هام جدا :فيلم عالمي عن صلاح الدين الأيوبي يتم تصويره الان.,أارسلوا للمخرج رسائل تأييد

[Ibn Abdel Aziz]

فيلم عالمي عن صلاح الدين الأيوبي يتم تصويره الان

يقوم المخرج الامريكي ريدلي سكوت "مخرج فيلم جلادييتور" و هو ثاني اشهر مخرج في العالم بعد المخرج الأمريكي اليهودي ستيفن سبيلبرج......بتصوير فيلمه الجديد باسم " مملكة السماء" عن قصة صلاح الدين الايوبي و الصليبيين "
و الفيلم هو محاولة من المخرج لاظهار اكاذيب المؤرخين ضد صلاح الدين و كشف مذابح الحروب الصليبية علي حقيقتها , وهو فيلم قال عنه الكثيرون أنه موضوعي و رائع من كل وجه و انه فرصة جديدة للمسلمين أن يعرفوا الناس بدينهم بعيدا عن الصور و الدعايات السلبية ضده .
المخرج تعرض لحملة شنعاء اعلامية من كارهي الاسلام حتي اتهمه البعض انه يعمل لحساب ابن لادن

هذا نموذج من المقالات التي تذكره بسوء :
http://www.telegraph.co.uk/news/main.jhtml?xml=/news/2004/01/18/wcrus18.xml
علي كل مسلم او مخلص محب للحقيقة أن يرسل رسالة تأييد للمخرج ريدلي ليهنأه علي جرأته في كشف الحقائق رغم كل التهديدات و المخاطر و ان يعده أنه سيشاهد الفيلم فور صدوره و انه سيدعو له كل من يعلم و ان المسلمين و غيرهم من محبي الحق لن يخذلوه أبدا و سيبذلوا قصاري جهدهم لجعل هذا الفيلم يحصل علي الربح المادي الذي يليق به
انشروا الموضوع في كل مكان ....وارسلوا الايميلات فورا أكرمكم الله
واعملوا دعاية للفيلم

Name of the director : Ridley Scott's
Name of the movie : "Kingdom of Heaven"
send him letters of support to : bain@scottfree.com

[Ibn Abdel Aziz]

محدش مهتم خالص ؟

يا عالم النصاري بيعملوا دعوة للاسلام ببلاش ....

كان لازم اكتب ...فيلم عن عمرو خالد و اللا حرنكش في الشنكويش

[هريدي يابووووي]

امسكككككككككككك عندك.. متلبس اهو:brb:

يا أستاذي..انا دورت عن معلومات عن الفيلم..
و اللي وصلتله ان الفيلم عن حداد يقع في غرام أميرة ثم يذهب ليدافع عن بيت المقدس ضد الحملات الصليبية..
يعني فيلم رومانسي ليست قضيته صلاح الدين الأيوبي أصلا.. بل التركيز فيه على قصة الحب حيث هي محور الفيلم :)

[Ibn Abdel Aziz]

طب اقرا المقالة المرفقة كدة بالموضوع

الحملة الاعلامية اشتغلت في امريكا بقالها شهر ...و كل الكارهبن مولعين نار في المخرج ده

القصة في اطار و تناول رومنانسي لكن الفيلم بيتكلم عن التاريخ بشكل ايجابي و صحيح
ولو كان الكارهين شايفين انخ مش مهم ماكنتش الحملة اشتعلت كدة بالصورة دي ..

المهم

انا شايف ان دورنا نؤيد الراجل ده و لو ده حصل حنشجعه يعمال افلام تانية

[Ibn Abdel Aziz]

مزيد من المعلومات عن هذا الفيلم تجدوها في المواقع الاتية :

http://movies.go.com/movies/K/kingdomofheaven_2005/index.html

http://www.thezreview.co.uk/comingsoon/k/kingdomofheaven.htm


http://starwars.countingdown.com/movies/3219828/news?item_id=3219835

[هريدي يابووووي]

جزاك الله كل خير يا شريف والله.
طيب ممكن تحط نص للرسالة باللغة الإنجليزية عشان الناس اللي مابيعرفوش انجليزي كمان يبعتوله؟
و ياسلام لو كذا رسالة عشان مايقولش ان كلنا بننقل من بعض:)

[دمياطى كريم]

فية فيلم عن المسيح لميل جيبسون يعرض الايام دي في امريكا واوربا
ومكسر الدنيا وفاضح اليهود
اظن انة صعب الوقت ينزلوا فيلم عن صلاح الدين وكشف المزاعم الصليبية
ولا إية؟
جزاكم الله خيرا
:knight::knight::knight::knight::knight:

[Ibn Abdel Aziz]

أخ دمياطي ...

الفيلم بدأ تصويره فعلا في أسبانيا ..و سيعرض في عام 2005

ان شاء الله نحاول نأيد المخرج ده عشان ده راجل بيبحث عن الحق و ينشره بالرغم من اختلاف عقيدته و شدة الهجوم عليه


أخ هريدي
وجزاكم يا اخي

ان شاء الله حكتب كذا نموذج لرسالة بالانجليزي و احطهم كلهم هنا ان شاء الله
نفسي جهاد يثبت الموضوع ده حبة لحد منخلي اكبر عدد ممكن من الناس يبعت ايميلات للمخرج ان شاء الله

ممكن بالانجليزي البسيط نكتب ما معناه
عزيزي مستر ........
اشكرك علي فيلمك مملكة السماء و شجاعتك في عرض حقائق تاريخية حاول الكثيرون تغييرها
ساكون من اول من يشاهد هذا الفيلم فور صدوره و ساقوم بالدعاية اللازمة لتمكين اكبر عدد ممكن من الناس لمشاهدته .
أشكرك مرة أخري

اسم المرسل

[Ibn Abdel Aziz]

نموذج رقم 1:

Dear Ridley Scott,

It came to my attention that you’re currently working on your new movie:"Kingdom of Heaven" in Spain and elsewhere, I strongly admire your works, and applaud your courage to direct your new project based on historical facts and objective approach.

I always enjoy your works , and i am a big fan of Gladiator.

I will be first to watch your upcoming movie and spread the word everywhere for people to see it.

Many Muslims around the world and all honesty-loving,truth-seeking people support your works

Thanks Again

[هريدي يابووووي]

جزاك الله كل خير..
انا بعت له رسالتي..
و ان شاء الله هاحاول انشر الموضوع على النت عشان اكبر قدر من الناس يبعتوله
بس خايف لما يلاقي ايميله اتملا بالشكل ده يتخنق م العرب و يصرف نظر عن الفيلم:brb:

[نفرتارى]

بس انا مبحبش جلادياتور00 :blush): اكدب يعنى ؟؟؟

عموما انا عندى احساس ان الشخصيه الرئيسيه ف الفيلم ده مش مسلم00 و شكله هيطلعوه هوا الى انقذ المسلمين00

يعنى انا حاولت ادور ع السكريبت بتاع ويليام ماهون و اشوف بالضبط ايه الحكايه بس لسه ملقيتهوش00

هوا بالفعل انا قريت ريفيوز كتيره ع الفيلم و لقيته فعلا عاوز يقول ان الاديان الثلاثه كانت بتعيش ف تناغم الى ان حدثت الحروب الصليبيه00

نبعتله ايميلات مسانده و لو انى مش مع الخطوه ديه قلبا و قالبا00 يعنى مش كل ما يرمولنا عضمه نجرى عليها و نهز ديلنا00 :nug: اسفه يعنى بس ده احساسى :sniff:

[مالك]

السلام عليكم
تــمـت
أه نفرفر انا عدلت الرد بتاعي بعد ماشوفت ردك
اعملي زيي وامسحي كلمة جلاديتور من الرساله :)
بالنسبه لحتة عضمه وغيره انا مع ان الراجل دا حيعمل حاجه لو ربنا وفقه لمصلحتنا فأقل شئ الدعم المعنوي انتي مشوفتي اليهود عملوا ايه لسبيلبرج
لما عمل فيلمه الشهير واللي كسبوه بسببه اكتر من جايزة اوسكار الفيلم اسمه قائمة شاندلر انا اتفرجت عليه مع انه ممنوع من مصر بس شوفته قمة التحريف للتاريخ والحقيقه واحداث القمع اللي عملتها النازيه في اليهود(واللي اغلبها تلفيق في تلفيق)
فيعني لو كام رساله من ع النت مش حتخسر :)
سلاموا عليكوم

[هريدي يابووووي]

نفرتاري..
فيه حديث للنبي"ص" يقول فيه :"ان الله لينصر هذا الدين بالرجل الفاجر"..
فيه ناس ربنا بيسخرهم لخدمة هذا الدين حتى و لو لم يؤمنوا به.. مش مسألة عضمة و ديل..
مسألة رزق و جايلنا .. نتبطر عليه؟:D

[eldoctor]

بص انا حاستنى لما اشوف الفيلم ...
و بعدين ابقى اشوف رأيى ايه فى المخرج ..
بمناسبة ذكر فيلم المسيح عليه السلام .. الفيلم غريب شوية ...
انا شفت اجزاء كبير منه .. وكنت متضايق لان موضوع الفيلم .. غريب .. و كنت حاسس انه غلط .. لانه لا يجوز تصوير الانبياء .. بس كنت عايز اعرف ايه موضوع الدوشة و القلق اللى عاملينه ... الفيلم عجيب .. و لن كان لا يبرىء اليهود من الخيانة .. و دموى بطريقة عنيفة ..طبيعا غير الهجص اللى فى النص .... يعنى بيحاولوا يثبتوا التخريف و التحربف بأى طريقة..
و سبق شفت فيلم الوصايا العشر .. برضه وهمى .. بالرغم من انه بيقرب صور كتيرة .. فى قصة سيدنا موسى عليه السلام مع فرعون .. بس المشكلة هى الرواية اليهودية .. ..
المشكلة انك قبل ما تشوف اى فيلم لازم يكون عندك خلفية قوية و موثقة .. للموضوع الحقيقى .. لان الفيلم بيدهول الدنيا .. و يطلعك باقتناع مختلف .. زى صلاح الدين بتاعنا (بتاع يوسف شاهين) اللى كان يبفكر فى القومية العربية .. قبل عبد الناصر .. بزمن .. تقولشى توارد افكار ....:confused::confused::confused:

[هريدي يابووووي]

ايوة فعلا يا دكتور..
في فيلم الناصر صلاح الدين.. فيه مشهد بيتكلم فيه بطل الفيلم بلسان صلاح الدين و يقول "نحن العرب...."
و مرت الكلمنة على الناس.. لأنهم لم سعرفوا ان صلاح الدين لم يكن عربيا.. و لم يتحدث باسم العرب قط.. بل تحدث باسم المسلمين.. لأنه كردي مسلم :)

[Ibn Abdel Aziz]

سلام عليكم جميعا

أولا : أنا لما حطيت انا معجب بفيلم جلادييتور انا حطيته عشان انا فعلا معجب بكل شئ فيه , تصوير , اخراج , موسيقي , تمثيل , قصة ..الفيلم قايم علي مبدأ أنه لا شئ مستحيل و ان الشخص الواحد يحدث فرقا رهيبا بمجرد تصميمه علي ذلك ؟؟دي رسالة اسلامية في حد ذاتها

ولكن لم اعني ان كل واحد فيكم يكتب انه معجب بيه , انا حطيت اللي انا بعته عشان تخدوا منه اللي انتوا عايزينه ...

زي ما قال هريدي ..دي مش عضمة ...الراجل مش مستفيد حاجة اصلا ...ده حايواجه حملة شنعاء و احتمال يطفش معجبين كتار بسبب كدة و يخسر فلوس

فعلا يا لينين ...المجهود البسيط بيخلق خطوة للي بعدها و الشئ يكبر و يبقي انجاز عظيم

تعالوا نفكر بشكل ايجابي حبة , و بلاش قلق من كل شئ كدة ...و علي العموم كل واحد يبحث براحته و يتبع الاحساس اللي يرتاح له


والله اعلم

فيلم صلاح الدين بتاع شاهين فيلم الغرض منه مش البحث عن الحقيقة و تاكيد الاحداث التاريخية

[@esl@m@]

السلام عليكم
انا سمعت من فتره ان مصطفى العقاد مخرج فليم عمر المخطار بيعمل فلم عن صلاح الدين
فليمين مره واحده ايه العز ده
على العموم انا مع الدكتور نشوف الفلم الاول وبعدين نحكم
سلام:flowers:

[نفرتارى]

ايوه يا عم لينين انت يالى بتتفرج ع الافلام الممنوعه :) عموما انا عندى شيندلرز ليست على سى دى و الى عاوزه ابعتهوله

ثانيا معاك انهم بيعرفوا يستثمروا الافلام صح 00

عموما خلاص ايدناه و ربنا يكرمكوا ع التوضيح و انا فعلا اول مره اقرا الحديث ده يا بوس فجزاك الله خيرا و انا مكنش قصدى اهانه و الله بس انا اتكلمت عن احساسى 00 عاوزين نتقل شويه و منبقاش نهيص و نهلل لكل حاجه00

لكن فى حاله اننا نشجعه على نصره الاسلام بشكل او اخر فاكيد معاكو00


- بقى جلادياتور ده فيلم يتحب؟؟ هوا كل الذكور دمويين كده؟؟ :thinky: -

[Ibn Abdel Aziz]

:)

مضمونه حلو يا نفرتاري
والله كل ما شوفه يزيدني عزيمة و تصميم

عشان كده بحبه


بس انا مش دموي والله