مين هو سعد الدين ابراهيم؟؟

[Simple Girl]

أنا قريت في الأهرام أول امبارح ان أمريكا منعت المساعدات عن مصر (في داهية) عشان مصر حبست سعد الدين ابراهيم؟؟ مين هو ده ؟؟ حد عارف؟؟

[غــفــران]

على فكرة الموضوع ده عامل توتر كبير في العلاقات بين مصر و امريكا بس التضليل.... أصدي الاعلام المصري مهون من شأن الموضوع جدا..... كالعادة طبعا.

عموما اللي عايز يعرف الأمور وصلت لحد فين يفتح اي قناة فضائية و هوه هيعرف... للأسف لو عارف تعرف أخبار بلدك.... لو عايز تعرف الحقيقة... اوعى تسمع نشرة أخبار في أي قناة مصرية... أرضية او فضائية.... وعمار يا اعلام مصر :(

[shery]

ايوة يا سمبل انا عرفت


سألتلك ماما بصراحة عشان انا ماليش فى السياسة :D انا لسه صغنتووووتة


ماما قالتلى

ان سعد الدين ابراهيم ده دكتور فى الجامعة الأمريكية و معاه الجنسية الأمريكية

طبعا هتسألونى هو عمل ايه عشان يتسجن
سألتلكو ماما برضو

قالتلى معرفش لحد دلوقتى هو عمل ايه :blush:

بس انا من رأيى انه اكيد عمل حاجة كبيرة و الا هنسجنه ليه طيب؟؟

[moe_22]

السلام عليكم


انا عجبنى اسلوبك يا تيجر المهم

يا جماعة سعد الدين ابراهيم دة راجل مش كويس لية ؟؟؟؟؟
انت مصر دى بلدك لما ابقى مخنوق من البلد مطلعش برة على الفضائيات و اعمل مؤتمرات تهاجم فيها بلدك مهما كان و حتى لو كان عايز يهاجم نظام الحكم مش بالطريقة دى و بس كدة

علشان انا ما مبحبش اللى من عينة الراجل دة

[الباشمهندز]

الراجل ده متوجهله تهمه التخابر مع دوله أجنبيه, لإنه ألقي خطب في أمريكا عن الجيش المصري.

[مخ مخ]

يا جماعة
الموضوع بسيط جداً
أمريكا هتمنع المساعات عن مصر علشان إيه
أكيد علشان حاجة تستاهل
إذن فالراجل ده مهم عندهم
أو إنهم بيتلككوا علشان يضغطوا على مصر في أكثر من موضوع ... فلسطين ...العراق ... السودان
وما أكثر المواضيع...
أما موضوع حقوق الإنسان فدية حجة مش أكتر ... وإلا كانوا تحركوا لموضوع المحاكمات العسكرية
ولكن دا هما أخذوا فكرة المحاكمات العسكرية من مصر وبدأوا يطبقوا في أحداث سبتمبر

[زلابيا]

فى حدود معلوماتى المتواضعه سعد الدين ابراهيم غضب عليه لانه انتقد انتخابات مجلس الشعب الاخيره و تكلم عن التزوير الحادث بها .. و كذلك له آراء فى حقوق الاقباط فى مصر و حقوقهم كمواطنين لكن موضوع الانتخابات كان هو السبب الرئيسى انه السلطات تحطه فى دماغها .. و بالطبع سهل جدا التحجج بموضوع حقوق الانسان و تسمع من يقول لك مصر دوله ذات سياده وترفض التدخل الخارجى فى شئونها .. هى ذات سياده اكيد فى انتهاك حقوق ابنائها و الاعتراض على التدخل الخارجى فى شئونها .. لكن حتى هذا الاعتراض لن ينفى وجود انتهاكات لحقوق الانسان بمصر تختفى وراء كلمه بلهاء زى "مصر دوله ذات سياده!!"

[Simple Girl]

ايه ده يا جماعة ده انتم موسوعة :)
أنا سمعت كمان بعد ما يألتكم انه كان بيسرب معلومات مهمة عن مصر والا على رأي مخ مخ ليه أمريكا طلعت فيها قوي في الموضوع ده؟؟
وسمعت كمان ان مراته صرحت بانها متضايقة من تجاهل الاعلام المصرى للضغوط الاوروبية والدولية وحملات منظمات حقوق الانسان فى العالم للافراج عن جوزها، وادخلوا ع اللينك ده
http://www.gn4mamnoo3.com/mamnoo3/article....D=14645&order=3 (http://www.gn4mamnoo3.com/mamnoo3/article.jsp?ID=14645&order=3)

[زلابيا]

اللى انا فهمته اننا نناقش من هو سعد الدين ابراهيم ولم قبض عليه !! ده عنوان الموضوع ..
واريد ان اسال سؤال .. هو انتهاك حقوق الانسان فى امريكا معناه ان نقبل انتهاكها فى مصر و نقول فى عقل بالنا "دى حتى امريكا حقوق الانسان تنتهك فيها" !! لا ايها الساده الافاضل الفرق كبير .. الفرق موجود فى ان من ينتقد انتهاك حقوق الانسان فى امريكا لا تلفق له تهمه و يلقى فى السجون كما يحدث فى مصر .. وان سوء الحال فى مكان لا يعنى بالضروره ان نتقبل الامر صاغرين والا يبقى مفيش اى معنى لانتقادنا لطريقة معاملة قضايا الاخوان المسلمين و خلونا نقول لروحنا ساعتها حقوق الانسان منتهكه فى امريكا يبقى مش هتنتهك فى مصر ليه .. لا طبعا الامور لا تقاس بهذه الصوره و المبدا لا يتجزا .. لو عاوزين بلدنا تحترم حقوق الانسان يبقى نطالب انها تحترم على كل المستويات مش نكون انتقائيين .. ز تدخل امريكا مش عجيب لان سعد يحمل جنسيتها .. بالعكس امريكا ضربت مثل فى احترام حق مواطنها فى الحصول على محاكمه عادله بينما لا تفعل مصر هذا فى احوال كتير مشابهه ..

سعد الدين لو كان يعرف يطنطن بكلام زى "باحترم القضاء المصرى و الدستور" و كلام الهجص اللى بنسمعه ليل و نهار ده ماكانش قبض عليه اصلا لانه كان ساعتها هيبقى بوق من ابواق السلطه المهللين لها .. واذا كان على التدخل فى القضاء فهو حادث بالفعل ومش محتاج امريكا تتدخل .. التدخل فى القضاء صناعه مصريه اصيله ..

[Simple Girl]

طب يا زلابيتي ما تعرفيش ايه هي الحقوق اللي اتهم مصر بانتهاكها يا ريت تفيدينا عشان أنا مش عارفة :unsure:

[زلابيا]

اختى العزيزه فتاه بسيطه :)

اللى اعرفه ببساطه شديده انه مهتم بالحقوق السياسيه للانسان .. وكما قلت فى مداخله سابقه انه اثار قضية الاشراف القضائى على الانتخابات وكيف انها مجرد خدعه سينمائيه ليس لها اى اساس من الصحه وهى دى اللى اثارت الحكومه عليه و جعلتها تفتش فى دفاتره القديمه <_< وكذلك له آراء فى موضوع حقوق الاقباط كمواطنين وانتى عارفه ان ده موضوع حساس جدا :ph34r: واللى يعرف حاجه تانى يا ريت ينورنا ..

[moe_22]

السلام عليكم


يا جماعة مكنتش عايز اقول بس خلاص سعد الدين ابراهيم هدفة هو مهاجمة نظام الحكم هذا هو كان اهم شىء بدليل انة كان يهاجم انتهاك الدولة لحقوق الانسان و انا مع ان هناك انتهاكات كبرى و لكن الدليل على انة متورط مع امريكا فى علاقات تجسس او مهاجمة مصر انة كان يدافع عن حقوق الشواذ جنسيا و فى لقاء لة على قناة فضائية انة كان يدافع باستماتة عن حقوق الشواذ جنسيا و عن حقوقهم فى ممارسة الشذوذ بشكل طبيعى مثل الدول الاوروبية و امريكا يبقى السؤال هنا

اى حقوق انسان يدافع عنها هذا الرويبضة ؟؟؟؟؟؟ :?small: :?small: :?small: :?small: :?small: :?small: :?small: :?small: :?small: :?small:



ارجوا انكن تكون الصورة اتضحت ان هذا الرجل كان هدفة المهاجمة و ليس الدفاع عن حقوق الانسان اطلاقا

[akram]

السؤال بقى ... طيب و بعدين يا جدعان مع أمريكا و المصايب السوده اللى هيه بدبرهالنا ... موضوع تقسيم السودان و سعد الدين إبراهيم و ما خفى كان أعظم ... الضرب جاى من كل مكان و فى كل مكان .. قصدى ... عايزين يتحكموا فى المياه عن طريق جنوب السودان المسيحى و بعدين بيمنعوا المساعدات الإضافيه و بعدين المساعدات الأساسيه و بعدين ييجى واحد ماعندهوش دين يعمل عمل إرهابى علشان يضربوا السياحه و بعدين إسرائيل تضرب فى سيناء و بعدين نطلب سلاح و بعدين مايدوناش سلاح و بعدييييييييين .... و الله أنا عمرى ما كنت مفكر إن الهم تقييييييل قوى كده على رئيس الجمهوريه ...
اللهم أعز المسلمين بالإسلام و اجمعهم على دينك و قوهم إنك أنت القوى المتين ...
لا إله إلا أنت سبحانك ..
إنى كنت من الظالمين ...



<!--EDIT|akram|Aug 20 2002, 03:23 AM-->

[بيسان]

يا خسارة ال120 مليون يا itptiger :waa: :waa: .....يم هيك؟؟؟.....سعد الدين طلع الجاسوس والخائن والمرتشي والاستغلالي والحرامي والمتعاون والافاق والمتآمر لانه وقف ضد السلطه وتجرأ ان يقول لا لا لا لا ......أوام بقيتوا تصدقوا الحكام والحكم والحكومه والمحكمه .....والله يا اخوان ان السلطه تراهن عليكم في محاربة الشرفاء من المواطنين ...انا لا ادّعي ان سعد الدين وطني وشريف ولكن لن اقول العكس لاني اكفر باي شيء خارج من ابواق اعلام الحكومه ...انا مش مصريه صحيح بس لاني عربيه والوضع ذاته في كل البلاد العربيه لذلك يستفزني جدا محاربة الشرفاء والمجاهدين من قبل السلطه ......اخيitptiger احترم فيك غيرتك على بلدك ولكنك ستحاسب امام الله على قذفك للرجل لو طلع الرجل شريف ...كيف تأكدت انه ليس بالشريف؟؟؟...هل المجاهدين المصريين والتونسيين والفلسطينيين في سجون سلطتهم غير شرفاء؟؟؟ مع انها الحكومه يعني تدّعي انهم خونه وارهابيين وخطيرين على البلد وعلى المجتمع فهل بربك نصدقها ؟؟؟؟
لو كانت السلطة تريد ان تنظف البلد من الخونه والمطبّعين لفعلت ... لحد الآن وعلى شاشات التلفاز نرى المطبعين والمروجين لليهود والعلاقات مع اسرائيل ...لماذا لم يعتقلوا هؤلاء .... ؟؟؟؟



<!--EDIT|بيسان|Aug 20 2002, 11:36 AM-->

[وسام محمد]

بصوا يا جماعة
من واقع معرفتى القليلة بسعد الدين إبراهيم
علمت-من اخو زوجى- الذى كان يعمل بالمركز
أن سعد الدين هذا-بالإضافة لكل ما ذكرتم-كان يستقبل القنصل الإسرائيلى
وكذلك أعضاء بارزين فى المجتمع اليهودى
وكان يرسل تقارير إلى إسرائيل فيها معلومات خطيرة ودقيقة عن مصر
عن طريق الاستبيانات التى توزع على فئة معينة فى مصر
للتعرف على رأيهم فى موضوعات مهمة
مثل مدى ثقة الشعب فى الجيش المصرى
وما هى النتيجة المتوقعة إذا ما نشبت حرب بين مصر وبين إسرائيل
ومعلومات كتيرة تانية تتعلق بالعلاقات الزوجية
المهم الراجل ده كان بيتاجر فى البلد دى
وكان بياخد فلوس كتيرة جدا على حس المعونات لتدعيم الحرية الانتخابية فى مصر
دى كل المعلومات اللى عندى

[moe_22]

السلام عليكم


الاخت بيسان تحية عطرة اليك و لكل فلسطينى مقاوم


ارجوا ان اوضح ان هولاء الرجال ليسوا هم الشرفاء و ان كنت قد وضحت من قبل لماذا اهاجم بلدى
كان يدافع عن حقوق الاقباط فى مصر و كان يدافع عن حقوق الشواذ و انا اظن ان الاقباط يتمتعون بالحرية فى بلاد الاسلام اكثر من المسلمين ذاتهم لشعورهم بانهم اقلية اما عن الشواذ فان رجل يدافع عنهم لهو احق بان يرمى فى المزابل و لا يحاكم فاظن ان هذا ليس لة اى هدف الا ان يشوهة سمعة مصر
نحن لم ندعى اننا ملوك الحريات كما فعلت امريكا و كانت اول من انتهكها لماذا لم يتكلم هذا الرجل عن
حقوق الانسان فى امريكا و لماذا لا يتكلم عن التفرقة العنصرية التى ما زالت قائمة فى امريكا


و شكرا لكم جميعا على هذا الموضوع

[زلابيا]

الاخ moe

يا ترى حضرتك يعنى شاهدت اللقاء المذكور ولا شأنك شأن الكثيرين هنا سمعت من واحد صاحبك سمع من واحد صاحبه و هكذا يعنى !! ارجو التوضيح ..

انت بتتحدث ببساطه شديده عن علاقات تجسس بينه وبين امريكا رغم ان المحكمه نفسها لم تدنه بهذه التهمه !! لاهو كان بيتجسس وهما مطنشنين بمزاجهم !! لو هو بيتجسس لم لم يحاكم بهذه التهمه !!

الاخ iptiger

مصر طبعا دوله لها سياده لكن كما ذكرت سابقا .. سعد يحمل جنسية الدوله الاخرى التى تحاول التدخل فى شئونها .. بالظبط زى ما مواطن مصرى معه جنسيه امريكيه يتعرض لمشكله فى امريكا اما مصر تحب تتدخل لحماية حقوق مواطنها تبقى بتنتهك السياده الامريكيه !!! يا ريت تجيب على هذا السؤال ..

ثانيا انا لم اصر ان امريكا تحترم الحريات .. راجع ردى وهتلاقينى باعترف بالانتهاكات التى تحدث فيها .. انا قلت ان من ينتقد انتهاك حقوق الانسان هناك لا تلفق له التهم .. يعنى انا اعترفت ضمنيا ان هناك تعدى على حقوق الانسان بس حتى فى دى هناك فرق بيننا و بينهم ..

ثالثا كل التهم التى اتهم بها سعد و التمويل الاجنبى كانت المخابرات لديها علم بها منذ سنوان طويله تقدر سيادتك تقول لنا لم لم يفتح الملف سوى مؤخرا جدا !!!!!!!!!!!!!!!!!!!!!!!!! التمويل الاجنبى بدون وجه حق !! يا اخى الفاضل اذا كان صاحب المال هو الذى اعطى المال لسعد يبقى من الذى يقرر انه التمويل بحق او بدون وجه حق !!

رابعا بخصوص فبركة التقارير .. مدهش امرنا نحن العرب .. كم من التقارير الملفقه المفبركه تخرجها حكوماتنا و تخرج لنا لسانها بها ورغم هذا لا يتهمها احد بشئ .. معلش يعنى هو مين اللى قال ان سعد فبرك تقارير !! مش حكومتنا التى تتفنن فى الكذب فى كل شئ !! دلوقت الكاذب بقى كلامه نبراس لا شك فيه !!

رايك بالطبع له احترامه وانت حر فيه .. محدش قال حاجه .. لكن حيث ان التمويل الاجنبى اصبح وصمة عار الآن زعلان ليه على 120 مليون دولار اللى طاروا من مصر !! مش مصر دوله لها سياده !! لو لها سياده فعلا واحنا مقتنعين بكده ماكانتش مدت ايدها تاخد معونات !! اللى ميقدرش ياكل نفسه عيش قراره مش فى ايده يا اخى واى كلام عن السياده بعدها يبقى للاستهلاك المحلى مش اكتر ..

الاخت بيسان .. انتى فين من زمااااااااااان

الاخت وسام !! وما المشكله ان سعد يستقبل القنصل !! اقصد يعنى هناك الكثير جدا من المطبعين فى مصر لكن هذا لا يعطى احدا الحق فى القبض عليهم !! الريس استقبل شيمون بيريز قريب فهل هذه جريمه !! المدهش ان فجاه كل الناس طلعت عارفه ان سعد ده كان بيتآمر و يتخابر وكانوا ساكتين !!! طيب يبقى لو هما صادقين فى كلامهم يبقى التآمر الحقيقى منهم هما انهم يسيبوا خائن مثله يرتع كل هذا الوقت !!

الاخ moe تانى

الاقباط حاصلين على حريه مفيش اعتراض :) انما انت عارف وكلنا عارفين ان هناك امور يقال للاقباط فيها لأ .. اشياء متعلقه بالحفاظ على الامن القومى كما يقول البعض .. ومره اخرى انتو بتسالوا عن الاوضاع فى امريكا للهروب من القضيه الاساسيه !! وهى حقوق الانسان الضائعه فى مصر .. ده انا متهيالى انه لو عمل كده فعلا وراح طالب بحقوق الانسان فى امريكا هتلاقى واحد زى الكحيت بتاع احمد رجب طلع يتافف ويقول طيب كان طالب لنا بحقوقنا الاول و ساب الامريكان لحالهم .. مش كده ولا ايه !! سبحانك يا رب لا تعطينا الا ما نستحقه فعلا ..

[وسام محمد]

الأخ\زلابيا
طبعا انت مشكور على انك تتحرى الحق ولا تأخذ الأمور على علّاتها
ولكنك أغفلت أمرا هاما هو الفرق بين أن يستقبل رئيس الجمهورية
مسئولا من دولة معادية وبين أن يستقبل مواطنا عاديا( ليس لديه حق)
مسئولا لدولة معادية.........ألا تتفق معى؟
ثم إن الدولة التى ننعم بالعيش فيها
لا تجعلك تعرف ما يجرى إلا إذا أرادت
وليس معنى هذا أن الأمر حدث بين يوم وليلة
فالأمر كان مراقبا من الأمن من عدة أعوام لأن الأمر لم يكن سهلا
و لك فائق الاحترام

[زلابيا]

الاخت وسام

لا والله انا عارفه ان هناك فرق بين استقبال الريس لاسرائيلى وبين استقبال مواطن عادى له
لكن لا اعتقد انه مواطن عادى .. اقصد ان منصبه او مركزه يجعله يستطيع استقبال امثال هؤلاء .. ثم من الذى حدد حق اى مواطن فى ان يستقبل او لا يستقبل يهودى فى بيته او مكان عمله !! طبعا ارجو الا يفهم كلامى على انى ارحب بهم لكنى اتحدث من وجهة نظر الحقوق عموما !!

وكون الامر مراقب منذ عدة اعوام و الدوله تترك الحبل على الغارب له احد معنيين :

انه سعد الدين مثل خطوره على الامن القومى بالفعل ورغم ذلك ترك سنوات !! وفى هذه الحاله يبقى من تركه احق بالعقاب الرادع من اى شخص

او انه لم يمثل اى خطوره لكنه اصبح فجاه شخص مغضوب عليه لاسباب غير التى ذكرت فى حيثيات الحكم !!

وعاشت مصر حره مستقله و ذات سياده !!

مع خالص تحياتى و تقديرى :)



<!--EDIT|زلابيا|Aug 20 2002, 11:31 AM-->

[زلابيا]

الاخ الفاضل iptiger

انا لن اعيد و ازيد فى الموضوع :) لكنى خرجت منه بنتيجه واحده
الاغلبيه هنا ترى ان مصر دوله ذات سياده ولها قضاء مستقل احكامه عادله
that's fine with me
يا ترى هنفضل محتفظين بالراى ده فى جميع القضايا التى لا يعجبنا فيها حكم المحكمه !!
جايز تكون حضرتك حديث العهد بالمنتدى .. لكن فى قضيه زى قضية احالة اعضاء من جماعة الاخوان المسلمين مثلا و الحكم عليهم بسنوات مختلفه من السجن الراى لم يكن كذلك .. ان مصر دوله ذات سياده وقضاء عادل مستقل .. وانا اريد ان اعرف بصراحه ما هو معيار حكمنا على الامور و الاشياء !! ليه فى بعض الاحيان نصدق ان القضاء عادل و مستقل و فى احيان اخرى لا نفعل !! انا باسال بس عشان بعد كده مانفضلش نعيد و نزيد فى امرو مفروض اننا نحسمها .. قضاءنا هيكون راينا فيه انه عادل و نزيه على طول ولا الموضوع بردو نسبى !! وشكرا جزيلا لك و تقبل احترامى :)

[Simple Girl]

أنا مع الأخ itptiger ووسام في كلامهم
أنا بأعتبر ان اللي يشوه سمعة بلده في الخارج يبقى خاين لبلده ومش وطني بالمرة حتى لو بلده دي فيها العبر. ومقابلته برده للقنصل الاسرائيلي برده تعتبر خيانة مش لازم خيانة بالمعنى الكبير لكن هو جواه لما عمل كده ماحسش بحاجة (ايه دبلوماسية) دي مهلبية.
وليه أصلاً يقابل القنصل الاسرائيلي أكيد فيه مصلحة بينهم والا يعنى هيدهوه لزيارة المعهد محبة فيه؟؟
الانسان الوطني هو اللي ما يعملش حاجة تضر ببلده لا من قريب ولا بعيد حتى لو كان حكمها وحكامها فاسدين البلد مش الحكام البلد دي الانتماء وأهلك وناسك وأرضك واللي يشوه سمعة بلده يبقى مايستحقش يقعد فيها (هم كان الأحسن يمنعوا دخوله مصر عن السجن )
ده رأيي -_-

[زلابيا]

يا جماعه
موضوع تشويه السمعه ده نسبى جدا جدا جدا
هل يمكن اعتبار انتقادنا لاحوال البلد هنا مثلا تشويه سمعه
كتير منا بيتكلم عن العرى و الاخلاق التى تدنت وغيرها من المظاهر السلبيه رغم ان هذا ليس عملنا و نحن نتحدث كمواطنين ولم يقل احد اننا نشوه السمعه .. فما بالنا اذا كان هذا هو عملنا؟ ان نتحدث عن السلبيات !! وبعدين هى السبيات هتتصلح ازاى اذا لم نتحدث عنها وفضلنا ندفن رؤوسنا فى الرمال ‍‍!! سبحانك يا رب .. على كده يبقى احمد مطر الشاعر المنفى بيشوه السمعه ومطلوب القائه فى السجن !!

يا ترى هل حد قرا التحليل الذى يتناول الاحوال الاقتصاديه و السياسيه و التعليميه فى الوطن العربى الذى نوقش مؤخرا بكثير من الحذر و الحياء !! التقرير ده اللى بيتقال فيه اكيد اكتر بكتير جدا من الذى قاله سعد وكتبه مصريون و عرب ينتقدون فيه احوال العالم العربى ولم يتهمهم احد بالتآمر او تشويه السمعه !! اذا كان ده تشويه سمعه يبقى مش مفروض حد فينا هنا يتكلم عن اى شئ سيئ فى البلد لان ده كمان تشويه سمعه !!

الظاهر اننا بالفعل اعتدنا اننا ندفن راسنا فى الرمل وده اهون بالنسبه لنا عن ان نواجه انفسنا بسلبيات الواقع الذى نعيشه .. خلاص يبقى بلاش نتكلم بقى ان اى امل فى اصلاح حيث اننا نرفض الحديث اصلا عن السلبيات ..

نقطه اخرى الجميع يخلط الاوراق فيها بين ما هو حق وما هو واجب
مش من حق اى شخص يطلق مسمى خيانه على استقبال اى شخص ليهودى فى بيته .. اذا كان القانون الذى ندعى هنا جميعا انه محترم فى بلدنا لم يجرمه فليس من حق اى شخص ان يجرم غيره او يصفه بالخيانه لمجرد انه فعل ما لا يتفق مع آرائنا عن الوطنيه .. وليس شان احد هنا انه يقول استقبل فلان او علان ليه !! هو حر فيمن يرى استقباله وليس من حقنا الحجر على حقوق الآخرين ..

وحيث يعنى ان فجاه ظهر ان البلد مش بالحكام وانما بالاهل و الناس والحياه بقى لونها بمبى يبقى ينبغى ان نسكت تماما عن الحديث عن الحكام و الحكومه و الحكم و نحمد ربنا على اللى احنا فيه

والله انا حاليا مقتنعه انه فعلا سعد و غيره كانوا بيحاربوا من اجل قضيه خاسره .. حقوق انسان ايه اللى هو او غيره بيدوروا عليها اذا كان اصحاب الحقوق نفسهم مش عاوزينها ولا شايفين ان لهم حقوق ضائعه من اصله ..

[Simple Girl]

يا زلابيتي
اننا ننقد حاجات في بلدنا بينا وبين نفسنا وفي جرايدنا حاجة واننا نكتت تقارير عن مساوئ بلادنا ونصدرها للخارج حاجة تانية.
انت ترضي انك تستقبلي يهودي في بيتك؟؟ ثم ده مش مسألة يهودي والا مسيحي ده رجل سياسي (قنصل اسرائيل) يعمل لحساب دولة معادية؟؟ يبقى أستقبله ليه ؟؟ عاوز منه اييييييه؟
ما فيش دخان من غير نار -_-

[زلابيا]

يا اختى العزيزه

اولا مفيش دلوقت حاجه اسمها بيننا وبين نفسنا .. احنا على الهواء مباشرة واى شخص ممكن يرى الكلام الذى نكتبه ويرى نقدنا لبلدنا ويقول شوفوا ازاى المصريين بيشوهوا سمعة بلدهم !! هنرد عليه نقول ايه؟ انا شخصيا هاقول انا انقد بهدف الاصلاح مش بهدف انى احقر من شان البلد التى انتمى اليها .. وبالتالى مش معقول ابدا ان اى شخص يقول كلمه ضد النظام يبقى تهمة التشويه جاهزه تتحدف فى وشه .. و المثال اللى قلته بخصوص احمد مطر اللى لم يقل الشعر بينه وبين نفسه اظن انه واضح .. لا احد يتهم الرجل بالتشويه !!

النقطه التانيه سبق ان ذكرتها .. هناك تقارير عديده تكتب السلبيات لم تجرؤ اى جريده على نشرها ورغم ذلك لم يجرؤ احد على اتهام كاتبيها بتشويه السمعه رغم انها تحمل سلبيات عديده !!

ثالثا وهو امر يبدو انى لم اوضحه .. ما ارضى به لنفسى شئ وما يسمح به القانون للآخرين شئ آخر .. مش معنى انى لا اريد استقبال يهود فى بيتى ان سعد الدين اجرم عندما استقبلهم .. يا ستى اللى عاوز يعمل جريمه او يتخابر مش هيتخابر فى بيته ويجيب اليهود و يقول لرجال مخابراتنا اللى متابعينهم "شفتوا ازاى جبت القنصل اليهودى اتخابر معاه !!" هو ده شغل مخابرات بذمتك !! و استقبله ليه او عاوز منه ايه للمره المليون شان من استقبله وليس شان اى منا !! هو اما حد انا مش باطيقه مثلا يزورك فى بيتك هاجى اقول لك هو فلان ده جه عندكم البيت ليه !! :) :)

اخيرا
كلمة "مفيش دخان من غير نار" دى انا فعلا باكرهها .. لان كثير من الناس ياخذوها مسوغا للظن فى الآخرين بغير علم .. وشكرا ..

[زلابيا]

يا اخى العزيز
انا لم اتجاهل الرد على ردك الاخير عمدا والله
كل ما فى الامر انى وجدت ان اينا لن يقنع الآخر .. يعنى انا هافضل اعيد كلامى وانت ايضا .. وده بيسموه الناس هنا جدل .. وحيث ان محدش فينا هيقنع التانى برايه يبقى الحل ايه ..!!

لكنى وجدت بعض النقط التى اثارتنى للرد عليها فى راى الاخت فتاه بسيطه ولولا كده كنت اكتفيت بما قلته فى ردى الاخير وخلاص .. لو حضرتك قرات مقال فهمى هويدى عن الموضوع ستجد ان المحكمه لم تدن الرجل بالتخابر كما يصر الجميع هنا .. الاتهام كان بالتزوير و الاحتيال .. طبعا مش امله يعنى ولا حاجه تشرف :) انما المدهش ان الجميع هنا بيقول تخابر و جيش ومعلومات وحاجات غريبه لم يحاكم الرجل من اجلها .. ده بالاضافه الى انه كما قال فهمى هويدى الحكم ليس نهائى بعد .. لسه فيه نقض تقريبا ..

ممكن اسال حضرتك سؤال
كيف عرف الجميع هنا بهذا اليقين ان التقارير محل الخلاف مفبركه !! يا ريت تنورونا .. لا حد قرا هذه التقارير ولا يعرف بتتكلم عن ايه اصلا .. ولا فيه حد قراها يا جماعه !!

بخصوص موضوع تعامله مع اليهود .. سؤالى الآن قد يكون عجيب شويه .. هو فيه آيه نزلت تحرم مثل هذا التعامل؟ الرسول عليه الصلاة و السلام الم يتعامل معهم !! رئيس جمهورية مصر العربيه السابق عقد معهم معاهدة سلام ولم يلق فى السجن ومحدش قال له بم !! انت بتحاول تحط حدود قاطعه فى شئ لم يفت اى شخص فيه اصلا .. يعنى لو افترضنا اننا عرضنا امر زيارة القنصل لسعد الدين ابراهيم فى بيته على المفتى تفتكر هيقول لنا ايه !! انا مش فاهمه انتم ليه بتصروا على تصوير الوطنيه على انها لا تستقبل فلان فى بيتك رغم ان بلدك بالكامل بتتعامل معاه !! معلش يعنى انت تعرف ايه عما دار فى تلك الزياره و اهدافها عشان تجزم ان مجرد انه السفير يخطى بيته ده معناه انه خاين !! يعنى لو كانوا كلموا بعض فى التليفون او على الايميل كان الرجل بقى وطنى فى نظرك !! ويا سيدى لم اقصد الخلط اللى فمهته بين صهيونى ولا يهودى .. بس القانون اللى حضرتك تكلمت عن احترامه و عدالته لم يجرم تلك الزياره حضرتك بتجرمها باى حق؟ ويا سيدى هى امثلتى معلش على قدى حتى لو لم تبد لك موضوعيه ان شاء الله ابقى اتعلم دروس فى اختيار الامثله الموضوعيه ..

[زلابيا]

الاخوه الافاضل
منذ قليل كتبت ردى الاخير
وبصراحه لا ادرى ما سر العصبيه التى تبدو فيه
وبصراحه اكتر لو حد رد عليا فى موضوع بالطريقه دى هاحس انه قليل الذوق
عشان كده انا باعتذر عن اللهجه اللى مش لطيفه اللى فى ردى السابق
وعلى فكره
لانى ماعرفش تفاصيل كتيره عن موضوع سعد الدين ابراهيم قررت اسال بعض الاصدقاء العاملين فى مجال حقوق الانسان وكمان دخلت على احد محركات البحث و كتبت اسم سعد الدين ابراهيم فوجدت نتائج عديده للبحث .. ان شاء الله اقرا فيما يتيسر لى منها ويا ريت باقى الاعضاء المهتمين يعرفوا الموضوع يجربوا هما كمان عشان نكمل الحوار على نور .. شكرا

[زلابيا]

الاخوه الافاضل
كما ذكرت فقد سالت بعض الاصدقاء فى مركز القاهره لدراسات حقوق الانسان عن موضوع قضية سعد الدين ابراهيم و سبب القبض عليه وافادونى بالآتى :
"على فكره استضاف برنامج وراء الاحداث امس رئيس المركز بهى الدين حسن"
سعد الدين ابراهيم يراس مركز بن خلدون والمركز منشا من سنة 1988 كما ستعرفون لو دخلتم موقع المركز على الانترنت
المركز قام بدراسات عديده منشوره فى موقع المركز وهى ليست سرا وبعضها كان بناء على طلب من الحكومه نفسها
كل المراكز المماثله يتم تمويلها بتمويل خارجى زى مركز بن خلدون بالظبط ولم يجرم احد هذا
الاتحاد الاوربى تنازل عن اتهام سعد الدين ابراهيم -هو ده اللى قصدته اما قلت ان صاحب الحق تنازل عن حقه فى الاتهام- رغم انه صاحب الاموال التى اتهم سعد بالاستيلاء عليها
سعد الدين عندما قبض عليه لم يكن هناك اتهام اصلا وقت القبض عليه وده هتلاقوه فى الاخبار المنشوره على النت
سعد الدين كان منظم مؤتمر الاقليات فى العالم اللى نوقش فيه بالطبع وضع الاقليه القبطيه فى مصر ورغم هذا لم يكن هذا هو ما اثار الحكومه عليه !! تصوروا !!
ما اثار النظام ضد سعد كان فكرته ان ينظم جمعيه عربيه للاشراف على الانتخابات بس جت له اوامر من فوق انه يشوف له لعبه تانيه بس الساذج لم يرتدع .. فكان ما كان ..
مركز بن خلدون اللى فى يوم و ليله اصبح مركز سيئ السمعه كان يطلق عليه حكومة الظل لوجود عدد كبير من الوزراء السابقين فى مجلسه !! وسعد نفسه كان واصل جدا مع الحكومه بس سبحان مغير الاحوال !!

سالت كمان عن موضوع البطاقات الانتخابيه المزوره عارفين طلع ايه؟
طلع ان المقصود بالتزوير هو ان سعد قام بطبع البطاقات الانتخابيه على حسابه !! طيب طبعها ليه يا جماعه اذا كانت الحكومه بتوزعها مجانى !! قالوا ان سعد قام بطباعتها و توزيعها على الناس عشان يملوها و يسلموها فى الاقسام !! وطبعا انتم عارفين ان حكومتنا مش بتحب تتعب شعبها وبتحب تريحه من موضوع ملء البطاقات ده و بتملاها هى بنفسها .. بس كده !! طبعا يستاهل السجن على اتعابه للشعب !!



<!--EDIT|زلابيا|Aug 21 2002, 01:51 PM-->

[Simple Girl]

جزاكي الله كل خير يا زلابيتنا بس يا ريت كمان تلحقي الكلام ده بلينكات تأيده عشان نعرف مصادرها بالضبط ونقرأها بالتفاصيل -_-
وماحدش زعل منك ولا حاجة بس عشان كل واحد معتز برأيه والآراء كلها من غير أدلة بس

[زلابيا]

حاضر يا سيمبل جيرل من عنيه :)
وبخصوص اعتذار الاخ تايجر عن المناقشه فانا اشعر بالاسف الشديد لهذا القرار لكنه فى النهايه حر فيما يراه من قرارات .. وان كنت اود منه ان يجيب فقط عن اسئلتى العجيبه قبل ان يقرر الرحيل .. الى اللقاء يا اخى العزيز ..

على فكره يا سيمبل جيرل .. طلبك بخصوص اللينكات المؤيده لكلامى وجيه جدا و منطقى :) بس كنت اتمنى من كل من شارك فى الموضوع انه ياتى باللينكات .. بس مش عارفه بصراحه لو كان من ضمن اليينكات دى البى البى سى هيكون فيه شك فى مصداقيتها !! لانها بصراحه احد المصادر يعنى :)



<!--EDIT|زلابيا|Aug 21 2002, 10:03 PM-->

[بيسان]

السلام عليكم
ان شاركت بس معنديش لينكات لاني تكلمت من روحي المجروحه وضميري ....ياريت كل واحد يدخل على الينك بتاع ضميره حيلاقي الاجابه اظن هو يازلابيا www.damiri .gone.انا بمزح ياجماعه وعايز
اشكر الاخت زلابيه على المعلومات اللي قدمتها والاخ تايجر ايضا وجميع اللي شاركوا ..........

انا اكره اي حد يسلم او يتعامل مع اليهود مع انه حر بس انا اعتبره عدوي وعدو المسلمين يعني الرؤساء الاشاوس والوزراء من هؤلاء لا استثني احد ....اكره اي احد يدخل السلطه او الحكومه واكرهه في الله على فكره لانه ماوصلش السلطه الاّ بعد مافعّص خلق الله ....

ممكن مايكنش لي الحق اتكلم بس عايز اسأل سؤال ......هل يرجع ضعف الجيش العربي وتقاعصه عن الدفاع عن مقدسات المسلمين هو فضح اسراره من قبل سعد الدين وامثاله هذا اذا فعلا فضح اسرار الجيش ؟؟؟؟......يعني لو الخيبه اللي احنا فيها سببها رجل .....يبقى لقينا الحل.....

[زلابيا]

الاخت العزيزه بيسان
صدقينى لو اى انسان هنا عمل بحث عن سعد الدين ابراهيم فى محرك بحث يدعم العربيه للتسهيل يعنى زى
www.gogle.com
هيلاقى معلومات كتيره جدا عن الرجل
واريد هنا ان اوضح نقطتين
كون اننا علىالمستوى الشعبى و الشخصى المعنوى نكره من يتعامل مع اليهود شئ وكون ان يدين القانون هذا التعامل شئ تانى خالص
بمعنى انى انا وانت و الجميع هنا يرفضون التعامل مع اليهود لكن لا نستطيع ان نقول القوه فى السجن انه خائن لانه تعامل مع اليهود
ببساطه شديده جدا لان القانون الذى نتكلم عن احترامه لا يجرم هذا وكذلك لاننا لا نعرف طبيعة هذا التعامل اصلا ولا الهدف من وارئه .. ولا فيه حد يقدر يؤكد لنا هنا ان التعامل كان ضد مصالحنا !!

دى نقطه النقطه التانيه التى ذكرتها مرارا هى ان الرجل لم يدان بتهمة التخابر او التجسس !! يا ريت تقرئوا التهم التى وجهتها اليه المحكمه والتى حكم عليه بالسجن من اجلها .. حسبما رايت يعنى لم يكن من ضمنها التخابر فممكن نبحث عن شماعه اخرى نعلق عليها فشلنا العربى المزمن :( و شكرا للجميع ..

[الباشمهندز]

يا جماعه سعد الدين إبراهيم قبضوا عليه وهو معاه 1500 بطاقه إنتخابيه (أكيد كان واخدهم يلعب بيهم كوتشينه).

ده طبعا غير التخابر مع دوله أجنبيه, وتلقيح الكلام في الفضائيات,
الراجل كان متهم بيها وتم تبرئته,
مثلا :
ألقي سعد الدين إبراهيم محاضرات في أمريكا عن الجيش المصري, ونفسيه الجندي المصري, وحاجات زي كده, ألا يعتبر هذا تخابر؟؟

وأخيرا :

مبروك تحويل إسمك من zalabia إلي زلابيا يا ZالاBيا



<!--EDIT|ElBashmohandez|Aug 22 2002, 04:35 PM-->

[زلابيا]

تشكر يا هندسه عقبالك :)

بس لو حضرتك قريت ما كتبته عن موضوع البطاقات الانتخابيه كنت عرفت انه بيلعب بيهم كونكان مش كوتشينه !!

سؤال يا جماعه يا ريت نفكر فيه .. ما فائدة بطاقات انتخابيه فاضيه فى يد اى واحد فينا !! مش لازم يخطف رجله يوديها القسم فى موسم الانتخابات !! ده اذا راح ينتخب يعنى .. انما بطاقات انتخابيه فاضيه طبعا مش مفروض توجد غير مع الاشاوس اللى بيحرسوا اللجان الانتخابيه وبيملوا الناس يكتبوا فيها ايه :lol: الظاهر اننا احنا نفسنا اتعودنا على الوضع ده لدرجة ان ما عداه يكون غريب ..

نيجى لنقطة التخابر اللى يصر عليها الجميع .. اخى العزيز .. قرات حكم المحكمه على الراجل؟ طيب عرفت التهم التى اتهم بها وحوكم من اجلها؟ بلاش اقولها انا يا ريت انت تراجع الموضوع وتشوف حوكم من اجل التخابر ولا ... :blush:

هو انت تقصد ايه بموضوع تلقيح الكلام ؟ عشان بس افهم و اعرف اناقش الامر ..
وحتى انت شخصيا بتقول كان متهم بشئ وتم تبرئته منه !! طيب هو المفروض يعمل فى روحه ايه طالما طلع برئ !! :woot:

وبتقول كمان
"
ألقي سعد الدين إبراهيم محاضرات في أمريكا عن الجيش المصري, ونفسيه الجندي المصري, وحاجات زي كده, ألا يعتبر هذا تخابر؟؟"

انت بتسالنا عن راينا !! طيب وراينا ده قيمته ايه اذا كان القانون لا يعتبر هذا تخابرا !! مره اخيره .. هو سعد الدين القى المحاضرات دى فى السر؟ يا جماعه ابسط قواعد التخابر من قصص ادهم صبرى اللى لحست نفوخ الواحد انه يكون فى السر .. مش هادى محاضره آخد بيها اعدام هوا ... :ohmy:

[الباشمهندز]

شوفي بقي يا زلابيا,
أنا كنت بكتب الكلام إللي فات ده من دماغي, أنما دلوقت أنا لسه سائل أبويا.

أبي سنه 85 أخد جايزه الكويت للعلوم, في نفس السنه الدكتور سعد أخد جائزه الكويت في الإجتماع.
تقابل أبي (بpكم كونه دكتور في جامعه القاهره, وكان رئيس لنادي أعضاء هيئه التدريس بالقاهره(, فكان له العديد من اللقاءات مع الدكتور سعد.

كان الدكتور سعد من الناشطين في موضوع الحريه, والمرأه, والإعتراض علي نظام الحكم (من حقه, وحق آي حد, وياريت الناس تفهم الكلام ده كويس).
قام الدكتور سعد الدين بإنشاء مركز إبن خلدون , كجمعيه أهليه.

منذ إتقافيه أوسلو, والدكتور من المهتمين جدا بـ "الحوار مع الآخر " , إللي هو إسرائيل طبعا.

أما عن المحاضره التي ألقاها, فقد ألقها في البنتاجون, كانت عنوانها "شخصيه الجندي المصري".
هتقولوا ليه المحكمه برئته منها "أنا مش متأكد إنه إتبرأ منها" لإنها مش قادره تصبت الكلام ده, إلا إذا أثبتت أنها ممكن تتجسس علي البنتاجون.


"انما بطاقات انتخابيه فاضيه طبعا مش مفروض توجد غير مع الاشاوس اللى بيحرسوا اللجان الانتخابيه وبيملوا الناس يكتبوا فيها ايه الظاهر اننا احنا نفسنا اتعودنا على الوضع ده لدرجة ان ما عداه يكون غريب"

أيوه يا زلابيا, أما واحد يبقي معاه بطاقه ولا ميه, إنما ألف بطاقه؟؟!!
بتوع مين يعني؟؟؟
وعلي فكره, هوا كان عامل مشروع بتاع إدراج النساء في قوائم الإنتخابات, ودي حاجه كويسه (الله أعلم بنيته ساعتها).

أما بقي عن بعض تهم التخابر الآخري, فهو أنه كان بيلم معلومات عن مصر (زي أعداد الأظفال, ونسب إللي ليه اناس في الجيش, وحاجات زي كده, ودي علي فكره حاجات مش بسيطه زي ما ممكن تكونوا متخيلين), والمعلومات دي بتروح رأسا إلي أمريكا.