ختان البنات

[أبو معاذ]

السلام عليكم

الموضوع هو ختان البنات
فهو يتكلم عن ختان البنات
اعتقد ان كل شيء واضح الان
لسه ماوضحش؟؟
طيب
ممكن نقول
ختان البنات بين الدين والاعلام


الموضوع مش بحث او مقال منقول

الموضوع عبارة عن اراء الاعضاء هنا
فتح باب المناقشة

[dr_sho]

:)
السلام عليك يالؤى
قبل كدة إتكلمت عن الموضوع ده فى أحد المنتديات وكنت هأنضرب بالامؤاخذة يعنى ال............
أنا فعلا مندهشة ليه الموضوع ده أساسا موضوع حوار
عموما ما يجراش حاجة
هأرجع تانى أقول
ومش مهم أنضرب بيه
عوضى على الله:)

[Yahya_Ayash]

أنا برضو نفسي أعرف ليه الدوشة اللي بيعملها الموضوع!

[أبو معاذ]

الموضوع م بيثير ضجة ولا حاجه
عندي على الاقل
بس هو كل الحكاية
اني شايف ان ختان البنات من السنة
او على الاقل دي النتيجة اللي في دماغي من غير ما افتكر الاحاديث

لكن هو اللي خلاني اكتب الموضوع ده
هو اني شفت اعلان في التلفزيون-كل مره اشوف فيها التلفزيون دمي يتحرق- طبعا الاعلان عن تلك المشكلة
ومين اللي عامل الاعلان
د/شريف-مشفاكر

الخلاصة
كان بيقول في الاعلان
ان شيخ الجامع قال مافيش حاجه من دي في السنة

من غير مايجيب شيخ حقيقي يقول الكلام ده

لو في فتوى في الموضوع ده حد يدلني
لاني ماعنديش معلومات في الموضوع ده يعتمد عليها
فحبيت اسال

[عائدة الى الله]

اخى لؤى
هو انا سمعت مرة الشيخ صفوت حجازى فى برنامج المسلمون يتسائلون على المحور بيقول انها سنة و قال حتى ان الحملات و الاعلانات اللى بتتعمل ضد ختان البنات حرام
هذا ما سمعته
و الله اعلم

[dr_sho]

رأى غريب بتاع العنوان ده
صح أنا عارفة
المهم الآن
وجب التوضيح أن هناك ثلاثة أنواع من الختان
علشان نحدد هنتكلم عن ايه


أول نوع هو الختان الفرعونى أو التكميم النوع ده منتشر فى الجنوب
موجود بقلة جدا فى صعيد مصر
ولكن إلى جنوب مصر نفسها يكاد يكون منتشرا
وأظن أيضا جنوب السودان يعانى من هذه العادة التى يرفضها الدين والعقل والعلم
عادة ذميمة ومرفوضة
فى هذا النوع يتم إزالة الأعضاء الخارجية التناسلية كلية أو جزئيا (إزالة الشفرتين الكبيرتين والصغيرتين والبظر) وخياطة الأجزاء المتبقية مع الإبقاء على فتحة صغيرة لخروج البول .
هذا النوع اكاد أجزم أنه محرم شرعا لأن فيه إعتداء واضح ومؤذى نفسيا وجسديا وصحيا.

النوع الثانى وهو للأسف كان منتشر لدينا إلى حد كبير لوقت طويل خاصة على أيدى حلاقى الصحة والدايات
وهذا النوع أيضا أراه مرفوضا وغير محتاج لأى جدل
وأظن أن هذا النوع كان منتشرا فى الجزيرة قبل وعلى عهد الحبيب المصطفى (أى أنه ليس عادة إسلامية على وجه الإطلاق بل كانت موجودة قبل الأسلام وجاء عليها الإسلام وهى مازالت)
وفيه يزال البظر والشفرتين الصغيرتين كليا أو جزئيا
يسمى هذا النوع ب ( الجور )

النوع الثالث
اسميه أنا الختان المهذب
مهذب كيف
الختان الذى هذبته الشريعة

التوجيه النبوى للخافضة (أشمى ولاتنهكى فإنه أنضرللوجه وأحظى لها
عند الزوج)(صحيح) أبو داود5271 وصحيح الجامع 7475

ملحوظة : هذا الحديث ثار عليه جدل ومازال الجدل حول صحته قائم

وفيه يتم إزالة جلدة فى أعلى البظر مع الإبقاء على البظر والشفرتين دون مساس

دول ال3 أنواع المعروفين :

أول نوعين بصراحة كدة أرفض الحديث حولهما لأنى اراهما تجاوزا وتعديا ولا دخل لهما بالشرع ولا أساس لهما فى دين ولا طب

النوع الثالث أظنه محور النقاش
ولكى نحيط جميع جوانبه وجب الإجابة على الأسئلة التالية :

1. هل هناك علاقة بين ختان الأنثى وعفتها ؟

2. البعض يقول أن الختان يدمر الجانب الحسى (وهى ذريعة الكل الآن فى طعن الدين السمح الذى أتهم ظلما بالجور على الفتاة ) ماهى حقيقة هذا الإدعاء.

3.هل الختان يسبب العقم (إشاعة خرجت حديثا وكلما سمعتها ضحكت )

4.جزء لا يسبب ضرر ...لماذا نزيله؟

5. الدين أقحم فى الأمر بلا طائل اللهم إلا لكى يطعن
ما علاقة الدين بالختان
وهل هو سنة أم فرض؟
ومامعنى كلمة سنة ومامدى فهمنا لها؟

من يجيبنى على الأسئلة الخمسة ؟
مع العلم إنى لغاية دلوقتى لسة ما قلتش رأيى

[@esl@m@]

عزيزتى الدكتوره شو
اتمنى ان اعرف راى الطب فى هذا الموضوع

وبالنسبه للسؤال الاول
. هل هناك علاقة بين ختان الأنثى وعفتها ؟
على ما اعتقد ان الختان ليس له علاقه بالعفه وقد يكون الدليل ان نسبه كبيره من المشتغلات بالدعاره تعرضو ا لعمليه الختان
والكلام ده مش فاكر سمعته فين بكل صراحه
سلام:flowers:
بالنسبه للسؤال الثانى
البعض يقول أن الختان يدمر الجانب الحسى
اعتقد ان الجور هو مايسبب ذلك وذلك على اساس ان البزر هو مركز الجنس لدى الانثى
والله سبحانه اعلى واعلم
سلام:flowers:

[dr_sho]

أولا أعتذر لعدم التفاعل مع المداخلات الفرعية والأخبار المتناقلة والمسموعة ليس لعدم اهميتها بل لخشيتى الشديدة أن يكون فى حوارنا بعض التجاوزات الحوارية التى يجب ان تسود بين الرجال والسيدات والتى قد تحسب علينا ليس من قبل العباد بل من قبل رب العباد

1. هل هناك علاقة بين ختان الأنثى وعفتها ؟

لا أظن
هناك علاقة
ولا ادنى العلاقة
العفة فضيلة يا احبة
والفضيلة ابدا لا تكون معلقة بقطعة من الجلد الزائدة
الفضيلة نتاج نزعة دينية وصحوة عقائدية
والطريق إليها لا يكون بإجراء عملية معينة
أبدا
الطريق إليها التربية على المنهج الموضوع لنا من قبل الخالق وليست مناهج إبتدعها سفهاء البشر ليسوقوا بها العالم إلى حافة الرذيلة

إن الصور القاتمة التى نراها اليوم والتى نصطدم بها كثيرا ليست نتيجة تراجع الختان أو غيره أبدا هى النتيجة الحتمية لتهميش الدين فى تربية الطفلة وغياب دور الأسرة
نفوس لم تتشرب الدين ولم ينمو معها
وأباء إهتموا تماما بمأكل بناتهم وكسائهن وتعليمهن ولكنهم نسوا أوتناسوا تربيتهن
فخرجت المشاهد التى نراها الآن
فتجدنا نتساءل فى دهشة
ماذا حدث لفتياتنا ؟
ماذا جرى ؟
أين صاحبات العفاف والطهر؟
متواجدات لكنهن يقبعن ذعرا خلف الأبواب
المشكلة مش فى الختان
وعرفنا كتير أجرى لهن الختان ولم يفهموا الدين فضلوا واخريات لم يجرى لهن ولكنهن على الطريق سائرات

الفضيلة وعى وخلق
والعفة لا دخل لها بالختان من قريب أو من بعيد
لو كان السؤال الشهوة لقلت نعم ..ربما
ولكن العفة

(أخرجوا من النار من ذكرنى يوما او خافنى فى مقام)
خوف الله ما ينبغى علينا زرعه فى نفوس أطفالنا _ليس خوف الأباء كما هو دارج _ حتى ياتى اليوم الذى تسر فيه الأعين برؤية فتيات خشين الله فى مقام .

2. البعض يقول أن الختان يدمر الجانب الحسى (وهى ذريعة الكل الآن فى طعن الدين السمح الذى أتهم ظلما بالجور على الفتاة ) ماهى حقيقة هذا الإدعاء.

الحملات التى نراها الآن
والتى يشنها المسلمين على دينهم دون فهم أو وعى
طبعا مصدرها معروف ومفهوم
ومشكلتنا أننا دائما نردد ماقيل

لقد ذكرت سلفا أنه ليس للدين دخل بنوع الختان الفرعونى أو نوع الختان الجور
وان النوع الفرعونى ترفضه الشريعة
ونوع الجور هذبته الشريعة
هذان النوعان هما أساس المشكلة
فالنوع الفرعونى التكميمى يدمر الجانب الحسى والنفسى والجمالى
يغير خلق الله
ونوع الحجر يعتمد على إزالة البظر والشفرتين الصغرتين
والاعصاب الحسية السطحية تتركز فى البظر _ذلك العضو متناهى الصغر _ وتوجد أيضا فى الشفرتين فإذا أزلناهما لم يبقى للفتاة إلا الأعصاب الموجودة فى أغشية المهبل المخاطية
وهذا لا يدمر الجانب الحسى تماما بالشكل الذى يفعله النوع الأول ولكنه غير مستساغ وليس له داعى وارى انه يخالف التوجيه النبوى الكريم (أشمى ولاتنهكى )
وهذا بصريح القول إنتهاك
أن يزال البظر كاملا والشفرتين الصغرتين دون سبب يعتبر إنتهاك

أما النوع الثالث
والذى أناشد الاهل من التقصى أنه حقا ما سيجريه الطبيب على الطفلة
والذى أرجو من كل طبيب مسلم غيور على دينه أنه يتقى الله وأن لا ينهك ليرضى الاهل فإسلامنا ينال فى مقتل نتيجة تلك الأفعال الخاطئة من البعض والتىليس لها تبرير إلى السعى وراء المادة

النوع الثالث الذى يقوم فيه الطبيب بإزالة طبقة رفيعة من اعلى البظر دون المساس بالشفرتين _ إلا إذا استدعت الحالة ذلك من ناحية تجميلية مثلا _
فهذا النوع لا يكاد يؤثر على الجانب الحسى .

إذا تساءل البعض قائلا أن البظر كله على بعضه كدة حوالى 1سم إزاى يعنى هأشيل جلدة رفيعة وأسيب الباقى وهل هى جلدة بالمعنى المفهوم .
الإجابة لاقيتها فى كتاب بتاع أستاذ دكتور بريطانى فى لندن اسمه
sturart campbell

the clitoris is covered by the ischiocavernosus muscle whilst bulbospongiosus muscle inserts into its root

الكلام اللى فوق ده معناه إن البظر مغطى بألياف عضلية
يعنى فيه عضلة _مهما كانت رفيعة فاكيد لها سمك وممكن نشيلها دون المساس بجسم البظر نفسه أو دون قصد قد يكون المساس خفيفا وبسيطا _.
الكلام ده كله حلو بس نظرى
لا والله سألت ناس أعرفهم عز المعرفة شغالين دكاترة نساء وتوليد بقالهم زمن أنه ممكن فعلا نشيل الجلدة السطحية بالألياف العضلية دون المساس بجسم البظر بأن نقوم بحقن البنج الموضعى ما بين الغلاف العضلى وجسم البظر فنضمن إنفصالهما عن بعضهما بفعل السائل المحقون ثم يزال الجزء السطحى .
لو ما حدش فاهم مش مهم
بس المهم نفهم إن النوع الثالث لا ينال من الأجزاء الحسية المتمثلة فى البظر والشفرتين .

أوك
النوع الثالث ده بقى هو النوع اللى ممكن نقول انه يتبع للدين الإسلامى
واللى شايف فيه حاجة غلط يجي يكلمنا
أما الحوارات البلهاء والحملات الإنتقادية والإعلانات الجوفاء التى تشن فى كل مكان واللقاءات والحوارات تبصوا تلاقوهم بيلفوا ويدوروا حوالين الأنواع اللى مالهاش دعوة بالدين
واللى الدين برئ منها .
وبعدين يطلع الدين وحش فى النهاية والهدى النبوى تخلف
وده نتيجة إن إحنا اللى متخلفين ومش فاهمين حاجة ومش عارفين ندافع عن دينا .
فهمتونى ياجماعة
أتمنى النقطة دى بالذات تكون إتفهمت
اللى بيتعمل اليومين دول على أيدى حلاقين الصحة والدايات وأطباء المادة والبنكنوت هو اللى بتهجمه وسائل الإعلام وكل ده مالهوش دعوة بالدين
بس كدة.

[dr_sho]

3.هل الختان يسبب العقم (إشاعة خرجت حديثا وكلما سمعتها ضحكت )

طبعا حاجة تضحك
ومالهاش اساس من الصحة
ومش عارفة اللى طلعها يعنى طالعها إزاى
ايه دخل الختان بالعقم
ومش هأرد رد علمى
كفاية إنى اقول الختان منتشر فى مصر من فترة طويلة
وماشاء الله إنفجار سكانى وشيك
والبلد بتشد فى شعرها
ومافيش كلام تانى ممكن يتقال

4.جزء لا يسبب ضرر ...لماذا نزيله؟
إحنا إتفقنا خلاص نشيل جلدة سطحية تغطى البظر
طيب نشيلها ليه؟
ليها ضرر..لأ
طيب ده مش ظلم إننا نشيلها
جميل (الناس دى عبقرية لو تلاحظوا تسد لهم حتة يفتحوا لك حتة تانية لكن ماشى نسدها برضه)
فطرة يابشر
من دواعى الفطرة ياعالم
زى بقيت الخمسة
زى قص الاظافر وحف الشارب وحلق العانة ونتف الإبط
يعنى لما قصينا ظوافرنا الدنيا ليه ما قمتش وقعدت
مش ظلم يعنى تشل حتة الظوفر الزيادة ؟
لما حلقت شنبك ليه ما عملوش إعلانات فى التلفزيون
ألا يمثل هذا إعتداء على الشارب المسكين
لما نتفت الشعرة مش الشعرة دى برضه كائن حى له كيانه المستقل
بتتلككوا ليه؟
إستعباط ؟
يردوا عليك يقولوك بس الأربعة التانين بيتعملوا وفق إرادة الفرد نفسه لكن الختان ما حدش بيستأذن فيه الطفلة قبل ما يعملوه أو بيضحكوا على عقلها بكلمتين .
برضه كلام جميل
وأنا صغيرة بقى ثقبوا لى اذنى لكى يضعوا فيه الشئ اللى اسمه حلق
ماحدش إستاذنى
ولا حد آخد رأيي
وتالمت
وبكيت
وصرخت
وما حدش عبرنى
فين الأمم المتحدة
فين منظمة حقوق الإنسان
والله الناس دى فاضية


ما علاقة الدين بالختان
والله بقى أنا نفسى اعرف إجابة السؤال ده
أموت واعرفه
التان عادة كانت موجودة ومستفحلة وكله بيعملها
الدين جه لاقها
هذبها
زى ماهذب كل حاجة معوجة أو عايزة تهذيب
الحق عليه بقى
هو اللى غلطان فى الآخر
طبعا كلام ما يدخلش عقل
هنا بقى درس محمدى جميل جدا
بيعلمنا إزاى نتعامل مع العادات اللى الناس مؤمنة بيها ومعتقدة فيها لنسبة كبيرة
لو جه قالهم لأ إزاى بتعملوا كدة يا متخلفين هيتهزوا من جواهم
هتتزعزع فيهم ثقتهم بيه
إزاى وهو بيطعن فى حاجة بقى مافيش فيها جدال فى وجهة نظرهم
رسولنا شاف العادة
لاقها مش ضارة لو إتهذبت ...هذبها
لاقها من دواعى الفطرة فقام فقط بالتوجيه حتى لا يساء إستخدامها

نيجى بقى للسؤال الآخير
الختان فرض ولا سنة
(إحنا بنتكلم على ختان الإناث لأن ختان الذكور له وضع تانى )
لم يرد فى الختان امر مباشر من الله ولا رسوله وهذا ينفى عنه الفرضية
رأيى الشخصى برضه إنه مش سنة لإن فهمى للسنة هو ما وصل إلينا من أفعال رسول الله صلى الله عليه وسلم يعنى الحاجات اللى الرسول سنها لنا
بحثت كثيرا ولم اجد أى إشارة تنقل إلينا خبرا يقينا عن اهل بيته _ فرسول الله كان أب لفتيات _.
ما وصل إلينا أن الرسول علم بالأمر ولم ينهى عنه وقال انه من الفطرة واستخدم لفظ ختان ككناية عن اللقاء الزوجى فى حديثين
يعنى موضوع سنة ده انا مش قادرة أحدده ومش قادرة اقول عليه رأى صريح لإن علمى قاصر.

خلاصة القول
الختان لم يرد فيه أمر شرعى
ولا نهى شرعى
من فعله فليس آثم
ومن لم يفعله أيضا ليس آثم (مش عارفة بقى فين الخلاف فى أكتر من كدة أمر واضح ومريح )
ولكن دواعى الفطرة والنظافة الشخصية مكرمة للشخص
وهذا ما اميل إليه
ختان الإناث _بس الختان بتاع البنى آدمين _ مكرمة للأنثى
مكرمة ليس إلا

[dr_sho]

لؤى
ماعلش انا جبت لك الموضوع من أوله لىخره علشان واقف فى زورى من زمان
وعلشان نفسى يتفهم
وعلشان نفسى نعرف ندافع عن نفسنا وعن دينا وعن مبدائنا وافكارنا دفاع علمى يخرس اللى قدامنا ويكتم الأفواه المتحذلقة

متهيالى إنت عامل الموضوع مش علشان كدة
علشان بس تعلن إحتجاجك على الإعلان
وكنت عايز بدل اللك ووجع الدماغ ده كلمة واحدة
وبقلهالك اهى :)

فعلا معاك حق
إعلان يغيظ:)

[نفرتارى]

الرحمه :hang:

يادى الموضوع الى مش هنوصل فيه لنهايه00

الحقيقه انا لسه مكملتش ردود الدكتوره شو لكن ان شاء الله ارجع للتعليق 00

الى عاوزه اقوله ان ده رخصه 00 بمعنى ان الرسول عليه الصلاه و السلام مجابش الست و قال لها اعملى كذا او امر مثلا النساء بكده00 الست كانت رايحه فالرسول عليه الصلاه و السلام حتى قال لها لا تنهكى00

الى بيحصل بقه و الى متهيئلى لسه الدكتوره شو مشافيتوش على ارض الواقع مذبحه00 عاوزه اقول لكو ان فيه سيدات كنا بنحتاج نركب لهم قسطره بول و بعدين و الله ثلاثه مكنت بعرف لهم مين ايه بالضبط من كتر التشويه الى حاصل لهم00 و فيه منهم بنات فكنت طبعا اخاف ان اى حاجه تركب غلط و مش مساله مثلا قله خبره لانى كنت ساعتها برجع للى اكبر منى و هما كمان كانوا بيقفوا :blink:

عاوزه اقول ان الموضوع واخد اكبر من حجمه00 يعنى قص الاظافر من سنن الفطره ملقيتش بقه فيلم هوا لما منقصش اظافرنا حرام طب و بعدين و حدوته مصريه تانيه00 الموضوع كبر عشان حساسيه القضيه نفسها و لو انى لا اراها حساسه و لا يحزنون00 انا شايفه ان العمليه ديه تتم تحت اشراف طبيبات مسلمات ثقات و يكون هوا بس الغشاء الى حول البظر لا اكثر و لا اقل و على فكره هوا ده الغشاء ذات نفسه الى بيتشال ف عمليه طهاره الذكر لكن اكثر من كده لا داعى له و لو ده محصلش فمش شايفه انها مصيبه كبيره و داهيه يعنى00

بس هشوف الدكتور شو قالت ايه و الى طبعا احلى كلام :tu:

[@esl@m@]

انا من رايى ان مدام فى حديث شريف تناول الموضوع علينا اتباعه حتى لو كان ضعيف
سلام:flowers:

[أبو معاذ]

معلش أنا رغاية حقك على
بالعكس
انا اتعلمت كتير من كلامك
بل اني لم اكن اعرف 99% من كلامك
وده فايدة ليا

وعلشان نفسى يتفهم
وعلشان نفسى نعرف ندافع عن نفسنا وعن دينا وعن مبدائنا وافكارنا دفاع علمى يخرس اللى قدامنا ويكتم الأفواه المتحذلقة


:tu:




علشان بس تعلن إحتجاجك على الإعلان

لا والله
بل لافهم
بدليل اني ماجبتش سيرة الاعلان الا حينما سئلت عن سبب هذه الضجةو(الدوشة )اللي انا عاملها

لا انكر ان ما دفعني لكتابة الموضوع هو الاعلان لانه فعلا يحرق الدم عشان قالوا فيه شيخ الجامع قال وماجابوش شيخ الجامع بيقول

كان احري بيهم انهم يقولوا دي فتوة الشيخ فلان الفلاني واهو بيقولها قدامكم


لكن ده لا يمنع اني لم اكتب الموضوع عشان احتجعلى الاعلان



ومع ذلك
هو فعلا اعلان يغيظ



يادى الموضوع الى مش هنوصل فيه لنهايه00


ليه
بالعكس
انا شخصيا وصلت لنهاية


على فكرة بقي

انا كنت حاسس ان الموضوع ده هايقلب بخناقة

لكن العلم نور

صدقوني لم اكن اعرف اي لمة عن تلك الانواع

كل ما دار بذهني

النبي"ص"قال كذا والناس دي بتقول ماتعملوش كذا ده


لكن انا دلوقتي في وضع مختلف

النبي "ص" قال كذا والناس دي بتقول ماتعملوش كذا التاني

و دلوقتي انا مع النبي "ص" ومع الناس دي

[دكتـــــــ سارة ـــــــــورة]

السلام علي اهل السلام
ارجو انكوا تتقبلو مشاركتي في حواركو الشيق دا
طبعا الكلام اللي اتقال عن طريق" الدكتورة شو" هو الحمد لله مقنع و بعد قرأتي له اقدر ادافع في أي حوار قائم لاني اصبحت علي درايه لا بئس بها بالامور العلميه والدينيه علي اصح وجه ليها و
دلوقتي اللي عندي عبارة عن مداخله بسيطه
انه مش شرط كل بنت تتعرض العمليه دي و لكن علي كل ام انها تتابع طفلتها الصغيرة في مراحل نموها وحتي فترة البلوغ و هي اللي تحدد اذا كانت بنتها تحتاج للجراحه دي ولا لأ
و طبعا في ناس لا تعترف بيها و لا تعرض بناتها لتلك الجراحات و هنا تحدث المفارقه اللي هي تكمله للمذبحه اللي كانت تتحدث عنها الدكتورة نفرتاري علي حد تعبيرها و المقصود في روايتي هي حاله الرعب والفزع النفسي اولا من تلك الجراحه
ان في كتير مش محتاجين لها و بيعملوها كعاده في الاسرة علي كل بنت فيهاواجب الخضوع لها
و في ناس مش بيعملوها وبيكونو اشد الحالات ليها اذكر هنا حالة عندما يفاجأ الزوج بان عروسه لن تقوم باجراء تلك الجراحه فيقرر اصطحابها للطبيب و بكل الخجل و الانكسار تخضع العروس الشابه لتلك الجراحه واللي في حد ذاته شئ يعود حدوثه علي الاهل و {نشوفيت دماغهم} وعدم اقتناعهم بتلك الجراحه
وساعتها نرجع ونندم علي حدث {لم يحدث بلا مبرر} فات عليه يجي 15 سنه بس الفرق رهيييييييب بين طفله لا تشعر كثيرا ولا تأبه لما يحدث لها سوى الالم
و بين حاله العروس التي تشعر بالمهانه و الانكسار تلك اللحظه المشينه لها
و في نهايه مداخلتي احب اكرر انها مكرمه وليس فيها أمر شرعه ولا نهي شرعي مع مراعاه وجوب بعض الحالات للخضوع لتلك الجراحه
بدل ما يقال ياريت اللي جري ما كان
اشكركو علي سعه صدركو لحوارى

فاسعوا الي ذكر الله[/ALIGN]

[دكتـــــــ سارة ـــــــــورة]

اسفه لو الخط في رسالتي دايقكو

[accounting]

يا جماعه انا شايف الموضوع ده اتناقش قبل كده مليون مره فى جميع وسائل الاعلام لدرجة ان المسيحيين تدخلو فى الموضوع وقام سى مفيد فوزى بمناقشته بكل اباحيه فارجوكم كفايه

[DoctorX]

أنا لن أتحدث بصفتي طبيبا خاصة أن اختصاصي توليد و أمراض نسائية
و لن أتحدث برأي الدين لأنني لست بعالم

فقط سأسأل سؤالا واحدا بريئا:
اذا كان ختان الاناث سنة أو فرضا لماذا لا يطبق في السعودية أو العراق أو سورية أو الجزائر أو...بقية الدول العربية و الاسلامية و لانشاهده الا في مصر و السودان و بعض الدول الأفريقية الأخرى
أرجو ألا يكون جوابكم هو أن المصريين وحدهم الحريصون على اتباع النهج النبوي

و دمتم
ملاحظة علمية :
الختان قد يسبب العقم بآلية غير مباشرة من خلال احداث انتان حوضي عندما يتم في ظروف غير عقيمة ( و هذا ما يحصل للأسف ) مما يؤدي الى تليفات و التصاقات و هذا لا يحدث فقط في حالة الختان بل في جميع التداخلات الجراحية غير العقيمة ( يعني بايد الداية أو الحلاق )

[محمود الأزهري]

السلام عليكم ..
مبدئيا الكلام اللى قالته الدكتورة شو انا موافق عليه..
وان كان لى بعض التحفظات من الوجهةالشرعية يبقى ان شاء الله المرة الجاية..
وانا مش عارف ازاى الموضوع
ده نزل من غير ماشوفه..
واللى مانعنى والله ظروف وجودى فى القاهرة مش اكتر..
لكن ان شاء الله هجيب معايا الرأى المفيد واللى استقر عليه رأى الجمهور من العلماء والفقاء..

[درش الروش]

والله صوتي اتنبح في القهوة علي الموضوع ده:dead:
بس الكلام ده من زمان شويه
ولكن قريب عملت موضوع عنه برضه :55:
ومش عايز اكتب فيه تاني لأنه أتكتب فيه كتير اوي اوي اوي:maaaad:
يا ريت يا جماعه ترجعوا للموضع ده
http://haridy.com/ib/showthread.php?threadid=27073

بجد يا جماعه
لازم تدخلوا الموضوع ده وتقروه:knight:
هيحل المشكله خالص وهنقفل الموضوع ده واحنا مرتاحين:hurry:

[أبو معاذ]

السلام عليكم ورحمة الله

بعيدا عن موضوع المناقشة
اعتذر عن مداخلتي الثانية في هذا الموضوع لعدم توافقها وحدود الادب العام وعدم مراعاتي عند كتابتها لتلك الحدود

فقد حذفتها واقدم اعتذار عام للاعضاء واعتذار شخصي لكل من


@esl@m@ dr_sho

اتمنى تقبل اعتذاري

[Dr ims]

السلام عليكم ورحمة الله وبركاته


:55:
انا كانت عندي بعض المعلومات عن هذا الموضوع
تؤكد اهميته
ومدى فداحة الاسلوب الهمجي التي تحدث به:crazyy:
والتوجيه النبوي الخاص به



وبالمتابعة لبعض اطباء النسااا والتوليد ممن قابلتهم
في الكلية وفي السعودية (مصريين طبعا):rolleyes:
افادو بما ذكرت
وزادو على الاسلوب الاصح وهو
ماذكر في الطريقة الثالثة ......
وزيد ان يزال من الاشفار ما يعلو عن مستوى الجلد تبعا لما يحدده الطبيب
اذ تختلف العملية من بنوته لاخرى( بمرجعية صحية):doctor:




اشكر الدكاتره الكبار على المعلوماااااااااااات دي :flowers:



لكن اود ان استفهم
ما هو الناتج الصحي والاخلاقي الناتج عن عدم الختان لاخواتنا وبناتنا ؟؟؟:dots:
لاني مش مرتاااح للاعلان ولا لوزيري الاعلان والثقافة:chains: