هريدي يابووووي
02-17-2004, 09:59 AM
http://www.islamway.com/bindex.php?section=lessons&lesson_id=27832&scholar_id=406
http://www.al-wed.com/pic-vb/811.gif
ان الحمد لله نحمده و نستعينه و نستهديه و نستغفره..
و نعوذ بالله من شرور أنفسنا و من سيئات أعمالنا..
من يهده الله فلا مضل له.. و من يضلل فلن تجد له وليا مرشدا..
و مازلنا مع سيرة الحبيب "ص"..
و اتكلمنا المرة اللي فاتت عن بداية الدعوة السرية..و المفروض نبدأ نتكلم عن الجهر بالدعوة..
لكن الحقيقة لقيت اننا محتاجين نقف شوية..
محتاجين نقعد شوية جوة دار الرقم...و نحس باللي كان بيحصل جواها..
الدعوة ماكانتش ماشية بان النبي "ص" يدعو واحد فيسلم و يشهد أن لا اله الا الله و أن محمدا رسول الله.. فيمسح النبي "ص" على راسه و يقول له خلاص.. روح.. بقيت مسلم...و غفر الله لك خطاياك..
ولا كان بيعمده زي النصارى...
امال كانت ماشية ازاي؟..
كان النبي"ص" بيزرع بذرة الإيمان في القلوب...
ثم يسهر عليها بالرعاية و التربية و التهذيب الى أن تنمو.. و تنمو.. و جذورها تثبت في القلوب.. و تنتشر فروعها و أغصانها في الجسم.. ثم تؤتي ثمارها..
الإسلام.. بيبني كيان الإنسان من أول و جديد.. بيبنيه من جواه.. لأن التغيير بيبدأ من الداخل..
يبنيه.. و يصبر عليه.. الى أن تكتمل عملية التحول و التغيير..
كانت دار الأرقم هي الحضانة..
أو هي الشرنقة.. التي احتضنت العذارى.. حتى تحولت الى فراشات..
الأيام بتمر على و الصحابة بيقيموا الليل.. لأن قيام الليل كان فرض في بداية الدعوة..
و النبي "ص" بيربيهم و يعلمهم و يصقل نفوسهم..
لدرجت أن النفوس شفَّت بدرجة عجيبة..
شفَّت الى درجة ان الصحابة كانوا بيأكلوا الطعام مع النبي "ص" و هم يسمعون تسبيح الطعام
ازاي حصل التحول ده؟؟
ده اللي محتاجين نفهمه..
حصل ده.. بقانون من قوانين الله الثابتة في الكون
.. "حتى يغيروا ما بأنفسهم"..
كانت البداية.. بان النبي "ص" عمل تغيير شامل في العقائد و الأفكار و التصور.. و المشاعر و الأخلاق.. في نفوس المسلمين الأوائل..
فتغيرت نفوس الصحابة الأوائل..
فبدأت الدنيا تتغير من حواليهم..
تغيرت المدينة.. ثم مكة.. ثم الجزيرة.. ثم بلاد فارس و الروم...
التغيير اللي بدأه النبي "ص" في نفوس الكام صحابي اللي بدا بيهم الدعوة..تحول في النهاية الى حركة تغيير عالمية.. تغير بها وجه الدنيا..
حتى عم الإسلام الأرض.. و أصبحت الدنيا تسبح الله و تذكر خالقها بالغدو و الآصال..
يبقى كانت البداية بالتغيير..
تغيير ايه بالظبط؟.. تغيير و تصحيح العقيدة..
و لما صححت العقيدة.. حيت القلوب..
(أوَ مَن كَانَ مَيْتا فاًحْيَيْنَاهُ وَجَعَلْنَا لَهُ نُورًا يَمْشِي بِهِ فِي النَّاسِ كَمَن مَّثَلُهُ فِي الظُّلُمَاتِ لَيْسَ بِخَارِجٍ منْهَا كَذَلِكَ زُيِّنَ لِلْكَافِرِينَ مَا كَانُوا يَعْمَلُون) (سورة الأنعام، آية: 122).
طب يعني ايه تصحيح العقيدة؟.. بايه يعني؟؟
ماهم قالوا لا اله الا الله محمد رسول الله..!!
ماهي دي المشكلة..
ان ناس كتير مش فاهمة يعني ايه عقيدة..يعني ايه فكرة تتحول الى قناعة تملك عليك وجدانك و كيانك.. و تبقى هي اللي بتتحكم في كل تصرفاتك..
يعني ايه فكرة ممكن تبني أمة.. و فكرة تانية مكن تهدمها..
عشان كده لقيت اننا فعلا محتاجين نقعد شوية جوة دار الأرقم.. مع الصحابة و النبي "ص" بيربيهم.. و يعلمهم..
نشوف كانوا بيتعلموا ايه بالظبط؟.. و ايه أثر ده في نفوسهم..
1- التعريف بالله
يبدأ النبي "ص" عن طريق القرآن يعرف المسلمين بالله سبحانه و تعالى..
ماهو ازاي هاتعبد رب انت ماتعرفهوش؟..
ازاي يعني؟.. هو العرب ماكانوش يعرفوا ربنا؟؟
ايوة..
دلوقت انا لو عندي اتنين.. سألت واحد.. قلتله .. تعرف سيد؟؟
قال ايوة اعرفه..
و سالت التاني .. تعرف سيد؟؟ قال ايوة اعرفه..
يبقى الإتنين يعرفوا سيد؟؟
لأ استنى..
تعالى نسأل الأولاني.. سيد ده شكله ايه؟.. هايقولك مثلا طويل و ابيضاني و عينيه عسلي و شعره بني..و اسمه سيد :)
و تعالى نسأل التاني.. سيد ده شكله ايه؟.. يقولك ده قصير و تخين و اسمراني و اصلع.. و اسمه سيد :)
يبقى الإتنين يعرفوا سيد؟؟
اليهود بيقولوا انهم بيعبدوا الله.. و النصارى بيقولوا انهم بيعبدوا الله..
و المسلمين بيقولوا انهم بيعبدوا الله..
تعالى نسأل اليهود .. الله اللي بتعبدوه ده.. صفاته ايه بالظبط؟؟
يقولوك ربنا.. بينسى.. و بيندم على انه خلق الإنسان..و بينزل يلاعب البشر مصارعة و يغلبوه.. و بيختار أسوأ البشر يخليهم أنبياء.. كل الأنبياء تقريبا في العهد القديم ملبسينهم تهم زنا محارم..
طيب. تعالى نسأل النصارى .. الله اللي بتعبدوه ده.. صفاته ايه بالظبط...
يقولك ربنا ابن.. لأ لأ.. ده أب.. لأ.. ده روح قدس.. لا يا عم لأ.. ده التلاتة سوا..
يقولك ربنا بينزل على الأرض و يتجسد في صورة بشر و يخرج من رحم امرأة .. و بيتختن.. و يرضع من ثدي أمه..
بيقولك ربنا بيصلبه البشر و بيقتلوه و بيضحي بنفسه عشان يفدي خطايا البشر..
ايه ده؟؟
هو ده ربنا؟؟
لأ ..
مش ده الإله اللي المسلمين بيعبدوه أبدا..
كذلك العرب قبل الإسلام..
كانوا بيقولوا ان ربنا فقير و محتاج.. و يقولوا ان الملائكة بنات الله.. و يجعلوا لله سبحانه و تعالى شركاء من الجن و من الأصنام..
هل هو ده الله؟؟ دي صفات الله اللي بنعبده؟؟
لأ..
عشان كده أول مايبدأ النبي "ص" يبدأ انه يعرف المسلمين بالله.. تعالوا نتعرف على الله سبحانه و تعالى.. اعرف صفاته.. اعرف اسمائه.. اعرف طبيعة علاقتك بيه ايه..
1- اعرف ان الله سبحانه و تعالى منزه عن النقائص.. ذو الكمال اللامتناهي... سبحانه.. لا شريك له.. وما اتخذ صاحبة ولا ولدا..
2-و ان هو اللي خلق كل شئ.. و له ملك كل شئ.. و هو مدبر الأمر.. سبحانه
" إِنَّ رَبَّكُمُ اللّهُ الَّذِي خَلَقَ السَّمَاوَاتِ وَالأَرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ يُغْشِي اللَّيْلَ النَّهَارَ يَطْلُبُهُ حَثِيثاً وَالشَّمْسَ وَالْقَمَرَ وَالنُّجُومَ مُسَخَّرَاتٍ بِأَمْرِهِ أَلاَ لَهُ الْخَلْقُ وَالأَمْرُ تَبَارَكَ اللّهُ رَبُّ الْعَالَمِينَ {54}" الأعراف.
3-و انه سبحانه و تعالى هو المنعم.. هو مصدر كل نعمة في الوجود.. مهما كانت صغيرة..
" وَمَا بِكُم مِّن نِّعْمَةٍ فَمِنَ اللّهِ ثُمَّ إِذَا مَسَّكُمُ الضُّرُّ فَإِلَيْهِ تَجْأَرُونَ {53} النحل.
4-و ان علمه محيط بكل شئ.. يعلم علم الغيب و الشهادة.. يعلم حتى انت بتفكر في ايه.. شايف افكارك.. مطلع على قلبك.. ولا تخفى عليه خافية في الأرض ولا السماء
" اللَّهُ الَّذِي خَلَقَ سَبْعَ سَمَاوَاتٍ وَمِنَ الْأَرْضِ مِثْلَهُنَّ يَتَنَزَّلُ الْأَمْرُ بَيْنَهُنَّ لِتَعْلَمُوا أَنَّ اللَّهَ عَلَى كُلِّ شَيْءٍ قَدِيرٌ وَأَنَّ اللَّهَ قَدْ أَحَاطَ بِكُلِّ شَيْءٍ عِلْماً {12}" الطلاق.
5-و انه سبحانه و تعالى عين على كل واحد منا ملائكة .. بيقيدوا عليك أعمالك..في كتاب لا يترك صغيرة ولا كبيرة إلا أحصاها..أعمالك كلها بتسجل عليك.. يا إما حسنات. يا إما سيئات.. و يوم القيامة تنشر الصحائف و تعرض الأعمال...
" مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ {18}" ق.
6-و ان الله سبحانه و تعالى يبتلي العباد ليختبر معادنهم:
" الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلاً وَهُوَ الْعَزِيزُ الْغَفُورُ {2} "الملك.
7- وأنه سبحانه يوفق ويؤيد وينصر من يلجأ إليه، ويلوذ بحماه و يستقيم على طاعته
" إِنَّ وَلِيِّـيَ اللّهُ الَّذِي نَزَّلَ الْكِتَابَ وَهُوَ يَتَوَلَّى الصَّالِحِينَ {196}" الأعراف.
8- وأنه- سبحانه وتعالى- حقه على العباد أن يعبدوه، ويوحدوه ولا يشركوا به شيئًا:
" بَلِ اللَّهَ فَاعْبُدْ وَكُن مِّنْ الشَّاكِرِينَ {66} "الزمر.
9- وأنه- سبحانه- حدد مضمون هذه العبودية، وهذا التوحيد في القرآن العظيم.. يعني قالنا ازاي نعبده.. و نوحده...
تخيل جيل بيتربى على المعاني دي..
ناس عرفوا الله سبحانه و تعالى حق المعرفة.. فعبدوا الله سبحانه و تعالى بمقتضى هذه المعرفة..
فعظموا الله سبحانه و تعالى في قلوبهم.. و أصبح رضى الله هو غاية أمانيهم..
و تخيل جيل اتربى على استشعار مراقبة الله.. انه حاسس.. بل موقن ان الله سبحانه وتعالى مطلع عليه في كل لحظة.. مش بس مطلع عليه.. لأ.. ده شايف هو بيفكر في ايه بالظبط..
تخيل واحد بيراقب أفكاره.. تيجي خاطرة أو فكرة على باله.. لأ لأ.. دي ماترضيش ربنا .. استغفر الله العظيم..
يا عمي هو انت عملت حاجة؟؟ دي مجرد فكرة.. لأ.. ولا حتى دي... ربنا سبحانه وتعالى مطلع عليا.. شايف حتى الفكرة دي..
و مادامت الفكرة دي أو الخاطر ده يغضب الله سبحانه و تعالى فهو يغضبني انا كمان..
جيل أحب الله سبحانه و تعالى.. فأحب ما يحب الله.. و بغض ما يبغض الله..
جيل تربى على توحيد الله في الوهيته.. فهو الإله سبحانه لا اله غيره.. و هو الوحيد المستحق للعبادة..
و على توحيد الله في ربوبيته.. فهو الرب سبحانه.. الرازق.. الخالق... المدبر.. المحيي.. المميت..
و على توحيد الله في أسمائه و صفاته.. بمعرفة صفات الله زي ماقلنا.. أنه عالم الغيب.. و أنه هو العظيم.. و أنه هو الحكيم.. و أنه هو الرحمن الرحيم..و أنه ليس كمثله شئ.. سبحانه..
جيل عاش لله لا يشرك معه أحدا لا في عمل ولا في معتقد..
" قُلْ إِنَّنِي هَدَانِي رَبِّي إِلَى صِرَاطٍ مُّسْتَقِيمٍ دِيناً قِيَماً مِّلَّةَ إِبْرَاهِيمَ حَنِيفاً وَمَا كَانَ مِنَ الْمُشْرِكِينَ {161} قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ {162} لاَ شَرِيكَ لَهُ وَبِذَلِكَ أُمِرْتُ وَأَنَاْ أَوَّلُ الْمُسْلِمِينَ {163} قُلْ أَغَيْرَ اللّهِ أَبْغِي رَبّاً وَهُوَ رَبُّ كُلِّ شَيْءٍ وَلاَ تَكْسِبُ كُلُّ نَفْسٍ إِلاَّ عَلَيْهَا وَلاَ تَزِرُ وَازِرَةٌ وِزْرَ أُخْرَى ثُمَّ إِلَى رَبِّكُم مَّرْجِعُكُمْ فَيُنَبِّئُكُم بِمَا كُنتُمْ فِيهِ تَخْتَلِفُونَ {164}" الأنعام
2- التعريف بالدار الآخرة
تلاقي القرآن في الفترة دي مركز جدا على وصف الآخرة..
اعرفوا يا مسلمين انتو رايحين فين بالظبط..
اعرف انت عايش في الدنيا ليه اساسا و هاتتحاسب ازاي في الآخرة..
شوف الآخرة بعينك.. عيشها..
افتكرها دايما..
" وَمَا قَدَرُوا اللَّهَ حَقَّ قَدْرِهِ وَالْأَرْضُ جَمِيعًا قَبْضَتُهُ يَوْمَ الْقِيَامَةِ وَالسَّماوَاتُ مَطْوِيَّاتٌ بِيَمِينِهِ سُبْحَانَهُ وَتَعَالَى عَمَّا يُشْرِكُونَ (67) وَنُفِخَ فِي الصُّورِ فَصَعِقَ مَنْ فِي السَّمَاوَاتِ وَمَنْ فِي الْأَرْضِ إِلَّا مَنْ شَاءَ اللَّهُ ثُمَّ نُفِخَ فِيهِ أُخْرَى فَإِذَا هُمْ قِيَامٌ يَنْظُرُونَ (68) وَأَشْرَقَتِ الْأَرْضُ بِنُورِ رَبِّهَا وَوُضِعَ الْكِتَابُ وَجِيءَ بِالنَّبِيِّينَ وَالشُّهَدَاءِ وَقُضِيَ بَيْنَهُمْ بِالْحَقِّ وَهُمْ لَا يُظْلَمُونَ (69) وَوُفِّيَتْ كُلُّ نَفْسٍ مَا عَمِلَتْ وَهُوَ أَعْلَمُ بِمَا يَفْعَلُونَ (70) وَسِيقَ الَّذِينَ كَفَرُوا إِلَى جَهَنَّمَ زُمَرًا حَتَّى إِذَا جَاءُوهَا فُتِحَتْ أَبْوَابُهَا وَقَالَ لَهُمْ خَزَنَتُهَا أَلَمْ يَأْتِكُمْ رُسُلٌ مِنْكُمْ يَتْلُونَ عَلَيْكُمْ آَيَاتِ رَبِّكُمْ وَيُنْذِرُونَكُمْ لِقَاءَ يَوْمِكُمْ هَذَا قَالُوا بَلَى وَلَكِنْ حَقَّتْ كَلِمَةُ الْعَذَابِ عَلَى الْكَافِرِينَ (71) قِيلَ ادْخُلُوا أَبْوَابَ جَهَنَّمَ خَالِدِينَ فِيهَا فَبِئْسَ مَثْوَى الْمُتَكَبِّرِينَ (72) وَسِيقَ الَّذِينَ اتَّقَوْا رَبَّهُمْ إِلَى الْجَنَّةِ زُمَرًا حَتَّى إِذَا جَاءُوهَا وَفُتِحَتْ أَبْوَابُهَا وَقَالَ لَهُمْ خَزَنَتُهَا سَلَامٌ عَلَيْكُمْ طِبْتُمْ فَادْخُلُوهَا خَالِدِينَ (73) وَقَالُوا الْحَمْدُ لِلَّهِ الَّذِي صَدَقَنَا وَعْدَهُ وَأَوْرَثَنَا الْأَرْضَ نَتَبَوَّأُ مِنَ الْجَنَّةِ حَيْثُ نَشَاءُ فَنِعْمَ أَجْرُ الْعَامِلِينَ (74) وَتَرَى الْمَلَائِكَةَ حَافِّينَ مِنْ حَوْلِ الْعَرْشِ يُسَبِّحُونَ بِحَمْدِ رَبِّهِمْ وَقُضِيَ بَيْنَهُمْ بِالْحَقِّ وَقِيلَ الْحَمْدُ لِلَّهِ رَبِّ الْعَالَمِينَ (75) " الزُمَر.
سبحان من هذا كلامه..
تحس كأنك هناك... كأنك عايش اللحظات دي.. كأنك شايف أهل النار.. و أهل الجنة..
تشوف عذاب أهل النار.. فتخشى عذاب الله..
و تشوف نعيم أهل الجنة فترجو ثواب الله..
و تبدأ الآيات تكلمهم عن الجنة..
توصفلهم ما أعد الله سبحانه و تعالى للمتقين من عباده في الآخرة..
تقولهم ان الجنة مالهاش مثيل.. و فيها ما لا عين رأت.. ولا أذن سمعت.. ولا خطر على قلب بشر..
" فَلَا تَعْلَمُ نَفْسٌ مَّا أُخْفِيَ لَهُم مِّن قُرَّةِ أَعْيُنٍ جَزَاء بِمَا كَانُوا يَعْمَلُونَ {17}"السجدة.
هو ايه يا رب ماكانوا يعملون؟؟ كانوا بيعملوا ايه عشان يستحقوا الثواب العظيم ده؟؟
" تَتَجَافَى جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفاً وَطَمَعاً وَمِمَّا رَزَقْنَاهُمْ يُنفِقُونَ {16} فَلَا تَعْلَمُ نَفْسٌ مَّا أُخْفِيَ لَهُم مِّن قُرَّةِ أَعْيُنٍ جَزَاء بِمَا كَانُوا يَعْمَلُونَ {17}"سورة السجدة.
تقولهم ان الجنة درجات و مراتب.. حسب تفاوت الناس في تقواهم في الدنيا..
" وَمَنْ يَأْتِهِ مُؤْمِناً قَدْ عَمِلَ الصَّالِحَاتِ فَأُوْلَئِكَ لَهُمُ الدَّرَجَاتُ الْعُلَى {75}"سورة طه.
" انظُرْ كَيْفَ فَضَّلْنَا بَعْضَهُمْ عَلَى بَعْضٍ وَلَلآخِرَةُ أَكْبَرُ دَرَجَاتٍ وَأَكْبَرُ تَفْضِيلاً {21}"الإسراء
" لَكِنِ الَّذِينَ اتَّقَوْا رَبَّهُمْ لَهُمْ غُرَفٌ مِّن فَوْقِهَا غُرَفٌ مَّبْنِيَّةٌ تَجْرِي مِن تَحْتِهَا الْأَنْهَارُ وَعْدَ اللَّهِ لَا يُخْلِفُ اللَّهُ الْمِيعَادَ {20}" الزمر.
و ان الجنة فيها أنهار.. ليست كأنهار الدنيا.. أنهار عجيبة..
" مَثَلُ الْجَنَّةِ الَّتِي وُعِدَ الْمُتَّقُونَ فِيهَا أَنْهَارٌ مِّن مَّاء غَيْرِ آسِنٍ وَأَنْهَارٌ مِن لَّبَنٍ لَّمْ يَتَغَيَّرْ طَعْمُهُ وَأَنْهَارٌ مِّنْ خَمْرٍ لَّذَّةٍ لِّلشَّارِبِينَ وَأَنْهَارٌ مِّنْ عَسَلٍ مُّصَفًّى وَلَهُمْ فِيهَا مِن كُلِّ الثَّمَرَاتِ وَمَغْفِرَةٌ مِّن رَّبِّهِمْ... {15}" محمد.
و مش أنهار بس.. لأ عيون كمان..
" إِنَّ الْمُتَّقِينَ فِي جَنَّاتٍ وَعُيُونٍ {45}الحجر
" إِنَّ الْمُتَّقِينَ فِي ظِلَالٍ وَعُيُونٍ {41}" المرسلات
" إِنَّ الْأَبْرَارَ يَشْرَبُونَ مِن كَأْسٍ كَانَ مِزَاجُهَا كَافُوراً {5} عَيْناً يَشْرَبُ بِهَا عِبَادُ اللَّهِ يُفَجِّرُونَهَا تَفْجِيراً {6}" الإنسان
" إِنَّ الْأَبْرَارَ لَفِي نَعِيمٍ {22} عَلَى الْأَرَائِكِ يَنظُرُونَ {23} تَعْرِفُ فِي وُجُوهِهِمْ نَضْرَةَ النَّعِيمِ {24} يُسْقَوْنَ مِن رَّحِيقٍ مَّخْتُومٍ {25} خِتَامُهُ مِسْكٌ وَفِي ذَلِكَ فَلْيَتَنَافَسِ الْمُتَنَافِسُونَ {26} وَمِزَاجُهُ مِن تَسْنِيمٍ {27} عَيْناً يَشْرَبُ بِهَا الْمُقَرَّبُونَ {28}" المطففين
" وَيُسْقَوْنَ فِيهَا كَأْساً كَانَ مِزَاجُهَا زَنجَبِيلاً {17} عَيْناً فِيهَا تُسَمَّى سَلْسَبِيلاً {18}" الإنسان
5_أشجار الجنة:و فيها أشجار.. يسير الراكب الجواد في ظلها مائة عام..
" و ظل ممدود(3)" الواقعة
و لهم فيها ماتشتهيه أنفسهم من المأكل و المشرب و لهم فيها من كل الثمرات..
" يُطَافُ عَلَيْهِم بِصِحَافٍ مِّن ذَهَبٍ وَأَكْوَابٍ وَفِيهَا مَا تَشْتَهِيهِ الْأَنفُسُ وَتَلَذُّ الْأَعْيُنُ وَأَنتُمْ فِيهَا خَالِدُونَ {71} وَتِلْكَ الْجَنَّةُ الَّتِي أُورِثْتُمُوهَا بِمَا كُنتُمْ تَعْمَلُونَ {72} لَكُمْ فِيهَا فَاكِهَةٌ كَثِيرَةٌ مِنْهَا تَأْكُلُونَ {73}" الزخرف
و هم فيها مطهرون من دنس الدنيا..
يقول النبي "ص":
((أول زمرة تدخل الجنة من أمتي على صورة القمر ليلة البدر، ثم الذين يلونهم على أشد نجم في السماء إضاءةً، ثم هم بعد ذلك منازلٌ ، لا يتغوَّطُون، ولا يبولون، ولا يَمْتخِطُونَ، ولا يَبْزُقُون ".
على صورة القمر..
و شوف جمال المؤمنات في الجنة..
يقول النبي "ص":
"ولو أن امرأةً من أهل الجنة اطَّلعت إلى أهل الأرض، لأضاءت ما بينهما ولملأته ريحًا، ولنصيفُها- خمارها- على رأسها خير من الدنيا وما فيها".
و يلبسون فيها أفخر الثياب و يتزينون بأفخر الحلي..
" جَنَّاتُ عَدْنٍ يَدْخُلُونَهَا يُحَلَّوْنَ فِيهَا مِنْ أَسَاوِرَ مِن ذَهَبٍ وَلُؤْلُؤاً وَلِبَاسُهُمْ فِيهَا حَرِيرٌ {33} وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ إِنَّ رَبَّنَا لَغَفُورٌ شَكُورٌ {34} الَّذِي أَحَلَّنَا دَارَ الْمُقَامَةِ مِن فَضْلِهِ لَا يَمَسُّنَا فِيهَا نَصَبٌ وَلَا يَمَسُّنَا فِيهَا لُغُوبٌ {35}" فاطر
" أُوْلَئِكَ لَهُمْ جَنَّاتُ عَدْنٍ تَجْرِي مِن تَحْتِهِمُ الْأَنْهَارُ يُحَلَّوْنَ فِيهَا مِنْ أَسَاوِرَ مِن ذَهَبٍ وَيَلْبَسُونَ ثِيَاباً خُضْراً مِّن سُندُسٍ وَإِسْتَبْرَقٍ مُّتَّكِئِينَ فِيهَا عَلَى الْأَرَائِكِ نِعْمَ الثَّوَابُ وَحَسُنَتْ مُرْتَفَقاً {31}" الكهف
و هم فيها يتزاورون.. و يتجالسون..
بيزوروا بعض.. و بيجتمعوا مع بعض يتسامروا و يتكلموا و يضحكوا..
" وَنَزَعْنَا مَا فِي صُدُورِهِم مِّنْ غِلٍّ إِخْوَاناً عَلَى سُرُرٍ مُّتَقَابِلِينَ {47}" الحجر
و يقعدوا سوا يفتكروا ذكريات الدنيا.. و ازاي تعبوا في الدنيا.. و ازاي ربنا أنعم عليهم بما هم فيه..
" وَأَقْبَلَ بَعْضُهُمْ عَلَى بَعْضٍ يَتَسَاءلُونَ {25} قَالُوا إِنَّا كُنَّا قَبْلُ فِي أَهْلِنَا مُشْفِقِينَ {26} فَمَنَّ اللَّهُ عَلَيْنَا وَوَقَانَا عَذَابَ السَّمُومِ {27} إِنَّا كُنَّا مِن قَبْلُ نَدْعُوهُ إِنَّهُ هُوَ الْبَرُّ الرَّحِيمُ {28}" الطور
و كل واحد يفتكر اللي كان يعرفهم في الدنيا.. و يفتكر اللي صدوه في دعوته.. و تعبوه.. و ماصدقوهوش....
فاكر فلان.. ايه حاله دلوقت؟..
" فَأَقْبَلَ بَعْضُهُمْ عَلَى بَعْضٍ يَتَسَاءلُونَ {50} قَالَ قَائِلٌ مِّنْهُمْ إِنِّي كَانَ لِي قَرِينٌ {51} يَقُولُ أَئِنَّكَ لَمِنْ الْمُصَدِّقِينَ {52} أَئِذَا مِتْنَا وَكُنَّا تُرَاباً وَعِظَاماً أَئِنَّا لَمَدِينُونَ {53} قَالَ هَلْ أَنتُم مُّطَّلِعُونَ {54} فَاطَّلَعَ فَرَآهُ فِي سَوَاء الْجَحِيمِ {55} قَالَ تَاللَّهِ إِنْ كِدتَّ لَتُرْدِينِ {56} وَلَوْلَا نِعْمَةُ رَبِّي لَكُنتُ مِنَ الْمُحْضَرِينَ {57} أَفَمَا نَحْنُ بِمَيِّتِينَ {58} إِلَّا مَوْتَتَنَا الْأُولَى وَمَا نَحْنُ بِمُعَذَّبِينَ {59} إِنَّ هَذَا لَهُوَ الْفَوْزُ الْعَظِيمُ {60} لِمِثْلِ هَذَا فَلْيَعْمَلْ الْعَامِلُونَ {61}" الصافات
يااااه..
كل ده؟..
لأ و لسة....
يقول الحبيب "ص" :
" إذا دخل أهل الجنةِ الجنةَ، يقول اللّهُ تبارك وتعالى: تريدون شيئًا أزيدُكم؟ فيقولون: ألم تُبَيِّضْ وجوهَنا؟! ألم تُدْخِلْنا الجنة، وتُنَجِّنا من النار؟! قال: فَيكْشفُ الحجابَ، فما أُعْطوا شيئًا أحبَّ إليهم من النظر إلى ربهم تبارك وتعالى "..
بس كده؟..
لأ لسة..
يقول النبي "ص":
" إن الله تعالى يقول لأهل الجنة: يا أهل الجنة، فيقولون: لبيك ربنا وَسَعْدَيْكَ، والخير كله في يَدَيْك، فيقول: هل رَضِيتم؟ فيقولون: وما لنا لا نرضى يا رب وقد أعطيتنا ما لم تُعطِ أحدًا من خلقك؟ فيقول: ألا أعطيكم أفضلَ من ذلك؟ فيقولون: يا رب! وأيّ شيء أفضل من ذلك؟ فيقول: أُحِلُّ عليكم رضواني فلا أسخطُ عليكم بعده أبدًا".
"جَنَّاتُ عَدْنٍ يَدْخُلُونَهَا يُحَلَّوْنَ فِيهَا مِنْ أَسَاوِرَ مِن ذَهَبٍ وَلُؤْلُؤاً وَلِبَاسُهُمْ فِيهَا حَرِيرٌ {33} وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ إِنَّ رَبَّنَا لَغَفُورٌ شَكُورٌ {34}" فاطر
سبحان الله..
القرآن بيصورلك الجنة كأنك شايفها فعلا و عايش فيها..
الناس دي شافت الجنة .. في القرآن.. عاشت فيها.. بالقرآن..
عشان كده اشتاقولها..
اشتاقوا لـ
" أُحِلُّ عليكم رضواني فلا أسخطُ عليكم بعده أبدًا"
و بنفس القوة و الوضوح دول..
القرآن وصفلهم النار..فبقوا كأنهم شايفينها..
وصفلهم طعام أهل النار.. و لبسهم.. و شربهم..
"لَّيْسَ لَهُمْ طَعَامٌ إِلَّا مِن ضَرِيعٍ {6} لَا يُسْمِنُ وَلَا يُغْنِي مِن جُوعٍ {7}" الغاشية
"إِنَّ شَجَرَةَ الزَّقُّومِ {43} طَعَامُ الْأَثِيمِ {44} كَالْمُهْلِ يَغْلِي فِي الْبُطُونِ {45} كَغَلْيِ الْحَمِيمِ {46}" الدخان
"أَذَلِكَ خَيْرٌ نُّزُلاً أَمْ شَجَرَةُ الزَّقُّومِ {62} إِنَّا جَعَلْنَاهَا فِتْنَةً لِّلظَّالِمِينَ {63} إِنَّهَا شَجَرَةٌ تَخْرُجُ فِي أَصْلِ الْجَحِيمِ {64} طَلْعُهَا كَأَنَّهُ رُؤُوسُ الشَّيَاطِينِ {65}" الصافات
"ثُمَّ إِنَّكُمْ أَيُّهَا الضَّالُّونَ الْمُكَذِّبُونَ {51} لَآكِلُونَ مِن شَجَرٍ مِّن زَقُّومٍ {52} فَمَالِؤُونَ مِنْهَا الْبُطُونَ {53} فَشَارِبُونَ عَلَيْهِ مِنَ الْحَمِيمِ {54} فَشَارِبُونَ شُرْبَ الْهِيمِ {55}" الواقعة
تخيل.. الجوء يقطع أمعائهم.. فمايلاقوش قدامهم غير الزقوم.. فياكلوه..
يحصل ايه؟.. يشبعوا؟.. لأ يقطع أمعائهم أكتر.. و تكاد حلوقهم تجف من العطش..عاوزين يشربوا بعد اللي كلوه ده..
فمايلاقوش قدامهم غير الحميم..
"كَمَنْ هُوَ خَالِدٌ فِي النَّارِ وَسُقُوا مَاء حَمِيماً فَقَطَّعَ أَمْعَاءهُمْ {15}" محمد
"وَتَرَى الْمُجْرِمِينَ يَوْمَئِذٍ مُّقَرَّنِينَ فِي الأَصْفَادِ {49} سَرَابِيلُهُم مِّن قَطِرَانٍ وَتَغْشَى وُجُوهَهُمْ النَّارُ {50}"
سرابيلهم من قطران...
لبسهم من النحاس المذاب..
يعرضون على النار مرتين كل يوم.. الى ان تقوم الساعة.. و يدخلوها..
شوفوا بعنيكم.. مش ماكنتوش مصدقين في الدنيا؟.. اهي.. شوفوها بنفسكم.. و في الآخرة هاتدخلوها بنفسكم.. و مش خارجين منها..
"النَّارُ يُعْرَضُونَ عَلَيْهَا غُدُوّاً وَعَشِيّاً وَيَوْمَ تَقُومُ السَّاعَةُ أَدْخِلُوا آلَ فِرْعَوْنَ أَشَدَّ الْعَذَابِ {46}" غافر
يُسحبون فيها على وجوههم..
"يَوْمَ يُسْحَبُونَ فِي النَّارِ عَلَى وُجُوهِهِمْ ذُوقُوا مَسَّ سَقَرَ {48}" القمر
و تسود فيها وجوههم..
"....كَأَنَّمَا أُغْشِيَتْ وُجُوهُهُمْ قِطَعاً مِّنَ اللَّيْلِ مُظْلِماً أُوْلَـئِكَ أَصْحَابُ النَّارِ هُمْ فِيهَا خَالِدُونَ {27}" يونس
و تغشاهم النار و يحيط بهم العذاب من كل جانب..
"لَهُم مِّن جَهَنَّمَ مِهَادٌ وَمِن فَوْقِهِمْ غَوَاشٍ وَكَذَلِكَ نَجْزِي الظَّالِمِينَ {41}" الأعراف
"يَوْمَ يَغْشَاهُمُ الْعَذَابُ مِن فَوْقِهِمْ وَمِن تَحْتِ أَرْجُلِهِمْ وَيَقُولُ ذُوقُوا مَا كُنتُمْ تَعْمَلُونَ {55}" العنكبوت
و لهم فيها حسرات.. حين لا ينفع الندم..
"وَلَوْ أَنَّ لِكُلِّ نَفْسٍ ظَلَمَتْ مَا فِي الأَرْضِ لاَفْتَدَتْ بِهِ وَأَسَرُّواْ النَّدَامَةَ لَمَّا رَأَوُاْ الْعَذَابَ وَقُضِيَ بَيْنَهُم بِالْقِسْطِ وَهُمْ لاَ يُظْلَمُونَ {54}" يونس
"وَإِذَا أُلْقُوا مِنْهَا مَكَاناً ضَيِّقاً مُقَرَّنِينَ دَعَوْا هُنَالِكَ ثُبُوراً {13} لَا تَدْعُوا الْيَوْمَ ثُبُوراً وَاحِداً وَادْعُوا ثُبُوراً كَثِيراً {14}" الفرقان
ساعتها... يعلو الصراخ.. و يشتد العويل..
خرجنا منها يارب..
يارب خرجنا منها و هانعبدك حق عبادتك و نستقيم على طاعتك..
بس خرجنا منها..
خرجنا منها..
"وَهُمْ يَصْطَرِخُونَ فِيهَا رَبَّنَا أَخْرِجْنَا نَعْمَلْ صَالِحاً غَيْرَ الَّذِي كُنَّا نَعْمَلُ...." فاطر 37
فيجيلهم الرد من الله..
"...أَوَلَمْ نُعَمِّرْكُم مَّا يَتَذَكَّرُ فِيهِ مَن تَذَكَّرَ وَجَاءكُمُ النَّذِيرُ فَذُوقُوا فَمَا لِلظَّالِمِينَ مِن نَّصِيرٍ {37}" فاطر..
مش عشتوا فيها بما يكفي؟..
مش أرسلتكم النذر..
أرسلت الأنبياء و معاهم كلامي..
مش كان عندك كاااام مصحف في البيت.. و مصحف متعلق في العربية.. و مصحف في الشغل..
ولا فتحتهم... ولا فهمتهم... ولا عملت بما فيهم...
"وَقَالُوا لَوْ كُنَّا نَسْمَعُ أَوْ نَعْقِلُ مَا كُنَّا فِي أَصْحَابِ السَّعِيرِ {10}" الملك
ياريتنا سمعنا.. ياريتنا فهمنا.. مكانش ده بقى حالنا...
"رَبَّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُونَ {107}" المؤمنون..
طب يا رب غلطنا.. و عرفنا غلطنا.. خرجنا منها و مش هانعمل كده تاني...
"قَالَ اخْسَؤُوا فِيهَا وَلَا تُكَلِّمُونِ {108}" المؤمنون
و فريق آخر..
ماعرفش ربنا لا في الدنيا.. ولا في الآخرة..
حتى في الآخرة بيستنجد بالملائكة.. مابيستنجدش بالله..
"وَقَالَ الَّذِينَ فِي النَّارِ لِخَزَنَةِ جَهَنَّمَ ادْعُوا رَبَّكُمْ يُخَفِّفْ عَنَّا يَوْماً مِّنَ الْعَذَابِ {49}" غافر
"قَالُوا أَوَلَمْ تَكُ تَأْتِيكُمْ رُسُلُكُم بِالْبَيِّنَاتِ قَالُوا بَلَى قَالُوا فَادْعُوا وَمَا دُعَاء الْكَافِرِينَ إِلَّا فِي ضَلَالٍ {50}" غافر
مش ربنا أرسلكم الرسل؟؟..ايوة..
طب ادعوا بقى.. و شوفوا مين يستجيبلكم..
لم تستجيبوا لداعي الله في الدنيا.. فلا يستجاب لكم في الآخرة..
"وَنَادَوْا يَا مَالِكُ لِيَقْضِ عَلَيْنَا رَبُّكَ....." الزخرف 77
طب يامالك.. ياخازن النار.. ماتدعيلنا ربك يموتنا خالص.. يقضي علينا..
" قَالَ إِنَّكُم مَّاكِثُونَ {77} لَقَدْ جِئْنَاكُم بِالْحَقِّ وَلَكِنَّ أَكْثَرَكُمْ لِلْحَقِّ كَارِهُونَ {78} " الزخرف
الصحابة اتربوا على الكلام ده..
كانوا شايفين الجنة.. و شايفين النار.. و عارفن انهم كلهم هايموتوا لامحالة.. و هايتحاسبوا..
و القبر.. يا اما روضة من رياض الجنة.. يا اما حفرة من حفر النار..
فعاشوا و هما مستشعرين المعاني دي و حاسينها.. فعملوا حسابها..
اشتاقوا الى الجنة.. و اتقوا عذاب النار..
3- القضاء و القدر
و من الأمور اللي غرسها النبي"ص" في قلوب الصحابة.. مفهوم القضاء و القدر..
" إِنَّا كُلَّ شَيْءٍ خَلَقْنَاهُ بِقَدَرٍ {49}" القمر
" الَّذِي لَهُ مُلْكُ السَّمَاوَاتِ وَالْأَرْضِ وَلَمْ يَتَّخِذْ وَلَداً وَلَمْ يَكُن لَّهُ شَرِيكٌ فِي الْمُلْكِ وَخَلَقَ كُلَّ شَيْءٍ فَقَدَّرَهُ تَقْدِيراً {2}" الفرقان
و مراتب القضاء و القدر..
ان علم الله سبحانه و تعالى محيط بكل شئ..
" وَمَا تَكُونُ فِي شَأْنٍ وَمَا تَتْلُو مِنْهُ مِن قُرْآنٍ وَلاَ تَعْمَلُونَ مِنْ عَمَلٍ إِلاَّ كُنَّا عَلَيْكُمْ شُهُوداً إِذْ تُفِيضُونَ فِيهِ وَمَا يَعْزُبُ عَن رَّبِّكَ مِن مِّثْقَالِ ذَرَّةٍ فِي الأَرْضِ وَلاَ فِي السَّمَاء وَلاَ أَصْغَرَ مِن ذَلِكَ وَلا أَكْبَرَ إِلاَّ فِي كِتَابٍ مُّبِينٍ {61} يونس
و ان كل شئ مكتوب و محصى..
" إِنَّا نَحْنُ نُحْيِي الْمَوْتَى وَنَكْتُبُ مَا قَدَّمُوا وَآثَارَهُمْ وَكُلَّ شَيْءٍ أحْصَيْنَاهُ فِي إِمَامٍ مُبِينٍ {12}"يس
و ان مشيئة الله سبحانه و تعالى نافذة ولا يعجزه شئ..
" أَوَلَمْ يَسِيرُوا فِي الْأَرْضِ فَيَنظُرُوا كَيْفَ كَانَ عَاقِبَةُ الَّذِينَ مِن قَبْلِهِمْ وَكَانُوا أَشَدَّ مِنْهُمْ قُوَّةً وَمَا كَانَ اللَّهُ لِيُعْجِزَهُ مِن شَيْءٍ فِي السَّمَاوَاتِ وَلَا فِي الْأَرْضِ إِنَّهُ كَانَ عَلِيماً قَدِيراً {44}"فاطر
و ان الله سبحانه و تعالى هو خالق كل شئ
" ذَلِكُمُ اللّهُ رَبُّكُمْ لا إِلَـهَ إِلاَّ هُوَ خَالِقُ كُلِّ شَيْءٍ فَاعْبُدُوهُ وَهُوَ عَلَى كُلِّ شَيْءٍ وَكِيلٌ {102}" الأنعام
كل المعاني دي غرست في قلوب الصحابة.. فكانت النتيجة انهم خلصوا تماما من الشرك.. لأنهم آمنوا ان الله سبحانه و تعالى هو النافع الضار.. و المعز المذل..و الرافع الخافض..هو الله وحده سبحانه و تعالى..
و لما آمنوا بالقضاء و القدر أيقنوا ان الآجال و الأعمار بيد الله..و أن لكل نفس كتاباً.. فكانوا شجعاناً.. لا يهابون الموت..
و كانوا صابرين.. محتسبين..
و حققوا سكون القلب و طمأنينة النفس..و راحة البال..
و كانوا أعزة..نفوسهم عزيزة.. تحرروا من عبودية المخلوقين..لأنهم علموا يقينا ان رزقهم بيد الله سبحانه و تعالى.. و أيقنوا انه لن تموت نفس حتى تستوفي رزقها
فتوجهوا بقلوبهم الى رب العالمين.. و تحرروا من مطامع الدنيا. و التكالب على الدنيا..
4- السنن الكونية:
من الأمور المهمة اللي النبي "ص" ربى الصحابة عليها في الفترة دي.. ان حياتنا كبشر..بتحكمها سنن و قوانين..
كل شئ في هذا الكون له سنن و قوانين..
و الإنسان عشان يوصل لنتيجة معينة لازم يعرف الطريق المؤدي للنتيجة دي.. يعرف القانون.. يمشي عليه.. فيوصل للنتيجة..
قبل اختراع الطيارة.. الإنسان كانت حياته كلها على الأرض.. و السما للطيور فقط..
لكن لما الإنسان اجتهد.. و اكتشف قوانين الطيران و قدر يخترع الآلة اللي يطير بيها.. طار..
كذلك بناء الدول و تربية الأمم و الشعوب.. مسألة ليها قوانين.. و سنن.. الأمور مابتحصلش صدف.. دي نتائج مترتبة على مقدمات..
هذه القوانين.. اسمها "السنن الربانية" هي أحكام الله الثابته التي يخضع لها الكون..
ازاي النبي "ص" اتعامل مع السنن دي؟ و ازاي استخدمها عشان يوصل للنتيجة المأمولة و يحقق الهدف الذي اصطفاه الله سبحانه و تعالى من أجله؟..
محتاجين نعرف الموضوع ده.. لأن من حكمة الله سبحانه و تعالى انه شاء ان الدين ده و الأمة دي في أيامها الأولى تعتمد على السنن الجارية.. الطبيعية.. لا السنن الخارقة ولا المعجزات..
عشان مانجيش احنا نقول ان النبى "ص" و الصحابة انتصروا بالمعجزات.. و احنا مافيش في ايدينا معجزات.. يبقى مانقدرش نعمل حاجة..
اللي يتأمل في آيات القرآن... يلاقيها مليانة بالإشارات الى سنن الله سبحانه و تعالى.. التي لا تتغير ولا تتبدل.. قوانين ثابتة..
بتقول يا مسلمين.. القوانين اهي قدامكم..
مش فاضل غير انك تاخدوا بالأسباب بس.. خدوا بالأسباب..
" قَدْ خَلَتْ مِن قَبْلِكُمْ سُنَنٌ فَسِيرُواْ فِي الأَرْضِ فَانْظُرُواْ كَيْفَ كَانَ عَاقِبَةُ الْمُكَذَّبِينَ {137}" آل عمران
ولم يذكرها أحيانًا أخرى نصًّا، وانما فهمت من النص دلالة وفحوى.
" وَلَقَدِ اسْتُهْزِئَ بِرُسُلٍ مِّن قَبْلِكَ فَحَاقَ بِالَّذِينَ سَخِرُواْ مِنْهُم مَّا كَانُواْ بِهِ يَسْتَهْزِئُونَ {10}" الأنعام
وذكرها تارة مضافة إلى اللَّه تباركت وتقدست أسماؤه ،
" فَلَمْ يَكُ يَنفَعُهُمْ إِيمَانُهُمْ لَمَّا رَأَوْا بَأْسَنَا سُنَّتَ اللَّهِ الَّتِي قَدْ خَلَتْ فِي عِبَادِهِ وَخَسِرَ هُنَالِكَ الْكَافِرُونَ {85}" غافر
وذكرها تارة أخرى مضافةً إلى أقوام.
"... إِلَّا أَن تَأْتِيَهُمْ سُنَّةُ الْأَوَّلِينَ ...{55}" الكهف
و فعلا.. أخذ النبي "ص" و الصحابة بالأسباب.. فنصرهم الله..
و تقاعسنا عن الأخذ بالأسباب و انتظرنا المهدي.. ولا جاء المهدي.. ولا جاء النصر..
و احنا بندرس السيرة هانلاقي النبي "ص" بيتعامل مع هذه السنن.. و بيوظفها..
لازم نعرف السنن دي و نوظفها و نستخدمها.. لأن سنن الله سبحانه و تعالى زي ماقلنا ثابتة..
مابتحابيش حد على حساب حد....
" فَهَلْ يَنظُرُونَ إِلَّا سُنَّتَ الْأَوَّلِينَ فَلَن تَجِدَ لِسُنَّتِ اللَّهِ تَبْدِيلاً وَلَن تَجِدَ لِسُنَّتِ اللَّهِ تَحْوِيلاً {43}" فاطر
عشان كده لازم نفهم القوانين دي كويس جدا.. عشان نقدر نفهم التاريخ..
لأسف دلوقت احنا بندرس التاريخ كأننا بنشرح جثة ميت..
لأ.. عاوزين نحيى التاريخ.. باننا ننظر اليه في اطار سنن الله سبحانه و تعالى.. تعلم منه.. نفهم..
نستقرئ و نتدبر..
" يُرِيدُ اللّهُ لِيُبَيِّنَ لَكُمْ وَيَهْدِيَكُمْ سُنَنَ الَّذِينَ مِن قَبْلِكُمْ وَيَتُوبَ عَلَيْكُمْ وَاللّهُ عَلِيمٌ حَكِيمٌ {26}" النساء،.
نعرف ايه اللي يبني الأمم.. ايه عوامل الأمن و الإستقرار و التقدم..
و ايه اللي يهدم الأمم.. ايه عوامل الإنحطاط و السقوط و التخلف..
و محتاجين نتعلم ان السنن و القوانين دي مابتشتغلش لوحدها.. محتاجة اننا نتحرك و نعمل و نستغلها..
باب قدامنا.. مستنينا نروح لحد عنده و نفتحه.. مش هايجيلنا لحد عندنا و يفتح نفسه..
و الباب قدام الكل.. أي حد يفتحه و يستغله سواء مسلم أو غير مسلم.. بيتفتحله..
الشمس بتطلع لك يوم للمسلم و غير المسلم..
ماحدش بيتحكم فيها..
مابتتأخرش في الشروق عشان واحد مزاجه ينام له ساعة والا ساعتين زيادة..
القوانين.. مابتحابيش حد على حساب حد..
و طول ماحنا ماشيين في السيرة هانشوف الكلام ده واضح جدا في المسلمين الأوائل..
ازاي بنوا الأمة دي..
النبي "ص" هو و المسلمين الأوائل بيواجهوا الجاهلية في العالم كله..
بيواجهوا مجتمع قريش الجاهلي..
مجتمع كامل.. له قيمه و أفكاره و تصوراته و عاداته و تقاليده..
مجتمع متوالي متناسق متعاون..
مجتمع بيحافظ على وجوده و بيدافع عن كيانه..
فالنبي "ص" مابيواجهش مجرد فكرة كده هايناقش فيها الناس و خلاص هاتنتهي المسألة..
يا جماعة قولوا "لا اله الا الله".. و خلاص خلصت المسألة..
لأ
ده انت عشان تصلح المجتمع ده و بالتالي تصلح الدنيا كلها..
محتاج تنشئ مجتمع تاني..
تجمع تاني..
تجمع له أفكار و تصورات تانية تماما..
مجتمع بقيادة رسول الله "ص"..
مجتمع يتمثل هذا الدين في حياته.. يحول العقيدة لأفعال في حياة الناس.. مش مجرد نظريات..
فلو جينا نشوف بعض السنن دي و ازاي النبي "ص" اتبعها..
1- سنة التدرج..
يعني ايه سنة التدرج..
يعني يا مسلمين الطريق طويل..
الأمة دي عشان تتبنى .. مش هاتتبنى في يوم و ليلة..
و خصوصا في عصر ظهر في الفساد في البر و البحر..
فنلاقي الدعوة تبدا.. خطوة.. خطوة..
تبدأ في السر.. بالإصطفاء.. و التأسيس و التربية..
و بعدين تنتقل لمرحلة المواجهة و المقاومة..
و بعدها مرحلة النصر و التمكين..
و هكذا.. كل خطوة بتقود للخطوة اللي بعدها.. بتدرج..
مافيش حاجة في الدنيا بتحصل في يوم و ليلة..
إعادة بناء الأمة دي مش هاييجي في يوم و ليلة..
يلا يا جماعة نبني أمتنا من جديد.. يلا ماشي..
لأ..
ده النبي"ص" يقعد 13 سنة في مكة. تربية.. و تهيئة فكرية و نفسية و اجتماعية..تصحيح للعقيدة..
التدرج..
2-سنن: الابتلاء---< التمحيص---< التمكين
من أهم السنن اللي نبه عليها القرآن.. سنة الإبتلاء.. الإختبار..
"أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ {2} وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ {3} العنكبوت
سنة ثابته .. لدرجة الناس كانت تعرفها حتى من قبل الإسلام..
و شفنا ورقة بن نوفل ازاي نبه النبي "ص" ليها..
فقال للنبي "ص": يا ليتني فيها جذعًا، ليتني أكون حيًّا إذ يخرجك قومك، فيسأله النبي في تعجب: " أو مخرجي هم؟! " قال: نعم، لم يأت رجل قط بمثل ما جئت به إلا عودي.
طب ليه يا رب؟؟
ليه الإبتلاء و الإمتحان؟
تخيل معايا كده..
فيه قائد بيعد جنوده لخوض معركة صعبة..
ايه الأرحم و الأفضل للجنود دول؟.. انه يشد عليهم في التدريب؟؟ والا يتساهل معاهم؟؟
بالظبط.. ده من باب الإعداد.. و دي رحمة الله سبحانه و تعالى بعبيده.. انه يعدهم لحمل الرسالة..
المؤمنون هم حزب الله و جنوده.. و الله سبحانه و تعالى بيعدهم لخوض المعركة العظمى.. معركة الحق و الباطل..
يبقى الله سبحانه و تعالى بيبتلي عباده ليعدهم.. و يترتب على هذا الإبتلاء نتيجة... التمحيص..
يعني ايه؟..
المؤمن بيتعرض للإبتلاء و المحن.. فيصقل معدنه.. و ينضج كما ينضج الطعام بالنار..
و المنافق.. لا يستطيع الصبر على الإبتلاء..فينكص على عقبيه..
فيحصل ايه.. يتم تصفية و تنقية صفوف المؤمنين..
التمحيص هو المعبر اللي عن طريقه بننقي اللالئ الثمينة من الخرز الرخيص..
" مَا كَانَ اللَّهُ لِيَذَرَ الْمُؤْمِنِينَ عَلَى مَا أَنْتُمْ عَلَيْهِ حَتَّى يَمِيزَ الْخَبِيثَ مِنَ الطَّيِّبِ ... (179)" آل عمران
"... وَلِيَبْتَلِيَ اللَّهُ مَا فِي صُدُورِكُمْ وَلِيُمَحِّصَ مَا فِي قُلُوبِكُمْ وَاللَّهُ عَلِيمٌ بِذَاتِ الصُّدُورِ (154) " آل عمران.
يبقى قلنا ابتلاء.. يؤدي الى.. تمحيص..
طب و التمحيص؟.. يؤدي كذلك الى... التمكين..
أن يمكن الله سبحانه و تعالى للمؤمنين في الأرض بعد مايثبتوا جدارتهم.. بانهم يلجأوا لله سبحانه و تعالى وحده في أوقات المحن. و هم على يقين تام أن الله سبحانه و تعالى هاينصرهم.. بعد ما أخذوا بكل الأسباب و استفرغوا الجهد..
واخد بالك؟..
أمور بيترتب عليها أمور..
سلسلة حلقاتها مربوطة ببعض..
لا تمكين.. بلا تمحيص.. ولا تمحيص.. بلا ابتلاء..
طيب.. حصل التمكين و النصر من الله سبحانه و تعالى..
كده خلاص انتهى الموضوع؟؟
لأ..
احنا قلنا قوانين الله سبحانه و تعالى مابحابيش حد على حساب حد أبدا..
يوم مايغتر المؤمنين بالنصر.. اغترارهم ده مع الوقت بيؤدي الى حالة من الغفلة..
يوم ماتحصل الغفلة دي و الناس تنسى ازاي ابتلوا و محصوا و لجأوا الى الله فنصرهم الله..
يوم مايفتكروا انها هاتدوم عشانهم من غير مايستمروا بنفس الهمة و العزم..
يحصل ايه؟..
" أَفَرَأَيْتَ إِنْ مَتَّعْنَاهُمْ سِنِينَ (205) ثُمَّ جَاءَهُمْ مَا كَانُوا يُوعَدُونَ (206) مَا أَغْنَى عَنْهُمْ مَا كَانُوا يُمَتَّعُونَ (207)" الشعراء.يسلب منهم التمكين..
3-سنن: التغيير---< التداول---< النصر
التغيير...
يعني ايه سنة التغيير؟
ده قانون الهي..
ان التغيير يبدا من النفس..
عاوز حال المجتمع يتغير.. ابدا بنفسك.. ماتستناش حد..
عاوزه يتغير للأحسن.. غير نفسك للأحسن..
عاوزه يتغير للأسوأ.. ماتعملش حاجة خالص و هو هايتغير للأسوأ..
" ...إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ... (11)" الرعد..
ملاحظ العملية ماشية ازاي؟..
أسباب.. ربنا بيقولنا يا مسلمين خذوا بيها.. بيقولك الطريق اهو قدامك.. امشي فيه..
خدت بالأسباب؟.. طيب جميل.. سيب النتائج بقى على الله سبحانه و تعالى..
النتائج عمرها ماهاتيجي لوحدها.. لازم تبدأ انت..
على قد ماتبذل و تتحرك و تعمل في سبيل التغيير.. على قد ما يستخدمك الله سبحانه و تعالى و يغير بك الواقع..
" وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ (69)"العنكبوت.
بس بشرط انك تمشي صح.. تبدا بنفسك الأول.. عمرك ماهاتقدر تؤثر في اللي حواليك او تغيرهم اذا كنت مش قادر تؤثر في نفسك و تغيرها..
هانلاقي النبي "ص" بيتعامل مع السنة دي أو مع القانون ده بشكل واضح جدا..
النبي "ص" و الصحابة في مكة في فترة من أحلك فترات البشرية على الإطلاق.. زمن انتشر فيه الفساد في البر و البحر
و النبي "ص" و الصحابة مطلوب منهم يغيروا الواقع ده..
يعملوا ايه؟
يبدأوا بأنفسهم...
الواحد من المسلمين الأوائل.. كان يسلم و يشهد أن لا اله الا الله و أن محمد "ص" رسول الله.. و يرجع بيته يكسر الأصنام اللي عبدها طول عمره.. يغير حياته تماما..
و يمكن أكبر مثال للتغيير في النفس نلاقيه في واحد زي بلال بن رباح..
واحد عاش 30 سنة عبد.. خلاص.. اتعود.. بقت دي طبيعة حياته..
المفروض انه يكون شخص قمة في السلبية.. لأنه اتربى و عاش على انه عبد.. مالوش انه يقول رايه.. لأ.. مالوش انه يكون له رأي اساسا..
و تشوفه بعد اسلامه.. انسان تاني تماما..
انسان أخد موقف في حياته لأول مرة في حياته.. ياخد موقف.. و يقرر انه يغير نفسه ويغير حياته.. و يستحمل التعذيب و الإبتلاء في سبيل التغيير ده.. ولا يرجع عنه أبدا..
و تتعجب أكتر.. لما تلاقي ان أول من جهروا بإسلامهم في مكة.. 7..
طب و ايه العجيب في ده؟؟
انت عارف مين السبعة دول؟؟
النبي "ص".. و أبو بكررضى الله عنه و 5 من العبيد و المستضعفين..
تخيل..العبد اللي عاش حياته انسان سلبي تماما منقاد تماما.. يوم مايسلم يبقى بالإيجابية دي كلها؟؟ يحيا من تاني؟..
هو ده التغيير اللي بنتكلم عنه..
الناس دي نجحت في انها تغير نفسها.. فغير الله سبحانه و تعالى بهم التاريخ..
ومن السن المترتبة على التغيير..سنة "المداولة"..
يعني ايه؟..
مداولة الأيام بين الناس..
من الشدة إلى الرخاء، ومن الرخاء إلى الشدة، ومن النصر إلى الهزيمة، ومن الهزيمة إلى النصر،
" إِنْ يَمْسَسْكُمْ قَرْحٌ فَقَدْ مَسَّ الْقَوْمَ قَرْحٌ مِثْلُهُ وَتِلْكَ الْأَيَّامُ نُدَاوِلُهَا بَيْنَ النَّاسِ وَلِيَعْلَمَ اللَّهُ الَّذِينَ آَمَنُوا وَيَتَّخِذَ مِنْكُمْ شُهَدَاءَ وَاللَّهُ لَا يُحِبُّ الظَّالِمِينَ (140) " آل عمران.
طب ايه علاقتها دي بسنة التغيير؟؟؟
يقول الله تعالى..
" ذَلِكَ بِأَنَّ اللَّهَ لَمْ يَكُ مُغَيِّرًا نِعْمَةً أَنْعَمَهَا عَلَى قَوْمٍ حَتَّى يُغَيِّرُوا مَا بِأَنْفُسِهِمْ وَأَنَّ اللَّهَ سَمِيعٌ عَلِيمٌ (53)"الأنفال: 53
قانون عظيم بينبهنا الله سبحانه و تعالى له..
ان سقوط الحضارات أو قيامها.. و ارتفاع الأمم أو هبوطها.. مرتبط بتغيير الناس لأنفسهم.. ان كان خيرا .. فخير.. و ان كان شرا.. فشر..
قانون ثابت لا يتغير..ولا يتبدل..
ايه ده؟؟ يعني ممكن الكلام ده يحصل للمسلمين؟؟
ايوة..
فعن عبد اللَّه بن عمر انهََ قال: إن رسول اللَّه "ص" أقبل علينا بوجهه فقال:
" يا معشر المهاجرين! خمس خصال أعوذ باللَّه أن تدركوهن: ما ظهرت الفاحشة في قوم حتى أعلنوا بها إلا ابتلوا بالطواعن والأوجاع التي لم تكن في أسلافهم الذين مضوا، ولا نقص قوم المكيال إلا ابتلوا بالسنين وشدة المؤنة وجور السلطان، ولا خفر قوم العهد إلا سلط اللَّه عليهم عدوًّا من غيرهم فأخذوا بعض ما في أيديهم، وما لم تحكم أئمتهم بما أنزل اللَّه في كتابه إلا جعل اللَّه بأسهم بينهم!".
حتى يأتي نصر الله سبحانه و تعالى.. فيه شرط أساسي..هو الإستقامة على منهج الله سبحانه و تعالى ..
" يَا أَيُّهَا الَّذِينَ آَمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ (7) "محمد
" وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِينَ (171) إِنَّهُمْ لَهُمُ الْمَنْصُورُونَ (172) وَإِنَّ جُنْدَنَا لَهُمُ الْغَالِبُونَ (173)" الصافات.
واخد بالك من "عبادنا" و "جندنا"؟؟
عشان يحصل النصر..
لابد من التغيير. لازم نبقى عباد لله بجد.. لازم نبقى جند لله بجد..
نبقى فعلا منتمين لله سبحانه و تعالى..
لابد من الإلتزام..
الموضوع مش ماشي كده بركاوي..
" فَخَلَفَ مِن بَعْدِهِمْ خَلْفٌ وَرِثُواْ الْكِتَابَ يَأْخُذُونَ عَرَضَ هَـذَا الأدْنَى وَيَقُولُونَ سَيُغْفَرُ لَنَا وَإِن يَأْتِهِمْ عَرَضٌ مِّثْلُهُ يَأْخُذُوهُ أَلَمْ يُؤْخَذْ عَلَيْهِم مِّيثَاقُ الْكِتَابِ أَن لاَّ يِقُولُواْ عَلَى اللّهِ إِلاَّ الْحَقَّ وَدَرَسُواْ مَا فِيهِ وَالدَّارُ الآخِرَةُ خَيْرٌ لِّلَّذِينَ يَتَّقُونَ أَفَلاَ تَعْقِلُونَ {169}" الأعراف.
محتاجين نعيش الإسلام بجد.. محتاجين نقرا قرآننا و نطبق اللي فيه..
اعرف ان كدبة.. أو تقصير في شغلك أو دراستك.. أو غيبة .. أو نميمة..
أو أي أمر من الأمور اللي الناس بقت بتعتبرها شئ عادي جدا في حياتها.. ممكن تكون هي السبب في تأخر النصر..
ممكن يكون السبب في تأخر النصر انك مابتصليش الفجر في وقته في المسجد..
ممكن حاجات كتير..
كل واحد فينا محتاج يراجع نفسه.. لأن كل واحد فينا مسئول أمام الله سبحانه و تعالى مسئولية فردية عن الواقع اللي احنا عايشينه..
ابدأ بنفسك.. يغير بك الله سبحانه و تعالى الدنيا..
طب.. لو خدنا بالأسباب... و عملنا فعلا.. و غيرنا من أنفسنا و من واقعنا.. لكن كان أعدائنا أكثر كفاءة و قوة و عدد و عدة.. ننتصر برضه؟؟
ايوة.. هنا بقى تيجي سنة تانية.. و قانون تاني من قوانين الله سبحانه و تعالى..
قانون "وعد الله بالنصر"..
ربنا سبحانه و تعالى وعدنا بالنصر. تصدق ربنا والا ماتصدقوش؟؟
" وَكَانَ حَقّاً عَلَيْنَا نَصْرُ الْمُؤْمِنِينَ {47}" الروم
" وَلَن يَجْعَلَ اللّهُ لِلْكَافِرِينَ عَلَى الْمُؤْمِنِينَ سَبِيلاً {141}"النساء
" إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ {51}"غافر.
النصر جاي جاي.. يقينا.. بس ناخد بالأسباب.. و مانيأسش أبدا.. هاييجي مهما اتأخر.. ده ربنا وعد يا جماعة..
" حَتَّى إِذَا اسْتَيْأَسَ الرُّسُلُ وَظَنُّواْ أَنَّهُمْ قَدْ كُذِبُواْ جَاءهُمْ نَصْرُنَا فَنُجِّيَ مَن نَّشَاء وَلاَ يُرَدُّ بَأْسُنَا عَنِ الْقَوْمِ الْمُجْرِمِينَ {110}"يوسف.
4-سنة: الإعداد
إعداد النفوس للجهاد في سبيل الله..
فالله سبحانه و تعالى لن يرفع عن المسلمين حال الذل و المهانة اللي هما فيه إلا بأنهم يحيوا هذه المعاني في نفوسهم..
معاني العزة و الكرامة بالإسلام.. و معاني الجهاد.. لقول النبىِ "ص":
" إذا تبايعتم بالعينة، وأخذتم بأذناب البقر، ورضيتم بالزرع، وتركتم الجهاد في سبيل اللَّه، سلَّط اللَّه عليكم ذلّا، لا ينزعه عنكم حتى ترجعوا إلى دينكم ".
وتتجلى سنة الإعداد في قوله تعالى:
" وَأَعِدُّواْ لَهُم مَّا اسْتَطَعْتُم مِّن قُوَّةٍ وَمِن رِّبَاطِ الْخَيْلِ تُرْهِبُونَ بِهِ عَدْوَّ اللّهِ وَعَدُوَّكُمْ وَآخَرِينَ مِن دُونِهِمْ لاَ تَعْلَمُونَهُمُ اللّهُ يَعْلَمُهُمْ وَمَا تُنفِقُواْ مِن شَيْءٍ فِي سَبِيلِ اللّهِ يُوَفَّ إِلَيْكُمْ وَأَنتُمْ لاَ تُظْلَمُونَ {60}" الأنفال.يا مسلمين .. أعدوا.. أعدوا.. "ما استطعتم".. ابذلوا أقصى جهدكم..
ليه يا رب؟
"ترهبون به عدو الله".. ايه ده؟؟ نبقى ارهابيين يعني؟؟
لأ.. ترهبون به عدو الله.. ماتعتدوش على حد.. و لكن ماحدش يستوطى حيط المسلمين..زي التعبير الدارج مابيقول..
لأ يبقى لك مكانة و هيبة .. لأنك قوي... لكن ماتعتديش على حد..
طب النداء ده لمين بالظبط؟؟
لكل مسلم..
انت و انا و انتي..
طب و انا بإيدي ايه اعمله؟؟؟؟..
بايدك كتييييييير..
بإيدك تفهم دينك كويس.. تتعلم دينك.. تتعلم قرآنك..
بإيدك تعد نفسك علمياً.. و تتفوق في دراستك.. بنية انك بتعد ما استطعت.. و تبقى و انت طالب في مدرستك أو كليتك مرابط في سبيل الله..
بإيدك تعد نفسك أخلاقيا.. تربي نفسك على أخلاق النبي "ص" و أخلاق الصحابة..
بإيدك تعد نفسك روحياً يبإنك تقوي صلتك بالله سبحانه و تعالى.. بإخلاص النية و التقرب الى الله بالطاعات.. من قيام ليل و تلاوة و حفظ القرآن.. كما كان النبي "ص" يربي الصحابة رضوان الله عليهم في مكة..
بإيدك نعد نفسك ماديا بإنك تنجح في حياتك... و في عملك..
بإيدك تعد نفسك بدنيا..بممارسة الرياضة..
بإيدك حاجات كتير جدا..
و كلنا مطالبين باننا نؤدي دورنا في الإعداد..
5-سنة: التدافع
يعني ايه؟..
يعني سنة الصراع بين الحق و الباطل..
صراع مستمر الى يوم القيامة...
و ده للي سأل في سنة "الإعداد".. إحنا ليه بنعد اساسا؟..
بنعد لأن الباطل عمره ماهايسيب الحق في حاله.. لأن فيه دايما صراع مابينهم..فلازم يكون الحق دايما جاهز و مستعد للصراع..لإقرار الحق.
" الَّذِينَ آمَنُواْ يُقَاتِلُونَ فِي سَبِيلِ اللّهِ وَالَّذِينَ كَفَرُواْ يُقَاتِلُونَ فِي سَبِيلِ الطَّاغُوتِ فَقَاتِلُواْ أَوْلِيَاء الشَّيْطَانِ إِنَّ كَيْدَ الشَّيْطَانِ كَانَ ضَعِيفاً {76}" النساء.
5- أصل الإنسان:
نظرة الإنسان لنفسه.. ليها تأثير قوي جدا على حياته..
و مازال الإنسان من يوم ما اتخلق و هو بيتخبط في نظرته لنفسه..
أحيانا يبالغ و يتكبر.. و يتجبر..كما نادى فرعون..
" فَقَالَ أَنَا رَبُّكُمُ الْأَعْلَى {24}" النازعات
انا مش عبد... انا حر.. انا ماحدش له حاجة عندي.. ماحدش يحاسبني...
"ما علمت لكم من إله غيري"..
و أحيانا يعمل العكس.. يحط من نفسه و من قدره فيحس انه أدنى و أحقر كائن في الوجود.. فيوطي راسه و يسجد لحجر... أو شجر.. أو نهر أو جبل.. أو حيوان..
فيه ناس بتسجد للفئران!!
و ييجي القرآن يقولك..
انا مش عرفتك بالله؟.. طب تعالى أما اعرفك بنفسك بقى يا انسان..
يا انسان.. انت ليك أصلين.. أصل بعيد.. و هو أبوك آدم.. و ده اتخلق من طين..
و أصل قريب.. اللي هو الخلق المستمر بعد كده من نطفة.. ماء مهين..
"الَّذِي أَحْسَنَ كُلَّ شَيْءٍ خَلَقَهُ وَبَدَأَ خَلْقَ الْإِنسَانِ مِن طِينٍ {7} ثُمَّ جَعَلَ نَسْلَهُ مِن سُلَالَةٍ مِّن مَّاء مَّهِينٍ {8} ثُمَّ سَوَّاهُ وَنَفَخَ فِيهِ مِن رُّوحِهِ وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ قَلِيلاً مَّا تَشْكُرُونَ {9}"شفت يا انسان انت في الأصل ايه؟
نطفة...ماء مهين..أصل حقير جدا..
اصلك حيوان مجهري من ضمن آلاف الحيوانات.. ربنا يختاره هو اللي يلتقي بالبويضة و يكون أول خلية.. و باقي الآلاف من الحيوانات نهايتها تكون في دورة المياه.. و كان ممكن انت تكون واحد منهم...
شفت الأصل وضيع قد ايه؟..
بس استنى..
الأصل صحيح وضيع.. ربنا خلقك كده عشان ماتتجبرش..
أنعم عليك ابتداءا بانه خلقك و ادالك الحياة..
بس كده؟.. الف حمد و شكر ليك يا رب..
لأ.. استنى..
ده ربنا كمان.. كرمك..
كرمني؟؟.. ازاي..
شوف يا انسان ربنا كرمك ازاي..
كرمك بانه خلقك بايديه..
"إِذْ قَالَ رَبُّكَ لِلْمَلَائِكَةِ إِنِّي خَالِقٌ بَشَراً مِن طِينٍ {71} فَإِذَا سَوَّيْتُهُ وَنَفَخْتُ فِيهِ مِن رُّوحِي فَقَعُوا لَهُ سَاجِدِينَ {72} فَسَجَدَ الْمَلَائِكَةُ كُلُّهُمْ أَجْمَعُونَ {73} إِلَّا إِبْلِيسَ اسْتَكْبَرَ وَكَانَ مِنْ الْكَافِرِينَ {74} قَالَ يَا إِبْلِيسُ مَا مَنَعَكَ أَن تَسْجُدَ لِمَا خَلَقْتُ بِيَدَيَّ أَسْتَكْبَرْتَ أَمْ كُنتَ مِنَ الْعَالِينَ {75} "ص
و كرمك بانه خلقك في أحسن صورة.. و أحسن تقويم..
"خَلَقَ السَّمَاوَاتِ وَالْأَرْضَ بِالْحَقِّ وَصَوَّرَكُمْ فَأَحْسَنَ صُوَرَكُمْ وَإِلَيْهِ الْمَصِيرُ {3}" التغابن
و كرمك بانه اداك عقل.. و اداك علم.. و علمك ازاي تنطق و تتكلم..
"الرَّحْمَنُ {1} عَلَّمَ الْقُرْآنَ {2} خَلَقَ الْإِنسَانَ {3} عَلَّمَهُ الْبَيَانَ {4} الرحمن
و كرمك بأنه سخرلك الكون كله..
"وَسَخَّرَ لَكُمُ اللَّيْلَ وَالْنَّهَارَ وَالشَّمْسَ وَالْقَمَرَ وَالْنُّجُومُ مُسَخَّرَاتٌ بِأَمْرِهِ إِنَّ فِي ذَلِكَ لَآيَاتٍ لِّقَوْمٍ يَعْقِلُونَ {12} النحل
"وَسَخَّرَ لَكُم مَّا فِي السَّمَاوَاتِ وَمَا فِي الْأَرْضِ جَمِيعاً مِّنْهُ إِنَّ فِي ذَلِكَ لَآيَاتٍ لَّقَوْمٍ يَتَفَكَّرُونَ {13}" الجاثية
و كرمك بانه فضلك على سائر الخلق..
"وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى كَثِيرٍ مِّمَّنْ خَلَقْنَا تَفْضِيلاً {70}" الإسراء
و كرمك بانه ماسابكش في الدنيا كده تضيع فيها.. لأ .. أرسلك الرسل و الأنبياء.. عشان يدلوك عليه.. عشان يهدوك لطريقه..
"قَالَ اهْبِطَا مِنْهَا جَمِيعاً بَعْضُكُمْ لِبَعْضٍ عَدُوٌّ فَإِمَّا يَأْتِيَنَّكُم مِّنِّي هُدًى فَمَنِ اتَّبَعَ هُدَايَ فَلَا يَضِلُّ وَلَا يَشْقَى {123}" طه
و كرمك بانه خلاك عبد ليه هو بس.. مافيش حد تاني تخضعله الا الله..
مافيش حد تاني تذل له الا الله.. ماخلاش حد يخضعك و يذللك.. زي مانت بخضع و تذلل الحيوان مثلا..
"وَلَقَدْ بَعَثْنَا فِي كُلِّ أُمَّةٍ رَّسُولاً أَنِ اعْبُدُواْ اللّهَ وَاجْتَنِبُواْ الطَّاغُوتَ فَمِنْهُم مَّنْ هَدَى اللّهُ وَمِنْهُم مَّنْ حَقَّتْ عَلَيْهِ الضَّلالَةُ فَسِيرُواْ فِي الأَرْضِ فَانظُرُواْ كَيْفَ كَانَ عَاقِبَةُ الْمُكَذِّبِينَ {36}" النحل
و كرمك أروع تكريم.. بانه خلاك أهل لأنه يحبك.. و دلك على الطريق.. قالك تعمل ايه بالظبط عشان يحبك..
"مَنْ عَمِلَ صَالِحاً مِّن ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُم بِأَحْسَنِ مَا كَانُواْ يَعْمَلُونَ {97}" النحل
و كرمك بانه حفظك.. و رعاك..
"وَإِنَّ عَلَيْكُمْ لَحَافِظِينَ {10}" الإنفطار
"إِن كُلُّ نَفْسٍ لَّمَّا عَلَيْهَا حَافِظٌ {4} الطارق
6- تاريخ الإنسان :
طيب يا انسان.. عرفت ربك؟.. و عرفت نفسك؟.. طب ماتيجي اعرفك تاريخك بقى؟؟
كان النبي "ص" من خلال القرآن بيعلم الصحابة تاريخ الإنسان.. و حكايته مع ألد أعداءه.. الشيطان..
"يَا بَنِي آدَمَ لاَ يَفْتِنَنَّكُمُ الشَّيْطَانُ كَمَا أَخْرَجَ أَبَوَيْكُم مِّنَ الْجَنَّةِ يَنزِعُ عَنْهُمَا لِبَاسَهُمَا لِيُرِيَهُمَا سَوْءَاتِهِمَا إِنَّهُ يَرَاكُمْ هُوَ وَقَبِيلُهُ مِنْ حَيْثُ لاَ تَرَوْنَهُمْ إِنَّا جَعَلْنَا الشَّيَاطِينَ أَوْلِيَاء لِلَّذِينَ لاَ يُؤْمِنُونَ {27} الأعراف
ليه يا رب؟؟؟؟
أصله..
"قَالَ أَنظِرْنِي إِلَى يَوْمِ يُبْعَثُونَ {14} قَالَ إِنَّكَ مِنَ المُنظَرِينَ {15} قَالَ فَبِمَا أَغْوَيْتَنِي لأَقْعُدَنَّ لَهُمْ صِرَاطَكَ الْمُسْتَقِيمَ {16} ثُمَّ لآتِيَنَّهُم مِّن بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَانِهِمْ وَعَن شَمَآئِلِهِمْ وَلاَ تَجِدُ أَكْثَرَهُمْ شَاكِرِينَ {17}" الأعراف
يا خبر!!!
احنا لا تجد أكثرنا شاكرين؟.. طب هانشوف..
فالصحابة اتربوا على المعنى ده. معنى.. "إعرف عدوك"
فكانت عداوة الشيطان ليهم و حرصه على إضلالهم في حسهم حقيقة.. يقين..
كانوا كأنهم شايفينه و هو بيأتيهم من بين أيديهم.. و من خلفهم.. و عن أيمانهم..و عن شمائلهم..
كأنهم شايفينه و هو بيوسوسلهم..
فكانوا دايما واخدين بالهم جدا و منتبهين من خطوات العدو ده..
فكانوا بيسدوا عليه كل الطرق اللي ممكن يدخلهم منها.. بإيه؟.. بالمسارعة في الخيرات..
و اتعلموا ده من القرآن برضه..
"فَإِذَا قَرَأْتَ الْقُرْآنَ فَاسْتَعِذْ بِاللّهِ مِنَ الشَّيْطَانِ الرَّجِيمِ {98} إِنَّهُ لَيْسَ لَهُ سُلْطَانٌ عَلَى الَّذِينَ آمَنُواْ وَعَلَى رَبِّهِمْ يَتَوَكَّلُونَ {99} إِنَّمَا سُلْطَانُهُ عَلَى الَّذِينَ يَتَوَلَّوْنَهُ وَالَّذِينَ هُم بِهِ مُشْرِكُونَ {100}" النحل
دي قصة سيدنا آدم مع الشيطان.. اللي بنقراها كتير في القرآن و بنعتبرها مجرد قصة..
لكن بالنسبة للصحابة ماكانتش مجرد قصة.. كان ليها أثر عميق جدا عليهم..
عرفتهم هما جم منين.. و رايحين فين.. و عايشين على الأرض يعملوا ايه بالظبط..
ايه دورهم.. و ايه العقبات و المشاكل اللي هاتقابلهم.. و ازاي يتخطوا العقبات دي و يتغلبوا عليها..
عرفتهم قد ايه الإنسان ضعيف يوم ماينسى ربه .. و قد ايه الإنسان محتاج للتوكل على الله.. عشان يكفيه شر عدوه.. الشيطان..
شافوا ده في تكريم الله سبحانه و تعالى لآدم.. بانه خلى الملائكة تسجد له.. و طرد ابليس من الجنة لأنه رفض يسجد لآدم..
و أمر آدم و حواء بانهم مايقربوش من شجرة معينة.. و حذرهم من ان الشيطان هايحاول يضحك عليهم عشان يخرجهم من الجنة..
"وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ أَبَى {116} فَقُلْنَا يَا آدَمُ إِنَّ هَذَا عَدُوٌّ لَّكَ وَلِزَوْجِكَ فَلَا يُخْرِجَنَّكُمَا مِنَ الْجَنَّةِ فَتَشْقَى {117} طه
و بالرغم من كل ده..
برضه الشيطان قدر يخدع آدم و حواء و أوقعهم في المعصية .. فأخرجهم من الجنة..
القصة دي كانت مخيفة جدا في حس الصحابة..
اتعلموا منها انهم مايفتكروش انهم خلاص بقى عرفوا مكايد الشيطان و مش هايقدر يضحك عليهم و انهم يقدروا يواجهوه لوحدهم.. لأ.. لابد من التوكل على الله و الإستعانة بالله لمواجهته..
"إِنَّ عِبَادِي لَيْسَ لَكَ عَلَيْهِمْ سُلْطَانٌ وَكَفَى بِرَبِّكَ وَكِيلاً {65}" الإسراء
و اتعلموا انهم حتى لو وقعوا في المعصية.. فدي مش نهاية الدنيا..
لأ.. باب التوبة و الإستغفار مفتوح دايما..
"فَدَلاَّهُمَا بِغُرُورٍ فَلَمَّا ذَاقَا الشَّجَرَةَ بَدَتْ لَهُمَا سَوْءَاتُهُمَا وَطَفِقَا يَخْصِفَانِ عَلَيْهِمَا مِن وَرَقِ الْجَنَّةِ وَنَادَاهُمَا رَبُّهُمَا أَلَمْ أَنْهَكُمَا عَن تِلْكُمَا الشَّجَرَةِ وَأَقُل لَّكُمَا إِنَّ الشَّيْطَآنَ لَكُمَا عَدُوٌّ مُّبِينٌ {22} قَالاَ رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ {23}"الأعراف
ندم شديد و اعتراف بالذنب فورا.."ظلمنا أنفسنا"..
و توبة خالصة لله.." وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ"
و اتعلموا منها خطورة الحسد و الكبر..
ان الذنوب كلها بدأت بالكبر.. استكبار ابليس على انه يمتثل لأمر الله سبحانه و تعالى بالسجود لآدم .."أنا خير منه"..
فقال "ص" :
" لا يدخلُ الجنَةَ من كَان في قلبه مثقالُ ذَرَّةٍ من كِبْرٍ"
عشان كده كان الصحابة أبعد خلق الله عن جراثيم الحسد و الكبر..
كانوا أبعد الناس عن الحديث عن النفس.. لأنهم استشعروا خطورة ده في "أنا خير منه"..
اتعلموا ده من
" الَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ إِلَّا اللَّمَمَ إِنَّ رَبَّكَ وَاسِعُ الْمَغْفِرَةِ هُوَ أَعْلَمُ بِكُمْ إِذْ أَنشَأَكُم مِّنَ الْأَرْضِ وَإِذْ أَنتُمْ أَجِنَّةٌ فِي بُطُونِ أُمَّهَاتِكُمْ فَلَا تُزَكُّوا أَنفُسَكُمْ هُوَ أَعْلَمُ بِمَنِ اتَّقَى {32} النجم
و اتعلموا ان مافيش تفاضل بشئ إلا بالطاعة.. ابليس اغتر بأصله..
"... قَالَ أَنَاْ خَيْرٌ مِّنْهُ خَلَقْتَنِي مِن نَّارٍ وَخَلَقْتَهُ مِن طِينٍ {12}" الأعراف.
و كانت نهايته ايه؟...
و اتعلموا ان ابليس هو العدو الأول ليهم.. فاتخذوه عدوا كما أمرهم الله سبحاته و تعالى..
" إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوّاً إِنَّمَا يَدْعُو حِزْبَهُ لِيَكُونُوا مِنْ أَصْحَابِ السَّعِيرِ {6} فاطر
دي حقيقة الشيطان يا مسلمين..
فخلوا بالكم منه..
هو قاعدلكم بالمرصاد.. شايفكم و انتوا بتعدوا نفسكم لبناء هذه الأمة.. مش هايسيبكم ..
هايحاول يوقع بينكم.. فماتدولوش فرصة لده أبدا..
" وَقُل لِّعِبَادِي يَقُولُواْ الَّتِي هِيَ أَحْسَنُ إِنَّ الشَّيْطَانَ يَنزَغُ بَيْنَهُمْ إِنَّ الشَّيْطَانَ كَانَ لِلإِنْسَانِ عَدُوّاً مُّبِيناً {53}" الإسراء
7- الكون
طيب يا مسلمين.. عرفتوا ربكم.. و عرفتوا نفسكم.. وعرفتوا تاريخكم؟..
تعالوا بقى اما اعرفكم بالكون من حواليكم..
" قُلْ أَئِنَّكُمْ لَتَكْفُرُونَ بِالَّذِي خَلَقَ الْأَرْضَ فِي يَوْمَيْنِ وَتَجْعَلُونَ لَهُ أَندَاداً ذَلِكَ رَبُّ الْعَالَمِينَ {9} وَجَعَلَ فِيهَا رَوَاسِيَ مِن فَوْقِهَا وَبَارَكَ فِيهَا وَقَدَّرَ فِيهَا أَقْوَاتَهَا فِي أَرْبَعَةِ أَيَّامٍ سَوَاء لِّلسَّائِلِينَ {10} ثُمَّ اسْتَوَى إِلَى السَّمَاء وَهِيَ دُخَانٌ فَقَالَ لَهَا وَلِلْأَرْضِ اِئْتِيَا طَوْعاً أَوْ كَرْهاً قَالَتَا أَتَيْنَا طَائِعِينَ {11} فَقَضَاهُنَّ سَبْعَ سَمَاوَاتٍ فِي يَوْمَيْنِ وَأَوْحَى فِي كُلِّ سَمَاء أَمْرَهَا وَزَيَّنَّا السَّمَاء الدُّنْيَا بِمَصَابِيحَ وَحِفْظاً ذَلِكَ تَقْدِيرُ الْعَزِيزِ الْعَلِيمِ {12} فصلت
و يكلمهم القرآن عن مظاهر في الكون...
الشمس و القمر و النجوم و الجبال.. وفوائدها..و ازاي ان الله سبحانه و تعالى الله أبدع في خلقها.. سينسفها نسفا يوم القيامة..
و تتكلم الآيات عن الرياح و السحب و المطر..
و ازاي ان الكون ده كله بيسبح لله سبحانه و تعالى :
" تُسَبِّحُ لَهُ السَّمَاوَاتُ السَّبْعُ وَالأَرْضُ وَمَن فِيهِنَّ وَإِن مِّن شَيْءٍ إِلاَّ يُسَبِّحُ بِحَمْدَهِ وَلَـكِن لاَّ تَفْقَهُونَ تَسْبِيحَهُمْ إِنَّهُ كَانَ حَلِيماً غَفُوراً {44} الإسراء
و تتكلم عن الحيوانات و ازاي ربنا سخرها للإنسان عشان يستفيد منها.. و ان لولا ان ربنا سبحانه و تعالى سخرها ليهم... لا يمكن كانوا يقدروا يستفيدوا منها..
" أَوَلَمْ يَرَوْا أَنَّا خَلَقْنَا لَهُمْ مِمَّا عَمِلَتْ أَيْدِينَا أَنْعَاماً فَهُمْ لَهَا مَالِكُونَ {71} وَذَلَّلْنَاهَا لَهُمْ فَمِنْهَا رَكُوبُهُمْ وَمِنْهَا يَأْكُلُونَ {72} وَلَهُمْ فِيهَا مَنَافِعُ وَمَشَارِبُ أَفَلَا يَشْكُرُونَ {73}" يس
و كلمهم القرآن عن ازاي ربنا سبحانه و تعالى بيرزق الحيوان..
الإنسان بيتعب و بيشقى عشان يحصل رزقه..و يقدر يخزن الرزق ده للمستقبل..
اما الحيوان.. ماعندوش عقل الإنسان.. ولا يقدر يخزن أكله.. ماعندوش تلاجات ولا نملية يخزن فيها الأكل..
و لكن بالرغم من ده.. ربنا بيرزقه..
" وَكَأَيِّن مِن دَابَّةٍ لَا تَحْمِلُ رِزْقَهَا اللَّهُ يَرْزُقُهَا وَإِيَّاكُمْ وَهُوَ السَّمِيعُ الْعَلِيمُ {60}" العنكبوت
" وَمَا مِن دَآبَّةٍ فِي الأَرْضِ إِلاَّ عَلَى اللّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا كُلٌّ فِي كِتَابٍ مُّبِينٍ {6} هود
شايفين يا مسلمين الكون ده كله؟..
و شايفين عظمة خلق الله؟..
اهو كل ده.. ولا حاجة..
كل ده مهما طال عليه الزمن.. فهو الى زوال.. الدنيا دي مش هاتدوم..
" إِنَّمَا مَثَلُ الْحَيَاةِ الدُّنْيَا كَمَاء أَنزَلْنَاهُ مِنَ السَّمَاءِ فَاخْتَلَطَ بِهِ نَبَاتُ الأَرْضِ مِمَّا يَأْكُلُ النَّاسُ وَالأَنْعَامُ حَتَّىَ إِذَا أَخَذَتِ الأَرْضُ زُخْرُفَهَا وَازَّيَّنَتْ وَظَنَّ أَهْلُهَا أَنَّهُمْ قَادِرُونَ عَلَيْهَا أَتَاهَا أَمْرُنَا لَيْلاً أَوْ نَهَاراً فَجَعَلْنَاهَا حَصِيداً كَأَن لَّمْ تَغْنَ بِالأَمْسِ كَذَلِكَ نُفَصِّلُ الآيَاتِ لِقَوْمٍ يَتَفَكَّرُونَ {24}" يونس
" اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الْأَمْوَالِ وَالْأَوْلَادِ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرّاً ثُمَّ يَكُونُ حُطَاماً وَفِي الْآخِرَةِ عَذَابٌ شَدِيدٌ وَمَغْفِرَةٌ مِّنَ اللَّهِ وَرِضْوَانٌ وَمَا الْحَيَاةُ الدُّنْيَا إِلَّا مَتَاعُ الْغُرُورِ {20}" الحديد
فلا تغرنكم الحياة الدنيا..
دي بعض المعاني اللي اتربى عليها الصحابة في دار الأرقم..
هي صحيح أفكار.. و لكن هانشوف بعد كده في السيرة ان شاء الله ازاي الأفكار دي حركتهم..
ازاي الأفكار دي كانت البداية..
و ازاي فكرة.. ممكن تبني أمة..
http://www.al-wed.com/pic-vb/811.gif
ان الحمد لله نحمده و نستعينه و نستهديه و نستغفره..
و نعوذ بالله من شرور أنفسنا و من سيئات أعمالنا..
من يهده الله فلا مضل له.. و من يضلل فلن تجد له وليا مرشدا..
و مازلنا مع سيرة الحبيب "ص"..
و اتكلمنا المرة اللي فاتت عن بداية الدعوة السرية..و المفروض نبدأ نتكلم عن الجهر بالدعوة..
لكن الحقيقة لقيت اننا محتاجين نقف شوية..
محتاجين نقعد شوية جوة دار الرقم...و نحس باللي كان بيحصل جواها..
الدعوة ماكانتش ماشية بان النبي "ص" يدعو واحد فيسلم و يشهد أن لا اله الا الله و أن محمدا رسول الله.. فيمسح النبي "ص" على راسه و يقول له خلاص.. روح.. بقيت مسلم...و غفر الله لك خطاياك..
ولا كان بيعمده زي النصارى...
امال كانت ماشية ازاي؟..
كان النبي"ص" بيزرع بذرة الإيمان في القلوب...
ثم يسهر عليها بالرعاية و التربية و التهذيب الى أن تنمو.. و تنمو.. و جذورها تثبت في القلوب.. و تنتشر فروعها و أغصانها في الجسم.. ثم تؤتي ثمارها..
الإسلام.. بيبني كيان الإنسان من أول و جديد.. بيبنيه من جواه.. لأن التغيير بيبدأ من الداخل..
يبنيه.. و يصبر عليه.. الى أن تكتمل عملية التحول و التغيير..
كانت دار الأرقم هي الحضانة..
أو هي الشرنقة.. التي احتضنت العذارى.. حتى تحولت الى فراشات..
الأيام بتمر على و الصحابة بيقيموا الليل.. لأن قيام الليل كان فرض في بداية الدعوة..
و النبي "ص" بيربيهم و يعلمهم و يصقل نفوسهم..
لدرجت أن النفوس شفَّت بدرجة عجيبة..
شفَّت الى درجة ان الصحابة كانوا بيأكلوا الطعام مع النبي "ص" و هم يسمعون تسبيح الطعام
ازاي حصل التحول ده؟؟
ده اللي محتاجين نفهمه..
حصل ده.. بقانون من قوانين الله الثابتة في الكون
.. "حتى يغيروا ما بأنفسهم"..
كانت البداية.. بان النبي "ص" عمل تغيير شامل في العقائد و الأفكار و التصور.. و المشاعر و الأخلاق.. في نفوس المسلمين الأوائل..
فتغيرت نفوس الصحابة الأوائل..
فبدأت الدنيا تتغير من حواليهم..
تغيرت المدينة.. ثم مكة.. ثم الجزيرة.. ثم بلاد فارس و الروم...
التغيير اللي بدأه النبي "ص" في نفوس الكام صحابي اللي بدا بيهم الدعوة..تحول في النهاية الى حركة تغيير عالمية.. تغير بها وجه الدنيا..
حتى عم الإسلام الأرض.. و أصبحت الدنيا تسبح الله و تذكر خالقها بالغدو و الآصال..
يبقى كانت البداية بالتغيير..
تغيير ايه بالظبط؟.. تغيير و تصحيح العقيدة..
و لما صححت العقيدة.. حيت القلوب..
(أوَ مَن كَانَ مَيْتا فاًحْيَيْنَاهُ وَجَعَلْنَا لَهُ نُورًا يَمْشِي بِهِ فِي النَّاسِ كَمَن مَّثَلُهُ فِي الظُّلُمَاتِ لَيْسَ بِخَارِجٍ منْهَا كَذَلِكَ زُيِّنَ لِلْكَافِرِينَ مَا كَانُوا يَعْمَلُون) (سورة الأنعام، آية: 122).
طب يعني ايه تصحيح العقيدة؟.. بايه يعني؟؟
ماهم قالوا لا اله الا الله محمد رسول الله..!!
ماهي دي المشكلة..
ان ناس كتير مش فاهمة يعني ايه عقيدة..يعني ايه فكرة تتحول الى قناعة تملك عليك وجدانك و كيانك.. و تبقى هي اللي بتتحكم في كل تصرفاتك..
يعني ايه فكرة ممكن تبني أمة.. و فكرة تانية مكن تهدمها..
عشان كده لقيت اننا فعلا محتاجين نقعد شوية جوة دار الأرقم.. مع الصحابة و النبي "ص" بيربيهم.. و يعلمهم..
نشوف كانوا بيتعلموا ايه بالظبط؟.. و ايه أثر ده في نفوسهم..
1- التعريف بالله
يبدأ النبي "ص" عن طريق القرآن يعرف المسلمين بالله سبحانه و تعالى..
ماهو ازاي هاتعبد رب انت ماتعرفهوش؟..
ازاي يعني؟.. هو العرب ماكانوش يعرفوا ربنا؟؟
ايوة..
دلوقت انا لو عندي اتنين.. سألت واحد.. قلتله .. تعرف سيد؟؟
قال ايوة اعرفه..
و سالت التاني .. تعرف سيد؟؟ قال ايوة اعرفه..
يبقى الإتنين يعرفوا سيد؟؟
لأ استنى..
تعالى نسأل الأولاني.. سيد ده شكله ايه؟.. هايقولك مثلا طويل و ابيضاني و عينيه عسلي و شعره بني..و اسمه سيد :)
و تعالى نسأل التاني.. سيد ده شكله ايه؟.. يقولك ده قصير و تخين و اسمراني و اصلع.. و اسمه سيد :)
يبقى الإتنين يعرفوا سيد؟؟
اليهود بيقولوا انهم بيعبدوا الله.. و النصارى بيقولوا انهم بيعبدوا الله..
و المسلمين بيقولوا انهم بيعبدوا الله..
تعالى نسأل اليهود .. الله اللي بتعبدوه ده.. صفاته ايه بالظبط؟؟
يقولوك ربنا.. بينسى.. و بيندم على انه خلق الإنسان..و بينزل يلاعب البشر مصارعة و يغلبوه.. و بيختار أسوأ البشر يخليهم أنبياء.. كل الأنبياء تقريبا في العهد القديم ملبسينهم تهم زنا محارم..
طيب. تعالى نسأل النصارى .. الله اللي بتعبدوه ده.. صفاته ايه بالظبط...
يقولك ربنا ابن.. لأ لأ.. ده أب.. لأ.. ده روح قدس.. لا يا عم لأ.. ده التلاتة سوا..
يقولك ربنا بينزل على الأرض و يتجسد في صورة بشر و يخرج من رحم امرأة .. و بيتختن.. و يرضع من ثدي أمه..
بيقولك ربنا بيصلبه البشر و بيقتلوه و بيضحي بنفسه عشان يفدي خطايا البشر..
ايه ده؟؟
هو ده ربنا؟؟
لأ ..
مش ده الإله اللي المسلمين بيعبدوه أبدا..
كذلك العرب قبل الإسلام..
كانوا بيقولوا ان ربنا فقير و محتاج.. و يقولوا ان الملائكة بنات الله.. و يجعلوا لله سبحانه و تعالى شركاء من الجن و من الأصنام..
هل هو ده الله؟؟ دي صفات الله اللي بنعبده؟؟
لأ..
عشان كده أول مايبدأ النبي "ص" يبدأ انه يعرف المسلمين بالله.. تعالوا نتعرف على الله سبحانه و تعالى.. اعرف صفاته.. اعرف اسمائه.. اعرف طبيعة علاقتك بيه ايه..
1- اعرف ان الله سبحانه و تعالى منزه عن النقائص.. ذو الكمال اللامتناهي... سبحانه.. لا شريك له.. وما اتخذ صاحبة ولا ولدا..
2-و ان هو اللي خلق كل شئ.. و له ملك كل شئ.. و هو مدبر الأمر.. سبحانه
" إِنَّ رَبَّكُمُ اللّهُ الَّذِي خَلَقَ السَّمَاوَاتِ وَالأَرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ يُغْشِي اللَّيْلَ النَّهَارَ يَطْلُبُهُ حَثِيثاً وَالشَّمْسَ وَالْقَمَرَ وَالنُّجُومَ مُسَخَّرَاتٍ بِأَمْرِهِ أَلاَ لَهُ الْخَلْقُ وَالأَمْرُ تَبَارَكَ اللّهُ رَبُّ الْعَالَمِينَ {54}" الأعراف.
3-و انه سبحانه و تعالى هو المنعم.. هو مصدر كل نعمة في الوجود.. مهما كانت صغيرة..
" وَمَا بِكُم مِّن نِّعْمَةٍ فَمِنَ اللّهِ ثُمَّ إِذَا مَسَّكُمُ الضُّرُّ فَإِلَيْهِ تَجْأَرُونَ {53} النحل.
4-و ان علمه محيط بكل شئ.. يعلم علم الغيب و الشهادة.. يعلم حتى انت بتفكر في ايه.. شايف افكارك.. مطلع على قلبك.. ولا تخفى عليه خافية في الأرض ولا السماء
" اللَّهُ الَّذِي خَلَقَ سَبْعَ سَمَاوَاتٍ وَمِنَ الْأَرْضِ مِثْلَهُنَّ يَتَنَزَّلُ الْأَمْرُ بَيْنَهُنَّ لِتَعْلَمُوا أَنَّ اللَّهَ عَلَى كُلِّ شَيْءٍ قَدِيرٌ وَأَنَّ اللَّهَ قَدْ أَحَاطَ بِكُلِّ شَيْءٍ عِلْماً {12}" الطلاق.
5-و انه سبحانه و تعالى عين على كل واحد منا ملائكة .. بيقيدوا عليك أعمالك..في كتاب لا يترك صغيرة ولا كبيرة إلا أحصاها..أعمالك كلها بتسجل عليك.. يا إما حسنات. يا إما سيئات.. و يوم القيامة تنشر الصحائف و تعرض الأعمال...
" مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ {18}" ق.
6-و ان الله سبحانه و تعالى يبتلي العباد ليختبر معادنهم:
" الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلاً وَهُوَ الْعَزِيزُ الْغَفُورُ {2} "الملك.
7- وأنه سبحانه يوفق ويؤيد وينصر من يلجأ إليه، ويلوذ بحماه و يستقيم على طاعته
" إِنَّ وَلِيِّـيَ اللّهُ الَّذِي نَزَّلَ الْكِتَابَ وَهُوَ يَتَوَلَّى الصَّالِحِينَ {196}" الأعراف.
8- وأنه- سبحانه وتعالى- حقه على العباد أن يعبدوه، ويوحدوه ولا يشركوا به شيئًا:
" بَلِ اللَّهَ فَاعْبُدْ وَكُن مِّنْ الشَّاكِرِينَ {66} "الزمر.
9- وأنه- سبحانه- حدد مضمون هذه العبودية، وهذا التوحيد في القرآن العظيم.. يعني قالنا ازاي نعبده.. و نوحده...
تخيل جيل بيتربى على المعاني دي..
ناس عرفوا الله سبحانه و تعالى حق المعرفة.. فعبدوا الله سبحانه و تعالى بمقتضى هذه المعرفة..
فعظموا الله سبحانه و تعالى في قلوبهم.. و أصبح رضى الله هو غاية أمانيهم..
و تخيل جيل اتربى على استشعار مراقبة الله.. انه حاسس.. بل موقن ان الله سبحانه وتعالى مطلع عليه في كل لحظة.. مش بس مطلع عليه.. لأ.. ده شايف هو بيفكر في ايه بالظبط..
تخيل واحد بيراقب أفكاره.. تيجي خاطرة أو فكرة على باله.. لأ لأ.. دي ماترضيش ربنا .. استغفر الله العظيم..
يا عمي هو انت عملت حاجة؟؟ دي مجرد فكرة.. لأ.. ولا حتى دي... ربنا سبحانه وتعالى مطلع عليا.. شايف حتى الفكرة دي..
و مادامت الفكرة دي أو الخاطر ده يغضب الله سبحانه و تعالى فهو يغضبني انا كمان..
جيل أحب الله سبحانه و تعالى.. فأحب ما يحب الله.. و بغض ما يبغض الله..
جيل تربى على توحيد الله في الوهيته.. فهو الإله سبحانه لا اله غيره.. و هو الوحيد المستحق للعبادة..
و على توحيد الله في ربوبيته.. فهو الرب سبحانه.. الرازق.. الخالق... المدبر.. المحيي.. المميت..
و على توحيد الله في أسمائه و صفاته.. بمعرفة صفات الله زي ماقلنا.. أنه عالم الغيب.. و أنه هو العظيم.. و أنه هو الحكيم.. و أنه هو الرحمن الرحيم..و أنه ليس كمثله شئ.. سبحانه..
جيل عاش لله لا يشرك معه أحدا لا في عمل ولا في معتقد..
" قُلْ إِنَّنِي هَدَانِي رَبِّي إِلَى صِرَاطٍ مُّسْتَقِيمٍ دِيناً قِيَماً مِّلَّةَ إِبْرَاهِيمَ حَنِيفاً وَمَا كَانَ مِنَ الْمُشْرِكِينَ {161} قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ {162} لاَ شَرِيكَ لَهُ وَبِذَلِكَ أُمِرْتُ وَأَنَاْ أَوَّلُ الْمُسْلِمِينَ {163} قُلْ أَغَيْرَ اللّهِ أَبْغِي رَبّاً وَهُوَ رَبُّ كُلِّ شَيْءٍ وَلاَ تَكْسِبُ كُلُّ نَفْسٍ إِلاَّ عَلَيْهَا وَلاَ تَزِرُ وَازِرَةٌ وِزْرَ أُخْرَى ثُمَّ إِلَى رَبِّكُم مَّرْجِعُكُمْ فَيُنَبِّئُكُم بِمَا كُنتُمْ فِيهِ تَخْتَلِفُونَ {164}" الأنعام
2- التعريف بالدار الآخرة
تلاقي القرآن في الفترة دي مركز جدا على وصف الآخرة..
اعرفوا يا مسلمين انتو رايحين فين بالظبط..
اعرف انت عايش في الدنيا ليه اساسا و هاتتحاسب ازاي في الآخرة..
شوف الآخرة بعينك.. عيشها..
افتكرها دايما..
" وَمَا قَدَرُوا اللَّهَ حَقَّ قَدْرِهِ وَالْأَرْضُ جَمِيعًا قَبْضَتُهُ يَوْمَ الْقِيَامَةِ وَالسَّماوَاتُ مَطْوِيَّاتٌ بِيَمِينِهِ سُبْحَانَهُ وَتَعَالَى عَمَّا يُشْرِكُونَ (67) وَنُفِخَ فِي الصُّورِ فَصَعِقَ مَنْ فِي السَّمَاوَاتِ وَمَنْ فِي الْأَرْضِ إِلَّا مَنْ شَاءَ اللَّهُ ثُمَّ نُفِخَ فِيهِ أُخْرَى فَإِذَا هُمْ قِيَامٌ يَنْظُرُونَ (68) وَأَشْرَقَتِ الْأَرْضُ بِنُورِ رَبِّهَا وَوُضِعَ الْكِتَابُ وَجِيءَ بِالنَّبِيِّينَ وَالشُّهَدَاءِ وَقُضِيَ بَيْنَهُمْ بِالْحَقِّ وَهُمْ لَا يُظْلَمُونَ (69) وَوُفِّيَتْ كُلُّ نَفْسٍ مَا عَمِلَتْ وَهُوَ أَعْلَمُ بِمَا يَفْعَلُونَ (70) وَسِيقَ الَّذِينَ كَفَرُوا إِلَى جَهَنَّمَ زُمَرًا حَتَّى إِذَا جَاءُوهَا فُتِحَتْ أَبْوَابُهَا وَقَالَ لَهُمْ خَزَنَتُهَا أَلَمْ يَأْتِكُمْ رُسُلٌ مِنْكُمْ يَتْلُونَ عَلَيْكُمْ آَيَاتِ رَبِّكُمْ وَيُنْذِرُونَكُمْ لِقَاءَ يَوْمِكُمْ هَذَا قَالُوا بَلَى وَلَكِنْ حَقَّتْ كَلِمَةُ الْعَذَابِ عَلَى الْكَافِرِينَ (71) قِيلَ ادْخُلُوا أَبْوَابَ جَهَنَّمَ خَالِدِينَ فِيهَا فَبِئْسَ مَثْوَى الْمُتَكَبِّرِينَ (72) وَسِيقَ الَّذِينَ اتَّقَوْا رَبَّهُمْ إِلَى الْجَنَّةِ زُمَرًا حَتَّى إِذَا جَاءُوهَا وَفُتِحَتْ أَبْوَابُهَا وَقَالَ لَهُمْ خَزَنَتُهَا سَلَامٌ عَلَيْكُمْ طِبْتُمْ فَادْخُلُوهَا خَالِدِينَ (73) وَقَالُوا الْحَمْدُ لِلَّهِ الَّذِي صَدَقَنَا وَعْدَهُ وَأَوْرَثَنَا الْأَرْضَ نَتَبَوَّأُ مِنَ الْجَنَّةِ حَيْثُ نَشَاءُ فَنِعْمَ أَجْرُ الْعَامِلِينَ (74) وَتَرَى الْمَلَائِكَةَ حَافِّينَ مِنْ حَوْلِ الْعَرْشِ يُسَبِّحُونَ بِحَمْدِ رَبِّهِمْ وَقُضِيَ بَيْنَهُمْ بِالْحَقِّ وَقِيلَ الْحَمْدُ لِلَّهِ رَبِّ الْعَالَمِينَ (75) " الزُمَر.
سبحان من هذا كلامه..
تحس كأنك هناك... كأنك عايش اللحظات دي.. كأنك شايف أهل النار.. و أهل الجنة..
تشوف عذاب أهل النار.. فتخشى عذاب الله..
و تشوف نعيم أهل الجنة فترجو ثواب الله..
و تبدأ الآيات تكلمهم عن الجنة..
توصفلهم ما أعد الله سبحانه و تعالى للمتقين من عباده في الآخرة..
تقولهم ان الجنة مالهاش مثيل.. و فيها ما لا عين رأت.. ولا أذن سمعت.. ولا خطر على قلب بشر..
" فَلَا تَعْلَمُ نَفْسٌ مَّا أُخْفِيَ لَهُم مِّن قُرَّةِ أَعْيُنٍ جَزَاء بِمَا كَانُوا يَعْمَلُونَ {17}"السجدة.
هو ايه يا رب ماكانوا يعملون؟؟ كانوا بيعملوا ايه عشان يستحقوا الثواب العظيم ده؟؟
" تَتَجَافَى جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفاً وَطَمَعاً وَمِمَّا رَزَقْنَاهُمْ يُنفِقُونَ {16} فَلَا تَعْلَمُ نَفْسٌ مَّا أُخْفِيَ لَهُم مِّن قُرَّةِ أَعْيُنٍ جَزَاء بِمَا كَانُوا يَعْمَلُونَ {17}"سورة السجدة.
تقولهم ان الجنة درجات و مراتب.. حسب تفاوت الناس في تقواهم في الدنيا..
" وَمَنْ يَأْتِهِ مُؤْمِناً قَدْ عَمِلَ الصَّالِحَاتِ فَأُوْلَئِكَ لَهُمُ الدَّرَجَاتُ الْعُلَى {75}"سورة طه.
" انظُرْ كَيْفَ فَضَّلْنَا بَعْضَهُمْ عَلَى بَعْضٍ وَلَلآخِرَةُ أَكْبَرُ دَرَجَاتٍ وَأَكْبَرُ تَفْضِيلاً {21}"الإسراء
" لَكِنِ الَّذِينَ اتَّقَوْا رَبَّهُمْ لَهُمْ غُرَفٌ مِّن فَوْقِهَا غُرَفٌ مَّبْنِيَّةٌ تَجْرِي مِن تَحْتِهَا الْأَنْهَارُ وَعْدَ اللَّهِ لَا يُخْلِفُ اللَّهُ الْمِيعَادَ {20}" الزمر.
و ان الجنة فيها أنهار.. ليست كأنهار الدنيا.. أنهار عجيبة..
" مَثَلُ الْجَنَّةِ الَّتِي وُعِدَ الْمُتَّقُونَ فِيهَا أَنْهَارٌ مِّن مَّاء غَيْرِ آسِنٍ وَأَنْهَارٌ مِن لَّبَنٍ لَّمْ يَتَغَيَّرْ طَعْمُهُ وَأَنْهَارٌ مِّنْ خَمْرٍ لَّذَّةٍ لِّلشَّارِبِينَ وَأَنْهَارٌ مِّنْ عَسَلٍ مُّصَفًّى وَلَهُمْ فِيهَا مِن كُلِّ الثَّمَرَاتِ وَمَغْفِرَةٌ مِّن رَّبِّهِمْ... {15}" محمد.
و مش أنهار بس.. لأ عيون كمان..
" إِنَّ الْمُتَّقِينَ فِي جَنَّاتٍ وَعُيُونٍ {45}الحجر
" إِنَّ الْمُتَّقِينَ فِي ظِلَالٍ وَعُيُونٍ {41}" المرسلات
" إِنَّ الْأَبْرَارَ يَشْرَبُونَ مِن كَأْسٍ كَانَ مِزَاجُهَا كَافُوراً {5} عَيْناً يَشْرَبُ بِهَا عِبَادُ اللَّهِ يُفَجِّرُونَهَا تَفْجِيراً {6}" الإنسان
" إِنَّ الْأَبْرَارَ لَفِي نَعِيمٍ {22} عَلَى الْأَرَائِكِ يَنظُرُونَ {23} تَعْرِفُ فِي وُجُوهِهِمْ نَضْرَةَ النَّعِيمِ {24} يُسْقَوْنَ مِن رَّحِيقٍ مَّخْتُومٍ {25} خِتَامُهُ مِسْكٌ وَفِي ذَلِكَ فَلْيَتَنَافَسِ الْمُتَنَافِسُونَ {26} وَمِزَاجُهُ مِن تَسْنِيمٍ {27} عَيْناً يَشْرَبُ بِهَا الْمُقَرَّبُونَ {28}" المطففين
" وَيُسْقَوْنَ فِيهَا كَأْساً كَانَ مِزَاجُهَا زَنجَبِيلاً {17} عَيْناً فِيهَا تُسَمَّى سَلْسَبِيلاً {18}" الإنسان
5_أشجار الجنة:و فيها أشجار.. يسير الراكب الجواد في ظلها مائة عام..
" و ظل ممدود(3)" الواقعة
و لهم فيها ماتشتهيه أنفسهم من المأكل و المشرب و لهم فيها من كل الثمرات..
" يُطَافُ عَلَيْهِم بِصِحَافٍ مِّن ذَهَبٍ وَأَكْوَابٍ وَفِيهَا مَا تَشْتَهِيهِ الْأَنفُسُ وَتَلَذُّ الْأَعْيُنُ وَأَنتُمْ فِيهَا خَالِدُونَ {71} وَتِلْكَ الْجَنَّةُ الَّتِي أُورِثْتُمُوهَا بِمَا كُنتُمْ تَعْمَلُونَ {72} لَكُمْ فِيهَا فَاكِهَةٌ كَثِيرَةٌ مِنْهَا تَأْكُلُونَ {73}" الزخرف
و هم فيها مطهرون من دنس الدنيا..
يقول النبي "ص":
((أول زمرة تدخل الجنة من أمتي على صورة القمر ليلة البدر، ثم الذين يلونهم على أشد نجم في السماء إضاءةً، ثم هم بعد ذلك منازلٌ ، لا يتغوَّطُون، ولا يبولون، ولا يَمْتخِطُونَ، ولا يَبْزُقُون ".
على صورة القمر..
و شوف جمال المؤمنات في الجنة..
يقول النبي "ص":
"ولو أن امرأةً من أهل الجنة اطَّلعت إلى أهل الأرض، لأضاءت ما بينهما ولملأته ريحًا، ولنصيفُها- خمارها- على رأسها خير من الدنيا وما فيها".
و يلبسون فيها أفخر الثياب و يتزينون بأفخر الحلي..
" جَنَّاتُ عَدْنٍ يَدْخُلُونَهَا يُحَلَّوْنَ فِيهَا مِنْ أَسَاوِرَ مِن ذَهَبٍ وَلُؤْلُؤاً وَلِبَاسُهُمْ فِيهَا حَرِيرٌ {33} وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ إِنَّ رَبَّنَا لَغَفُورٌ شَكُورٌ {34} الَّذِي أَحَلَّنَا دَارَ الْمُقَامَةِ مِن فَضْلِهِ لَا يَمَسُّنَا فِيهَا نَصَبٌ وَلَا يَمَسُّنَا فِيهَا لُغُوبٌ {35}" فاطر
" أُوْلَئِكَ لَهُمْ جَنَّاتُ عَدْنٍ تَجْرِي مِن تَحْتِهِمُ الْأَنْهَارُ يُحَلَّوْنَ فِيهَا مِنْ أَسَاوِرَ مِن ذَهَبٍ وَيَلْبَسُونَ ثِيَاباً خُضْراً مِّن سُندُسٍ وَإِسْتَبْرَقٍ مُّتَّكِئِينَ فِيهَا عَلَى الْأَرَائِكِ نِعْمَ الثَّوَابُ وَحَسُنَتْ مُرْتَفَقاً {31}" الكهف
و هم فيها يتزاورون.. و يتجالسون..
بيزوروا بعض.. و بيجتمعوا مع بعض يتسامروا و يتكلموا و يضحكوا..
" وَنَزَعْنَا مَا فِي صُدُورِهِم مِّنْ غِلٍّ إِخْوَاناً عَلَى سُرُرٍ مُّتَقَابِلِينَ {47}" الحجر
و يقعدوا سوا يفتكروا ذكريات الدنيا.. و ازاي تعبوا في الدنيا.. و ازاي ربنا أنعم عليهم بما هم فيه..
" وَأَقْبَلَ بَعْضُهُمْ عَلَى بَعْضٍ يَتَسَاءلُونَ {25} قَالُوا إِنَّا كُنَّا قَبْلُ فِي أَهْلِنَا مُشْفِقِينَ {26} فَمَنَّ اللَّهُ عَلَيْنَا وَوَقَانَا عَذَابَ السَّمُومِ {27} إِنَّا كُنَّا مِن قَبْلُ نَدْعُوهُ إِنَّهُ هُوَ الْبَرُّ الرَّحِيمُ {28}" الطور
و كل واحد يفتكر اللي كان يعرفهم في الدنيا.. و يفتكر اللي صدوه في دعوته.. و تعبوه.. و ماصدقوهوش....
فاكر فلان.. ايه حاله دلوقت؟..
" فَأَقْبَلَ بَعْضُهُمْ عَلَى بَعْضٍ يَتَسَاءلُونَ {50} قَالَ قَائِلٌ مِّنْهُمْ إِنِّي كَانَ لِي قَرِينٌ {51} يَقُولُ أَئِنَّكَ لَمِنْ الْمُصَدِّقِينَ {52} أَئِذَا مِتْنَا وَكُنَّا تُرَاباً وَعِظَاماً أَئِنَّا لَمَدِينُونَ {53} قَالَ هَلْ أَنتُم مُّطَّلِعُونَ {54} فَاطَّلَعَ فَرَآهُ فِي سَوَاء الْجَحِيمِ {55} قَالَ تَاللَّهِ إِنْ كِدتَّ لَتُرْدِينِ {56} وَلَوْلَا نِعْمَةُ رَبِّي لَكُنتُ مِنَ الْمُحْضَرِينَ {57} أَفَمَا نَحْنُ بِمَيِّتِينَ {58} إِلَّا مَوْتَتَنَا الْأُولَى وَمَا نَحْنُ بِمُعَذَّبِينَ {59} إِنَّ هَذَا لَهُوَ الْفَوْزُ الْعَظِيمُ {60} لِمِثْلِ هَذَا فَلْيَعْمَلْ الْعَامِلُونَ {61}" الصافات
يااااه..
كل ده؟..
لأ و لسة....
يقول الحبيب "ص" :
" إذا دخل أهل الجنةِ الجنةَ، يقول اللّهُ تبارك وتعالى: تريدون شيئًا أزيدُكم؟ فيقولون: ألم تُبَيِّضْ وجوهَنا؟! ألم تُدْخِلْنا الجنة، وتُنَجِّنا من النار؟! قال: فَيكْشفُ الحجابَ، فما أُعْطوا شيئًا أحبَّ إليهم من النظر إلى ربهم تبارك وتعالى "..
بس كده؟..
لأ لسة..
يقول النبي "ص":
" إن الله تعالى يقول لأهل الجنة: يا أهل الجنة، فيقولون: لبيك ربنا وَسَعْدَيْكَ، والخير كله في يَدَيْك، فيقول: هل رَضِيتم؟ فيقولون: وما لنا لا نرضى يا رب وقد أعطيتنا ما لم تُعطِ أحدًا من خلقك؟ فيقول: ألا أعطيكم أفضلَ من ذلك؟ فيقولون: يا رب! وأيّ شيء أفضل من ذلك؟ فيقول: أُحِلُّ عليكم رضواني فلا أسخطُ عليكم بعده أبدًا".
"جَنَّاتُ عَدْنٍ يَدْخُلُونَهَا يُحَلَّوْنَ فِيهَا مِنْ أَسَاوِرَ مِن ذَهَبٍ وَلُؤْلُؤاً وَلِبَاسُهُمْ فِيهَا حَرِيرٌ {33} وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ إِنَّ رَبَّنَا لَغَفُورٌ شَكُورٌ {34}" فاطر
سبحان الله..
القرآن بيصورلك الجنة كأنك شايفها فعلا و عايش فيها..
الناس دي شافت الجنة .. في القرآن.. عاشت فيها.. بالقرآن..
عشان كده اشتاقولها..
اشتاقوا لـ
" أُحِلُّ عليكم رضواني فلا أسخطُ عليكم بعده أبدًا"
و بنفس القوة و الوضوح دول..
القرآن وصفلهم النار..فبقوا كأنهم شايفينها..
وصفلهم طعام أهل النار.. و لبسهم.. و شربهم..
"لَّيْسَ لَهُمْ طَعَامٌ إِلَّا مِن ضَرِيعٍ {6} لَا يُسْمِنُ وَلَا يُغْنِي مِن جُوعٍ {7}" الغاشية
"إِنَّ شَجَرَةَ الزَّقُّومِ {43} طَعَامُ الْأَثِيمِ {44} كَالْمُهْلِ يَغْلِي فِي الْبُطُونِ {45} كَغَلْيِ الْحَمِيمِ {46}" الدخان
"أَذَلِكَ خَيْرٌ نُّزُلاً أَمْ شَجَرَةُ الزَّقُّومِ {62} إِنَّا جَعَلْنَاهَا فِتْنَةً لِّلظَّالِمِينَ {63} إِنَّهَا شَجَرَةٌ تَخْرُجُ فِي أَصْلِ الْجَحِيمِ {64} طَلْعُهَا كَأَنَّهُ رُؤُوسُ الشَّيَاطِينِ {65}" الصافات
"ثُمَّ إِنَّكُمْ أَيُّهَا الضَّالُّونَ الْمُكَذِّبُونَ {51} لَآكِلُونَ مِن شَجَرٍ مِّن زَقُّومٍ {52} فَمَالِؤُونَ مِنْهَا الْبُطُونَ {53} فَشَارِبُونَ عَلَيْهِ مِنَ الْحَمِيمِ {54} فَشَارِبُونَ شُرْبَ الْهِيمِ {55}" الواقعة
تخيل.. الجوء يقطع أمعائهم.. فمايلاقوش قدامهم غير الزقوم.. فياكلوه..
يحصل ايه؟.. يشبعوا؟.. لأ يقطع أمعائهم أكتر.. و تكاد حلوقهم تجف من العطش..عاوزين يشربوا بعد اللي كلوه ده..
فمايلاقوش قدامهم غير الحميم..
"كَمَنْ هُوَ خَالِدٌ فِي النَّارِ وَسُقُوا مَاء حَمِيماً فَقَطَّعَ أَمْعَاءهُمْ {15}" محمد
"وَتَرَى الْمُجْرِمِينَ يَوْمَئِذٍ مُّقَرَّنِينَ فِي الأَصْفَادِ {49} سَرَابِيلُهُم مِّن قَطِرَانٍ وَتَغْشَى وُجُوهَهُمْ النَّارُ {50}"
سرابيلهم من قطران...
لبسهم من النحاس المذاب..
يعرضون على النار مرتين كل يوم.. الى ان تقوم الساعة.. و يدخلوها..
شوفوا بعنيكم.. مش ماكنتوش مصدقين في الدنيا؟.. اهي.. شوفوها بنفسكم.. و في الآخرة هاتدخلوها بنفسكم.. و مش خارجين منها..
"النَّارُ يُعْرَضُونَ عَلَيْهَا غُدُوّاً وَعَشِيّاً وَيَوْمَ تَقُومُ السَّاعَةُ أَدْخِلُوا آلَ فِرْعَوْنَ أَشَدَّ الْعَذَابِ {46}" غافر
يُسحبون فيها على وجوههم..
"يَوْمَ يُسْحَبُونَ فِي النَّارِ عَلَى وُجُوهِهِمْ ذُوقُوا مَسَّ سَقَرَ {48}" القمر
و تسود فيها وجوههم..
"....كَأَنَّمَا أُغْشِيَتْ وُجُوهُهُمْ قِطَعاً مِّنَ اللَّيْلِ مُظْلِماً أُوْلَـئِكَ أَصْحَابُ النَّارِ هُمْ فِيهَا خَالِدُونَ {27}" يونس
و تغشاهم النار و يحيط بهم العذاب من كل جانب..
"لَهُم مِّن جَهَنَّمَ مِهَادٌ وَمِن فَوْقِهِمْ غَوَاشٍ وَكَذَلِكَ نَجْزِي الظَّالِمِينَ {41}" الأعراف
"يَوْمَ يَغْشَاهُمُ الْعَذَابُ مِن فَوْقِهِمْ وَمِن تَحْتِ أَرْجُلِهِمْ وَيَقُولُ ذُوقُوا مَا كُنتُمْ تَعْمَلُونَ {55}" العنكبوت
و لهم فيها حسرات.. حين لا ينفع الندم..
"وَلَوْ أَنَّ لِكُلِّ نَفْسٍ ظَلَمَتْ مَا فِي الأَرْضِ لاَفْتَدَتْ بِهِ وَأَسَرُّواْ النَّدَامَةَ لَمَّا رَأَوُاْ الْعَذَابَ وَقُضِيَ بَيْنَهُم بِالْقِسْطِ وَهُمْ لاَ يُظْلَمُونَ {54}" يونس
"وَإِذَا أُلْقُوا مِنْهَا مَكَاناً ضَيِّقاً مُقَرَّنِينَ دَعَوْا هُنَالِكَ ثُبُوراً {13} لَا تَدْعُوا الْيَوْمَ ثُبُوراً وَاحِداً وَادْعُوا ثُبُوراً كَثِيراً {14}" الفرقان
ساعتها... يعلو الصراخ.. و يشتد العويل..
خرجنا منها يارب..
يارب خرجنا منها و هانعبدك حق عبادتك و نستقيم على طاعتك..
بس خرجنا منها..
خرجنا منها..
"وَهُمْ يَصْطَرِخُونَ فِيهَا رَبَّنَا أَخْرِجْنَا نَعْمَلْ صَالِحاً غَيْرَ الَّذِي كُنَّا نَعْمَلُ...." فاطر 37
فيجيلهم الرد من الله..
"...أَوَلَمْ نُعَمِّرْكُم مَّا يَتَذَكَّرُ فِيهِ مَن تَذَكَّرَ وَجَاءكُمُ النَّذِيرُ فَذُوقُوا فَمَا لِلظَّالِمِينَ مِن نَّصِيرٍ {37}" فاطر..
مش عشتوا فيها بما يكفي؟..
مش أرسلتكم النذر..
أرسلت الأنبياء و معاهم كلامي..
مش كان عندك كاااام مصحف في البيت.. و مصحف متعلق في العربية.. و مصحف في الشغل..
ولا فتحتهم... ولا فهمتهم... ولا عملت بما فيهم...
"وَقَالُوا لَوْ كُنَّا نَسْمَعُ أَوْ نَعْقِلُ مَا كُنَّا فِي أَصْحَابِ السَّعِيرِ {10}" الملك
ياريتنا سمعنا.. ياريتنا فهمنا.. مكانش ده بقى حالنا...
"رَبَّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُونَ {107}" المؤمنون..
طب يا رب غلطنا.. و عرفنا غلطنا.. خرجنا منها و مش هانعمل كده تاني...
"قَالَ اخْسَؤُوا فِيهَا وَلَا تُكَلِّمُونِ {108}" المؤمنون
و فريق آخر..
ماعرفش ربنا لا في الدنيا.. ولا في الآخرة..
حتى في الآخرة بيستنجد بالملائكة.. مابيستنجدش بالله..
"وَقَالَ الَّذِينَ فِي النَّارِ لِخَزَنَةِ جَهَنَّمَ ادْعُوا رَبَّكُمْ يُخَفِّفْ عَنَّا يَوْماً مِّنَ الْعَذَابِ {49}" غافر
"قَالُوا أَوَلَمْ تَكُ تَأْتِيكُمْ رُسُلُكُم بِالْبَيِّنَاتِ قَالُوا بَلَى قَالُوا فَادْعُوا وَمَا دُعَاء الْكَافِرِينَ إِلَّا فِي ضَلَالٍ {50}" غافر
مش ربنا أرسلكم الرسل؟؟..ايوة..
طب ادعوا بقى.. و شوفوا مين يستجيبلكم..
لم تستجيبوا لداعي الله في الدنيا.. فلا يستجاب لكم في الآخرة..
"وَنَادَوْا يَا مَالِكُ لِيَقْضِ عَلَيْنَا رَبُّكَ....." الزخرف 77
طب يامالك.. ياخازن النار.. ماتدعيلنا ربك يموتنا خالص.. يقضي علينا..
" قَالَ إِنَّكُم مَّاكِثُونَ {77} لَقَدْ جِئْنَاكُم بِالْحَقِّ وَلَكِنَّ أَكْثَرَكُمْ لِلْحَقِّ كَارِهُونَ {78} " الزخرف
الصحابة اتربوا على الكلام ده..
كانوا شايفين الجنة.. و شايفين النار.. و عارفن انهم كلهم هايموتوا لامحالة.. و هايتحاسبوا..
و القبر.. يا اما روضة من رياض الجنة.. يا اما حفرة من حفر النار..
فعاشوا و هما مستشعرين المعاني دي و حاسينها.. فعملوا حسابها..
اشتاقوا الى الجنة.. و اتقوا عذاب النار..
3- القضاء و القدر
و من الأمور اللي غرسها النبي"ص" في قلوب الصحابة.. مفهوم القضاء و القدر..
" إِنَّا كُلَّ شَيْءٍ خَلَقْنَاهُ بِقَدَرٍ {49}" القمر
" الَّذِي لَهُ مُلْكُ السَّمَاوَاتِ وَالْأَرْضِ وَلَمْ يَتَّخِذْ وَلَداً وَلَمْ يَكُن لَّهُ شَرِيكٌ فِي الْمُلْكِ وَخَلَقَ كُلَّ شَيْءٍ فَقَدَّرَهُ تَقْدِيراً {2}" الفرقان
و مراتب القضاء و القدر..
ان علم الله سبحانه و تعالى محيط بكل شئ..
" وَمَا تَكُونُ فِي شَأْنٍ وَمَا تَتْلُو مِنْهُ مِن قُرْآنٍ وَلاَ تَعْمَلُونَ مِنْ عَمَلٍ إِلاَّ كُنَّا عَلَيْكُمْ شُهُوداً إِذْ تُفِيضُونَ فِيهِ وَمَا يَعْزُبُ عَن رَّبِّكَ مِن مِّثْقَالِ ذَرَّةٍ فِي الأَرْضِ وَلاَ فِي السَّمَاء وَلاَ أَصْغَرَ مِن ذَلِكَ وَلا أَكْبَرَ إِلاَّ فِي كِتَابٍ مُّبِينٍ {61} يونس
و ان كل شئ مكتوب و محصى..
" إِنَّا نَحْنُ نُحْيِي الْمَوْتَى وَنَكْتُبُ مَا قَدَّمُوا وَآثَارَهُمْ وَكُلَّ شَيْءٍ أحْصَيْنَاهُ فِي إِمَامٍ مُبِينٍ {12}"يس
و ان مشيئة الله سبحانه و تعالى نافذة ولا يعجزه شئ..
" أَوَلَمْ يَسِيرُوا فِي الْأَرْضِ فَيَنظُرُوا كَيْفَ كَانَ عَاقِبَةُ الَّذِينَ مِن قَبْلِهِمْ وَكَانُوا أَشَدَّ مِنْهُمْ قُوَّةً وَمَا كَانَ اللَّهُ لِيُعْجِزَهُ مِن شَيْءٍ فِي السَّمَاوَاتِ وَلَا فِي الْأَرْضِ إِنَّهُ كَانَ عَلِيماً قَدِيراً {44}"فاطر
و ان الله سبحانه و تعالى هو خالق كل شئ
" ذَلِكُمُ اللّهُ رَبُّكُمْ لا إِلَـهَ إِلاَّ هُوَ خَالِقُ كُلِّ شَيْءٍ فَاعْبُدُوهُ وَهُوَ عَلَى كُلِّ شَيْءٍ وَكِيلٌ {102}" الأنعام
كل المعاني دي غرست في قلوب الصحابة.. فكانت النتيجة انهم خلصوا تماما من الشرك.. لأنهم آمنوا ان الله سبحانه و تعالى هو النافع الضار.. و المعز المذل..و الرافع الخافض..هو الله وحده سبحانه و تعالى..
و لما آمنوا بالقضاء و القدر أيقنوا ان الآجال و الأعمار بيد الله..و أن لكل نفس كتاباً.. فكانوا شجعاناً.. لا يهابون الموت..
و كانوا صابرين.. محتسبين..
و حققوا سكون القلب و طمأنينة النفس..و راحة البال..
و كانوا أعزة..نفوسهم عزيزة.. تحرروا من عبودية المخلوقين..لأنهم علموا يقينا ان رزقهم بيد الله سبحانه و تعالى.. و أيقنوا انه لن تموت نفس حتى تستوفي رزقها
فتوجهوا بقلوبهم الى رب العالمين.. و تحرروا من مطامع الدنيا. و التكالب على الدنيا..
4- السنن الكونية:
من الأمور المهمة اللي النبي "ص" ربى الصحابة عليها في الفترة دي.. ان حياتنا كبشر..بتحكمها سنن و قوانين..
كل شئ في هذا الكون له سنن و قوانين..
و الإنسان عشان يوصل لنتيجة معينة لازم يعرف الطريق المؤدي للنتيجة دي.. يعرف القانون.. يمشي عليه.. فيوصل للنتيجة..
قبل اختراع الطيارة.. الإنسان كانت حياته كلها على الأرض.. و السما للطيور فقط..
لكن لما الإنسان اجتهد.. و اكتشف قوانين الطيران و قدر يخترع الآلة اللي يطير بيها.. طار..
كذلك بناء الدول و تربية الأمم و الشعوب.. مسألة ليها قوانين.. و سنن.. الأمور مابتحصلش صدف.. دي نتائج مترتبة على مقدمات..
هذه القوانين.. اسمها "السنن الربانية" هي أحكام الله الثابته التي يخضع لها الكون..
ازاي النبي "ص" اتعامل مع السنن دي؟ و ازاي استخدمها عشان يوصل للنتيجة المأمولة و يحقق الهدف الذي اصطفاه الله سبحانه و تعالى من أجله؟..
محتاجين نعرف الموضوع ده.. لأن من حكمة الله سبحانه و تعالى انه شاء ان الدين ده و الأمة دي في أيامها الأولى تعتمد على السنن الجارية.. الطبيعية.. لا السنن الخارقة ولا المعجزات..
عشان مانجيش احنا نقول ان النبى "ص" و الصحابة انتصروا بالمعجزات.. و احنا مافيش في ايدينا معجزات.. يبقى مانقدرش نعمل حاجة..
اللي يتأمل في آيات القرآن... يلاقيها مليانة بالإشارات الى سنن الله سبحانه و تعالى.. التي لا تتغير ولا تتبدل.. قوانين ثابتة..
بتقول يا مسلمين.. القوانين اهي قدامكم..
مش فاضل غير انك تاخدوا بالأسباب بس.. خدوا بالأسباب..
" قَدْ خَلَتْ مِن قَبْلِكُمْ سُنَنٌ فَسِيرُواْ فِي الأَرْضِ فَانْظُرُواْ كَيْفَ كَانَ عَاقِبَةُ الْمُكَذَّبِينَ {137}" آل عمران
ولم يذكرها أحيانًا أخرى نصًّا، وانما فهمت من النص دلالة وفحوى.
" وَلَقَدِ اسْتُهْزِئَ بِرُسُلٍ مِّن قَبْلِكَ فَحَاقَ بِالَّذِينَ سَخِرُواْ مِنْهُم مَّا كَانُواْ بِهِ يَسْتَهْزِئُونَ {10}" الأنعام
وذكرها تارة مضافة إلى اللَّه تباركت وتقدست أسماؤه ،
" فَلَمْ يَكُ يَنفَعُهُمْ إِيمَانُهُمْ لَمَّا رَأَوْا بَأْسَنَا سُنَّتَ اللَّهِ الَّتِي قَدْ خَلَتْ فِي عِبَادِهِ وَخَسِرَ هُنَالِكَ الْكَافِرُونَ {85}" غافر
وذكرها تارة أخرى مضافةً إلى أقوام.
"... إِلَّا أَن تَأْتِيَهُمْ سُنَّةُ الْأَوَّلِينَ ...{55}" الكهف
و فعلا.. أخذ النبي "ص" و الصحابة بالأسباب.. فنصرهم الله..
و تقاعسنا عن الأخذ بالأسباب و انتظرنا المهدي.. ولا جاء المهدي.. ولا جاء النصر..
و احنا بندرس السيرة هانلاقي النبي "ص" بيتعامل مع هذه السنن.. و بيوظفها..
لازم نعرف السنن دي و نوظفها و نستخدمها.. لأن سنن الله سبحانه و تعالى زي ماقلنا ثابتة..
مابتحابيش حد على حساب حد....
" فَهَلْ يَنظُرُونَ إِلَّا سُنَّتَ الْأَوَّلِينَ فَلَن تَجِدَ لِسُنَّتِ اللَّهِ تَبْدِيلاً وَلَن تَجِدَ لِسُنَّتِ اللَّهِ تَحْوِيلاً {43}" فاطر
عشان كده لازم نفهم القوانين دي كويس جدا.. عشان نقدر نفهم التاريخ..
لأسف دلوقت احنا بندرس التاريخ كأننا بنشرح جثة ميت..
لأ.. عاوزين نحيى التاريخ.. باننا ننظر اليه في اطار سنن الله سبحانه و تعالى.. تعلم منه.. نفهم..
نستقرئ و نتدبر..
" يُرِيدُ اللّهُ لِيُبَيِّنَ لَكُمْ وَيَهْدِيَكُمْ سُنَنَ الَّذِينَ مِن قَبْلِكُمْ وَيَتُوبَ عَلَيْكُمْ وَاللّهُ عَلِيمٌ حَكِيمٌ {26}" النساء،.
نعرف ايه اللي يبني الأمم.. ايه عوامل الأمن و الإستقرار و التقدم..
و ايه اللي يهدم الأمم.. ايه عوامل الإنحطاط و السقوط و التخلف..
و محتاجين نتعلم ان السنن و القوانين دي مابتشتغلش لوحدها.. محتاجة اننا نتحرك و نعمل و نستغلها..
باب قدامنا.. مستنينا نروح لحد عنده و نفتحه.. مش هايجيلنا لحد عندنا و يفتح نفسه..
و الباب قدام الكل.. أي حد يفتحه و يستغله سواء مسلم أو غير مسلم.. بيتفتحله..
الشمس بتطلع لك يوم للمسلم و غير المسلم..
ماحدش بيتحكم فيها..
مابتتأخرش في الشروق عشان واحد مزاجه ينام له ساعة والا ساعتين زيادة..
القوانين.. مابتحابيش حد على حساب حد..
و طول ماحنا ماشيين في السيرة هانشوف الكلام ده واضح جدا في المسلمين الأوائل..
ازاي بنوا الأمة دي..
النبي "ص" هو و المسلمين الأوائل بيواجهوا الجاهلية في العالم كله..
بيواجهوا مجتمع قريش الجاهلي..
مجتمع كامل.. له قيمه و أفكاره و تصوراته و عاداته و تقاليده..
مجتمع متوالي متناسق متعاون..
مجتمع بيحافظ على وجوده و بيدافع عن كيانه..
فالنبي "ص" مابيواجهش مجرد فكرة كده هايناقش فيها الناس و خلاص هاتنتهي المسألة..
يا جماعة قولوا "لا اله الا الله".. و خلاص خلصت المسألة..
لأ
ده انت عشان تصلح المجتمع ده و بالتالي تصلح الدنيا كلها..
محتاج تنشئ مجتمع تاني..
تجمع تاني..
تجمع له أفكار و تصورات تانية تماما..
مجتمع بقيادة رسول الله "ص"..
مجتمع يتمثل هذا الدين في حياته.. يحول العقيدة لأفعال في حياة الناس.. مش مجرد نظريات..
فلو جينا نشوف بعض السنن دي و ازاي النبي "ص" اتبعها..
1- سنة التدرج..
يعني ايه سنة التدرج..
يعني يا مسلمين الطريق طويل..
الأمة دي عشان تتبنى .. مش هاتتبنى في يوم و ليلة..
و خصوصا في عصر ظهر في الفساد في البر و البحر..
فنلاقي الدعوة تبدا.. خطوة.. خطوة..
تبدأ في السر.. بالإصطفاء.. و التأسيس و التربية..
و بعدين تنتقل لمرحلة المواجهة و المقاومة..
و بعدها مرحلة النصر و التمكين..
و هكذا.. كل خطوة بتقود للخطوة اللي بعدها.. بتدرج..
مافيش حاجة في الدنيا بتحصل في يوم و ليلة..
إعادة بناء الأمة دي مش هاييجي في يوم و ليلة..
يلا يا جماعة نبني أمتنا من جديد.. يلا ماشي..
لأ..
ده النبي"ص" يقعد 13 سنة في مكة. تربية.. و تهيئة فكرية و نفسية و اجتماعية..تصحيح للعقيدة..
التدرج..
2-سنن: الابتلاء---< التمحيص---< التمكين
من أهم السنن اللي نبه عليها القرآن.. سنة الإبتلاء.. الإختبار..
"أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ {2} وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ {3} العنكبوت
سنة ثابته .. لدرجة الناس كانت تعرفها حتى من قبل الإسلام..
و شفنا ورقة بن نوفل ازاي نبه النبي "ص" ليها..
فقال للنبي "ص": يا ليتني فيها جذعًا، ليتني أكون حيًّا إذ يخرجك قومك، فيسأله النبي في تعجب: " أو مخرجي هم؟! " قال: نعم، لم يأت رجل قط بمثل ما جئت به إلا عودي.
طب ليه يا رب؟؟
ليه الإبتلاء و الإمتحان؟
تخيل معايا كده..
فيه قائد بيعد جنوده لخوض معركة صعبة..
ايه الأرحم و الأفضل للجنود دول؟.. انه يشد عليهم في التدريب؟؟ والا يتساهل معاهم؟؟
بالظبط.. ده من باب الإعداد.. و دي رحمة الله سبحانه و تعالى بعبيده.. انه يعدهم لحمل الرسالة..
المؤمنون هم حزب الله و جنوده.. و الله سبحانه و تعالى بيعدهم لخوض المعركة العظمى.. معركة الحق و الباطل..
يبقى الله سبحانه و تعالى بيبتلي عباده ليعدهم.. و يترتب على هذا الإبتلاء نتيجة... التمحيص..
يعني ايه؟..
المؤمن بيتعرض للإبتلاء و المحن.. فيصقل معدنه.. و ينضج كما ينضج الطعام بالنار..
و المنافق.. لا يستطيع الصبر على الإبتلاء..فينكص على عقبيه..
فيحصل ايه.. يتم تصفية و تنقية صفوف المؤمنين..
التمحيص هو المعبر اللي عن طريقه بننقي اللالئ الثمينة من الخرز الرخيص..
" مَا كَانَ اللَّهُ لِيَذَرَ الْمُؤْمِنِينَ عَلَى مَا أَنْتُمْ عَلَيْهِ حَتَّى يَمِيزَ الْخَبِيثَ مِنَ الطَّيِّبِ ... (179)" آل عمران
"... وَلِيَبْتَلِيَ اللَّهُ مَا فِي صُدُورِكُمْ وَلِيُمَحِّصَ مَا فِي قُلُوبِكُمْ وَاللَّهُ عَلِيمٌ بِذَاتِ الصُّدُورِ (154) " آل عمران.
يبقى قلنا ابتلاء.. يؤدي الى.. تمحيص..
طب و التمحيص؟.. يؤدي كذلك الى... التمكين..
أن يمكن الله سبحانه و تعالى للمؤمنين في الأرض بعد مايثبتوا جدارتهم.. بانهم يلجأوا لله سبحانه و تعالى وحده في أوقات المحن. و هم على يقين تام أن الله سبحانه و تعالى هاينصرهم.. بعد ما أخذوا بكل الأسباب و استفرغوا الجهد..
واخد بالك؟..
أمور بيترتب عليها أمور..
سلسلة حلقاتها مربوطة ببعض..
لا تمكين.. بلا تمحيص.. ولا تمحيص.. بلا ابتلاء..
طيب.. حصل التمكين و النصر من الله سبحانه و تعالى..
كده خلاص انتهى الموضوع؟؟
لأ..
احنا قلنا قوانين الله سبحانه و تعالى مابحابيش حد على حساب حد أبدا..
يوم مايغتر المؤمنين بالنصر.. اغترارهم ده مع الوقت بيؤدي الى حالة من الغفلة..
يوم ماتحصل الغفلة دي و الناس تنسى ازاي ابتلوا و محصوا و لجأوا الى الله فنصرهم الله..
يوم مايفتكروا انها هاتدوم عشانهم من غير مايستمروا بنفس الهمة و العزم..
يحصل ايه؟..
" أَفَرَأَيْتَ إِنْ مَتَّعْنَاهُمْ سِنِينَ (205) ثُمَّ جَاءَهُمْ مَا كَانُوا يُوعَدُونَ (206) مَا أَغْنَى عَنْهُمْ مَا كَانُوا يُمَتَّعُونَ (207)" الشعراء.يسلب منهم التمكين..
3-سنن: التغيير---< التداول---< النصر
التغيير...
يعني ايه سنة التغيير؟
ده قانون الهي..
ان التغيير يبدا من النفس..
عاوز حال المجتمع يتغير.. ابدا بنفسك.. ماتستناش حد..
عاوزه يتغير للأحسن.. غير نفسك للأحسن..
عاوزه يتغير للأسوأ.. ماتعملش حاجة خالص و هو هايتغير للأسوأ..
" ...إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ... (11)" الرعد..
ملاحظ العملية ماشية ازاي؟..
أسباب.. ربنا بيقولنا يا مسلمين خذوا بيها.. بيقولك الطريق اهو قدامك.. امشي فيه..
خدت بالأسباب؟.. طيب جميل.. سيب النتائج بقى على الله سبحانه و تعالى..
النتائج عمرها ماهاتيجي لوحدها.. لازم تبدأ انت..
على قد ماتبذل و تتحرك و تعمل في سبيل التغيير.. على قد ما يستخدمك الله سبحانه و تعالى و يغير بك الواقع..
" وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ (69)"العنكبوت.
بس بشرط انك تمشي صح.. تبدا بنفسك الأول.. عمرك ماهاتقدر تؤثر في اللي حواليك او تغيرهم اذا كنت مش قادر تؤثر في نفسك و تغيرها..
هانلاقي النبي "ص" بيتعامل مع السنة دي أو مع القانون ده بشكل واضح جدا..
النبي "ص" و الصحابة في مكة في فترة من أحلك فترات البشرية على الإطلاق.. زمن انتشر فيه الفساد في البر و البحر
و النبي "ص" و الصحابة مطلوب منهم يغيروا الواقع ده..
يعملوا ايه؟
يبدأوا بأنفسهم...
الواحد من المسلمين الأوائل.. كان يسلم و يشهد أن لا اله الا الله و أن محمد "ص" رسول الله.. و يرجع بيته يكسر الأصنام اللي عبدها طول عمره.. يغير حياته تماما..
و يمكن أكبر مثال للتغيير في النفس نلاقيه في واحد زي بلال بن رباح..
واحد عاش 30 سنة عبد.. خلاص.. اتعود.. بقت دي طبيعة حياته..
المفروض انه يكون شخص قمة في السلبية.. لأنه اتربى و عاش على انه عبد.. مالوش انه يقول رايه.. لأ.. مالوش انه يكون له رأي اساسا..
و تشوفه بعد اسلامه.. انسان تاني تماما..
انسان أخد موقف في حياته لأول مرة في حياته.. ياخد موقف.. و يقرر انه يغير نفسه ويغير حياته.. و يستحمل التعذيب و الإبتلاء في سبيل التغيير ده.. ولا يرجع عنه أبدا..
و تتعجب أكتر.. لما تلاقي ان أول من جهروا بإسلامهم في مكة.. 7..
طب و ايه العجيب في ده؟؟
انت عارف مين السبعة دول؟؟
النبي "ص".. و أبو بكررضى الله عنه و 5 من العبيد و المستضعفين..
تخيل..العبد اللي عاش حياته انسان سلبي تماما منقاد تماما.. يوم مايسلم يبقى بالإيجابية دي كلها؟؟ يحيا من تاني؟..
هو ده التغيير اللي بنتكلم عنه..
الناس دي نجحت في انها تغير نفسها.. فغير الله سبحانه و تعالى بهم التاريخ..
ومن السن المترتبة على التغيير..سنة "المداولة"..
يعني ايه؟..
مداولة الأيام بين الناس..
من الشدة إلى الرخاء، ومن الرخاء إلى الشدة، ومن النصر إلى الهزيمة، ومن الهزيمة إلى النصر،
" إِنْ يَمْسَسْكُمْ قَرْحٌ فَقَدْ مَسَّ الْقَوْمَ قَرْحٌ مِثْلُهُ وَتِلْكَ الْأَيَّامُ نُدَاوِلُهَا بَيْنَ النَّاسِ وَلِيَعْلَمَ اللَّهُ الَّذِينَ آَمَنُوا وَيَتَّخِذَ مِنْكُمْ شُهَدَاءَ وَاللَّهُ لَا يُحِبُّ الظَّالِمِينَ (140) " آل عمران.
طب ايه علاقتها دي بسنة التغيير؟؟؟
يقول الله تعالى..
" ذَلِكَ بِأَنَّ اللَّهَ لَمْ يَكُ مُغَيِّرًا نِعْمَةً أَنْعَمَهَا عَلَى قَوْمٍ حَتَّى يُغَيِّرُوا مَا بِأَنْفُسِهِمْ وَأَنَّ اللَّهَ سَمِيعٌ عَلِيمٌ (53)"الأنفال: 53
قانون عظيم بينبهنا الله سبحانه و تعالى له..
ان سقوط الحضارات أو قيامها.. و ارتفاع الأمم أو هبوطها.. مرتبط بتغيير الناس لأنفسهم.. ان كان خيرا .. فخير.. و ان كان شرا.. فشر..
قانون ثابت لا يتغير..ولا يتبدل..
ايه ده؟؟ يعني ممكن الكلام ده يحصل للمسلمين؟؟
ايوة..
فعن عبد اللَّه بن عمر انهََ قال: إن رسول اللَّه "ص" أقبل علينا بوجهه فقال:
" يا معشر المهاجرين! خمس خصال أعوذ باللَّه أن تدركوهن: ما ظهرت الفاحشة في قوم حتى أعلنوا بها إلا ابتلوا بالطواعن والأوجاع التي لم تكن في أسلافهم الذين مضوا، ولا نقص قوم المكيال إلا ابتلوا بالسنين وشدة المؤنة وجور السلطان، ولا خفر قوم العهد إلا سلط اللَّه عليهم عدوًّا من غيرهم فأخذوا بعض ما في أيديهم، وما لم تحكم أئمتهم بما أنزل اللَّه في كتابه إلا جعل اللَّه بأسهم بينهم!".
حتى يأتي نصر الله سبحانه و تعالى.. فيه شرط أساسي..هو الإستقامة على منهج الله سبحانه و تعالى ..
" يَا أَيُّهَا الَّذِينَ آَمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ (7) "محمد
" وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِينَ (171) إِنَّهُمْ لَهُمُ الْمَنْصُورُونَ (172) وَإِنَّ جُنْدَنَا لَهُمُ الْغَالِبُونَ (173)" الصافات.
واخد بالك من "عبادنا" و "جندنا"؟؟
عشان يحصل النصر..
لابد من التغيير. لازم نبقى عباد لله بجد.. لازم نبقى جند لله بجد..
نبقى فعلا منتمين لله سبحانه و تعالى..
لابد من الإلتزام..
الموضوع مش ماشي كده بركاوي..
" فَخَلَفَ مِن بَعْدِهِمْ خَلْفٌ وَرِثُواْ الْكِتَابَ يَأْخُذُونَ عَرَضَ هَـذَا الأدْنَى وَيَقُولُونَ سَيُغْفَرُ لَنَا وَإِن يَأْتِهِمْ عَرَضٌ مِّثْلُهُ يَأْخُذُوهُ أَلَمْ يُؤْخَذْ عَلَيْهِم مِّيثَاقُ الْكِتَابِ أَن لاَّ يِقُولُواْ عَلَى اللّهِ إِلاَّ الْحَقَّ وَدَرَسُواْ مَا فِيهِ وَالدَّارُ الآخِرَةُ خَيْرٌ لِّلَّذِينَ يَتَّقُونَ أَفَلاَ تَعْقِلُونَ {169}" الأعراف.
محتاجين نعيش الإسلام بجد.. محتاجين نقرا قرآننا و نطبق اللي فيه..
اعرف ان كدبة.. أو تقصير في شغلك أو دراستك.. أو غيبة .. أو نميمة..
أو أي أمر من الأمور اللي الناس بقت بتعتبرها شئ عادي جدا في حياتها.. ممكن تكون هي السبب في تأخر النصر..
ممكن يكون السبب في تأخر النصر انك مابتصليش الفجر في وقته في المسجد..
ممكن حاجات كتير..
كل واحد فينا محتاج يراجع نفسه.. لأن كل واحد فينا مسئول أمام الله سبحانه و تعالى مسئولية فردية عن الواقع اللي احنا عايشينه..
ابدأ بنفسك.. يغير بك الله سبحانه و تعالى الدنيا..
طب.. لو خدنا بالأسباب... و عملنا فعلا.. و غيرنا من أنفسنا و من واقعنا.. لكن كان أعدائنا أكثر كفاءة و قوة و عدد و عدة.. ننتصر برضه؟؟
ايوة.. هنا بقى تيجي سنة تانية.. و قانون تاني من قوانين الله سبحانه و تعالى..
قانون "وعد الله بالنصر"..
ربنا سبحانه و تعالى وعدنا بالنصر. تصدق ربنا والا ماتصدقوش؟؟
" وَكَانَ حَقّاً عَلَيْنَا نَصْرُ الْمُؤْمِنِينَ {47}" الروم
" وَلَن يَجْعَلَ اللّهُ لِلْكَافِرِينَ عَلَى الْمُؤْمِنِينَ سَبِيلاً {141}"النساء
" إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ {51}"غافر.
النصر جاي جاي.. يقينا.. بس ناخد بالأسباب.. و مانيأسش أبدا.. هاييجي مهما اتأخر.. ده ربنا وعد يا جماعة..
" حَتَّى إِذَا اسْتَيْأَسَ الرُّسُلُ وَظَنُّواْ أَنَّهُمْ قَدْ كُذِبُواْ جَاءهُمْ نَصْرُنَا فَنُجِّيَ مَن نَّشَاء وَلاَ يُرَدُّ بَأْسُنَا عَنِ الْقَوْمِ الْمُجْرِمِينَ {110}"يوسف.
4-سنة: الإعداد
إعداد النفوس للجهاد في سبيل الله..
فالله سبحانه و تعالى لن يرفع عن المسلمين حال الذل و المهانة اللي هما فيه إلا بأنهم يحيوا هذه المعاني في نفوسهم..
معاني العزة و الكرامة بالإسلام.. و معاني الجهاد.. لقول النبىِ "ص":
" إذا تبايعتم بالعينة، وأخذتم بأذناب البقر، ورضيتم بالزرع، وتركتم الجهاد في سبيل اللَّه، سلَّط اللَّه عليكم ذلّا، لا ينزعه عنكم حتى ترجعوا إلى دينكم ".
وتتجلى سنة الإعداد في قوله تعالى:
" وَأَعِدُّواْ لَهُم مَّا اسْتَطَعْتُم مِّن قُوَّةٍ وَمِن رِّبَاطِ الْخَيْلِ تُرْهِبُونَ بِهِ عَدْوَّ اللّهِ وَعَدُوَّكُمْ وَآخَرِينَ مِن دُونِهِمْ لاَ تَعْلَمُونَهُمُ اللّهُ يَعْلَمُهُمْ وَمَا تُنفِقُواْ مِن شَيْءٍ فِي سَبِيلِ اللّهِ يُوَفَّ إِلَيْكُمْ وَأَنتُمْ لاَ تُظْلَمُونَ {60}" الأنفال.يا مسلمين .. أعدوا.. أعدوا.. "ما استطعتم".. ابذلوا أقصى جهدكم..
ليه يا رب؟
"ترهبون به عدو الله".. ايه ده؟؟ نبقى ارهابيين يعني؟؟
لأ.. ترهبون به عدو الله.. ماتعتدوش على حد.. و لكن ماحدش يستوطى حيط المسلمين..زي التعبير الدارج مابيقول..
لأ يبقى لك مكانة و هيبة .. لأنك قوي... لكن ماتعتديش على حد..
طب النداء ده لمين بالظبط؟؟
لكل مسلم..
انت و انا و انتي..
طب و انا بإيدي ايه اعمله؟؟؟؟..
بايدك كتييييييير..
بإيدك تفهم دينك كويس.. تتعلم دينك.. تتعلم قرآنك..
بإيدك تعد نفسك علمياً.. و تتفوق في دراستك.. بنية انك بتعد ما استطعت.. و تبقى و انت طالب في مدرستك أو كليتك مرابط في سبيل الله..
بإيدك تعد نفسك أخلاقيا.. تربي نفسك على أخلاق النبي "ص" و أخلاق الصحابة..
بإيدك تعد نفسك روحياً يبإنك تقوي صلتك بالله سبحانه و تعالى.. بإخلاص النية و التقرب الى الله بالطاعات.. من قيام ليل و تلاوة و حفظ القرآن.. كما كان النبي "ص" يربي الصحابة رضوان الله عليهم في مكة..
بإيدك نعد نفسك ماديا بإنك تنجح في حياتك... و في عملك..
بإيدك تعد نفسك بدنيا..بممارسة الرياضة..
بإيدك حاجات كتير جدا..
و كلنا مطالبين باننا نؤدي دورنا في الإعداد..
