دعوة لكل الكتاكيت ( محتاجكم جنبى كلكم )

[عادل سلامة]

دعوة لكل الكتاكيت ( محتاجكم جنبى كلكم )

اولا : كل سنة وانتو طيبين بمناسبة عيد الكتاكيت قصدى عيد الحب ..

:flowers::flowers::flowers::flowers::flowers::flow ers::flowers:


دعوة لحضور

لقاء الحب فى الجامعة

بمناسبة عيد الحب .. تقيم ساقية عبد المنعم الصاوى بالزمالك .. لقاء مع اخوكم الصغنن
عادل سلامة .. تحت عنوان .. ( لقاء الحب فى الجامعة ) .. احتفاءا بكتاب ( الحب فى الجامعة ـ كلام بالعامية المصرية )

وذلك يوم السبت الموافق 14/2/2004 فى تمام الساعة الخامسة مساءا

والعنوان معروف طبعا ـ ساقية عبد المنعم الصاوى بالزمالك تحت كوبرى 15مايو

وعلى فكرة ده مكان هايل جدا واصبح فى فترة قصيرة اهم مكان فى القاهرة يهتم بالثقافة
بشكل شيك ومحترم وعصرى جدا .. يعنى لو ماعجبكوش اللقاء والكلام اللى فى الكتاب .. اكيد مش هتندموا لأنكم هتكسبوا معرفة مكان مهم زى ده

( وانتو داخلين كلمة السر .. ( الكتكوت طلع م البيضة)




لازم تيجوا كلكم .. انا محتاجكم جنبى جدا .. وماحدش يجيى ايده فاضيه .. قصدى يعنى ماحدش يجي لوحده .. يعنى تجيب معاك صحابك وحبايبك وجمهورك ..
على فكرة انا ماعزمتش غيركم ..

[موعوود]

شا عر الحب والجمال
لازم طبعا يحتفلوا بيك وبديوانك يوم 14 فبراير
الف مبروووووك :clap:
وكنت اتمني اكون معاكم
ولو اني خايف لحبايبنا يدخلوا العشه ويلموا كل الكتاكيت فرصه بقي:knight:
الكتكوت طلع من البيضه :D
طيب اتفضل معانا :police:
:nanana::nanana::nanana:
ارجو لك نجاحا باهرا في امسيتك الشعريه والتي اتمني ان تمتلئ بكل حبايبنا الكتاكيت
بالتوفيق ياعادل
وكل عيد حب وانت مطلع ديوان جديد
تحياتي

[هدايه]

اخى الكريم
عادل سلامه

يصادف احتفالك بنجاحك صدور اول عدد للمجلة التى اعمل بها

فاهنئك واهنا نفسى وبالتوفيق ليك دايما يارب
وندوة ناجحة وموفقة ان شاء الله

[روبى 2]

عدوووووووووووووولة يا حببييييييييييييييييييب :wink: يا بتاع الجامعة

والله تستاهل كل الناس تحتفي بيك طبعا

وانا والله هاحاول أكون موجودة ولو اني مش ضامنة الظروف يعني .. وبعدين الزمالك دي بعيد قوي يا عدوووولة ...

بس هاحاول بجد والله ...\

وربنا يوفقك ويجعل ايامك كلها حب X حب:flowers::flowers:

:lolly::lolly::lolly::lolly::lolly:

[رنـranimـيم]

اخونا الصغنن عادل

الف مبروك وكل كتاب وانت طيب الحقيقه كتاب ملفت للنظر بطريقة عرضه

الظريفه وبكلامك الجميل واسلوبك الحلو قوى قوى

طبعا وجودنا ده واجب علينا كلنا وحقك علينا باعتبارك كتكوت من الكتاكيت

واخ عزيز ...بس انت متاكد ان كلمة السر دى يعنى علشان ندخل ولا يكون

معناها حاجه تانيه :box:...معلش بنطمن بس اصل كلمات السر فى الافلام

كانت نتيجتها سيئه والواحد لازم ياخد باله ويتعلم ...على العموم انا حاقولها

وامرى لله ولما اشوف اخرتها ايه ...بس الاول يارب الاحوال الجويه

تبقى كويسه لانى جايه من المنصوره راسا ..

تحياتى لك وكل الدعوات لك بالتوفيق ان شاء الله


رنيـــم

[محمد فارس]

كاتب الرسالة الأصلية : رنـranimـيم
لانى جايه من المنصوره راسا ..

افهم من كده انك جايبه فرقه يارنيم

[ابراهيم حندولة]

ألف مبروك يا عدول
وان شاء الله الندوة تكون هايلة زى ما أنا متوقع
وكلنا هنكون موجودين
المنصورة كلها هتتقلب عندك
أنا ومحمود الرخم وأشرف أخف دم وعلاء أبوصالح وأحمد عبد الحى وباقى المجموعة:knight::knight:
بس المهم عشانا عليك ولا زى كل مرة هنقول عشانا عليك يا رب:chair::chair::chair:
ان شاء الله جايين
والكتكوت طلع م البيضة بقت هى الشعار:clap::clap::clap:
مرة تانية ألف مبروك
وان شاء الله اللى فاضل من الديوان يكون اتباع يوم السبت:55: ( عشان نتعشى )
:brb::brb::brb::brb::brb::brb::brb:

[رنـranimـيم]

مااااااااااااااااااااااااااااااااشى ياهراس باشا..مانتحرمش من افكار سعادتك

قصدى انى جايه من المنصوره... مخصوص ..او دوغرى ...او طوالى ...او

مباشرة ...الله يسمحك طلعتنى جايبه فرقه ...

منور ياباشا...ماتتاخرش على القهوه الدنيا مضلمه من غيرك يافندم

رنيــــم

[رشا عبد الرازق]

يا عادل يا ابني ما كنا هناك:dry:

ويوم سبت:hat:

طيب اعمل ايه انا دلوقتي:confused:

هيه مشوره بس 300 كيلو كل اسبوعين:crazyy:


ميغلاش عليك:)

نحاول بس يا مسهل:sniff:

على العموم ربنا يوفقك يا رب

وألف مبروك :flowers:

[محمد فارس]

احبتى

تشرفت بأن حصلت على نسخة من ديوان الحب فى الجامعة وقابلت صاحبه 00
وقد تولد عندى انطباع بأنى قرأت عادل فى الديوان ورأيت الديوان فى عادل00
الديوان يستحق رحلة البحث عنه 00وهو بالمناسبة موجود بمنافذ بيع جريدة الجمهورية
ولا يتوقف الديوان على المضمون الجيد 00بل ايضا الاخراج الرائع 00
وبعيدا عن الديوان00
تستمع انت الى عادل فى ىنقاش عادى00الا انك تشعر وكأنه يلقى عليك قصيدة او مجموعة قصائد00
هو لا يحكى00بل يشعر ويشد انتباهك دون ان تدرى00
هو لا يكتب الشعر فقط00بل ويعنى مايقول00
بعيش الحالة التى يكتبها00
يأخذك الى اجواء الحدوته حين يتكلم معك00
حديثه تغلفه خفة الدم والروح المرحة00

احبتى00اننى ادعو كل من لديه امكانية الحضور00الا يتأخر00ولن يندم00

[محمد فارس]

عرض عدد الخميس 12/2/2004 من مجلة عين لديوان عادل سلامة" الحب فى الجامعة " واشادت به 0
المجلة موجودة لدى الباعة الان0

مجلة عين تصدر صباح كل خميس ويرأس تحريرها الصحفى اللامع "عادل حمودة" ، وهى مجلة فى جريدة وتهتم بأخبار المشاهير0

كما اشارت المجلة فى نفس العدد الى موقع هريدى ووصفته بأنه موقع كوميدى طحن عن الحب

[رنـranimـيم]

منور ياهراس باشا ...منور يافندم ....

كما اشارت المجلة فى نفس العدد الى موقع هريدى ووصفته بأنه موقع كوميدى طحن عن الحب

سعادتك ياريس كلامك اوامر بس ....:blink:...ممكن لو مافيهاش ازعاج او

مضايقه تفسرى المقطوعه بتاعة كوميدى طحن عن الحب ...معلش تقلت

عليك..:crazyy:.بس بالعشم ياريس .....:hat:.





رنيــــــم

[اخف دم]

ألف ألف ألف ألف مبروك يا عم عادل ، طبعا كلنا موجودين يا سعادة الباشا ، يعنى لو ما وقفناش مع عادل سلامة هنقف مع مين ؟ وخاصة ان انا قريت الديوان وهوة جميل .. ربنا يعينك وطبعا إن شاء الله أقابلك فى الندوة ..
باى يا جميل ..
:clap::clap::clap::clap::clap::clap:

[خالد المصرى]

تشرفت بأن حصلت على نسخة من ديوان الحب فى الجامعة وقابلت صاحبه 00
وقد تولد عندى انطباع بأنى قرأت عادل فى الديوان ورأيت الديوان فى عادل00
الديوان يستحق رحلة البحث عنه 00وهو بالمناسبة موجود بمنافذ بيع جريدة الجمهورية
ولا يتوقف الديوان على المضمون الجيد 00بل ايضا الاخراج الرائع 00
وبعيدا عن الديوان00
تستمع انت الى عادل فى ىنقاش عادى00الا انك تشعر وكأنه يلقى عليك قصيدة او مجموعة قصائد00
هو لا يحكى00بل يشعر ويشد انتباهك دون ان تدرى00
هو لا يكتب الشعر فقط00بل ويعنى مايقول00
بعيش الحالة التى يكتبها00
يأخذك الى اجواء الحدوته حين يتكلم معك00
حديثه تغلفه خفة الدم والروح المرحة00



عرض عدد الخميس 12/2/2004 من مجلة عين لديوان عادل سلامة" الحب فى الجامعة " واشادت به 0
المجلة موجودة لدى الباعة الان0

مجلة عين تصدر صباح كل خميس ويرأس تحريرها الصحفى اللامع "عادل حمودة" ، وهى مجلة فى جريدة وتهتم بأخبار المشاهير0

كما اشارت المجلة فى نفس العدد الى موقع هريدى ووصفته بأنه موقع كوميدى طحن عن الحب



تحياتى لك يا عادل وفى انتظارك لتسرد لنا تفاصيل الندوة واللقاء وكيفية
استقبال الكتاب .....

نحن فى انتظارك وتعلم مقدارك جيدا لدينا
وفقك الله وطالما نمتلك كلمات نعبر بها عن انفسنا لن نلتفث لاضغاث احلام البعض
ولسنا مطالبين ابدا بتفسيرها ......