صفحة الاحلام المشروعة

[النيـل]

حضنك حلم سيدتي
احتار المفسرون وقارئي الفنجان
في تفسيره


لكل انسان منا احلامه المشروعة والتي يتمنى ان يحققها....
فلنجعلها صفحة لاحلامنا المشروعة.....
وانا هابدأ ...
احلامي المشروعة

بحلـم بحضن يكـون صـادق
من بعد الغربة ..... مايطردنيش

بحلـم باليـل يكـون صديـق
ولـو طـال .... مـا يجرحنيش

بحلـم بغربـة تكون مبتسمـة
ولـوطالـت..... ما تطونيـش

بحلـم بصديق يكون صديـق
ولو طالت العشرة...مايكسرنيش

بحلـم بالصدق يملى الوشـوش
ولو طال عمر القلوب.. ماتغشنيش

بحلـم ببكـرة يكون صريـح
حتى ولو جه اجلى... ما يخبيش

بحلم بجنة الرحمن ولو مدخلتهاش
ربنـا برحمتـه مـا يعذبنيـش

بحلـم لمــا ينـزل دمعــي
ينـزل بس ... ما يفضحنيـش


دي احلامي المشروعة ... مش كدة برضه مشروعة ومن حقي انها تتحقق
ومستني احلامكم


تحياتي
النيـل:flowers:

[ماسة]

جميلة طبعا:flowers:
بس اخيرا لقيت حاجة اقولها بدل ما اقول حلو وامشي :lolly:
انا عندي حلم بيراودني بقالة فترة حاسة انة غريب بس مش مشكلة, بس مش زي احلامكم يا ادباتية(مش هتفلسف لأني بكل بساطة معرفش اكتب زي احلامكم انا اقرا بس:brb: )
(فين الحلم يا ستي؟:chair: )
خرجت برا الموضوع معلش :drop2:, انا باءة نفسي اصلي في الكعبة من جوا. فجاة باءة دة شغلي الشاغل وعمالة افكر لو دخلت الكعبة من جوا هحس باية؟:thinky:
ونفسي اشوف كل الكتاكيت الحلوين اللي هنا :inlove:
ونفسي انجح في حياتي بس دة حلم عند الجميع, ونفسي يكون عندي خفة روح ايات الجارحي العسل اوي :inlove: (مش بحسد والله B) )
واصل انا لو فتحت مش هقفل :D فكفاية كدا :flowers:

[yaayoo]

يا بختك بحلمك و نفسى اكون جواه

بحلـم بحضن يكـون صـادق
من بعد الغربة ..... مايطردنيش

اكيد بدال جواك الحب ليه عمره مايطردك دا هاتكونوا معبعض علىالغربة وهاتهون الغربة بدال مع بعض:rolleyes:

بحلـم باليـل يكـون صديـق
ولـو طـال .... مـا يجرحنيش

اكيد فى نهار مشرق مبتسم يملاك امل:flowers:

بحلـم بغربـة تكون مبتسمـة
ولـوطالـت..... ما تطونيـش

لما يكون معاك اللى تحبه ويحبك تخاف عليه ويخاف عليك مهما طالت غربتكم هاتكون اسعد ايام

بحلـم بصديق يكون صديـق
ولو طالت العشرة...مايكسرنيش

دى بقى عندك ولا ايه وبعدين دا انت حبايبك كتير :brb::tu:

بحلـم بالصدق يملى الوشـوش
ولو طال عمر القلوب.. ماتغشنيش

الصدق هو مفتاحك يوه بقى

عرفت خلاص:inlove::inlove:

بحلـم ببكـرة يكون صريـح
حتى ولو جه اجلى... ما يخبيش

مش تبقى صعبة دى؟:confused:
تفتكر تستحملها؟ -_-

دا ربنامن رحمته خباها علينا ....

بحلم بجنة الرحمن ولو مدخلتهاش
ربنـا برحمتـه مـا يعذبنيـش

كل احلامك بسيطة جميله ،،،،،

ولكنى أصدق شيئاً واحداً ،
أن مشاعرى الجريحة تنتظرك
لا لتنسى بها آلامها والأحزان،
ولا لتسبق بك الأحداث والأزمان،
ولكن لتعطيك بكل ما بها من قوة،
لتأخذ منك كل ما تحتاج اليه:
الحب- الرعاية- الأمان
:rolleyes::rolleyes:

قبلت التحدى:-"

نعم قبلت أن أتحدى معك ، ومن أجلك أى شىء
فأنا أثق فى حبك .... فى عقلك،
وبالأولى فى إيمانك بأن حلمك
ليس مجرد كلمات.
تسمعنى إياها لتنتزع بها مشاعرى و أحلامى.
ولكن علينا أن نبرهن للعالم
أن ما بدأناه سنكمله,رغم كل الإتهامات
قد نتعب......قد نضعف......قد نيأس,في بعض الأحيان,
ولكننا سندرك بعد حين أننا أصبحنا حقيقة,
حقيقة تتكلم.......بل تصرخ.....,
الحب.......الحلم......الإيمان.

