نقطة نظام [الأرشيف]

موعوود

02-07-2004, 06:13 PM

نقطة نظام
لو كل واحد في البشر
يعرف حدوده
وإيه وظيفته ولو وعد
يوفي بوعوده
وإنه للخير اتخلق
وعلي حب الغير كبر
ويشب عوده
لو إن فيه نقطة نظام
كان الوئام ساد الشعوب
كان الأمان يملا القلوب
كانت اتلغت م القواميس
كلمة حروب
كان يبقي فيه نقطة نظام
وساعتها نبقي نعترف
بإن فيه فعلا سلام

واحد بيحب مصر

02-07-2004, 07:54 PM

حلو الكلام

لو كل واحد في البشر
يعرف حدوده

ما كنت هتلاقي الخطر
جي برعوده

و لا كنت هتلاقي الضرر
يعبر سدوده

يا إنس يللي ليك نظر
و لْسان تروده

امسك لسانك و اصطبر
و احفظ ردوده

شوف وِلْد عمك و اعتبر
و اسأل جدوده

و ساعتها هتطول القمر
و الكون تسوده

تحياتي لك موعود
فقط أردت مشاركة بسيطة بهذه الكلمات
و أشكرك على كلماتك الغالية ونصائحك
التي تدخل القلب على طووووووول:knight:
د.جمال

محمد فارس

02-08-2004, 02:10 AM

لو كل واحد فى البشر 00قال كلمته
قالها نعم00ان كان فى صالح امتــه
او قالها لا00ولا فيه حكومة هَمّـتـه
كان البلد00فى احلىَ حلة اترسم
وكنا شفنا 00نسمة حلوة عَمّـتـه

موعوود

02-08-2004, 03:46 AM

لو كل واحد في البشر
يمشي بضمير
لا في يوم هايحسد
أو هايكره أو يغير
لوالكبير يعرف بانه
فوقيه كبير
لو الضعيف يرفض
لضعفه يكون اسير
لو يرفض انه يحددوا
ليه المسير
كانت حياتنا اتبدلت
كان المصير غير المصير
لو كل لو اتحققت
لاتغيرت حاجات كتير

موعوود

02-08-2004, 03:51 AM

شاعرنا الكبير
دكتور جمال
مفاجأة ردك الرائع لاتزيد عليها الا مفاجأة تشريفك لي
واشكرك علي تشجيعك
واتمني ان اتشرف بملاحظاتك لاني اريد الاستفاده
شكرا لك ياايها الفنان المبدع

موعوود

02-08-2004, 03:56 AM

عمنا الكبير هراس
دائم التألق والابداع
لو سعادتك قرأت مشاركتي في موضوعك ( لحظه من فضلكم ... شاركونا الرأي ) لتأكدت من كلامي انه هناك ردود هي بالفعل تتفوق علي الموضوع الاصلي
واذا لم تصدقني فاقرأ رد الدكتور جمال ورد عمنا هراس
تحياتي ياصديقي

محمد فارس

02-08-2004, 06:40 PM

موعود حبيبى
اشكر ك
بكل تأكيد قريت مداخلتك فى "لحظة من فضلكم" ولأنها تحمل عدة افكار فقد ارجأت الرد حين ميسرة من الوقت0

واحد بيحب مصر

02-08-2004, 06:48 PM

فين بقية الشعراء
نرجو التفاعل مع هذا الموضوع

و لنجعل بداية القصيدة :

لو كل واحد في البشر ....

و من خلالها نعرف لو كل واحد عمل إيه فماذا يحدث ؟

مؤكد ستحدث نقطة نظام

تحياتي موعود و في انتظار المزيد

د. جمال

محمد فارس

02-09-2004, 10:20 AM

لو كل واحد فى البشر
لا يوم كدب ولا يوم فَشَر
ولا يوم فى حاجة مش بتاعته انحَشَـر
كان كل حق راح لصاحبه برغبته
ولا شفنا يوم اى باطل انتصر

واحد بيحب مصر

02-09-2004, 12:57 PM

لو كل واحد في البشر
قال مستحيل
و السكة صعبة و البصر
أصبح عليل
و القلب واهن و انكسر
و الليل طويل
ما كنش مخلوق انتصر
جيل بعد جيل
و لا كنا نوصل للقمر
و لا نمشي ميل

يللا اشتغلوا يا اساتذة العامية

موعوود

02-09-2004, 04:06 PM

لو كل واحد في البشر
يحلم واحنا نصدقه
لو حلمه خير ايدينا تسبق
ايده لجل يحققه
نهدم جدار المستحيل
واليأس بايدنا نطوقه
يبقي الكفاح بستان أماني معطره
يبقي النجاح فيه احلي ورده تزوقه

موعوود

02-10-2004, 01:54 AM

فينكم يا حبايب

واحد بيحب مصر

02-10-2004, 06:14 PM

لو كل واحد م. البشر
في القهوه ديه
بطل يسجل حكمته
في الحته ديه
موعود هيزعل مننا
الزعله اللي هيه
و انا كمان من صفحته
هرفع ايديه

تحياتي

رنـranimـيم

02-10-2004, 08:34 PM

لو كل واحد في البشر
يمشي بضمير
لا في يوم هايحسد
أو هايكره أو يغير
لوالكبير يعرف بانه
فوقيه كبير
لو الضعيف يرفض
لضعفه يكون اسير
لو يرفض انه يحددوا
ليه المسير

عارف ياموعود ...السطرين دول هم ملخص الحكايه ...الضمير هو المحرك لكل

شئ لو ضاع فى يوم قول سلام على الدنيا كلها من غير كلام

لو كل واحد فى البشر
اخلص وسابه من العناد
لوكل واحد افتكر
انه فى يوم راح يسأله
رب العباد
فين عمره ولى
وليه ماقرب
وليه ماخاف يوم مالحساب
عاش عمره حلمه
هو ماله والولاد

معلش ياموعوود ...حاجه بسيطه طبعا ماتجيش جنب كلامك الحلو حاجه

بس معلش خدهم من اختك رنيم

رنيــــــم

موعوود

02-10-2004, 09:30 PM

كاتب الرسالة الأصلية : واحد بيحب مصر
لو كل واحد م. البشر
في القهوه ديه
بطل يسجل حكمته
في الحته ديه
موعود هيزعل مننا
الزعله اللي هيه
و انا كمان من صفحته
هرفع ايديه

تحياتي
لو كل واحد في البشر
زيك ياواحد
بيحب مصر بجد وآدي
كلامه شاهد
زعلان انا منهم قوي
وزعلي جامد
حتي هريدي رافض انه
يقوللي مرحب
عاهدني تبقي انت في جاري
ياللا عاهد
استاذنا الكبير
اشكرك علي اهتمامك
وعلي تحفيزك لي بالكتابه وأرجو ان تتقبل تلك الدعابه
وشكرا:flowers:

موعوود

02-12-2004, 02:37 AM

كاتب الرسالة الأصلية : رنـranimـيم

[QUOTE]

لو كل واحد فى البشر
اخلص وسابه من العناد
لوكل واحد افتكر
انه فى يوم راح يسأله
رب العباد
فين عمره ولى
وليه ماقرب
وليه ماخاف يوم مالحساب
عاش عمره حلمه
هو ماله والولاد

تصدقي لو قلتلك ان المعني ده صارلي اكتر من اسبوع عاوز اكتبه والكلام مش مطاوعني
فعلا يارنيم لخصتي حاجات كتيير محتاجينها
وارجع اقول
لو كل لو اتحققت
لاتغيرت حاجات كتير

[SIZE=3][COLOR=darkblue]معلش ياموعوود ...حاجه بسيطه طبعا
ماشي ياست رنيم كل ده وحاجه بسيطه

اشكرك علي تفاعلك الجميل وهديه مقبوله يا اختي العزيزه

أبوعرّام

02-12-2004, 03:06 AM

:h2: لو تفتح عمل الشيطان.............
لماذا نلق أمتعتنا فى صحراء الحياة المقفرة
هيا معا نحول اليابس الى أخضر

سلسبـيل

02-12-2004, 11:55 AM

اخي الكريم موعود
اعذرني علي عدم مشاركتي معكم في الفترة الماضية بسب عدم دخولي النت من اكثر من اسبوع
واقبل مني ابياتي المتواضعه في صفحتك

لو كل واحد م البشر
كان مش حجر
لو كل واحد م البشر
حب وقدر
يمحي الالام
م عالانام
ويكون قمر
بيزيل من الليل السواد
ويكون شجر
يرمي بضله
لما نور الشمس يحمَي
يرتمو ف حضنه البُعاد
لو كل واحد م البشر
كان مش حجر

سلسبيل

najjar

02-12-2004, 02:15 PM

كلكم كده على بعض زى الفل .

