مين الأخ حورس ده؟ :eg:

[غــفــران]

لما دققت في شعار مصر 2010 لقيت انه مكتوب مصر 2010 و بعدين مرسوم عين فرعونية كده أظنها ترمز لحورس :thinky:

السؤال هنا بأه، مين حورس ده اللي بيطلع لي في البخت كل شوية؟ يعني بيرمز لايه او مين هو اصلا؟ :confused:

المشكلة انهم بيحشروه في كل حاجة ترمز لمصر... يعني هل مصر هي حورس و بس؟ :blink:

عشان كده كنت عايزة اتعرف على الأستاذ حورس ده اللي محاصرني في كل مكان B)

بجد اللي دارس تاريخ و يعرف عنه حاجة يا ريت يفيدنا :flowers:

[calabala]

ايوة انا اعرف معلومة خطيرة عن حورس B)
هى .....................
انه كان من الفراعنة :eg:
صح :clap::clap::clap::rolleyes::D

[ياسر سويد]

حورس ده أبن أيزيس وأوزوريس

[3al jannah]

انا اللي اعرفه ان العين الفرعونيه رمز من رموز الماسونيه...بجد

[غــفــران]

ده الموضوع طلع كبير اوي :blink:

ماسونية مرة واحدة؟ :confused:

برضه ماحدش قال لي مين هو حورس؟ و ليه حاطينه في كل حتة كده؟ ده ناقص يلزقوا صورته على قفانا :dots:

[جهـــJeHaDـــاد]

عين حورس رمز الحكمه لدي الفراعنه

وكانت في فترة متأخرة(الاسرة ال18) شعارا لمنظمة سرية فرعونية هي جمعية ايزيس السرية التي كانت مناهضة لتعدد الالهة تحت دين امون وتنادي بعودة عبادة الرب الواحد اتون وتستخدم في ذلك الاغتيالات والارهاب وسيلة وكانت مسؤلة عن ازاحه توت عنخ امون وزوجته عن العرش ووضع قائد جيش مصر حور محب علي رأس العرش قبل ان يطيح به قائد جمعية ايزيس الراهب كاي عن العرش ويعدمه ويمحو صوره عن المعابد و ويعيد الشعب الي عبادة اتون الرب الواحد وفيما بعد لقي مصرعه ايضا بصورة غامضة


من مباديء جمعية ايزيس وما توارثه الفلكور الشعبي رواة القصص في فتره متاخرة (عام 47 لميلاد المسيح) ظهرت اول بوادر التنظيم الماسوني الاول علي يد ملك ورشليم ومستشاره الاول حيرام ايبود مستمدا كثيرا من الطقوس والتعاليم من هذه الجمعية مع اختلاف الهدف بالطبع


في الطب مازالت عين حورس رمزا للحكمة وحرف ال R علي جميع الروشتات والشهادات الطبية هو في الواقع يعود لعين حورس


اما الغاية من ادماجه في الاعلانات الوطنية فهو كونه رمزا مميزا للحضارة المصرية وبعيد عن الوثنية ايضا حيث ان حورس ليس معبودا مصريا بل هو في الاساطير ابن يزيس واوزرويس وقاتل اله الشر ست فهو ايضا رمز للشجاعة و الوفاءالي جوار الحكمه

بس ياستي ادي كل الحكاية:flowers:

[غــفــران]

ايه ده؟ مين؟ :blink:

دائرة المعارف الكتكوتية؟ B)

يا فندم جزاك الله كل خير على مجهودك، نورت المحكمة :idea:

انما انا برضه معترضة على حشر حضرته مع احترامي له في كل حاجة و اي حاجة و التمسح في الحضارة المصرية العتيقة بالطريقة دي.

و دمتم :flowers:

[eldoctor]

حورس ..ايوه .هو .. صح .. عينه على كل روشتة ..دوا ...
يعنى حيجيب للشعب كله المرض.....

[اكشن]

حورس ابن ازيس واوزريس ويرمز للحكمة لدى الفراعنة