طريقة مطرقعة للتخلص من العصبية

[سارونا]

دي وصفه سحريه للتخلص من العصبيه و ان شاء الله للابد

الوصفة دي شفتها في التلفزيون في برنامج رااااااائع مع المحاضر العالمي
الدكتور ابراهيم الفقي

علمني طريقه اذا كنت في مشكله و مش عارفه ازاي احلها اجرب الطريقة دي
( انا جربت لما اكون متعصبه و متنرفزه ... والله افادتني و خلتني احس اني وحده تانيه بالمرة )


1-خليكي لوحدك شويه و في مكان هادي
2-خذي نفس عمييييييق لحد ما تمتلي عندك الرئتين و امسكي نفسك
3- و انتي بدخلي الهوا في صدرك حطي طرف صباعك ( السبابه ) على طرف صباعك
( الابهام ) يعني اعملي حلقه ... فاهمين :confused:
4- خليك ماسكه نفسك حتى اقصى حد تتحمليه... ما تفضيش الهوا
5- تقدري تقري ايات قرآنيه في الوقت ده و وكمان تقدري تضبطي الوقت عشان تعرفي كم المده اللي تتحمليها ... ولا كم مره بتقري السوره الفلانيه ( المعوذات مثلا)
6- لما خلاص حسيتي انك ما تقدريش تتحملي ... طلعي الهوا من صدرك و افتحي الحلقه
و قولي الحمدلله
7 -كرري الطريقه دي لمده 10 دقايق ( والله هتدعولي ) بس ادعولي ها :dry:

فوايد الجلسة :
1-انك تنسي همك وتطلعي من المشكله ... و بالتالي تنظري لها بنظره جديده
2- تدخلي الاكسجين لزوايا رئتك ... و هذا الشي يسرع من وصوله للدماغ
3- تذكري ربك وده الاهم
4- تريحي اعصابك

[آيات الجارحى1]

:thinky:
طب ما فى طريقة احلى...
اللى منرفذنى اجيبه واقعده واكتم له نفسه (لاقصى مدة انا اقدر اكتمه فيها).. واوريه حبل مشنقة واهو هيبقى على شكل حلقة:closeeye:
وبعدها هروق خالص عشان سبب النرفذة هيكون طار فى الهوا شاشى وانت متدراشى يا جدع:harp:

[bigera]

:brb::brb::brb::brb:

لأ الاهدى خدى اى جهاز قصدك واضربيه بيه :closeeye:


واهو بالمرة تدفع تمن الجهاز بعد كده وتحرمى تتنرفزى خلاص :واه يابوي

[Asd Allah]

أشكرك أختى فى الله ولكن لى إستفسار ما علاقة الحلقة الخاصة بالإصبع انا عاوز تفسير

لأن موضعالذكر والقرآن ده تمام جداً

لان أحسنطريقه فعلاً للعلاج من العصبيه هو الذكر وبعدين لو منفعش يبقى القرآن ولو منفعش يبقى الوضوء ولو منفعش صلاة ركعتين وبكده أكيد هينفع إن شاء الله

إنما موضوع الأصابع والحلقات نظام الظااااار ولا ايه:55:

[eyezoo]

طريقه جميله فعلا بس صحيح ايه حكايه الحلقه دى ؟؟:thinky:

[هيفاء]

الله يعين ويسهل

[صديقه مخلصه]

بسم الله الرحمن الرحيم
طبعا اى حد ما يقدرش يقول حاجه فى الطريقه الجميله ديه
بس المهم ان اللى هيكون منرفزك هو اكيد جوزك وزى ما بيقول المثل التار ولا العار يعنى لازم تخدى بتارك و ................ ؟؟؟؟:chair::chair:

[queen of love]

و اللة يا جماعة انا نفسى اجرب الموضوع دة لانى عصبية جدا جدا جدا جدا

[hanod]

انا اعرف ان الرسول قال عن النرفزه ان الانسان يغير وضعه يعنى لو قاعد يقف ولو واقف يقعد
ويذكر الله

لكن ايه الحلقه دى يمكن علشان النفسيه يعنى بيقولك اعمل حلقه فانت لما تعملها تتوهم ان اعصابك هديت :thinky:

بس انا نفسي مش عصبيه ان كوول جدا :nanana:

[بنت اليـمن]

تفتكري حنقدر يا سارونا :thinky:

عشان العصبية مشكلة فعلا :sniff:

ولو ان فكرة آيات عاجباني اكثر :واه يابوي

بس خلونا نجرب ولو نفعت يا سارونا حادعيلك حبيبتي ^_^

[زاجل]

سارونا الفكره حلوه فعلا
بس الحلقه فعلا يمكن مرتبطه بحاجه نفسيه
بس ايات الجارحى روعه اده يا ستي افكارك جنان:uhhh:

[lojine]

سارونا

خطوات بسيطة و سهلة للتخلص من العصبية .. أشكرك

http://www2.0zz0.com/2007/03/26/19/37078821.gif

[شورانكيز]

والله اجرب يا سرونا يمكن

[nASaya awy]

موضوع جميل يا سارونا :rosy:
خصوصا ان الوقتى بقى كل الناس عصبيين ومش بيستحملوا بعض
وانا من المعجبين بفكر واسلوب د/ ابراهيم الفقى ونظرته المتفائلة والبسيطة للحياة ... لدرجة انه بيحسسنى انه عايش فى عالم كله تسامح وموده وإخاء ومفيش حاجة تستاهل الزعل ...
بس عشان الواحد يجرب الطريقة دى لازم يدرب نفسه عليها كتير قبل متحصل مشكلة اصلا ... لان وقت الزعل والعصبية :nunu0000: :nunu0000: الدنيا بيبقى لها لون تانى خالص ... اكيد مش اللون البمبى :satan: واللى ميلحقش يجرى ذنبه على جنبه :budo:

بس حكاية امسك نفسى ومفضيش الهوا دى صعبة شوية ... لا دى صعبة اوى ... ده انا جربتها الوقتى حسيت انى هفطس ... واصلا هتقرأى قرآن ازاى وانتى كاتمة نفسك كده ...ده غير ان الطرف التانى كمان لازم يعمل كده ... مش هوه يبقى ثائر كالبحر المتلاطم الامواج ... وانا ماسكة صوابعى وكاتمة نفسى:chains: ... أكيد النتيجة هتبقى كده :chr58:

بس برده الموضوع يستحق التجربة ...ونستحمل شوية ميجراش حاجة ... ومرة فى مرة هنتعود ان شاء الله

جزاكى الله خيرا أختى سارونا
وأنا سعيدة لأنى أول مرة بشاركك فى موضوع
ولكى منى كل التحية :rosy: :rosy:

[ام العيال]

مشكوره يابنتى على الطريقه وحاقول عليها لابنى الكبير اصله نرفوز دايما وعصبى
مع انه متجوز --يعنى المفروض يكون اعصابه هديت -لكن اعمل ايه وهى غلبانه معاه
ربنا يسعدهم ويسعدكم يارب