على شط نصف القمر

[أسامه علي ( محب )]

على شط نص القمر

كلمات : محب



على شـط نـصف القمر ....شــوفت الــــــقمر كله

جـــذب الـــيه الــــنظر.....ومــشـيت ورا ضــــله

سَـــمـْعنِي أجــمل دُرَرْ ....ويـــقـول لي وأقـول له

ومـــعاه بـيـحلى الـسهر ...ويا ريت أكـــون خِــلُه

*******

يا شـــط لــيـلك جـمـيل ....ومــيـتـك صـــــــــافيه

ولــيك ما شـوفت مـثيل.....وقــــعـدتـك دافـــــــيه

والـــمـشي فـــيك بالليل ....بـيــجـيب لـنا الـــعافيه

بـتـنــــورك قــــــناديل ....ظاهره ومش خافــــيه

********

قـــمر ونـوره مــــــنور ...وخـــلى لـــيلي نــــهار

وف يــوم كـــماله مدور....وقـــــالو فــيه أشـــعار

جـــمـاله زايــد وأكـــثر ...في الوصف فيه تحــتار

بـأتــمنى يــطلع ويــظهر....يلــقـاني في الأنـتــظار

*********

بـس إنته فوق في السما ....وبـعـيد قــوي وعـــالي

باعــشـق ضــياك إنــما .....نـــــورك بـيــــحلا لي

ويــمـكن في يــوم ربما ....تـروق لـي وتـــصفا لي

وأكـــون مــعـاك أيـنما .....ألــــــقـاك يــا غــــالي

*********

تلقى الحيارا السهرانين ....يـتــأمـــلو في نــــورك

والـمغرمين والـعاشقين.....مـالــهم حـبيب غـــيرك

ويــشـبـهوا الـــحـلوين..... زي الـــقـمـر جــــارك

إمـــتى يــا ضـي العين .....تـــســمح وأزور دارك

**********

يـلا ســـوى نـــــــحلم .....ونــحـقـق الأحــــــــلام

أنـا بـيـك صحيح مغرم .....وف قــلبي أحـلا كلام

وف قــلـبي لـو تــعلم .....حـــبك دا أحـلى غــرام

يــا رب لـي تـــــسـلم ..... يــحـمــيك من الأســقام

[جارة القمر]

بسم الله ما شاء الله
ايه يا سى محب الكلام الجميل ده؟
انت بتوصف جارى من غير ما تستاذنى؟
طيب ماشى هعديها لك المرة دى
بس هقوله كل الى انت قلته عنه
سلمت يداك يا محب
واهلا بيك زبون جديد فى احلى قهوة فى الدنيا

[محمـد حمـوده]

يا محب باشا
احببناك من اول مشاركه
كلمات رائعه.. وان كان مكانها الطبيعى هو ( اكتب عامى )
فى انتظار المزيد

[هريدي يابووووي]

البيه في الدمام والا حاجة؟:tu:

[stubborn emmy]

كلام جميل وبسيط وسلس

وبداية موفقة ان شا ءالله وسطنا :flowers:




بس إنته فوق في السما وبعـيـد قــوي وعـالــي
باعـشـق ضـيـاك إنـمـا نـــورك بـيـحــلا لــــي
ويمكـن فـي يـوم ربـمـا تـروق لـي وتصفـا لـي
وأكــون مـعــاك أيـنـمـا ألــقــاك يـــــا غــالـــي

************
تلقى الحيارا السهرانين يتـأمـلـو فـــي نــــورك
والمغرميـن والعاشقيـن مالـهـم حبـيـب غـيـرك
ويـشـبـهـوا الـحـلـويــن زي الـقـمــر جـــــارك
إمتـى يـا ضــي العـيـن تـســمــح وأزور دارك

دول عجبوني بجد اوي :tu:

البيه في الدمام والا حاجة؟
وليه ميكونش من جدة
لو من جدة يبقى هلا وسهلااااااااااااااا بيه :flowers:


بس خلاص

[جهـــJeHaDـــاد]

وليه ميكونش من جدة

علي ايامي شاطيء نص القمر ده ف الدمام

استنسخوه في جدة:confused:

[stubborn emmy]

كاتب الرسالة الأصلية : جهـــJeHaDـــاد
علي ايامي شاطيء نص القمر ده ف الدمام

استنسخوه في جدة:confused:

تعرف اول مرة اعرف ان في شط اسمه نصف القمر في الدمام :thinky:
الظاهر انا محتاجه اعمل جولة من تاني هنا :closeeye:

وبعدين لو في الدمام اسمه نصف القمر
يبقى في جدة القمر كله :clap:
انا من عشاق المدينة دي غيرانها كمان مسقط رأسي :D


بس خلاص

[أسامه علي ( محب )]

الصديقه الغاليه جارة القمر
معلشي يا جارة القمر انا بتكلم على جارك من غير ما استأذن ما هو انتوا الأثنين متتخيروش عن بعض
أشكر لكي عباراتك الرقيقه وكلماتك العطره التي تعطرت بها صفحتي ودائما أراك تضيئي صفحتى كما القمر يا جارة القمر
تقبلي تحياتي

[أسامه علي ( محب )]

الأخ العزيز mo7amouda
شكرا لكلامك الجميل وفعلا انا اخطأت في وضعها هنا لأن هذه المشاركه الأولى لي
يعني لسه بتعرف على المكان الملئ بالناس الحلوه
تقبل تحياتي

[أسامه علي ( محب )]

الأخ هرييييييييييييييدي يا بوووووووووووي دا اسمك طويل قوي
يا عم هريدي ربنا يجبلا بخاطرك رفعتني وخلتني بيه
بس كلمة بيه دي ما بسمعهاش الا في اماكن برضه مابحبهاش
المهم هو ما فيش نصف قمر الا في الدمام معلوماتك حلوه بس فيه نصف قمر برضه في اسما وفيه قمر كامل على الأرض مش كده ولا ايه
شكرا ليك وتقبل تحياتي

[أسامه علي ( محب )]

الأخت العزيزه stubbornemmy
الأخ جهاد والله يا جماعه متتخانقزش مع بعض على شط
انا اعرف اللي في جده ملوش دعوه بالقمر خالص وبيتهيألي القمر ما بيطلعشي هناك اللي عنكم ابحر بس اما في الشرقيه ففيه نصف القمر و الغروب وجميع الأجسام المضيئة
يعني سايبهم بيتخانقوا في بعض على قناة المستقله على شيخ الأسلام ابن تيميه
آجي ألاقيكوا بتتخانقوا على نصف القمر
عموما انتم الأثنين حلوين وشرفتوني جدا والقمر كله عندنا هنا في صفحتي
تقبلو تحياتي

[الحســــام]

الاخ العزيز.....محب..
استمتعنا بقصيدتك الجميله
مرحبا بك فى بيتك وبين اخوتك
ونتمى رؤية الجديد من اعمالك

واستأذنك فى نقل القصيده الى بيتها(قسم اكتب عامى) تحت رعاية
و عناية استاذنا الكبير هراس....حتى يستمتع بها اكبر عدد من القراء

حســـــام.

[أسامه علي ( محب )]

تشكراتي يا (حُس ) على نقلك للموضوع
وانا كنت عايز استغيث بأي حد ينقلهالي وربنا استجاب لأحلامي
اشكلر لك {ايك وإطراءك وترحيبك بي أخي حسام وإن شاء الله
نكون صحبة جميله تعمل في حب مصر بلدنا الغاليه علينا جدا
تقبل تحياتي

[محمد فارس]

اخى / محب
يبدو انك محب اسم ومسمى
تملك قلما يسبح فى دنيا الحب والجمال
امتعنا ولا تتوقف
فى انتظار المزيد والجديد

واليك هذه الخربشة
00000
على شط نصف القمر
وفـ ليلة شتوية
نادت على قلبى
فتحت انا عنيه
مَـدّت لىّ ايدها
قلتلها بشوية
ازاى حنتعانق
والموج بيتخانق
قالت هدوء الموج
ياحبيبى دا عليه
00000

[أسامه علي ( محب )]

على شط نصف القمر
وفـ ليلة شتوية
نادت على قلبى
فتحت انا عينيه
مَـدّت لىّ ايدها
قلتلها بشوية
ازاى حنتعانق
والموج بيتخانق
قالت هدوء الموج
ياحبيبى دا عليه

أخي العزيز هراس حقيقي تواجدك في صفحاتي يسعدني جدا ويجعل لكتاباتي
بريق خاص ارجو الا تحرمني منه وبعدين إذا كانت دي خربشه فعايزك تربي
ضوافرك على الآخر علشان تخربش جااااااااااااااامد
دي فن وهندسه يا مدرسه

[محمد فارس]

على شط نصف القمر
فَـرَدت مِلايتها
بساطها كان احمدى
الكلفة شالتها
قَرّب وشوف دنيتى
هى اللى قالتها
الحب عنوانها
البدر سلوانها
حاضنة السكون والضَىِ
تحكى حكايتها
أسمع واقول تانى
إحكى بدايتها
دَنا قلبى فيه مًرسَىَ
مًرسًىً نهايتها
الضحكة عليت فوق
اعلان بفرحتها
والبدر كان شاهد
سَلـّملى 00رايتها
000

[أسامه علي ( محب )]

باين عليك غاوي
تتشاقى في الميه
ودخلت جوه الموج
وعشقت يا عنيه
ساعات يكون هادي
وسعات كتير بيهيج
والأمر مش عادي
بجد مش تهريج
ع الشط ساكن هناك
أموره وصبيه
تغريك بضحكتها
وجمال حلاوتها
والسهم لما يصيب
ياخدك لنحيتها
ووقتها يا هراس
والفاس تقع في الراس
أشرب بقى م الكاس
اللي انته حبتها
في الأصل جنيه
بتخدع الطيبين
في شكل إنسيه

ومساء الفل عليك وإنته كده ميه يميه

[محمد فارس]

كاتب الرسالة الأصلية : محب


ووقتها يا هراس
والفاس تقع في الراس
أشرب بقى م الكاس
اللي انته حبتها
في الأصل جنيه
بتخدع الطيبين
في شكل إنسيه

طب وايه الحل يامحب باشا

[أسامه علي ( محب )]

ابعد عنها وشوف واحده تانيه

متكونشي ساكنه على ميه خالص

[رنـranimـيم]

http://www.dubaieyes.net/images/swar-m/m18.gif





على شط نصف القمر
انا شفتها جايا
رْميت لى احلى سلام
ضميته بإيديا
قالت بعينها كلام
مسكت فى قلبى النار
لكن بحنيه
ماسمعت انا منه
الا رجوع الصدا
لما َََصَرخْت بصوت
سَمّعته للدنيا
الحلوه ديا ياناس
بنوته انسيه
ولادى جنيه
وسابتنى متحير
اسال كده روحى
كان حق ده والآّ
حلم كده وعدا
لكن ماطال نوحى
الا لقيتها هناك
شاورت نواحيا
سَبقت نفسى وطرت
قلتلها ياعنيا
قالت لى لا مش ليك
اتاريها دى الدنيا
والقسمه فيها بدور
وبرضه دى المره
الدور ماهوش ليا


تحياتى الاخ محب
...تسلم ايديك الحقيقه راااااائع
وان شاء الله نشوفك دايما مبدع فى قسم العامى ...قسم المبدعين تحت اشراف اخونا المبدع الكبير هراس

رنيــــم

[أسامه علي ( محب )]

على شط نصف القمر
دلدلت رجليه
قاعد هناك أنتظر
وأغسلها في الميه
وعدتني تقابلني
في ليله قمريه
أول ما نورها ظهر
بحلقت انا عنيه
تبارك الخلاق
أموره وصبيه
عليها خفة دم
تضحك يزول الهم
تقرب يفور الدم
قوامها غصن البان
صاحبة جمال فتان
وعليها جنب الخشم
جمالها زاد بالوشم
لا أحمر ولا أخضر
تقولشي حوريه
قولتلها أنا ولهان
أرضك في أي مكان
قالتلي بدويه
قربت منها كتير
عايز أخدها وأطير
مديت لها إيديه
لقيتني فوق السرير
باحلم بحلم كبير
وبامسك في البطنيه
ألأخت رنيم ما أجمل مداخلتك التي تكشف لي في بداية تواجدي معكم عن وجود مواهب كثيره في هذا المنتدى الذي اسعدني فعلا وحرك رغبتي في الكتابه بعد أن نامت سنوات طوال نومة أهل الكهف اشكر لكي كلماتك الرقيقه التي غمرني بها أدبك وذوقك الجم وخلونا على تواصل

[stubborn emmy]

الأخ محب موهبة جديرة بالتميز والثناء في القهوة والله :flowers:

و واضح من كلماته انه شخصية مرحة :D ودا باين من ثنايا الكلمات:D


اهلا بيك يا محب :55:

بس خلاص

[محمد فارس]

على شط نصف القمر
لقيتها بتبلبط
تبنى فى كومة رمل
والشَـعر متخربط
تجرى هنا وهناك
لا قيد ولا مربط
قلتلها سابقينى
غَمّت لىّ عينىِ
جريت كما الرهوان
وانا حاجة بتعبّـط
رجعت ليـّـا تانى
وفى صدغى وودانى
لقيتها 00 بتخّبـط

[أسامه علي ( محب )]

الأخت العزيزه إيمي شكرا جزيلا لكي لكلماتك الطيبه الرقيقه التي غمرتني
وأعطتني اكثر مما أستحق فهذا من لطفك وذوقك وانا هنا بين عمالقة في العاميه
وبقول يا رب استر وماشي احسس خايف اتكعبل
تقبلي تحياتي ودائما تنيري صفحتي
تقبلي تحياتي

[أسامه علي ( محب )]

عيني عليك يا جميل
راجع في نص الليل
وجاي متشعبط
ع الشط كان سهران
أصل الجميل ولهان
باين عليه التعب
مصدوم وإيه محبط
الحلوه نادت لُه
وبعينها غمزت لُه
بان الفرح في عنيه
مبسوط بيتنطط
البت زي القمر
قوامها يغري الحجر
شافها بتجري عليه
فرح قوام زقطط
طلعالُه م الميه
ماشيه بتدلع
بدلال وحنيه
شاورت لو بصباعها
تعالي يا عنيه
نام الجميل منها
في الخط ومبلط
قالت لُه ايه مالك
وشك يا واد مخطوف
طب إهدا.. بص وشوف
يمكن يتعدل حالك
طلع قوام يجري
ع البيت رجع دوغري
وجاي بيعيط

[أسامه علي ( محب )]

والله كنت كاتبها بالأحمر طلعت بالشكل ده طب اعمل ايييييييييه
ماليش ذنب أزعروني يا جماعة ولو ممكن يا استاذ هراس يا صديقي تغير لون الكتابه لأي لون آخر يبقى متشكرين جوي

[سلسبـيل]

علي شط نص القمر
رسيّت مراكبنا
والموج ماكدب خبر
يحدفنا ويجيبنا
طلت ف عينك طلة
طلتلي ف عينيَّه
والنجم كان بينا
قاعد يراقبنا
زعقت مافيّا
((ماتروح بقي وسيبنا))

اقبلو مني مشاركه متواضعه تتضاءل خجلا بين كل ماخطته اقلامكم


سلسبيل

[موعوود]

علي شط نص القمر
والدنيا مش ضلمه
بان الحليوه وظهر
اسما علي مسمي
قاللي ياواد تفتكر
في يوم زمان لما
قلت له داانا بشر
يا عمنا الرحمه
مخي خلاص انفجر
وقلعت له العِمه
حسيت بقلبه انكسر
وقال الحقيني يامه
تحياتي يا محب:flowers:

[الحســــام]

على شط نص القمر
لمحت ضحكتها
ضحك الندى والشجر
دبت ف. بسمتها
مديت عنيا لمحت
نظرة تنادينى
بتقول لى انت سرحت
طب أمتى حتجينى
نركب سوا مركبه
ونتوه فى بحر الشوق
نهرب من العزّال
للقمره نطلع فوق

الاخ العزيز...محب..
معلهش جيت متأخر شويه
بس ياريت تسمح لى
بالكلمتين الصغيرين دول
اقولهم على الماشى
وراجعلك...
يا جميييييل...

حســــام .

[رنـranimـيم]

على شط نص القمر
ماشى فى صبحيه
لمحت نور البدر
بيلالى فى الميه
داريته انا بايدى
خايف على عنيه
شافت عيونى جمال
ماشفته فى الدنيا
قربت منها ..غزال
حلوه وعال العال
سالت يا حلوه منين
ردى كده عليا
ياللى دخلتى القلب
من نظره ياصبيه
كلمه اقولها لك
ميلت انا شويه
سبحانه من صور
فرق السما والارض
بينها وبين شلبيه
القمره ديا حوريه
والتانيه مش هيا
انا قلت دى قدرى
حابعت خلاص للحاج
يرحمنى من دوكهيه
النيله شلبيه
فجاه وبلااستاذان
الا ولاقى حيتان
طلعولى م الميه
واحد من اللمه
وحش فى توب انسان
قالى فى ايه ياجبان
شالنى كده بكفه
ورفعنى م الميه
عبدك وملك اديك
عاشق لكن ولهان
وصادق النيه
قالى بصوت رنان
الحلوه دى ياظريف
تبقى المدام ياخفيف

الاخ محب..اتفضل :flowers::flowers::flowers:...سعداء لوجودك .... احنا كلنا مستنيين كتاباتك الجميله...


