تعالى شوف الاكازيونات

[النيـل]

قررررب قررررب
قرب يا جدع
وش وش الودع
سوق الدنيا اتفتح
لصامد وللي ركع


تعالى شوف الاكازيونات
تعالى وشوف
انت ليه مكسوف
مش لازم تاخد
دور البهلوان
ولا حتى تلف وتدور
وتقلد البغبغان
شيل ورقة التوت
خلينا من الضحك نموت
كمل فصول المسرحية
ومتقولش سكوت

تعالى شوف الاكازيونات
مشاعر بارخص الاسعار
مع ان الدولار ولع نار
والجنية في خبر كان
مع اللي كان
وبالنسبة العكسية
تلاقي كل شئ مية مية
ومتنساش احنا في بلد الاحرار

تعالى شوف الاكازيونات
تحب تاكل قلوب بريئة
عاشت في مرة احلامها البسيطة
ولا تحب تاكل حب صافي
ماعرفش يوم انه يجافي
بس مات
ولا اقولك ...
ولا اقولك ايه رأيك
في دموع بتلمع
وانت لاملها بتخلع
وتعملها عقد وسبحة
وبيها تخشع

تعالي شوف الاكازيونات
تحب تلبس اي وش
وشوش كتير متلمعة
وبكل النياشين مترصعة
ده شيخ في مسجد
وده قاضي محكمة
والكل في مكانة بيغش
متستغربش احنا في بلد الاحرار

تعالى شوف الاكازيونات
ايه رأيك يا سيدنا
في البهوات
والافندية مع البكاوات
والتعلب فات فات
ابو عيون زرقة
وعينه عالشنطة
وفي جيبه شال الالوفات
متستغربش ماحنا في عصر الانجازات

تعالى شوف الاكازيونات
اتهموا صميدة ابن عمي
اللي كان متغرب بعيد عني
وكان مسافر العراق
بانه فجر نفسه
وبقا اشلاء
قال ايه مكتئب حبيتين
وده يرضي مين...؟؟؟
ايه يعني العراق
ايه يعني فلسطين
يعني جيوش التتر والمغول
فوق رقاب المنهزمين

تعالى شوف الاكازيونات
عندنا اسلحة كتير ماتتعدش
وطيارات ماتتهدش
ودي دبابات..... متزوقة
وفي اجمل الفاترينات... متعلقة
ومنقوشة بلون الاحتفالات
وفي وقت الجد والازمات
نقول من خاف سلم
ونختصر المسافات
وهي اتشلت من الهم
ومتعرفش
ان الجبان ميت وهو حي
وده من اثار عصر الانجازات

تعالى شوف الاكازيونات
ضمير ايه اللي جاي تقول عليه
انت عارف معنى الضمير ايه
الضمير بقا جنيه
وممكن بالجنيه تشتري الضمير
ومعاه الذمة المنسية
والذمة المنسية يعني ملوخية
شوفت بقا فايدة الضمير ايه
متستغربش احنا في بلد
تحترم حقوق الحيوانات

تحب تكمل الاكازيونات
وتعمل حركات الارجوزات
ولا نقول اسدل الستار
وترفع ايدك من غير انهيار
وتاخد سوكسيه
طيب اقولك يا سيدنا
اختار انت اللي يناسبنا
وانا هاقولك هات كمان وكمان
وانا بايدي ايه..؟؟؟
ماحنا في بلد الاحرار


اهلى واسرتي في قهوة كتكوت وقسم العامي وقسم الادباتية ... اشكركم من كل قلبي على الاخوة المتبادلة التي بيننا .. واشكركم على حسن الاستضافة والتي لم اشعر بالغربة بينكم او اني اغريب عنكم ... وبهذه القصيدة والتي اتمنى ان تلاقي قبولكم اختم حياتي ووجودي بينكم .... بحبكم كلكم وباحترمكم كلكم ولكم من القلب كل تحية وتقديري واقولكم مع السلامة واشوفكم دايما في احسن حال....

تقبلوا كل حبي واحترامي وتقديري
النيـل
ايمن:flowers:

[هريدي يابووووي]

شديدة ياباشا:tu:
بجد يسلم كيبوردك:flowers:
























إلا صحيح





















هو
النيـل
ايمن:flowers:
ده غير
النييييييييييييييييييييييييييل
ناجاااااااااااااااشي:harp:

[محمد فارس]

الاول ارد على هريدى00
هو انت نسيت انه فيه النيل الابيض والنيل الازرق والنيل "ايمن"
والنيل نجاشى
والنيل مجاااااشى0

نيجى بقى للنيل "ايمن"
وزى مانهر النيل معروف بالعطاء00فالنيل "ايمن " ايضاء رجل معطاء وكله كرم0
ورغم انى سمعت "الاكازيونات " قبل كدا00الا اننى حين قرأتها00كأنها جديدة على0

وكما يتضح فيها000فقد بذل النيل فيها جهدا واضحا ورسم لنا عدة لوحات متتالية لظواهر سلبية تجرى على مسرح حياتنا 0
وبقدر ماتحمل هذه اللوحات من سخرية 00فإنها تعبر عن مرارة نستشعرها جميعا 0
وقد اجاد الاخ النيل اختيار فكرة الاكازيونات للتعبير عن رأيه ورؤيته عن اوضاع مهترئة ، وهذه الرؤية قد لا تختلف عن رؤى الكثير منا0
الفكرة جيدة
والعرض جيد وتدل على المام كاتبها بما يجرى على الساحة0
بقى فقط البناء الشعرى وهو فى مجمله جيد ولكن اعتقادى ان الاخ ايمن لو تمهل قليلا واعطاها بعض الوقت لمراجعة بعض المقاطع لخرج هذا العمل الجميل متكاملا فكرة وعرضا وبناءا0
ولا يقلل ذلك من قيمة هذا العمل الذى اراه يحمل فكر ورؤية 0
000
نيجى بقى لحكاية انه الختام00
ختام ايه ياباشا00اللى انت جاى تقول عليه0
قرارك مش فى ايدك00قرارك ملك محبينك 00
هو ماتش كورة00نقول خلاص انتهى00ولا انت لاعب جاى تقولنا راحتعتزل00
وحتى لو ماتش00
لا الماتش انتهى00ولا انت وصلت سن الاعتزال 0
الا اذا كنت بتطبق نظام السدة الشتوية بتاعة النيل00

النيل حبيبى00
نحن فى انتظار جديدك 00

[رنـranimـيم]

أخى النيل ....

يعنى ايه تختم وجودك بينا ؟؟ انت رايح فين ؟؟؟

معلش اصل الكلمتين دول شدوا انتباهى جدا ..نتكلم فى دول الاول وبعدين

نتكلم على الكلام الحلو اللى انت كاتبه

اخى العزيز اذا كنا اهلك واسرتك فعلا زى مابتقول بلاش حكاية الختام دى

وخلينا نشعر فعلا ان كلنا اسره واحده ...من فضلك رجاء شخصى منى انك

ماتتسرعش فى قرار مااصبحش حد مننا هنا حر فى اتخاذه ....قرار

انسحاب اى فرد لم يعد يخصه بمفرده ولكن هنا كل منا له حق على

الاخر ...اخى تمهل وتريث فقرارك لم يعد من حقك وحدك


رنيــــــم

[بنت الماضي]

:sniff::sniff::sniff::sniff:
اخي النيل؟؟؟
إلي اين؟؟
هل طاوعك قلبك على ترك هذا الملتقى الرائع؟؟
لا يا اخي استحلفك بالله
بكل ردودي الكثيييييييييرة اللتي كنت ارد بها على كتاباتك الرائعه
استحلفك ان تبقى.
وبعدين مين هيرد عيا؟:confused:
واقعد كده اهش وانش ولاقيش ولا رد واحد
حرام عليك تحرم اخواتك هنا من ابدعاتك
وزي الاستاذ هراس ماقال
بعد ايه اللي انت جي تقول عليه
انت عارف قبلى
معنى البعد ايه؟
بعدك ....نااااااار
:D
فكر تاني

[بنت الماضي]

اه نسيت ارد على الاوكازيون
رغم النظره السوداويه
ورغم انكو كل ما حد من الاخوة يكتب يحسسني ان مصر بقت وحشه خااااالص غير حقيقتها طبعا
إلأا انك ديما مبدع
وديما الواحد بيحس بالواقعية وكانه في السوق بجد:)
اتمنى من كل قلبي المزيد واذا كان على القلم الرصاص هجيبه وهجبلك حبر كمان
بس خليك معانا:flowers:

[روبى 2]

:chair::chair::chair::chair::chair:

ممكن أفهم بقى ايه النظام ده

تصدق بإيه .. أنا مش هارد على الأوكازيونات بتاعتك دي خالص عشان انت بصراحة كدة عملت زي اللي عمل صنية بسبوسة وراح دالق عليها بلاص مش :crazyy::crazyy:

م الاول تاني كدة بقى ..

أولا مش من حقك أصلا تمشي كدة من غير ما نسمحلك ..

قال ختام قال :chair::chair: باين عليا برستيجي ضاع في القهوة دي :box::box:

كتكوت نيل ... :knight::knight: إجمع عندي هنا فوراً

وإلا والله هتاخد عقاب ماخادوش عسكري في مكتب :chr24::chr24:

إنت يا سي نيل ... مافيش حاجة اسمها ختام والكلام ده ... وهترجع وترد يعني هترجع وترد .. وإلا :chair::chair::chair: وقد زعفر من بعجر :crazyy::crazyy:

هوا بمزاجك ولا هوا يعني كان بمزاجك ..

احنا هنهرج بقى ... :crazyy::crazyy:

[المفكر]

هي الظاهر كده شوطة ودايرة في القهوة
ختام إيه يابني وبتاع إيه
عاوز تروح فين؟
إنت ليك ملجأ تاني غير ده؟
حنفشر علي بعض بقي ولا إيه؟

عارف لو كان السبب هو اللي في دماغي :crazyy:
إنت عارف بقي أنا ممكن أعمل فيك إيه :knight:
وبعدين يا أخ نيل إذا كان ده موسم الجفاف... مش مشكلة... موسم الفيضان قرب ولا تيأس

إحنا لازم يا جماعة نشوف حل للموضوع ده... مش معقولة كل شوية واحد يقول أنا ماشي
هو إحنا كنا راكبين قطر وكل واحد بينزل في المحطة بتاعته ولا إيه
أنا كنت فاكره التوربيني مش بيقف غير في محطة واحدة... بس الظاهر كده إني ركبت القشاش غلط.

يا جماعة بجد لازم نشوف حل للمشكلة دي... لأنها بقت ظاهرة... وأنا أسمع من زمان إن كان في ناس كتير كويسة موجودة في القهوة واعتزلتها لأسباب مختلفة, لكنها تقريباً تحوير لسبب واحد, منهم اللي رجع -قليل جداً- ومنهم كتير لم يرجع, أعتقد إنها مشكلة تستحق المناقشة وبكل صراحة ووضوح.

نعود للأوكازيونات
ولو إني غير متأكد إذا كنت ستقرأها أم لا
أنا متفق مع هراس إن البناء الشعري -والكلام الكبير جداً عليً- غير مكتمل
وجهة نظري - إن جاز أن تكون لي وجهة نظر- أن الموسيقي التي تجعل القارئ يظل مشدوداً لقراءة القصيدة إلي خاتمتها غير موجودة في بعض المقاطع , ولكن ما عوضها - علي الأقل بالنسبة لي- هو التصوير الجيد واللوحات الفنية الجميلة التي بالفعل جعلتني أري المنادي ينادي علي بضاعته
مع الاستخدام الجيد لألفاظ تناسب شخصية المنادي وكذلك أسلوب الكلام.
بالإضافة للفكرة الجيدة والمضمون القوي جداً التي تحتويه القصيدة, والإلمام بشكل جيد بقضايا تهم الرأي العام, مما يجعلها تلمس جانباً أو أكثر من حياة أي قارئ عادي وتعبر عما بداخله, وهذا في رأيي هو المطلوب من الشعر والعامي منه بالذات أن يناقش قضايا الناس ويقترح لها حلولاً إن استطاع.
وبذلك يتحقق شعار هذا القسم "أكتب عامي ولامس همي ... عاوز أحس إنك من دمي" الذي أطلقه الحاضر الغائب "مقهور" , ربنا يمسيه ويصبحه بالخير

ومنك لله يا نيل قلبت علينا المواجع

[روبى 2]

عارف لو كان السبب هو اللي في دماغي

يا نهار يا نهار :box::box: هوا فيه سبب انا معرفهووووووش

:chair::chair::chair:

شوفو بقى .. ماها انا فيها لاخفيييييييييييييييييييها :chair::chair::chair:

[رنـranimـيم]

يانيل باشا ...

مين اللى عكر مزاجك وضيع صفاك....

وبعدين هى الحكايه سايبه...فيه نيل بيمشى كده ..عمرك سمعت عن نيل

بياخد هدومه ويمشى..


وبعدين يااستاذنا فيه عهده معاك...فيه معاك عدد واحد كاتب متميز ..وعدد

كبير من قلوب بتحبك ...اتفضل قولى بقى كنت ماشى كده ازاى

يانيل ...


روح شوف الكتب والدنيا ماشيه ازاى وانت تعرف انك حتعمل سابقه خطيره

فى عالم الجغرافيا...نيل ياخد فى وشه ويمشى!! وطبعا ماحتروح تطلب

اللجوء السياسى فى بلد تانيه ولا ناوى تقعد كده من غير شغل لغاية ماتجف

ياللا يابنى طلع ورد النيل من الشنطه ونزل المراكب ربنا يهديك وترجع

المياه لمجاريها ..انا عاوزه اشرب من الصبح ومش لاقيه ميه

رنيـــــم

[ماسة]

يا جماعة ارجوكم كفاية حرام عليكم :sniff:
كل شوية ناس تاخد هدومها وتعزل لية بس؟ :sniff:
احنا هنا بجد عائلة واحدة واي واحد يمشي بياثر قرارة في الكل جدا :sniff:
يا ريت تراجع قرارك تاني يا استاذ نيل الواحد مش ناقص زعل :cry: