اتعلم الحكمه يا كتكوت

[najjar]

يا ابو دم تقيل يا رمه..... طالع فى العالي ليه

امال لو كنت عادل ...... كنت هتعمل فينا ايه

هاحكيلك انا حدوته...... فيها حكمه كمان مظبوطه

كان مره ابن الخطاب..... جم وشكولوا الخطاب

وقالولوا المهر ده غالى...... والناس تطلب وتغالى

ف ياريت تحددهولنا..........علشان نقدر نتجوز

ولا نصبح احنا ف يوم........عضمه كبيره ونعنز

فقوام اصدر فرمان.............. فرح بيه العرسان

ونسى ان الامر ده هو......... يخص كمان النسوان

ف قالت له وحده ست........... ازاى فى الامر تبت

ده حق من حقوقنا............. ملزوم بيه الخطاب

وارجع يا امير للايه............ واقراها فى الكتاب

فقال المراه اصابت......... وغلط ابن الخطاب

فياريت تتعلم منه.......... والغلط تسيبك منه

وتقول لنا رايك ايه....... فى الحكمه ده هيه يا بيه

محاوله بسيطه من اخوكم الغلبان

[موعوود]

حمدالله علي السلامه ياباشا
وحشتني ووحشتني ارائك القويه
ومنتظرين سوا رأي البيه :police:
علي فكره اخبار :scooter: اييه

[النجمة البعيدة]

:clap:
جميلة يا اخ نجار.....وللامام دائما:flowers:

[najjar]

كاتب الرسالة الأصلية : موعوود
حمدالله علي السلامه ياباشا
وحشتني ووحشتني ارائك القويه
ومنتظرين سوا رأي البيه :police:
علي فكره اخبار :scooter: اييه

شكرا للباشا موعود

راى البيه معروف بس انا كنت عايز اعرف راي الكتاكيت كمان

[najjar]

كاتب الرسالة الأصلية : النجمة البعيدة
:clap:
جميلة يا اخ نجار.....وللامام دائما:flowers:

ةالله يا اخت يا نجمه يا بعيده انا مكسوف منك!!!!

عشان انت بتبعتيلي ردود وورود وانا مش عارف ابعتلك ولا ورده!!!!

اصل سر ميخفاش عليكى ولا على الكتاكيت انا مش عارف اعمل البتاعه بتاعة

الصور واما اعرف هابعتلك بدل الورده الف ورده..

ومؤقتا خدى منى دي على راي واحد صاحبنا.

[أرض الميعاد]

اتعبت الخلفاء والرؤساء من بعدك يا ابن الخطاب

تسلم ايدك يا نجار على القصيده الهادفة
وفقك الله

[محمد فارس]

كاتب الرسالة الأصلية : najjar
محاوله بسيطه من اخوكم الغلبان

ياسلام على التواضع يانجار باشا00
طب انت عملت كوكتيل جميل قوى00
خلطة تاريخ ودين ونصيحة 00وكل ده فى قالب شعرى ظريف00

عم نجار
كَتــر من "محاولاتك البسيطة دى " الله يخليك

[رنـranimـيم]

اهلا نجار ...حمد لله على السلامه


يا ابو دم تقيل يا رمه..... طالع فى العالي ليه امال لو كنت عادل ...... كنت هتعمل فينا ايه

:brb::brb::brb::brb::brb::brb::brb::brb:

انت قصدك على مين ؟؟؟:brb::brb::brb:...هو الحقيقه دمه تقيل فعلا

ومن جهة رمه هو برضه رمه ....وماحدش عارف يلمه..بس الحق علشان

مانبقاش مفتريين هو مش طالع لنا فى العالى .:crazyy:..حرام هو طالع لنا

فى البخت

رحم الله ابن الخطاب كان مثل يحتذى به قدوه لكل مسئول

وراعى وولى امر يتحرى العدل والحكمه ويبتغى رضى الله ولكن ...حنقول

لمين ....التاريخ مليان بالمواقف الجميله وسيرة الامام عمر مليئه بالمواقف

الرائعه ...لكن :hat: دى عالم ودن من طين ووطن من عجين واحنا لاحول لنا

ولا قوه ....دى ناس انتهى تاريخ صلاحيتهم من زمااااااااااااان

اختنا ارض الميعاد بمنتهى البراءه بتقول اتعبت الرؤساء والملوك ياابن

الخطاب ...اختى العزيزه العادل عمر ماتعبش حد منهم خالص لان شروط

اللى يتعب من قراءة تلك المواقف العظيمه هى وجود شئ هام جدا وهو

الضمير وبما ان هذا الضمير غائب فلااعتقد ان فيه شئ تعبهم وبعدين اللى

تعبهم دلوقتى

هو ابن بوش مش ابن الخطاب

تسلم ايدك يانجار وبلاش غياب



رنيـــــم

[najjar]

كاتب الرسالة الأصلية : أرض الميعاد
اتعبت الخلفاء والرؤساء من بعدك يا ابن الخطاب

تسلم ايدك يا نجار على القصيده الهادفة
وفقك الله

اشكر مرورك الكريم وربنا يقدرنا على فعل الخير

[najjar]

كاتب الرسالة الأصلية : هراس
ياسلام على التواضع يانجار باشا00
طب انت عملت كوكتيل جميل قوى00
خلطة تاريخ ودين ونصيحة 00وكل ده فى قالب شعرى ظريف00

عم نجار
كَتــر من "محاولاتك البسيطة دى " الله يخليك

يا مرحب بالزعيم

انت مجرد مرورك يدفعنى للامام!!!

امال بقى لما تمر وتقرا وتبدى رايك وتشجعنى تفتكر هاعمل ايه؟؟؟؟؟؟؟؟

ده انا هافتري على نفسى يا زعيم.

شكرا لتشجيعك.

[najjar]

كاتب الرسالة الأصلية : رنـranimـيم
اهلا نجار ...حمد لله على السلامه




:brb::brb::brb::brb::brb::brb::brb::brb:

انت قصدك على مين ؟؟؟:brb::brb::brb:...هو الحقيقه دمه تقيل فعلا

ومن جهة رمه هو برضه رمه ....وماحدش عارف يلمه..بس الحق علشان

مانبقاش مفتريين هو مش طالع لنا فى العالى .:crazyy:..حرام هو طالع لنا

فى البخت

رحم الله ابن الخطاب كان مثل يحتذى به قدوه لكل مسئول

وراعى وولى امر يتحرى العدل والحكمه ويبتغى رضى الله ولكن ...حنقول

لمين ....التاريخ مليان بالمواقف الجميله وسيرة الامام عمر مليئه بالمواقف

الرائعه ...لكن :hat: دى عالم ودن من طين ووطن من عجين واحنا لاحول لنا

ولا قوه ....دى ناس انتهى تاريخ صلاحيتهم من زمااااااااااااان

اختنا ارض الميعاد بمنتهى البراءه بتقول اتعبت الرؤساء والملوك ياابن

الخطاب ...اختى العزيزه العادل عمر ماتعبش حد منهم خالص لان شروط

اللى يتعب من قراءة تلك المواقف العظيمه هى وجود شئ هام جدا وهو

الضمير وبما ان هذا الضمير غائب فلااعتقد ان فيه شئ تعبهم وبعدين اللى

تعبهم دلوقتى

هو ابن بوش مش ابن الخطاب

تسلم ايدك يانجار وبلاش غياب



رنيـــــم

اولا-
يسلم بقك على الكلام الجميل ده ياست هانم...

ثانيا-
انا قصدي بتاعنا انت ليه رحتى بعيد؟؟؟؟

ثالثا-
والله الغياب كان غصب عنى انما انا مقدرش استغنى عن اخواتى.

رابعا وده المهم---

بلاش ابن بوش لحسن تتفتشى وساعتها انا هسيبك وافلسع.

[najjar]

:chair: