سلام تتعرض للقمع (اول محاولة هجوم)

[مالك]

السلام عليكم
اخواني الاعزاء
من يساندنا ومن يهاجمنا
من يؤمن بنا ومن لا يؤمن
من يرانا على صواب ومن يرانا حالمين
من معنا ومن يعترض
ازف اليكم هذا الخبر
تم الهجوم على موقع الحمله الشعبيه لانقاذ مصر وتم اسقاطه
وهذه اول محاوله لقمعنا
واول محاوله للهجوم علينا
ولكننا صامدون باذن الله
ارجو من الجميع الدعاء لنا
لا اطلب المسانده الان
لا اطلب الوقوف معنا
لا اطلب اي شئ
غير الدعاء لاخوانكم
غير الدعاء لاخوانكم
لن نتوقف
لن نستسلم
لن نهتز
سنبقى بإذن الله
سنبقى
S.L.a.M (http://www.slam-eg.tk)
سلاموا عليكوم

[Yahya_Ayash]

يا باشا..انتا متوقع إيه من حكامنا؟..يناقشوك بالعقل؟..طب واذا مكنش ليهم عقل؟

واذا كانت أكبر الجرائم ضد العقل ترتكب في عهدهم؟!
هذا ليعلم أدعياء الحرية والديموقراطية أين هم منها!!
هذا ليرى الجميع كيف لا يمانع حاكمنا في تداول السلطة..
وليعلم الجميع كيف أن إيجابية الشعوب وحركتهم مهما كانت..ترعب الطواغيت..وتزلزل عروشهم..

[مالك]

السلام عليكم
تتم الان عملية البك اب للسايت
وان شاء الله تتم بنجاح
S.L.a.M (http://www.slam-eg.tk)
سلاموا عليكوم

[محمود الأزهري]

الظلام لا يستطيع التواجد مع حلول النور..
ولكى تعيش الخفافيش.. لابد أن تكفّأ كل المصابيح..
هل تتصور أنهم سيتركوك تفصح عما بداخلك..
هل سيتركونك تفضحهم وتجردهم من أقنعتهم وملابسهم الزائفة؟
أى غر ساذج اقنعك بهذا..
ألم تنظر فى التاريخ ..
ألم تقرأ عن صراع الحق والباطل والظلمات والنور..
هل ترك النرود بن كنعان إبراهيم عليه السلام فى أمان ..
هل ترك فرعون موسى يتجول فى طرقات المحروسة..؟
هل قبل أبو جهل أن يترك أصنامه لتدهسها أقدام محمد صلى الله عليه وسلم؟
لا يا صاحبى..
هيهات هيهات..
تستطيع أن تهبط إلى أعمق بقعة فى المحيط.. وتنجو من قسوة الضغط وتخرج حيا.. لكنك لا تستطيع إقناع أصحاب الندبات على الوجوه بأن يزلوا عنهم الأقنعة الجميلة..
أو تستطيع إقناع رجل لا يعيش إلا لشهواته.. أن الضمير والصدق خير ما طلعت عليه شمس الإنسانية..

[مالك]

السلام عليكم
الشيخ وشيخ عموم الديار الهريدي زورو
اخي الحبيب يحي عياش
شكرا لكم
واحب اعرفكم ان الموضوع تمت السيطره عليك والموقع عاد للعمل
واحب اعرفكم ان اللي حصل هوا ان الداتا بتاعة الموقع انضربت بس قدرنا نرجعها
الموقع
www.slam-eg.tk
شكرا لكل من دعى وجزاه الله خير
ولسه محتاجين دعوات الجميع
ولسه الموضوع منتهاش دي اول محاوله والله اعلم بالباقي
S.L.a.M (http://www.slam-eg.tk)
سلاموا عليكوم

[جهـــJeHaDـــاد]

حطو الموقع علي دومين موش مجاني وسيرفر محترم شويتين :انجغة:

[الريس متقال]

كاتب الرسالة الأصلية : جهـــJeHaDـــاد
حطو الموقع علي دومين موش مجاني وسيرفر محترم شويتين :انجغة:

ويا ريت تبعدو عن الشركات الى هنا

ربنا معاكوا

[مالك]

السلام عليكم
حطو الموقع علي دومين موش مجاني وسيرفر محترم شويتين
اه يافندم
بجد حضرتك ؟
اه حقول لحضرتك حاجه نثيت معلث يا أونكل اثل احنا مث فكرنا في دا خالث
:انجغة: :انجغة: :انجغة: :انجغة: :انجغة: :انجغة: :انجغة: :انجغة: :انجغة: :انجغة:
ياحج جهاد
فكرنا في دا المشكله ان لو حصل وحد اشترى دومين حقيقي حيكون بفيزا كارد واكيد انتا فاهم يا جو ان الفيزا فيها كل بيانات المشتري يعني في اي لحظه البيانات الاصليه حتبان في ثانيه
ونا فاهم قصدي بالكلام على ما اعتقد
احنا بنحاول مع ناس برا مصر خالص ومش مصريين انها تشتري دومين وندفعلها التمن مش دوبل لأ تريبل وربنا يسهل يحصل حاجه خلال الايام اللي جايه
اعتقد انك فاهم يا حجو ونا فاهم :)
شكرا للمساعده حضرتك
الاخ الريس متقال

ربنا معاكوا
الله يخليك ويكرمك دا اللي احنا محتاجينه من الكل الدعاء
وياريت الموضوع لو حاسس انه لامس قلبك انك تشوف هل تقدر تتحرك فيه ولا لأ
وبيقولوا الناس القدام
الحركه بركه

S.L.a.M (http://www.slam-eg.tk)
سلاموا عليكوم

[الريس متقال]

ورينى شطارتك و انا معاك

اى خطة إصلاح وانا معاك
لإن انا مقدرش ارشحة من غير ما اتاكد من إنة حيساعدنا

اشوفها
وانا معاكوا
بس مقدرش اقول لحد رشح فلان عميانى صح ولا لأ

[مالك]

السلام عليكم
الاخ الفاضل الريس متقال
اى خطة إصلاح وانا معاك
الخطه الحاليه هيا التغير اولا واخيرا
احنا عايزين نغير وضع قائم اعتقد بحد تعبير احد المشاركين
انه مخزي للغايه
احنا مش بنرشح نفسنا ولا بنحاول ان احنا اللي نوصل احنا بنحاول نوصل شخصيه قبلت من اغلبية الشعب للترشيح انها تنجح في الترشيح الذي سيقام في 2005
نريد فقط اثبات اننا مازلنا هنا
ومازلنا موجودين
ومازلت لدينا ما تدعى اراده حره
نحن لا نسعى لقلب نظام حكم
ولا نسعى لثوره
خطتنا هيا ايصال مرشح حر مستقل
له شعبيه ضخمه بين الجماهير المصريه
وبين الطبقه الشعبيه المعدمه
اتمنى اني اكون افدتك
S.L.a.M (http://www.slam-eg.tk)
سلاموا عليكوم

[سحس]

كله تمام ياباشا


ربنا يجعله في ميزان حسناتنا

طبعآ أنا مقدر رغبتك في أخفاء بياناتك

طبعآ أحنا مش حمل :box::box::box::box::box::box:

[الريس متقال]

الأن فقط

قمت بالتوقيع

و
ادعوا الله ان يجعله ملاذا" لنا

و ان يتقى الله فى شعب مصر
ولا تغتره السلطة

ويومها يحين القصاص من الظالمين

اللهم اميين

[جهـــJeHaDـــاد]

فكرنا في دا المشكله ان لو حصل وحد اشترى دومين حقيقي حيكون بفيزا كارد واكيد انتا فاهم يا جو ان الفيزا فيها كل بيانات المشتري يعني في اي لحظه البيانات الاصليه حتبان في ثانيه

لا يابو لينو

لو اشتريت الدومين ببطاقة كاش يو مدفوعه التمن مقدما موش محتاج تدخل اي بيانات خقيقية

www.cashyou.com

صباح الخير بليل:blink:

[الريس متقال]

اولا" لازم حيبقى فى contact
بينك وبين السيرفر
علشان يحصل أكتفات لل data base
بتاعة الsite
ولو بالإميل بس
هما مش محتاجين أكتر من كدة
وإنت فاهم الباقى
وإمشى بحكمة خلف كت مواطن مخبر و إنت تسلم كلة يبص وراه
والسلام عليكم

[Ibn Abdel Aziz]

شكرا يا جهاد علي المعلومة دي :)

أنا حاتصرف ان شاء الله :flowers:

[Ibn Abdel Aziz]

هل تم اسقاط موقع سلام مرة أخري ؟
يا عم لينين الرجاء التصرف بسرعة
انا رايح مشوار وراجع تاني ان شاء الله
ان شاء الله لازم نحل الموضوع ده النهاردة و للمرة الاخيرة

[Ibn Abdel Aziz]

يا عم لينيييييييييين

[Ibn Abdel Aziz]

بيان رقم واحد :

http://www.haridy.com/ib/showthread.php?s=&threadid=28956