5-سنة: التدافع
يعني ايه؟..
يعني سنة الصراع بين الحق و الباطل..
صراع مستمر الى يوم القيامة...
و ده للي سأل في سنة "الإعداد".. إحنا ليه بنعد اساسا؟..
بنعد لأن الباطل عمره ماهايسيب الحق في حاله.. لأن فيه دايما صراع مابينهم..فلازم يكون الحق دايما جاهز و مستعد للصراع..لإقرار الحق.
" الَّذِينَ آمَنُواْ يُقَاتِلُونَ فِي سَبِيلِ اللّهِ وَالَّذِينَ كَفَرُواْ يُقَاتِلُونَ فِي سَبِيلِ الطَّاغُوتِ فَقَاتِلُواْ أَوْلِيَاء الشَّيْطَانِ إِنَّ كَيْدَ الشَّيْطَانِ كَانَ ضَعِيفاً {76}" النساء.
5- أصل الإنسان:
نظرة الإنسان لنفسه.. ليها تأثير قوي جدا على حياته..
و مازال الإنسان من يوم ما اتخلق و هو بيتخبط في نظرته لنفسه..
أحيانا يبالغ و يتكبر.. و يتجبر..كما نادى فرعون..
" فَقَالَ أَنَا رَبُّكُمُ الْأَعْلَى {24}" النازعات
انا مش عبد... انا حر.. انا ماحدش له حاجة عندي.. ماحدش يحاسبني...
"ما علمت لكم من إله غيري"..
و أحيانا يعمل العكس.. يحط من نفسه و من قدره فيحس انه أدنى و أحقر كائن في الوجود.. فيوطي راسه و يسجد لحجر... أو شجر.. أو نهر أو جبل.. أو حيوان..
فيه ناس بتسجد للفئران!!
و ييجي القرآن يقولك..
انا مش عرفتك بالله؟.. طب تعالى أما اعرفك بنفسك بقى يا انسان..
يا انسان.. انت ليك أصلين.. أصل بعيد.. و هو أبوك آدم.. و ده اتخلق من طين..
و أصل قريب.. اللي هو الخلق المستمر بعد كده من نطفة.. ماء مهين..
"الَّذِي أَحْسَنَ كُلَّ شَيْءٍ خَلَقَهُ وَبَدَأَ خَلْقَ الْإِنسَانِ مِن طِينٍ {7} ثُمَّ جَعَلَ نَسْلَهُ مِن سُلَالَةٍ مِّن مَّاء مَّهِينٍ {8} ثُمَّ سَوَّاهُ وَنَفَخَ فِيهِ مِن رُّوحِهِ وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ قَلِيلاً مَّا تَشْكُرُونَ {9}"شفت يا انسان انت في الأصل ايه؟
نطفة...ماء مهين..أصل حقير جدا..
اصلك حيوان مجهري من ضمن آلاف الحيوانات.. ربنا يختاره هو اللي يلتقي بالبويضة و يكون أول خلية.. و باقي الآلاف من الحيوانات نهايتها تكون في دورة المياه.. و كان ممكن انت تكون واحد منهم...
شفت الأصل وضيع قد ايه؟..
بس استنى..
الأصل صحيح وضيع.. ربنا خلقك كده عشان ماتتجبرش..
أنعم عليك ابتداءا بانه خلقك و ادالك الحياة..
بس كده؟.. الف حمد و شكر ليك يا رب..
لأ.. استنى..
ده ربنا كمان.. كرمك..
كرمني؟؟.. ازاي..
شوف يا انسان ربنا كرمك ازاي..
كرمك بانه خلقك بايديه..
"إِذْ قَالَ رَبُّكَ لِلْمَلَائِكَةِ إِنِّي خَالِقٌ بَشَراً مِن طِينٍ {71} فَإِذَا سَوَّيْتُهُ وَنَفَخْتُ فِيهِ مِن رُّوحِي فَقَعُوا لَهُ سَاجِدِينَ {72} فَسَجَدَ الْمَلَائِكَةُ كُلُّهُمْ أَجْمَعُونَ {73} إِلَّا إِبْلِيسَ اسْتَكْبَرَ وَكَانَ مِنْ الْكَافِرِينَ {74} قَالَ يَا إِبْلِيسُ مَا مَنَعَكَ أَن تَسْجُدَ لِمَا خَلَقْتُ بِيَدَيَّ أَسْتَكْبَرْتَ أَمْ كُنتَ مِنَ الْعَالِينَ {75} "ص
و كرمك بانه خلقك في أحسن صورة.. و أحسن تقويم..
"خَلَقَ السَّمَاوَاتِ وَالْأَرْضَ بِالْحَقِّ وَصَوَّرَكُمْ فَأَحْسَنَ صُوَرَكُمْ وَإِلَيْهِ الْمَصِيرُ {3}" التغابن
و كرمك بانه اداك عقل.. و اداك علم.. و علمك ازاي تنطق و تتكلم..
"الرَّحْمَنُ {1} عَلَّمَ الْقُرْآنَ {2} خَلَقَ الْإِنسَانَ {3} عَلَّمَهُ الْبَيَانَ {4} الرحمن
و كرمك بأنه سخرلك الكون كله..
"وَسَخَّرَ لَكُمُ اللَّيْلَ وَالْنَّهَارَ وَالشَّمْسَ وَالْقَمَرَ وَالْنُّجُومُ مُسَخَّرَاتٌ بِأَمْرِهِ إِنَّ فِي ذَلِكَ لَآيَاتٍ لِّقَوْمٍ يَعْقِلُونَ {12} النحل
"وَسَخَّرَ لَكُم مَّا فِي السَّمَاوَاتِ وَمَا فِي الْأَرْضِ جَمِيعاً مِّنْهُ إِنَّ فِي ذَلِكَ لَآيَاتٍ لَّقَوْمٍ يَتَفَكَّرُونَ {13}" الجاثية
و كرمك بانه فضلك على سائر الخلق..
"وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى كَثِيرٍ مِّمَّنْ خَلَقْنَا تَفْضِيلاً {70}" الإسراء
و كرمك بانه ماسابكش في الدنيا كده تضيع فيها.. لأ .. أرسلك الرسل و الأنبياء.. عشان يدلوك عليه.. عشان يهدوك لطريقه..
"قَالَ اهْبِطَا مِنْهَا جَمِيعاً بَعْضُكُمْ لِبَعْضٍ عَدُوٌّ فَإِمَّا يَأْتِيَنَّكُم مِّنِّي هُدًى فَمَنِ اتَّبَعَ هُدَايَ فَلَا يَضِلُّ وَلَا يَشْقَى {123}" طه
و كرمك بانه خلاك عبد ليه هو بس.. مافيش حد تاني تخضعله الا الله..
مافيش حد تاني تذل له الا الله.. ماخلاش حد يخضعك و يذللك.. زي مانت بخضع و تذلل الحيوان مثلا..
"وَلَقَدْ بَعَثْنَا فِي كُلِّ أُمَّةٍ رَّسُولاً أَنِ اعْبُدُواْ اللّهَ وَاجْتَنِبُواْ الطَّاغُوتَ فَمِنْهُم مَّنْ هَدَى اللّهُ وَمِنْهُم مَّنْ حَقَّتْ عَلَيْهِ الضَّلالَةُ فَسِيرُواْ فِي الأَرْضِ فَانظُرُواْ كَيْفَ كَانَ عَاقِبَةُ الْمُكَذِّبِينَ {36}" النحل
و كرمك أروع تكريم.. بانه خلاك أهل لأنه يحبك.. و دلك على الطريق.. قالك تعمل ايه بالظبط عشان يحبك..
"مَنْ عَمِلَ صَالِحاً مِّن ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُم بِأَحْسَنِ مَا كَانُواْ يَعْمَلُونَ {97}" النحل
و كرمك بانه حفظك.. و رعاك..
"وَإِنَّ عَلَيْكُمْ لَحَافِظِينَ {10}" الإنفطار
"إِن كُلُّ نَفْسٍ لَّمَّا عَلَيْهَا حَافِظٌ {4} الطارق
6- تاريخ الإنسان :
طيب يا انسان.. عرفت ربك؟.. و عرفت نفسك؟.. طب ماتيجي اعرفك تاريخك بقى؟؟
كان النبي "ص" من خلال القرآن بيعلم الصحابة تاريخ الإنسان.. و حكايته مع ألد أعداءه.. الشيطان..
"يَا بَنِي آدَمَ لاَ يَفْتِنَنَّكُمُ الشَّيْطَانُ كَمَا أَخْرَجَ أَبَوَيْكُم مِّنَ الْجَنَّةِ يَنزِعُ عَنْهُمَا لِبَاسَهُمَا لِيُرِيَهُمَا سَوْءَاتِهِمَا إِنَّهُ يَرَاكُمْ هُوَ وَقَبِيلُهُ مِنْ حَيْثُ لاَ تَرَوْنَهُمْ إِنَّا جَعَلْنَا الشَّيَاطِينَ أَوْلِيَاء لِلَّذِينَ لاَ يُؤْمِنُونَ {27} الأعراف
ليه يا رب؟؟؟؟
أصله..
"قَالَ أَنظِرْنِي إِلَى يَوْمِ يُبْعَثُونَ {14} قَالَ إِنَّكَ مِنَ المُنظَرِينَ {15} قَالَ فَبِمَا أَغْوَيْتَنِي لأَقْعُدَنَّ لَهُمْ صِرَاطَكَ الْمُسْتَقِيمَ {16} ثُمَّ لآتِيَنَّهُم مِّن بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَانِهِمْ وَعَن شَمَآئِلِهِمْ وَلاَ تَجِدُ أَكْثَرَهُمْ شَاكِرِينَ {17}" الأعراف
يا خبر!!!
احنا لا تجد أكثرنا شاكرين؟.. طب هانشوف..
فالصحابة اتربوا على المعنى ده. معنى.. "إعرف عدوك"
فكانت عداوة الشيطان ليهم و حرصه على إضلالهم في حسهم حقيقة.. يقين..
كانوا كأنهم شايفينه و هو بيأتيهم من بين أيديهم.. و من خلفهم.. و عن أيمانهم..و عن شمائلهم..
كأنهم شايفينه و هو بيوسوسلهم..
فكانوا دايما واخدين بالهم جدا و منتبهين من خطوات العدو ده..
فكانوا بيسدوا عليه كل الطرق اللي ممكن يدخلهم منها.. بإيه؟.. بالمسارعة في الخيرات..
و اتعلموا ده من القرآن برضه..
"فَإِذَا قَرَأْتَ الْقُرْآنَ فَاسْتَعِذْ بِاللّهِ مِنَ الشَّيْطَانِ الرَّجِيمِ {98} إِنَّهُ لَيْسَ لَهُ سُلْطَانٌ عَلَى الَّذِينَ آمَنُواْ وَعَلَى رَبِّهِمْ يَتَوَكَّلُونَ {99} إِنَّمَا سُلْطَانُهُ عَلَى الَّذِينَ يَتَوَلَّوْنَهُ وَالَّذِينَ هُم بِهِ مُشْرِكُونَ {100}" النحل
دي قصة سيدنا آدم مع الشيطان.. اللي بنقراها كتير في القرآن و بنعتبرها مجرد قصة..
لكن بالنسبة للصحابة ماكانتش مجرد قصة.. كان ليها أثر عميق جدا عليهم..
عرفتهم هما جم منين.. و رايحين فين.. و عايشين على الأرض يعملوا ايه بالظبط..
ايه دورهم.. و ايه العقبات و المشاكل اللي هاتقابلهم.. و ازاي يتخطوا العقبات دي و يتغلبوا عليها..
عرفتهم قد ايه الإنسان ضعيف يوم ماينسى ربه .. و قد ايه الإنسان محتاج للتوكل على الله.. عشان يكفيه شر عدوه.. الشيطان..
شافوا ده في تكريم الله سبحانه و تعالى لآدم.. بانه خلى الملائكة تسجد له.. و طرد ابليس من الجنة لأنه رفض يسجد لآدم..
و أمر آدم و حواء بانهم مايقربوش من شجرة معينة.. و حذرهم من ان الشيطان هايحاول يضحك عليهم عشان يخرجهم من الجنة..
"وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ أَبَى {116} فَقُلْنَا يَا آدَمُ إِنَّ هَذَا عَدُوٌّ لَّكَ وَلِزَوْجِكَ فَلَا يُخْرِجَنَّكُمَا مِنَ الْجَنَّةِ فَتَشْقَى {117} طه
و بالرغم من كل ده..
برضه الشيطان قدر يخدع آدم و حواء و أوقعهم في المعصية .. فأخرجهم من الجنة..
القصة دي كانت مخيفة جدا في حس الصحابة..
اتعلموا منها انهم مايفتكروش انهم خلاص بقى عرفوا مكايد الشيطان و مش هايقدر يضحك عليهم و انهم يقدروا يواجهوه لوحدهم.. لأ.. لابد من التوكل على الله و الإستعانة بالله لمواجهته..
"إِنَّ عِبَادِي لَيْسَ لَكَ عَلَيْهِمْ سُلْطَانٌ وَكَفَى بِرَبِّكَ وَكِيلاً {65}" الإسراء
و اتعلموا انهم حتى لو وقعوا في المعصية.. فدي مش نهاية الدنيا..
لأ.. باب التوبة و الإستغفار مفتوح دايما..
"فَدَلاَّهُمَا بِغُرُورٍ فَلَمَّا ذَاقَا الشَّجَرَةَ بَدَتْ لَهُمَا سَوْءَاتُهُمَا وَطَفِقَا يَخْصِفَانِ عَلَيْهِمَا مِن وَرَقِ الْجَنَّةِ وَنَادَاهُمَا رَبُّهُمَا أَلَمْ أَنْهَكُمَا عَن تِلْكُمَا الشَّجَرَةِ وَأَقُل لَّكُمَا إِنَّ الشَّيْطَآنَ لَكُمَا عَدُوٌّ مُّبِينٌ {22} قَالاَ رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ {23}"الأعراف
ندم شديد و اعتراف بالذنب فورا.."ظلمنا أنفسنا"..
و توبة خالصة لله.." وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ"
و اتعلموا منها خطورة الحسد و الكبر..
ان الذنوب كلها بدأت بالكبر.. استكبار ابليس على انه يمتثل لأمر الله سبحانه و تعالى بالسجود لآدم .."أنا خير منه"..
فقال "ص" :
" لا يدخلُ الجنَةَ من كَان في قلبه مثقالُ ذَرَّةٍ من كِبْرٍ"
عشان كده كان الصحابة أبعد خلق الله عن جراثيم الحسد و الكبر..
كانوا أبعد الناس عن الحديث عن النفس.. لأنهم استشعروا خطورة ده في "أنا خير منه"..
اتعلموا ده من
" الَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ إِلَّا اللَّمَمَ إِنَّ رَبَّكَ وَاسِعُ الْمَغْفِرَةِ هُوَ أَعْلَمُ بِكُمْ إِذْ أَنشَأَكُم مِّنَ الْأَرْضِ وَإِذْ أَنتُمْ أَجِنَّةٌ فِي بُطُونِ أُمَّهَاتِكُمْ فَلَا تُزَكُّوا أَنفُسَكُمْ هُوَ أَعْلَمُ بِمَنِ اتَّقَى {32} النجم
و اتعلموا ان مافيش تفاضل بشئ إلا بالطاعة.. ابليس اغتر بأصله..
"... قَالَ أَنَاْ خَيْرٌ مِّنْهُ خَلَقْتَنِي مِن نَّارٍ وَخَلَقْتَهُ مِن طِينٍ {12}" الأعراف.
و كانت نهايته ايه؟...
و اتعلموا ان ابليس هو العدو الأول ليهم.. فاتخذوه عدوا كما أمرهم الله سبحاته و تعالى..
" إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوّاً إِنَّمَا يَدْعُو حِزْبَهُ لِيَكُونُوا مِنْ أَصْحَابِ السَّعِيرِ {6} فاطر
دي حقيقة الشيطان يا مسلمين..
فخلوا بالكم منه..
هو قاعدلكم بالمرصاد.. شايفكم و انتوا بتعدوا نفسكم لبناء هذه الأمة.. مش هايسيبكم ..
هايحاول يوقع بينكم.. فماتدولوش فرصة لده أبدا..
" وَقُل لِّعِبَادِي يَقُولُواْ الَّتِي هِيَ أَحْسَنُ إِنَّ الشَّيْطَانَ يَنزَغُ بَيْنَهُمْ إِنَّ الشَّيْطَانَ كَانَ لِلإِنْسَانِ عَدُوّاً مُّبِيناً {53}" الإسراء
7- الكون
طيب يا مسلمين.. عرفتوا ربكم.. و عرفتوا نفسكم.. وعرفتوا تاريخكم؟..
تعالوا بقى اما اعرفكم بالكون من حواليكم..
" قُلْ أَئِنَّكُمْ لَتَكْفُرُونَ بِالَّذِي خَلَقَ الْأَرْضَ فِي يَوْمَيْنِ وَتَجْعَلُونَ لَهُ أَندَاداً ذَلِكَ رَبُّ الْعَالَمِينَ {9} وَجَعَلَ فِيهَا رَوَاسِيَ مِن فَوْقِهَا وَبَارَكَ فِيهَا وَقَدَّرَ فِيهَا أَقْوَاتَهَا فِي أَرْبَعَةِ أَيَّامٍ سَوَاء لِّلسَّائِلِينَ {10} ثُمَّ اسْتَوَى إِلَى السَّمَاء وَهِيَ دُخَانٌ فَقَالَ لَهَا وَلِلْأَرْضِ اِئْتِيَا طَوْعاً أَوْ كَرْهاً قَالَتَا أَتَيْنَا طَائِعِينَ {11} فَقَضَاهُنَّ سَبْعَ سَمَاوَاتٍ فِي يَوْمَيْنِ وَأَوْحَى فِي كُلِّ سَمَاء أَمْرَهَا وَزَيَّنَّا السَّمَاء الدُّنْيَا بِمَصَابِيحَ وَحِفْظاً ذَلِكَ تَقْدِيرُ الْعَزِيزِ الْعَلِيمِ {12} فصلت
و يكلمهم القرآن عن مظاهر في الكون...
الشمس و القمر و النجوم و الجبال.. وفوائدها..و ازاي ان الله سبحانه و تعالى الله أبدع في خلقها.. سينسفها نسفا يوم القيامة..
و تتكلم الآيات عن الرياح و السحب و المطر..
و ازاي ان الكون ده كله بيسبح لله سبحانه و تعالى :
" تُسَبِّحُ لَهُ السَّمَاوَاتُ السَّبْعُ وَالأَرْضُ وَمَن فِيهِنَّ وَإِن مِّن شَيْءٍ إِلاَّ يُسَبِّحُ بِحَمْدَهِ وَلَـكِن لاَّ تَفْقَهُونَ تَسْبِيحَهُمْ إِنَّهُ كَانَ حَلِيماً غَفُوراً {44} الإسراء
و تتكلم عن الحيوانات و ازاي ربنا سخرها للإنسان عشان يستفيد منها.. و ان لولا ان ربنا سبحانه و تعالى سخرها ليهم... لا يمكن كانوا يقدروا يستفيدوا منها..
" أَوَلَمْ يَرَوْا أَنَّا خَلَقْنَا لَهُمْ مِمَّا عَمِلَتْ أَيْدِينَا أَنْعَاماً فَهُمْ لَهَا مَالِكُونَ {71} وَذَلَّلْنَاهَا لَهُمْ فَمِنْهَا رَكُوبُهُمْ وَمِنْهَا يَأْكُلُونَ {72} وَلَهُمْ فِيهَا مَنَافِعُ وَمَشَارِبُ أَفَلَا يَشْكُرُونَ {73}" يس
و كلمهم القرآن عن ازاي ربنا سبحانه و تعالى بيرزق الحيوان..
الإنسان بيتعب و بيشقى عشان يحصل رزقه..و يقدر يخزن الرزق ده للمستقبل..
اما الحيوان.. ماعندوش عقل الإنسان.. ولا يقدر يخزن أكله.. ماعندوش تلاجات ولا نملية يخزن فيها الأكل..
و لكن بالرغم من ده.. ربنا بيرزقه..
" وَكَأَيِّن مِن دَابَّةٍ لَا تَحْمِلُ رِزْقَهَا اللَّهُ يَرْزُقُهَا وَإِيَّاكُمْ وَهُوَ السَّمِيعُ الْعَلِيمُ {60}" العنكبوت
" وَمَا مِن دَآبَّةٍ فِي الأَرْضِ إِلاَّ عَلَى اللّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا كُلٌّ فِي كِتَابٍ مُّبِينٍ {6} هود
شايفين يا مسلمين الكون ده كله؟..
و شايفين عظمة خلق الله؟..
اهو كل ده.. ولا حاجة..
كل ده مهما طال عليه الزمن.. فهو الى زوال.. الدنيا دي مش هاتدوم..
" إِنَّمَا مَثَلُ الْحَيَاةِ الدُّنْيَا كَمَاء أَنزَلْنَاهُ مِنَ السَّمَاءِ فَاخْتَلَطَ بِهِ نَبَاتُ الأَرْضِ مِمَّا يَأْكُلُ النَّاسُ وَالأَنْعَامُ حَتَّىَ إِذَا أَخَذَتِ الأَرْضُ زُخْرُفَهَا وَازَّيَّنَتْ وَظَنَّ أَهْلُهَا أَنَّهُمْ قَادِرُونَ عَلَيْهَا أَتَاهَا أَمْرُنَا لَيْلاً أَوْ نَهَاراً فَجَعَلْنَاهَا حَصِيداً كَأَن لَّمْ تَغْنَ بِالأَمْسِ كَذَلِكَ نُفَصِّلُ الآيَاتِ لِقَوْمٍ يَتَفَكَّرُونَ {24}" يونس
" اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الْأَمْوَالِ وَالْأَوْلَادِ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرّاً ثُمَّ يَكُونُ حُطَاماً وَفِي الْآخِرَةِ عَذَابٌ شَدِيدٌ وَمَغْفِرَةٌ مِّنَ اللَّهِ وَرِضْوَانٌ وَمَا الْحَيَاةُ الدُّنْيَا إِلَّا مَتَاعُ الْغُرُورِ {20}" الحديد
فلا تغرنكم الحياة الدنيا..
دي بعض المعاني اللي اتربى عليها الصحابة في دار الأرقم..
هي صحيح أفكار.. و لكن هانشوف بعد كده في السيرة ان شاء الله ازاي الأفكار دي حركتهم..
ازاي الأفكار دي كانت البداية..
و ازاي فكرة.. ممكن تبني أمة..