موضوع جديد اكيد مفيد للجميع

[elashkef]

shareware اوfreeware كل واحد مننا جرب
ولكن كثير من هذة البرامج لا نستخدمها بعد ذلك اما لانها متشابهة مع برامج اخرى او انها ملهاش لازمة
وتمن دة هو تضخم الregistry
مما يؤدى لبطء الجهاز مع الوقت

و برضه كل واحد نفسه فى شراء جهاز كمبيوتر او احد مستلزماتة من
ال hardware
و لكنة تردد بسبب تمنة او خوفه من اعطالة او من عدم كفأته
او انه اشتراه فعلا و اتصدم فيه
والموضوع اللى باقترحه هو انك اذا كنت مقبل على شراء اى كمبيوتر جديد او
acessories يسال حد يكون جربه قبل كدة وينصحه بانهى الافضل او يقول عيوبة و مميزاته او اى مسادة عايزها بخصوصه
و كذلك قبل ما انزل اى برنامج اعرف اذا كان مفيد او لا و ما مميزاته وهل يستاهل فعلا ولا لأ
يا ريت تقولوا رأيكم وحد يبتدى

[عموره]

فكره روعة والله واكيد كلنا هنستفيد منها وهنفيد بعض
اتمنى من الجميع المشاركة

[elashkef]

و ممكن نعمل جزء خاص للبرامج و جزء للhardware

[فرفوش النعكوش]

بسم الله الرحمن الرحيم

فكره ممتازه يا ashkef وانا هابدأ بنصائح لشراء جهاز جديد لأنى شغال فى مجال الصيانه:

فى مواصفات معروفه للجميع لشراء جهاز كمبيوتر يعمل بكفائه ممتازه:
1-اللوحه الأم(Motherboard) لها مواصفات يجب استغلالها بالشكل الأمثل و يجب ان تختار مواصفاتك على اساس هدفك من استخدام الكمبيوتر ازاااااااااااااااااى :?small:

أ-مواصفات اللوحه الام: بمواصفات كاش ميمورى 128 رام و الباس 133 و دى تستخدم للناس الى همامابيحملوش عليه شغل كبير زى الناس بتوع الكتابه و الاستخدامات العاديه الأخرى.
ب-اللوحه الأم:بمواصفات كاش ميمورى 512 والباس 133 و دى تستخدم للناس الى شغلهم تقيل على الجهاز زى البرمجه و الجرافيك.

يفضل لوحه ام بمواصفات 512 كاش ميمورى و باس 133 لكى تكون كفائتها فى العمل أسرع.

والنوعين الى انا جربتهم , وممتازين(accorb-giga byte)

----------------------------------------------------------
2-المعالج:فى معالجات سيلارون متوافقه مع انتل و فى معالجات انتل أصلى:
مواصفاتها:
أ-معالج بكاش ميمورى128 و باس133
ب-معالج بكاش ميمورى256 وباس 133
ج-معالج بكاش ميمورى512 و باس 133(غالى و نادر الوجود بس يخلى جهازك صاروخ)

لو شغلك تقيل زى شغل الجرافيك يبقى اختار المعالج الثالث أو الثانى على حسب مقدرتك ولو شغلك مش تقيل يبقى اختار الأول
يفضل الانتل الأصلى طبعا بس دا لو هاتجيبله لوحه ام انتل كمان يعنى خليك فى السيلارون و خلاص كفائته حلوه

----------------------------------------------------------
الرامات(RAM): ومنها RDram واعتقد ان عصرها انتهى خلاص بانتشارالSDram الأكفأ منها والأسرع ويفضل الرامات الأمريكى عن الصينى و التايوانى لكفائتها فى العمل.
----------------------------------------------------------
وحدة الأقراص الصلبه(Hardisk):
فى نوعين مشهورين جدا:
أ-Western digital:ودا من مميزاته انه سريع جدا وفى الاستخدام يكون صوته ناعم و من عيوبه انه فرافيرى شويه يعنى بلاش تخبطه أو حتى تشيله من الجهاز ويفضل الويسترن الماليزى عن الصينى.
ب-segate:ودا من مميزاته انه للخدمه الشاقه لو وقع منك ممكن مايحصلوش حاجه ومن عيوبه انه بطئ بخلاف الويسترن وصوته بيكون عالى.

ملاحظه:
-للحفاظ على الهارد ديسك و لضمان كفائة عمله و عدم ظهرو قطاعات معطوبه(badsectors) عليه انك ماتفرمتوش كتير (format) لأن دا بيأثر على الماده الممغنطه المطلى بها القرص الصلب من الداخل و المستخدمه فى التخزين للبيانات.

-يفضل استخدام ناقل بيانات 32 بدل 16 عشان تبقى كفائة نقل البيانات سريعه.

----------------------------------------------------------
السى دى رووم(CD Room):
ينصح باقتناء سى دى رووم ذات سرعة قرائه عاليه مثلا 50 اكس أو 52 اكس مع ملاحظه عمل صيانه لعدسة الليزر بتنظيفها كل 3 أسابيع على حسب استخدامك ومش تنظفها بانك تفتح السى دى و تمسحها بمنديل مثلا.......لا فى اسطوانات موجوده فى الأسواق خاصه بتنظيف السى دى رووم و دى بتحتوى على ريشتين واحده منهم تضع عليها سائل كحولى مرفق بالاسطوانه عشان تنظف عدسة الليزر من التربه و الريشه التانيه لمسح العدسه بعد التنظيف من بقايا السائل.

----------------------------------------------------------
كارت الشاشه(Viga Card):
يوجد منه انواع كثيره و ذات مواصفات مختلفه زى مثلا كروت الفيجا 8 ميجا او 16 ميجا وطبعا بتفرق فى العرض بالنسبه للأفلام و الصور .
أو لو ربنا مقدرك قوى ممكن تجيبلك كارت فيديو (Video Card) ودا بيشتغل كارت شاشه برده و فى نفس الوقت يتوفر به line in و line out عشان لو عايز توصل بالكمبيوتر تلفزيون او دش و لو عايز تسجل على فيديو خارجى كمان ويوجد منه مواصفات 16 ميجا و 32 و 64 و 128 وانت وشغلك بقى يعنى لو متخصص فى برامج الفيديو و هاوى شغل جرافيك ممكن تركبه فى جهازك.

انا الى جربته ارت شاشه S3 ودى ممتازه و كارت فيديوATI-64 miga

----------------------------------------------------------
كارت الصوت(Sound Card):
فى منها انواع كتيره جدا وانا شخصيا بفضل كارت صوت كرييتيف 128 بت دى صوتها مجسم و محترمه جدا وفى انواع تانيه يعنى ممكن تؤدى الغرض زى كريستال ثرى دى أو انالوج وغيرها.

----------------------------------------------------------
كارت الفاكس(Fax Card):
طبعا معظم الناس بتستخدم موتوريلا 56 كيلو بايت.

----------------------------------------------------------
طبعا كيس ATX

----------------------------------------------------------
لو عايز تريح دماغك من تجميع جهاز يوجد باكج انتل أصلى تحتوى على (لوحه ام512 كاش-معالج512 كاش-ورامات انتل) دى بتيجى مجموعه كامله على بعضها دا فى مصر ماعرفش بره بقى بينيلو ايه و دى تكلفتها 1900 جنيه مصرى بس ماتقوليش فى بعد كدا حاجه جهازك يبقى مية فل و عشره لو كله انتل مع بعضه

----------------------------------------------------------
دا بالنسبه للهارد وير و بالنسبه للسوفت وير فى الحلقه الجايه انشاء الله.



اخوكم نعاكيشووووووووو :h2:



<!--EDIT|فرفوش النعكوش|Aug 19 2002, 12:02 AM-->

[m-salah72]

الله ينور عليك يا ابو الاشاكيف فكره حلوه وانا معاك فيها....

[elashkef]

شكرا على المشاركة و خصوصا من فرفوش
و لكن بخصوص الرامات فانا عندى rd ram 128
و عرفت ان البوردة اللى فيهاrd ram مايركبش عليها اى نوع تانى
فياترى دة صحيح ولا لا وانا اعتقد ان النوع دة من الرامات المشكلة فى سعره مش كفاته لانة سريع
ولا ايه رايكم خصوصا انى عايز اشترى رامات جديدة

[elashkef]

يا جماعة عبرونا والنبى

[مصطفى]

شوف يا سيدي بالنسبة rd ram
فمشكلتة الحقيقية فعلا في سعرة بس انما هو سريع جدا و ممتاز بصراحة
اما المازر بورد فغالبية الانواع الي قبل البنتيوم 4 كانت لا تدعم ال rd ram و كان قليل منها الي بتركب علية نوعية الرامات دي
اما البنتيوم 4 فاول ما نزل كانت المازر بوردات بتاعة كلها لاتدعم ال sd ram
و كانت بتيجي كلها بتيجي باكيج واحدة ( المازر بورد و البروسيسور و الرامات ) عشان كدة كانت غالية جدا
لكن بعد كدة ظهرت انواع من المازر بورد البنتيوم 4 بيركب معاها sd ram
و بكدة قدروا يرخسوا الموضوع شوية
اما بالنسبة لسؤالك بقة :
ففي انواع منالمازر بورد بتشيل النوعين من الرامات
و في بردة انواع من المازر بورد مش بتشيل غير نوع واحد بس سواء كان sd ran or rd ram
فبالنسبلك لاما تشوف المانيول الي مع المازر بورد او تسال المهندس الي انت جايبها منه

[دعبس افندي]

السلام عليكم و رحمة الله و بركاته
بعد الاتطلاع علي مواقع افضليه الاجهزه وجدنا الاتي
1-في المفاضله بين amd athlonxp وpiv بينتوم 4 أخذ 3 نقاط من 10
اما amd أخذ 7 من 10 و لكم حرية الاختيار
2-البورد حصلت البورد سولتيكس علي أقل الدرجات اما asus حصلت علي أعلي درجه
3-هارد ديسك 40 جيجا سي جيت :) أفضل من ويسترن :blush:
60جيجا العكس
و طبعا الماليزي له الافضليه و لو لاقيت الياباني يبقي كويس
4-عدد مرات ال fdisk 4
5-cd rom sony-asus-samsung-acer -creative
6-fax apachie-us robotics-creative
7 vga card geforce4600mxfamily -riva giga byte-ati radeon-.....................................s3(بلاش تجيبه رخيص علي الفاضي و وحش :tng: )
8-case اي نوع بس أقل حاجه 250 watt منعا لحدوث مشاكل ماديه



أأأأأأأأأأأخر ملحوظه
لو ملقتش النوع الحلو أو اي ماركه
بص للماركه و فكر ان الشركه ديه مش هتدي اسمها لشركه وحشه
و انتم احرار



<!--EDIT|دعبس افندي|Aug 25 2002, 04:31 PM-->

[مصطفى]

ممكن اعرف اية المقصود بعدد مرات الاف ديسك 4 ؟

[دعبس افندي]

يعني أقصي عدد لعمل fdisk هي ارببببع 4 مرات و بعد كده انا مش مسئول و اذا كنت في الضمان طلع عنيهم لو مريضيوش و متخفش وراك رجاله ;)
أصل ال txt عندي بايظ

[elashkef]

ممكن اعرف احسن نوع printer من حيث الكفاءة و الصيانة و اسعار الأحبار
وهل hp 854c or hp 955 is better
وهل كل نوع حبر يركب فى التانى و لا لأ
وهل طباعة الألوان بهم تكون حلوة زى الصور العادية ولا لأ

[elashkef]

يا ريت حد يكلمنا عن ال scanners و انواعها و هل مكن تحول الصورة لو فيها كلام الى text بالعربى
وهل لو صورة تكون ال resolution بتاعتها غالية زى الأصل
و شكرا

[فرفوش النعكوش]

انا جييييييييييييييت.............عو :ph34r:


يظهر انى جيت متأخر :( ماعلينا على فكره انا غلطت فى ردى فوق كان المفروض احط ار دى رام بدل اس دى رام لأن الاس دى رام بتشتغل بتقنيه أقل كفائه من الار دى رام و عامة الاس دى رام بدأت تنقرض من السوق.

بالنسبه للبرنتر انا جربت الاتش بى 890 سى و دى ممتازه جدا و بتدى صوره ميه ميه بس احبارها نادره :sniff: و تجيبها بصعوبه


بالنسبه للاسكانر انا مجرب الايسر و الجينياس و برجح الايسر احسن من الجينياس بكتير و فى كمان الاتش بى بس ماجربتهاش بس بيقولو عليها سكانر ممتازه و على حسب الى قريته عنها هيا ممتازه فعلا لكن كتطبيق عملى و شغل عليها ماجربتش بصراحه و لو عايز تختار سكانر كويس يبقى تختار الاسكانر الى بتمسح اكبر عدد من النقاط فى البكسل الواحد و دى طبعا هاتبقى غاليه شويه و طبعا الى يجيبها يبقى يكون بيشتغل فى الجرافيك عشان ينقل الماتيريالز بتاعته بوضوح.


بالنسبه لسؤالك عن اذا كان ينفع ان احبار طابعه تشتغل على طابعه تانيه ......لأ طبعا لأن كل طابعه ليها احبار لوحدها و حبارات مصممه على حسب تصميم الجسم الداخلى للطابعه و كمان الهيد بتاع رش الحبر بيبقى مصمم بطريقه مختلفه من طابع لأخرى.

بالنسبه لتحويل الصوره لنص انا سمعت بالموضوع دا ان فى برنامج بيحول الصور النصيه لنصوص بس لازم تكون الصوره النصيه مكتوبه بخط معرف على الجهاز دا على حسب الى سمعته من ناس جربو البرنامج دا فعلا يعنى ماتجيش تكتب بخط ايدك على ورقه و تعملها اسكانر و عايز الجهاز يفهم الخط دا.......بس عامة فى عيوب كتير فى كدا و هيا ان الوقت فى التحويل بيبقى طويل شويه و غالبية الخطوط بتبقى مش معرفه على الجهاز و عشان تلتقط صوره نصيه بالاسكنر يبقى لازم يكون الريزليوشن بتاع الاسكنر عالى جدا و الورقه مايبقاش فيها اى رطوش عشان لو فيها رطوش يبقى الكلمات الى عليها الرطوش دى البرنامج مش هايعرف يفسرها.

أخوك نعاكيشووووووووو :h2:

[elashkef]

شكرا على المعلومات القيمة
و خصوصا من الاخ فرفوش النعكوش
و لكن معقول السكانر الايسر احسن من الجينيس فانا سمعت العكس وخصوصا ان سعرة اغلى (الجينيس )

فيا ريت تتأكد من المعلومة و تقوللى او اى حد يقول الفروق بينهم

[elashkef]

عبرونا يا عالم

[دعبس افندي]

انت لو عاوز تعرف الفرق و محدش عاوز يعبرك
خش علي http://www.cnet.com
و اكتب اللي انت عاوزه و هيقولك ده اخد كام درجه و التاني اخد كام درجه و بس

[elashkef]

انا كنت عايز ردود من حد مجرب لان دة اكتر واحد ممكن اصدقه

[Bold]

شوف يا سيدي .. معلش ردي كان متاخر بس الظروف .. دلوقتي بالنسبة للطابعات ال HP فكلهم بصراحة كويسين ومفيهمش عيوب .. بالنسبة للموديلات فالمفاضلة بينهم بترجع لاحتياجاتك .. فاذا كنت عايز صور في غاية الوضوح في لها موديلات خاصة ولو كنت عايز تطبع على ورق اي 3 "معلش عندي مشكله في التحويل من عربي لانجليزي " فلها موديلات خاصة كمان وكدا ...
بالنسبة للسكانرز عندك برضه الاتش بي والكانون بس الاتشبي احسن .. وفي عدة انواع برضه على حسب احتياجاتك زي ما بينولك الشباب قبل كدا .. اما بالنسبة لبرامج التحويل من الصورة لنص فدي ممتازة بس في الانجليزي اما العربي فانا جربت برنامجين وللاسف فعاليتهم مكانتش كويسة واللي فعاليته معقوله غالي جدا !!
بالنسبة للحبر ممكن تشتري علبة حبر سائل بتعبي بيها الحبر بتاع الاتشبي .. بتكون ارخص من انك تشتري حبر جديد .. انا شخصيا مجربتهاش بس واحد صاحبي جربها وبيقول ممتازة
واي خدمة

[elashkef]

شكرا ياBold
و يا ريت تقوللى ما هى الانواع للحصول على صور ممتازة بالنسبة للبرنتر و للسكانر

[Bold]

شوف يا سيدي .. بالنسبة للبرينترز اللي بتديك صوره حلوه معاك من ال 815 ولفوق كلهم بيدوك صوره حلوه .. طبعا كل ما تطلع فوق كل ما الصورة بتزيد قوتها وكل ما البرينتر بيزيد سعرها :) على العموم انا عندي 815 ماشيه حلو وبتدي صوره حلوه واحلى على الورق الخاص بتاع الاتشبي .. ممكن تروح المحلات وتشوف المواصفات بتاعت كل برينتر وتختار اللي يناسبك ومش هتندم
اما السكانرز فانا ممكن اقولك هات احسن سكانر في الاتش بي وهتديك صوره مش هتلاقيها في اي سكانر .. بس انت هتدفع كام ؟؟ السكانر دي سعرها من 1200 درهم وفوق يعني حوالي 1800 جنيه مصري .. انا عندي سكان جت 3400 سي .. حلوه وظريفه وبتدي صوره جميله وسعرها 300 درهم .. الموضوع برضه بيرجع لاحتياجاتك .
واحنا في الخدمة

[elashkef]

شكرا ياBold
انا اعرف ان السكانر فيه منه نوعين
12000dpi and 24000dpi
فهل ال12000 بيلقط الصور بكفاءة جيدة زى الأصل ولا لازم اجيب ال24000
مع العلم انه للاستخدام العادى و ليس للاحتراف

[elashkef]

اى حد يعرف يقول يا جماعة

[elashkef]

شكرا يا جماعة لكل من شارك و رد عليه

[إنديان]

أكتر حاجة بتعجبني فيك يا أخ elashkef إنك صبور في متابعتك مع موضوعك ده المفيد فعلاً واللي بقالك معاه زمن طويل -من أيام الفراعنة كده :D - واللي أنا متأكد إن فيه ناس كتيرة استفادت منه ^_^
فجزاك الله خيرا :)

بالنسبة للسكانر فطبعاً 12000dpi يعتبر كفاية بالنسبة للمستخدمين العاديين، والأهم إن الصور الممسوحة بـ 12000dpi بيكون حجمها أصغر من اللي بتتمسح بـ 24000dpi
ويكون في علمك إن فيه سكانرات جديدة ابتدت تنزل في الأسواق من حوالي سنة، وهي من نوع 32000dpi
وطبعاً كلما زاد عدد الـ dpi كلما كبر حجم الملف وبشكل ملفت للنظر :blink:

ويكون في معلومك برضه ان زيادة عدد الـ dpi مش معناها إن الصورة حتنطبع بجودة أعلى :donno:
لأن زي ما كلنا عارفين إن معظم الطابعات الجيدة بيوصل الحد الأقصى فيها للـ dpi هو 2400dpi
وده معناه إن فيه dpi's كتيرة حتضيع في الهوا :hehe:

يعني الجودة العالية في وضوح مسح الصور بتفيد للفرجة في الكمبيوتر بس ومتنفعش للطباعة :sniff:

والله أعلم...

[elashkef]

شكرا يا جماعة
وشكرا يا
إنديان
وعموما انا اعتبر الموضوع مقفول الا لو حد عايز يشارك بحاجه تفيد الجميع

[MrX]

يا جاماعه انت مش ملاحظين حاجه ان اول كلمه كانت عن الفري وار والشار وار
يعنى برامج وبعدين قلتم ان احناممكن نضيف الهاردوار كمان لكن انا ملاحظ ان مفيش حد اتكلم عن البرامج وهي الاصل وعلي العموم استنوا ردتي الجاى بكره ان شاء الله وانما حتكلم عن البرامج سلام 000سلام
MrX

[elashkef]

يا ريت تكلمونا عن السوفتوار
ونقسم جزء للموسيقى و جزءللفيديو و هكذا