مسكين والله يابيه ( اخر كلام للمرحوم )

[موعوود]

مسكين والله يابيه

مسكين والله يابيه
والله يابيه مسكين
طب قوللي اعملك ايه
مازماننا ده بوشين
بهدلني وشقلب حالي
بعد ما ضيع راس مالي
إخيه يازمان إخيه
مسكين والله يابيه
.......................
امبارح كنت فتوه
فارد ع الناس عضلاتي
والكل بيدخل جوه
لوسمعوا حثيث خطواتي
دلوقتي ياعيني ياليلي
علي حالي دابت مناديلي
من كتر البكا عليه
مسكين والله يابيه
.................
ما ركبني خلاص العار
الله يلعن دي الحيره
دانا كنت سيد الدولار
بقيت انا عبد الليره
والعبد ذليل لل السيد
ملعون زمان العبيد
الله لا في يوم يعافيه
مسكين والله يابيه
......................
وبأعلي صوتي بانادي
يرحم سنيني العزيزه
ويرحم كمان أولادي
مليم وشلن وبريزه
ويرحمكم ياللي في بالي
طول ما ع الكرسي العالي
قاعد وفارد رجليه
عارفينه.. سعاده البيه
طب قولوا انا هااعمل ايه
قبري قربت ابنيه
من بكره راح اسكن فيه
وأمانه اكتبوا عليه
كان ابن عز ومجدع
سابنا في عذابنا وفلسع
والمرحوم اسمه جنيه
مسكين والله يابيه
........................

[ماسة]

الله يرحمة فعلا :sniff:
رائعة و احلى حاجة انها عامي, تحس انها قريبة من القلب:flowers:

[سلسبـيل]

قبري قربت ابنيه
من بكره راح اسكن فيه
وأمانه اكتبوا عليه
كان ابن عز ومجدع
سابنا في عذابنا وفلسع
والمرحوم اسمه جنيه

طب ليه قبرك تبنيه
مابإيدك تبني ف قصرك
وتعلِّي وتفرح بيه
وتخلي دولا خدامك
ويقوللك انت البيه
مش كده بقي صح كلامي
ماتقوللي ياعم جنيه

اخي العزيز موعود
تحياتي لك علي تعبيرك الصادق
الذي حفز قلمي علي كتابة ابيات قلائل
طبعا لن تكون علي مستوي ماكتبت انت من الجوده


وربنا يرحم عم جنيه او يبعثه من مرقده تاني :rip:

وكل عام وانت بخير

[موعوود]

كاتب الرسالة الأصلية : ماسة
الله يرحمة فعلا :sniff:
رائعة و احلى حاجة انها عامي, تحس انها قريبة من القلب:flowers:
الله يخليكي ياماسه
والبقيه في حياتنا ده لو كان لينا حياه:confused:
وبصراحه ربنا يكون في عون كل الغلابه:dead:

[موعوود]

كاتب الرسالة الأصلية : سلسبـيل

طب ليه قبرك تبنيه
مابإيدك تبني ف قصرك
وتعلِّي وتفرح بيه
وتخلي دولا خدامك
ويقوللك انت البيه
مش كده بقي صح كلامي
ماتقوللي ياعم جنيه
هو اللي يموت بيعود
ولا بيكون له وجود
وصاحبنا شبعان موت
جوه في قبره المسدود

اخي العزيز موعود
تحياتي لك علي تعبيرك الصادق
الذي حفز قلمي علي كتابة ابيات قلائل
احلي سلسبيل
ابياتك القلائل تعبر عت حلم امه في مسيس الحاجه الي تحقيق الحلم

وربنا يرحم عم جنيه او يبعثه من مرقده تاني :rip:
اهوه ده اللي مش ممكن ابدا
ولا يفكروا فيه

وكل عام وانت بخير

[أرض الميعاد]

:tu::tu::tu:
رائعة

وفقك الله

[موعوود]

الاديبه الجميله ارض الميعاد
شكرا لتشجيعكم

[رنـranimـيم]

قاعد وفارد رجليه
عارفينه.. سعاده البيه

:shutup::shutup:


مازماننا ده بوشين...

.بوشين دول مين هو احنا قدرنا على( بوش ) واحد لما باعت لنا بوشين....


ثم جنيه مين ده اللى انتم بتجيبوا فى سيرته اليومين دول ...ده تاريخ وانتهى تحطوه جنب رمسيس والمسلات والهرم .....مش حكايه خلصنا بقى.. هو انتم حتذلوهم ...كل شويه الجنيه الجنيه ...هو يعنى سى (عاصف ) ولا سى (البيه الكبير) كانوا يقصدوا ده مقدر ومكتوب وكل واحد يروح يشوف مصلحته احسن يزعلوا ..وهم لما بيزعلوا بيضايقوا ولما بيضيقوا بيخدو على خاطرهم
وانت عارف ان البنى ادم زى الانسان لما بيزعل بيضايق:brb::brb::brb::brb:

حمد لله على سلامتك ياموعوود...وحشنا كلامك الجميل



رنيـــــم

[روبى 2]

يا موعود يابني الضرب في الميت حرام ..

ده انا لسة كان طلعان عيني عشان اكتب في نعيه كلمتين عند حضرة العمدة هراس

:cry::cry::cry::cry::cry:

والله كان طيب وابن حلال

يالا بقى أما نشوف كدة هنعرف نكتبلو نعي هنا كمان ولا لأ

وأمانه اكتبوا عليه
كان ابن عز ومجدع
سابنا في عذابنا وفلسع
والمرحوم اسمه جنيه
مسكين والله يابيه

والله صدقت :cry::cry::cry:

احنا المفروض من دلوقتي نعقلقله يافطة مكتوب عليها

ارحمو عزيز قوم ذل

[موعوود]

كاتب الرسالة الأصلية : رنـranimـيم
[B][SIZE=3][COLOR=darkred]

[QUOTE].بوشين دول مين هو احنا قدرنا على( بوش ) واحد لما باعت لنا بوشين....
clap::clap::clap::clap::clap::clap::cla
ملعوبه وقويه

الصديقه العزيزه
اشكرد علي رسالتك اولا وعلي مداخلتك التي اعتقد ان كل من يكتب في اكتب عامي يكون بانتظارها الا وهي التحليل النفسي للدكتوره رنيم
اما من حيث الجنيه والبيه اللي فارد رجليه فربنا يرحم الأول
ويساعد رجلين التاني انها تستحمل وشوشنا اللي معاكساها ومانعاها تاخد راحتها
وربنا يجعله عامر
شكرا يارنيم وفي انتظار صحوة الامثال او موضوع مشابه بنفس الجمال
تحياتي

[موعوود]

كاتب الرسالة الأصلية : روبى 2
يا موعود يابني الضرب في الميت حرام ..

ده انا لسة كان طلعان عيني عشان اكتب في نعيه كلمتين عند حضرة العمدة هراس

بجد انا ماكنتش اعرف ان عمنا هراس منزل عن نفس الموضوع
:cry::cry::cry::cry::cry:


احنا المفروض من دلوقتي نعقلقله يافطة مكتوب عليها

ارحمو عزيز قوم ذل
ممكن لو سمحتي اعدل اليافطه
ارحموا قوم عزيز ذلوا
شكرا استاذتنا المبدعه علي مداخلتك واحييكي علي موقفك المشرف

[محمد فارس]

عمنا موعود
حمداً لله على السلامة وكل عام وانتم بخير0
وحشتنا بجد ومشتاقين لأشعارك الجميلة 00
وخد المداخلة البسيطة دى
000

عيان00مرضان00 مسكين
إدّوه ريفو 000واســكين
جاتله الرَعشـة 00واسهال
قالوا الكَـوىِ بســــكين

الكوى مجبش نتيجة
وجنيهنا راح ولا إيجا
وعلشان يرجع من تانى
راح نعمل له 00تحويجة

تحويجة معاها حجاب
م اللى اخد 00ولا جاب
من كاتم للأنفاس
عواجيز كانوا وشباب

واتحـوّج سيدى جنيه
ولا قال حاضر ولا إيه
بقى يرقع عالى بصوته
مسكين والله يابيه

[موعوود]

كاتب الرسالة الأصلية : هراس

[QUOTE]عيان00مرضان00 مسكين
إدّوه ريفو 000واســكين
جاتله الرَعشـة 00واسهال
قالوا الكَـوىِ بســــكين
عيان 00 مرضان00 مسكين
بقي حالنا00 هباب 00 وطين
ولاأي مسكن 0000 نافع
غير الدبح 0000 بسكين
0000000000000000
الكوي00 احنا اتكوينا
ولاحدش00 سمي علينا
ياجنيه00 مانتاش مسكين
والله000 احنا المساكينا
00000000000000000000
عمنا الكبير
انا راجع كسلان ومحتاج للي ينشطني فشد حيلك ومتتأخرش علي بمداخلاتك
تحياتي يا صديقي

[موعوود]

:lolly::lolly::lolly::lolly::lolly::lolly::lolly:: lolly::lolly:
:lolly::lolly::lolly::lolly::lolly::lolly::lolly:: lolly::lolly:
ماكنتش اعرف ان الموضوع اتثبت
يبدو انني موعود بالمساكين:55:
فاول موضوع تم تثبيته كان المسكين
والثاني هو مسكين والله يابيه
مفاجأه ساره لي:D
شكرا هريدي:flowers: