التدين المفترض .. و ثقافة القص و اللزق

[eldoctor]

.. فكرت كتير قبل ما اكتب الموضوع ده ..و بصراحة.. مكنتش ناوى اكتب .. بس وصلت لمرحلة .. و بعد كام موقف فى القهوة .. خلونى كنت عايز امشى من القهوة خالص( ولسه الفكرة دى فى دماغى)
قلت اكتب .. لما اشوفهل المعنى اللى فى دماغى صح ولا لا ..
ايه الهدف من انك تكون متدين ؟؟؟
لنفسك .. ولا لغيرك .. ولا ايه بالضبط ؟؟؟
وايه المطلوب منك كمتدين .. وانت على النت ؟؟
هل تدخل على موقعين تلاتة .. وانسخ موضوعين معمولين قبل كده فى منتدى تانى ... والزق هنا ؟؟؟ و كل الردود .. من عينة الله يجزيك خير .. ولا احسنت ..
هل المنتدى مجرد كشكول بنلم فيه شوية احاديث على كام تفسير .... ولا
لما بتحصل حاجة مهمة .. بنشجب و نستنكر .. ونطالب بحرق الكفرة .. و القتال حتى الموت دفاعا عن الدين .. هل هى مجرد حماسة على النت .. و كل واحد بيروح ينام بعد كده .. وهوه حاسس انه عمل اللى عليه .. وانه كده داعية عصرى ..
هل المفروض ان ده اخر المشوار ؟؟
ولا المفروض اننا نعمل حاجات تانية ..
فبل ماحد يسخن ..و يزعل .. الاسئلة دى لنفسى قبل منكم .. و انا فكرت مليون مرة .. قبل ما اكتب ...المشكلة.. ان عدد الزباين فى القهوة كتير ... و كل مجموعة واخدة خط .. بس المحصلة ايه .. يعنى بيعجبنى الناس اللى فعلا بتعمل حاجة .. زى المشاريع اللى بيعملوها الناس اللى فى اسكندرية.. طيب و باقى الناس ..
حاجة تانية جننتنى .. انا حطيت اكتر من موضوع علشان نفكر لقدام .. ونحط خطط للمستقبل .. ولا الهوا .. الناس مش بتقرأ .. ولا انا اللى باكتب غلط .. ولا مباحث امن الدولة فى القهوة بتقفش فى الناس ؟؟ مش فاهم ..
هل كل واحد لما بيقعد مع نفسه ..ز بيحس انه عمل اللى عليه .. هل بقى داعية.. هل ايمانه اكتمل ؟؟؟
زمان هريدى قال ان خط القهوة .. للملتزمين الجدد .. او الملتزمين حديثا .. هل انا باطلب من الناس كتير فى البداية .. اكتر من طاقتهم ..
ياترى حد فهم انا عايز اقول ايه ..
اظن ان الموضوع ده كمان حيروح فى خانة المواضيع اللى باكلم فيها نفسى .. ياريت الناس ترد..
انا كان نفسى اعمل سلسلة مواضيع للاباء و الامهات .. عن تربية الجيل الجديد .. بس نفسى اتسدت من تفاعل الناس مع المواضيع .. المهم ..
ما توجعوش دماغكم .....

[ماسة]

لا يا دكتورنا تمشي وتسيب القهوة لية بس؟
هو واضح زي ما قالت الدكتورة شو قبل كدة ان المواضيع القيمة تتعرف لو الردود فيها صفر للاسف :confused:.
بالنسبة للسؤال, الهدف من ان الواحد يكون متدين انة ينفع نفسة و يذكر اخواتة بالدين لو ضعفوا ويفيد كل اللي مش متدينين انة يقربهم من الدين باسلوب محبب.
اية المطلوب من المتدين على النت؟ :thinky: انة يمثل قدوة لغيرة ليتبعها. لأن واحنا على النت مبنعرفش الشخص دة متدين فعلا ولا بيتدعي ولا حكايتة اية فالمتدين على النت بيبان من كلامة وتعاملة مع اللي حوالية زي البوص كدة. اللي بينسخ مواضيع معمولة قبل كدة افتكر ان المواضيع دي بتبان والردود عليها مبتباش كتير و حتى لو الكتير المعظم مش بيقراها بيدخل يرد وخلاص يا اما عشان الموضوع طويل اوي يا اما عشان اللي كاتب اسلوب كتابتة لا يتوافق مع طبيعة الموجودين حوالية.
الحماس اللي على النت مش اخر المشوار لأن في ناس كتير هنا متدينين و بيعملوا حاجة فعلا زي اللي بيزوروا ملاجئ الايتام زي ما حضرتك قلت. يعني كل واحد يعمل الخير على قد ما يقدر ناس بتزور ملاجئ الايتام وناس تساعد اخواتها وتاخد بايدها للدين وناس شغالة في السر :bye:.
متزعلش يا دكتور لما الناس متردش لأن الكتير الواحد بيقرا موضوع و ميردش لأنة عارف انة راية مش هيغير حاجة, صحيح رد فعل سلبي لكن الواقع مبيساعدش على الايجابية للاسف :shutup:.
انا طولت اوي اوي يا ريت اكون قلت حاجة مفيدة:flowers:

[Yahya_Ayash]

الحقيقة يا دكتور أنا حاسس انك عايز تقول كلام مهم..بس انا مش فاهمك!

ياريت توضح أكتر..إيه المواقف اللي زعلتك..وليه؟..وإيه الصورة اللي تتمنى انك تشوف القهوة عليها..

الأهم من كده..إن فالقهوة هنا..سهل جدا نتعامل مع الأفكار..أما المشاريع النافعة..فدي المنطقي انه كل واحد بيعملها مع نفسه..بالاستفادة طبعا من الأفكار اللي مكن يلاقيها هنا!..مش عارف إذا كنت بكده قلت حاجه ليها علاقة بالموضوع وللا لأ! :confused:

[سنفور مفكر]

السلام عليكم ورحمة الله وبركاته

يا دكتور ...... جزاك الله خيراً على الموضوع
كلامك ينطبق على شريحة من زبائن القهوة لا على جل الزبائن

ومن الصعب جداً أن تجمع عدداً كبيراً من الناس على مثل هذا الخط الجدي

ليس هذا بالمستحيل ولكنه يريد صبراً فاصبر يا أستاذي

نقطة أخرى: أنا أتفق مع أخي يحيى عياش
مثال أو اثنان يوضحان الفكرة التي لم نتأكد من أن فهمنا لها كان صحيحاً

أخوك
سنفور مفكر

[Dr ims]

السلام على من اتبع الهدى وكااااااااااااااان من المتقين


الاخ الاكبر
وان كنت اظن ان حضرتك قد والدي:thinky:
بس المهم :closeeye:
انا في الطبيعي ما بردش على المواضيع
ومقتصر على القراااءة والفهم
الا
اذا كانت بحاجة لرد او مشاركة كما ان الوقت المتح لي على النت في الفتره الحالية ليس كبير ساعة :sniff:
او اقل بعد الكلية
المهم بعيدا عن الحوارات الجانبية:blink:


حضرتك انا بقرا اليومين دول كتاب لراجي عنايات بيناقش المستقبل وكيفية الاعداد له :hot:
للنهووض بنا كأمة لها وزنها على مر العصووور يجب ان تحاااول تجاوز منرحلة السبات الى مرحلة اكثر تطورا:)
المس مم قلت حضرتك كما للمؤلف من انين على الباقي مع اختلاف كينونتهمامه او زباين قهوة هم شريحة عشوائية من الامة:dry::rolleyes:
الخطوااات المستقبلية مفيده لكل منا
للتدبر والتفكير فيها:idea:
ووضع بعض هذه المواااضيع موضع نقااش و في ظرووف ملائمة للحوااار
امر حتمي ... ومطلوب:idea:

بمعنى
نفترض اننا نتحدث عن ظروووف التعليم في مصر
فان من زبااااين القهوة من سيمر مرور الكرام قارئا
او يقرا العنوان ويقووول يادي التكرار
لكن قلة هم من سيدخلون ليطلعو على المضمون و يشاركون بما لديهم من افكاااار :closeeye:
طب والتنفيذ :thinky:
قد يكون بامكاننا كالمشااااريع التي ذكرت حضرتك والاخوة^_^
وقد لا يكون كما هو حال التعليم ...الا اذا مسك حد فيكم الوزارة:huh:
او حصل اجمااااع شعبي:nug:



في نقطةمهمةحضرتك
الاوهي
في القهوةوفي قسم في حب الله نلتقي:D
اسرة هي نواة للتجديد في العمل وبذر بذووور الخير
هذاعمل جاااد يراد به وجه الله
قد يتطور عن مستوى القهوة والنت نحو لقاااءات شخصية
وندوااات خارجية :pray:




وللعلم فاني شخصيا
اقيس احيانا مدى نجااااح مواضيعي بعددالقارئين وفي احيااان اكثر بثقل القارئين والمعلقين عليها
سواااء ناضورجية او ذوي النيااااشين وغيرهم




انتظر ردك
ولك تحياااتي





في امان الله:pray:

[eldoctor]

تعرف من زمان ايم الكلية .. وحتى من ايام ثانوى .. وانا عندى قناعة .. انه ما حك جلدك مثل ظفرك .. يعنى عايز تعمل حاجة .. روح اعملها و ما تقولش لحد ..
بس لما تلاقى 14000 بنى ادم ...بتفترض ان فيهم 1% عايز يساعد .. انما لما تلاقى واحد او اتنين بس اللى بيقروا .. يبقى على الدنيا السلام ...
شبعت من الانتقاد .. انا اقدر انتقد كل حاجة فى الدنيا .. بس اقدر اصلح كام حاجة ...
اللى بيقرالك .. مهم لان فيه ناس بتاخد المعلومة و توصلها حتت تانية .. انا واحد من الناس بادخل اكتر من 60 منتدى .. وعضو فيهم كلهم .. لما بالاقى حاجة تستاهل بانقلها ... وحتى فى المنتديات الاجنبية .. بادخل واجادل .. بس بابعد عن الجدال لمجرد احساسك انك عملت حاجة؟؟؟
لا تدخل المنتدى و تراقب وتشوف من عنده عقل فى المنتدى .. وتبدأ تدخل تناقشه... يمكن ربنا يهدينا و يهديه ...
خرجت عن الموضوع ...؟؟؟
المهم .. ياريت الناس تشارك ولو بالتفكير مش بالانتقاد .. قدموا حلول لكل حاجة ونناقش .. مش بس عناوين .. عايزين الاعلام يبقى اسلامى ... المهم ازاى .. قولوا نقط وتفاصيل .. ولا احنا دايما عايزين حد تانى يفكر لنا؟؟؟

[Yahya_Ayash]

بداية..تفعيل الرقابة الأخلاقية على المواد الفنية..
ثانيا..إطلاق الحرية للمذيعات في لبس الحجاب..
ثالثا..جو الحرية العام الموجود في البلاد..سيوقف التملق والكذب والتزييف من إعلامنا!!!
رابعا..كل صاحب فكرة..له الحق بأن ينتج برنامجا أو أكثر في التلفاز أو غيره..في مساحة واسعة منه تخصص لأصحاب الفكر..بشرط ألا يمس بثوابت الأمة..وبالطبع يدخل في ذلك الدعاة وغيرهم..
خامسا..استفتاء دوري على برامج التلفاز واستمرار عرض كل منها..وكذا في باقي وسائل الاعلام..

سادسا..في مرحلة متقدمة..قد يرفض السواد الأعظم من المشاهدين ظهور المذيعات دون حجاب..وعندها يكون الحجاب زيا رسميا مشروطا للمذيعة..لكن يجب أن يكون هذا بناء على رغبة الجماهير:-"

[Ibn Abdel Aziz]

كاتب الرسالة الأصلية : eldoctor
[Bعايزين الاعلام يبقى اسلامى ... المهم ازاى .. قولوا نقط وتفاصيل .. ولا احنا دايما عايزين حد تانى يفكر لنا؟؟؟ [/B]

إسلامي ؟؟؟؟

عرفه كده ؟؟؟

[eldoctor]

طيب ما تقولنا رأيك ايه بدل مانت جاى تقولى عرفه؟؟؟؟؟

[Ibn Abdel Aziz]

انت اللي بدأت الموضوع ...بالتأكيد عندك تعريف ليه ......

أنا مش بتحدي حد ....أنا بس بسأل

[most@faguild]

كاتب الرسالة الأصلية : eldoctor

شبعت من الانتقاد .. انا اقدر انتقد كل حاجة فى الدنيا .. بس اقدر اصلح كام حاجة ...

معاك حق يادكتورلكن تقدر تدخل فى حب الله نلتقى ستجد الموضوعات كلها تمس الجميع وتحسهم على شىء
والله يادكتور كل الموضوعات الموجوده الجميع بيستفيد منها وان لم يكن له رد فعل ولكنه على الأقل تعلم شىء أو حس على شىء فلا ننظر لعدد الردود يمكنك أن تنظر لعدد الزيارات ومن هنا نحكم على مدى تأثير الموضوع فهناك الكثير يقرأ الموضوع ويستمتع به أو يثير فيه شىء ما ولكنه لا يقوم بالرد عليه ليس عدم اهتمام لأنه أكيد استفاد
والأمثله كثيره أقربها هذا الموضوع الذى كتبته أنت فى العضل منذ فتره بعنوان(على بابا والربعميت ألف حرامى) موضوع يثير نقطه هامه وواقعيه جدا ومع ذلك فإن عدد الردود عليه قليله جدا أنا نفسى لم أرد عليه ولكن هذا لامنع أنه من أكثر المواضيع التى أثارت إهتمامى منذ دخولى هذا المنتدى وأيضاً موضوع بسيط جدا بعنوان..
البخل بالكلمه أسوأ من البخل بالمال موضوع كتبته الأخت منة الله رائع حقا وعدد الردود فيه كبير ولكن إذا قرأتها كلها لن تجد رد واحد يفيد فى شىء كلها ردود زى قلتها لذلك ياأخى فإنه ليس بالردود وإنما يمكنك أن تقيس أثر الوضوعات فى نفوس الناس فالرد لا يقلل من قيمة الموضوع أبدا مهما كان..
لذلك فأنا مع الأاخ عياش فى البحث عن الموضوعات المثيره حقاً للإهتمام مثل موضوع حجاب المذيعات أو البرامج التلفزيونيه ويمكنك طرحها وستجد حقاً المشاركه الإيجابيه من كل أعضاء القهوه وربما يوفقنا الله ونستطيع أن نفعل شىء مجدى.

وساعتها يادكتر أوعدك إنك مش هتفكر تسيبنا أبداً:thinky::D:D

ووفقكم الله جميعا وجزيتم ألف خير

أخوكم فى الله

[eldoctor]

اخى الفاضل .. انا لا انظر للردود .. انا انظر لعدد المشاهدات .. ولكن المشكلة .. ان المواضيع التى ليس عليها ردود .. بعد يومين تبقى فى اخر الكشف .. ومحدش بيقرأ ززز انا عن نفسى بافلى المنتدى .. واشوف كل حاجة .. بس معظم الناس بيشوف اللى على الوش ..
انا يهمنى الموضوع يعنل حاجة .. مش مجرد يتقرى ...
ان الاوان للانتقال من القراءة الى المشاركة .. ولو ان حتى دى انا مش راضى عنها ... مش المشاركة بالكلام بس .. انا من فترة و انا عضو فى حاجة اسمها ورش العمل الاسلامية .. بدأت الاول بمناقشات .. طويلة و مستفيضة.. و المجموعة اللىشاركت معاهم .. ناس ربنا يباركلهم فى ايمانهم .. و عقلهم .. كنا بنناقش كل حاجة . و نجيب مراجع .. مش فى الدين بس .. اقتصاد وسياسة .. و كل حاجة .. عمل عام ... و بعدين نحط خطة .. اللى اتنافشنا فيه لازم يتحول لحاجة ملموسة .. اللى غير قابل للتطبيق يتحط كمرجع للى ييجى بعد كده و عنده امكانيات ... واللى يتطبق يبقى فورا .. معلش مش حاقدر اقول تفاصيل لانى لست فى حل ..
انا حاولت اعمل حاجة زى كده فى القهوة .. وصوتى راح .. وانا باقولكم .. ناقشوا موضوع كبير زى الدولة الاسلامية ..حطوا تفاصيل .. اللى حايتعمل دلوقت .. حيريح اللى جاى بكره كتير جدا ..انما اقول ايه بادن فى ماطا.. وقلت موضوع تثقيف الاعضاء .. اللى ردوا على 5 .. و موضوع تانى .. تربية الجيل الجديد للاباء و الامهات .. محدش عبرنى ... .. انا باحاول فى كل اتجاه .. بس بصراحة مش شايف فايدة .. فى القهوة...
جايز لان منسوب الاعمار .. والعقليات و الخبرة متفاوت .. يعنى انا ساعات بالاقى ناس قد ولادى .. بيجادلونى .. فى حاجات .. لو رحت تجادل فيها مع والدك .. مش حيرد عليك اصلا . و ساعات كتير .. بلاقى تأليس ..و كلام كأنك فى مدارس ثانوى ...
الحاجات دى بتحبط ..علشان كده انا قللت فى ردودى .. انا باطرح مواضيع و اشوف .. يمكن ربنا يكرم والاقى ناس تنفع تدخل ورش العمل ...
ياريت الناس تبقى صناع الحياة زى عمرو خالد ما بيقول .. مش بس فرجة على التليفزيون ..
عارف انا فيه ناس معينة فى القهوة بانتظر ردودها ..
محدش منهم قرأ حاجة من اللى انا كتبته .

قبل ما تقول ازاى .. انا بون قديم فى القهوة .. وعارف مين بيقرأ و يعلق .. ومين مش بيقرأ خالص....
معلش طولت عليك .. بس قلت اللى فى ضميرى ..
تحياتى لكم جميعا

[most@faguild]

ان الاوان للانتقال من القراءة الى المشاركة

[bigera]

السلام عليكم

انا لسه شايف الموضوع دى :blink:

على ما اظن معظم الناس هنا بتدخل النت كوسيلة ترفيه بعدا عن المشاكل او المذاكرة

يبقى كانه بيرح نفسه شوية ولا حاجة

كمان ساعات بيكون الموضوع طويل وغير منسق وبكده يهرب القارىء

انا فاهم قصدك يا دكتور

بس ساعات بكون عاوز اكتب فى موضوع الاقى نفسى مش حعمل بالى حكتب بيه :sniff:

عشان كده بنسحب بهدوء

بس بحاول استفيد من القراة واشارك لو عندى معلومات :flowers: