شريط تسجيل .. الوش الأولاني

[واحد بيحب مصر]

شريط تسجيل
د. جمال مرسي
هذا الشريط أرسله فلاح في الغربه لأسرته في الوطن الغالي مصر
و هو جزء من رباعية زجلية كنت قد كتبتها قبل 15 سنة و أرجو أن تعجبكم .
الوش الأولاني
ابعت شريطي الأولاني ..
لهل بيتنا الزغيّر.
امي و زينب و الواد صميده .
و البت فكريه السكر.
و نفسي أسجلْ ف. الشريط ..
كلام لهل الكفر بحاله .
و اخاف يجولوا عني عبيط ..
سافر و همّلْ ف. عيالهْ .
***
و ابدأْ منين الكلام ؟
و ابدأ لمين الكلام ؟
و الكلْ لهْ جوه ف, قلبي ..
أجمل موده و احترام .
***
أكلم الحاجّه الكبيره ؟
إيوه ..
أبدأ بالست الكبيره .
دي هي صاحبة المقام .
***
سلام كبير يا ام قدوره .
سلامات يا ست الكل .
يللي بدعواتك مستوره ..
و القاشيه معدن زي الفل .
ابنك يا مّه مهوش ناسي .
و عمر قلبه ما كان قاسي .
لكن الغربه اللي انا فيها ...
طيرت البرج اللي ف. راسي
***
في يوم ما سافرت فاكر يامّهْ ..
إني ف. بحر عنيكي قريت .... ! !
حرام يا ضنايا تسيب الغيط .
دا انتَ من الأرض و من طينها ..
كبرت يابني و اتربيت .
***
لكن انا يومها ما نش سائل .
كان كل همي اني أسافر ..
أجيب للبيت كام متر موكيت .
و لحد الوقتي بقالي سنتين ..
لا جبت موكيت و لا حتى زعيط .
حاكم القرشين اللي باخدهم ..
رايحين ف. الأكل و مصروف بيت .
و حبة لبس كلام فاضي ..
لكن باركيلي عشان حجيت .
و قريتلك يامّهْ الفاتحهْ
و جبت لك سجاده و سبحه .
و امّا ارجع لكِ أحلى هديهْ ..
حتة قطيفه و كام طرحه ْ .
***
بس انتي ادعيلي يا ست الكل .
و تخدي بالك م. الصحهْ .
و تحجي يا مّه و عقبالك ..
و تنولي يا مّه اللي ف. بالك .
لو شوفتي النور اللي ف. مكهْ ..
تفرحي و تطيري من الفرحه .
***
و دلوجتي راح استئذن منك ..
عشان هكلم العيال .
الا الشريط خلّص نصّو ..
و دا تمنه غالي بخمسة ريال .
و اقول سلام والقاكي يا مّه ...
في كل مرة ف. أسعد حال .
و إلى اللقاء مع الوش التاني من شريط عبد القادر شحاته
في حلقة قادمة من هذه السلسلة .مع تحياتي و حبي
د. جمال مرسي

[محمد فارس]

د0 جمال00
هو حراجى القط جه معاك ولا ايه00
جميل ماكتبت
وفى انتظار البقية 00
وقد نعود

[واحد بيحب مصر]

و الله يا هراس أنا كتبت دي
قبل ما اسمع عن حراجي القط بتاع الأبنودي
و خليتها طي الكنمان مدة طويلة
و لما طلعتها من الكرتونة إللي تحت السرير
و قريتها على بعض اصحابي هي و بقية السلسلة قالولي انها تشبه
رسالهالأبنودي
روحت مدخلها الكرتونه تاني .
و بعدين قولت يا واد طلعها تاني وو ريها لأخواننا في قهوة كتكوت
فكان ردك
شكرا لمرورك و هي توارد خواطر ليس إلا .
تحياتي و دمتم
و لنا لقاءات مع هذه السلسلة التي أتمنى أن يعينني الله على كتابتها و عرضها عليكم
مع السلامة
د. جمال

[رشا عبد الرازق]

دلوجتي راح استئذن منك ..
عشان هكلم العيال .
الا الشريط خلّص نصّو ..
و دا تمنه غالي بخمسة ريال .
و اقول سلام والقاكي يا مّه ...
في كل مرة ف. أسعد حال

أخي الدكتور جمال

روعه

دي يا أفندم مينفعش يتعملها مخمخه

دي مخمختها اننا نتابع ونقول عظمه على عظمه:flowers:

طلع يا دكتور المستخبي واشجينا:)


:tu:

[موعوود]

:clap::clap::clap::clap:
تسمحلي اسجل الشريط ده يا دكتور:D
شاعرنا الدكتور او دكتورنا الشاعر
هي مثل جوابات حراجي القط كما ذكرت والمح عمنا هراس ولكن من حيث الشكل فقط ولكني وكما قرأت الوش الأولاني تختلف في المضمون وهذا لايمنع ان يتكرر العمل ثانية في صورة رسائل ( خطيه كحراجي القط أو صوتيه كعبد القادر شحاته ) واعتقد ان شكل الرسائل كلها متشابه ولكنها مختلفة المضامين
ونحن في انتظار الوش التاني :55:
وعانشوف عاتقول ايه لام العيال يا قدوره
تحياتي

[محمد فارس]

كاتب الرسالة الأصلية : واحد بيحب مصر

و لما طلعتها من الكرتونة إللي تحت السرير
د. جمال

انت مخليها تحت السرير
انا مخليها فوق الدولاب علشان وانا داخل او خارج اشوفها واطمن عليها بعد الفيران مابوظت كرتونة تحت السرير فى المرة الاولى وبعد الكرتونة التانية ماعامت بللى فيها لما غلطت مرة ومسحت0

000
دكتور جمال 0000
اخرج الكرتونة من تحت السرير واخرج لنا مافيها

[الحســــام]

أخى الحبيب...د/جمال..
اسمح لى اولا ان اسجل اعجابى بالمستوى الراقى الذى اراه سمة مميزة لكل اعمالك سواءً العاميه منها او الفصحى ....
فأنت تتمكن من فكرتك (والتى اراها دائماً مميزة وجديده)...واراك تستخدم ادواتك بحرفية ومهارة بفضل موهبتك التى حباك الله بها ...وتطوّع تلك الادوات لاخراج الفكره فى ثوب براق يشد انظار كل من يطالع اعمالك ...

وبالنسبة لموضوع شريط تسجيل ...فأنا اختلف مع اخوتى الاعزاء فى انه لايجب عقد مقارنه بين هذا الموضوع وجوابات حراجى العامل للابنودى...لاكثر من سبب أهمها ...اسلوب تناول الفكره ...وهذا امر معروف لكل من مارس الكتابه ...فالافكار محدوده ولكن ما يميز كل كاتب هو طريقة معالجة الفكره
فالحب والهجر و الغيره ...وغيرها من الافكار قد تناولها الشعراء على مر العصور ملايين المرات ولم يأت احد ليقول لشاعر انت قلّدت فلانا لانه تكلم عن الغير ه مثلاً قبلك ...

تحياتى د/جمال...
وبارك الله لك فى قلمك..وموهبتك...

حســــام .

[محمد فارس]

كاتب الرسالة الأصلية : الحســــام
..
...وبالنسبة لموضوع شريط تسجيل ...فأنا اختلف مع اخوتى الاعزاء فى انه لايجب عقد مقارنه بين هذا الموضوع وجوابات حراجى العامل للابنودى...لاكثر من سبب أهمها ...اسلوب تناول الفكره ...وهذا امر معروف لكل من مارس الكتابه ...فالافكار محدوده ولكن ما يميز كل كاتب هو طريقة معالجة الفكره
فالحب والهجر و الغيره ...وغيرها من الافكار قد تناولها الشعراء على مر العصور ملايين المرات ولم يأت احد ليقول لشاعر انت قلّدت فلانا لانه تكلم عن الغير ه مثلاً قبلك ...
حســــام .
د0حسام حمدالله على السلامة وعظم الله اجركم

الدكتور جمال لا يختلف اثنان على روعة مايكتبه 00
واقولها 00حينما تشرفت بدعوته للأنضمام لمنتدانا 00لم اكن قرأت له سوى قصيدة عامية واحدة فقط ، لكنى احسست ان كاتبها شاعر له مكانة00
وقد صدق توقعى00بل جاء بما يفوق ذلك0

وفى عمله القيم اعلاه0000لم يتهمه احد بالتقليد 00
ابدا00
وحينما اشرنا الى حراجى القط لم يكن الا ذكر الشئ بالشئ0
الدكتور جمال اكبر من ان يقلد00
ونحن اكبر من ان نتهمه بذلك00

وهذه النوعيه فى كتابة الشعر ليست حكرا على الابنودى او غيره 00
المجال مفتوح لكل مبدع00

توضيح اردت ان اكتبه حتى لا يساء فهم ماكتبناه00

واهلا بك يادكتور حسام

ومنور يادكتور جمال00
ومنتظرين باقى الكرتونة

[الغزال الشارد]

الأستاذ الفاضل...د/جمال....




طبعا القصيده رائعه...ومش عاوزه كلام.....




دي حاجه ما يختلفش عليها اتنين........




ما شاء الله.....اللهم لا حسد......



فعلا كل كتاباتك متميزه جدا جدا جدا.....




والإبداع هو سمه تميزك عن المحيطين جميعا......




أدام الله موهبتك..وحفظ لك قلمك.... :pray::pray::pray:






ممكن بعد إذنك...كلمتين ثغننين بس لهراس....




يا اونكل هراس..إنت استعجلت ليه....أنا كنت جايه أهدي النفوس....وأشتغل حقنه بينكم و بين حسام...... :chr24::chr24::chr24:




وعلي رأي المثل...(شعللها شعللها...ولعها ولعها).. :devil::devil:




كان المفروض تسيبني أخد فرصتي......



يللا مش مهم..حصل خير.....








د/جمال...





تحياتي مرة أخري.......





ولك خالص تقديري علي كل ما يخط قلمك......





:flowers::flowers:

[الحســــام]

وفى عمله القيم اعلاه0000لم يتهمه احد بالتقليد 00
ابدا00
وحينما اشرنا الى حراجى القط لم يكن الا ذكر الشئ بالشئ0
الدكتور جمال اكبر من ان يقلد00
ونحن اكبر من ان نتهمه بذلك00

وهذه النوعيه فى كتابة الشعر ليست حكرا على الابنودى او غيره 00
المجال مفتوح لكل مبدع00

توضيح اردت ان اكتبه حتى لا يساء فهم ماكتبناه00

الاخ العزيز...هراس...

اشتم رائحة سوء فهم لما قصدته فى ردى السابق على استاذنا د/جمال بخصوص رائعته(شريط تسجيل)....

وحاشاى يا أخى العزيز ان انفى عنكم تهمة لجريرة لم ترتكب اصلاً...
وانما هو استنتاج احسسته فى كلماتك انت والاخ موعود فى ردودكم على د/جمال...وظهر هذا فى ردكم الاول حين قلت...

د0 جمال00
هو حراجى القط جه معاك ولا ايه00

وفى رد الاخ موعود حين قال فى جزء من رده:

هي مثل جوابات حراجي القط كما ذكرت والمح عمنا هراس

ثم جاء رد د/ جمال نافياً ان يكون قد قرأ جوابات حراجى قبل ان يكتب قصيدته
بل وذكر لنا تعليق اصدقائه عليها عندما قرأها عليهم وملاحظتهم للشبه بينها وبين قصيدة الابنودى

و الله يا هراس أنا كتبت دي
قبل ما اسمع عن حراجي القط بتاع الأبنودي
و خليتها طي الكنمان مدة طويلة
و لما طلعتها من الكرتونة إللي تحت السرير
و قريتها على بعض اصحابي هي و بقية السلسلة قالولي انها تشبه
رسالهالأبنودي

وختم رده بأن أكّد انها مجرد توارد خواطر وهو امر وارد ادبياً ونراه كثيراً

هي توارد خواطر ليس إلا .

فجاء ردى موضحاً ان تكرار الفكره امر وارد الحدوث ...بل واكثر من ذلك ربما يتفق كاتبان فى نفس اسلوب تناول الفكره وربما يشتركا فى استعمال الفاظ متشابهه...ولكن يبقى لكل كاتب روحه التى تنشر عبيرها فى ارجاء عمله فتكسبه السمة الخاصة به والمميزه لشخصيته....

وبالنسبة لموضوع شريط تسجيل ...فأنا اختلف مع اخوتى الاعزاء فى انه لايجب عقد مقارنه بين هذا الموضوع وجوابات حراجى العامل للابنودى...لاكثر من سبب أهمها ...اسلوب تناول الفكره ...وهذا امر معروف لكل من مارس الكتابه ...فالافكار محدوده ولكن ما يميز كل كاتب هو طريقة معالجة الفكره
فالحب والهجر و الغيره ...وغيرها من الافكار قد تناولها الشعراء على مر العصور ملايين المرات ولم يأت احد ليقول لشاعر انت قلّدت فلانا لانه تكلم عن الغير ه مثلاً قبلك ...الصديق العزيز...هراس...
أخى العزيز...موعود...
أصحح لكما فأنا لم اقصد ان المح او اوحى فى ردى بأى شىء يمسكما ...فقدركما عندى ومعزتكما اكبر من ان امس شخصيكما باى سوء
واعتذر عن سوء الفهم غير المقصود...

أستاذى العزيز...د/ جمال...
شكراً لاستضافتك الكريمه مرة ثانية فى صفحتك...
وشكراً مرة اخرى على امتاعى بهذه الرائعه...

حســــام .

[رنـranimـيم]

دكتور جمال.....حرام عليك عقدتنى والله عقدتنى

بس يعنى عم عبد القادر مكلف نفسه ومسافر ومشحطط روحه علشان

الموكيت ....الواحد يسافر علشان يجيب قرشين يشترى بيت ولا يامن

مستقبل العيال وهو رايح يجيب موكيت ...لا مالوش حق

يابختكم عندكم كراتين ....انا برضه عندى كرتونه يعنى هو مافيش حد عنده

كرتونه غيركم حاجه غريبه والله.. فيها ايه ..ابدا فيها الهيكل العظمى اللى

كنت بذاكر عليه وانا فى الكليه ..دى كل ثروتى من الكراتين

هراس ممكن تبعتلى كرتونه من بتاعتك وانا ابعتلك كرتونتى...بلاش...طيب

ممكن تبعتلى كرتونه من بتوعك وانا ابعتلك كرتونه من بتوع موعوود لما ابعتله

كرتونتى...اصلى مش معقوله ابعت الكرتونه بتاعتى للدكتور جمال شكله

كده عنده واحده زيها وعاوز يبعتها لحد :واه يابوي

طيب اقولكم على حل كويس ...تيجوا نحط كراتينا كلها على بعض وكل واحد

يشد كرتونه وهو وباخته:D

تسلم اديك يادكتور جمال ...الوش التانى بسرعه من فضلك

رنيـــــــم

[محمد فارس]

د0حسام
انا بشكر د0 جمال انه خلانا نشوفك مرتين فى فى ليلة واحدة بأكتب عامى000واعدك ان رأيت مجالا لمثل هذا المداخلات فلن اتركها حتى اراكم دائما0000فرصة:brb:

ثانيا 00ماكنت ارد واوضح 00لولا ان ماتكتبوه له اعتباره 00
ثالثا00ان كان من سوء ظن قد حدث000فإن سوء الظن من حسن الفطن كمايقولون0
رابعا00الامر لم يزد عن توضيح بين احبة 0000ومن عادتى المصارحة00وانت لم تخطئ كى تعتذر0000
خامسا00اعترف انا مقصر تجاه انتاجك الادبى 00تقصيرى ليس فى المتابعة00فأنا اقرأه اولا بأول00لكن لا اتمكن احيانا من ابداء رأيى المتواضع ربما لضسق الوقت وربما للسفر00لكن تبقى العودة لما تكتبون قائمة0

غزال00ممكن نشعللها 00بس مش هنا00000نعمل قسم للشعللة ونشوف قسم بستضيفنا على ماينشأ القسم الجديد0
رنيم00
نقبك حيطلع على شونة00
كرتونتى مليانة قراقيش من الصعيد00
تنفع؟؟

د0جمال 00
برغم استمتاعنا بالوش الاول00
متشوقين للوش التانى00
وان كنت افضل ان نقول الشريط الاول والشريط التانى000علشان نبعد عن "ابووشين":brb::brb::brb:

تحياتى للجميع

[واحد بيحب مصر]

كاتب الرسالة الأصلية : rasha
أخي الدكتور جمال

روعه

دي يا أفندم مينفعش يتعملها مخمخه

دي مخمختها اننا نتابع ونقول عظمه على عظمه:flowers:

طلع يا دكتور المستخبي واشجينا:)


:tu:

الأخت الغالية رشا
تحية طيبة
هي يعني المخمخه هتبقي مع أحلى منكم
يللا هاتيلنا الطبلية و القلة عشان نقعد و نستمخ .

و بعدين يا ستي هو يعني المستخبي ( إن كان فيه مستخبي ) هيطلع
لأعز منكم
عموما مرورك الكريم أضفى على القصيدة رونقا و جمالا

تحياتي و دمتم

[واحد بيحب مصر]

الأخ الحبيب موعود
كاتب الرسالة الأصلية : موعوود
:clap::clap::clap::clap:
تسمحلي اسجل الشريط ده يا دكتور:D
شاعرنا الدكتور او دكتورنا الشاعر
هي مثل جوابات حراجي القط كما ذكرت والمح عمنا هراس ولكن من حيث الشكل فقط ولكني وكما قرأت الوش الأولاني تختلف في المضمون وهذا لايمنع ان يتكرر العمل ثانية في صورة رسائل ( خطيه كحراجي القط أو صوتيه كعبد القادر شحاته ) واعتقد ان شكل الرسائل كلها متشابه ولكنها مختلفة المضامين
ونحن في انتظار الوش التاني :55:
وعانشوف عاتقول ايه لام العيال يا قدوره
تحياتي

طبعا أي انسان يتشرف بالتشبه بشاعر كبير كالأبنودي و لكني لست كمثله
فلكل شاعر كما تعلم شخصيته المستقلة
و كما تفضلت فالموضوع الواحد ممكن أن يتناوله أكثر من شاعر و لكن برؤية مختلفة تماما
و بمضمون مختلف
عموما سعيد بوجودك الجميل يا صاحب أحلى نقطة نظام
لو كل واحد ف. البشر
يقولك كلامك المفتخر
مكنش حد في يوم تعب
و لا نام في أحزان أو كدر
تحية على الماشي

[واحد بيحب مصر]

كاتب الرسالة الأصلية : هراس
انت مخليها تحت السرير
انا مخليها فوق الدولاب علشان وانا داخل او خارج اشوفها واطمن عليها بعد الفيران مابوظت كرتونة تحت السرير فى المرة الاولى وبعد الكرتونة التانية ماعامت بللى فيها لما غلطت مرة ومسحت0

000
دكتور جمال 0000
اخرج الكرتونة من تحت السرير واخرج لنا مافيها

أخي الحبيب هراس
عدت من جديد لتنور الصفحة
و دلوجتي انت تلاقيك مبسوط علشان الشريط كان من فلاح في الغربة
مش صعيدي في الغربة .
عموما أنا و الله سعيد معاكم هراس
و الظاهر إني وجودي معاكم في القهوة الفللي دي هيخليني أطلع القديم و الجديد
عموما الحمد لله اني انقذت الدفتر من الكرتونه اللي تحت السرير
أصل احنا حطينها عشان نسند بيها السرير . أهو زي ما بيقول المثل :كرتونة تسند سرير
تحياتي هراس
و أنا سعيد أن شريط عبقادر شحاتة فتح كل هذه الآفاق للمناقشة
و هكذا يجب أن يكون الشعر ليس فقط مدح و إطراء للشاعر و لكن نقد و توجيه و مناقشة كي يتم إثراء الموضوع و تتم الفائدة للجميع إن شاء الله.
تحياتي

[محمد فارس]

كاتب الرسالة الأصلية : واحد بيحب مصر

.زى مابيقول المثل: كرتونة تسند سرير


الحقى يارنيم0000فين موضوع الامثال00

[واحد بيحب مصر]

كاتب الرسالة الأصلية : الحســــام
أخى الحبيب...د/جمال..
اسمح لى اولا ان اسجل اعجابى بالمستوى الراقى الذى اراه سمة مميزة لكل اعمالك سواءً العاميه منها او الفصحى ....
فأنت تتمكن من فكرتك (والتى اراها دائماً مميزة وجديده)...واراك تستخدم ادواتك بحرفية ومهارة بفضل موهبتك التى حباك الله بها ...وتطوّع تلك الادوات لاخراج الفكره فى ثوب براق يشد انظار كل من يطالع اعمالك ...

وبالنسبة لموضوع شريط تسجيل ...فأنا اختلف مع اخوتى الاعزاء فى انه لايجب عقد مقارنه بين هذا الموضوع وجوابات حراجى العامل للابنودى...لاكثر من سبب أهمها ...اسلوب تناول الفكره ...وهذا امر معروف لكل من مارس الكتابه ...فالافكار محدوده ولكن ما يميز كل كاتب هو طريقة معالجة الفكره
فالحب والهجر و الغيره ...وغيرها من الافكار قد تناولها الشعراء على مر العصور ملايين المرات ولم يأت احد ليقول لشاعر انت قلّدت فلانا لانه تكلم عن الغير ه مثلاً قبلك ...

تحياتى د/جمال...
وبارك الله لك فى قلمك..وموهبتك...

حســــام .

أخي الحبيب : د. حسام
السلام عليكم و رحمة الله و بركاته
و بعد
بدايةً .. لقد لفت نظري في رد الأخ هراس عليكم أن قال
حمد لله على السلامة و عظم الله أجركم .
و لأنني لست متابعا نشيطا لكل ما يحدث أو يُكتب في المنتدى فاسمح لي أن أسأل
ما الخبر ؟
ثانيا أشكرك من أعماق القلب على مشاعركم النبيلة نحونا و نحو ما نكتب
و أشكر أخونا شخصية الشريط عبقادر شحاتة انه جعل النقاش في هذا الموضوع ذا جدوى
لتعم الفائدة للجميع بإذن الله
تحياتي أخي الكريم
و دمتم قلما راقيا نابضا
أخوكم د. جمال

[واحد بيحب مصر]

كاتب الرسالة الأصلية : الغزال الشارد
الأستاذ الفاضل...د/جمال....




طبعا القصيده رائعه...ومش عاوزه كلام.....




دي حاجه ما يختلفش عليها اتنين........




ما شاء الله.....اللهم لا حسد......



فعلا كل كتاباتك متميزه جدا جدا جدا.....




والإبداع هو سمه تميزك عن المحيطين جميعا......




أدام الله موهبتك..وحفظ لك قلمك.... :pray::pray::pray:








ممكن بعد إذنك...كلمتين ثغننين بس لهراس....




يا اونكل هراس..إنت استعجلت ليه....أنا كنت جايه أهدي النفوس....وأشتغل حقنه بينكم و بين حسام...... :chr24::chr24::chr24:




وعلي رأي المثل...(شعللها شعللها...ولعها ولعها).. :devil::devil:




كان المفروض تسيبني أخد فرصتي......



يللا مش مهم..حصل خير.....








د/جمال...





تحياتي مرة أخري.......





ولك خالص تقديري علي كل ما يخط قلمك......





:flowers::flowers:

سعدت جدا بهذا المرور الجميل أيها الغزال الشارد النحيل
تحياتي

[واحد بيحب مصر]

[QUOTE]كاتب الرسالة الأصلية : رنـranimـيم
[B][SIZE=3][COLOR=orangered]
دكتور جمال.....حرام عليك عقدتنى والله عقدتنى

بس يعنى عم عبد القادر مكلف نفسه ومسافر ومشحطط روحه علشان

الموكيت ....الواحد يسافر علشان يجيب قرشين يشترى بيت ولا يامن

مستقبل العيال وهو رايح يجيب موكيت ...لا مالوش حق

يابختكم عندكم كراتين ....انا برضه عندى كرتونه يعنى هو مافيش حد عنده

كرتونه غيركم حاجه غريبه والله.. فيها ايه ..ابدا فيها الهيكل العظمى اللى

كنت بذاكر عليه وانا فى الكليه ..دى كل ثروتى من الكراتين

هراس ممكن تبعتلى كرتونه من بتاعتك وانا ابعتلك كرتونتى...بلاش...طيب

ممكن تبعتلى كرتونه من بتوعك وانا ابعتلك كرتونه من بتوع موعوود لما ابعتله

كرتونتى...اصلى مش معقوله ابعت الكرتونه بتاعتى للدكتور جمال شكله

كده عنده واحده زيها وعاوز يبعتها لحد :واه يابوي

طيب اقولكم على حل كويس ...تيجوا نحط كراتينا كلها على بعض وكل واحد

يشد كرتونه وهو وباخته:D

الأخت الغالية د. رنيم

1_ و الله يا د. رنيم هو ده حال معظم المتغربين بره مصر و الناس فاكراهم بيعبوا الفلوس في كراتين ( حتى اسألي هراس )
2-ماشي ستي أنا موافق على الإقتراح الأخير ده
يمكن نتلخبط و تطلع لنا كرتونة هراس التانية اللي مخبيها تحت البلاطة
و اللي مليانةدولارات

3-و انت كمان تسلم ايدك و قريب تسمعي الوش التاني من الشريط

تحياتي و دمتم

[ابن حميدو2003]

السلام عليكم ورحمة الله وبركاتة،،،

ماشاء الله يا دكتور جمال قصيدة زى الفل وحاجة تشرح القلب .

بس عايز اقول لحضرتك حاجة يا دكتور هو اخر الغربة حيكون حتة موكيت وكرتونة تحت السرير:crazyy::crazyy::crazyy:
لا دا الحالة ممكن توصل عندى كدة لو الجواب اة:واه يابوي:واه يابوي

اخرتك يا غربة موكيت طب ومالة النساجون الشرقيون ولا حتى موكيت عم ماك بتاع مصر

وبناء علية وبعد ان علمت النتيجة الحتمية للغربة وسنين الغربة اقوم الان بجمع كل ما يخصنى (الا الموكيت) وجارى ترتيب الاغراض اللى ناوى احطها فى الكرتونة وراجعلك يا مصر:knight::knight:


اخوكم
ابن حميدو:D
(مصر حتفضل غالية علية)