:photo::photo:

في النهايه لابد أن نعترف أن الحب هو الطاقه الحقيقيه
التي يتحرك بها الإنسان.وأن لكل انسان الحق في ان يحلم,
وفي بعض الاحيان يكون الحلم ضرورة فى إستمرار الحياه
:luck::luck::luck::luck::luck:

خطيبتك :flowers::flowers:
يايو:D

[أرض الميعاد]

أخي الفاضل ... النيل
فكرة الموضوع رائعة ...
نابضه بالحياة

مليئة بتلك التي تعانق قلوبنا ليل نهار
( أحلامنا المشروعة )

حقق الله لك كل احلامك وامنياتك

عزيزتي ... يايو
اسعد الله قلبك الطاهر البريء

وفقكما الله

[روبى 2]

بحلم بضحكة تبقى طاقة نور في ضلمة
بحلم بسكة يبقى ليا فيها كلمة
بحلم بصوت .. من بين سكوت ..يطلع ..
وآخد م الحياة ميت ألف ضمَّة

بحلم بعصفور يوم يزقزق برة شباكي انا
بحلم بشمسي ف يوم تشقشق .. تيجي ومعاها الهنا
بحلم في يوم ما يجيني خوف
نفسي ف فرح من غير كسوف
نفسي امَّا أفرح .. ما اتشائمش واشيل هموم
واسأل في نفسي ...
ده هيبقى حالي كمان سنة؟؟؟

بحلم وبحلم .. بس قولي احكيلك ايه
بحلم بأمن يغطي عالم باللي فيه
بحلم بحضن يضمني واشتاق إليه
بحلم بنجمة ليل بتهدي قلبي ليه
بحلم بحب كبير لقلبي يلتقيه


الأحلام بالعبيط يا نيل ... بس ياريت بقى تقولنا المرة الجاية تتحقق ازاي :crazyy:

مش تحنِّسنا وتسيبنا وتمشي :chair::chair:

أخي النيل ..

حقق الله أحلامك وملأ بالسعادة أيامك :flowers:

[النيـل]

اختي العزيزة ماسة نوراة القهوة كلها ونوراة صفحتي كل مرة


يا جميل انت تقول اللي انت عايزة وقت اللي انت عايزة:)
ومحدش يقدر فين الحلم وانت خرجتي برة الموضوع
وده اسمه كلام برضه :chair:...

تحياتي واحترامي لك ولشخصك الكريم
وتقديري لاحلامك البسيطة والجميلة والرقيقة
ويا رب تحققي احلامك كلها وماتسيبيش منها ولا حلم
صغير ولا كبير..:pray:. بس بلاش حلم انك تصلي في الكعبة
من جوة:blink: ربنا يخليك....

وعايزك تفتحي وتقولي كل احلامك وفيه ايه لو حلمنا
احلامنا البريئة .:confused:...


تقبلي تحياتي واحترامي
النيـل:flowers:

[النيـل]

ما اجمل حلمك
يا بختك بحلمك و نفسى اكون جواه
وما اجملك من حلم جوايا
سكنتيني وصرتي كل احلامي

ولكنى أصدق شيئاً واحداً ،
أن مشاعرى الجريحة تنتظرك
لا لتنسى بها آلامها والأحزان،
ولا لتسبق بك الأحداث والأزمان،
ولكن لتعطيك بكل ما بها من قوة،
لتأخذ منك كل ما تحتاج اليه:
الحب- الرعاية- الأمان

انت بتجيبي الكلام ده منين:confused:

كلام جميل مقدرش اقول حاجة عنه:blink:

بكرة احلامنا تبقى حقيقة:)


قد نتعب......قد نضعف......قد نيأس,في بعض الأحيان,
ولكننا سندرك بعد حين أننا أصبحنا حقيقة,
حقيقة تتكلم.......بل تصرخ.....,
الحب.......الحلم......الإيمان.

يا رب:pray:

تحياتي يايو وتقديري وخالص اشواقي

خطيبك
النيـل:flowers:

[النيـل]

أخي الفاضل ... النيل
فكرة الموضوع رائعة ...
نابضه بالحياة
مليئة بتلك التي تعانق قلوبنا ليل نهار
( أحلامنا المشروعة )
حقق الله لك كل احلامك وامنياتك
عزيزتي ... يايو
اسعد الله قلبك الطاهر البريء
وفقكما الله

اختي الفاضلة ارض الميعاد تقديري لزيارتك ومرورك الجميل
والرائع ولكني لم اقرا احلامك اين هي ولا يا ترى تخفيها سرا

اختي الفاضلة
هي الاحلام نعيشها واحلام تعيشنا
وبكرة تجري الاحلام وراها الايام وتاخد الاحلام معاها

في انتظار احلامك

تقبلي تقديري واحترامي وتحياتي الخاصة

اخوك
النيـل:flowers:

[النيـل]

بحلم بضحكة تبقى طاقة نور في ضلمة
بحلم بسكة يبقى ليا فيها كلمة
بحلم بصوت .. من بين سكوت ..يطلع ..
وآخد م الحياة ميت ألف ضمَّة

بحلم بعصفور يوم يزقزق برة شباكي انا
بحلم بشمسي ف يوم تشقشق .. تيجي ومعاها الهنا
بحلم في يوم ما يجيني خوف
نفسي ف فرح من غير كسوف
نفسي امَّا أفرح .. ما اتشائمش واشيل هموم
واسأل في نفسي ...
ده هيبقى حالي كمان سنة؟؟؟

بحلم وبحلم .. بس قولي احكيلك ايه
بحلم بأمن يغطي عالم باللي فيه
بحلم بحضن يضمني واشتاق إليه
بحلم بنجمة ليل بتهدي قلبي ليه
بحلم بحب كبير لقلبي يلتقيه


اختي العزيزة روبي
يعني انت حالفة كل مرة انك تعقديني :crazyy:
طيب يا سيتي الكلام ده ماينفعش مشاركة ولا اقبله مشاركة
ده يا امي ينفع موضوع خاص ومستقل لجماله ولبراءته وعذوبته
اختي روبي جميلة هي احلامك ورائع هو اسلوبك وبسيطة
هي كلماتك ومعبرة هي مشاعرك التى استطيع ان اراها من خلال
حروفك ومفرداتك .....

تقبلي تحياتي واحترامي وتقديري لشخصك الجميل

النيـل:flowers:


الأحلام بالعبيط يا نيل ... بس ياريت بقى تقولنا المرة الجاية تتحقق ازاي

مش تحنِّسنا وتسيبنا وتمشي

طيب وانا عامل ايه ... :sniff: انا اتعلمت اول درس
الا هو ازاي اعرف احلم...؟؟؟:hang:
وبعد كدة اقول يا رب:pray:
ومغمضش عينيا واحلم انه اتحقق .:shutup:.. عشان هافتحها وهلاقي نفسي واقف مكاني:dead:

تحياتي واحترامي روبي

النيـل:flowers:

[محمد فارس]

النيل باشا

ماشاء الله عليك وعلى احلامك الجميلة00
احلامك هى هى احلامنا00
وهل فيه اجمل من كدا احلام00

افكارك دائما متجددة وكلماتك متدفقة وتعبيراتك سلسة 00
اتابع كل مشاركاتك وكلما هممت بالرد على احداها ، اجد لك مولودا جديدا فيأخذنى جماله وارجئ الرد 00وهكذا تجمع عندى كثير من الردود على موضوعاتك الجميلة 00ولى معها لقلء حين العودة ان شاء الله0

النيل
لك تحياتى
وكل حلم وانت بخير

[بنت الماضي]

احلام؟؟؟
ماهي كل دنيتنا احلام....
لوكانت احلمنا حقيقه
كنت حلمت بيوم ارجع فيه على بلدي
ارجع وابوس ارضي
ارجع واقول للغربه خلااااااااااااااااص
انا جيه يا بلدي ومش هتغرب عنك تاني
ادي حلمي
الحلم يا صاحبي مهوش ممنوع
الممنوع ان انت تحلم حتى في صحوك ...
فوق مالوهم ابني بإيدك
تبقى الاحلام واقع بتعيشه
يارب يارب يارب احلامك كووووووووووولها تتحقق

[أبوعرّام]

:dry:بعييييييييييينكم هيه سايبه وللا ايه:hang: