ادى يدّى .. [الأرشيف]

عائدة الى الله

01-31-2004, 03:33 AM

ادى يدّى
خدها و امسك فيها
بس اوعى تفارقها تانى
فى يوم تحدى
ادى يدّى
بس اوعى تنكر جميلها
تعضها
و اندم و أقول
اوعاكى تانى
لاخوكى تتمدى
ادى يدّى
اللى ياما بكيت عشانك:drop2:
اللى جريت وراها
يوم ما ذنبك شانك
و اللى استهترت بيها
يوم ما سحب
ايدك شطانك:devil:
ادى يدّى
اللى سهمك
صاب عروقها:dead:
اللى ماحفظتش حقوقها
اللى غرقت
و سبت طوقها
و انت سابح فى بحر عالى
ادى يدّى
بمدها لايدك
و الجرح الغاير
بس قلبى من فرحته
برجوعها طاير
و العين بتدمع
و العقل حاير
ادى يدّى
خدها دة انت محتاجها
جنبك فى الطريق
و لو انت اضعف منى
بس محتاجك صديق
محتاج اشوفك
تتحدى موجك
دة انا قلبى بيتوجع
يوم ما بيشوفك غريق
امسكها أول
و امسكها تانى
دة انا عمرى
ما كنت في يوم انانى
ادى يدّى
و خلى يدك ممدودة ليها
دة بكرة يجى يوم
احتاجها
و اتسنّد عليها

النيـل

01-31-2004, 03:58 AM

الله الله على معانيها وجمالها
الله على كل حرف كتبته ...
بجد معاني وفكرة في منتهى الروعة
وقد ايه بالفعل الواحد محتاج لصديق
ومحتاج يد المساعدة وهو في اضيق طريق

ادى يدّى
خدها دة انت محتاجها
جنبك فى الطريق
و لو انت اضعف منى
بس محتاجك صديق
محتاج اشوفك
تتحدى موجك
دة انا قلبى بيتوجع
يوم ما بيشوفك غريق
امسكها أول
و امسكها تانى
دة انا عمرى
ما كنت في يوم انانى
ادى يدّى
و خلى يدك ممدودة ليها
دة بكرة يجى يوم
احتاجها
و اتسنّد عليها

عجبتني جدا النهاية وعجبني جدا كمية
المشاعر والاحاسيس المتدفقة من كلام
منبعة القلب والاحساس....
تحياتي وتقديري اختي عائدة الى الله

اخوك
النيـل:flowers:

عائدة الى الله

01-31-2004, 04:17 AM

اخى النيل
بما اننا فى قسم اكتب عامى

اسمح لى اكلمك بالعامى:

ربنا يفتح نفسك

كفاية بس جملة"الله الله على معانيها و جمالها"
ربنا يجبر بخاطرتك

لا بجد متشكرة جدا على كلماتك:flowers:

و بالنسبة للنهاية
دى اخدت منى وقت طويل عشان اكتبها لانى ما كنتش عارفة اختم بايه
و لقيت انسب حاجة انى اختم بانى اقول انى هاحتاج لغيرى بردو لان دى العلاقة الطبيعية حتى لا يبدو اننى امنّ على الاخرين بمساعدتى لهم او اننى اقوى منهم و لست فى حاجة اليهم

و اتمنى ان اكون دوما عند حسن ظن حضرتك
و شكرا:flowers:

النيـل

01-31-2004, 04:18 AM

عدت تاني بمقترح بسيط
ايه رأيك لو قولنا مثلا
ادى يدّى
خدها دة انت محتاجها
جنبك فى الطريق
و لو انت اضعف منى
بس محتاجك صديق

ادي ايدي
خدها دانت محتاجها
جنبك في الطريق
ولو انا اضعف منك
بس محتاج لصديق

قصدي انه ولو انت اضعف من اللي بتساعديه
بس برضه هايكون كفاية انه يحس انه في صديق
جنبه وبيمدله ايديه....
وهذة رؤيتي الخاصة وتقبلي تحياتي
النيـل:flowers:

عائدة الى الله

01-31-2004, 05:20 AM

اخى النيل
هى فكرتك حلوة

بس هو اللى حصل
انى عكست تجربة شخصية
دة اللى خلانى اقول" لو انت اضعف منى بس محتاجك صديق"

كانت صديقة ليا عزيزة اوى و ضلت ربنا يهديها
و قطعت علاقتها بيا
و كنت اتمنى انها تفضل معايا حتى لو كانت ضعفت و كانت اضعف منى
بس بردو حسيت بفراغ بعدها
بس هى اللى اختارت انها تقطع كل علاقة بيا لانى اصبحت لا اناسبها

هيييييه دنيا الواحد قلب على نفسه المواجع:sniff:

بس فكرتك موفقة بردو
و شكرا على اهتمامك
و ادعو لها بالهداية

النيـل

02-01-2004, 03:14 AM

اختي عائدة وجهة نظرك ايضا صحيحة وخصوصا انت وضحتيها اكتر في النهاية .....
و خلى يدك ممدودة ليها
دة بكرة يجى يوم
احتاجها
و اتسنّد عليها

تقبلي خالص تقديري واحترامي
وجميلة جدا صدقيني ...

اخوك
النيـل:flowers: