوا الفضل ، وتقول كمان ( اللهم اجعني من التوابين واجعلني من المتطهرين )

2ـ وانت بتتوضا استشعر معني ان المية بتغسل ذنوبك كمان من جوا ... لما تغسل وشك تنزل كل الغيبة والنميمة ، كل الكلام الحرام اللي قلته، كل نظرة حرام شفتها
لما تغسل ايدك تتغسل كل ذنب عملته بيها
كذلك راسك ورجلك .... يااه احساس حلو قووي انك تحس انت ذنوبك بتنزل في الوضوء كدة وانك بقيت نضيف ( دي ذنوبك بين الصلاة والصلاة اللي بعدها )

3ـ نتوضا بالراحة ومش باستعجال ، علشان كل اعضاء الوضوء يصل ليها المية ، قال رسول الله صلى الله عليه وسلم ( ويل للأعقاب من النار ) ومنبقاش زي الاخ حماده كراتيه ::brb:


http://www.amrkhaled.net/modules/coppermine/albums/userpics/normal_cartoon44.jpg


4ـ نفتح الحنفية بالمعقول ، ومنفتحهاش عالاخر زي ما كنت باعمل :oops: علشان كل ما تكون المية قليلة يزيد الخشوع ان شاء الله



http://www.amrkhaled.net/modules/coppermine/albums/userpics/normal_cartoon30_.jpg
-----------------------------

ونحاول في الصلاة نحس بالخشوع وان ربنا بينظر لينا في الوقت ده :-)

يا رب تكونوا استفدتوا ....وآسفة لو كان الاسلوب ضعيف شوية او على قدي يعني :sniff::blush):

كان عنيدي سؤال بس للأخ أسد الله ازاي الواحد ممكن يغير الاستفتاء ؟
والسلام عليكم ورحمة الله وبركاته

[Miss.Nouna]

اهلا بيكى يا نورا معانا
انا كريم راغب 20 سنه من مصر و ان شاء الله نفيد بعض كلنا

شكرا يا كريم على الترحيب .... ومرسيه جدا على المشاركة واقتراحاتك كويسة جدا ، ويا رب تحقق كل أهدافك :)

[Miss.Nouna]

القصة طويلة شوية بس حلوة قووووووووي ...... يا ريت تقروها


A very powerful story
hey...this is an excellent story that one of my friends showed me .....i know its long...but its worth it, so READ IT..its very powerful...take a
look :
He remembered his grandmother's warning about praying on time: "My son, you shouldn't leave prayer to this late time". His grandmother's age was 70 but whenever she heard the Adhan, she got up like an arrow and performed Salah. He, however could never win over his ego to get up and pray. Whatever he did, his Salah was always the last to be offered and he prayed it quickly to get it in on time.
Thinking of this, he got up and realized that there were only 15 minutes left before Salat-ul Isha. He quickly made Wudhu and performed Salat-ul
Maghrib. While making Tasbih, he again remembered his grandmother and was
embarrassed by how he had prayed. His grandmother prayed with such tranquility and peace. He began making Dua and went down to make Sajdah and stayed like that for a while. He had been at school all day and was tired, so tired
He awoke abruptly to the sound of noise and shouting. He was sweating profusely. He looked around. It was very crowded. Every direction he
looked in was filled with people. Some stood frozen looking around, some were running left and right and some were on their knees with their heads in their hands just waiting. Pure fear and apprehension filled him as he realized where he was. His heart was about to burst.
It was the Day of Judgement.
When he was alive, he had heard many things about the questioning on the Day of Judgement, but that seemed so long ago. Could this be something his mind made up? No, the wait and the fear were so great that he could not have imagined this. The interrogation was still going on. He began moving frantically from people to people to ask if his name had been called. No one could answer him. All of a sudden his name was called and the crowd split into two and made a passageway for him. Two people grabbed his arms
and led him forward. He walked with unknowing eyes through the crowd. The angels brought him to the center and left him there. His head was bent down and his whole life was passing in front of his eyes like a movie.
He opened his eyes but saw only another world. The people were all helping others. He saw his father running from one lecture to the other, spending his wealth in the way of Islam. His mother invited guests to their house and one table was being set while the other was being cleared. He pleaded his case, "I too was always on this path. I helped others. I spread the word of Allah. I performed my Salah. I fasted in the month of Ramadan.
Whatever Allah ordered us to do, I did. Whatever he ordered us not to do, I did not." He began to cry and think about how much he loved Allah.
He knew that whatever he had done in life would be less than what Allah deserved and his only protector was Allah. He was sweating like never
before and was shaking all over. His eyes were fixed on the scale, waiting for the final decision.
At last, the decision was made. The two angels with sheets of paper in their hands, turned to the crowd. His legs felt like they were going to
collapse. He closed his eyes as they began to read the names of those people who were to enter Jahannam. His name was read first. He fell on his
knees and yelled that this couldn't be, "How could I go to Jahannam? I served others all my life, I spread the word of Allah to others".
His eyes had become blurry and he was shaking with sweat. The two angels took him by the arms. As his feet dragged, they went through the crowd and advanced toward the blazing flames of Jahannam. He was yelling and wondered if there was any person who was going to help him. He was yelling of all the good deeds he had done, how he had helped his father, his fasts, prayers, the Qur'an that he read, he was asking if none of them would help him. The Jahannam angels continued to drag him. They had gotten
closer to the Hellfire. He looked back and these were his last pleas.
Had not Rasulullah [saw] said, "How clean would a person be who bathes in a river five times a day, so too does the Salah performed five times
cleanse someone of their sins"? He began yelling, "My prayers?my prayers?my prayers." The two angels did not stop, and they came to the
edge of the abyss of Jahannam.
The flames of the fire were burning his face. He looked back one last time, but his eyes were dry of hope and he had nothing left in him. One of
the angels pushed him in.
He found himself in the air and falling towards the flames. He had just fallen five or six feet when a hand grabbed him by the arm and pulled him back. He lifted his head and saw an old man with a long white beard. He wiped some dust off himself and asked him, "Who are you?" The old man replied, "I am your prayers". "Why are you so late! I was almost in the Fire! You rescued me at the last minute before I fell in". The old man
smiled and shook his head, "You always performed me at the last minute, did you forget?"
At that instant, he blinked and lifted his head from Sajdah. He was in a sweat. He listened to the voices coming from outside. He heard the adhan for Salat-ul Isha. He got up quickly and went to perform Wudhu.
pass this on to ur friends and family, and maybe u can help someone open their eyes........
and who knows?? maybe this is a good deed that can help you during the day of judgement....right???

[dr ahg]

أنا اقسم بالله أنني كنت أفكر في هدي الفكرة من زمن ليس بالبعيد وكنت أود أن أنفدها أنا وأصدقائي في المسجد ولكن كما تعرفين عادة المصريين هي التريقة والسخرية من كل محاولة إصلاح وفي الحقيقة لم تكن الفكرة اختكرت عندي إلي هدا الحد(علي فكرة حرف الدال المعجمة عندي في الكيبورد بايظ) ولم أصدق أنك قد توصلت بالفكرة إلي هدا الحد وأنا أؤكد لك أنني أشجع هده الفكرة بصورة لا تتخيليها وأنني سوف أكون بإدن الله من المشتركين في ورشة العمل الخاصة بهدا المشروع
ولكن عندي سؤال هل في النمسا أنت أخدت دورات عن تنظيم الزات وعن إدارة المشروعات وعن مهارات التعلم أم لا
والآن أنما مضطر أن أستأدن لأنني ورايا سكشن ولكن أنا أوعد أنني سأشارك بكل قوة في هدا المشروع الدي أسأل الله عز وجل أن يتحقق علي أرض الواقع وأن يستفيد منه المشتركين في المنتدي وأن يشارك فيه الجميع
ثم في النهاية أسأل الله أن يجعله في ميزان حسناتك وأن يجعله خالصا لوجهه سبحانه وتعالي
وأن يتقبل منك
الأخ المعجب جدا بفكرة المشروع:
dr ahg

[zoza_29]

طبعا كلنا نفسنا نكون معاكى و نتعاون كلنا :)نصنع الحياة

بصى ممكن كل شلة من الاصحاب يتفقوا و يتعلموا تجويد مع بعض

احنا شجعنا بعض كلنا و الحمد لله بدأنا :rolleyes:

كمان ممكن يلموا من بعض فلوس و يساعدوا فى بناء جامع:thinky:
او حتى فى تنظيفه:bb:
مش ساعات الجامع بيكون نظيف جدا بس:closeeye:
القبة بتاعته مش نظيفة و عايزة حد يجيب الناس اللى بيبقوا بسلم طويل ينظفوها ايه المشكلة لو جبت انت و:clap:
اصحابك الناس دول على حسابكم مع العلم انها مش :flowers:مكلفة
ع العموم ده مجرد اقتراح اسفة للتأخير:blush): فى المشاركة بس ان شاء الله معاكم من دلوقت

[Dr.@DH@M]

بسم الله الرحمن الرحيم

أولا ..

مبارك لك السبق في هذا الطرح :)

الفكرة رائعة .. تحتاج إلى بلورة أكثر ...

من الجميل أن نحمل هذه المبادئ والأفكار

ومن الرائع أن تجد هذه المبادئ من يعمل جاهدا على تطبيقها ..

وفي رأيي الشخصي ..

أن من حمل على عاتقه هذه الرسالة فلابد أن يعلم أنها ستتطلب الكثير من التضحيات .. التضحيات التي لا يقدمها إلا من أخلص في حمل الرسالة واعتبرها قضيته الشخصية ..

القضية التي سيبذل في سبيلها الغالي والنفيس ..


لذلك يجب أن ندرس الوضع دراسة جيدة وأن ننطلق على بينة .. لمعرفة ماتقتضيه هذه الفكرة من كل واحد منا ..


ثانيا .. مقترحات ..

مع كل الاحترام والشكر للأخت نونا صاحبة الموضوع ..

فلماذا لا تكون خطوات التنفيذ محل مناقشة ؟؟

لماذ لا نضع من الآن خطة شاملة للفترة التي نزمع الخوض فيها ؟؟

أيضا أقترح تكوين لجان معينة ...
مثلا واحدة لحصر المشتركين في المشروع وبياناتهم ..
وأخرى لوضع الخطط المستقبلية ..
وواحدة للتجميع الأفكارالإبداعية من أي مصدر بما يخدم الفكرة

باختصار ...

أقصد أن نبدأ عمليا بشيء منظم

على سبيل المثال :
-- نحدد الأهداف مثلا في نقاط واضحة سهلة التذكر توضع في مستند وورد منسق .
-- ترسل الأهداف إلى الأعضاء , ويطلب منهم ارسال مقترحات لتنفيذ الأهداف .
-- تحلل الطرق المقترحة وتجدول وتؤرخ وتوزع على الأعضاء , ويطلب منهم أسماء من يستطيع أن يشارك في نشاط ما .
-- تقوم اللجان المختصة بالفرز والتحليل للخروج بالصورة النهائية __ القابلة للتعديل __ وإرسالها إلى الأعضاء .
-- تقوم لجنة مختصة بمتايعة تجاوب الأعضاء واتخاذ التصرفات الفورية في حين التكاسل ..



يتضح مما سبق أن الفكرة تحتاج إلى رجال ذوي مبادئ .. تحتاج إلى ثلة من البشر يحملون على عاتقهم إنقاذ أمة ...


ختاما , عذرا على الإطالة ..

لدي الكثير لأقوله ولكن الأيام في الطريق إن كتبت لنا حياة ..

سلام الله عليكم

[Miss.Nouna]

أولا شكرا جدا ليك يا dr ahg على تشجيعك ومشاركتك

ولكن عندي سؤال هل في النمسا أنت أخدت دورات عن تنظيم الزات وعن إدارة المشروعات وعن مهارات التعلم أم لا

في الحقيقة انا مأخدتش اي دورات :sniff:، انا باتفرج بس على برنامج عمرو خالد ، وبرنامج لابراهيم الفقي عن التحكم في الذات :sniff:

وبصراحة اان كنت عايزة اعمل حاجة ايجابية على قدي تفيد غيري فجاتلي فكرة الموضوع ده :rolleyes:

ثم في النهاية أسأل الله أن يجعله في ميزان حسناتك وأن يجعله خالصا لوجهه سبحانه وتعالي

ربنا يسمع منك ويجعل النية خالصة له .... ومستنية مشاركاتك واقتراحاتك :flowers:

===============
zoza_29 شكرا جدا جدا على اقتراحاتك المفيدة ... وجزاكي الله خيرا :D

===============

فلماذا لا تكون خطوات التنفيذ محل مناقشة ؟؟

لماذ لا نضع من الآن خطة شاملة للفترة التي نزمع الخوض فيها ؟؟

والله العظيم انا معنديش اي مانع .... بس يا ريت حد يساعدني

أيضا أقترح تكوين لجان معينة ...
مثلا واحدة لحصر المشتركين في المشروع وبياناتهم ..
وأخرى لوضع الخطط المستقبلية ..
وواحدة للتجميع الأفكارالإبداعية من أي مصدر بما يخدم الفكرة

موضوع اللجان ده محتج ان يكون عدد المشتركين في الموضوع عدد اكبر من كدة شوية ... وزي ما انت شايف الموضوع لسة في الاول والعدد مش كبير

ده غير ان بصراحة من خلال تجربتي في المنتديات ورؤية المواضيع بلاقي ان في ناس ممكن متكنش قد المسؤولية او تشارك مرة وتقطع بعد كدة ....\
عشان كدة فكرت ان لو احسن اكتب انا مثلا كل اسبوع قيمة معينة في حياتنا او عبادة ونتفق عليها وعلى طبيقها دايما بحيث حتى اي حد يدخل في اي وقت يقدر يستفيد ....

هل وجهة نظري دي غلط ولا ايه ؟؟؟؟؟


باختصار ...

أقصد أن نبدأ عمليا بشيء منظم

ده هيكون افضل طبعا بكتير :clap:

على سبيل المثال :
-- نحدد الأهداف مثلا في نقاط واضحة سهلة التذكر توضع في مستند وورد منسق .
-- ترسل الأهداف إلى الأعضاء , ويطلب منهم ارسال مقترحات لتنفيذ الأهداف .
-- تحلل الطرق المقترحة وتجدول وتؤرخ وتوزع على الأعضاء , ويطلب منهم أسماء من يستطيع أن يشارك في نشاط ما .
-- تقوم اللجان المختصة بالفرز والتحليل للخروج بالصورة النهائية __ القابلة للتعديل __ وإرسالها إلى الأعضاء .
-- تقوم لجنة مختصة بمتايعة تجاوب الأعضاء واتخاذ التصرفات الفورية في حين التكاسل ..

مقترحات رائعة ومفيدة جدا .... بس بصراحة يا جماعة انا محتاجة حد يساعدني فيها لاني مش هاقدر لوحدي
بس ليا استفسار اللجنة المختصة بمتابعة تجاوب الاعضاء هتعرف منين ان في تكاسل او لا ؟؟

ويا ريت من دلوقتي اللي عايز يشترك في المشروع ده يسجل بياناته ويشترك في الجروب


http://groups.yahoo.com/group/sona3_7ayah/

=============

وجزاكم الله خيرا

[zoza_29]

ما تقلقيش كلنا معاكى أن شاء الله و هنساعد بعض أنا الحمد لله اشتركت فى الجروب و ربنا معانا جميعا:blush):