رنيـــم

[kom_alnoor]

:clap: :clap: :clap: :clap: :clap: :clap: :clap: :clap: :clap: :clap:

VERY GOOD

[بنت الماضي]

اول اعمالك ؟؟ :huh:
حلوة والله
كويس انها جت الصفحه الوله
عشان اناااااا(واعوذ بالله م نكلمه انا B) ) ارد عليها :brb: :brb:
تحياتي يا استاذي الفاضل

[أسامه علي ( محب )]

:clap: :clap: :clap: :clap: :clap: :clap: :clap: :clap: :clap: :clap:

VERY GOOD
الف الف الف الف الف الف الف شكر يا kom_alnoor

[محمد فارس]

على شط نص القمر
الدنيا عجبانى
يامحلىَ الليل والسَمَر
تضحك واقول تانى
يوم شافها ضَىِ القَمَر
أصدر قرار واَمَر
"مَطْلَع انا تانى"
الضَىِ فى عيونها
خلانى اقول فينها
أتارى فى عيونها
ساكن قمر تانى

[رنـranimـيم]

على شط نص القمر قعده انا وياه
ميل وقال كلمته ميلت قلبى معاه
سافر ولا قالى ولاحتى جه ودع
ونسينى وانا فكراه

[الدكتورة]

انت باين عليك عايش حالة حب جامدة جدا بس والله يا بختها بكلامك واسلوبك الجميل انا بحب الشعر اووووووووووووووووووووووووووووي:":

[أسامه علي ( محب )]

علي شط نص القمر
رسيّت مراكبنا
والموج ماكدب خبر
يحدفنا ويجيبنا
طلت ف عينك طلة
طلتلي ف عينيَّه
والنجم كان بينا
قاعد يراقبنا
زعقت مافيّا
((ماتروح بقي وسيبنا))

اقبلو مني مشاركه متواضعه تتضاءل خجلا بين كل ماخطته اقلامكم


سلسبيل


على شط نص القمر

أنا رايح أستنى
معاد حبيبي هناك
بالفرح والحنه
السعد كان قسمتي
وخداني ليه خطوتي
يمكن تكون فرحتي
وأدخل هناك جنه

منوره يا سلسبيل

[أسامه علي ( محب )]

علي شط نص القمر
والدنيا مش ضلمه
بان الحليوه وظهر
اسما علي مسمي
قاللي ياواد تفتكر
في يوم زمان لما
قلت له داانا بشر
يا عمنا الرحمه
مخي خلاص انفجر
وقلعت له العِمه
حسيت بقلبه انكسر
وقال الحقيني يامه
تحياتي يا محب:flowers:


على شط نص القمر

الجو كان دافي
ومشيت على ميتو
من غير مداس حافي
والبدر كان في السما
باين ومش خافي
فجأة لقيت البدر
بقا كتفو بكتافي
سميت وقولت الله
وبقولها من خوفي
والوش زي القمر
والبحر كان صافي
لقيتو فجأة مشي
ع الميه كان طافي
متقولشي وز وعايم
أو بط مسكوفي
أتاريني أنا مخدوع
والشط كان مسكون
دعيت لرب الكون
أكفينا يا كافي

حبيب قلبي معلش بدور في القديم وجل من لا يسهو

[أسامه علي ( محب )]

على شط نص القمر
لمحت ضحكتها
ضحك الندى والشجر
دبت ف. بسمتها
مديت عنيا لمحت
نظرة تنادينى
بتقول لى انت سرحت
طب أمتى حتجينى
نركب سوا مركبه
ونتوه فى بحر الشوق
نهرب من العزّال
للقمره نطلع فوق

الاخ العزيز...محب..
معلهش جيت متأخر شويه
بس ياريت تسمح لى
بالكلمتين الصغيرين دول
اقولهم على الماشى
وراجعلك...
يا جميييييل...

حســــام .


على شط نص القمر
ناس واخده فيه مواعيد
غاويه هناك السهر
وتحن لو وتعيد
ومشيت انا بينهم
فرحان وقلبي سعيد
م الفرحه كنت بحس
وكأنو يوم العيد
وحبيب في إيدو حبيب
وأنا اللي بس وحيد
ندهت أنا للقمر
أنا جاي وغاوي السهر
رد عليا وقال
جايلك أنا في الحال
ومشيت م بين البشر
والإيد ف حضن الإيد

أخي حسام مشرف والله ولو إني ردي متأخر جدا جدا
بس انا عارف هتعزرني ولازم أرد أنا كمان

[أسامه علي ( محب )]

على شط نص القمر
ماشى فى صبحيه
لمحت نور البدر
بيلالى فى الميه
داريته انا بايدى
خايف على عنيه
شافت عيونى جمال
ماشفته فى الدنيا
قربت منها ..غزال
حلوه وعال العال
سالت يا حلوه منين
ردى كده عليا
ياللى دخلتى القلب
من نظره ياصبيه
كلمه اقولها لك
ميلت انا شويه
سبحانه من صور
فرق السما والارض
بينها وبين شلبيه
القمره ديا حوريه
والتانيه مش هيا
انا قلت دى قدرى
حابعت خلاص للحاج
يرحمنى من دوكهيه
النيله شلبيه
فجاه وبلااستاذان
الا ولاقى حيتان
طلعولى م الميه
واحد من اللمه
وحش فى توب انسان
قالى فى ايه ياجبان
شالنى كده بكفه
ورفعنى م الميه
عبدك وملك اديك
عاشق لكن ولهان
وصادق النيه
قالى بصوت رنان
الحلوه دى ياظريف
تبقى المدام ياخفيف

الاخ محب..اتفضل :flowers::flowers::flowers:...سعداء لوجودك .... احنا كلنا مستنيين كتاباتك الجميله...


رنيـــم



على شط نص القمر

كان اللقا قسمه
بيهب منو الهوا
لطيف كما النسمه
ريحت حبة هناك
لمحت واحده ملاك
شفايفها مبتسمه
أنا قلت يا فللي
دي عيونها بتبصلي
وجايه قصداني
خرجتلي م الميه
في عنيها حنيه
وجمالها رباني
الوش إيه مدور
كالبدر ومنور
ساحره وسحراني
ماشيه بتدلع
وأنا سخن ومولع
لقيتها واخداني
وأنا ما بين حضنها
بمسكها من رجلها
مش رجل زي البشر
رجلين معيز ضاني
روحت في غيبوبة
وصحيت أقول توبه
أروح هناك تاني





رنييييييييييييم رد متأخر أوي وشكل وحش عارف سامحيني

[أسامه علي ( محب )]

اول اعمالك ؟؟ :huh:
حلوة والله
كويس انها جت الصفحه الوله
عشان اناااااا(واعوذ بالله م نكلمه انا B) ) ارد عليها :brb: :brb:
تحياتي يا استاذي الفاضل

شوفتي يا بنت الماضي أول أعمالي والرد بتاعي جالك بعد م تأكدتي بعنيك إني بعرف
أكتب آهو طبعا انا هاخد خصم سنة بسبب التأخير في الرد ده وجاي بعد عمر طويل
لكن والله الموضيع بتغطس وبترجع تقب فجأة تخللي الواحد يصلح غلطو
سماح يا بنت الماضي

[أسامه علي ( محب )]

على شط نص القمر
الدنيا عجبانى
يامحلىَ الليل والسَمَر
تضحك واقول تانى
يوم شافها ضَىِ القَمَر
أصدر قرار واَمَر
"مَطْلَع انا تانى"
الضَىِ فى عيونها
خلانى اقول فينها
أتارى فى عيونها
ساكن قمر تانى








على شط نص القمر

يا حبيبي يا فنان
عاشق هناك السهر
وبصحبتك خللان
والحلوة كات واقفه
بصيت لها بحنان
وعنيها جات ف عنيك
شافت قمر تاني
وصورتو في عيونها
رعشت قوام رجليك
من حسن مفاتنها
واللي أنته مش عارفو
أنا اللي ساكنها

[أسامه علي ( محب )]

على شط نص القمر قعده انا وياه
ميل وقال كلمته ميلت قلبى معاه
سافر ولا قالى ولاحتى جه ودع
ونسينى وانا فكراه









على شط نص القمر

وساعات على ذكراه
كان يومها أجمل قدر
الله عليه الله
يوم ما الجميل لفني
ووقعت أنا في هواه
ولا شوفت حد في جمالو
ولا عمري يوم أنساه
أما تقولي نسيك
والله بصحيح ظلماه

[أسامه علي ( محب )]

انت باين عليك عايش حالة حب جامدة جدا بس والله يا بختها بكلامك واسلوبك الجميل انا بحب الشعر اووووووووووووووووووووووووووووي:":

أصل مفيش أجمل م الحب
نتمناه ونعيش في غرامو
واللي يحب م يقدر ينكر
على طول بيبان كده في كلامو

صح يا دكتورة كلامك مشرفانا والله