ربنا يحميكم.

راجعلكم بالليل انشاء الله نشوف حكاية البشر

خالص تحياتى يا حج موعود

موعوود

02-12-2004, 09:00 PM

كاتب الرسالة الأصلية : أبوعرّام
:h2: لو تفتح عمل الشيطان.............
لماذا نلق أمتعتنا فى صحراء الحياة المقفرة
هيا معا نحول اليابس الى أخضر
ياعم ابو عرام
احنا قصدنا من لو هو التحفيز واظهار الصوره الايجابيه للنواحي السلبيه في حياتنا وما اكثرها
اي كما تريد نحاول ان نحول اليابس لاخضر
شكرا اخي لمرورك الكريم

موعوود

02-12-2004, 09:15 PM

كاتب الرسالة الأصلية : سلسبـيل
[QUOTE][B][COLOR=deeppink]اخي الكريم موعود
اعذرني علي عدم مشاركتي معكم في الفترة الماضية
الأخت العزيزه سلسبيل
نورتي صفحتي يمشاركتك الرائعه
:flowers::flowers::flowers::flowers::flowers:

موعوود

02-12-2004, 09:19 PM

كاتب الرسالة الأصلية : najjar
[[QUOTE]B]كلكم كده على بعض زى الفل .

ربنا يحميكم.

راجعلكم بالليل انشاء الله نشوف حكاية البشر

نحن في انتظارك ومنتظرين حكاويك عن البشر يا عمنا

موعوود

02-12-2004, 09:22 PM

كتاكيت القهوه سمعوا كلامك يا دكتور
يبقي ماليكش حق ترفع ايدك عن الصفحه
في انتظار روائعك عن
لو كل واحد في البشر

موعوود

02-13-2004, 11:18 PM

لو كل واحد في البشر
يمشي بنظام
سوا في طابور أو في المرور
أو في الكلام
الكل راح يوصله حقه لحد عنده
بدون رشاوي بدون شكل
وبدون زحام
أين انتم يا دكاتره
د جمال
د احمد
وعمنا الناضورجي:confused::confused:

واحد بيحب مصر

02-14-2004, 08:40 AM

لبيك أخي موعود

أنا هنا
لو كل واحد في البشر
كان يستقيم
و يمشّي في حاله عِدِلْ
نحو السليم
و يغض عينه عن محارم ربنا
حلو و دميم
ولا يتحشر ..
و ف. كل شيئ خص البشر ..
يعمل عليم
كان مستحيل يوم انكسر
أو بات سقيم

تحياتي أخي موعود
و على فكره هذا عمل جميل

د. جمال

محمد فارس

02-14-2004, 10:46 AM

لو كل واحد م البشر
فيكى يامصر
شغّـل بصيرته والبصر
صباح وعصر
طالب بكل00 حق ليه
وحصرها حصر
وأدىَ واجب كان عليه
واحد بعَشــر
كانت مكانتك فى العلالى
حاضنة نصر
والخطوة منك مسرعة
وسابقة عصر
كان كل واحد يسكنك
يعيش فى قصر

najjar

02-14-2004, 09:03 PM

لو كل واحد م البشر زين طريق اخوه

بالصدق والمحبه وبالورود فرشوه

كان الامل فى بكره مبقاش وهم وسراب

والقاعده تبقى صحيحه ومهياش من تراب

ومكان يقدر عدوي فى يوم يجور عليه

ولا اكون ف يوم مطاطي مادام سليم النيه

اخويا يعنى سندي فى فرحى او فى همي

وقت الشده يلاقيني ويهون عشانه دمي

ونعيد زمن جدودنا زمن العزه وكرامه

فيها العربى شامخ وكمان مرفوع الهامه

-----------------------

يا ترى ممكن ده يحصل؟؟؟

موعوود

02-14-2004, 11:52 PM

اساتذتي
دجمال
هراس
نجار
نورتوا العمل بمشاركاتكم الرائعه

لو كل واحد في البشر
حب البشر
ورفض يكون للكون
وسيله للخطر
تبقي الحياه مصدر سعاده
للجميع
نلقي الفرح جوه القلوب
انتشر

محمد فارس

02-15-2004, 11:34 AM

لو كل واحد فى البشر
زى العرب
ينام نهار00ويصحىَ ليل
غُنَىَ وطرب
كان كل شئ فـ الدنيا دى
باظ واتخَـرب
كان كل واحد انخنق
لا00وانضرب
كان العرب 00بقيوا اساتذة
وزاد عليهم الطلب

موعوود

02-15-2004, 06:23 PM

لو كل واحد في البشر
جرب يحب
هيلاقي اللي حبه بادله
برضه حب
الحب نعمه من الإله
أمرنا بيها
وعمره ما كان يوم
معاصي ولا ذنب

محمد فارس

02-16-2004, 01:29 AM

لو كل مصرى انتفض
وقام وشَارَك
وقال ده رأيى أعلِـنه
ولا رَحش بَارَك
كنت التقيت الضحكة دى
جارى وجارَك
كانت التهانى كلمة غير
كلمة"مبارك"

رنـranimـيم

02-16-2004, 03:18 AM

معلش حاستأذنك ياموعوود واقول كلمه لهراس

حلوه اللى فى فوق دى ياريس... تسلم الايادى

موعوود.. جميله فكرة موضوعك ..وياريت فى كل مره نحكى عن مواقف

سلبيه فى حياتنا ..ايه رايك؟؟؟

لو كل واحد فى البشر
مد لاخوه
فى يوم ايديه
ادى بحب
ومانتظر
ولاقال فى يوم
ادانى ايه
واديله ليه
فكر فى غيره
مثلا فى جاره
اللى نبينا فى سنته
وصانا ياما كتير عليه
وقف جواره فى محنته
ولاقالش حاخد منه ايه
لو كل واحد فى البشر
فكر لثانيه
شاف اللى مروا
يوم فى عمره واعتبر
وحق غيره افتكر
كانت حياتنا تبقى جنه

رنيـــــم

محمد فارس

02-16-2004, 09:11 AM

كاتب الرسالة الأصلية : رنـranimـيم
كلمه لهراس
حلوه اللى فى فوق دى
شكرن يادكتووووورة
واللى فوق كمان اجمل

ل

لو كل مـ البشر
خف الكلام
وأدّى شغله بجدعنه
وبإهتمام
مَكنش واحد مننـا
جاله ملام
كانت السعادة تعمنـا
ويـّـا السلام

الغزال الشارد

02-16-2004, 02:22 PM

أنا سمعتهم بيقولوا نقطة نظام......

نقطة نظام......

فحبيت أعمل نقطة نظام....

ودخلت برجلي اليمين.....

لقيت كل الناس إللي هنا...أبدعوا و تألقوا.....وكلهم أساتذه...

فقلت أعمل زي التلاميذ الشاطرين المهذبين......

وأعمل نقطة نظام.......

وأقعد و أربع إيدي.....أو أسقف......:clap::clap:

أصلي عمري ما هأعرف أكتب كلام حلو زي كلامكم.....

معلهش بقي......

أصلي ماليش في السياسه......:police::police::police:

موعود تسلم كيبوردك.....وتسلم يمينك...عملت ثوره نظاميه

هراس..تسلملنا دماغك و تفاعلاتك الرائعه.......

رنيم.....ما شاء الله....تفاعلاتك مبهره.....العامي كسب نجمه متألقه..

د.جمال.............تفاعلات و لا أروع.....

وكل إللي كتبوا خوفا من الخطأ و النسيان.......مشاركات جميله جدا...

دام تألقكم جميعا........

:flowers::flowers::flowers:

محمد فارس

02-16-2004, 03:02 PM

لو كل واحد كان هنا
زى الغزال
له موهبة00لكنه جا
هنا وقال
حلو الكلام اللى انكتب
وحاجة عال
ولا شفنا منه مقطعين
ولا قال عقبال
كان شِعرنا طار فى الهوا
ولا له مجال
هاتى اللى عندك ياغزال
هاتى الجمال

موعوود

02-16-2004, 06:32 PM

العزيزه رنيممعلش حاستأذنك ياموعوود واقول كلمه لهراس

حلوه اللى فى فوق دى ياريس... تسلم الايادى
يا باشا الموضوع موضوعك ومش محتاجه استئذان
لإن فعلا فكره هراس باشا فكره عبقريه
تفاعلك بينور العمل
احلي غزالأصلي عمري ما هأعرف أكتب كلام حلو زي كلامكم.....
:rolleyes::rolleyes::rolleyes::rolleyes::rolleyes:
يا استاذتنا دلسه موضوع الزفاف دمه مانشفش
بلاش ............... وياللا علي كيبوردك ومنتظرين تفاعلك
عمي الكبير
ايه الجمال ده رائع في كل شئ
شكرااااااااااااااااااااااااااااااااااااااااااااااا ااااااااااااااااا
د جمال
انت فين يا دكتوووور

موعوود

02-16-2004, 06:38 PM

لو كل واحد في البشر
يقرا الكلام
اللي احنا كاتبينه هنا
في نقطة نظام
هايعرف ان المستحيل
مالوش وجود
وان الفجر مهما ان غاب
بكره يعود
هايعرف ان كلامنا شمعه
تنور له الظلام

الغزال الشارد

02-16-2004, 11:58 PM

موعوود......

دم الزفاف لسه مانشفش.....ومش هينشف....عارف ليه؟؟؟

لأن قلبي لسه بينزف......

هراااااااس.....

أقول إيه بس.......طول عمرك أستاذ....

عارف...مره بابا قاللي......لما الكبار يتكلموا....الصغيرين يسمعوا و يتعلموا...

وده الدليل علي إن كلام صح...

كاتب الرسالة الأصلية : هراس
لو كل واحد كان هنا
زى الغزال
له موهبة00لكنه جا
هنا وقال
حلو الكلام اللى انكتب
وحاجة عال
ولا شفنا منه مقطعين
ولا قال عقبال
كان شِعرنا طار فى الهوا
ولا له مجال
هاتى اللى عندك ياغزال
هاتى الجمال

بس في إتنين...بيجبروني إني أتمرد علي كلام بابا.....

و بيخلوا قلمي هيتجنن لو ما نزفش ......

إنت واحد منهم........

فأنا هأقول كلمتين......ومش هأكتر في الكلام......

يوه بقى

يوه بقى

يوه بقى

يوه بقى

يوه بقى

يوه بقى

خلاص هأقول .... ولو إنهم مش قد كده.....

يوه بقى

يوه بقى

يوه بقى

لو كل واحد م البشر
فكّر كده ف ساعة صفا

عن يعني إيه كلمة وطن
وهو فين قلب الدفا؟؟

طب كنت فين يا ابن الحلال
أيام ما سِبت الغدر يغتال الوفا؟؟

راح أقول علي الأرض السلام
كان حلم نابض و اختفي
**************
لو كل واحد م البشر
حس بدفا كلمة وطن

كانت قلوبنا اتفتحت
ولا كنا يوم نعرف شجن

ولا كات ف يوم تِعلي الكلاب
ولا داس علي رقابنا الزمن

:flowers::flowers:

محمد فارس

02-17-2004, 04:55 PM

لو كل واحد فى البشر
فرّط فى داره
والصبر طبعه لو عدو
كواه بناره
ولا قال ياحق استرجعك
ولا حتى زاره
ادم ابونا كان صحى
ياخد بتاره

موعوود

02-17-2004, 05:43 PM

لو كل واحد في البشر
زيك يا عم
راعي حياتنا كلها
بجود وكرم
كل البلد ها تكرهك
ماعرفش ليه ؟
يا شعب خلي عندكوا
في الوش دم
:brb::brb:

najjar

02-17-2004, 10:03 PM

لو كل واحد م البشر رفع راية الاسلام

كان عم الخير عالبشر ومعاه عم السلام

اول خليقة البشر واحد يقتل اخوه

ومش بعيده عالبشر الابن يقتل ابوه

جالهم نبى وبعده نبي وعلشان يصدقوه

قالولوا هات لنا دليل عايزين يدوخوه

بعتلوا ربه المعجزه وبرضه كدبوه

وكان جزاتوا انوا اتقتل وعالعمود صلبوه

نصيحه منى للبشر مع كل طلعة فجر

قوم واستغفر ربنا واعمل حساب للحشر

محمد فارس

02-18-2004, 01:00 AM

ياناس ياعسل00نجار وصل00
هو ده الكلام 00فينك من زمان00
والدكتورة رنيم 0000مشوارنا طويل0000الشدة

والدكتور جمال اللى وزع الدعوات وساب الفرح0000ده كلام برضه00
ولعها ولعها

محمد فارس

02-18-2004, 01:17 AM

لو كل واحد شاف غلط
قال مش موافق
والكل زيه 00اعترض
مبقاش منافق
كان البلد مبقاش كدا
من كل جانب له عِدا
كان كل كلب احتار يلاقى
له مرافق

موعوود

02-18-2004, 01:28 AM

::idea::idea::idea::idea::idea::idea::idea:
هراس :flowers: د جمال :flowers: رنيم :flowers: نجار:flowers:
سلسبيل والغزال (مشاركه واحده لاتكفي ):flowers::flowers:
كلكوا اجمل من بعض
دي مش نقطة نظام
دي بقت مديرية أمن نظام:brb:
هراس
آي لوف يو
كلاكيت تاني مره
انت فين يادكتور

موعوود

02-18-2004, 01:48 AM

لو كل مصري شاف غلط
وثار عليه
ويحاول انه يغيره ان شالله
بايديه
لو القلوب متوحده
كان البلد مابقاش كدا
ولا كان يحس ابن البلد إنه غريب
في أراضيه

najjar

02-18-2004, 10:42 PM

لو كل واحد م البشر راعى ف ضميره عياله

كبرهم وعلمهم ان الدنيا مش بقياله

وان المرء لا بعمه ولا بخاله

ومش اى شئ يقدر يشتريه بماله

وانه راحل من الدنيا وشايل بس اعماله

كان ضحى لاجل دينه بصحته وماله

وعرف ان صلاته هى الى بقياله

موعوود

02-19-2004, 12:24 AM

لو كل واحد م البشر
غاوي دعايه وفرقعه
يوطي صوته ويختصر
من الزعيق والجعجعه
كنا عرفنا نفهمه
كنا قدرنا نسمعه
كنا عرفنا علي الأقل
هو ضد .... ولا ..مع

سلسبـيل

02-19-2004, 01:20 AM

لو كل واحد م البشر
شال الغشاوة
من عنيه
وقال لنفسه
عملت ايه؟
وازاي وليه
لو كل واحدم البشر
قام واافتكر
كام مرة ناس حنت عليه
كانت بتدفع عمرها
ولا يوم تشوف دمعة عينيه
كان كل واحد م البشر
كان انتصر
كان عاش مابين احبابه
وماخافش الخطر

سلسبيل

ليتك ما جرحتني

02-19-2004, 05:01 AM

لو كل واحد م البشر

عرف ان حياته ثواني

وفهم ان لازم القدر

هايطوله ولو كان اولاني

هي حياه وقدرنا فيها نعــــــــــــــيش

هي ثواني ومكتوبنا برضه مايتنسيش

هي ساعات واخرتنا مفــــــــــــــيش

اوعى تقول ان حياتنا مابتنتهـــــــيش

دا مش تشاؤم دا حبي لكل واحد فيكم

بفكركم بالي ليكم واللي عليــــــــــــكم

العمر لسه قدام عنيـــــــــــــــــــــــــكم

ونفضل امه مسلمه الله يرضيــــــــــكم

كل يوم بشوف حاجات بتتعبـــــــــني

جايز نشوفها وننساها لكنها بتموتني

عايز الشيطان الشر يسبني ويفوتني

لكن بإذن الله رب العرش هاينجــدني

رنـranimـيم

02-19-2004, 06:41 AM

لو كل واحد فى البشر
ماعاد فى سيرة الناس يجيب
مايوم يهمه عيب فى غيره
اما عيبه مايسهى
عنه او يغيب
دايما فى حاله يفتكر
ان اللى كامل فى البشر
هو سيدنا الحبيب
يقضى فروض الله عليه
يعرف ان دينه بيامره
ينأى بنفسه عن كل عيب
وان مره اذنب او غلط
ربك ده ستار العيوب
امره بذنبه يستتر
لكن بسرعه قوام يتوب
يعرف ان بيته ينكسر
لو يرمى بيت الناس بطوب
سبحان اللى خلق
رحمن رحيم
هو علام الغيوب
نزل علينا برحمته
كتابه الكريم
صادق فى دعوته
لما قال
ادعونى فانى مجيب

موعوود ..انا جيت اخد العالم دى كلها ...معلش دول كانوا عندى فى الامثال

بس يظهر فيه هنا حاجه شدتهم ...اكيد كلامك الحلو وافكارك الاحلى

تخلصوا ياجماعه هنا وبعدين على الامثال ..على راى المثل من فات قديمه تاه

رنيـــــــم

واحد بيحب مصر

02-19-2004, 09:46 AM

لو كل واحد في البشر
كان انتصح
و سمع كلام اللي فاقوه
علم و خبر
و لا كان ركب راسو على..
غي و ضرر
ما كنش حد احتاس و لا ..
شاف الخطر

موعوود

02-19-2004, 09:09 PM

سلسبيل:flowers:
رنيم:flowers:
واحد بيحب مصر:flowers:
(الترتيب حسب الظهور علي المسرح )
ابداعكم جعل من نقطة نظام شعله منيره:idea:
وفي انتظار المزيد من ابداعكم وتألقكم في نقطة نظام
عم هراس:confused::confused:
انت فين ؟
سمع هههههههس
احلي سلام مربع
للصديق العزيز
ليتك
حمدالله ع السلامه ونورتنا يا صديقي
:flowers::flowers:

موعوود

02-20-2004, 12:49 AM

لو كل واحد في البشر
تفكيره يسبق كلمته
يعمل حسابه رايحه به فين
وفي أي سكه خطوته
ماكانش ابدا يوم هايعرف
يعني إيه طعم الندم
يمشي في طريقه والسلامه
دي تبقي آخر سكته

najjar

02-20-2004, 11:31 PM

لو كل واحد م البشر مسئش الظن ف اخوه

ولا يرمى بالكلام زي الحريم على اخوه

ويعمل ابو العريف عايز يسكت اخوه

ولو كانت دى اخلاقه يبقى الغلط على ابوه

ولو اهله دول بشر كانوا عرفوا صحيح ربوه

والسح الدح امبو الواد طالع لابوه

najjar

02-20-2004, 11:35 PM

لو كل واحد م البشر حاسب على خطوته

ورسم لنفسه طريق ومشى فى سكته

مين ده اللى كان يقدر يقف فى سكته

مهو اصلو ماشى سليم ووازن كمان خطوته

موعوود

02-21-2004, 04:05 AM

هدايه

02-21-2004, 11:12 PM

لو كل واحد من البشر كان عنده قلب

كان عرف طريقه00وماشى فين وفى انهى درب

ولامست خطوته 00فوق الامانى
00وعدى على كل صعب

لو كل واحد من البشر كان عنده روح

وهمة عالية تخفف عنه00سنين جروح

كان بنى وعلىّ بنيانه فى دنيته وخلاها0اعلى الصروح

لو كل واحد زى موعود وواحد

كانت الحياة 00فرغت من كل جاحد

والقلوب اتجمعت فى قلب واحد

تحياتى لك اخى المفجر فينا الاحساس موعووووووووووووووووود

واخى واحد بيحب مصر

ولكل من شارك فى موضوعك الثرى بقلمه

موعوود

02-22-2004, 03:04 AM

الشاعره المبدعه هدايه
نورتي نقطة نظام ياباشا
أهلا وسهلا بيكي وارجو ان لاتكون مره وعدت
في انتظار ابداعك
تحياتي

رنـranimـيم

02-25-2004, 05:43 AM

لو كل واحد فى البشر
فكر لفين واخدو كلامه فى سكته
مع جيرانه وويا اهله
بين حبايبه وصحبته
حيقربه ؟
ولا عنهم وسط منهم
راح فى لحظه يغربه؟
قال كلمتى حتجرح فى غيرى
لابلاش.
...اصون انا احسن لسانى
انا غيرى اتمنى فى يوم
انى اساعده
او بكلمه
واحده منى
اقدر انى أسعده
راجع فى نفسه
وشاف كلامه
وشاف كلامهم
وقال لروحه ياترى
لو غيرى قالهم
ايه حيبقى موقفى

تحياتى موعوود على فكرة موضوعك

عاوزينه كده يغلب الامثال ونكمل بيه الألف مشاركه

رنيــــــم

محمد فارس

02-25-2004, 07:41 AM

لو كل أكل كان فى شكل
فراخ ِ وبطة
ولا شفنا يوم ايتها فول
وزيت وشطة
مكنش واحد مننا
وقع فى ورطة
ولا كنش مرة ارتكب
ايتها غلطة
ولا كنش جاتله من مراته
اى جلطة
والجايزة كانت من هريدى
نيشان بشرطة

موعوود

02-25-2004, 08:14 PM

لو كل أكل كان في حلاوة
الحمام
طعمه حلو وتهضمه بسرعه
قوام
كان الفول لغناه نهائي
من الطعام
ولا في الجلطات ظلمناها
المدام
طول مافيش ضرب يكون
تحت الحزام
كُنا قلنا ان النياشين دي
مش مهمه
المهم يكون فيه تفاهم
واحترام