فقير الحى غريييييييييييييييييييييب

[جارة القمر]

:doctor:شفت يا عم هريدى الحال
اصل ميزان العدل ده مال
مال من بدرى مال على عينه
ما بقاش شايف غير ملاينه
يوم ورا ما حناش عاجبينه
اصل فقير الحى غريب
مش ممكن تلاقى له حبيب
لو جاع يوم ياكل بعضه
لو يتعرى يلملم بعضه
لكن حد يقولله سلامتك
كان الكون يتشقلب حاله
يعنى البيه ولا الهانم
الى يا عينى يعيا شوية
يجرى بسرعة على الدكتور
علشان عينه طرفها حرير
اما ياعينى فقير الدار
لو كان يعيا يبقى حمار
اصل عياه ده عيب وحرام
ممكن يعدى ولاد الناس
تبقى مصيبة وكارثة عليه
بلدى جميلة ما شاء الله
لو رقاصة او هجاصة
جالها زكام تبقى مصيبة
يجرى وزير قبل غفير
يسعوا تسافر بره اوام
اصل الهانم دى فنانة
ثروة لبلدى يا ناس غلبانة
هزة وسطها كده عالواحدة
تملى جيوبنا بالدولارات
اما فقير الحى يا عينى
يولع يغرق ما يهموش
عيل بيموت عنده القلب
يا خد دوره زى الكلب
المستشفى مش فاضية له
او يستنى لما الهانم
ترجع من بره يا ولداه
ممكن ترجع تعمل حفلة
تجمع بيها فلوس لعلاجه
شفت الفرق يا عم محب
هى هترجع لاجل عيونه
ترقص تجمع له الملايين
لكن هو لو كان خف
كان هيجيب كام مليم؟
فنان با شا ومدمن خمرة
رايح يعمل فى دماغه عمرة
اما الحاجة الغالية نفيسة
ست غبية بمخ تخين
عندها سرطان هى الغلطانة
تاكل ليه طعمية بزيت
كتر القلى فى طاسة الزيت
قلنا يا ناس بيجيب سرطان
يعنى نجيب بايدينا عيانا
ونقول للدولة التعبانة
اصرفى يلا علينا اوام؟
والله يا ناس ده حتى حرام
هى هتعمل ايه الدولة
عمالة تشحت جوه وبره
علشان مستشفى السرطان
وانتم ليه ما بتستنوش
لما تجيها الدولة فلوس؟
برضه تخلوا فى عينكم دم
وبلاش ترموا عليها الهم
دوركم لسة بدرى عليه
لما يخف جناب البيه
لو غلطانة ابقوا قولوا لى
يلا قوام رايحة اخد دورى

[الغزال الشارد]

إللي يقول إنك غلطانه.......








:box::box:



:chair::chair::chair:






:dead::dead::dead:





:rip::rip::rip::rip:







أكلملك خالي الخُط في الصعيد...........يشرحه....







:tu::tu::tu:

[جارة القمر]

ابااااااااااااااااااااااااااااااااااااااااى


واااااااااااه يا غزال



هو الخط يبجى خالك؟




ده احنا جرايب عاد:clap:



انا بت الخط ذات نفسيته
:bb:


نورتى يا بت عمتى



اكده نبجى عزوة فى الجهوة دى



والكل يخاف منينا :knight:



تسلمى يا غالية




اسلوبك فى الكتابة رائع وكلمتك اكتر من جميلة:flowers:
بسم الله ما شاء الله

[ســانــدى]

غلطــــانة ؟؟!!:huh:



فشـــرررررررررررررررر :king:


بس اجرى يا حبيبتى الحقى دورك :blond:



جميلة جدا جدا جدا :clap::clap:

خدى دى :flowers::flowers::flowers:

[محمد فارس]

جارة القمر00
اولا ترحيب متأخر بتواجدك معنا فى اكتب عامى وماشاء الله على موهبتك00

احب جدا هذا النوع من الشعر الساخر والناقد لكثير من الامور فى مجتمعنا 00
نحن فى انتظار المزيد من مشاركاتك 00
تحياتى

[جارة القمر]

تسلمى يا ساندى يا ختى
اجاملك يا رب وانت راجعة من الحجاز يا اميرة:lolly:
هههههههههههههههههههههههههههه
انت حتة سكر يا ساندى
شكرا على المشاركة الجميلة
:luck::luck::luck::luck::luck::luck::luck::luck::l uck::luck:

[جارة القمر]

هرا س يا اجدع ناضورجى فى المنطقة

شكرا على مداخلتك الجميلة

مجرد مرورك تحية غالية اعتز بيها جدا


ولك كل التقدير على مشاركاتك الجميلة
:luck:

[محمـد حمـوده]

يا جارة القمر
يبدو ان القمر أثر على كلماتك ... فأخذت بعضا من نوره .. وبعضا من حزنه
بجد كتاباتك رائعه .. غزيرة الافكار .. متدفقة المشاعر ... ( كلام كبير زى اللى فى كتاب النصوص )
الموسيقى الداخليه بتعلن عن نفسها ببساطه ووضوح ....
الى الامام .. و بالتوفيق دايما

[جارة القمر]

mo7amouda
شكرا على الكلمة الجميلة
ويا رب اكون استاهلها
وكلماتك اجمل منها كتيييييييييييييييييير
شكرا للمشاركة